ابشرو مقابلات كيبك الجديدة مارس 2009

[Morial]

كدة بقي انا اللي بيضحك عليا يا رجالة وعد اية وطيارة اية يا استاذ نصار وانا بيني وبينك انت ومدام جيسيكا حاجة بتاعة سنة كدة انتا فيييييييييييييييييييييييييييييييين وانا فين؟

[LA VIE]

يارب سهلها من عندك ايه يا جماعه ما فيش جديد بالنسبه لميدكال او حد جاله ميدكال اليومين دول ياريت حد يطمنا وربنا يسهل

[dr alaa pharma]

ايوا كده ......................................كده تمام

المنتدى ما شاء الله تبارك الله لا قوة الا بالله ......................نور تانى

كده الناس اللى لسه ما عملوش المقابلة يستفيدوا كويس ............جزاكم الله خير

شكر خاص ل د ابوسمرة على حكاية الفرنساوىىىىىىىىىىىى دى ربنا يخليك يا عسل

الف شكر للزعيم ( نصار ) و الفاضلة جيسيكا .........ربنا يخليكوا لنا

صح كدة ..........كل واحد من الحبايب يكتب مقابلته بالفرنساوى ومش عيب انه يغلط ( والله ما هو عيب)

و الزعيم ما شاء الله عليه نصار يصحح جزاك الله خير

المهم الكل يستفيد لوجه الله سبحانه و تعالى

[eman gaber ahmed el malky]

نداء للأخت إيمان جابر

ارجعي ونوري

احنا كلنا اخواتك وما تبقيش بخيلة

انت انسانة خدومة وربنا معاكى

بات مان :blush2:

انني متواجدة لكل من يريد ان يوجه لي أي سؤال فانا قلت ده قبل لك

فاللي عنده سؤال يوجهولي و انا سارد عليه بكل ترحاب

[صيدلى كندى]

من الواضح من خطة الهجرة لكيبك 2010من الموقع بتاعهم ان الظروف والاعداد المطلوبة اكبر ومفيش تشريعات جديدة وتقدروا تتأكدوا لو عملتوا بحث عن plan d`immigration du quebec pour l`annee 2010 هتلاقوا ملف pdf فيه كل حاجة بالفرنساوى واللى مبتدىء فى الفرنساوى لسه زى حالاتى يقدر يرفع الملف كله للترجمة على جوجل http://translate.google.com.eg/translate_t...mp;tl=ar#fr|ar|

[dr abo samra]

الله الله الله....يا حلاوه يا حلاوه(وش عادل امام فى مدرسه المشاغبين)...اروح الشغل ارجع الاقيكم عاملين حفله كفته على شرفى

قششششششششطه....على فكره بقه انا عرفتها بس خفت اقولها عشان ماكولش ساندوتش الكفته(اشربى يا منال منتى لو تعرفى دى كفته ايه؟) مكنتيش نطقى :danger: :blush2:

دى بتتباع على كوبرى سندوب ونصار عارف كده :blink:

ايوه كده يا جماعه عاوزين اثراء الحوار لافاده الجميع...معلش والله انا فى السعوديه وبكلمكم من راسى واللى بفتكره ومفيش معايا اى حاجه اكلمكم منها وكمان كنت بذاكرorale وبس يعنى بتكلم واسمع

وده نصيحتى للناس متضيعش عمرك فى الكتابه انت كل اللى مطلوب منك انك تكتب اسمك فى المقابله وجايب معاك كام فلوس وخلاص

اكمل عشان الناس اللى مستنيه

عمنا ده(راجل والله فى منتهى الذوق زى بتاع الطياره بالضبط...فاكرينه؟)راح رازعنى سؤال وقاللى..... si vous ne trouvez pas du travaille؟ يعنى ولو ملقتش شغل يا عسل

قلتله je sais bien que ma profession est L un de plus en demande au quebec يعنى انا اعرف ان مهنتى من اكثر المهن طلب فى كيبك

et j ai deja cherche sur L internet et j ai trouve pleusieurs offre d emploi وانا بحثت من قبل على الانترنت ووجدت العديد من عروض العمل وطلعتله عروض العمل وقلتله شوف يا عم الحاج regardez vous monsieur شوف يا كبو وقمت مطلعله عروض العمل وقلتله

par example j ai trouver un offre comme pharmacien et il demande une scolarite universitaire premiere cycle يعنى هما عاوزين بكالوريوس فقط وانا معايا بكالوريوس يعنى يناسبنى واقوم رازعه العرض يقعد يبص فيه واقوله il demande 1 a 2 annes d exprience et moi j ai 7 ans d expriences دول عاوزين سنه واحده خبره وانا معايا 7 سنين والبخت مايل يا كارل يا اخويا

il demande 40 heures de travaille par semaine est moi je travaille 70 hrs par semaine طالبين 40 ساعه فى الاسبوع(طيبين اوى)وانا بشتغل (او بتفحت)70 ساعه فى الاسبوع

وقلتله il demande une tres bonne connaissance en francais ,et je sais que j ai un niveau intermediaire en francais ,mais apres avoir passer Le rendez_vous,je serais plus motive et je vais completer mes etudes en francais قلتله انا عارف انهم طالبين معرفه كويسه جدا فى الفرنساوى وان مستوايا متوسط فيه ولكن بعد اجتياز المقابله ساكون اكثر دافعيه وسأكمل دراستى للفرنسيه

وقلتلهil ne demande aucune connaissance en anglais,je ai un niveau avance en anglais يعنى هما مش عاوزين اى معرفه عن الانجليزيه واخوك بقه شاطر جدا ومعاه مستوى متقدم فى الانجليزيه

وعليه وكملت بقيه الاوفرات اللى معايا....بس متوهوش منى ان السؤال الرئيسى كان هتعمل ايه لو ملقتش شغل فانا بعرفه انى بحثت عالنت ولقيت عروض عمل كتير تخص مهنتى(ودى تعطيك درجات الدافعيه)من مدفع يعنى...طخخخخخخخ...المهم دى نصيحه انك تجرجر اللى قدامك لحته انت مذاكرها كويس وشاطر فيها بس متكنش بعيد عند الموضوع اللى طلبه...نكمل

وقلتله كمانje sais que au quebec il se trouve 6 du 7 centres du rechurche d intreprise pharmaceutique present au canada وانه فى كيبك يوجد 6 من اصل 7 مراكز ابحاث لشركات دوائيه عالميه موجوده فى كندا....انشكح قوى وبرق وكانه اول مره يشوف واد حليوه swar::

المهم دخلنا فى الجد وقلبتها عليه بقه ,وقلتله il est aussi possible que mon premier emploi soit moins qualiifie que celui que je souhaite occuper من الممكن ان اول وظيفه ليا لاتتفق او اقل من درجه من المهنه التى أأمل ان اشغلها(معلش بقه الاعداد كان عامل شغل ومسخننى بصراحه) وقلتله ou qu il ne soit pas en lien avec mes competences professionnelles. او لا تتفق مع مؤهلاتى ودوافعى المهنيه

وكملت بالقاضيهselon la situation je occuperai cet emploi le temps d entreprendre ou de poursuivre une formation يعنى على حسب الحاله ساشغل هذه الوظيفه-الورنييييييييييييش..فاكرين؟) حتى ياتى الوقت الذى اكمل او اعادل فيه تعليمى هناك

...وهو بصراحه لسه بيهز فى راسه

اسيبكو شويه تركزو وتصححو اللى اتكتب واريح شويه واأربعلى شويه ميه ظراف

فين الاولله .. :blush2:

[dr alaa pharma]

الله عليك يا سيدى ......................هو دا الكلام اللى يفرح

ربنا يكرمك يا د ابوسمرة . والله انت راااااااااااااااااااااجل سكرة

[Morial]

الاوللة دي معناها ان ميعادنا بكرة وعلينا بخير؟

[francois]

يارب سهلها من عندك ايه يا جماعه ما فيش جديد بالنسبه لميدكال او حد جاله ميدكال اليومين دول ياريت حد يطمنا وربنا يسهل

مسيو لا فى انت مستعجل قوى على الميديكال وانا اعتقد ان حضرتك مقدم فيدرالى معنا تقريبا فى نفس الموعد يعنى بين شهر 8 وشهر 10 مش كده ولا انا غلطان

[Morial]

ازيك يا استاذ صمويل انا شيفاك اون لاين عايزين نعرف اخبارك ها عندك جديد وبالنسبة لموضوع سؤالهم علي شغلك يا تري فيه اي حاجة جدت في انتظار اخبارك ويارب يكون كله تمام :ninja:

[dr abo samra]

منك لله يا منال فضلتى تنقى لغايه ما الأولله اتكسرت ...والواحد ريقه ناشف حطبه وكانه واكل تراب احمر من بتاع الفرن :ninja:

المهم اكمل طالما محدش صحح يبقى الامن مستتب...خش يابو سمره يا عسل

وقفنا عند او خلصنا سؤال بيقول ..لو ملقتش شغل فى كيبك هتعمل ايه.

قوم اييييييييه عمك الحاج قام قايللى طب pourquoi voulez vous quitter votre pays ؟ يعنى عاوز تسيب بلدك ليه يا عسل....هنا الشغل بقه واحد يقوله يا عم دى عالم وسخه(اقولك لا عييييييب)واحد يقوله يا عم دول مجوعيننا(برضه عيييييييب)...اسكت ده مفيش حريه وفيه اضطهاد وفساد(اوعى النفسك)...اوعى باى حال من الاحوال انك تغلط فى بلدك او حتى فى اى شخص خليك جنتلمان لانهم ما بيحبوش الغلط بيحبوك تكون جدع... وجنتلمان...هيطلع ذبون من الزباين المتابعه يقول طب نجاوب نقول ايه فى دى يابوسمره...اقولك هتقول ايه

هتقول comme savez vous monsieur L homme par nature aime le changement et cherche toujours le meilleur هتقوله زى منتا عارف سيادتك ان الانسان بطبعه بيحب التغيير وبيبحث دائما عن الافضل...et moi je cherche une nouvelle vie pour moi et ma famille وانا ابحث عن حياه جديده لى ولاسرتى

وهتقول كمانen fait L egypte est un pays en development avec economie faible وفى الحقيقه ومخبيش عليك يا خويا انت مش غريب مصر بلد ناميه واقتصادها ضعيف وهتقول بقه...يالله قووووووووول

_ .....autant quebec le system educatif et le system de la sante n ont pas assez de service يعنى بعكس كيبك كما تعلم سيدى فالخدمات الصحيه والتعليميه غير كافيه اما فى كيبك......ودى هقولهالكم بالتفصيل فيما بعد هنتكلم عن الصحه والتعليم والخدمات العديده اللى بتقدمها كيبك بعد ما اخلص المقابله

_en egypte il ya la pollution et le pruit et pour moi j adore la verdure et la nature وفى مصر انت عارف الضجيج والهيصه والزمبليطه والتلوث وانا عن نفسى راجل مزاجنجى وبحب الخضره(الشجر يعنى) مش الجرجير والكرات والفجل والحاجات التانيه :wub:

السؤال التالت بقه طب ليه عاوز تروح كيبك يا عم ابو سمره؟وده اجابته انشاء الله لما ارجع البيت مخبيش عليكم ...اصلى لاطش شبكه لاسلكى من واد بنجالى فاتح سايبر جنبى..واخاف يفصلها قبل ما ابعت الرد

ده اصل ده ميعاده

الى الملتق يا جدعان

ومنه لله اللى كسر الأولله

[بيبو كندا]

الدكتور ابو سمرة

تحياتى للأولة علشان بتأثر عليك تأثير كبير

ايه الجمال ده

دمك زى العسل

شكرا ليك و لمداخلاتك الرائعة

[Morial]

ماشاء الله ماشاء الله كل دة فاكره من سنة دة انت صمام بقي يادكتور ابو سمرة ويالة بجملت اهي عين تيجي في الاولة والتانية في صاحب الاوللة بس حقيقي اسلوبك في الكتابة اكثر من رائع يعني مش حاسة ان الدنيا تنشن في المقابلة بتاعتك ودة هيشجع الواحد انه ياخد الامورببساطة وميرتبكش علشان يقدر يعدي بسلاسة كدة زيك ياااالله وادس عين كمان :ninja:

[alaafrench m]

والله انت عسل يابو سمرة رغم انك اكلت كل الاكسونات ومعدش فارقة انه فرنساوى من انجليزى بس تمام ياعمنا وبكرة نبعتلك قله جناوى معتبرة .علشان تبل ريقك وتعرف تحكى وتلعلع

[الرحالة باشا]

الله إيه الحلاوة دييييييييييييي,يا دين النبي, عظمة علي عظمة يا باشا , أعد والنبي أعد :ninja: :wub:

تسلم يا باشا وجزاك الله عنا خيراً

[Phizer]

الموضوع كبر ومش ملاحق اقرا حاجا في كدا بتاع 37 صفحه عايزين يتقروا

نفسي الموضوع ده يتقفل ويتفتح موضوع جديد لحسن كده بقيت هيصه

[dr abo samra]

الوووووووووه يا دنص ...انا جيت يا جدعان...ربنا يهده زى ما هد السلم...لملم :ninja:

الاخوه الصيادله فيه نقطه انص كده بره المقابله وجبتلها ورقه عشان انقلهالكم وهى التاش....ولاحظت انها اصبحت بتتكتب فى الابلكيشن الجديد اللى بتقدمه لكيبك ...اللى هى المهام الوظيفيه وخد بالك انه ممكن يسألك فيها

السؤال بيقول..(.quelles sont vos taches(fonctions principales؟ يعنى ماهى مهامك الوظيفيه..يعنى بتعمل ايه فى شغلك او بتزاول مهنتك ازاى؟...خد عندك يا برنس انت وهو:_

1)revoir les ordonnances pour s assurer de la dose exacte يعنى براجع الروشيتات للتأكد من ان الجرعه مظبوطه(عشان الناس الضريبه)مساء الفل

2)remplir les ordonnances,calculer,mesurer,et melanger des quantites de medicaments et mettre la quantite prescrite dans de contenants appropries يعنى نملئ الوصفات ونحسب ونقيس ونخلط الكميات الموصوفه من الادويه فى اوعيه مناسبه

3)dispenser les medicament prescrits aux clients ou a d autres professionnels de la sante,et les renseigner sur les indications,les contre_indications,les effets secondaire,les intractions medicamenteuses,et la posologie

يعنى يصرف الدواء للزباين(يا زباين)وكل محترفى الصحه وتعليمهم او اخبارهم عن ..الاستخدامات,محاذير الاستعمال,الاثار الجانبيه,التداخلات الدوائيه,واحتمال تسببها فى الوفاه

4)tenir un rsgistre des medicaments et des subistance toxiques dispenser aux clients تعطى نسخه من الادويه والمواد السامه المصروقه وتسجل عليها للزباين

5)commander et conserver un stock suffisant de produits pharmaceutiques تتابع وتطلب النواقص الخاصه بك من الادويه

6)donner des consells aux clients sur le choix et la facon d utiliser les medicaments يعنى تعطى نصائح عن اختيار الدواء بواسطه الذبون وطرق استخدامه ...وهنا فيرب اوتيليزيه يستوجب سندوتش كفته... :wub:

دى المهام الوظيفيه الخاصه بالصيادله ...معلش اذا كانو واكلين الجو شويه بس انشاء الله الافاده جايه ورا للجميع وربنا يجعلها فى ميزان حسناتنا يااااااااارب..

وعلى فكره انا سبق وقلت ان الكى بورد طبعا مبتكتبش اكسونات ومعنديش برنامج للفرنساوى فسامحونا يعنى

على فكره محروس كسر الطبق :) :) :wub:

[myusername]

ممكن تستخدم خدمة جووجل للترجمة... لو عايز تطلع الكلام الفرنساوى بالحركات بتاعته

http://translate.google.com/?langpair=en|es#

[Morial]

ايه ده مهام وظيفية في ست نقط بسسسسسسسس ده ايه العالم المحظوظة دي :wub: دة انا المهام الوظيفية بتاعتي عاملين اربعة وتلاتين نقطة في 3 صفحات فلوسكاب يعني علي بال ما اكرهم لا يكون الراجل نام مني يا أما زهق وطردني :ninja:

[eman gaber]

لو عايز تتعلم فرنساوي صح و تكون متمكن :ninja: :wub:

http://www.estudiodefrances.com/vocabulari...vocabulario.htm

http://www.estudiodefrances.com/fonetica/TITRE.htm

http://www.quebooc.com/

http://www.estudiodefrances.com/gramatica/titregramatica.htm