ابشرو مقابلات كيبك الجديدة مارس 2009

[bongeorgeo]

معرفش ازاي انا قلت كده بالرغم من اني مذاكر بشكل مش بطال و عارف هاقول ايه عن شغلي والمعادلة وعارف معلومات عن كيبك ..بس صدقوني مش عارف ايه اللي خلاني اقول نو بتكلم انجلش بس... يا نهار اسود عليا جاي اعمل مقابلة علشان هجرة لكيبك وبقولها بتكلم انجليزي بس دانا نهار اهلي اسود...

هاقول لكم ده اثر علي سير المقابلة ازاي في الاخر.

المهم

راحت داخلة على المدام وهاتك يا فرم

فين الباسبورات.... ادناهاها

انتو كنتو عملتو ابديت لإضافة مولود جديد في ن الشيك وباسبوره...... ادناها البسبور بتاع كوكو والشيك ابو 150 دولار.

قعدت تكتب شوية على الكمبيوتر ... قلت اخدنا رفض عباسي... :sad:

راحت مرجعالنا الباسبورتات واخدت الشيك... ايه يا قلبي الفلوس طارت.

راحت داخلة على المدام فين شهادة التخرج... ادناهالها

انتى خريجة من امتى وفين بيان الدرجات...... ادناهلها سألت عن بعض المواد اللي درستها في الكلية وبتحب اي مواد وليه وازاي استفادت منها في الحياة العملية.

فين شهادات الخبرة...... اخدتها وسالت المدام عن طبيعة شغلها .

وانت

سكتت شوية وبتكتب على الكمبيوتر.... قلت يا خفي الالطاف نجنا مما نخاف.

راحت مدورة عليا انا.. وسالتني نفس الأسئلة بالإنجليزي والحمد لله رديت كويس قوي لان شغلي كله بالانجليزي ... بس المصيبة هي مش عاوزة انجليزي هي عاوزة فرنساوي..

سكتت شوية وبتكتب على الكمبيوتر.... قلت يا خفي الالطاف نجنا مما نخاف.

راحت سايباني وداخلة على المدام... انتي رايحة كيبك ليه وليه كيبك.... راحت المدام ردت الكلام اللي انتو عارفينه. قيم المجتمع هناك و المساواة والعدل والحرية.

سالتها هاتشتغلي ايه في كيبك.... ردت دكتورة بشرية

سالتها هاتعملي المعادلة ازاي..... ردت المدام عليها كذ كذا ووريتها ورق كنت طبعته عن خطوات المعادلة للاطباء من موقع الهجرة .

و راحت المدام بتاعتي قالت فيه معايا احصائيات من موقع العمل الكيبيكي بيقول ان وظيفة الطبيب نسبة البطالة فيها قليلة والطلب عليها تري فايفورابل يعني مطلوبة جدا وورتها الاحصائيات.

سالتها هاتقعدي فين في كيبك وليه............... المدام ردت

راحت جيالي .... انت رحت دبي ليه وازاي..... رديت بالإنجليزي

... انت هاتشتغل ايه... رديت مهندس معماري

سالتني وايه البدايل رديت مساعد مهندس او اي مهنة ليها علاقة بشغلي ... وكنت محضر عروض عمل حوالي 20 عرض من مواقع مختلفة وريتهالها.

ورحت مكمل لوحدي ازاي هاعمل المعادلة ووريتها الورق اللي طابعه...... ورحت مديها كتف قانوني وموريها ان شغلي طبقا لإحصائيات وزارة العمل الكيبيكية مطلوب و البطالة قليلة... ورحت مخلص عليها بأني وريتها دبلومة كنت محضرها اونلاين في شغلي من امريكا وهي من هيئة امريكية ليها احترامها في كندا وهي مجلس المباني الخضراء في امريكا وقلت لها اني بدراستي لموضوع المباني الخضراء ده بيسهل ايجاد فرص العمل في كيبك لانهم بدأو يطبق سيتم المباني الخضراء - ولمن لا يعلم المباني الخضراء هي المباني التي يكون لها تاثير قليل عبى البيئة وعبى استهلاك المواد الخام واقل في استهلاك الطاقة والمياه وغيره - وقعدت بقي فين يوجعك

راحت قالت لي سي بيا يعني كويس خالص... قلت خير يا واد

وهان بدأت معشوقة الجماهير البرنتر تشتغل............ قلت ميه ميه لقيتها طبعت ورقة اضافة الواد كوكو ابني... قلت جت اوت معلش.

راحت سالت مراتي انتي بتعرفي فرنساوي كويس قوي كده منين اخدتي كورس... المدام ردت لا انا خريجة مدارس فرنساوي وكنا بندرس كل حاجة بالفرنساوي وورتها شهادات المدرسة... وقالت لها بس انا كنت عملت تحديد مستوي في السنتر نيفو 10......... قالت بيا تري بيا

راحت سكتت وبصت لينا وابتسمت وقالت جي اكسبت.. :lol: انا موافقة انتو كويسين ومستقبلكم كويس هناك بشروط

ولا تتخيلو احساسنا مابين ارتباك وفرحة وذهول... وان تعبنا ماراحش هدر.. وتوفيق ربنا كان قبل كله حاجة.

قالت للمدام المعادلة بتاعتك صعبة وعاوزة وقت كتير ومجهود.....ردت مراتي عليها...... عارفة وانا مستعدة و هابتدي من بكرة.

قالت لي انت كويس و شاطر وشغلك مطلوب.بس لازم تتعلم فرنساوي علشان تعرف تلاق شغل.قلت لها عارف وهابتدي مذاكرة ومراتي هاتساعدني.

وقعدت تشرح لنا خطوات التقديم فيدرال وادنا كتاب ابرندر كيبك و بروشور بالعربي عن قيم المجمع.

وهنا قامت فتحت لنا الباب وسلمت علينا وقالت لينا مبروك وحظ موفق بوشانص ووصلتنا للاسانسير وطلبته لينا وتوتة توتة فرغت الحدوتة

الجزء التاني من الحكاية هايكون استخلاص لبعض النقط المهمة في المقابلةبتاعتنا و مقابلات الناس اللي شفتهم هناك ... اللي اتقبلو ا واللي اترفضوا... فاصل ونواصل....

الففففففففففففف مبروك يا مهاجر وعقبالنا يا رب

كنت عاوز استفسر على موضوع ابديت المولمود الجديد

لان ربنا ادانى مولود هو عنده شهر ونص وكنت عاوز اعرف اعمل ايه علشان اضيفة

والشيك بتاعة ببعته ولا اعمله قبل المقابلة و ادخل بيه المقابله

الف مليون مبروك العزيز المهاجر(يا راااااااااااجل حد يسيب مصر الحضاره والفوز عالجزائر والاسعار اللى زى الفل ويهاجر؟)شفيييييييييييييييق يا راااااااااااجل :lol:

الف مبروك يا برنس...وزى ما قلتلك حاجزلك مكان سقع(بضم السين)على مصطبه الميديكال...الف مبروك

بالنسبه لحبيبى ماتيوس

انت لازم قبل ما تحضر المقابله تبعت تقولهم انك رزقت بمولو د(ربنا يخليهولك)وهما هيبعتولك ميل بطلبات اضافته قبل المقابله...خلينى اقولك انها كالتالى:_

شهاده ميلاده

الفلوس بتاعته(شيك ب 150 دولار)

وتعمله باسبور منفصل وتبعت صورته... وربنا يسهلك امورك

ملحوظه اخيره ياعم المهاجر...احمد ربنا انها طلعت من بقك ان بتتكلم انجليزى بس...لانها (ليندا)سقطت واحده انا اعرفها معاها 7 مستويات فرنساوى بسبب انها قالتلها قوليلى التاش(المهم الوظيفيه بتاعتك)بالانجليش بعد ما

قالتها بالفرنش فقالتلها معرفش الا بالفرنش...فقالتلها ازاى متعرفيش انجليزى كده مش هتنجحى(وتعجبت جدا انها ممكن ترفضها عشان الانجلش)....وقد كان وسقطت الاخت بالرغم من انها لبلب فرنساوى

اطيب الامنيات وكمل يا برنس عشان اخوانك المتابعين

السبب هنا واضح للى يركز كويس , هى اترفضت علشان بان انها محضرة مع حد بالفرنساوى بس ( حافظ مش فاهم ) الطبيعى ان الترتيب الوظيفى دى حاجة سهلة جدا بالانجليزى و بنروح لحد علشان يترجمها فرنساوى مش العكس!

[bongeorgeo]

اولا الف الف الف مبروك للاستاذ مهاجر وحرمه وعقبال الميديكال ويظهر ان كوكو وشه حلوعليكم ثانيا عندي استفسار وارجو من الاخوه العباقرة ان يمتنعوا عن الرد بمعني ان سؤالي موجه للاخوه محدودي الذكاء ذي حالاتي كنت عايزة اعرف نمرة مدرس اومدرسة يديني دروس فرنساوي لأني خلاص مخي جاب اخره ومبقاش قادر يستوعب حاجة وعلي فكرة انا جربت في الجازة اللي فاتت 3 مدرسين واحد منهم اخدت نمرته من التوبيك دة وكل اللي استفدته من حصة ساعة ونص بميت جنية هو ان فاكانس تأتي دائما في صيغة الجمع اه والله والباقي كان ثرثرة ليس لها علاقة بالفرنساوي التاني بقي كان مدرس ثانوي ومعلوماته كويسه بس الكونفغساسيون عنده في الضياع والاكسون بتاعته وحشة كمان والتالت كان نيجيري مقيم في مصر ولحد النهاردة مش قادرة احدد اللغة اللي كان بيحاول يعلمهالي تبقي ايه بالظبط يا ريت يا جماعة الاخوة اللي ماشاء الله زكائهم خارق مايردوش عليا لأني عايزة مدرس شاطر جدا يقدر يعمل من الفسيخ اللي هو انا شربات وبالنسبة لسعره مش مشكلة يكون غالي المهم انطق فرنساوي في المقابلة جزاكم الله كل خير ولو اني شكه ان محدش هيرد عليا يظهر كلكم عباقرة واتا اللي حالة فريدة من نوعها

الاخت الفاضلة منال شوقى

لو عايزة تتعلمى فرنساوى صح يبقى المركز الثقافى الفرنسى بالمنيرة CFCC غالى اه بس فعلا بيعلم

الكورس العادى : مرتين فى الاسبوع 680 جنيه

يوم الجمعة والسبت 580 جنيه فقط

المكثف : 4 مرات فى الاسبوع 680 جنيه

سعر الكتاب 180 جنيه يكفى لاربع مستويات

لايوجد امتحان بفلوس بعد كل مستوى زى الاشاعات اللى انا سمعتها هنا . بس مش فاكر مين!

لا أنصح بمسيو عصام على الاطلاق لانه غالى على الفاضى وميحترمش مواعيده و اخر تقليعة انه بيرفض يدى لاى حد مش مقدم الملف معاه !

رقم نادية فلافل : استاذة للتحضير فى الأنترفيو 0101567366

[Morial]

uote]

الاخت الفاضلة منال شوقى

لو عايزة تتعلمى فرنساوى صح يبقى المركز الثقافى الفرنسى بالمنيرة CFCC غالى اه بس فعلا بيعلم

الكورس العادى : مرتين فى الاسبوع 680 جنيه

يوم الجمعة والسبت 580 جنيه فقط

المكثف : 4 مرات فى الاسبوع 680 جنيه

سعر الكتاب 180 جنيه يكفى لاربع مستويات

لايوجد امتحان بفلوس بعد كل مستوى زى الاشاعات اللى انا سمعتها هنا . بس مش فاكر مين!

لا أنصح بمسيو عصام على الاطلاق لانه غالى على الفاضى وميحترمش مواعيده و اخر تقليعة انه بيرفض يدى لاى حد مش مقدم الملف معاه !

رقم نادية فلافل : استاذة للتحضير فى الأنترفيو 0101567366

والله انا متفقة مع حضرتك تمام الاتفاق وكان عندي اقتراحين الاول هو ان ممكن ادرس في المركز الثقافي الفرنسي واطلب من احد المدرسين فيه يديني درس خصوصي يعني علشان اكسب وقت والتاني ليه منعملش توبيك خص بينا احنا الناس اللي لسة منتظرة الانترفيو ونذاكرفيه مع بعض يعني كل واحد يشارك بجزء من معلوماته وممكن للاخوة اللي خلصوا المقابلة يساعدونا بردة لو يقدروا ووقتهم يسمح واهو كله بثوابه وهنيالك يا فاعل الخير والاجر والثواب علي الله هاااااااااااااااااااااا ايه رأيكم اهو برده كل واحد فينا يقدر يحدد خو واقف فين بالظبط لما يشوف مشاركات الاخرين مستواها ايه وللا ايه؟

[jessika]

على فكرة يا استاذة منال فى توبيك هنا لاختنا برنسيس بتعلم فية فرنساوى كويس ممكن يفيدك لو تحبى

ربنا يوفئك

[Morial]

على فكرة يا استاذة منال فى توبيك هنا لاختنا برنسيس بتعلم فية فرنساوى كويس ممكن يفيدك لو تحبى

ربنا يوفئك

شكرا استاذة جيسيكا بس يا ريت تقوليلي التوبيك ده اسمه ايه وعلي فكرة انا شوفت حضرتك في الفيديو بتاع فرح عصام وكنت متشوقه جدا اشوف الفيديو علشان اشوفك لاني قولتله انك صاحبتي من المحاورات بما اني بعتبر كل المحاوراتية اصحابي

[jessika]

فيديو؟ يا كثوفى ..........فين الفديو دة وشفتية ازاى ؟ وقعتك بيضة يا عصام

[bat man]

الى اللى بيحضروا للمقابلت

رقم موبيل مدام فاتن مدرسة فى المركز الثقافى الفرنسى

127099800

ودى هايلة ونجحت ناس كتير

للاخوة اللى عندهم مقابلات فى سوريا

ارخص اماكن دير مار بولس وابراهيم الخليلى ودول جنب بعض والليلة 180 جنية مصرى للفردين فى غرفة

وحبيب السواق تتفق معاة من مصر همة 3 مشاوير يستناك فى المطار((ودة اهم مشوار ))) ويسكنكويوصلك لمكان المقابلة ويوصلك المطار ب2400 ليرة

لو اخدت تاكسى من المطار بس ح تدفع 1500 ليرة !!!

واللى عايز يحضر للمقابلة من سكان القاهرة الكبرى

تليفون مدام نادية فليفل للتحضير 0101567366

صاروخ الفرنساوى و مدرس الدلف فى المركز الثقافى الفرنسى مسيو رامى 0127736743

2= تليفون دير سوريا للمسحيين والمسلمين ودة ارخص واضمن مكاان0000 والحجز من مصر او مع حبيب السواق

تليفونة فى سوريا 00963114723377

3= نمر حبيب السواق وتتفق معاة من مصرينتظرك فى المطار

دى فى سوريا 00963944352150

[moheltohamy]

شكرا استاذة جيسيكا بس يا ريت تقوليلي التوبيك ده اسمه ايه وعلي فكرة انا شوفت حضرتك في الفيديو بتاع فرح عصام وكنت متشوقه جدا اشوف الفيديو علشان اشوفك لاني قولتله انك صاحبتي من المحاورات بما اني بعتبر كل المحاوراتية اصحابي

إلاّ هيه مفيش نسخة متسربة كده من الفيديو؟

عاوزين نشوف... عصام

[Morial]

شكرا استاذة جيسيكا بس يا ريت تقوليلي التوبيك ده اسمه ايه وعلي فكرة انا شوفت حضرتك في الفيديو بتاع فرح عصام وكنت متشوقه جدا اشوف الفيديو علشان اشوفك لاني قولتله انك صاحبتي من المحاورات بما اني بعتبر كل المحاوراتية اصحابي

إلاّ هيه مفيش نسخة متسربة كده من الفيديو؟ :lol:

عاوزين نشوف... عصام

هتشوف عصام تعمل بيه ايه يا دكتور تهامي راجل زي كل الرجالة وللا عصام ده حجه وقصد حضرتك القمرات اللي كانوا في فرح عصام ؟ وضح قصدك لو سمحت ونتكلم عن النسخة المتسربة دي بعدين بس خد بالك كل شيىء بتمنه وش ناديه الجندي في اي فيلم من افلامها

[حسام يوسف]

شكرا استاذة جيسيكا بس يا ريت تقوليلي التوبيك ده اسمه ايه وعلي فكرة انا شوفت حضرتك في الفيديو بتاع فرح عصام وكنت متشوقه جدا اشوف الفيديو علشان اشوفك لاني قولتله انك صاحبتي من المحاورات بما اني بعتبر كل المحاوراتية اصحابي

إلاّ هيه مفيش نسخة متسربة كده من الفيديو؟ :sad:

عاوزين نشوف... عصام

:lol: :lol:

[dr abo samra]

شكرا استاذة جيسيكا بس يا ريت تقوليلي التوبيك ده اسمه ايه وعلي فكرة انا شوفت حضرتك في الفيديو بتاع فرح عصام وكنت متشوقه جدا اشوف الفيديو علشان اشوفك لاني قولتله انك صاحبتي من المحاورات بما اني بعتبر كل المحاوراتية اصحابي

إلاّ هيه مفيش نسخة متسربة كده من الفيديو؟ :lol:

عاوزين نشوف... عصام

أول ما شفت الزعيم منور عالصفحه الرئيسيه فى توبك ابشرو قولت خير يا واد يا بو سمره ادخل بسرعه وشوف يبدو ان هناك جديد(الزميل صديق ضاحى)من استاد ابو داوود السباخ(اكيد عارفها يا دكتور تهامى)

قلت يمكن يكون فيه هدف صحيح والزعيم حسبه تسلل او ممكن يكون حد هيتقنطر انهارده

لكن أما وان الموضوع طلع موضوع شريط فيديو فأنا رايى من رأى د/محمد التهامى..

وخاصه ان الشريط ده ممكن يفيد ناس كتير فى الاعداد بالمعلومات اللى فيه.....يعنى الاكسونات والتصريفات والبروبوزاسيو

مش كده ولا ايه يا جسيكا؟ :lol:

مساء الفل يا عم د/تهامى

[Morial]

بس والنبي يا استاذ بات مان بلاش موضوع الصاروخ ده لأنه طلع صاروخ من اللي بنفرقعه في العيد الصوغير من ابو العلبة ب 75 قرش

[dr abo samra]

والله انا متفقة مع حضرتك تمام الاتفاق وكان عندي اقتراحين الاول هو ان ممكن ادرس في المركز الثقافي الفرنسي واطلب من احد المدرسين فيه يديني درس خصوصي يعني علشان اكسب وقت والتاني ليه منعملش توبيك خص بينا احنا الناس اللي لسة منتظرة الانترفيو ونذاكرفيه مع بعض يعني كل واحد يشارك بجزء من معلوماته وممكن للاخوة اللي خلصوا المقابلة يساعدونا بردة لو يقدروا ووقتهم يسمح واهو كله بثوابه وهنيالك يا فاعل الخير والاجر والثواب علي الله هاااااااااااااااااااااا ايه رأيكم اهو برده كل واحد فينا يقدر يحدد خو واقف فين بالظبط لما يشوف مشاركات الاخرين مستواها ايه وللا ايه؟

فى الحاله دى بقه يبقى هنعمل الاعداد على باب جامع يا ست منال :roseop: :lol:

ونشيل كيس بلاستيك من الاسود الممنوع ده وكل اللى خارج يحط معلومه فى الكيس

لا وايه يا حلاوه بقه لو المقابله كانت يوم جمعه بعد الصلاه تانى يوم العيد :lol:

تبقى حصه مراجعه ملهاش حل

خليكى فى توبيك تعلم الفرنسيه... ده راى شخصى وحاولى تنجزى ولو هتسالى كتير يبقى هتشتتى نفسك وخاصه ان وقت مقابلتك يا دوب

ربنا يوفقك

[dr abo samra]

بس والنبي يا استاذ بات مان بلاش موضوع الصاروخ ده لأنه طلع صاروخ من اللي بنفرقعه في العيد الصوغير من ابو العلبة ب 75 قرش

ايه ده هو غلى اوى ليه كده؟

بلد بتاعه شهادات صحيح :roseop:

[Morial]

والله معاك حق يا دكتور ابو سمرة اة باردون نسيت اقولك انك منور ومعاك حق برده يظهر ان عقلي الواعي بيتلكك لأن عقلي الباطن مالوش نفس يذاكر

[bat man]

على فكرة يا استاذة منال فى توبيك هنا لاختنا برنسيس بتعلم فية فرنساوى كويس ممكن يفيدك لو تحبى

ربنا يوفئك

شكرا استاذة جيسيكا بس يا ريت تقوليلي التوبيك ده اسمه ايه وعلي فكرة انا شوفت حضرتك في الفيديو بتاع فرح عصام وكنت متشوقه جدا اشوف الفيديو علشان اشوفك لاني قولتله انك صاحبتي من المحاورات بما اني بعتبر كل المحاوراتية اصحابي

الحقوني يا اخواني واخواتي الكرام انا في كارثة حقيقية انا قدمت الملف من18 يوم وبعتولي النهاردة علي الميل يقولولي معاد الانترفيو يوم1 فبراير والمشكلة اني بشتغل في السعودية وعقدي سينتهي قبل معاد المقابلة بيومين فقط وانا كنت مرتبة اموري علي ان لسة فية فيل نمبر واللي انتم عارفينة يعني مش ياخدوني علي الحامي كدة من الدار للنار لاني لسة في المستوي الرابع في الفرنساوي وانا كتبت في الابليكيشن اني في السادس قولولي اعمل اية دلوني يا اهل الخبرة والله انا في ضيقة ما يعلمها الا الله ولكم الاجر والثواب

الاخت منال

حضرتك فى السعودية

وشفتى فيديو فرح عصام وقلتى لة انك صاحبة جيسيكا فى المحاورات!!!!

وانتى مش عارفة حاجة وبتسالى وملخومة !!!!

وانت علاقتك بمسيو عصام قوية لدرجة انك شفتى فيديو فرحة 00000طيب انت بتسالى ازاى ومسيو عصام علاقتك بية قوية وشفتى فيديو فرحة وفى نفس الوقت انتى فى السعودية ومش عارفة حاجة 00هى اية الحكاية بالظبط وانت بتتريقى على رامى انة صاروخ

مش غريبة الاحداث المتناقضة

ادعوا ازكياء المنتدى لفك اللغز دة لانى ما تعودتش اعدى حاجات مش متركبة ؟؟؟!!!

[jessika]

بصراحة يا بات مان

انا لفت نظرى الموضوع دة بس قلت اكيد مش هى دى بتاعت السعودية ويمكن اتلغبطت فى الاسم

صحي اذا كنتى انتى نفس الشخص اية اللى جابك لعصام ؟ وكمان تقليلة انك صحبتى وتشوفينى من غير استأذان

كدة انا قلقت؟

احنا اتضحك علينا يا رجالة ولا اية؟

اوعى تكونى راجل يا بنت وشفتينى؟ يبقى وقعتك مخططة ...... وكدة كلامك فى الخاص بقى مش مجاملة هايبقى معاكسة

الحقى نفسك واعترفى لاحسن انتى حرة

[Nassarlink]

احنا اتضحك علينا يا رجالة ولا اية؟

متضحكش عليكي ولا حاجه

مدام منال كانت في اجازه في مصر لفت فيها لفه ورجعت تاني السعوديه

الدار امان

[hajeer]

السلام عليكم ورحمة الله

اولا اريد ان اشكر كل من ساعدني في كتابة الابليكيشن واعطاء المعلومات .

اليوم اجتزنا المقابلة بنجاح والحمد لله كانت في ابوظبي الساعة 8.30 صباحا. والتي دامت ساعة علما بأن زوجني هي المقدم الرئيسي وتحمل شهادة الماستر لغة الدراسة للبكالوريوس بالفرنسي والماستر بالانجليزي .

اريد ان ادكر لكم ما دار في المقابلة وما هي النقاط المهمة التي ركز عليها المقابل

1- المهم في كل المقابلة هي اتقان اللغة الفرنسية وليس المهم وجود شهادة دون اتقانها لان زوجتي كانت في الابليكشن واضعة علامة 8 على اتقان اللغة الفرنسية واثناء المقابلة قام المستشار بتغيير العلامة من 8 الى 12 لانها كانت متقنة اللغة بطلاقة .سألناه بأننا كنا

معتقدين بان تقييم اللغة عن طريق المستويات فوضعنا نحن 8 على اساس الاتقان الجيد وليس الممتاز فقال في المقابلة اللغة تقيم بسلاسة الكلام .وعندما سألها عن اللغة الانجليزية اين تعلمتها اجابت انها خلال دراسة الماستر في الاردن تعلمت الانجليزي لوحدها فطلب منها ان يكون الكلام بالانجليزي وتم دلك وقام بتغيير العلامة التي وضعتها على الابليكيشن من 6 الى 12 وقال لها انك تجيدين اللغتين بطلاقة

.ولا يفوتني دكري لكم بأني قد وضعت على اتقاني اللغة الفرنسية (صفر) في الابليكيشن و اتقاني للغة الانجيليزية عدلها من 8 الى 12

2- الامر الاخر وهو طلب جميع الشهادات الجامعيةوشهادات العمل والخبرات وكان يقارن بالصور الموجودة لدية بالملف ويقوم بتدقيق و بتعديل العلامات التي وضعت من قبل موظفيين سفارة كيبيك في دمشق و كان في نفس الوقت يسأل عن عدد سنوات الخبرة والدراسة والمهام الوظيفية التي قد شغلتها ....والمعلومات الروتنية من عدد افرد العائلة ,الخ......

3- الاسئلة الوحيدة التي كانت خارج نطاق الاوراق هي : 1- لمادا تريدون الهجرة الى كيبك؟2- ماذا تعرفون عن الكيبك؟3- ما هي الاجراءات التي ستقومون بها عند وصولكم الى كيبك؟؟4- مادا ستستفيد الكيبك من هجرتك؟؟؟.....وكانت الاجابة مختصرة وهادفة

ملاحظة : كان المستشار خلوق ويحسن التعامل وخفيف دم .

اخواني لا تتركو الخوف يسيطر عليكم الصراحة والوضوح في الكلام وترتيب اهدافكم و أولوياتكم يفيدكم اجابيا في تأثير وإقناع المستشار

واتنمى التوفيق للجميع .

[jessika]

ربنا يطمنك يا استاذ نصار

مش بقلك زعيم

الكبير كبير بردو

عموما انا عملت اتصلاتى حالا واتاكدت انها كانت اجازة بمصر ورجعت السعودية

متزعليش يا منال بس لازم نطمن يا اختى انتى عارفة بقى معندناش حريم تتكشف على ردالة ههههههههههههههههههههه