فضــــفـــضـــــات ... من القـــلــــب للقـــلــــب ... جاكوزي المحاورات

[mekkawy]

السلامو عليكو

لي عوده بإذن الله ,,

اعذروني انا قولت أجي افكر هنا بصوت عالي وسطكم .. ويارب مكونش ضايقت حد

أهلاً بعمدة العومد اللي منور الجاكوزى .. و يا باشا الجاكوزي معمول عشان اللي انت قولته ده .. فكدة تمام و لا اعتذارات ولا حاجة .. اخنقنا انت بس كل يوم

الصراحة مش قادر أقول بعد الفاضلة لماضة و الفاضلة ضحى .. همن كفوا و وفوا .. بس خليني أقولك كام نقطة كدة قواعد مختصرة و مفيدة إن شاء الله:

1 - أن الله ما منع عنك إلا ليسمع صوتك تدعوه بالرزق و السعة و الفرج و الراحة

2 - أن الله ما كان ليبتليك إلا ليعلمك برضاه عنك .. حيث أنه (يبتلى المرء على قدر دينه) و أيضاً ( أكثر الناس بلاء الأنبياء ثم الصالحون فالأمثل فالأمثل)

3 - لما تلاقي الدنيا بيس و حلوة و مفيش مشاكل .. هو ده اللي يكئبك و بقلقك و يخوفك .. لأن الدنيا سجن المؤمن و جنة الكافر

4 - لو ربنا ما كانش بيحبك و عاوزك ليه مكنش جابك من شرم الشيخ للسعودية و لمصر تاني .. عشان يعرفك الفرق في قربك منه و بعدك عنه.

5 - ربنا يا عماد أرحم بكتيييير من إنه يعاقبك و يغضب عليك .. عملت ايه يعني انت .. قتلت ؟؟ أكيد لأ .. أكيد انت مش أسوأ من اللي قتل 99 نفس و ربك رحمه.

6 - (الم. أحسب الناس أن يتركوا أن يقولوا آمنا وهم لايُفتنون ) ـــــــــــ (أم حسبتم أن تدخلوا الجنة و لما يعلم الله الذين جاهدوا منكم و يعلم الصابرين)

7 - تعالى بأة يا عم جنبي هنا و خلينا نضرب غطسين يفكوا الوش الزعلان اللي على وشك ده ... و اسفين ع القهوة اللي من غير مية يا باشا .. الواد لسة جديد

مكاوى

[mekkawy]

عارفين يا ولاة

نفسي أرجع أنزل ألعب في الشارع .. نفسي أرجع عيل صغير تاني يعني .. أروح لعم على الحداد (هو اسمه كدة) أجيب من عنده غاب و دوبارة عشان اعمل طيارة .. و أروح مكتبة بمبم أجيب الورق الجلاد اللي هأغطي بيه الطيارة و أقعد مع العيال الجيران على بسطة السلم نلزق في الطيارة اللي عمرها ما كملت أصلاً .. بس هي متعتها مش بس انها تكمل .. لأ .. متعتها إنك تعملها أصلاً و تعيش جوها .. كل حاجة كانت ريحتها حلوة .. طبيعية .. مش دنهل و باكورابان و هوجو .. لأ لأ .. سيبوكوا من المدنية المفرطة دي .. الشارع كانت رحيته عيش سخن من الفرن البلدي و فرنين الفينو .. كانت ريحته طعمية عم عثمان أم خلطة رهيبة .. كانت ريحته التموين من عند عم سلامة .. كانت ريحته بلاط معتق من مصنع البلاط الصغير اللي في البيت اللي قصادنا .. و الله كانت ريحة حلوة

دلوقتي .. عوادم عربيات .. عطور رقية و غربية .. بخورات .. ورق .. طباعة .. كارتيدج ... موبيلات .. يااااااه ... اخس على كدة .. فين ريحة زمان و عبق زمان و احاسيس زمان

مكاوى

[صافى]

معلش يا عم ولا يهمك الكيبووورد دايما غلاط المهم بقا جهزولنا المغطس عشان قربنا نيجى وياترى يا مكاااوى فية قسم للاطفال

عاوزينة كدة حلو ومحندق عشان نرتاح من زنهم شوية ويدوب يجو ينامو على طول خلى الواحد يفك شوية من الهم الى هو فية مطولش عليك سلامى لسلمى وام سلمى

[mekkawy]

معلش يا عم ولا يهمك الكيبووورد دايما غلاط المهم بقا جهزولنا المغطس عشان قربنا نيجى وياترى يا مكاااوى فية قسم للاطفال

عاوزينة كدة حلو ومحندق عشان نرتاح من زنهم شوية ويدوب يجو ينامو على طول خلى الواحد يفك شوية من الهم الى هو فية مطولش عليك سلامى لسلمى وام سلمى

جهزولنا .. نيجي .. ايه ده ايه صيغة الجمع دي .. لا لا انسوا .. انتوا تنزلوا من العربية و كل واحد على بابه .. الحريم على باب الحريم و الرجالة على باب الرجالة .. ممكن تدفعوا اكسترا بيد و نديلكمك غرفة عجاكوزي عائلي :rolleyes: .. ها قولتي ايه ؟؟

شفتي أنا طيب ازاي ؟

لو حابين بريفسي أكتر في الخصوصية يعني .. احنا ممكن ناخد العيال منكوا العيل في الساعة بخمسين ريال .. و العيال دي هتطلع الدور التاني عند مس لماضة .. هااااا .. تختاري العيال يقعدوا مع لماضة ولا تخليهم معاكي أحسن ؟؟

عندنا كل الفاسيليتيز في التسهيلات ان شاء الله اللي هتخليكم تفكوا و ترتاحوا و تنسوا كل الهموم

سخني يلا يا أوسة (سلمى بنتي) المية لعمتك صافي و اغليها للحلوين ولادها عشان يروحوا يناموا على طول :rolleyes:

مع السلام عليكم

مكاوى ..

[hOuSsAm]

مكاوى

أبشر طال عمرك :lol:

كنت لسه بدور لواحد صحبى دلوقتى على شقة عشان ولاده جاين وملقناش :sad:

انا فعلا زعلان ومتضايق اوى حسيت ان البلد اد ايه مخنوقة

بس عالعموم لا تقلق بيبنوا منطقة عشش جديدة عالبحر زى نظام راس البر القديم هبقى اشوفك بعشة كدة wst:: وهملاها بطاطين تحتها حجات wst:: ....... هتتبسط اخر حاجة وأهو منك للبحر يا سيدى واهو ممكن تموت غريق وتبقى شهيد (نتقابل بقى فى الجنة)

دى بعد وسايط وكلمتلك الامارة وكله فى الاوكيه

اقولك

فيه عمارات كتيرة كانت تحت الانشاء اهدى على نفسك كدة كدة كام سنة عندك تكون كونت نفسك وتبقى تيجى تاخدلك شقة وخلاص :lol:

هيطلع عينك لحد متلاقى شقة

بس نقول ايه..... لومشلتكش الارض يشيلك السرير بتاعى :happy:

[عماد حمدي]

السلام عليكم

الأول أنا بشكر أختنا الغالية لماضة والأخت ضحي و مكاوي ع نصايحهم دي ..

بس تصدقوا انا الصبح بقرا اللي كتبته قولت أنا اية اللي هببته دا .. فيه حد يكتب كدا ع العام قدام الناس كلها ..

بس أفتكرت ان كلنا هنا إخوات والجاكوزي دا معمول للفضفضة بس يمكن انا زودتها شويتين .. فمش مشكلة أتصيحت وخلاص >>

انا ولا قتلت ولا حاجة بس من صغري وانا أي حاجة غلط بعملها بتلقيني باخد جزائي من ربنا في ساعتها او بعدها بيومين بالكتير ..

ياعني انا لو حكيت أنا عملت اية هنا بشرم الشيخ .. عندي ثقة ان فية ناس هنا ممكن تديني بالبونية في وشي ..

مش لكبر الحاجات اللي عملتها .. لأ أقصد لصغرها بس بالنسبة ليا بعتبرها غلط وحرام جدا ً ..

انا بالعكس فرحان جدا ً جدا ً جدا ً ان روحت السعودية ومش ندمان أبدا ً لاني بعتبرها رحلة من غيرها مكنتش كتبت دلوقتي

ورجعت لربنا أقوي من الأول .. بعتبرها كانت إنذار وتنبيه ليا .. فوق أصحي قرب لربنا كمان يا عماد ..

الحمد لله رب العالمين انا مواظب ع الصلاه بس مش عارف جت فترة أهملتها إهمال تام .. ومن بعدها تقريبا ً حسيت بالإحساس دا .

أهلي هنا بالرغم من اللي انا فيه دا سبحان الله فرحانين !! بابا يقولي دا كدا انتة ربنا بيحبك ..

لما ربنا يغضب ع حد بيرزقة من حرام الرزق دا بقا أنواع مش شرط المال بس .. ولما يشتد غضبة يبارك له في هذا الرزق ..

والمؤمن دائما ً مصاب ,, ودا تكفير للذنوب ..

بس انا كل مشكلتي تكمن في الأتي التفرقة ما بين هل هذا إبتلاء من ربنا أم هذا عقاب ؟؟

الإبتلاء يأتي للمؤمن كي يختبرة الله ع صبرة ومنهم الصحابة وأمثالهم ..

اما العقاب فدا للإنسان العاصي ..

طيب انا من فيهم .. هتجن والفكرة دي بحاول أشيلها من دماغي فعلا ً مش قادر ..

ياعني والله العظيم بحاول ألهي نفسي بكذا حاجة كدا علشان الفكرة دي تروح مش قادر دا حتي وانا نايم بتجيلي في الحلم ..

أقسم بالله العلي العظيم .. اليوم صحيت وحلمت حلم غريب " والدتي جاتني بالحلم وقالت يا عماد قرب لربنا ..

مش عيب نكون كبار ونعترف بخطئنا توب لربنا أرجع لربنا "

صحيت صليت وقفلت ع نفسي الأوضة وقعدت أكلم نفسي انا بعمل اية دلوقتي بغضبك يارب ..

بيبقي عندي يقين داخلي ان لو رجعت للمعاصي دي تاني ربنا هيفرجها عليا !!!

بس بستحمل وع قد إستحمالي دا ع قد ما ذنوبي بتتحول لحسانت زي قالت ضحي ..

برجع أقرا المشاركة دي من أول وجديد بلاقي تناقض تام .. بس هسيبها زي ما هيا كدة ..

فعلا ً انا محتاج دكتور نفسي أي والله ..

ع أي حال مش عايز أدوشكم معايا .. وكفاية ان كل واحد منكم تعب نفسة واخد من وقتة وكتب لي مشاركته هنا ..

بجد مش عارف أقولكم اية .. بجد ربنا يخليكم ويجازيكم كل خير .. :happy:

هرجلعكم تاني إن شاء الله ..

عماد " منه لله اللي سماني عماد "

[hOuSsAm]

عماد

شكلك كدة محتاج تقعد على كرسى الاعتراف عشان تفضفض وترتاح

الكرسى دلوقتى خالى واظن ان الاخت ضحى خلصت واتكهربت خلاص

بجد ده الوقت المناسب ليك تقعد عالكرسى (وصدقنى هترتاح عالاخر :happy: )

ورضوى هتجيبلك موز بلبن وهتدلع

انت عارف معزتك عندى اد ايه وعشان كدة بنصحك بالكرسى (ده انت حبيبى من ايام ميت حضر والاوراكل ) :lol:

الزملاء ميكاوى .... اغابى ... لماضة ..... المستشار ...... شيكو ......رضوى ....... طبعا ضحى هى صاحبة المكان وصاحبة الراى (بس هى مشغولة اليومين دول فى الشنط)

يارب مكنش نسيت حد

هنرشح عمدة للكرسى عشان بجد هو محتاج يفضفض وعشان يبقى رايح ابو ظبى ومفيش فى نفسه حاجة

بالتوفيق يا عمدة :lol:

[عماد حمدي]

هنرشح عمدة للكرسى عشان بجد هو محتاج يفضفض وعشان يبقى رايح ابو ظبى ومفيش فى نفسه حاجة

بالتوفيق يا عمدة :lol:

انته حبيبي يا حسام ..

والله فعلا ً انا مش عايز اسافر خالص غير لما أقفل كشف الحساب بتاع نفسي .. وأنتهي خالص منه

وأشوف كان ليا إية وعليا إية .. وبعد كدة أرمي الكشف دا ورا ضهري ..

علشاااااااااااااان أسافر وأنا فعلا ً مرتاح ..

شكرا ً يا حسام .. وهروح أبص بصة كدة ع كرسي الإعتراف .. :happy:

دعواتكم لنا جميعا ً بالتوفيق ,,

عماد

[صافى]

:lol: ايييييييييية ياعم حاسب حاسب انا قلت انك كريم وابن بلد كدة تقوم تقولى خميسن ريال على العيل طب دانا قلت هتاخد مننا انا وجوزى 5 ريال بس كل واحدمنا wst::

والعيال فوق البيعة طب والنبى لما تاخد خمسين ريال على كل واحد هنلحق امتى نحوش ونعمل الجرشينات وننزل بشوال الفلوس :lol: دا على كدة الى هنحوشة هندفعو فى الجاكوزى بتاعكو لا يا سيدى يفتح اللة مع انى يا خسارة كان نفسى اودى العيال عند مس لماضة عشان تعلمهم ازاى يتلمضو اكتر ما هما ويعرفو يعيشو فى البلد دى ويا خدو حققهم بس انت كدة هتخلينا نصرف نظر ونخليهم يزنو وبعدين يا قلبك يا اخى معقول تخلى الامورة الصغيرةسلمى هى الى تسخن المية يعنى مش خايف عليها لا يا سيدى انا ما ارضهاش وبعدين تعالى هنا عاوزها كمان تغلى المية للعيال دا انت بقا عاوزهم ينامو على طوووووول وتقول على نفسك طيب لا يا عم يفتح اللة اما اشوفلى جاكوزى تانى غير بتاعكم ما يضيعليش العيلين الى خرجنا بيهم من الدنيا يلا سلام يا اخوياتصبحو على خير :happy: :sad: wst:: md2:

[نوارة]

اخبار الجاكوزى جميلة مبررررررررروووووووك :P والروائح ذكية ...ممكن استاذنكم اطلع عند الاخت لماضة شوية واجرب اخبار الجاكوزى عندكم اية ولو عجبنى ...ح اجى كتيييير....بس بشرط تعلمونى اللماضة ودى مهمة الاخت لماضة وكمان السباحة...وكمان المية تكون سخنة قوىىى والبخار عالى جدا....ممكن تنفذوا لية الشروط دى قبل ماطلع علشان بجد خايفة.....من المية السخنة :wub: هو انا عملة بطلة....والخقيقة انى بخاف

قوىىى من المية وخصوصا wst:: السخنة

نوارة :D

[mekkawy]

ايييييييييية ياعم حاسب حاسب انا قلت انك كريم وابن بلد كدة تقوم تقولى خميسن ريال على العيل طب دانا قلت هتاخد مننا انا وجوزى 5 ريال بس كل واحدمنا :lol:

والعيال فوق البيعة طب والنبى لما تاخد خمسين ريال على كل واحد هنلحق امتى نحوش ونعمل الجرشينات وننزل بشوال الفلوس دا على كدة الى هنحوشة هندفعو فى الجاكوزى بتاعكو لا يا سيدى يفتح اللة مع انى يا خسارة كان نفسى اودى العيال عند مس لماضة عشان تعلمهم ازاى يتلمضو اكتر ما هما ويعرفو يعيشو فى البلد دى ويا خدو حققهم بس انت كدة هتخلينا نصرف نظر ونخليهم يزنو وبعدين يا قلبك يا اخى معقول تخلى الامورة الصغيرةسلمى هى الى تسخن المية يعنى مش خايف عليها لا يا سيدى انا ما ارضهاش وبعدين تعالى هنا عاوزها كمان تغلى المية للعيال دا انت بقا عاوزهم ينامو على طوووووول وتقول على نفسك طيب لا يا عم يفتح اللة اما اشوفلى جاكوزى تانى غير بتاعكم ما يضيعليش العيلين الى خرجنا بيهم من الدنيا يلا سلام يا اخوياتصبحو على خير :lol: mfb:

ايه بس اللي مزعلك

و الله ما كنت هاخد عليكي ولا على سي الأستاذ ريال واحد .. و بعدين فلوس العيال دي عشان قعدتهم مع مس لماضة .. و القعدة دي ما تتوزنش بال.. بال.. بالبتنجان خالص!!

طيب بس متزعلوش و الله ما تزعلوا .. هنعملكم خصم 614 في المية .. و هنخلي الأوسة ما تغليش المية عشان الولاد ما يتلسعوش ربنا يبارك فيهم و يحفظهم .. يلا طوشي بأة حضرتك في طوشت البنات و ابعتيلنا سي الأستاذ عشان يطوش معانا في طوشت الشباب.

بالتوفيق و إلى فضفضات سعيدة .. و لو تحبي عندنا أوبشن تسجيل اعترافات و فضفضات الزوج .. الأوبشن ده بنقدموا للغالي بس و الله .. تحبي تخلصي عليه .. تدبحيه ... تغليه ... براحتك بس الأول تسمعي التسجيلات .. الأوبشن ده أول مرة مجاني .. تاني مرة الشريط بـ 20 ريال ... لو عجبتك الاعترافات لأول مرة و شايفة إن أبو العيال يستحق يكمل هنكمل معاكي

ها قولتي ايه ؟؟

مكاوى ..

[mekkawy]

اخبار الجاكوزى جميلة مبررررررررروووووووك والروائح ذكية ...ممكن استاذنكم اطلع عند الاخت لماضة شوية واجرب اخبار الجاكوزى عندكم اية ولو عجبنى ...ح اجى كتيييير....بس بشرط تعلمونى اللماضة ودى مهمة الاخت لماضة وكمان السباحة...وكمان المية تكون سخنة قوىىى والبخار عالى جدا....ممكن تنفذوا لية الشروط دى قبل ماطلع علشان بجد خايفة.....من المية السخنة هو انا عملة بطلة....والخقيقة انى بخاف

قوىىى من المية وخصوصا السخنة

نوارة

نداء الى الأستاذة لماضة .. الأستاذة لماضة تحضر إلى مكتب إدارة الجاكوزي فوراً .. و قد كان الحوار التالي:

مس لماضة: أفندم يا أستاذ مكاوى يا كايدهم

إدارة الجاكوزي: حضرتك في زبونة اسمها نوارة عاوز تطلعلك الدور التاني

مس لماضة: يا مراحب يا مراحب يا جوفة مراحب

إدارة الجاكوزي: شوفي دي شكلها انسانة مثقفة كدة ولا فنانة ولا ايه مش عارف .. عاوزينك تفرمتيها و تنزل من فوق على بيتهم عدل

مس لماضة: طب و دي نتبع معاها خطة ايه

إدارة الجاكوزي: عادي شوفي 4-4-2 أو خطة حمادة في التلاجة ... أو مثلاً تقدري تجربي أبي فوق الشجرة

مس لماضة: لا لا أبي فوق الشجرة كتير عليها .. إحنا نتبع معاها أسلوب الرفيق عجيبوف المفتريوف اللي عملناه قبل كدة مع الرفيقة ضحيوف

إدارة الجاكوزي: خلاص يلا عالبركة .. بالتوفيق و يجعله عامر .. اه من حق صحيح

مس لماضة: خير يا أستاذ مكاوى يا فارسهم

إدارة الجاكوزي: خلي المية على 160 بس بلاش 200 عشان هي بتخاف من المية السخنة ... 160 سليوزسوف يا رفيقة مس لماضة مش فهرنهايتوف

مس لماضة: علم و سينفذ على أسخن وجه

إدارة الجاكوزي: بلا أدني شك في قدراتك أيتها الرفيق لماضوف

مكاوى ... مكاويوف

[صافى]

كويس كدة انا اصلا ما بحبش البتنجان ولا حد مننا خالص كدة بقا نبقى وفرنا مش لازم العيال تسحم فى الشا كوزى اناعندى كوزى فى البيت ابقى اسحمهم فية والا اجيب لهم طشت يطشطشو فية زى مهما عاوزين اما بقا عن الخدمة بتاعة التسجيل اللة عليك وعلى افكارك دا شى جميل خالص بس المهم تسجل كل حاجة من طق طق لسلامو عليكو وياريت ما تنفذش اى عقوبات الا اما اسمع كام تسجيل كدة عشان طبعا اقدر ادفعلك الحساب انت عارف انا من غيرة ولا هقدر ادفع ولا هقدر حتى اكل ولا اشرب وبعدين افكر بعد كدة اكمل التسجيل والا نكمل ........وممكن يعنى....يعنى ....يعنى كدة اسمع التسجيل الاولانىوياريت يكون فية كل حاجة يعنى قعدة كدة بتاعة ساعة ساعتين عشان يخرج كل الى جوااةواستغنى عن الباقى بما ان الاولانى مجانا وليك جزيلا الشكر من اختك الكبيرة وممكن ابقى افتكرك بسبحة ومصلية كدة طبعاااااااااااااااالما نرجع مصر ودا فى علم الغيب طبعااااا سلامى لاوسة

[mekkawy]

من عنيا الجوز و منخيري اللوز

اعتبري الأستاذ اعترف خلاص و التسجيلات في الدرج الأولاني عند حضرتك في الشيفوميرة

السبحة و المصلية بأة حضرتك أنا ممكن أخدهم منك في الملز أو في في المنصورة اللي جنب غبيرة دي ... ده في الرياض

و في النسيم أو الشاطي في جدة

و لو في مكة يبا في الحرم بأة

و إن كنت أفضل حلة محشى عشان السبحة بدعة

مكاوى

[نوارة]

مس لماضة: لا لا أبي فوق الشجرة كتير عليها .. إحنا نتبع معاها أسلوب الرفيق عجيبوف المفتريوف اللي عملناه قبل كدة مع الرفيقة ضحيوف

مس لماضة: خير يا أستاذ مكاوى يا فارسهم

إدارة الجاكوزي: خلي المية على 160 بس بلاش 200 عشان هي بتخاف من المية السخنة ... 160 سليوزسوف يا رفيقة مس لماضة مش فهرنهايتوفيا

ياماااااااما :sad: ...ياماااااااما. :) ....ياماااااما ha) ....هو انا جيت علط ولا اية؟ ....هو دة..؟جاكوزى رايا وسكينة ولا اية؟؟؟؟؟؟؟؟

....لا لا لا انا خايفة ....هى ناقصة .... ياربى... ماية سخنة وخطة حمادة فى الثلاجة ....وكمان ....ابى فوق الشجرة ...طيب...طيب ..استخبة انا فين دلوقتى بأة....

اتورط اتورط

اعمل اية لازم

:blink: لازم...لازم اشغل

داموغى اه ه ه ه ه يادموغى

العطلان خايفة خايفة خايفة سبونى اهرب سبونى اهرب بسرعة حد يساعدنى على :D الهههههههههههووووووررررروب

نوارة مزنوق

[doha]

بس انا كل مشكلتي تكمن في الأتي التفرقة ما بين هل هذا إبتلاء من ربنا أم هذا عقاب ؟؟

يعني بالعقل كده .. ان كانت العقوبه بتنزل في الدنيا يبقى لزمته ايه الحساب يوم القيامه ؟ هو في سجن قبل مايبقى في محاكمة ؟؟؟

مفيش حاجه اسمها عقاب في الدنيا .. الدنيا مش دار جزاء وانما دار ابتلاء ..

حتى لو عملت الي مايعمل مينفعش تتحاسب عليه في الدنيا او تتعاقب عليه .. لازم الاول تموت وبعدين تسأل وتحاسب بعدين تاخذ جزائك سواء بقى كان جزاء خير او لا قدر الله شر ..

الشيطان بيوسوس لك جامد جدا على فكره ومضخم لك الامور باكبر من حجمها .. وعلى فكره برضه وعشان اريحك اكتر لو ذنوبك كبيرة بجد وحاجه تخض زي ماممكن البعض يتصور مكانش ضميرك وجعك كده ومكنتش بقيت خايف من نتائجها كده .. مبيندمش بسهوله غير الي اصلا ذنبه صغير .. ومبيخافش من العقاب غير الي لسه قلبه فيه بياض ولسه فيه امل .. الذنوب بتنكت القلب نقطه سوده مكان كل ذنب .. ومع توالي الذنوب وعظمها خلاص بيتحول القلب كله للسواد وبيموت ويبقى خلاص مفيش منه امل .. طالما لسه قلبك شغال وبيتعبك وطالما لسه ضميرك صاحي وبيأنبك يبقى لسه في امل ويبقى الحمد لله منتش محتاج توضح او تبرر وتقول انا معملتش حاجه كبيرة ..

الي يهمك دلوقت مش ان الذنب كبير او صغير الي يهمك ان ربنا غفور رحيم .. وانه زي ماابتلاك بانه اتاح لك معصيته وانت ضعفت وعصيت فهو سبحانه رجع تاني ابتلاك بمشاكل متعاقبة عشان يكون لك رصيد من الحسنات تغطي على اي سيئات تانيه .. واكتفى بكده ؟ لاه سبحانه من عليك كمان بانه خلاك ترجع تفكر وتندم اني يارب كسبت ده من حرام او ظلمت ده او اذيت ده فندمك ده في حد ذاته واستغفارك على اخطائك حول لك سيئاتك بامر الله لحسنات فبقى عندك ضعف ماكنت محتاج .. حسنات نازلة بترف عليك من يمين ومن شمال يعني من الآخر انت دلوقت .. مش ملاحق ..

========

مكاوي ..

انا شايفه فلوس واشتراكات وحاجات كده بتعدي من قدامي .. بالنص يامكاوي .. انا بقول اهوه ياكده ياالمفتاح الانجليزي في ايدي وهقلب لكم الجاكوزي ضلمه ..

[صافى]

طيب ياعم تشكر قوى على الاستجابة السريعةفى التسجيلات والحمد للة احب اطمنكم ان الراجل طلع سليم من مجميعة وانا كنت باينى ظلماة ربنا بقا يسمحنى عشان شكيت فية مهو الانسان ياما بيغلط بقا :lol: المهم يا عم ميكى قصدى مكااااوى انا طبعا لسة معرفش حاجة فى البلد دى لا ملز ولا الرياض والا حتى جدة الى انا فيها وماظنش انى هعرف عشان انا هنزل على العيد وهاجى السنة الى جاية وعلكوم خير وطبعا بردوة المنصورة بعيدة علية ممكن حضرتك تبعت حد ياخد السبحة والمصلية من عندنا فى شبر ااو لو ربنا يسرلى ورحت عملت عملرة ابقا اسيبهم لك قدام الكعبة عشان ربنا يحفظهم لك ومعاهم كمان يا سيدى حلة محشى كبيرة كدة ومشكلة على كل لون ايشى ورق عنب على بتنجان على كوسة وكرنب وفلفل لو حبيت وبلهنا والشفا ليك انت واوسة ولو حبيت تعزم حد بقا من الاخوة المحاورتية تكون عملت خير رررررررر :ninja:

:wub: اة نسيت اقولك ................................................................................

...........سى الاستاذ بيشكرك عشان نبهتة على التسجيلات وبيقولك اعمل حسابك تنبه فى التسجيلات الى جاية يللة مع السلاموززز

[عماد حمدي]

أستاذه ضحي ..

والله انتي كلامك ريحني جدا ً .. جزاكي الله كل خير .. والحمد لله النهارده وأمس أحسن من الأيام اللي فاتت بكتير ..

وبدأت العملية تفرج شوية .. وحسيت بشوية راحة بس مازات الفكرة غصب عني والله مسيطرة عليا لكن مش زي الأول ..

بس لسة موجودة بجد دا مش بإيدي أني أنساها ..

إن شاء الله وبدعي ليل ونهار ان ربنا يهديني كمان وكمان والفكرة دي تتشال من دماغي خالص لانها بجد تعباني جدا ً ..

وللمرة التانية بشكر حضرتك ع كلامك دا .. لان ريحني كتير أووووووي ..

ربنا يجعلة في ميزان حسناتك .. وبكدة انا مش في حاجة لكرسي الإعتراف ( الكهربا ) ..

تحياتي ,,

Omda2006

Emad Hamdy

تم تعديل 28 مايو 2010 بواسطة omda2006

[hOuSsAm]

الى الاخ عماد

قال تعالى" أحسب الناس أن يتركوا أن يقولوا آمنوا وهم لا يفتنون"، وكما جاء في الحديث الذي أخرجه الترمذي

عن مصعب بن سعد عن أبيه قال، قلت : يارسول الله، أي الناس أشد بلاء؟ قال :

(الأنبياء ثم الأمثل فالأمثل. يبتلى الرجل على حسب دينه، فإن كان في دينه صلباً اشتد بلاؤه،

وإن كان في دينه رقة ابتلي على قدر دينه، فما يبرح البلاء بالعبد يتركه يمشي على الأرض وما عليه خطيئة)

وفي حديث آخر أخرجه الطبراني في معجمه الكبير عن أخت حذيفة بن اليمان فاطمة أو خولة قالت :

قال رسول الله صلى الله عليه وسلم : ( أشد الناس بلاءً الأنبياء، ثم الصالحون، ثم الأمثل فالأمثل).

وابتلاء الله لعبده بالاختبار والامتحان؛ والبلاء : الاختبار يكون في الخير والشر،

قال تعالى: "ونبلوكم بالشر والخير فتنة"، وصور ابتلاء الخير بالعافية والصحة والمال ونحو ذلك،

قال تعالى: "ليبلوني أأشكر أم أكفر" كما جاء ذلك على لسان سيدنا سليمان.

والأمر الذي يُحدث اللبس، هل ما يقع في حياتنا من شر هو ابتلاء أم عقوبة،

وقبل أن نطوف حول هذا المعنى أسوق بعض صور الابتلاءات التي تحمل في ظاهرها للعبد الشر، كما ذكره الله تعالى في قوله :

ولنبلونكم بشيء من الخوف والجوع ونقص من الأموال والأنفس والثمرات وبشر الصابرين.

الذين إذا أصابتهم مصيبة قالوا إنا لله وإنا إليه راجعون. أولئك عليهم صلوات من ربهم ورحمة وأولئك هم المهتدون).

وقبل أن أحاول فك الاشتباك بين الابتلاء والعقوبة، نقف عند بعض ما ورد في الكتاب والسنة من نصوص عن العقوبة،

قال صلى الله عليه وسلم: "إن العبد ليحرم الرزق بذنب يصيبه"، أو كما قال صلى الله عليه وسلم،

وقوله أيضا: "والله ما اختلاج عرق ولا عثرة قدم ولا نسيان علم إلا بذنب". إلى آخر النصوص الكثيرة في هذا الباب.

إذن كيف يتسنى للإنسان أن يحاول أن يعرف ما يقع من مصائب في حياته، هل هي عقوبة أم ابتلاء؟.

وإذا نظرنا إلى قول سيدنا عمر بن الخطاب رضي الله عنه وأرضاه: "لو نودي يوم القيامة أنه لن يدخل النار إلا واحد لظننت أنه عمر،

ولو نودي أنه لن يدخل الجنة إلا واحد لظننت عمر"، فما علاقة ذلك بالابتلاء والعقوبة؟،

تبين لنا تلك المقولة أن لدى عمر رضي الله عنه "رجاء عظيم في رحمته" يجعله لا ينفك أن يكون من أهل الجنة،

وأن لديه أيضا خوف من الله، يجعله لا ينفك أن يعتبر نفسه واحد من أهل النار.

فمن هذا المنطلق، نقول إذاكان العبد على معصية وأدركته بعد ذلك مصيبة في نفسه وأهله،

فإن ما حدث هو من آثار المعصية، كما قال الإمام الشافعي رضي الله عنه:

شكوت إلى وكيع سوء حفظي ... فأرشدني إلى تلك المعاصي

وقال اعلم بأن العلم نور ... ونور الله لا يعطى لعاص

أما إذا كان الإنسان على طاعة وقرب من الله عز وجل، ثم وقعت له مصيبة، في نفسه أو أهله،

فإن هذا يكون من باب الابتلاء والاختبار.

وقد يكون الابتلاء والعقوبة من باب التذكرة والإنذار للعبد بمراجعة نفسه، وعلاقته بالله عز وجل،

قال تعالى: (فَلَوْلاَ كَانَتْ قَرْيَةٌ آمَنَتْ فَنَفَعَهَا إِيمَانُهَا إِلاَّ قَوْمَ يُونُسَ لَمَّا آمَنُوا كَشَفْنَا عَنْهُمْ عَذَابَ الْخِزْيِ فِي الْحَيَاةِ الدُّنْيَا وَمَتَّعْنَاهُمْ إِلَى حِينٍ،

وَلَوْ شَاءَ رَبُّكَ لآَمَنَ مَن فِي الأَرْضِ كُلُّهُمْ جَمِيعًا أَفَأَنْتَ تُكْرِهُ النَّاسَ حَتَّى يَكُونُوا مُؤْمِنِينَ) .

ويمكننا أن نطبق ذلك على جميع حياتنا، ويدرك المرء أن مايقع في حياته من آلام ومصائب قد يكون هو جزء لا يتجزأ منه

وختاما؛

نسأل الله تعالى أن يوفقك لما يحب ويرضى، وأن يفقهك في دينك، وأن يعينك على طاعته،

وأن يصرف عنك معصيته، وأن يرزقك رضاه و الجنة، وأن يعيذك من سخطه والنار،..

وصلي اللهم على سيدنا محمد وعلى آله وصحبه وسلم

الكلام بالاحمر فوق ردا عالاخت ضحى

مفيش حاجه اسمها عقاب في الدنيا .. الدنيا مش دار جزاء وانما دار ابتلاء ..

فيه حاجة طبعا اسمها عقاب فى الدنيا بدليل الاحاديث اللى فوق

بالاضافة لعقوبات المذنبين فى الدنيا من قطع يد السارق (فده فى حد ذاته عقوبة ليخفف عنه العذاب فى الاخرة وليس ابتلاء)

وبالتالى ده من رحمة ربنا ان ناس تاخد عقابها فى دنيا ليخفف عنها العقاب فى الاخرة

والله اعلى واعلم

ارجو من الاخوة الاكثر تعمقا فى الدين منى اذا كان فيه اى خطا يقوم بتصحيحه :wub:

أتمنى التوفيق للجميع

[hOuSsAm]

وللمرة التانية بشكر حضرتك ع كلامك دا .. لان ريحني كتير أووووووي ..

ربنا يجعلة في ميزان حسناتك .. وبكدة انا مش في حاجة لكرسي الإعتراف ( الكهربا ) ..

نعم نعم نعم (وش واحدة فى الافلام المصرية بس مش عارف هى مين)

ليه كدة ياعمدة بس

احنا يبنى عارفين مصلحتك ومستقبلك

وكمان الكرسى ده اعتراف واصلاح وتهذيب (وهيفيدك اوى قبل السفر :wub: )

منتش شايف اخونا ميكاوى بقى كويس ازاى وبيطلع مواضيع زى الفل من ساعة الكرسى

وبقى مسالم ومعتش بيعارض ;)

يالا يا بطل توكل على الله وبالتوفيق باذن الله (وش واحد خبيث كل همه يلبس الزبون)