صباح الخير يا سعودية

[essamalshaaer]

السلام عليكم و رحمة الله و بركاته

أيميل من بريدي .....

اعلان هام من القنصلية المصرية بخصوص استخراج بطاقة الرقم القومي

نص الاعلان :

على المواطنين الراغبين في استخراج بطاقة الرقم القومي سرعة ارسال فاكس للقنصلية العامة على الرقم 01/4810406 يتضمن البيانات التالية :

الاسم:

تاريخ الميلاد:

رقم و تاريخ جواز السفر:

رقم ونوع البطاقة السابقة (ان وجد):

العنوان بجمهورية مصر العربية:

رقم التليفون بالمملكة:

علما بان رسوم استخراج بطاقة الرقم القومي 190 ريال

لمزيد من التفاصيل يتم تنزيل الملف من الموضوع الاتي :

http://www.egybox.org/Sefara/board/index.p...c=16559&hl=

[se_ Elsyed]

خدمة ظريفة جديدة من شركة الأتصالات السعودية

شريحة موبيل .. لخمسة ارقام مختلفة تخصك ...

بدل إستخدام عدة شرائح ... وبأشوف ناس ماشيه ولا الحاوي .. وشايلة خمسين عدة موبيل ..

شريحة الأرقام المتعددة

خدمة شريحة الأرقام المتعددة مصممة لتتيح لك مواكبة متطلبات الحياة بحيث تستطيع جمع حتى خمسة أرقام مفوترة بشريحة واحدة وبجهاز جوال واحد فقط. كما يمكنك إجراء واستقبال المكالمات والرسائل من جميع الأرقام.

مزايا الخدمة:

استقبال المكالمات والرسائل الواردة على جميع الأرقام

اختيار احد الأرقام كرقم نشط لإجراء المكالمات، وإرسال الرسائل القصيرة والرسائل متعددة الوسائط واستعمال جميع الخدمات الأخرى

تغيير الرقم النشط في أي وقت وبأوامر سهلة

التحكم باستقبال أو منع المكالمات والرسائل لأي من الأرقام بواسطة تغيير حالة الرقم بالفتح أو الإغلاق

يتم حساب تكلفة المكالمات والرسائل الصادرة حسب تعرفة الباقة للرقم النشط

طريقة الاستخدام:

يمكنك التحكم والتنقل بين الأرقام وذلك بأحد الطريقتين التاليتين:

1. باستعمال التطبيق المدمج مع بالشريحة، والذي يظهر باسم STC أو SIM Application ،يمكنك التحكم بجميع خصائص الخدمة بخيارات سهلة

2. باستخدام الأوامر المباشرة التي يمكنك الحصول عليها بإرسال الرقم 9142 في رسالة قصيرة إلى 902

التسعيرة

الوصف

السعر

رسوم التأسيس لشريحة الأرقام

50 ريال

رسوم الاشتراك الشهري لشريحة الأرقام

مجانا*

إضافة رقم مفوتر إلى شريحة الأرقام

مجانا

حذف رقم من شريحة الأرقام إلى شريحة مستقلة

50 ريال

إلغاء رقم من شريحة الأرقام نهائيا

مجانا

طريقة الاشتراك:

يمكنك الاشتراك في خدمة شريحة الأرقام المتعددة وذلك بزيارة مكاتب خدمات مبيعات الجوال أو مكاتب الوكلاء المعتمدين.

[rashed]

سؤال عن الرخصة المصرية , أنا عكس ناس كتير معايا رخصة سعودى و مكانش معايا رخصة مصرية ,

فى ناس قالولى إعمل الرخصة الدولى من هنا فى السعودية ولما تنزل مصر روح المرور وهيطلعولك المصرية وانت واقف , انا الكلام ده مش داخل دماغى خصوصا كلمة وانت واقف دى غريبة على مصر شوية, عشان انا طلع عين اهلى فى الرخصة المصرية ومعرفتش اطلعها عشان مش معايا وسطة, وإشتغلونى أحلى إشتغالات الله يسامحهم :Thumbsup:

السؤال : هل فى حد طلع الرخصة المصرية عشان معاه الدولية اللى طالعة من السعودية ؟؟؟

[ابوهادى]

سلام عليكم ورحمة الله

الاخ الفاضل سى السيد

عندى بعض الاسفسارات

فىالبدايه انا طبيب بيطرى حديث التخرج من مصر اسمى عبدالهادى

معروض عليا شغل فى تبوك فى عياده بيطريه

الاستفسارات هى ::

المرتب 1500 ريال اساسى بالاضافه ل 50% من اى قيمة كشف خارج العياده

هل هناك ثروه حيوانيه فى تبوك ؟؟ يعنىالعيادات هناك شغاله كويس؟؟

وتكلفة العيش فى تبوك ؟؟؟

السؤال الاهم ان التاشيره مش هتطلع بطبيب بيطرى قالوا ان موضوع تاششيرات الطب البيطرى قليله شويه فهتطلع اى حاجه تانى مع العلم ان المسئول عن المؤسسه ده بعيادتها البيطريه وصيدلياتها البشريه مصرى ورجل فاضل وان فيه صيدلى طالع ان شاء الله فى نفس المؤسسه فى صيدليه وتحت ادارة نفس الرجل اللى قايلى على العقد طالع بتاشيرة صيدلى وده مخلينى حاسس فعلا ان تاشيرات الطب البيطرى قليله؟؟ هل موضوع المهنه مختلفه فى التاشيره منه ضرر وهل ممكن تتغير هناك بسهوله؟؟؟

والسؤال الاخير لو انا ان شاء الله رحت الفرصه ده واتعرض عليا فرصه احسن واقيم هناك هل بالسهوله انى اروح لفرصه تانى ولا الموضوع هيتعقد شويه؟؟؟

وكل عام وحضرتك بخيييييييييييييييييييييييييييييير

عارف حضرتك اول مرة اسمع المرتب ده لدكتور 1500 ريال دى مهينة جدا

انت حتى لو مش شغال فى مصر استنى فرصة احسن وسيبك من موضوع النسبة والكلام ده لانه مش ملزم لصلحب العمل

وصاحب العمل اللى يدى لدكتور 1500 ريال يبقى حرام عليه

لو جيت بالمرتب ده هتندم

[ابوهادى]

السلام عليكم اخي الفاضل سي السيد

بداية الاسم مية مية.....لان معدش فية رجالة اليومين دول؟؟؟؟سؤالي اخي العزيز عن استقدام الزوجة...وانا مهنتي صانع فطائر وهل لومفيش للمهنة استقدام في زيارة؟؟؟مع العلم اني ممكن اغير المهنة الي خطاط ورسام لأن هي دي مهنتي الاساسية والتي اعمل بها هنا....فارجو من سيادتك الرد عليا في هذا الموضوع لاني محتار جدا ومش عارف اعمل اية....وربنا يخليك للمصريين الغلابة المتغربين...والسلام عليكم ورحمة الله وبركاتة...اخيك ابو هادي...

[elfakhrany]

منصور: تشغيل العبارتين «القاهرة» و«الرياض» الشهر المقبل.. و٧٠ ألف دولار تأمينا للراكب

أكد المهندس محمد منصور، وزير النقل، أن الشهر المقبل سيشهد التشغيل الرسمى للعبارتين السريعتين »القاهرة« و»الرياض«، وذلك بعد الانتهاء من جميع أعمال البنية التحتية المخصصة لهما فى ميناء سفاجا.

وقال منصور لـ»المصرى اليوم« إن شركة القاهرة المسؤولة عن تشغيل العبارتين انتهت من تصميم تذكرة ضد التزوير مكونة من ٣ أنظمة أمنية، مشيرا إلى أنه ولأول مرة سيتم تطبيق نظام الحجز المركزى على العبارتين للركاب سواء القادمين المغادرين من ميناء سفاجا أو القادمين من مصر، وهو نظام يطبق لأول مرة فى مصر ويقضى تماما على بيع التذاكر، ويمنع تكدس الركاب، مؤكدا أن العبارتين ستحدثان نقلة حقيقية فى نقل الركاب بين مصر والسعودية.

وذكر وزير النقل أن الراكب مؤمن عليه بـ٧٠ ألف دولار فى شركات التأمين الدولية فى حال تعرضه لمكروه على متن العبارة، مشيرا إلى أن هذه ضمانات وتأمينات للسلامة والأمان للراكب.

من جانبه، قال اللواء حسين الهرميل، رئيس الشركة، إنه تم وضع نظام مالى صارم يمنع أى محاولة ابتزاز للراكب من قبل أى شخص أو عامل داخل الميناء أو تحصيل أى مبالغ، مشددا على أن الراكب لن يدفع سوى ثمن التذكرة فقط، وأن الشركة خصصت أتوبيسات لنقل الركاب إلى الاستراحات ومنها إلى العبارة.

وأضاف الهرميل فى تصريح لـ»المصرى اليوم« أن الراكب كان يعانى من مشكلة الدفع منذ أن تطأ قدماه الميناء حتى جلوسه على المقعد، لدرجة أن سعر تذكرة العبارة كان يقترب من سعر تذكرة الطائرة، وهو ما نحاربه بشدة لضبط عملية نقل الركاب فى البحر.

وأكد أن الراكب لديه حقوق عليه أن يحافظ عليها فى مقدمتها الحصول على تذكرة بدل فاقد مع دفع ١٠% من قيمة التذكرة.

منقوووول ... المصدر المصرى اليوم

[myounis]

السلام عليكم...

انا مهندس و جايلي عرض في السعودية مع الشركة اللي انا شغال فيها الان. الوظيفه اللي هاتستخدم في فيزات الدخول هي "فني ميكانيكا انتاج". هل هناك اي اختلاف لو الاقامة عليها مهندس او فني؟ هل في مشكلة في عمل فيزا للعاءلة او في المعاملات مع المصالح الحكومية او في اي حاجة تانيه؟

هل ممكن ان اجد اي معلومات علي اي website سعودي للاثبات للشركة في حالة ان هناك اختلاف ما بين المهنتين؟

جزاكم الله خيرا

السلام عليكم...

محمد

[وليدمقلد]

السلام عليكم ورحمة الله وبركاته

انا أولا بحثت والله قبل ان اكتب سؤالي هذا

المهم انا اعمل محاسب في السعوديه من عام والحمد لله خلاص زهقت من المكان اللي انا موجود فيه ولقيت شركه ثانية بفيزا عن طريق زميل لي يعمل معهم فأريد انزل مصر وأرجع عليهم وكلمت الشركه اخبروني انه لا توجد مشكله ان يعطوني اخلاء طرف .

أخونا المعقب الموجود معنا ربنا يديله الصحه قالي انت لم تجلس في السعوديه سنتين والكلام ده مش هينطبق عليك ولو جبت اخلاء طرف ولو غيرت الجواز ولو قعدت تحلم مش هتدخل السعوديه غير بعد خمس سنين بالاضافه الى موضوع البصمه

اريد ان اعرف اين الحقيقة دلوني اعمل ايه ولو سمحتم بالتفصيل

[ghadanfar]

منتدى جميل و مفيد

[خالد شحاته]

السلام عليكم ورحمة الله وبركاته

انا أولا بحثت والله قبل ان اكتب سؤالي هذا

المهم انا اعمل محاسب في السعوديه من عام والحمد لله خلاص زهقت من المكان اللي انا موجود فيه ولقيت شركه ثانية بفيزا عن طريق زميل لي يعمل معهم فأريد انزل مصر وأرجع عليهم وكلمت الشركه اخبروني انه لا توجد مشكله ان يعطوني اخلاء طرف .

أخونا المعقب الموجود معنا ربنا يديله الصحه قالي انت لم تجلس في السعوديه سنتين والكلام ده مش هينطبق عليك ولو جبت اخلاء طرف ولو غيرت الجواز ولو قعدت تحلم مش هتدخل السعوديه غير بعد خمس سنين بالاضافه الى موضوع البصمه

اريد ان اعرف اين الحقيقة دلوني اعمل ايه ولو سمحتم بالتفصيل

اخي الفاضل كل ده كلام فاضي تنزل وترجع عادي جدااااااااااااااااااااا لان نزل نظامي ومعك اخلاء طرف مافيها اي شي

[وليدمقلد]

يا استاذ خالد جزاك الله خيرا

كلام صحيح مائة في المائه لأني ذهبت الى الجوازات اليوم وقابلت ضابط هناك وهرج معايا ياعم انت عاوز ترجع البلد دية تاني انت ما تصدق تخرج منها

على العموم ينفع بشرط تاخد اخلاء طرف وترجع تاني حتى لو مش واخد نهائي ومحدش يقدر يعترض عليك في أي حاجه

وجزاك الله خيرا يا اخ خالد وجزى الله هذا المنتدى على ما يقدموه من النفع للآخرين

وفقكم الله والى الأمام

[نورا فوزي]

السلام عليكم

انا جديده في المنتدى و سامحوني لاني لسه مش عارفه اسال ازاي انا قريت مواضيع كتير بحثا عن ضالتي و لم استطيع ان اجد ردا لسؤالي

هو سؤال صغنون جدا

انا في السعوديه و عندي بنوته لسه رايحه اولى ابتدائي و عرفت ان القانون اتغير و اني لازم اسجلها في مصر عشان تمتحن في السفاره لم يوصل سنها 3 ابتدائي

المشكله اني لم سالت في مصر افادوني انها لو اتسجلت لازم تيجي في اخر ابريل عشان يمتحونوها و مينفعش في شهر 7 مع الاجازه لان اولى ملهاش دور تاني

ارجوكم حد يقول لي المفروض اعمل ايه

[أسد]

السلام عليكم

انا جديده في المنتدى و سامحوني لاني لسه مش عارفه اسال ازاي انا قريت مواضيع كتير بحثا عن ضالتي و لم استطيع ان اجد ردا لسؤالي

هو سؤال صغنون جدا

انا في السعوديه و عندي بنوته لسه رايحه اولى ابتدائي و عرفت ان القانون اتغير و اني لازم اسجلها في مصر عشان تمتحن في السفاره لم يوصل سنها 3 ابتدائي

المشكله اني لم سالت في مصر افادوني انها لو اتسجلت لازم تيجي في اخر ابريل عشان يمتحونوها و مينفعش في شهر 7 مع الاجازه لان اولى ملهاش دور تاني

ارجوكم حد يقول لي المفروض اعمل ايه

أغلبنا في السعودية أبناؤنا يدرسون في مدارس هنا في السعودية ..

إما مدارس عالمية تدرس باللغة الأجنبية ..

أو مدارس سعودية .. ولا نحتاج أبداً لتسجيل أبناؤنا في أي مدارس مصرية ..

وعند إنتهاء فترة التعاقد بالسعودية .. نحصل على الأوراق اللازمة .. ونصدقها من السفارة .. ومن ثم نقدم في مدارس مصرية لنقل الأبناء هناك ..

البعض يدرسون المنهج المصري هنا .. ولكن على شكل دروس خصوصية .. فلا توجد مدارس تدرس المناهج المصرية هنا ..

ومن ثم يقومون بالإختبار السنوي عن طريق السفارة .. ولكن بداية من الصف الرابع الإبتدائي .. وحتى الأول الثانوي ..

ولا أعتقد أن هذه الطريقة جيدة .. لأن الأبناء لا يدخلون مدارس هنا .. وبالتالي يفتقدون إلى المهارات الإجتماعية والتي يتبادلونها مع أقرانهم في المدارس ..

التصرف الصحيح هو تسجيل ابنتك في أي مدرسة تختارينها .. وتعيشين حياتك بشكل طبيعي

[سهل جدا]

يا جماعة الخير

واحد مصري عنده ابن وبنت محطوطين في جواز سفر واحد (باسبور الولد)

هل لازم لما واحد فيهم يسافر التاني يسافر معاه

ولو حب يسفَّر الولد لوحده (اللي جواز السفر باسمه) من غير البنت أبوهم يعمل إيه ؟؟

اللي يعرف المعلومة ديه يدلنا عليه , بارك الله فيكم

[نورجديد]

ياجماعه ياريت حد يفيدنى انا في السعوديه و عاوزة ابعت فلوس لمصر ايه احسن طريقه ابعتهم ريالات و الا احولهم دولار و الا يورو و الا احولهم مصري من هنا

[doha]

سؤال عن الرخصة المصرية , أنا عكس ناس كتير معايا رخصة سعودى و مكانش معايا رخصة مصرية ,

فى ناس قالولى إعمل الرخصة الدولى من هنا فى السعودية ولما تنزل مصر روح المرور وهيطلعولك المصرية وانت واقف , انا الكلام ده مش داخل دماغى خصوصا كلمة وانت واقف دى غريبة على مصر شوية, عشان انا طلع عين اهلى فى الرخصة المصرية ومعرفتش اطلعها عشان مش معايا وسطة, وإشتغلونى أحلى إشتغالات الله يسامحهم :rolleyes: :lol:

السؤال : هل فى حد طلع الرخصة المصرية عشان معاه الدولية اللى طالعة من السعودية ؟؟؟

انا مش عارفه ان كان ينفع سعودي تبقى مصري لكن هقولك على اسهل طريقة لاستخراج رخصة من مصر وانا شخصيا طلعت رخصتي بالطريقة دي ..

انت تخلي حد من اقاربك في مصر يحجز لك في مدرسة المرور قبل موعد نزولك مصر بشهرين كده .. على مااتذكر انا حجزت في شهر تسعه ورحت دفعت الرسوم في بداية عشرة وامتحنا في آخر 11

الي هيحصل ان على مايجي دورك يعني بعد شهر ولا اثنين على حسب الضغط الي عندهم هتاخذ لك دروس لمده شهر في السواقة .. طبعا الدروس صورية مدتها عشر دقائق كده ولا حاجه لان بتكونوا ثلاثه او اربعه في نفس العربية .. وطبعا هو العسكري الي بيديلك الدرس عارف ان الكل بيعرف يسوق واننا داخلين بس عشان الرخصة فمش بيشرح بذمه ولا بغيرها .. هوبيمشيك على السريع وخلاص وطبعا مفيش مواظبة على الحضور ولا شيء خاصه لو شفت العسكري بحلاوة كويسه ( بيبقوا غلابة جدا مش خساره فيهم الفلوس على فكرة ) .

تيجي بقى يوم الامتحان هيركب جنبك نفس العسكري الي كان بيدربك هو قدامه دركسيون وفرامل زي ماقدامك بالظبط .. اهم حاجه تمسك الدركسيون ومتبصش في الارض نهائي وانت بتسوق وسيبها على الله ثم على العسكري هو هيسوق لك ويرجع يمين وشمال وكل شيء تمام التمام وهتعدي الاختبار في خمس دقائق تكون مخلصه ومطلع رخصتك ( وانت واقف ) ..

ملحوظة هامه جدا .. انت مش مجبر تدفع شيء للعسكري عشان ينجحك او ماشابه لكن لو بعد ماخلصت خالص ونجحت حبيت تديله شيء من عندك فده راجع لك.. لكن الرخصة مضمونه بالطريقة دي ونصحت بيها اثنين ثلاثه اعرفهم او اربعه بمعنى ادق وكلنا اخذنا الرخصة بسهولة ومن اول مرة وماشاءا لله بنسوق زي الجن ..

طبعا كل الكلام ده على مدرسة المرور الحكومية مش اي مدرسة خاصه لتعليم السواقة ..

جرب الحكايه دي وادعي لي ..

تم تعديل 8 مايو 2009 بواسطة doha

[نورا فوزي]

شكرا جدا يا اسد ربنا يخليك على النصيحه الجميله و لكن انا عايشه في مكه و مفيش مدارس عالميه غير مدرسة هنديه لا يحتملها انسان حاولت كتير اجي على نفسي و على بنتي و لم استطع المدرسه اقذر من المحتمل وكل الناس في مكه سالتهم و انقسموا الى 3 اقسام

قسم شايف ان المدرسه الهندي كويسه و ان المفروض ارضى و بلاش عنتظه ووالله انا مش كده خالص

و فسم بيبعت الاطفال جده كل يوم المدرسه و انا بنوتي ضعيفه جدا وصحتها على قدها و لا يمكن اتخيل انها تكون على طريق السفر كل يوم

و القسم الاخير شايف الحكايه الي انت قلتها مدارس الدروس الخصوصيه او دروس في البيت و يمتحن في السفاره و الي انا كنت شايفه انه حل و لكني اكتشفت ان الامتحان من سنه 3 و الي قبل كده لازم يكونوا متسجلين في مصر

و شكرا مره تانيه على اهتمامك و ردك

[نورا فوزي]

سهل جدا على فكره انا سالت قبل كده في الموضوع ده و كان رد السفاره ان طالما الباسبور فيه عدد معبن لازم يسافروا سوى و يرجعوا سوى و ممنوع منعا باتا السفر و حد ناقص فاذا كنت عاوز تسفر حد لوحده لازم و حتما و ضرروري تفصلهم كل واحد في باسبور

و ربنا معانا جميعا

[doha]

ياجماعه ياريت حد يفيدنى انا في السعوديه و عاوزة ابعت فلوس لمصر ايه احسن طريقه ابعتهم ريالات و الا احولهم دولار و الا يورو و الا احولهم مصري من هنا

مكاتب ويسترن يونيون ودي منتشرة في كل مكان وبترسلي منها الفلوس بتوصل في نفس اللحظة على مصر ومواعيد عملهم في مصر من 9 - 9 كل يوم حتى الجمعة بس اظن الجمعه بيقفلوا بدري شويه او بيفتحوا متاخر شويه مش فاكره المهم انهم احسن من البنك من ناحية المواعيد وكمان بتوصل في نفس اليوم زي ماقلت لك مش بتتاخر ..

اتصلي بالدليل وهاتي رقمهم او رقم بنك البلاد وهو هيقولك على اقرب مكتب ليك ايه .

دي طريقة وفي طريقة تانيه في رايي احسن بس تعمليها بعدين ..

انتي افتحي حساب في البنك ( الاهلي مثلا ) وطلعي عليه بطاقة صراف وابعتيها مصر .. وكل ماتحتاجي ترسلي مبلغ حولي من حسابك للحساب ده وهم هناك في مصر يسحبوها من اي ماكينة صراف .. كل عملية بتكلف عشرين جنيه بس ارخص من تكاليف الارسال عبر الويسترن بل واسرع كمان لان ممكن تحولي في اي لحظه من ليل او نهار وهم هناك يسحبوها برضه في ثواني مفيش مشاكل ..

[خالد شحاته]

يا جماعة الخير

واحد مصري عنده ابن وبنت محطوطين في جواز سفر واحد (باسبور الولد)

هل لازم لما واحد فيهم يسافر التاني يسافر معاه

ولو حب يسفَّر الولد لوحده (اللي جواز السفر باسمه) من غير البنت أبوهم يعمل إيه ؟؟

اللي يعرف المعلومة ديه يدلنا عليه , بارك الله فيكم

الاخ الفاضل من الاحسن فصل الابناء واستخرج جواز سفر منفصل لكل شخص حتي يتمكن الشخص من السفر لحاله انما هو عادي الشخص صاحب الجواز من حقه يسافر انما المرافق لا ميقدرش يسافر بدون صاحب الجواز انما العكس عادي