المصريين المغتربين بالكويت

[pocy]

جزاك الله كل الخير الاخ محمد عبد الله انا قريت ال38 صفحه والحمد لله واتمنى الباقي يستفاد من تجارب الناس وبجد انا اول مره اسمع منك على الموضوع ده

بس انا بقي يا اخوانى واخواتتى عايزه اتاكد من امر ما سمعته مأخراً هل صحيح ان الطفل التالت اقامته غير الطفل الاول والتانى يعنى بتبقي اغلي بتوصل في حدود 300 دينار ولو كان الموضوع ده صحيح ليه القرار ده طلعوه هو احنا كترنا قوي في البلد وعايزين يقللوا من العدد بالطريقه دى اتمنى من اللى سمع حاجه عن الموضوع ده يفيدنى

اهه صحيح اخ محمد الموضوع التانى فتح معاى وجزاك الله كل الخير عليه والله فى اماكن انا اول مره اسمع عنها

[pocy]

فينكم يا اخوانى هو انا دايما قاعده لوحدى كده يالا مستنيه ردودكم وكمان سؤال لو الواحد جاب توأم فيعتبره واحد التانى والتانى الثالث ولا لا هههههههههههه

[pocy]

السلام عليكم ورحمه الله وبركاته مش عارفه الواحد الايام دى مخنوق كده ليه

بجد الواحد مشتاق للاهل والاقارب والاحبه مصر وحشانى البلد هنا حساها ضاقت عليا كده مش عارفه ليه والمشكله مش هينفع انزل مصر قبل شهر 10 علشان ظروف الشغل بتاع زوجى وربنا بيعين

استفر الله العظيم من كل ذنب عظيم استغفر الله العظيم استغفر الله العظيم

مش كتر الاستغفار يشيل الهم ولا ايه ؟؟؟؟؟؟؟؟؟؟؟؟

اتمنى ان تكون حالتكم افضل من حالتى بكتير والله الموفق

[تامر مصطفى]

السلام عليكم ورحمه الله وبركاته مش عارفه الواحد الايام دى مخنوق كده ليه

بجد الواحد مشتاق للاهل والاقارب والاحبه مصر وحشانى البلد هنا حساها ضاقت عليا كده مش عارفه ليه والمشكله مش هينفع انزل مصر قبل شهر 10 علشان ظروف الشغل بتاع زوجى وربنا بيعين

استفر الله العظيم من كل ذنب عظيم استغفر الله العظيم استغفر الله العظيم

مش كتر الاستغفار يشيل الهم ولا ايه ؟؟؟؟؟؟؟؟؟؟؟؟

اتمنى ان تكون حالتكم افضل من حالتى بكتير والله الموفق

ربنا يريح قلبك ويزيح همك

معلش استحملي هو الصيف ممل كده علشان الناس كلها بتبقى مسافرة

ربنا يعينك والايام تعدي بسرعة

[pocy]

جزاك الله خيرا اخ تامر على مأزرتك لى بس فعلا البلد تقريبا فاضيه ومعظم اللى اعرفهم وبزرهم وبيزرونى في مصر وبالتالى حاسه انى مفيش غيري موجود وحتى لما الواحد بيخرج بيحس ان مفيش حد فى البلد دانا جوزى عرض على انى اسوق السياره مانا معاى رخصه بس بخاف اسوق تخيلوا لان الشوارع فاضيه ومش بقت زحمه زى قبل كده وكمان مش بقينا نركن فى الباركنج لان تحت البيت دلوقت فى اماكن كتير تخبلوا العماره كلها فاضيه مفيش غير شقتين بس اللى صحابهم موجودين انا وشقه الدكتور اللى في السادس والباقي مسافر

فعلا البلد هنا من غير الوافدين ملهاش لزمه للاسف دا حتى اصحاب البلد معظمهم سافروا الله بيعين الكام شهر دول لحد ما الكويت تعمر تانى

انا مش عارفه البلد دى لو مش فيها وافدين هيبقي فيها ايه بالضبط ؟؟؟؟؟؟؟؟؟؟؟؟؟؟؟؟؟؟؟؟

واقتصادهم قايم على الخدمات اللى بيقدمها للوافدين

بس بجد جزاك الله كل الخير استاذ تامر ويارب نكون كلنا نأزر بعض دايما

[herohero]

جزاك الله خيرا اخ تامر على مأزرتك لى بس فعلا البلد تقريبا فاضيه ومعظم اللى اعرفهم وبزرهم وبيزرونى في مصر وبالتالى حاسه انى مفيش غيري موجود وحتى لما الواحد بيخرج بيحس ان مفيش حد فى البلد دانا جوزى عرض على انى اسوق السياره مانا معاى رخصه بس بخاف اسوق تخيلوا لان الشوارع فاضيه ومش بقت زحمه زى قبل كده وكمان مش بقينا نركن فى الباركنج لان تحت البيت دلوقت فى اماكن كتير تخبلوا العماره كلها فاضيه مفيش غير شقتين بس اللى صحابهم موجودين انا وشقه الدكتور اللى في السادس والباقي مسافر

فعلا البلد هنا من غير الوافدين ملهاش لزمه للاسف دا حتى اصحاب البلد معظمهم سافروا الله بيعين الكام شهر دول لحد ما الكويت تعمر تانى

انا مش عارفه البلد دى لو مش فيها وافدين هيبقي فيها ايه بالضبط ؟؟؟؟؟؟؟؟؟؟؟؟؟؟؟؟؟؟؟؟

واقتصادهم قايم على الخدمات اللى بيقدمها للوافدين

بس بجد جزاك الله كل الخير استاذ تامر ويارب نكون كلنا نأزر بعض دايما

الموقف ده حصل زمان بعد الغزو طلعوا قرار عنتري مفيش حد يستقدم عائلته الا لما تكون الزوجه بتشتغل ومرتب الزوج ف القطاع الخاص لايقل عن 650 دينار وكلام من هذا القبيل والنتيجه كانت زي الفل البلد فاضية والشقق فاضيه وحاجه عسل

النتيجه اصحاب المحلات طلبوا من وزير التجارة ايامها انه يطلب منهم السماح بالاستقدام للكل

الكويت من الدول اللي العماله الاجنبية بتمثل نسبه كبيرة

انا فاكر مكنتش بشوف حد ف خيطان ولا الفروانيه كويتي

حتى المدارس كان اغلبها فلسطينيين ومصريين الا لو روحت مناطق كوايته زي الرابية مثلا او الجهراء

على فكره الجهراء كانت بالنسبة ليا السعوديه ايامها كنت فاكر كده لان فيها شبه كبير من المناطق اللي ف السعودية

[pocy]

والله يا أخ هيرو انا مقيمه فى الجهراء وفعلا فيها شوي بس مش كتير من القري المحدوفه فى السعوديه ومعظمها صحرا دا لسه الجهرا محطوطه قريب على الخرايط تخيل

واللى خلانى اتاكد من كده وانا رايحه العمره بالسياره تصور خمس ساعات ومتلقيش عربيه جانبك وفين وفين لما بدأ العمار ودخلنا الرياض وكنا اخدين طريق الجهرا اقرب

واحنا راجعين اخدنا طريق النعريه لان فيها ناس اقارب اضطرينا نعدى عليهم بس اجارك الله مقطوعين عن العالم كله قريه فى وسط الصحراء بس طالما فيها جميع الخدمات ليه لا

دا انا حتى قلت لو جاتلى وظيفه فى الخفجى ممكن اقبلها لانها قريبه من هنا هى المسافه تقريبا كانت 1.30 بالسياره من الخفجى للجهراء طالما هيكون الراتب كويس انى اجيب عربيه (بس بصراحه تراجعت عن الفكره بعد كده )

بس انا اول مره اسمع الكلام اللى قلته ده انهم وقفوا الاستقدام مأكد بقي ده من زمان يعنى بعد الغزو يعنى 1990 او 1991 اكتر من 18 سنه ياه بس اتمنى انهم يعرفوا قيمتنا واننا شغالين ومطحونين مش جايين ناخد فلوس البلد تخيل لما حد يقلك كده فى وشك مانتوا اكلنا ولعه وناهبين فلوس البلد والله لولا ان الواحد محترم ومش بيقلل من نفسه لمستوى حد تانى كان ضربها بالقلم على وشها

مع ان فى هنا عينه برضه من الناس ممتازه والله فى التعامل سواء بدون او كويته

بس تعامل الناس فى السعوديه غير بجد تحس فيهم الطيبه وروح المساعده ده فى الاسبوع اللى قضيته هناك والمعيشه هناك رخيصه جدا مش غاليه بس لولا موضوع الكفيل ده كان الواحد فكر فيها

بس طبعا الحمد لله ع اللى احنا فين وربنا يزيد عباده يارب من اوسع ابواب رزقه بس انتم قولوا امـــــــــــــــــــــــــــين

وشكرا ليك مره تانيه اخ هيرووو

تم تعديل 16 يوليو 2009 بواسطة pocy

[pocy]

اخوانى لو حد فيكم سمع عن شغلانه مناسبه فى اى مكان ليها علاقه بالكمبيوتر واقدر اشتغلها وتكون فتره صباحيه فقط ومرتبها لا يقل عن 300 دينار يقلي وجزاكم الله كل الخير

[رمضان]

اخوانى لو حد فيكم سمع عن شغلانه مناسبه فى اى مكان ليها علاقه بالكمبيوتر واقدر اشتغلها وتكون فتره صباحيه فقط ومرتبها لا يقل عن 300 دينار يقلي وجزاكم الله كل الخير

أعتقد صعب الا في مجال البرمجة ويكون في وزارة غير كده القطاع الخاص 8 ساعات

[pocy]

اهلا وسهلا بيك اخ رمضان وجزاك الله خيرا على الرد

وبالنسبه لموضوع 8 ساعات مش اشكال بس يكونوا ورا بعض مش على شفتين وبالنسبه لموضوع البرمجه فانا كنت مبرمجه لفتره ومعاى شهادات اوراكل بس للاسف جيت هنا قعدت تلات سنين من غير ما اشتغل بيهم فراح كل شئ واتلم عليه التراب بس الواحد هيحتاج شويه انعاش للذاكره مش اكتر ومش عارفه ىحضرتك عارف انى مهندسه كمبيوتر ولا لا يعنى البيزك عندى بس معنديش خبره قويه فيه للاسف فلو عندك لى شغل 8 ساعات على بعض مش مهم يعنى من الساعه 8 للساعه5 مش مشكلة

[pocy]

استاذ حسن اخيرا ظهرت فينك اخبارك ايه واخبار العائله والحر معاك عامل ايه

[pocy]

وهل سمعت بموضوع الاقامه للطفل التالت تبقي اغلي من الطفلين الاوليين ولا ايه النظام

[pocy]

استاذ رمضان كمان موجود دا ايه الفرحه دى اخيرا فى حد موجود لا مش مصدقه عيونى فى اسماء جنب اسمى ودا فى حد زاته معجزه اول مره اشوفها ههههههههههههه

[herohero]

والله يا أخ هيرو انا مقيمه فى الجهراء وفعلا فيها شوي بس مش كتير من القري المحدوفه فى السعوديه ومعظمها صحرا دا لسه الجهرا محطوطه قريب على الخرايط تخيل

واللى خلانى اتاكد من كده وانا رايحه العمره بالسياره تصور خمس ساعات ومتلقيش عربيه جانبك وفين وفين لما بدأ العمار ودخلنا الرياض وكنا اخدين طريق الجهرا اقرب

واحنا راجعين اخدنا طريق النعريه لان فيها ناس اقارب اضطرينا نعدى عليهم بس اجارك الله مقطوعين عن العالم كله قريه فى وسط الصحراء بس طالما فيها جميع الخدمات ليه لا

دا انا حتى قلت لو جاتلى وظيفه فى الخفجى ممكن اقبلها لانها قريبه من هنا هى المسافه تقريبا كانت 1.30 بالسياره من الخفجى للجهراء طالما هيكون الراتب كويس انى اجيب عربيه (بس بصراحه تراجعت عن الفكره بعد كده )

بس انا اول مره اسمع الكلام اللى قلته ده انهم وقفوا الاستقدام مأكد بقي ده من زمان يعنى بعد الغزو يعنى 1990 او 1991 اكتر من 18 سنه ياه بس اتمنى انهم يعرفوا قيمتنا واننا شغالين ومطحونين مش جايين ناخد فلوس البلد تخيل لما حد يقلك كده فى وشك مانتوا اكلنا ولعه وناهبين فلوس البلد والله لولا ان الواحد محترم ومش بيقلل من نفسه لمستوى حد تانى كان ضربها بالقلم على وشها

مع ان فى هنا عينه برضه من الناس ممتازه والله فى التعامل سواء بدون او كويته

بس تعامل الناس فى السعوديه غير بجد تحس فيهم الطيبه وروح المساعده ده فى الاسبوع اللى قضيته هناك والمعيشه هناك رخيصه جدا مش غاليه بس لولا موضوع الكفيل ده كان الواحد فكر فيها

بس طبعا الحمد لله ع اللى احنا فين وربنا يزيد عباده يارب من اوسع ابواب رزقه بس انتم قولوا امـــــــــــــــــــــــــــين

وشكرا ليك مره تانيه اخ هيرووو

اه السعوديين ارحم بكتير من الكوايته ، الكوايته من طفولتهم بيرضعوا حليب بعناصر الكبر والغرور وانا اتربيت معاهم وعارف عنتظتهم والفشخره الكدابه حياتهم كلها اقساط بس كان نفسي كل المقيمين ف الكويت يشوفوهم ف الغزو والله الستات ف قرى مصر عندهم شجاعه وجراه اكتر منهم والله جريوا هروب جماعي لدرجة عربيات المخافر " الدوريات " كانت داخله ف بعض بوز ف بوز سابوها وهربوا صحيح فيهم كوايته كويسين انما الغالبيه ومن اولى ابتدائي انتوا يالمصريين جايين عشان تاخدوا فلوسنا

والغريب بعد الغزو وقعت انهم اتكسرو كانوا اشد كبر واتعملت حفلات تكريم لبابا بوش وماما تاتشر تخيلي كانوا بيقولوا كده سنه 91 والتي تعرف بسنة الدمج ف وزارة التربيه والتعليم ايامها السماء كانت سوده الغسيل يطلع اسود كانت شهور غريبه اللي بعد التحرير

انا والدي لما جه الحج هنا فتوهنا ف مكة فخاف يسأل الاطفال لانه متعود ع اطفال الكويت وخفة دمهم انا والدي كان مدرس واشتغل فتره كبيرة ف العارضية وانت عارفه خفة دم اطفال الكويت ، استغرب لما سألنا الاطفال السعوديين ودلونا ع الطريق لدرجه ان ولد صغير منهم مشي معانا لحد ماوصلنا للمكان

الحياه هنا ارخص من الكويت وجوها عائلي يعني مشكلتها للشباب اللي عاوز يعاكس بس بيني وبينك ما ننزل نعاكس ف مصر انما هنا كله متعلم الادب يعني اي واحد مع زوجته عمره ما اشتكى من غلاسة من العزاب سواء سعوديين اوغيره لان مثلا ف الرياض ايم الخميس والجمعة للعائلات وده شيئ مش منطقي اي مول تدخله بس العائلات

لكن اهو بيشجعوا بطريقه غير مباشره ع الزواج ، لكن تظل العقبه هنا هي نظام الكفيل وهو مشكلته ف ان كثير من الشركات بترفض نقل الكفاله بعد انتهاء العقد يعني زواج كاثوليكي يامعايا يا بره السعودية

غير كده مفيش مشاكل للكفيل ، الا ف حاله طلب اي خطاب فبيكون بتوعم شئون الافراد ف الشركة مسئولين عنه

وطبعا عدم السماح للمرأة بالقياده

غير ان الشباب السعودي كتير منهم بيشتغل مثلا كل الهايبر ماركت الكاشيريه فيها سعوديين

مطاعم الفاست فوود كذلك ، حتى وزير العمل بنفسهم كان ف جدة بيقدم طلبات ف مطعم كنتاكي والحق يقال غير تفكير الشباب الكويتي لان طبعا هنا عددهم كتير مقارنه بالكويت والاجانب بس 25%

اما عيب السعوديه هو مساحاتها الكبيرة وده متعب للناس اللي بيشتغلوا ف مواقع يعني مثلا تروح المنطقه الشرقيه وده فرده كعب 400 كم والرياض نفسها اكبر من الكويت تتوهي فيها ، فالواحد بيتعب من السواقه لكن البنزين بصراحه رخيص فده ميزة انك تركب اي عربيه ع راحتك

طبعا اخوان اللي ف دبي بيحسدونا لان هناك طموحاتك محدوده بسيارات قليله الاستهلاك للبنزين لان البنزين هناك غالي

[رمضان]

اهلا وسهلا بيك اخ رمضان وجزاك الله خيرا على الرد

وبالنسبه لموضوع 8 ساعات مش اشكال بس يكونوا ورا بعض مش على شفتين وبالنسبه لموضوع البرمجه فانا كنت مبرمجه لفتره ومعاى شهادات اوراكل بس للاسف جيت هنا قعدت تلات سنين من غير ما اشتغل بيهم فراح كل شئ واتلم عليه التراب بس الواحد هيحتاج شويه انعاش للذاكره مش اكتر ومش عارفه ىحضرتك عارف انى مهندسه كمبيوتر ولا لا يعنى البيزك عندى بس معنديش خبره قويه فيه للاسف فلو عندك لى شغل 8 ساعات على بعض مش مهم يعنى من الساعه 8 للساعه5 مش مشكلة

اهلا بحضرتك يا مدام بوسي ومرسي على الترحيب ولو اني عضو اكل علي الضهر وشرب في موضوع الكويت ده

بالنسبة لافضل حل ليكي ولظروفك العائلية هو وزارة حكومية واخر روشنة

[pocy]

للاسف يا اخ رمضان المقبول يطاردنى فى كل مكان هههههههههههههههه ومستنيه الاقي استثناه او حد بياخد فلوس بس على الوجاهه ويعينى بالتربيه او اى وزاره

[pocy]

هلا هلا باخ هيروو متفكرنيش بالمساحات الصحروايه الواسعه جدا الللى كنا شايفنها طول الطريق في كل مكان

بس على اد ماهى ممتازه الا الكفيل بيهرب اى حد منها وبرضه الواسطه هناك شغاله فى القوانين تمام

[pocy]

تعرف والله يا اخ هيرووووووووووو جوزى جاله عقد وكان فين شغله فى مكه يعنى كل الصلاوات فى الحرم والحج كل سنه وعمره فى اى وقت انشالله كل يوم وكان العقد على 6 الالاف فى الشهر ورفضت والله عارف ليه علشان الواحد مش عارف وخايف جدا من نظام الكفيل هناك وخايف برضه ليكونوا بيقولوا مكه وفى الاخر تطلع فى اى حته متطرفه واللى بنسمعه هناك كتير عن الكفيل قلت لا خلينا فى الامان فى دوله تانيه غير السعوديه

[pocy]

اخ رمضان والله انا لسه اخده بالى من عدد المشاركات بعتعتك هههههههههههه وعدد مشاركاتى المفروض استخبي بيهم هههههههههههههههه

بس برضه يا مراحب بيك معانا

[pocy]

اهل السعوديه فيهم خير كتير والله

وهنا الله يعين على بعض البدون انا ذكرت من كام مشاركه موتوا واحد مصري بطوبه رموها على الاتوبيس واحد عنده 27 سنه يعنى شاب لسه فى مقتبل عمره الله يجازيهم

وكام مره عملوا حاجات افظع ويقولولك بدون ملهموش ديه