اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×
mekkawy

فضــــفـــضـــــات ... من القـــلــــب للقـــلــــب ... جاكوزي المحاورات

Recommended Posts

السلام عليكم و رحمة الله و بركاته

إزيكم يا محاوراتية ... إحنا هنا النهاردة و كل يوم إن شاء الله عشان حاجة واحدة بس ... نرتااااااااااااح

هترتاح هنا من كل حاجة .... من جو الشغل المشحوووون ... من العيال و مدارسهم ... من أم العيال و خضارها و بطاطسها و بتينجانها .. من محاوراتك حتى اللي هنا و مشحون منها

هترتاحي يا نون (نون النسوة :roseop: ) من جو الشغل المشحون بردو ... من العيال و سنداوتشاتهم و هدومهم ... من أبو العيال و بنطلوناته و شراباته و قمصانه ... من محاوراتك المشحونة بردو و الدفاعات المستمية لوجهات نظرك

هنا كلنا هنفففففففك من خنقة العقل .. العقل بس ها wst:: ... كل واحد و واحدة هيقول اللي حاسس بيه دلوقتي بدون تفكير ... هنخلص نقاش حامي مع فلان أو فلانة و نيجي هنا نكووووووب كل الطاقة السلبية

عملت الموضوع ده عشان لما نتخنق نهرب من هنا لهنا بردو ..من المحاورات للمحاورات ... عشان محدش يسيب المحاورات و يمشي ... عشان محدش يتخنق من إخواته ( و أنا أول الخنيقة :lol: ) .. عشان لما تدخل نقاش حامي تيجي تنزل هنا في الجاكوزي بتاعنا

الجاكوزي بتاعنا فكرته هادية و سهلة خالص .. حضرتك تعالى هنا كووووووووب كل اللي في نفسك تقوله و مش عارف تقوله .. فك عقلك و حطه هنا على الصفحة دي ...

عندك خاطرة ... كلمتين باعتهم لحد ... تنهيدة ... فكرة ... تعبير .. حالة مؤقتة ... شعور معين ...إحساس بسيط حابب تشاركنا فيه ... بص بص .. اي حاجة بعيد عن الخنقة و المشاحنات و المصادمات الموجودة في حياتنا اليومية

بص .. و بصي .. هنا محدش هيختلف معاكو ... محدش هيقولك لأ كان المفروض تفضفض على جنبك مش على ضهرك .. ولا حد هيقولك لا اتكلم من ودنك مش من بوقك ... لا فيها اختلاف ولا تعارض ... كوووووووووووووووول واحد يجي يقول اللي في نفسه ... دي فضفضات انسانية نفسية بحتة ... أي حد و كل حد يقول اي حاجة و كل حاجة جواه نفسه يقولها

خود راااااحتك ع الآخر ....

شيفين الولة العفريت اللي بيتشقلب عندي ده ؟؟ تعالوا نتشقلب زيه كدة .. بصولوه كدة هتلاقوه ولا في دماااااااغه أي حاجة .. منفض للدنيا و مديها شقلبة طول النهار ... تعالوا هنتشلقب و ننسى الدنيا ... ريلييييييييييز .. فك حزام الأمان و ريييييح أعصابك شوية ... أنا نازل أخودلي غطس في الجاكوزي بأة ... سي يو أفتر

مع جاكوزي المحاورات ... اتكلم من القلب wst::

مكاوى ...

تم تعديل بواسطة mekkawy

شارك هذه المشاركه


رابط المشاركه
شارك

النهاردة بأة و أنا ماشي كدة بالعربية في شوارع الرياض .. قلت يا واد يا أحمد سبحان الله ... و مشغل بأة نشيد يا أمي ما شكل السماء بتاع الشيخ مشاري راشد .. و هو بيقول (أمشى أخاااااف تعسراً .... وسط النهار أو السحر ) .... (لا أهتـــــــدي في السير إن ... طال الطريق و إن قصر) ياااااه يا ناس ... صحيح .. الغريب أعمى و لو كان بصير .... و الله قولت ياااااه يا أمى ... وحشني حضنك .. وحشتيني يامة و وحشتني ضحتك الحلوة ... وحشتيني يامة و وحشني امانك و حنانك ... وحشتيني يا مصر

مكاوى .. من شارع الإحساء

شارك هذه المشاركه


رابط المشاركه
شارك

طيب ياضنايا خلص ش الاحساء واطلع من الملز خالص وانعطف يمين على الجامعة ثم الباطحة واخطف رجلك للمنفوحة هتلاقى المصريين وهتلاقى شوارع مصر كانك ماشى مثلا فى شبرا ولا عين شمس ولا مصر الجديدة

ربنا يخليلك الست الوالدة وترجع لحضنها فى الاجازة ان شاء الله

شارك هذه المشاركه


رابط المشاركه
شارك
عملت خير اهو بدل مانروح اسكندرية ولا الشاحل الشمالى نقعد جنبك فى الجاكوزى بس الاسعار لاتكون سياحية

حبيبى انت ياكوكل

طب يلا اضربلك غطسين و سمعنا الطرطشة wst::

هأوسعلك أهو تعالى ...

مكاوى

شارك هذه المشاركه


رابط المشاركه
شارك

ههههههههههههههه والله يا مكاوي اول ما شوفت التوبيك ماشي بيتمختر كدا قدامي فطست ع نفسي من الضحك من كلمة جاكزي المحاورات هههههههه :roseop:

فكرة موضوع ممتازة فعلا ً ..

وهبدأ بنفسي فية حاجه علمتها وضايقتني اوي اوي اوي وبصراحة مش مسامح نفسي عليها أبدا ً

وهي الموضوع بتاعي في قسم الصور بعنوان :: مطعم ع شكل حمام :: wst::

ناس كتير إضايقت منه لدرجة ان سمبا فتح موضوع مستقل بيشتكي منه ..

الحمد لله الموضوع إنحذف ودا اول موضوع في حياتي في أي منتدي يتحذف وبصراحة إتخنقت أوي مش علشان إتحذف ..

لا علشان ناس كتير إضايقت منه .. فرجاء محدش يزعل مني والله ما كنت أقصد حاجة أبدا ً وكان من باب الفكاهه والمرح والإستغراب برده

متزعلوش مني لاني بجد مش مسامح نفسي أبدا ً .. وصراحة بقيلي يجي يومين كدة مخنوق من نفسي أوي بسبب الموضوع دا :lol:

ومش هرتاح غير لما أتأكد ان مفيش حد لسة زعلان او مضايق ..

عماد wst::

شارك هذه المشاركه


رابط المشاركه
شارك

عمدة

مرحباً بك في الجاكوزي يا حبيبي ... انت كدة فهمت الجاكوزي تماااااام و طبقت كمان

فعلاً الجاكوزي معمول عشان كدة ... و متقلقش يا عمدي محدش زعلان .. أنا عن نفسي مش زعلان

بس ايه رأيك ... فكيت شوية ؟؟

أختنا جاسمين

أنا عامل جاكوزي نساء و له باب لوحده .. أصل شايفك واقفة ع الباب كدة و خايفة ... متقلقيش يا فندم .. نحن لا نشجع على الاختلاط في الجاكوزي wst::

مكاوى

شارك هذه المشاركه


رابط المشاركه
شارك

حلو التوبيك ... انا هافتتح جاكوزي النساء ... طشششش... يا سلام ايه الجمال ده ... انا عايزه اقول لعمده ان انا ما زعلتش من الصور الغريبه دي ده انا حتى فرجت زوجي وبناتى عليهم و ضحكنا ضحك ... و البنات قعدوا يقولوا ييعع ايه الارف ده وبالذات على البنت اللى كانت مش عارفه من اين تؤكل ال................ ال :roseop: chocolate ice-cream

شارك هذه المشاركه


رابط المشاركه
شارك

السلام عليكم و رحمة الله و بركاته

هو ليه التوبيك ده فكرني بمشهد حسن عابدين في مسرحية عش المجانين.....بتبقلل...... :roseop:

اعترف بقي يا رفيق ميكاوووووووويفوف.......انت جايب الاعضاء هنا تبقلل و لا ايه

و ع العموم اليوم لسه مخلصشي بس حبيت امسي عليكم

باسترخااااااااااااااء يكون كده

ط§ط³طھط±ط®ط§ط،.jpg

او كده

12896.jpg

او حتي كده

get-1206574164.jpg

القوطة دي بتتستعبط ع فكرة

مسااااااااااااااااااااااااااااااااااااااااااااكم جاكوزي مليان افكار حلوة

فوتكم بعافية

تم تعديل بواسطة لماضة مصرية جدا

شارك هذه المشاركه


رابط المشاركه
شارك

الحمد لله انا داخلة متخفية اهو

عشان مكاوى مايشوفنيش وانا واقفة بتفرج من عالباب

:blink: wst::

عمدة على فكرة والله مانا اللى بلغت عنك انا ماليش دعوة :roseop:

والله ده انا قعدت اضحك وخصوصا عالست اللى كانت بتاكل الايس كريم بشغف دى

ماتزعلش نفسك

شارك هذه المشاركه


رابط المشاركه
شارك
حلو التوبيك ... انا هافتتح جاكوزي النساء ... طشششش... يا سلام ايه الجمال ده ... انا عايزه اقول لعمده ان انا ما زعلتش من الصور الغريبه دي ده انا حتى فرجت زوجي وبناتى عليهم و ضحكنا ضحك ... و البنات قعدوا يقولوا ييعع ايه الارف ده وبالذات على البنت اللى كانت مش عارفه من اين تؤكل ال................ ال :roseop: chocolate ice-cream

خلاص طالما حضرتك افتتحتي الجاكوزي يبا إيراد اليوم النسائي ليكي .. النهاردة بس .. و هكذا .. كل من يفتتح اليوم يكون الإيراد ليه

حلو اوي الموضوع يا اخ مكاوي

انا هانزل الجاكوزي بعد جنه

بس سايلانت

من غير طشششششش

الفاضلة أم نور

تقدري تدفعي الرسوم باة لأختك جنة .. و اتفضلي سايلنتي براحتك بس المهم تفكي عقلك من ضغوطات الحياة .. ولا أقولك ... حضرتك فري علشان خاطر نور الأمورة

مكاوى .... ديسكاونتات

شارك هذه المشاركه


رابط المشاركه
شارك

و انا كمان نازله الجاكوزى

و يا ريت تضيفوا كمان خدمه مسااااااااااااااااااااااااااااااااااااااااااااج

ياه دا انا بمجرد ما قولت الكلمه حسيت براحه شويه

انا بقى تعباااااااااااااااااانه من نفسى و مع نفسى

كان نفسى ميكونش عقلى عاملى ازعرينه كده

كان نفسى اكون من القوم الى بتجيد العوم فى ميه البطيخ

حاجه كده لذيذه و منعشه و بترطب على القلب

نفسى ابطل افكر و احلل و اربط الاحداث و سال نفسى اساله فلسفيه و عويصه

و ما وجعش قلبى فى البحث عن سر الكون و التفكر فى سر الحياه

و الذى منه يعنى

كان نفسى اكون مشاهده للدنيا و هى بتمر قدامى زى شريط السنيما

مش مشاركه فيها باى نشاط غير الفرجه

لكن برجع اقول لنفسى ان حتى لو دا اتحققلى مش هكون مرتاحه و لا سعيده

لانى معرفش اعيش كده

يعنى لا كده راحه و لا كده راحه

اعمل ايه فى نفسى بقى الى مش هتهدا عليا غير لما توصلنى للجنون المطبق

(اوعوا تقولوا امين ) :roseop: :blink: wst::

شارك هذه المشاركه


رابط المشاركه
شارك
السلام عليكم و رحمة الله و بركاته

هو ليه التوبيك ده فكرني بمشهد حسن عابدين في مسرحية عش المجانين.....بتبقلل...... :blink:

اعترف بقي يا رفيق ميكاوووووووويفوف.......انت جايب الاعضاء هنا تبقلل و لا ايه

و ع العموم اليوم لسه مخلصشي بس حبيت امسي عليكم

باسترخااااااااااااااء يكون كده

ط§ط³طھط±ط®ط§ط،.jpg

او كده

12896.jpg

او حتي كده

get-1206574164.jpg

القوطة دي بتتستعبط ع فكرة

مسااااااااااااااااااااااااااااااااااااااااااااكم جاكوزي مليان افكار حلوة

فوتكم بعافية

طيب يلا بأة انزلي بقللي مع إخواتك و فضفــــــــــــــضى و خرجي شحناتك السلبية و مشحوناتك المستخبية ... مستأكد من استخباء طاااااقة كبيرة أوي ... انزلي متخافيش

ع جنب

روحي يا بت يا أوسة ارفعي الجاكوزي على مية و اربعين عشان خاطر عمتك لماضة يلا .... يكش ....... wst:: ... مش عمتك يا بت ... الجاكوزى mfb:

مكاوى :roseop:

شارك هذه المشاركه


رابط المشاركه
شارك

انا جه

وسع وسع وسع .....وسع

النهاردة ايه ده الجو كان حر اوى :blink:

حاسس انى كنت فى فرن الهوا سخن اوى

ورجعت لسه داخل اوضتى لاقيت فيها حشرة كبيرة بتطير وانا بخاف من الحجات دى :roseop:

طلع عنيا لحد مطردتها بره الاوضة

قال ايه ياخونا كانت عايزة تتفرج على المحاورات وتقرا موضوع ميكاوى الجديد وتشوف ضحى وهى بتكهرب

بس بخاف انا

سيبونى بقى استجم بالجاكوزى

وتعال يا ولد دلكلى ضهرى اصلى مرهق wst::

النوم بعد التعب حلو جدا

محدش يصحينى

شارك هذه المشاركه


رابط المشاركه
شارك
انا جه

وسع وسع وسع .....وسع

النهاردة ايه ده الجو كان حر اوى wst::

حاسس انى كنت فى فرن الهوا سخن اوى

ورجعت لسه داخل اوضتى لاقيت فيها حشرة كبيرة بتطير وانا بخاف من الحجات دى :blink:

طلع عنيا لحد مطردتها بره الاوضة

قال ايه ياخونا كانت عايزة تتفرج على المحاورات وتقرا موضوع ميكاوى الجديد وتشوف ضحى وهى بتكهرب

بس بخاف انا

سيبونى بقى استجم بالجاكوزى

وتعال يا ولد دلكلى ضهرى اصلى مرهق mfb:

النوم بعد التعب حلو جدا

محدش يصحينى

حوس .. الحمدلله على السلامة يا سيدي

و سلامتك م الحشرات يا أمووور :roseop: .. كنت سيبها يا عم يمكن كانت عاوز تتجكوز معاك

اليوم لسة حر مش كان حر ... شوفوا بأة .. أنا الناس كلها بتجيب تلاجة و بوتاجاز و غسالة و سخان ... معرفش ليه هنا بيجيبوا سخان الصراحة ... كل الناس بتعوز سخان و أنا عاوز سقاااااااااااااااع عشان أعرف أغسل وشي بس ... انا مش طماع ولا عاوز استحمى ... أنا بس عاوز أعرف أغسل وشي

لما تيجي تغسل وشك هنا يا حوس عندنا في الصناعية بتطلع من تحت الحنفية زي البيضة اللي طالعة من الكنكة ... مسلوق ... نفس احساسك هو احساس البيضة المسلوقة

حاسس إن الصابونة خست من الساونة اللي عايشة فيها

حدش عنده حل للموضوع ده .... حدش عنده سقااااااااااااااع يا ناس ؟؟

مكاوى ...

شارك هذه المشاركه


رابط المشاركه
شارك
الحمد لله انا داخلة متخفية اهو

عشان مكاوى مايشوفنيش وانا واقفة بتفرج من عالباب

:blink: wst::

شاااااااااااااايفك من ع الباب .. هنا في كاميرات ... بس مش في كل حتة ... ع الباب بس .. يعني محدش يجي يقفلي ع الباب و ياخد بخار الجاكوزي في وشه ببلاش

اتفضلي بقللي مع اخواتك يلا في القسم النسائي ... اشبكي لماضة في ايدك كدة و على جوة ... و الأوسة هتولع فيكم :roseop: .. احم احم ... قصدي هتولعلكم في المية و ابو قولوها بس لما تشويكم ... قصدي لما تسخن .. يوووه .. عمال أتلخفن أنا و أتلخبط كدة

مكاوى ...

شارك هذه المشاركه


رابط المشاركه
شارك
و متقلقش يا عمدي محدش زعلان .. أنا عن نفسي مش زعلان

بس ايه رأيك ... فكيت شوية ؟؟

مكاوى

طيب كويس انك مش زعلان عقبال الباقي يارب .. وفكرة الموضوع حلوة ع فكرة أحييك عليها ..

بس الواد اللي بيتشقلب دا خيلني بصراحة .. عملي روشة كدة

انا عايزه اقول لعمده ان انا ما زعلتش من الصور الغريبه دي ده انا حتى فرجت زوجي وبناتى عليهم و ضحكنا ضحك ... و البنات قعدوا يقولوا ييعع ايه الارف ده وبالذات على البنت اللى كانت مش عارفه من اين تؤكل ال................ ال :lol: chocolate ice-cream

ميرسي يا جنه .. الحمد لله انك نظرتي للموضوع بوجه نظر فكاهية وضحك .. عكس باقي الأعضاء نظروا لية من ناحية تانية وعندهم حق .. بشكرك ع تفهمك الموقف ..

عمدة على فكرة والله مانا اللى بلغت عنك انا ماليش دعوة :lol:

والله ده انا قعدت اضحك وخصوصا عالست اللى كانت بتاكل الايس كريم بشغف دى

ماتزعلش نفسك

مهو ساعة الجد كلة يقول مليش دعوه ومش انا والكلام دا .. آه منكم يا محاورتية .. :roseop:

ماشي يا ستي ع العموم سمبــــا هو اللي بلغ عني .. وصيحلي في موضوع مستقل :blink:

شوفتي سيرتي بقت ع كل لسان وبقيت فرجة المحاورتيين .. بس الحمد لله الخسائر قليلة :D

وكويس ان انتي كمان مش زعلانة ...

انتظروا بقا موضوع صور جديد .. بس المرة دي صور تفتح النفس !!!

تحيــــاتي للجميع ,,

wst:: mfb:

Omda2006

Emad Hamdy

شارك هذه المشاركه


رابط المشاركه
شارك

كلمتين بأة كدة ع الماشي قبل ما أنام

أنا عاوز أنام بس مش عارف أنم ... ليه بأة ... لأني كسرت السرير .. ايون .. كسرت السرير :roseop: ... و أنا هأعمله ايه يعني .. في واحد ستة و تسعين كيلو يجيبوله سرير سوست .. على اساس اني وزن الفراشة ولا ايه ... و بعدين لما نزلت المرتبة ع الأرض بقيت أصحى كل يوم ضهري مقطوم و محدش يقولي ده نومة الأرض هي أصح نومة عشان حفظتها لكن مش عارف مش ماشية معايا ليه :lol:

يكونش ضهري بيتقطم لما بأجي أكوي الصبح .. أيوووووووون .. أكيد من المكوة ع الأرض بردو ... اوعوا حسكوا عينكوا حد يكون فكر و مخه و رفاهيته خدته ان ممكن يكون فيه ترابيزة مكوة ... ازعل منه أوي

المشكلة مش في كدة .. المشكلة في احساس البيضة المسلوقة .. بتاع المية السخنة ثباحاً و مثاءاً ... نفسي أصحى ألاقي جنية سندريلا أم عصايا بتدلدق نجوم دي كاويالي القمصان بتاعتي و ملمعة الجزمة و مظبطة المسائل كدة ... المشكلة اني عشان أعمل الحاجات دي بأروح الشغل الساعة تسعة :roseop: و المفروض الدوام سبعة و نص ... بس انا قولت لأبويا النهاردة ان الشركة عملتلي مواعيد مخصوص .. عشان أبويا ظابط جيش و المعاد عنده سكيـــــــــــنة تقطع بيها رقبتك لو اتأخرت فانية واحدة بس!!!!

و كل يوم مديري يقابلني و يظبطني و انا داخل أتدحلب و أتزحلق ع السيراميك عشان ميشوفنيش ... بس بيشوفني ابن الايه و يقولي الجملة المشهورة لأمثالي (صباح الليل) أقوله أنا بأة (و انت من أهله ... ان كبر ابنك حط ف بطنك بطيخة صيفي :lol: ) بس بصوت محشرج كدة و كأن في عظاءة (ايه العظاءة دي) في زوري بالورب ... الورب ده اللي هو بين الطول و العرض ...

أنا بأخترف صح ؟؟؟ اه و الله شكلي بأخترف ... اصل دي بتكون حالتي قبل النوم ... تهييس عالي الجودة .. هي الحالة دي الصراحة بتجيلي فلي وقتين ... قبل النوم و لما باكون واكل أكلة جامدة أوي و دسمة .... الدم بينزل المعدة عشان تهضم الطوب اللي اتحدف فيها يقوم المخ يعطل أقوم أنا أهيس ... أحسن حاجة لما تكون فاهم توزيعة أعضائك و تفهم كويس أن مناخيرك متصلة بدراعك الشمال ... يعني كل لما تتنفس تحس ان دراعك بيتنفخ من الهوا اللي داخله

بطلوا رغي بأة ... تصبحوا على خير يلا قوموا ناموا

مكاوى ... أنيميشن

و مش عارف ايه اللي جاب الأنيميشن في السجنيتشر بتاع المشاركة دي

شارك هذه المشاركه


رابط المشاركه
شارك

تكرار

تم تعديل بواسطة mekkawy

شارك هذه المشاركه


رابط المشاركه
شارك

Join the conversation

You can post now and register later. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • وتبقى المحاورات واحة للرقي

      نختلف في الأفكار يشتد الحوار ويحتد ونتجاوز ونتراجع ونعتذر نذهب ونبتعد ونعود ومنا من يذهب ولا يعود نزمجر ونغضب ثم نهدأ نغير آراءنا ونجدد مفهومنا لبعض مواقفنا ونحاول أن نطرح أفكارنا بأفضل طريقة وأوضح حجة وأصفى برهان منا من يوفق ومنا من يخونه التوفيق المحاورات البيت الكبير بيت الجميع وإن اختلغنا مع صاحب البيت وعارضناه أحيانا نشعر بواجب علينا المساهمة في استمرار هذا البناء شامخا وأحينا نشعر أنه لم يعد مرحبا بنا لكنه يبقى بيت الرقي

      في شئون المحاورات

    • خريجي المحاورات المشتركة التجريبية

      17 سنة و 3 شهور ... دي السنين اللي قضيتها هنا ... يعني اللي كان في اولي ابتدائي ساعتها زمانه دلوقتي اتخرج من الجامعة ... و نحط فوق البيعة انه عاد الثانوية العامة علشان يحسن مجموعه ... ساعات بفكر ان استمراري الوقت ده كله هنا اكيد ان سببه هو اعضاء المحاورات اللي اتفاعلت بمشاعر مختلفة  معاهم السنين دي كلها ... كل واحد او واحدة منهم كان ليه دور في تكوين جزء  من شخصيتي .. اكتشافي لحاجات كتيرة .. وقت من عمري اقضيه بفكر ارد علي حاجة اسعدتني او ضايقتني ... فكرة عمرها ما جات في بالي ... وضع عمري ما

      في موضوعات شخصية

    • تساؤلات للمسيحين في المحاورات

      لم أتمكن من الكتابة في قسم المسيحيين في المحاورات. أظن هنا ممكن: بكل أمانة هذه إستفسارات حقيقية  طبعا يمكنكم تجاهلها أو حذفها هل في الديانة المسيحية بعث بعد الموت و حساب على سلوك الإنسان في حياته هل هناك ثواب و عقاب بعد الموت هل هناك أطعمة يجب على المسيحي الطيب أن يتجنبها اليهود مدى علمي لهم قواعد صارمة في الطعام هل طقوسكم التعبدية  العادية  فيها ما يقابل مثلا صلاة المسلمين ٥ مرات يوميا مع شكري و تقديري

      في المسيحية و المسيحيين في المحاورات

    • عما يبحثون في المحاورات - صورة من الثلاث شهور الأخيرة

      Query Clicks Impressions ازاى اعرف ان جوازى دخل السفارة   1,417   3,602

      في شئون المحاورات

    • ايه اللي حا يتغير في المحاورات بعد نتيجة انتخابات الرئاسة؟؟؟

      الموضوع ده لتخفيف حدة التوتر الموجودة دلوقت و جت لي فكرته من الأخ الكريم سين سين لما قال انه حايعتزل السياسة و يؤلف قصص أطفال :closedeyes: يا ترى توقعاتكم ايه ؟ لنفسك و لغيرك في الموقع ؟ عن نفسي لو مرسي كسب حأقلب نشاطي الأدبي والفني لابتهالات و مدائح و حتبقى مواضيعي على سبيل المثال لا الحصر فنجان حلبة خربشات أختك في الله البوح المباح و مشاعر اسلامية جدا همسات حب في الله نادي القلوب العامرة بالإيمان و لو شفيق لاقدر الله حأقلب نشاطي الأدبي لأغاني وطنية وحأجهز اوبريت لاحت

      في دعوة للأبتسام

×
×
  • اضف...