رد على إستفساراتكم السريعة عن الهجرة لكندا

[ياسر]

سؤال من فضلكم

ما وضع الزوجه الحامل حال وصولها الى كندا (فانكوفر) علي سبيل المثال ؟

هل يعملو لها تامين صحي مباشرتا حال وصولها كونها حامل ؟

للأسف لأ

لازم يفوت شهرين و باقي الشهر

يعني لو وصلتي يوم 20 ابريل مثلا يبتدي التأمين بتاعك في اول يوليو

و لو وصلتي يوم 25 يناير يبتدي تأمينك يوم واحد ابريل

و هكذا

و مش فانكوفر بس

في كل كندا

السلام عليكم,

مش في كل كندا بياخد كارد الضمان الصحي فترة طويلة,,, في اونتاريو و بريتيش كولومبيا مثلا بياخد 3 شهور,, في نوفا سكوشيا بيطلع نفس يوم التقديم,, و بيستحق التغطية الصحية من اول يوم لاندنج,, في ساسكتشيوان بعد حوالي 3 اسابيع,, اذا كان في امكانية انصح بعمل اللاندينج في نوفا سكوشيا(عشان مصاريف الولادة) لحين الولادة و بعد ماتقومي انتي و المولود بالسلامة ممكن تنتقلو لاي مكان تاني للاستقرار,,,مبروك مقدما و ربنا يوفقكم.

[om saif]

وحضرتك بالف خير يا رب

شكرا جزيلا على المساعده

انا دورت على 4121 ما لقيتهاش بالليسته الوظايف 29 المطلوبه للهجره دلوقتى

هى موجوده بنوك بس مش موجوده بالليسته الصغيره اللى جرى تعديلها يو 26 يوليو

فما ينفعش تقدم الا لما تتغير الليسته

انا فاهمه صح ام خطأ يا ريت حضرتك والاخوه الباقيين يصححونى لان لو فى امكانيه دلوقتى حالا هاجرى اقدم

الاخت الفاضلة ام سيف

كل سنة وانتى طيبة الليستة بها مدرس جامعة وتندرج تحت الرقم الاتى فى ال NOC

4121 University Professors

مع خالص التحية

[محتاجه مساعده]

السلام عليكم ياجماعه انا عندي استفسار بسيط بخصوص الهجره لكيبك للسنجل ..

لو شخص سنجل مقدم على كيبك وعمل المقابله ونجح وارتبط بعد موعد المقابله

ازاي يقدر يخلي زوجته تروح معاه او امته تقدر تلحقو لكيبك ؟؟؟ وايه الاجراءات المطلوبه ؟؟؟

؟؟؟؟؟

ارجو الافاده.؟؟؟؟؟؟؟؟؟

للامانه السؤال ده صديقتي وشخص اخر موصيني عليه وعاوزين اجابته سريعا .. شكرا لكم مقدما وياريت الاجابه تكون دقيقه..

انا سالت ياجماعه ومحدش رد عليه ياريت الاقي جواب منكم ؟؟

سؤال الثاني الي عايز يقدم لكيبك من ليبيا هل تقديم الورق حيكون لسوريا او مكان اخر ؟؟؟؟؟

ياجمااااااااااااااعه انا بسأل للمره الثالثه ايه ياجماعه هو السؤال صعب ؟؟؟؟؟؟؟؟؟؟؟؟؟؟؟؟؟؟

[أحمد سيف]

السلام عليكم ياجماعه انا عندي استفسار بسيط بخصوص الهجره لكيبك للسنجل ..

لو شخص سنجل مقدم على كيبك وعمل المقابله ونجح وارتبط بعد موعد المقابله

ازاي يقدر يخلي زوجته تروح معاه او امته تقدر تلحقو لكيبك ؟؟؟ وايه الاجراءات المطلوبه ؟؟؟

؟؟؟؟؟

ارجو الافاده.؟؟؟؟؟؟؟؟؟

للامانه السؤال ده صديقتي وشخص اخر موصيني عليه وعاوزين اجابته سريعا .. شكرا لكم مقدما وياريت الاجابه تكون دقيقه..

انا سالت ياجماعه ومحدش رد عليه ياريت الاقي جواب منكم ؟؟

سؤال الثاني الي عايز يقدم لكيبك من ليبيا هل تقديم الورق حيكون لسوريا او مكان اخر ؟؟؟؟؟

ياجمااااااااااااااعه انا بسأل للمره الثالثه ايه ياجماعه هو السؤال صعب ؟؟؟؟؟؟؟؟؟؟؟؟؟؟؟؟؟؟

عفوا معظم الناس اللي هنا مقدمين فيدرال وبالتالي ليس لديهم دراية بإجراءات الهجرة لكيبك

هناك موضوعات مختصة بكيبك يمكنك أن تطرحي فيها سؤالك ووإن شاء الله تلاقي حد يرد عليكي هناك.

[ايهاب المصرى]

الاستاذة الفاضلة \ ام سيف

خالص التحية

انا باعتذر ليكى شديد الاعتذار لان بعد البحث عن NOC الجديدة واللى نزلت 26\7 تم رفع عدد من الوظائف ومنها مدرسى الجامعة ولقد وجب الاعتذار لحضرتك لانى قمت بالرد بدون الرجوع الى البيانات الاحدث

ويمكن فطاحل المنتدى يردوا عليكى بوظيفة بديلة من النوك زى الدكتور قناوى او الاستاذ احمد سيف او الاستاذ رامى ولهم وافر التحية ورمضان كريم وتقبلى اعتذارى

[om saif]

ربنا يخليك ويبارك فيك يا رب

مفيش داعى للاعتذار حصل خير

رمضان كريم وربنا ييسر امورنا وامورك اللهم امين

الاستاذة الفاضلة \ ام سيف

خالص التحية

انا باعتذر ليكى شديد الاعتذار لان بعد البحث عن NOC الجديدة واللى نزلت 26\7 تم رفع عدد من الوظائف ومنها مدرسى الجامعة ولقد وجب الاعتذار لحضرتك لانى قمت بالرد بدون الرجوع الى البيانات الاحدث

ويمكن فطاحل المنتدى يردوا عليكى بوظيفة بديلة من النوك زى الدكتور قناوى او الاستاذ احمد سيف او الاستاذ رامى ولهم وافر التحية ورمضان كريم وتقبلى اعتذارى

[developerx]

يا جماعة انا مقدم من 8-2008 جالى خطاب رقم الملف فى 9-2008 بعد كده بفتره جالى طلب تحديث البيانات فى 4-2009 . ومن ساعتها لا حس ولا خبر ولا اى حاجه . لما بدخل اشوف حاله الملف بتاعى بيكون In Process

المفروض الميديكال ييجى امتى وبييجى ايميل ولا خطاب بريدى ؟

[om saif]

سؤال صغنن قد الفتفوته

لو حد راح فيزا دراسه كورسات انجليش مثلا لمده 3 او 6 شهور

ازاى يقدر يهاجر داخلى او يعمل بي ار من جوه

وهل بيكزن اسهل من الهجره اللى بره

بمعنى اصح ازاى تحط رجلك هناك وتبت فيها وما تتزحزحش حتى لو ربطوك بذيل طياره بوينجووطيروها على اقصي سرعه

[مصري و بس]

السلام عليكم ياجماعه انا عندي استفسار بسيط بخصوص الهجره لكيبك للسنجل ..

لو شخص سنجل مقدم على كيبك وعمل المقابله ونجح وارتبط بعد موعد المقابله

ازاي يقدر يخلي زوجته تروح معاه او امته تقدر تلحقو لكيبك ؟؟؟ وايه الاجراءات المطلوبه ؟؟؟

؟؟؟؟؟

ارجو الافاده.؟؟؟؟؟؟؟؟؟

للامانه السؤال ده صديقتي وشخص اخر موصيني عليه وعاوزين اجابته سريعا .. شكرا لكم مقدما وياريت الاجابه تكون دقيقه..

يقدر يكتب الكتاب قبل السفر و يوكل حد مكانة في الجواز مثلا يوكل والدة و مهم ان قسيمة الزواج يطلعها المازون بتاريخ بعد دخولة كندا عشان يبان انة اتجوز بعد السفر مش قبلة و هو مسافر ياخد ورق زوجتة معاة زي شهادة الكلية و الشهادات الاخري شبة ما قدمة هو للهجرة و ترسل لك قسيمة الزواج مترجمة من لازغلي و يجهز ملف الاسبنسر لها و يقدمة للفيدرال هتبعت موافقة يبعتها لكيبك و يفضل انك تبعت كل رسوم السفارة مرة واحدة عشان سرعة الملف هي حوالي 1200$ للفيدرال و 490 $ باين مش متأكد قوي انا خد مني حوالي 4 شهور و كانت زوجتي معاها الفيزا

تم تعديل 27 أغسطس 2010 بواسطة مصري و بس

[مصري و بس]

سؤال صغنن قد الفتفوته

لو حد راح فيزا دراسه كورسات انجليش مثلا لمده 3 او 6 شهور

ازاى يقدر يهاجر داخلى او يعمل بي ار من جوه

وهل بيكزن اسهل من الهجره اللى بره

بمعنى اصح ازاى تحط رجلك هناك وتبت فيها وما تتزحزحش حتى لو ربطوك بذيل طياره بوينجووطيروها على اقصي سرعه

اولا فيزا دراسة هتترفض من السفارة مابيدوش فيزا دراسة دا من خبرة سابقة أمل لو هتقدم علي دراسة كاملة في جامعة او كولدج مثلا ادارة اعمال او هندسة او غبرها

للدراسة في كندا يجب أولا أن تعرف شروط كل جامعة من ناحية شرط اللغة فيجب أن تجتاز اختبار اللغة سواء الفرنسية أو الأنجليزية حسب دراستك مثلا تطلب الجامعة ( 80% تويفل IBT او 7 IELTS أو اي امتحان اخر تعترف بة الجامعة) ثم شرط الجامعة من ناحية تقديرك العام فبعض الجامعات لا تقبل أقل من جيد أو جيد جدا و تسمي بال جي بي أة GPA(Grade Point Average) و يقاس من 4 فالرقم 4 = 100% فتطلب الجامعة ان يكون تقديرك العام 3 اي 75% أو 2 أي 50% و هكذا ثم يأتي شرط معادلة المواد التي درستها في الثانوية العامة و الكلية فربما أنت كنت أدبي و لكن تريد أن تدرس الصيدلة أو الهندسة في كندا فيجب دراسة اولا مواد مثل الكمياء أو الفيزياء أو الأحياء أو الرياضيات ثم تقدم للجامعة طلب للدراسة و تنتظر بما سترد عليك الجامعة اما الموافقة و اما أن تطلب منك بعض المواد التي لم تدرسها في مصر مثلا و في هذة الحالة تدرس هذة المواد في كولدج او اي جامعة تقدم هذة المواد وممكن تدرسها و تخلصها و أنت في مصر بدراستها اون لاين on line

بعد حصولك علي جواب الموافقة للدراسة في الجامعة كما سبق ذكرة في السؤال السابق يتطلب منك دفع مصاريف الدراسة و هنا يختلف الأمر أختلاف كبير بي كونك هتدرس في كندا و أنت مهاجر او مواطن كندي و بين كونك مصري في بعثة دراسة فأذا كنت هتدرس في كندا و تحصل علي فيزا دراسة فستدفع أنت كل مصاريف الدراسة من جيبك الخاص فضلا عن مصاريف الأكل و الشرب و السكن و اللبس و العلاج و هذا أمر ليس بالهين حيث ان مصاريف الدراسة في الترم الواحد تصل مابين 5000$ و 10,000$ اي انك تدفع ضعف ما ستدفعة ان كنت مهاجر او فيزا هجرة كما انك لا تستطيع العمل في كندا الا بتصريح عمل تحصل علية بعد 6 شهور من بداية الدراسة full time اي انت محتاج في العام الواحد قرابة ال 30,000$ من جيبك الخاص أما لو انت مهاجر فأنت من لحظة دخولك الأراضي الكندية فأنت تعامل كمواطن كندي لك كل الحقوق ماعدا الترشح في البرلمان الكندي الا بعد الحصول علي الجنسية بعد 3 سنوات من القامة في كندا سواء متصلة او متقطعة ومن هذة الحقوق أن تدرس علي نفقة الدولة و أن تحصل علي مبلغ شهري يغطي كل مصاريفك من ايجار سكن لمواصلات لاكل و العلاج علي نفقة الدولة أي انك لاتدفع سنت واحد بل تدرس في أفضل جامعات العالم ببلاش و تحوش فلوس كمان فالفرق جد كبير.

شوف يابرنس تقدم علي الدراسة و انت في مصر و توفي شروط الجامعة و في نفس الوقت تقدم هجرة و علي ماتحصل علي الفيزا تكون حصلت علي موافقة الجامعة و وفيت كل شروطها و بذلك تدخل كندا مهاجر تعامل كمواطن كندي و من ثم تقدم جواب الموافقة مع ابلكشن طلب مساعدة من الحكومة و ستقوم الحكومة بارسال شيك لك بمصاريفك الشخصية لتضعة في حسابك في البنك و سترسل هي شيك علي الجامعة بمصاريف دراستك و تعيش ملك.

[om saif]

والله سيادتك اللى ملك يا مصرى وبس

ربنا يباركلك على الرد المطول على السؤال الصغنن هههه

سؤال اصغنن من السؤال الاول

هيدا السؤال لاختى

ظروفها كالتالى دكتوره بالجامعه وطبعا مش موجوده بالقايمه الجديده

فقررت تدرس لحد لما تتغير القايمه وممكن ساعتها تقدم من هناك

عشان كده كنت اسال اللى عايز يقدم من جوه البلد

المهم راسلت جامعه كبيره هناك وسالت على كورسات داخل الجامعه

لقتهم مدتهم 3 شهور وسعرهم 4100 دولار بدون سكن والا اى شي اخر

فلو بعنا العفش والتلاجه والغساله والبوتجاز والمروحه ومضرب الهوكى واخيرا الحديده

ودفعنا المصاريف وارسلوا لنا طلب القبول

هل سترفض السفاره اعطاء فيزا رغم كل ذلك

افيدنا قبل ما نتورط وشكرا جزيلا مقدما على اخلاقك العاليه

سؤال صغنن قد الفتفوته

لو حد راح فيزا دراسه كورسات انجليش مثلا لمده 3 او 6 شهور

ازاى يقدر يهاجر داخلى او يعمل بي ار من جوه

وهل بيكزن اسهل من الهجره اللى بره

بمعنى اصح ازاى تحط رجلك هناك وتبت فيها وما تتزحزحش حتى لو ربطوك بذيل طياره بوينجووطيروها على اقصي سرعه

اولا فيزا دراسة هتترفض من السفارة مابيدوش فيزا دراسة دا من خبرة سابقة أمل لو هتقدم علي دراسة كاملة في جامعة او كولدج مثلا ادارة اعمال او هندسة او غبرها

للدراسة في كندا يجب أولا أن تعرف شروط كل جامعة من ناحية شرط اللغة فيجب أن تجتاز اختبار اللغة سواء الفرنسية أو الأنجليزية حسب دراستك مثلا تطلب الجامعة ( 80% تويفل IBT او 7 IELTS أو اي امتحان اخر تعترف بة الجامعة) ثم شرط الجامعة من ناحية تقديرك العام فبعض الجامعات لا تقبل أقل من جيد أو جيد جدا و تسمي بال جي بي أة GPA(Grade Point Average) و يقاس من 4 فالرقم 4 = 100% فتطلب الجامعة ان يكون تقديرك العام 3 اي 75% أو 2 أي 50% و هكذا ثم يأتي شرط معادلة المواد التي درستها في الثانوية العامة و الكلية فربما أنت كنت أدبي و لكن تريد أن تدرس الصيدلة أو الهندسة في كندا فيجب دراسة اولا مواد مثل الكمياء أو الفيزياء أو الأحياء أو الرياضيات ثم تقدم للجامعة طلب للدراسة و تنتظر بما سترد عليك الجامعة اما الموافقة و اما أن تطلب منك بعض المواد التي لم تدرسها في مصر مثلا و في هذة الحالة تدرس هذة المواد في كولدج او اي جامعة تقدم هذة المواد وممكن تدرسها و تخلصها و أنت في مصر بدراستها اون لاين on line

بعد حصولك علي جواب الموافقة للدراسة في الجامعة كما سبق ذكرة في السؤال السابق يتطلب منك دفع مصاريف الدراسة و هنا يختلف الأمر أختلاف كبير بي كونك هتدرس في كندا و أنت مهاجر او مواطن كندي و بين كونك مصري في بعثة دراسة فأذا كنت هتدرس في كندا و تحصل علي فيزا دراسة فستدفع أنت كل مصاريف الدراسة من جيبك الخاص فضلا عن مصاريف الأكل و الشرب و السكن و اللبس و العلاج و هذا أمر ليس بالهين حيث ان مصاريف الدراسة في الترم الواحد تصل مابين 5000$ و 10,000$ اي انك تدفع ضعف ما ستدفعة ان كنت مهاجر او فيزا هجرة كما انك لا تستطيع العمل في كندا الا بتصريح عمل تحصل علية بعد 6 شهور من بداية الدراسة full time اي انت محتاج في العام الواحد قرابة ال 30,000$ من جيبك الخاص أما لو انت مهاجر فأنت من لحظة دخولك الأراضي الكندية فأنت تعامل كمواطن كندي لك كل الحقوق ماعدا الترشح في البرلمان الكندي الا بعد الحصول علي الجنسية بعد 3 سنوات من القامة في كندا سواء متصلة او متقطعة ومن هذة الحقوق أن تدرس علي نفقة الدولة و أن تحصل علي مبلغ شهري يغطي كل مصاريفك من ايجار سكن لمواصلات لاكل و العلاج علي نفقة الدولة أي انك لاتدفع سنت واحد بل تدرس في أفضل جامعات العالم ببلاش و تحوش فلوس كمان فالفرق جد كبير.

شوف يابرنس تقدم علي الدراسة و انت في مصر و توفي شروط الجامعة و في نفس الوقت تقدم هجرة و علي ماتحصل علي الفيزا تكون حصلت علي موافقة الجامعة و وفيت كل شروطها و بذلك تدخل كندا مهاجر تعامل كمواطن كندي و من ثم تقدم جواب الموافقة مع ابلكشن طلب مساعدة من الحكومة و ستقوم الحكومة بارسال شيك لك بمصاريفك الشخصية لتضعة في حسابك في البنك و سترسل هي شيك علي الجامعة بمصاريف دراستك و تعيش ملك.

[om saif]

حد يجاوبنى على السؤال اللي فوق الله يكرمكم قبل ما نتسرع وندفع فلوس الكورس وتضيع علينا

يعنى لو دفعنا وجبنا جواب القبول ممكن ما يدوهاش الفيزا ؟

[أحمد سيف]

حد يجاوبنى على السؤال اللي فوق الله يكرمكم قبل ما نتسرع وندفع فلوس الكورس وتضيع علينا

يعنى لو دفعنا وجبنا جواب القبول ممكن ما يدوهاش الفيزا ؟

غالبا مش هيدوها الفيزا ... لإن أول سؤال هيسألوه ومش هتعرف تجاوب عليه إجابة مقنعة هو ليه اخترتي كندا بالذات علشان تدرسي انجليزي ... ما بريطانيا أقرب وأمريكا أسهل ومصر أرخص

ده طبعا غير انها لازم تثبت إن معاها فلوس كافيه للمعيشة طول مدة إقامتها وارتباطات ببلدها (وظيفة محترمة - أملاك كثير - عائله سايباها وراها ... الخ) وعدم ممانعة من جهة عملها

أنا زوجتى راحت كندا لحضور كورس بدعوة من جامعة كندية ... ومعاها جنسية دولة خليجية وحساب محترم في البنك وأملاك وجوازها فيه فيز بريطانيا وشنجن ... ورغم كده طلعوا عينها لحد ما أدوها الفيزا

وبعدين حتى لو أخذت فيزا وراحت هناك فهي هتعتبر غير مقيمة يعني هيسري عليها اللي هيسري على اللي مقدم من بره كندا ... المقيم هو من يحصل على Study Permit وده بيطلع للي هيدرس في كندا مدة 6 شهور على الأقل ... لكن هيا هتعتبر زائرة فليس لها أي امتيازات فيما يتعلق بالهجرة

رأيي الشخصي ... لفه مالهاش لازمه ومش هتفرق معاها حاجه فبلاش منها

تم تعديل 28 أغسطس 2010 بواسطة أحمد سيف

[om saif]

ربنا يكرمك يا رب يا اخ احمد ويبارك بصحتك وعمرك

جزاك الله خيرا

حد يجاوبنى على السؤال اللي فوق الله يكرمكم قبل ما نتسرع وندفع فلوس الكورس وتضيع علينا

يعنى لو دفعنا وجبنا جواب القبول ممكن ما يدوهاش الفيزا ؟

غالبا مش هيدوها الفيزا ... لإن أول سؤال هيسألوه ومش هتعرف تجاوب عليه إجابة مقنعة هو ليه اخترتي كندا بالذات علشان تدرسي انجليزي ... ما بريطانيا أقرب وأمريكا أسهل ومصر أرخص

ده طبعا غير انها لازم تثبت إن معاها فلوس كافيه للمعيشة طول مدة إقامتها وارتباطات ببلدها (وظيفة محترمة - أملاك كثير - عائله سايباها وراها ... الخ) وعدم ممانعة من جهة عملها

أنا زوجتى راحت كندا لحضور كورس بدعوة من جامعة كندية ... ومعاها جنسية دولة خليجية وحساب محترم في البنك وأملاك وجوازها فيه فيز بريطانيا وشنجن ... ورغم كده طلعوا عينها لحد ما أدوها الفيزا

وبعدين حتى لو أخذت فيزا وراحت هناك فهي هتعتبر غير مقيمة يعني هيسري عليها اللي هيسري على اللي مقدم من بره كندا ... المقيم هو من يحصل على Study Permit وده بيطلع للي هيدرس في كندا مدة 6 شهور على الأقل ... لكن هيا هتعتبر زائرة فليس لها أي امتيازات فيما يتعلق بالهجرة

رأيي الشخصي ... لفه مالهاش لازمه ومش هتفرق معاها حاجه فبلاش منها

[مصري و بس]

حد يجاوبنى على السؤال اللي فوق الله يكرمكم قبل ما نتسرع وندفع فلوس الكورس وتضيع علينا

يعنى لو دفعنا وجبنا جواب القبول ممكن ما يدوهاش الفيزا ؟

علي أد فهمي لكلامك انك بتسألي علي دراسة اللغة الأنجليزية و دا مستحيل يعني الزمالك تفوز علي الأهلي مستحيل و تخدي فيزا لدراسة الانجليزي مستحيل ذي ما الأستاذ أحمد سيف قال أما الدراسة اللي انا شرحتهالك هي دي التي في المتناول و هي

دراسة كاملة في مجال معين

علي فكرة لو ناوية تبيعي الحديدة ابقي قوليلي عشان عايزها

[sandy]

hi all

يا جماعه انا جديده فى موضوع الهجره ده و عايزه اعرف ابدا منين و اعمل ايه

فممكن لو سمحتم اى حد يقولى المفروض اول خطوه ايه

وسورى اوى يا جماعه انا حاولت افهم اى حاجه من الكلام الى بتكتبوه بس حاسيت نفسى ضايعه

فممكن حد يكون فاهم الحجات دى اوى وباله طويل بس حبتين يفهمنى ايه المطلوب بالظبط

thx alot for all

and have a nice time

[عمرو السيد]

hi all

يا جماعه انا جديده فى موضوع الهجره ده و عايزه اعرف ابدا منين و اعمل ايه

فممكن لو سمحتم اى حد يقولى المفروض اول خطوه ايه

وسورى اوى يا جماعه انا حاولت افهم اى حاجه من الكلام الى بتكتبوه بس حاسيت نفسى ضايعه

فممكن حد يكون فاهم الحجات دى اوى وباله طويل بس حبتين يفهمنى ايه المطلوب بالظبط

thx alot for all

and have a nice time

اول حاجه لازم تعميلها انك تحسبي درجاتك و ده سهل انتى ادخلي على الموقع ده

اول حاجه لازم تعميلها انك تحسبي درجاتك و ده سهل انتى ادخلي على الموقع ده

http://www.cic.gc.ca/english/immigrate/skilled/assess/index.asp

وبعدين شوفي وظيفتك موجوده ولا لأ ( يعني لو الوظيفه مش موجوده يبقي حضرتك تستني لحد ما تنزل او يكون عندك الخيار التاني اللي هوا كيبك )

كملي الخطوة دي و انتى هتعرفي موقفك بالضبط و شوفي هتحتاجي كام فى الايلتس عشان تجيبي 67

و انا تحت امرك وبالي طويل هههههههه

عمرو

تم تعديل 29 أغسطس 2010 بواسطة عمرو السيد

[om saif]

ربنا كريم ويقدم اللى فيه الخير يا رب

على فكره الحديده اتباعت امبارح بس مضرب الهوكى لسه

حد يجاوبنى على السؤال اللي فوق الله يكرمكم قبل ما نتسرع وندفع فلوس الكورس وتضيع علينا

يعنى لو دفعنا وجبنا جواب القبول ممكن ما يدوهاش الفيزا ؟

علي أد فهمي لكلامك انك بتسألي علي دراسة اللغة الأنجليزية و دا مستحيل يعني الزمالك تفوز علي الأهلي مستحيل و تخدي فيزا لدراسة الانجليزي مستحيل ذي ما الأستاذ أحمد سيف قال أما الدراسة اللي انا شرحتهالك هي دي التي في المتناول و هي

دراسة كاملة في مجال معين

علي فكرة لو ناوية تبيعي الحديدة ابقي قوليلي عشان عايزها

[developerx]

اسئلة مهمة جدا جدا الى اهل الخبرة ارجوا الاجابة عليها

1- المديكال بييجى خطاب بريدى ولا ايميل ؟

2- تقريبا المديكال بييجى بعد فترة قد ايه من طلب التحديث ؟

3- بعد ارسال طلب المديكال ايه الخطواط اللى المفروض الواحد يعملها ؟

فدرالى 8-2008 - مكتب القاهرة

[مصري و بس]

اولا ماهي شهاتك الدراسية و سنة التخرج و الحالة الأجتماعية ؟ اجبي الأسئلة دي و هقيم ليك ملفك سواء فيدرال او كيبك. سلام

hi all

يا جماعه انا جديده فى موضوع الهجره ده و عايزه اعرف ابدا منين و اعمل ايه

فممكن لو سمحتم اى حد يقولى المفروض اول خطوه ايه

وسورى اوى يا جماعه انا حاولت افهم اى حاجه من الكلام الى بتكتبوه بس حاسيت نفسى ضايعه

فممكن حد يكون فاهم الحجات دى اوى وباله طويل بس حبتين يفهمنى ايه المطلوب بالظبط

thx alot for all

and have a nice time