25 يناير ... موعد المصريين (5)

[fatfouta]

ما لاحظتوش كمان مين اللي موجود في الشارع وبيضحكوا عليكم وبيقولوا الجيش ؟

ده مش الجيش أيها السادة وفوقوا الله يرضى عليكم ... دول الحرس الجمهوري التابع لمبارك مباشرة

يعني أفظع من الأمن المركزي ... وهاتشوفوا

وده من أجل مزيد من السيطرة على الكرسي مش على الأمن ولا على حياة الناس

والله جيت اقول كده امبارح قالوا لى اطلعى من البلد

[Simba]

بصراحة انا حاسس ان الجزيرة بتقول للناس تتظاهر بالمتغطي كده ..... شريط الاخبار ثابت علي عاجل رريترز .... كمان من مراسل الجزيرة الصبح كان بيقول من المتوقع اندلاع مظاهرات اليوم ف اي وقت !!!

[se_ Elsyed]

بصراحة انا حاسس ان الجزيرة بتقول للناس تتظاهر بالمتغطي كده ..... شريط الاخبار ثابت علي عاجل رريترز .... كمان من مراسل الجزيرة الصبح كان بيقول من المتوقع اندلاع مظاهرات اليوم ف اي وقت !!!

سمبا

مش عاوزين ننساق ورا إن الجزيرة بتحرض أو الإخوان بيقودوا المظاهرات

يا عزيزي دي مصر الحقيقية ودول شباب مصر وأملها اللي أنفجر من كتر الظلم ...

الان هناك توافد لألاف على ميدان التحرير للمطالبة بشيء واحد فقط ... وهو " رحيل مبارك "

طبعاً ممكن يطلع أخر النهار يقول إنه سمع الناس وهايشيل رشيد الوحش عشان نبني سوا ونصلح سوا في الأيام الجايه

[msayed]

يا جماعة أرجوكم تقرأوا وتفكروا فى إقتراحى ولنتفق هذه المرة لإنقاذ بلدنا فالوقت وقت عمل وربنا يحفظ مصر

الإقتراح فى المرفقات

وهل مبارك بهذا العقل والتعقل والحكمة حتى يحل الحزب الوطني ويظل رئيساً بغير صلاحيات و و و و و و و

كان قالها أمبارح في خطابه وهو شايف الشعب بيهتف بسقوطه !!!!

وهل سيتركه الحرس القديم يحلهم ويشردهم ويلبسهم طُرح ويقعدهم في البيت وهو كبيرهم الذي علمهم السحر وكانوا بينصصوا مع بعض وخرج هو منها ويلبسها لهم ؟

بفرض إن قراراته إما الهروب أو الموت وهذا ما أعتقده فسيكون الحل بجعله رمز مؤقت أفضل.

[fatfouta]

الجزيرة نت..آخر الأخبار

تجدد الأحتجاجات بمصر .....

تحدى المحتجون حظر التجوال وتدفقوا بالمئات إلى ميدان التحرير وسط القاهرة في الساعات الأولى من صباح اليوم السبت، رغم الانتشار الكبير لقوات الجيش للتعبير عن اعتراضهم على مضمون خطاب الرئيس المصري حسني مبارك، الذي أعلن فيه إقالة الحكومة وتكليف حكومة جديدة.

وقال مراسل الجزيرة في القاهرة عبد الفتاح فايد إن المتظاهرين رددوا هتافات تطالب بالتغيير، وأكدوا أن الخطاب لا يلبي الطموحات لأن الحكومة الجديدة ستتشكل من نفس الرموز المتهمة بالفساد.

الجزيرة نت

[moory]

الواضح ان الرئيس مغيب عن الي بيحصل

مش حاسس بخطورة الموقف فعلا

زي بالظبط الي بيحصل و يتقال على التلفزيون المصري

الوضع تحت السيطرة

اكيد هوا ده الي بيوصلو من كلاب النظام

[msayed]

انا شايف إن إزاحة مبارك حاليا أو تنحيه أكبر غلط و ممكن يدخل البلد في منحدر لن تتعافى منه سريعا و لكن في نفس الوقت تصريحات مبارك لا تشفي جراح المصريين و لا تقدم و لا تؤخر شيئا ما أتمنى أن يحدث هو الاتي: مرحبا بمبارك الى نهاية الفترة الرئاسية الحالية مع ضمان تداول السلطة السلمي و القيام فورا بالتدابير الاتية:

حل المجالس النيابية

الغاء قانون الطوارئ

إقالة الحكومة كاملة و على رأسهم حبيب العادلي

تعهد الرئيس بعدم الترشح في الانتخابات القادمة و عدم ترشح إبنه

تعديل دستوري حقيقى يصلح العوار الحالي

1- الاستقالة من رئاسة الحزب الوطنى وعدم انضمامه لأى احزاب أخرى والإمتناع عن العمل السياسى بعد انتهاء فترة رئاسته.

2- تشكيل حكومة إنقاذ وطنى انتقالية تنتهى بنهاية فترة رئاسته.

3- تشكيل لجنة يتفق عليها حكماء الأمة لصياغة دستور جديد لمصر ، ولله الحمد لدينا فقهاء فى الدستور يمكنهم صياغة دستور عصرى

4- بقائه كرئيس شرفى حتى إنتهاء مدة رئاسته فى شهر نوفمبر 2011( التاريخ الطبيعى لانتهاء فترة رئاسته).

5-إجراء انتخابات لمجلسى الشعب والشورى بنظام القائمة النسبية والفردية.

يا محمد إحنا متفقين

أنا كتبت ورقة وبعتها بالفعل للأصدقاء وهاتلاقيها فى رد سابق والواجب دلوقت إن الطلبات دى تبقى هى طلبات المظاهرة علشان ننقذ بلدنا - إزاى نوصل لهم كده؟

[Simba]

يا استاذ سين سين بشرنا بالخير الله يبشرنا كلنا بالخير ..... صحيح الناس بتدفق علي ميدان التحرير ..... ده خبر أكيد ولا ايه

[fatfouta]

هى الجزيرة مباشر شغالة عند حد يا جماعة الله يخليكم؟؟؟

[pink rose]

يعني الدبابات دي مش جيش يا اخوانا دا اكيد الكلام دا و لا ايه؟

[fatfouta]

يا استاذ سين سين بشرنا بالخير الله يبشرنا كلنا بالخير ..... صحيح الناس بتدفق علي ميدان التحرير ..... ده خبر أكيد ولا ايه

بيقولوا يا سمبا تجدد المظاهرات فى القاهرة

والمراسل بيقول ان فيه مظاهرات هتبقى الساعة الثالثة فى ميدان التحرير

الجزيرة

تم تعديل 29 يناير 2011 بواسطة fatfouta

[Alshiekh]

قبل منتصف الليل:

فتحي سرور طلع قال في التلفزيون الرسمي

مصر في ايد امينة

مصر في ايد السيد حسني مبارك

والبرلمان هينعقد يوم الاحد

وجايبين رئيس الوزرا يوم الاحد نساله

ونصدر توصايتنا

هنعمل ايه اكتر من كده

======================

بعد منتصف الليل:

مبارك يقيل الحكومة ويؤكد ان انه ملزوق فى الكرسى ومحدش حيقدر يطبعه من الكرسى إلا بموته

[pink rose]

بعض الموبايلات رجعت اشتغلت

اتصلت على موبايل جوزي السعودي دلوقتي و اشتغل

تقريبا اشتغلت في مناطق و مناطق تانية لأ

[fatfouta]

النيران مازلت مشتعلة فى مقر الحزب الوطنى

وبعضا منها اصاب محكمة الجلاء

[pink rose]

تجدد المظاهرات في الاسكندرية امام مسجد القائد ابراهيم

[hOuSsAm]

الجزيرة نت..آخر الأخبار

تجدد الأحتجاجات بمصر .....

تحدى المحتجون حظر التجوال وتدفقوا بالمئات إلى ميدان التحرير وسط القاهرة في الساعات الأولى من صباح اليوم السبت، رغم الانتشار الكبير لقوات الجيش للتعبير عن اعتراضهم على مضمون خطاب الرئيس المصري حسني مبارك، الذي أعلن فيه إقالة الحكومة وتكليف حكومة جديدة.

وقال مراسل الجزيرة في القاهرة عبد الفتاح فايد إن المتظاهرين رددوا هتافات تطالب بالتغيير، وأكدوا أن الخطاب لا يلبي الطموحات لأن الحكومة الجديدة ستتشكل من نفس الرموز المتهمة بالفساد.

الجزيرة نت

قوات الجيش ولا الحرس الجمهورى

وسؤال يفرض نفسه هو الحرس الجمهورى معاه دبابات (لو كدة تبقى معلومة جديدة وربنا يسترها)

طيب ده فى التحرير وماذا عن بقية المحافظات؟؟

السوايسة والاسماعيلية وسينا ابطال اكتوبر عاملين ايه

اسكندرية مقاومين الاحتلال الانجليزى وصلوا لايه

المنصورة ودمياط قاهرين الاحتلال الفرنسى

المحلة وشباب 6 ابريل

______________________

طيب اخونا فى الصعيد صحيوا من النوم وحسوا ان البلد فيها حاجة ولا لسه اثار المنوم موجود

[fatfouta]

مراسل الجزيرة...ميدان التحرير خالى من اى عسكرى شرطو او امن مركزى

[fatfouta]

لو تشوفوا المشهد اللى عالجزيرة دلوقتى هتلاقوا الدبابات اللى ماشية فى ميدان عبد المنعم رياض

مكتوب عليها....(يسقط مبارك) بالاسبراى الأسود طب الناس كتبتها امبارح وهما سابوهم ليه؟؟؟

تم تعديل 29 يناير 2011 بواسطة fatfouta

[se_ Elsyed]

يا استاذ سين سين بشرنا بالخير الله يبشرنا كلنا بالخير ..... صحيح الناس بتدفق علي ميدان التحرير ..... ده خبر أكيد ولا ايه

نعم وبإذن الله الموجه الأخيرة لإسقاط مبارك ستكون في الثالثة بتوقيت القاهرة .. حيث أن حركة 6 أبريل المحرك الرئيسي لهذه المظاهرات دعت للتواجد في الشوارع من الثالثة عصراًً في إعتصام سلمي ومفتوح حتى تتم الأستجابة لمطالبهم

[fatfouta]

الجزيرة نت..آخر الأخبار

تجدد الأحتجاجات بمصر .....

تحدى المحتجون حظر التجوال وتدفقوا بالمئات إلى ميدان التحرير وسط القاهرة في الساعات الأولى من صباح اليوم السبت، رغم الانتشار الكبير لقوات الجيش للتعبير عن اعتراضهم على مضمون خطاب الرئيس المصري حسني مبارك، الذي أعلن فيه إقالة الحكومة وتكليف حكومة جديدة.

وقال مراسل الجزيرة في القاهرة عبد الفتاح فايد إن المتظاهرين رددوا هتافات تطالب بالتغيير، وأكدوا أن الخطاب لا يلبي الطموحات لأن الحكومة الجديدة ستتشكل من نفس الرموز المتهمة بالفساد.

الجزيرة نت

قوات الجيش ولا الحرس الجمهورى

وسؤال يفرض نفسه هو الحرس الجمهورى معاه دبابات (لو كدة تبقى معلومة جديدة وربنا يسترها)

طيب ده فى التحرير وماذا عن بقية المحافظات؟؟

السوايسة والاسماعيلية وسينا ابطال اكتوبر عاملين ايه

اسكندرية مقاومين الاحتلال الانجليزى وصلوا لايه

المنصورة ودمياط قاهرين الاحتلال الفرنسى

المحلة وشباب 6 ابريل

______________________

طيب اخونا فى الصعيد صحيوا من النوم وحسوا ان البلد فيها حاجة ولا لسه اثار المنوم موجود

انا ابن عمى بيخدم فى الحرس الجمهورى يا حسام وبيقول ان ده سلاح لوحده وليه اسلحته ذى الجيش بالضبط

اما عن ان اللى موجودين جيش ولا حرس جمهورى فاهما طبعا مش موضحين ان ده حرس جمهورى لكن رأيى الشخصى ان دول حرس جمهورى لحماة مبارك