25 يناير ... موعد المصريين (5)

[اغابي]

يا جماعة انا اتصلت دلوقتى حالا باختى فى مصر وبتقولى هى وجوزها ان البلد منهوبة ومسروقة

دى بتقولى الشوارع بقى فيها بلطجية ومجرمين عصابات منظمة بجد ومش بلطجية عادى

وبيخوفو الناس اللى فى الشوارع وبيكسرو المحلات والعربيات عيني عينك وبيسرقو كل اللى فيها وفيهم ناس

حرقو قسم الشرطة اللى فى مصر الجديدة وقت ما كانت بالصدفة معدية من الشارع شافتهم وسرقو كل الاسلحة وطلعو المحبوسين

البلد ادمرت بتقولى البلد فعلا ولعت ومفهاش امن كل الناس بلطجية ولصوص

انا لسة حالا كلمتها

[fatfouta]

اللى فى السويس بيصرخوا وبيقولوا ان الجرحى هيموتوا وانهم طلبوا امدادت طبية ومافيش حاجة وصلتهم

وان عندهم 14 قتلى او اكتر يجهزون لهم الاكفان

عقبال مايجهزوا كفنك يا بعيد عشان نخخخخلص

إنا لله وإنا إليه راجعون

[se_ Elsyed]

حرررررررررررام

لابد لقوات الصاعقة والقوات السريعة في الجيش أن تتدخل ... الشرطة أو بواقي الشرطة مش قادرين في السيطرة على السجون ... والالاف من المجرمين دول لو هربوا يبقى عليه العوض ومنه العوض ...

[fatfouta]

R.N.N | شبكة رصد

عـــاجل من راصدنا من قلب الحدث || اعداد المتظاهرين تقدر بربع مليون متظاهر والعدد فى زيادة مستمرةabout a minute ago

[fatfouta]

المتظاهرين فى الميادين ينظموا المرور

هما دول ولاد مصر ولا عزاء للامن

تم تعديل 29 يناير 2011 بواسطة fatfouta

[اغابي]

لو مساجين ابو زعبل خرجو - يا خبرررررررررر - يبقى ايه فاضل تانى

يارب استرها

[Alattar]

الناس رجعوا قالوا

الشعب يريد اسقاط الرئيس

للاسف برضو ما فهمش

يا خسارة .. يبقى هايطلع النهاردة يشيل رئيس إتحاد كرة القدم

ولو حددوا أكتر و قالوا رئيس الجمهورية

هيشيل رئيس نادي جمهورية شبين

[hOuSsAm]

R.N.N | شبكة رصد

عـــاجل من راصدنا من قلب الحدث || اعداد المتظاهرين تقدر بربع مليون متظاهر والعدد فى زيادة مستمرةabout a minute ago

طيب ليه الجيش والمتظاهرين متمركزين فى التحرير

ليه مش بيوزعوا نفسهم على احياء القاهرة لحمايتها

ليه سجن ابو زعبل بدون سيطرة الجيش

لازم الناس تتحرك بسرعة

الخساير المادية والبشرية كل يوم بتزيد

الحقوا مصر ياخونا

[Alattar]

نفسي اوووووووووووووووي اشوف عناوين جريدة الجمهورية بعد خلعه

أكتر جريدة منافقة شفتها في حياتي

أكيد هيقولوا ان الرئيس تنحي لأسباب صحية

وتجديد الدماء بأه و الحركات دي

[se_ Elsyed]

لو مساجين ابو زعبل خرجو - يا خبرررررررررر - يبقى ايه فاضل تانى

يارب استرها

أبو زعبل بس ؟

ده القاهرة الكبرى فيها العديد من السجون :

- أبو زعبل

- طُره

- القناطر

- المرج

- قسم الخليفة المُسمى بسجن الترحيلات

يعني بتتكلمي عن الاف مؤلفه من عتيدي الإجرام اللي ممكن يتفرقوا في الشوارع والحواري وينتقموا من المجتمع ككل ...

عشان كده لازم الجيش يتحرك والله يحرق اللي كان السبب

وكمان أعتقد لازم طلبة الكليات العسكرية ينزلوا الشارع هما كمان يساعدوا في نشر الأمن

وبرضوا أين المثقفين اللي لازم يكون لهم دور ويحركوا الشارع ويوعوه ويقفوا ضد أي إنحراف للثورة عن أهدافها ...

[أهااات روح]

عاجل || تم توقيف احمد عز من مطار القاهرة

[se_ Elsyed]

الله أكبر

تم توقيف احمد عز في مطار القاهرة

حد بقى يحضر لي كل الأسياخ الخمسة لينية عشان محتاجها قوي قوي قوي ...... وربنا أعلم باللي في نيتي

[fatfouta]

الجيش شكله هيبتدى يتغابى مع الناس بقى ولا ايه؟؟؟؟

بيقول انه كل من يخرق حظر التجول قد يعرض نفسه للخطر

[Alattar]

لما اسالك مين الاقوى الحرس الجمهوري ام الجيش

حترد عليا وتقول الجيش طبعا لانه الاكثر عددا وعتادا وتسليحا

لكن الامر يختلف مع الداهيه مبارك ,,

فقد استغل حصول مصر على اسلحه امريكيه متطوره للغايه وهي مدافع للجنود المشاه محموله على الكتف تطلق قذائف اليورانيوم الموجهة بالليزر نحو الدبابه فتخترق درعها السميك وتفجرها على الفور حتى لو ابرامز ام واحد

استغل ذلك وخص بها قوات الحرس الجمهوري فقط تحسبا لاي هجوم او انقلاب من الجيش عليه ,.!!

وسبحان الله على فطرة المتظاهرين الربانيه عندما قاموا بشكل عفوي بتعليم وتمييز دبابات الحرس الجمهوري ومدرعاته عن دبابات الجيش لان الحرس ولائه الاول للرئيس بينما الجيش ولائه الاول لشعب مصر ,,

هو مين قال ان الجيش ولائه الاول لشعب مصر؟

انا مش بكذب ....... انا عايز اثبات بس

وتاكيد على معلومات الاسلحة يا هندسة

كانوا بيسألوا واحد محلل سياسي امبارح علي الجزيرة

قالوله تتوقع الجيش في مصر يعمل زي ما عمل في تونس

قاللهم ما أعتقدش

الجيش في تونس كان دايما بعيد عن الحياة السياسية..و كان دوه شبه مهمش

لكن في مصر الوضع مختلف..و الجيش ليه وضعه

ربنا يستر و الجيش ما يكررش الي هببته قوات الأمن المركزي

[jamalpody]

عندنا في الاسماعيلية فوضي شديدة واشتباكات رهيبه مع الامن والمواطنين

اربع قتلي من شباب الاسماعيلية

ربنا معاكم يا ابطال

حيتم التغيير رغم انف الجميع

رغم انف الطاغية واذنابه

الشباب هو الامل

والشباب صنع المعجزه

لم اكن اتصور ان الشباب ممكن يعمل كل ده

[fatfouta]

مراسلة الجزيرة....فى الاسكندرية 23 جثة فى المشرحة

يارب إحقن دماء المصريين

[se_ Elsyed]

الالاف يحاصرون مبنى القرية الذكية الموجود بداخله الوزراء ...

ربنا يستر لإن مش عاوزين إنتقام شخصي دلوقت ...

أنا كل همي السجون والأمن دلوقت ...

[أهااات روح]

العربيه : السلطات المصريه أمرت بقطع اشاره البث المباشر للعربيه من القاهره

[طبيبة بالخارج]

الزفت عايز يسيبها والعة قبل ما يمشي رسمي

ايه مخليه سايب البلد كده تخرب و قاعد يتفرج عليها عشان الناس تجري عليه و تبوس ايده انه يعمل حاجة

هو بيستعبط لو كان اعلن التنازل عن الحكم كانت الأمور على الأقل حتكون شوية مفهومة و تحت السيطرة

ده المفروض يتعدم الف مرة على كده

يا رب الفرج من عندك يا رب

[fatfouta]

اوباما هيخطب بعد قليل

يا ترى هيقول ايه تانى؟؟؟