25 يناير ... موعد المصريين (5)

[King TUT]

المتظاهرون يحرقون مبني محافظه الاسكندريه للمرة الثانية

في أول رد فعل شعبي على خطاب مبارك .. انطلاق المظاهرات و ترديد هتافات " يسقط حسني مبارك

بورسعيد|| المظاهرات تخرج من جديد إحتجاجا على خطاب مبارك

المصريون يرفضون استقالة الحكومة ثمنا للدماء الشهداء .... و سيكملون المسيرة

[عبير يونس]

وعندك رمانه زياده للمدام اللي بتكتب بالاحمر فوق دي :happy:

في ركن الاشراف

عاجبكم كده

مش كنا حذفنا الموضوع أحسن و ادينا الباشمهندس انذار و خلاص

اهي وصلت لرمانة اهي

احم احم

مش تقولوا ان احنا ع الهوا

السادة الاعضاء

حنضطر للأسف ندي كل بياناتكم و ايميلاتكم اللي عندنا

بس مش عارفة لمين الحقيقة

ماهم كلهم فلسعوا

أنا و لا أعرفكوا

مع أول قفا حأقر و اعترف

إني لا يمكن حأفقد الأمل في التغيير

[King TUT]

حسب الاعلام الاسرائيلي خطاب حسني مبارك مسجل وانه هرب لسويسرا

[عبير يونس]

تصبحوا على خير

آمين و انتي من أهل الخير

[م تيمور المراغي]

تصبحوا على خير وكل حكومة وانتم طيبين

والغواء الحراميه الي نهبوا وسرقوا البلد وحرقوااقسام الشرطة ومباني حكومة وعامة

بإذن الله الجيش مستنيكم وهيبقى ضرب رصاص حي يبقى سفيه منهم يطلع من جحره

وشوية الاخونجية وبتوع العلمانية واذنابهم من ايمن نور واتباعه يخليهم في جحورهم هما كمان

كل مصري شريف يحمد الله على سلامة حسني مبارك وسلامة النظام وسلامة الجيش الي حافظ النظام ويدين بالولاء للوطن ورئيس الجمهورية لأنه ببساطة مبارك من الجيش والجيش مع مبارك

والسلام عليكم

اللي سرق البلد هو مبارك وانت عارف وانا عارف اخد ايه ووداه فين

واللي حرق الحزب ومقراته وسجلاته هما حرامية الحزب بس حيروحوا فين ماحنا عارفينهم بالاسم دي عشرة عمر

الشعب هو اللي فاضل وكل مجرم حيتمسك حيتمسك وحيتحاكم ,,

والكام مدرعه بتوع الجيش دول مش حياكلوا مع 80 مليون مصري قصادهم ,,

والمفروض ولاء جيش مصر يكون فقط لشعب مصر ,,

[King TUT]

يارب نصحى على خبر كويس يشرح القلب

تصبحوا على خير

[شرف الدين]

انا كمان شكلي هقولكم تصبحوا على خير

انا بقالي 12 ساعة بالتمام والكمال ادام اللاب توب والتلفزيون

هحاول افضل استمر لكن لو مقدرتش هضطر انام شوية

[شرف الدين]

باراك اوباما سيلقي خطاب بشأن مصر الآن

[شرف الدين]

تسمية انتفاضة مصر

انتفاضة اللوتس

زهرة فرعونية تشير إلى السلام

[Alshiekh]

مشاركة من المصريين فى نيويورك

http://www.youtube.com/watch?v=jln6nqXxzj0

[عبير يونس]

إخواني و أخواتي

تم فتح موضوع

25 يناير ... موعد المصريين (3)

http://www.egyptiantalks.org/invb/index.php?showtopic=116025&view=getlastpost

و قد تقرر تثبيت الموضوعين الأول والثاني

حتى يظل دائما في المقدمة و لا يضيع تحت مواضيع أخرى

نشكر حسن تفهمكم

عن فريق التنسيق و الادارة

[عبير يونس]

مع صلاة الفجر

أحببت أن اذكركم اخواني و اخواتي

بالدعاء لأهالينا في مصر

اللهم فك كربهم و فرج همهم

و انصرهم

آمين آمين آمين

[fatfouta]

مع صلاة الفجر

أحببت أن اذكركم اخواني و اخواتي

بالدعاء لأهالينا في مصر

اللهم فك كربهم و فرج همهم

و انصرهم

آمين آمين آمين

آمين

[عنبو]

هى دى مصر اللى اعرفها هى دى مصر اللى اموت علشانها هى دى مصر اللى مخبينها على العالم هى دى مصر مش شوية العاهات اللى بيجوا فى الاعلام يتكلموا عنها ربنا معاكى يا بلادى

http://www.youtube.com/watch?v=gapkBjuhGLQ&feature=player_embedded

يارب انت تعلم مدى الظلم الواقع علينا

اللهم فرجه عنا يااااااااارحمن يا من تقول للشىء كن فيكون

[msayed]

أظنكم تعلمون مدى كرهى لمبارك ولكن المرحلة القادمة تستدعى التعقل

الثورة سوف تحقق كل أهدافها لو تم التركيز على ما يلى:

1- إقالةالحكومة

2- حل الحزب الوطنى الديمقراطى

3- حل مجلس الشعب المزور وإنتخاب مجلس جديد

4- تعديل المواد الدستورية الخاصة بإنتخاب الرئيس

5- ويظل مبارك فى موقعه حتى موعد الإنتخابات الرئاسية التالية.

إقتراحقد لا يعجب الأغلبية ولكن الفوضى التى على الأرض وعدم توقع ما هى الخطط التى تدبرفى الخفاء قد يجعله أكثر الحلول عملية. ولا أرى مانع فى التسامح معه وإقامته فىمصر فهو لديه كثير من المعلومات الأسرار التى لا ينبغى أن يهرب بها وقد تحتاجهاالحكومة

تم تعديل 29 يناير 2011 بواسطة msayed

[احمد رضوان]

http://www.youtube.com/watch?v=Rr1JEDXf5v0&feature=related

كم كنت اتمنى أن أكون هناك الآن أقف معكم ولكن الله معكم وهو ناصركم ... يار رب نصرك الذي وعدت للمستضعفين في الأرض وضاقت عليهم الأرض وسدت كل السبل وانقطع بهم الأمل ... انت انت رجائهم ... يارب ... يارب

إسلمي يا مصر إننى الفدا ... ذي يدي إن مدت الدنيا يدا

دماء الشهداء في رقبة مبارك ... دماء الشهداء في رقبة مبارك ...

[م تيمور المراغي]

هذا اليوم الجديد الذي بدأت خيوط فجره تبزغ سيكون يوما ملحميا يضاف الى تاريخ مصر المشرف، سننزل جميعنا شبانا وشيابا، مسلمون ومسيحيين من أجل المطالبة بحقوقنا وحرياتنا، سنخرج في مسيرات تمنيناها سلمية تنطق بالتمدن والتحضر الذي يدّعيه النظام ولكن أبى هذا النظام الا أن يصبغها بالعنف والدموية، وليعلم النظام أن كل قطرة دم تراق انما تعجل من نهايته

النظام الذي تلوثت يده بدماء الشهداء لابد ان يرحل ,,

المجتمع الدولي بالكامل في صفنا الان ويساندنا في الحصول على حريتنا من النظام القمعي الفاسد المجرم المستبد ,,

مطالبنا لن تتغير ,,

- عدم ترشح الرئيس في الانتخبات الرئاسيه المقبله

- تغير الدستور ليكون الترشح للرئاسه مرتين متتاليتين فقط

- مع اقالة الحكومه من المنطقي انه تمت اقالة حبيب العدلي فان لم يكن فلابد ان يقال وان يحاكم

- حل مجلس الشعب المزور والدعوه لانتخابات برلمانيه جديده تحت الاشراف القضائي الكامل ,,

- الغاء حظر التجول وانسحاب الجيش المصري من الشارع وعودة قوات الامن بشرط عدم تعرضها للنشطاء والمتظاهرين وتركيز دورها في حماية المنشآت العامه فحسب ,,

تحيا مصر ,,

[fatfouta]

رئيس الحكومة الجديد هو رشيد محمد رشيد........وبكرة تقولوا فتفوتة قالت

وممكن كمان يخلى نظيف يمسك الشورى عشان مايزعلوش

وهيخلى العادلى فى مكانه ذى ماهو

وفتحى سرور طبعا ذى ماهو

وشريف مش عارفة هيوديه فى انهى داهية

المهم يعنى كلاب امريكا هيفضلوا ومش هيمشوا

العملية فيها طبخة كبيرة جدااااااا اتطبخت امبارح وحسيتها من ساعة ما أستدعوا رئيس الاركان من امريكا وانا مش عارفة هو ايه اللى يوديه امريكا دلوقتى

اوباما طلع قال اتصلت من يومين بالرئيس حسنى مبارك بعد ما البيت الابيض نفى انه اتكلم معاه خلال الايام الثلاثة الماضية

فيه كذب ومؤامرررررررررة عالشعب وفى النهاية امريكا واسرائيل مش عاوزين غير عميلهم حوووووسنى عشان هو اللى بيراعى مصالحهم فى مصر

عرفتوا بقى ان بلدكم مش سهلة ولو وقعت هتقع كل الدول العربية حواليها والشرق الاوسط هيتهز؟؟؟؟؟

فين اللى كانوا بيقولوا لو لم اكن مصريا لا ارتحت نفسياااا.....تعالوا اعرفوا قيمة بلدكم

دلوقتى العملاء عرفوا ان مصر ليها قيمة ومرعوبين من عدم استقرارها.....كلاب فعلا كلاب

أما الشعب بقى فبيضرب بقنابل مسيلة للدموع مكتوب عليها...........صنع فى امريكا

لك الله يا مصر.....أنصرنا يااااااارب

تم تعديل 29 يناير 2011 بواسطة fatfouta

[Alattar]

كده متهيالي ان العملية بدات توضح و الخطة اللي كانوا حاطينها نفذوها لحد دلوقتي بدقة عالية..سحب الامن المركزي وانزال قوات من الجيش لتحدث فوضي عارمة من بلطجية مرتزقة من قبل النظام و برضه اتاحة الفرصة لبعض اللصوص للسرقة و النهب و التخريب بمرأي ومسمع من الجيش..ثم يتحدث الرئيس ليقول للناس ان هذا ما فعلتوه بانفسكم..وبعد كده الجيش يسيطر وشيئا فشيئا الوضع يرجع زي ما كان و انيل كمان

بجد لو الثورة وقفت دلوقتي يبقب خسرنا كل حاجة و كمان السلطة هتقول ان ده آخر الناس و مش هيقدروا يعملوا اكتر من كده

ربنا يستر الفترة الجاية و الثورة تستمر..والناس ما يجيلهاش احباط

[fatfouta]

رئيس الحكومة الجديد هو رشيد محمد رشيد........وبكرة تقولوا فتفوتة قالت

وممكن كمان يخلى نظيف يمسك الشورى عشان مايزعلوش

وهيخلى العادلى فى مكانه ذى ماهو

وفتحى سرور طبعا ذى ماهو

وشريف مش عارفة هيوديه فى اهى داهية

المهم يعنى كلاب امريكا هيفضلوا ومش هيمشوا

العملية فيها طبخة كبيرة جدااااااا اتطبخت امبارح وحسيتها من ساعة ما أستدعوا رئيس الاركان من امريكا وانا مش عارفة هو ايه اللى يوديه امريكا دلوقتى

اوباما طلع قال اتصلت من يومين بالرئيس حسنى مبارك بعد ما البيت الابيض نفى انه اتكلم معاه خلال الايام الثلاثة الماضية

فيه كذب ومؤامرررررررررة عالشعب وفى النهاية امريكا واسرائيل مش عاوزين غير عميلهم حوووووسنى عشان هو اللى بيراعى مصالحهم فى مصر

عرفتوا بقى ان بلدكم مش سهلة ولو وقعت هتقع كل الدول العربية حواليها والشرق الاوسط هيتهز؟؟؟؟؟

فين اللى كانوا بيقولوا لو لم اكن مصريا لا ارتحت نفسياااا.....تعالوا اعرفوا قيمة بلدكم

دلوقتى العملاء عرفوا ان مصر ليها قيمة ومرعوبين من عدم استقرارها.....كلاب فعلا كلاب

أما الشعب بقى فبيضرب بقنابل مسيلة للدموع مكتوب عليها...........صنع فى امريكا

لك الله يا مصر.....أنصرنا يااااااارب

يعني أخراتها بيقينا كلاب، بصراحة مش عارف أرد عليك أقول ايه.!

حضرتك فهمت غلط

انا قصدى كلاب امريكا يعنى اعونها وراعوا مصالحها فى مصر هى واسرائيل

اعتقد ان حضرتك مصرى فى امريكا وانا عمررررررى ماشتم اهل بلدى فى اى مكان يا أستاذى