25 يناير ... موعد المصريين (5)

[se_ Elsyed]

واحكام القضاء النهائية ببطلان عضوية اعضاء فى مجلس الشعب ومقابلتها بالبلطجة السياسية من المجلس سيد قراره والدعاوى المزيفة من المرتزقه لتاييد مبارك ويوم الوفاء

الكهل العجوز بيتحدث الأن عن إحترام أحكام القضاء هههههههههههههههههههههه

أكثر من الف حكم قضائي ببطلان إنتخابات أكثر من 400 عضو مجلس عهر .. ومع ذلك يقول لك " المجلس سيد قراره "

أكثر من حكم قضائي بعودة حزب العمل وجريدة الشعب ..... ومباك يقول لهم أضربوا راسكم في الحيط

أكثر من حكم قضائي بتعويضات مختلفة صادرة ضد الحكومة .. ومع ذلك يقولوا لهم إضربوا راسكم في الحيط

وتقول لي في أمل في مبارك ؟

[hOuSsAm]

فى حاجه مهمه يا جماعه و اعتقد هى السبب فى تشبث امريكا ببقاء مبارك لهذا الحد

و هى اسرائيل

اسرائيل لا يمكن انها ترضى بوصول حد للسلطه يهدد الاتفاقيات الموقعه او يعملها صداع عندنا

و هو دا الكرت الوحيد من وجهه نظرى الى حسم الامر و خلى امريكا تساعد مبارك فى البحث عن حلول للخروج من المازق الى هو فيه

هما مستعدين يضغطوا عليه فى اى حاجه الا انه يمشى

و دا السقف الى عمر الاداره الامريكيه ما هتوصل ليه مع مبارك

أختي مغتربة

الكلمة الان للشعب

لا أمريكا ولا الشيطان حتى ....

فليفعل هو ما يشاء ... ولنفعل نحن ما نشاء .. والله فوق كل الظالمين

بخصوص امريكا واسرائيل

ما مدى رصيد البرادعى عند امريكا

يعنى طالما امريكا حاشرة مناخيرها فى الموضوع طيب ليه احنا منلعبش عالوتر ده ولو كان البرادعى محبوب بالنسبة ليهم يبقى نلعب عليه

(بصراحة مش عارف علاقات البرادعى مع امريكا واصلة لفين)

بس وجهة نظرى اننا نحل المشاكل الداخلية الاول وبعد كدة اى حد عايز يعمل اى حاجة مع اسرائيل يبقى ده مش وقته خالص

[Simba]

الخبر الاول علي موقع قناة العربية تجمع الاف في ميدان التحرير بس القناة نفسها مش جابية حاجة  

[hOuSsAm]

انا فعلا يا جماعه مش قادر اصدق اللى بيحصل على قد ما انا فرحان على قد ما انا حزين للى بيحصل ومش قادر ابطل اسال نفسى ليه ده حصل ليه على مدار 30 سنه مسمعش مره للشعب محققش مرة حلم من احلامنا

ليه نفس الوجوه مفيش غيرها

قد نفهم حب الرئيس للسلطة وقد نفهم خوفه من المحاكمه بعد الرحيل عنها لكن الغريب ليه الاصرار على كل القيادات اللى الناس بتكرهها

من المعقول ان يتمسك الرئيس بالحكم 30 سنه لكن ليه صفوت الشريف ، ليه فتحى سرور ، ليه فاروق حسنى ، كان ممكن الرئيس يستمر مدى الحياه لكن ليه حابب يجمد مصر حتى التغيير اللى جه بيه الحزب كان احمد عز وشلته

ليه انتظر النظام حتى احتراق مصر لتغيير الحكومة بالرغم من اشتعال المظاهرات لاكثر من 4 ايام وقبل ذلك نداءات الاحزاب وحرق المصريين لانفسهم

وفى كل مرة يطل علينا صفوت الشريف بوجهه القبيح ليلقى علينا المزيد من المهاترات وحق التعبير والاقلية ومجموعه لا تتعدى 200 واحد والقنوات الشرعية

كلام لايزيد النار الا توهجا داخل نفوس المصريين ولا ينسى احد تلك الجريمة الفجه التى ارتكبها النظام فى انتخابات مجلسى الشعب والشورى ليغلقو بذلك كل ابواب الامل فى وجه المصريين متحدين ارادة الشعب كله وواثقين كل الثقة فى قدرتهم على قمع المصريين والسيطرة عليهم وقدرتهم على فعل ما يشاؤن وقتما يشائون بلا رقيب ويزيفون الواقع امام العالم بما انهم يملكون الاعلام وادواته

فكم احترقت غيظا وانا ارى احمد عز يتفاخر بالمكاسب الساحقه للحزب فى الانتخابات وصفوت الشريف يتكلم عن القنوات الشرعية للتعبير عن الراى وان حق التظاهر مكفول حتى الرئيس نفسه ولاول مرة يخرج علينا ساخرا من المعارضة والبرلمان الموازى قائلا خليهم يتسلو واحكام القضاء النهائية ببطلان عضوية اعضاء فى مجلس الشعب ومقابلتها بالبلطجة السياسية من المجلس سيد قراره والدعاوى المزيفة من المرتزقه لتاييد مبارك ويوم الوفاء

فكانت هذه هى النتيجة الحتمية لكل ذلك لا محاله فكيف لم يرى النظام هذه النهاية المؤكده بغطرسته وثقته فى قبضته الحديدية

فنتمنى من الله ان يكون فى عون الشعب المصرى وادعو الله ان يخلصنا من كل هذه الرموز الفاسده ولا نرى منهم احدا ابدا على كرسيه بعد اليوم

ياعم خضر دى مصالح ناس

ودى الناس اللى عندها ولاء للنظام

الرئيس بيهتم بولاء بعض الاشخاص على حساب اى حاجة فى الدنيا

وكمان فيه حجات فى دهاليز السياسة بينهم احنا منعرفش عنها حاجة

وفى نفس الوقت الناس دى بالوقة انها متتنزلش عن كراسيها (وممكن تبيع اى حد)

[مغتربة]

فى حاجه مهمه يا جماعه و اعتقد هى السبب فى تشبث امريكا ببقاء مبارك لهذا الحد

و هى اسرائيل

اسرائيل لا يمكن انها ترضى بوصول حد للسلطه يهدد الاتفاقيات الموقعه او يعملها صداع عندنا

و هو دا الكرت الوحيد من وجهه نظرى الى حسم الامر و خلى امريكا تساعد مبارك فى البحث عن حلول للخروج من المازق الى هو فيه

هما مستعدين يضغطوا عليه فى اى حاجه الا انه يمشى

و دا السقف الى عمر الاداره الامريكيه ما هتوصل ليه مع مبارك

أختي مغتربة

الكلمة الان للشعب

لا أمريكا ولا الشيطان حتى ....

فليفعل هو ما يشاء ... ولنفعل نحن ما نشاء .. والله فوق كل الظالمين

بخصوص امريكا واسرائيل

ما مدى رصيد البرادعى عند امريكا

يعنى طالما امريكا حاشرة مناخيرها فى الموضوع طيب ليه احنا منلعبش عالوتر ده ولو كان البرادعى محبوب بالنسبة ليهم يبقى نلعب عليه

(بصراحة مش عارف علاقات البرادعى مع امريكا واصلة لفين)

بس وجهة نظرى اننا نحل المشاكل الداخلية الاول وبعد كدة اى حد عايز يعمل اى حاجة مع اسرائيل يبقى ده مش وقته خالص

معاك استاذ حسام

انا شايفه ان جزء كبير من حسم تردد اسرائيل و الاداره الامريكيه نفسها فى التخلى عن مبارك

ان احنا كشعب نقدم لهم البديل الى موافقين عليه

لان مخاوفهم كلها تنصب على ان لو حركه الاحتجاجات دى نجحت من غير رمز الشعب ملتف حوله دا هيؤدى الى ان ممكن اى حد ينط على الحكم هما مش عايزينه زى الاخوان المسلمين مثلا

لكن لو لاقت ان الشعب قابل بشخصيات بتتمتع باعتدال دينى و سيايى اعتقد انه موقفها هيتغير و ممكن انها تفتح معاه قنوات حوار

اعتقدد ان البرادعى بديل جيد بالنسبه لها فى كمان عمرو موسى لكن مش بنفس الدرجه لانه صحيح هو راجل دبلوماسى يعرف كويس اصول السياسه الا انه سبب ازعاج لاسرائيل شديد قبل كدا فى كمان عمر سليمان او احد قاده الجيش

دول الى ممكن يطمنوهم شويه ان التغير فى مصر مش هيادى لكارثه بالنسبه ليهم

هما كل رعبهم ان الاصلاحات الديموقراطيه توصل الاخوان للحكم زى ما وصلت حماس للسلطه و لغايه دلوقتى مش عارفين يخلصوا من الصداع بتاعها

مبارك راجل عسكرى و فاهم و لعب معاهم على الوتر دا

[مغتربة]

عاجل من الجزيره مصادمات عنيفه بين المتظاهرين و قوات الامن فى الاسماعيليه

[fatfouta]

المظاهرات بدات بالانتشار مرة اخرى باكتر من مدينة منها السويس والاسماعيلية فى غياب قوات الشرطة بشكل تام وبعض اعمال النهب والسرقة واجتماع للحكومة لتقديم الاستقالة

[مغتربة]

عاجل من الجزيره مظاهرات حاشده فى الاسكندريه

[se_ Elsyed]

- مصدامات عنيفة بين الأمن والمتظاهرين في الإسماعيلية

- شباب الأسكندرية المحترم هو من يقوم بتنظيم المرور وحماية الممتلكات من حالات نهب من قِبل المجرمين

- كل رجال الشرطة الأشاوس هربوا تركوا أقسام الشرطة تحترق وجميع سيارات الشرطة إحترقت تماماً ..

[مغتربة]

صحفيون للجزيره الشرطه اطلقت الرصاص الحى تجاه المواطنين فى السويس باوامر من القيادات

[اغابي]

يعنى هو كويس دلوقتى ان البلد فى يوم وليلة تتنهب وتتسرق

كدا يعجب - الانفلات الامنى فى مصر كارثة حقيقية وهو داه اللى كنا خايفين منه

لازم تتعاون يا جماعة لحماية الممتلكات العامة والخاصة لان دى بلدنا ودى رسالة ياريت توصل للجميع

مش مهم مين بيقوم بالنهب او السرقة او التخريب

المهم التعاون فى الحفاظ على ثروات البلاد

خاصة المنشات السياحية لاننا مش هنعرف نعوضها تانى دى عمرها الاف السنين

يارب احمى مصر

[se_ Elsyed]

عندما تنكشف الغُمه سيتضح عدد القتلى الذين ذبحهم الامن القذر ..

اللهم أنتقم من كل متجبر ظالم

[hOuSsAm]

يا جماعة

الاستاذة لماضة مصرية امبارح قالت انها هتطلع بعلم مصر وتقف قدام القنصلية بابوظبى ومن ساعتها محدش سمع عنها لا حس ولا خبر ولا شاركت باى حاجة

ياريت حد من الاخوات يتصل يتطمن عليها ويطمنا(احنا بردوا عايشين فى دول عربية ليها قوانين)

كمان ياريت لو حد يعرف حاجة عن اخونا بتوع الرياض اللى اتجمعوا فى مسجد الامير خالد يطمنونا عليهم

اللى اعرفه كمان الناس اللى عملت مظاهرات فى قطر والاردن كلهم بخير

[fatfouta]

R.N.N | شبكة رصد

الإسماعلية | اللجان الشعبية الآن ترابط حول كل المباني الهامة .. والألاف يتحركون تجاه مبنى المحافظة27 seconds ago

[hOuSsAm]

صحفيون للجزيره الشرطه اطلقت الرصاص الحى تجاه المواطنين فى السويس باوامر من القيادات

هو مش الشرطة انسحبت والجيش هو اللى متولى الامن؟

ولا الشرطة رجعت تانى؟

ولا ده فى اماكن معينة؟

[se_ Elsyed]

صحفيون للجزيره الشرطه اطلقت الرصاص الحى تجاه المواطنين فى السويس باوامر من القيادات

هو مش الشرطة انسحبت والجيش هو اللى متولى الامن؟

ولا الشرطة رجعت تانى؟

ولا ده فى اماكن معينة؟

لأ يا حسام .. هما قصدهم على العدد الكبير اللي سقط من القتلى وتجاوز 15 كان برصاص حي مباشر من الشرطة

[الغريب]

لو كان تاريخ مبارك على مدار الثلاثين عاما مشرف وطاهر وسيرة عطرة

لكفاه ما حدث من سوء ادارة خلال اليومين الماضيين ليلقي بيه في الجحيم

أمبارح تأخر في حديثه لمدة سبع ساعات من بعد حظر التجوال وإنسحاب الامن

يبدوا أن حبيب العادلي علم بأنه سيقال فترك الجمل بما حمل ، وقال فيها لأخفيها

الفترة الحالية صعبة للغاية والرئيس منه لله تاركنا للعبث والفوضى لا هو ترك الحكم ولا أمن الفوضى

نفسي يترك الحكم وأنا واثق في أن المصريين رجالة وهيقدروا يحموا البلد ، أنما للأسف هما خيفيين يحموا البلد ويستمر الظالم بعد ذلك

[se_ Elsyed]

لو كان تاريخ مبارك على مدار الثلاثين عاما مشرف وطاهر وسيرة عطرة

لكفاه ما حدث من سوء ادارة خلال اليومين الماضيين ليلقي بيه في الجحيم

أمبارح تأخر في حديثه لمدة سبع ساعات من بعد حظر التجوال وإنسحاب الامن

يبدوا أن حبيب العادلي علم بأنه سيقال فترك الجمل بما حمل ، وقال فيها لأخفيها

الفترة الحالية صعبة للغاية والرئيس منه لله تاركنا للعبث والفوضى لا هو ترك الحكم ولا أمن الفوضى

نفسي يترك الحكم وأنا واثق في أن المصريين رجالة وهيقدروا يحموا البلد ، أنما للأسف هما خيفيين يحموا البلد ويستمر الظالم بعد ذلك

ده كان ناقص نجيب بنزين ونولع في نفسنا في ميدان عام يا غريب عشان يسمع ويفهم

كانت قدامه فرصة لدخول التاريخ ولعمل تمثال من ذهب له في أكبر ميادين مصر لو في أخر أيام حكمه عدل الدستور وبقى في نظام بيحكم وليس أفراد

لو صحي لضميره ورجع أموال الشعب المنهوبة

لو قال سامحوني أنا كان مضحوك عليه وهاصلح كل حاجه

ساعتها كنا بالتأكيد هانقبله رئيساً مدى الحياه ..

كنا هانشيله فوق دماغنا وتجاوزنا عن خطاياه خلال 30 سنة

[fatfouta]

عاجل..

التليفزيون المصرى

القوات المسلحة تناشد الموطنين عدم التجمهر والتقيد بحظر التجول

تم تعديل 29 يناير 2011 بواسطة fatfouta

[اغابي]

عندما تنكشف الغُمه سيتضح عدد القتلى الذين ذبحهم الامن القذر ..

اللهم أنتقم من كل متجبر ظالم

يعنى ايه ذنبهم الامن يا استاذ س س سواء ظباط او مجندين

ما هما اهلنا ومصريين زينا بس حظهم المهبب هو اللى حطهم فى المامورية الصعبة دى

وتنفيذ الاوامر وبيدافعو عن نفسهم لان عددهم اقل من الناس

ربنا يحمى شعب مصر