25 يناير ... موعد المصريين (5)

[Simba]

هو التلفزيون بتاعنا عايش فين .... النيل للأخبار بتقول الوضع هادي نسبيا  

[الســـاري]

يا جماعة

الاستاذة لماضة مصرية امبارح قالت انها هتطلع بعلم مصر وتقف قدام القنصلية بابوظبى ومن ساعتها محدش سمع عنها لا حس ولا خبر ولا شاركت باى حاجة

ياريت حد من الاخوات يتصل يتطمن عليها ويطمنا(احنا بردوا عايشين فى دول عربية ليها قوانين)

كمان ياريت لو حد يعرف حاجة عن اخونا بتوع الرياض اللى اتجمعوا فى مسجد الامير خالد يطمنونا عليهم

اللى اعرفه كمان الناس اللى عملت مظاهرات فى قطر والاردن كلهم بخير

اطمنك يا استاذ حسام ان لماضة مصرية بخير .. ولسه كنت مراسلها قبل شوية

و تقول ان كل اللي في الامارات بخير والحمدلله

[hOuSsAm]

تفتكروا لو طلع وقال تشكيل الحكومة الجديدة الوضع هيتغير

لاء طبعا لان ده ابعد حاجة عن مطالب الشعب

الناس متضايقة جدا من الخطاب ومش مقتنعة بالكلام

[أحمد سيف]

والله لو أبليس نفسه كان فكر في حل يخرج بيه مبارك من ورطته ما كانش هيعرف يوصل للسيناريو الخبيث اللي تم بالأمس.

مبارك بعد أن أدرك أن زبانية الأمن المركزي أصبحوا غير قادرين على التصدي للشعب وأن مصيره أصبح في مهب الريح قام ساحبهم من الشوارع و ريّحهم من المواجهات المستمرة في الوقت اللي أرهق فيه المتظاهرين في التصدي للبلطجية والمخربين الذين أطلقهم ... ثم أنه بإنزال الجيش الى الشوارع امتصّ غضب الجماهير وأوهمهم بأن الأمور قد استقرت والنظام قد سقط الأمر الذي أكسبه ساعات إضافية اتضح فيها الموقف الأمريكي وعقد صفقة مع الجيش يضمن بها ولاؤه أو على الأقل حياده ... ثم ظهر في خطاب أفعواني بعد منتصف الليل بعد أن تعب الجميع من أحداث اليوم الدامية مانحا الشعب بعض التنازلات التي لا ترقى للحد الأدنى من المطالب ومكررا كلامه المعسول عن الإصلاح. واثقا أنه سيكون من الصعوبة أن يهب الناس مرة أخرى بنفس الزخم نظرا لانقطاع الاتصالات وانتهاء يوم الإجازة وسيطرة الجيش على المحاور الرئيسية للمدن.

مخطط خبيث لا شك ... ولكن يمكرون ويمكر الله ... الأمر لايزال بيد الشعب الذي ينبغي أن يقدم المزيد من التضحيات لينال حريته الكامة ويضرب النظام في لحظه ضعفه قبل أن يستعيد توازنه.

[jasmin hamed]

شباب مصر لازم يحميها مابقاش فى امل فى الشرطه

الى بيحرقو المحاكم الشرطه مسجلين خطر عارفين ان سجلاتهم فيها

تم تعديل 29 يناير 2011 بواسطة jasmin hamed

[أحمد سيف]

عاااااجل

الجزيرة...عاااااجل

الجيش يقبض على مجموعة من ضباط الشرطة مسئوله عن عمليات السلب و النهب امس و يبرز هوياتهم امام الجماهير

ده اللي كنا متأكدين منه وبنقوله من البداية ... لكن للأسف بعض المخدوعين ظلوا يرددون أن هذه الجرائم هي من عمل المتظاهرين.

[اغابي]

والله لو أبليس نفسه كان فكر في حل يخرج بيه مبارك من ورطته ما كانش هيعرف يوصل للسيناريو الخبيث اللي تم بالأمس.

مبارك بعد أن أدرك أن زبانية الأمن المركزي أصبحوا غير قادرين على التصدي للشعب وأن مصيره أصبح في مهب الريح قام ساحبهم من الشوارع و ريّحهم من المواجهات المستمرة في الوقت اللي أرهق فيه المتظاهرين في التصدي للبلطجية والمخربين الذين أطلقهم ... ثم أنه بإنزال الجيش الى الشوارع امتصّ غضب الجماهير وأوهمهم بأن الأمور قد استقرت والنظام قد سقط الأمر الذي أكسبه ساعات إضافية اتضح فيها الموقف الأمريكي وعقد صفقة مع الجيش يضمن بها ولاؤه أو على الأقل حياده ... ثم ظهر في خطاب أفعواني بعد منتصف الليل بعد أن تعب الجميع من أحداث اليوم الدامية مانحا الشعب بعض التنازلات التي لا ترقى للحد الأدنى من المطالب ومكررا كلامه المعسول عن الإصلاح. واثقا أنه سيكون من الصعوبة أن يهب الناس مرة أخرى بنفس الزخم نظرا لانقطاع الاتصالات وانتهاء يوم الإجازة وسيطرة الجيش على المحاور الرئيسية للمدن.

مخطط خبيث لا شك ... ولكن يمكرون ويمكر الله ... الأمر لايزال بيد الشعب الذي ينبغي أن يقدم المزيد من التضحيات لينال حريته الكامة ويضرب النظام في لحظه ضعفه قبل أن يستعيد توازنه.

شكرا يا دكتور احمد

بصراحة تحليل اكثر من رائع

طب سؤال دلوقتى

الانفلات الامنى داه واخر الاخبار ان 40 ظابط اتمسكو فى محاولة لسرقة المتحف المصري

داه ايه معناه هل سيستمر لوقت طويل ولا الحياه فى مصر هادية والناس بتروح شغلها ومفيش اى مشاكل

اهم حاجة عندنا دلوقتى الامان فى الشارع المصري ومنع اللصوص والمخربين ايا ان كانو هؤلاء - ما هو الحل

؟؟

تم تعديل 29 يناير 2011 بواسطة اغابي

[jasmin hamed]

لازم عمل منع لتحويل الاموال خارج مصر

[لونا]

الجزيرة

هبطت أسواق المال الرئيسية في العالم متأثرة بوقع الأحداث السياسية بمصر وتسابق المستثمرون إلى الذهب، الملاذ الآمن في أوقات الأزمة.

و أستاذ في التمويل ( يعني إيه ؟) بجامعة قطر الإسلامية على ال bbc الآن

يقول أن هناك زيادة في سحب الودائع من البنوك المصرية و يطالب فاروق العقدة رئيس البنك المركزي بوضع حد أقصى للسحب

و البرادعي في إتصال مع الجزيرة بعد قليل

[اغابي]

معلشي بجد الجزء داه من المسرحية حسيت انها اكيد مناسبة جدا للواقع اللى احنا فيه

http://www.youtube.com/watch?v=8uR4CGyYSpA

ويا انا يا انتم يا شعب

وشر البلية ما يضحك

تم تعديل 29 يناير 2011 بواسطة اغابي

[لماضة مصرية جدا]

عاااااجل

الجزيرة...عاااااجل

الجيش يقبض على مجموعة من ضباط الشرطة مسئوله عن عمليات السلب و النهب امس و يبرز هوياتهم امام الجماهير

ده اللي كنا متأكدين منه وبنقوله من البداية ... لكن للأسف بعض المخدوعين ظلوا يرددون أن هذه الجرائم هي من عمل المتظاهرين.

تعديل بسيط بس

اللي قبض علي اللي كان بيسرق و كانوا امناء شرطة و ظباط....اللي قبض عليهم كانو من الناس من الشعب

علي حسب اللي بنسمعه لغاية دلوقتي....الجيش واقف بيتفرج و مش بيعمل اي حاجة...بيعمل تأمين للمنشآت فقط

[the consultant]

الجزيرة

هبطت أسواق المال الرئيسية في العالم متأثرة بوقع الأحداث السياسية بمصر وتسابق المستثمرون إلى الذهب، الملاذ الآمن في أوقات الأزمة.

و أستاذ في التمويل ( يعني إيه ؟) بجامعة قطر الإسلامية على ال bbc الآن

يقول أن هناك زيادة في سحب الودائع من البنوك المصرية و يطالب فاروق العقدة رئيس البنك المركزي بوضع حد أقصى للسحب

و البرادعي في إتصال مع الجزيرة بعد قليل

هو ده أكبر خوف يا جماعة الاقتصاد بيتدمر تماما كدة البنوك ممكن تشهر افلاسها واحد ورا التاني لان كدة تحقق اكبر مخاطر عمليات البنوك و هي اتجاه كل المودعين لسحب اموالهم مرة واحدة و طبعا البنوك مفيهاش سيولة و دي كاااااااااااااااارثة لازم الامور توضح سريعا لازم تحصل حاجة توقف الفوضى . يااااااااااااااااااارب يسر من عندك.

كنت في حوار مع اهلي و صحابي في الاسكندرية مديرية الامن الجديدة ولعت تماما كارفور اتنهب و اتدمر المحلات اللي على البحر اتكسرت و اتاخد منها كل ثمين و لا يوجد عسكري واحد و لا حتى مرور . يارب استر و اتمها على خير

اللهم ارنا الحق حقا و ارزقنا اتباعه و ارنا الباطل باطلا و ارزقنا اجتنابه

[Simba]

دلوقتي الجيش مش قوات مكافحة شفب يعني لا غاز ولا عصي ولا رصاص مطاطي ..... اللي عنده ذخيرة حية .... والجيش بيناشد تفريق التظاهرات ... ايه هيكون الحال لو لقدر الله حصل اشتباكات بينهم

[لونا]

قوات من الجيش دخلت طنطا بالفعل

و على وشك دخول المحلة الكبرى

عن قناة البي بي سي

[لماضة مصرية جدا]

يا جماعة

الاستاذة لماضة مصرية امبارح قالت انها هتطلع بعلم مصر وتقف قدام القنصلية بابوظبى ومن ساعتها محدش سمع عنها لا حس ولا خبر ولا شاركت باى حاجة

ياريت حد من الاخوات يتصل يتطمن عليها ويطمنا(احنا بردوا عايشين فى دول عربية ليها قوانين)

كمان ياريت لو حد يعرف حاجة عن اخونا بتوع الرياض اللى اتجمعوا فى مسجد الامير خالد يطمنونا عليهم

اللى اعرفه كمان الناس اللى عملت مظاهرات فى قطر والاردن كلهم بخير

اطمنك يا استاذ حسام ان لماضة مصرية بخير .. ولسه كنت مراسلها قبل شوية

و تقول ان كل اللي في الامارات بخير والحمدلله

استاذ حسام....جزي الله حضرتك كل خير.....احنا من امبارح في حوارات ...و عمالة تنزل علينا تحذيرات من كل ناحية

و الخلاصة....روحنا و السفارة المصرية طلبت من الامن تأمينها.....من مين...مش عارفة

لما استفهمنا عرفنا ان السفارة المصرية تحسبا لاي "تخريب" او "اعمال عنف" طلبت تعزيزات امنية و ده اللي حصل..(يمكن لما شافوا اللي في التلفزيون مثلا!!!!!!!!!!!)

يعني حتي الوقفة السلمية......ماااااااااافيش

بعض افراد الجالية في دبي....راحوا برضه السفارة المصرية ووقفوا بالعربيات رافعين الاعلام مش اكتر...و لما العدد ابتدي يزيد.....الامن الاماراتي حضر و صرفهم

لما اخدوا بعضهم علي النادي المصري بدبي....راحوا لقوا النادي مقفول.....مع انه يوم الجمعة يعني

و ادينا جينا.....زي ما روحنا

احنا بس كنا عايزين نحس ان احنا معاهم باي شكل....كنا هنقف ساكتين و الله

ما علينا

ربنا كريم

شكرا علي سؤال حضرتك مرة تانية

[لماضة مصرية جدا]

السلام عليكم و رحمة الله و بركاته

الناس مستغربة من عدم تواجد رجال الشرطة في الشارع

واضح انهم بيعملوا نوباتشية مع الجيش...عشان يريحوا شوية....متفقة مع مداخلة استاذ احمد سيف جدا

الحل

هو تكوين لجان شعبيةمن الناس نفسها في كل شارع....و الناس تعيد تنظيم نفسها و حماية الممتلكات

ربنا يستر

[jasmin hamed]

عدد المتظاهريين تجاوز الخمسين ألفا الأن فى ميدان التحرير

[jasmin hamed]

الاهالي في الاسكندريه كونوا لجان شعبيه في عده مناطق للحفاظ علي الممتلكات العامه وعمل فرق للمرور وعمل فرق للحفاظ علي اقسام الشرطه

[hOuSsAm]

الجزيرة

هبطت أسواق المال الرئيسية في العالم متأثرة بوقع الأحداث السياسية بمصر وتسابق المستثمرون إلى الذهب، الملاذ الآمن في أوقات الأزمة.

و أستاذ في التمويل ( يعني إيه ؟) بجامعة قطر الإسلامية على ال bbc الآن

يقول أن هناك زيادة في سحب الودائع من البنوك المصرية و يطالب فاروق العقدة رئيس البنك المركزي بوضع حد أقصى للسحب

و البرادعي في إتصال مع الجزيرة بعد قليل

هو ده أكبر خوف يا جماعة الاقتصاد بيتدمر تماما كدة البنوك ممكن تشهر افلاسها واحد ورا التاني لان كدة تحقق اكبر مخاطر عمليات البنوك و هي اتجاه كل المودعين لسحب اموالهم مرة واحدة و طبعا البنوك مفيهاش سيولة و دي كاااااااااااااااارثة لازم الامور توضح سريعا لازم تحصل حاجة توقف الفوضى . يااااااااااااااااااارب يسر من عندك.

كنت في حوار مع اهلي و صحابي في الاسكندرية مديرية الامن الجديدة ولعت تماما كارفور اتنهب و اتدمر المحلات اللي على البحر اتكسرت و اتاخد منها كل ثمين و لا يوجد عسكري واحد و لا حتى مرور . يارب استر و اتمها على خير

اللهم ارنا الحق حقا و ارزقنا اتباعه و ارنا الباطل باطلا و ارزقنا اجتنابه

يا جماعة والله حراااااااااااااااااااام

مش كدة

اقتصاد البلد بيقع

ممكن اسبوع كمان واهلنا فى مصر ميلقوش أكل

الناس اللى فلوسها فى البنوك مش هتعرف تاخدها

البنوك هتفلس

كفاية خساير اصحاب المحلات والتجارة

لحد امتى

عايزين يوصلوا لايه

طيب اخبار المخزون الاستراتيجى ايه؟

طب هو بيبقى فين (اتسرق ولا لسه؟

طيب مين بيحميه

طيب اجهزة الدولة التانية شغالة ولا ايه

الجوازات ولا وزارة التموين ولا المستشفيات

اخاف البلطجية يدخلوا يسرقوا الاجهزة الثمينة من المستشفيات

حسبى الله ونعم الوكيل

حسبى الله ونعم الوكيل

حسبى الله ونعم الوكيل

[اغابي]

خلاص يا جماعة مش هينفع ابدا اننا نتراجع او نسكت او ما نكملش

دى فترة المخاض والالم

وفى انتظار لحظة الميلاد

ميلاد الحرية

هانت خلاص - اللحظة قربت

يارب احمى شعب مصر