الطب فى أستراليا

[Toledo]

السلام عليكم ورحمة الله وبركاته

أولا شكرا لإخوانى فى المنتدى هنا وخصوصا أخى mmfriend على رده على تساؤلى ولى سؤال للدكتور زياد وهو عن علا قة نيوزلاندا وأستراليا حيث سمعت أن كثير من الأطباء النيوزلاند يذهبون للعمل فى أستراليا فهل هذا يعنى أن المعادلة النيوزلاندية (وبالتالى الأمريكية) تصلح كباب خلفى للعمل فى أستراليا؟

وجزاكم الله خيرا

[Toledo]

السلام عليكم:

يا جماعة مالكم؟ ألا يوجد رد للسؤال؟

[omarassaf]

السلام عليكم

دكتور زياد ارك الله فيك وسهل امرك على مساعده الشباب المحتاره

عاوز اسألك اذا ممكن عن اطباء الاسنان في استراليا

انا طبيب اسنان بادرس حاليا الماجستير وعاوز اقدم من دلوقت لان تاخذ وقت

عاوز اذا امكن اعرف التفاصيل وكيف المعادلة بالنسبة لنا وكيف التقديم

وجزاك الله كل الخير

[doctoregypt]

اخونا الفاضل د.زياد

اشكرك جدا علي موضوعك الرائع ,وعلي روح التعاون وحبك لافادة اخوانك بالمنتدي وسيجزيك الله خيرا الجزاء ان شاء الله

انا طبيب حاصل علي درجه الماجستير (2003)والزماله البريطانيه(2008) في تخصص الجراحه العامه واعمل حاليا بالسعوديه

اود ان اسأل عن

- هل يمكن معادله الزماله البريطانيه بالزماله الاستراليه للعمل باستراليا

-ما توقيت طلب امتحان اللغه(قبل ام بعد التقديم والمجئ)

-هل من الممكن ان حصل علي فيزا لدراسه اي شئ(كاللغه مثلا)لمده معينه باستراليا استطيع خلالها العثور علي عمل.ما رايك ؟

وشكرا يا ذوق

[bentbatota]

دكتور زياد انت فين ؟هو فى ايه ياجماعة الخير مفيش دكاتره مصريين فى استراليا مش لازم نشتغل دكاتره نشغل nursing بلاها شغل فى حد يعرف اى حاجه عن التعديلات الى تم فى قانون الهجره اللى حتم فى شهر سبتمبر ساعدونا زى الهنود مابيساعدوا بعضهم طب بلاش زى اخوانكم المصريين فى كندا واضح ان فرق التوقيت هو السبب جزاكم الله كل خير

[vicinrom]

معلش ززسؤال قد يكون مكرر بس هاااااام

علشان بصراحة انا زهئت من البحث عن تفاصيل المعادلة فى استراليا فمن فضلكم اتمنى ان اى دكتور يكون اجتاز الموضوع دة يحكيلنا بالتفاصيل واجرة وثوابة على اللة....

اية خطوات الامتحان وكام جزء واذا كانت زوجتى من المؤهلين للعمل فى استراليا يبقى لازم انا كمان اعمل المعادلة هنا ولا ممكن نسافر هجرة وبعدين اعملها هناك على مهلى ....؟؟؟!!!!

[ziad]

السلام عليكم ورحمة الله وبركاته

أولا شكرا لإخوانى فى المنتدى هنا وخصوصا أخى mmfriend على رده على تساؤلى ولى سؤال للدكتور زياد وهو عن علا قة نيوزلاندا وأستراليا حيث سمعت أن كثير من الأطباء النيوزلاند يذهبون للعمل فى أستراليا فهل هذا يعنى أن المعادلة النيوزلاندية (وبالتالى الأمريكية) تصلح كباب خلفى للعمل فى أستراليا؟

وجزاكم الله خيرا

أسف على التأخير وهحاول أرد على كل الأسئله ورا بعض فى اليومين دول,

لو أنت خريج كلية طب من خارج أستراليا ونيوزيلندا لازم تعمل المعادله,ومن شهر يوليو الماضى لو معاك معادلة إنجلتر,نيوزيلندا,إيرلندا,أمريكا كندا وأشتغلت هناك على الأقل سنه ومعاك general registration فى أى بلد منهم يسمحولك أنك تشتغل وتاخد ترخيص مؤقت لمدة سنه تحت الأختبار ولو نجحت فيها تاخد ترخيص دائم general registration

[medopharm]

السلام عليكم ورحمة الله وبركاته

أولا شكرا لإخوانى فى المنتدى هنا وخصوصا أخى mmfriend على رده على تساؤلى ولى سؤال للدكتور زياد وهو عن علا قة نيوزلاندا وأستراليا حيث سمعت أن كثير من الأطباء النيوزلاند يذهبون للعمل فى أستراليا فهل هذا يعنى أن المعادلة النيوزلاندية (وبالتالى الأمريكية) تصلح كباب خلفى للعمل فى أستراليا؟

وجزاكم الله خيرا

أسف على التأخير وهحاول أرد على كل الأسئله ورا بعض فى اليومين دول,

لو أنت خريج كلية طب من خارج أستراليا ونيوزيلندا لازم تعمل المعادله,ومن شهر يوليو الماضى لو معاك معادلة إنجلتر,نيوزيلندا,إيرلندا,أمريكا كندا وأشتغلت هناك على الأقل سنه ومعاك general registration فى أى بلد منهم يسمحولك أنك تشتغل وتاخد ترخيص مؤقت لمدة سنه تحت الأختبار ولو نجحت فيها تاخد ترخيص دائم general registration

عزيزى الدكتور زياد

وهل هذا الكلام ينطبق على الصيادله برضه ولا الاطباء بس

[ziad]

السلام عليكم

دكتور زياد ارك الله فيك وسهل امرك على مساعده الشباب المحتاره

عاوز اسألك اذا ممكن عن اطباء الاسنان في استراليا

انا طبيب اسنان بادرس حاليا الماجستير وعاوز اقدم من دلوقت لان تاخذ وقت

عاوز اذا امكن اعرف التفاصيل وكيف المعادلة بالنسبة لنا وكيف التقديم

وجزاك الله كل الخير

معنديش معلومات بس هحاول أسألك وأرد عليك

[tommywalaa]

الأخ الدكتور زياد

مشكور علي تعبك معانا ، غلبناك

انا عايز رأي حضرتك في موقفي ايه اللي ممكن اعمله

انا طبيب اشعة تشخيصية معايا ماجيستير حديث اعمل في السعودية كمقيم جراحة ، ماهي فرص ممارستي لمهنتي في استراليا و ما هي انسب طريقة؟؟؟

انا سمعت ان الفرص في استراليا مابقتش زي الول والأمور بتصعب ، ده صحيح؟؟؟

سؤال اخير ، فرصة حصولي علي نيابة أشعة في كندا تعتبر شبه منعدمة ، بناء علي ان النيابات المتاحة السنة دي مثلا 2 فقط. أخبار الوضع في استراليا ايه بعد المعادلة؟

تم تعديل 10 أغسطس 2008 بواسطة tommywalaa

[tommywalaa]

ومرة تانية شاكرين تعب حضرتك معانا

تم تعديل 10 أغسطس 2008 بواسطة tommywalaa

[ziad]

اخونا الفاضل د.زياد

اشكرك جدا علي موضوعك الرائع ,وعلي روح التعاون وحبك لافادة اخوانك بالمنتدي وسيجزيك الله خيرا الجزاء ان شاء الله

انا طبيب حاصل علي درجه الماجستير (2003)والزماله البريطانيه(2008) في تخصص الجراحه العامه واعمل حاليا بالسعوديه

اود ان اسأل عن

- هل يمكن معادله الزماله البريطانيه بالزماله الاستراليه للعمل باستراليا

-ما توقيت طلب امتحان اللغه(قبل ام بعد التقديم والمجئ)

-هل من الممكن ان حصل علي فيزا لدراسه اي شئ(كاللغه مثلا)لمده معينه باستراليا استطيع خلالها العثور علي عمل.ما رايك ؟

وشكرا يا ذوق

ـ للأسف لا يمكن معادلة الزمالتين لكن هى هتفيدك فى ال specialist pathway بتاع كل الولايات فى أستراليا وهو ببساطه إن عشان حضرتك أو أى طبيب من خارج أستراليا معاهم شهاده من أى دوله فى العالم مصر وغيرها خارج أستراليا ونيوزلندا بيسمحولهم بأنهم يقدمو على تقييم فى الكليه الملكيه المختصه وبعدين يقولولك وضعك إيه,هل الشهادات الى معاك وخبراتك ليها قيمه ولا لازم تبدء من الصفر,غالبا عملية التقييم بتكون مكلفه ( صديقى مصرى معاه ماستر جراحه من المنصوره كلفته فوق ال 7000 دولار) وكمان فيها طلبات مختلفه لكل كليه وكمان فيها مقابله شخصيه,توضيح أكتر شوف اللينك ديه ( http://amc.org.au/index.php/international-...nu-207.html#aon )

ـ توقيت إمتحان اللغه يتوقف على ظروفك يعنى لو حضرتك هتيجى ومعاك وظيفه محتاج اللغه قبل مترمش قدام الشغل لكن لو جاى بدون شغل يبقى مش فارقه قبل أو بعد الوصول

ـ طبعا ممكن وديه طريقه بيعملها ناس كتير جدا وأظن أنها من أفضل الطرق بس ممكن تكون مكلفه نوعا ما

[ziad]

دكتور زياد انت فين ؟هو فى ايه ياجماعة الخير مفيش دكاتره مصريين فى استراليا مش لازم نشتغل دكاتره نشغل nursing بلاها شغل فى حد يعرف اى حاجه عن التعديلات الى تم فى قانون الهجره اللى حتم فى شهر سبتمبر ساعدونا زى الهنود مابيساعدوا بعضهم طب بلاش زى اخوانكم المصريين فى كندا واضح ان فرق التوقيت هو السبب جزاكم الله كل خير

مش عارف إيه لزومها التريقه بس,أنا كنت مشغول وعندى إمتحانات هل المطلوب أنى أسقط مثلا عشان أبقى بساعد,كتابة أى رد بتاخد منى حوالى 20 دقيقه هنا ( http://www.islamweb.net/php/php_arabic/keyboard/keyboard.htm ) لأنى معنديش كيبورد عربى,يعنى 3 ردود هتاخد منى ساعه يوميا,وكمان بشتغل 10 ساعات يومين,ياريت بلاش التريقه والكلام الى مالوش لازمه ده,أنا بحاول أساعد على قد مقدر

[ziad]

معلش ززسؤال قد يكون مكرر بس هاااااام

علشان بصراحة انا زهئت من البحث عن تفاصيل المعادلة فى استراليا فمن فضلكم اتمنى ان اى دكتور يكون اجتاز الموضوع دة يحكيلنا بالتفاصيل واجرة وثوابة على اللة....

اية خطوات الامتحان وكام جزء واذا كانت زوجتى من المؤهلين للعمل فى استراليا يبقى لازم انا كمان اعمل المعادلة هنا ولا ممكن نسافر هجرة وبعدين اعملها هناك على مهلى ....؟؟؟!!!!

الخطوات أولها أنك تخلص نيتك وتعرف أن رزقك هيصيبك,وبعدها تسجل مع ال AMC أو Australian medical council على موقعهم(www.amc.org.au) تخلص الورق وتقدم على أول إمتحان جاى,عندك إمتحانات فى مصر,السعوديه,دبى,باكستان,هتلاقى بلاد كتيره,وممكن تعمله فى أستراليا لكن أنا لا أنصح بكده,تكاليف وبهده بلا داعى,النجاح مش صعب ولو بصيت على الأحصائيات فى موقعهم هتلاقى أن أعلى نسبة نجاح هى لخريجى كليات مصريه,بعد النجاح فى المرحله الأولى عندك طريقين,الأولى أنك تعمل الأنجليزى (IELTS or OET) وتبدى تدور على شغل والرزق بتاع ربنا,أو تكمل وتعمل العملى وبعد نجاحك فيه تدور

بالنسبه ليك فممكن تعملها بعد متوصل بس نصيحه أخويه لو الأمتحان بيتعمل فى بلد إقامتك خلص قبل متيجى هتفرق السما من الأرض,لو جيت من غير متعمله مش هتعرف تفكر حتى فى شغل قبل متخلص الجزء الأولانى لكن لو خلصان ممكن تدور براحتك,ولو جيت من غير متخلصه يا إما هتشتغل فى حاجه غير الطب عشان تعيش وبكده هتشتغل وتتعب وتتبهدل أو تخلى زوجتك تشتغل وتقعد أنت تذاكر فى البيت ومش كل الناس توافق على حاجه زى ديه

[ziad]

الأخ الدكتور زياد

مشكور علي تعبك معانا ، غلبناك

انا عايز رأي حضرتك في موقفي ايه اللي ممكن اعمله

انا طبيب اشعة تشخيصية معايا ماجيستير حديث اعمل في السعودية كمقيم جراحة ، ماهي فرص ممارستي لمهنتي في استراليا و ما هي انسب طريقة؟؟؟

انا سمعت ان الفرص في استراليا مابقتش زي الول والأمور بتصعب ، ده صحيح؟؟؟

سؤال اخير ، فرصة حصولي علي نيابة أشعة في كندا تعتبر شبه منعدمة ، بناء علي ان النيابات المتاحة السنة دي مثلا 2 فقط. أخبار الوضع في استراليا ايه بعد المعادلة؟

آسف هوجعلك بطنك,أنا كان حلمى أشتغل أشعه بس فيه كذا نقطه صعبه

ـ الأشعه تكاد تكون أصعب تخصص تحاول فيه هيه والرمد على الأستراليين وعلينا لأن أستراليا كلها سنويا فرص التدريب فيها أقل من 20

ـ محتاج ترخيص عام وإقامه دائمه قبل متحاول تقدم على التدريب أصلا

ـ مشوفتش غير 2 أطباء من أصل غير أسترالى بيشتغلو فى الأشعه من يوم ماجيت هنا من حوالى أربع سنين

[bentbatota]

واضح يا دكتور زياد انك فهمتنى خطا انا كان اقصدى ان حد من الاخوه المصريين او العرب يساعد مع حضرتك ومايبقاش كل اللود عليك لان الحياه فى استراليا مش سهله ولان الاسئله عن استراليا ممكن تكون كتيره و انا فعلا مش بتريق حاشى لله ان حضرتك بتساعدنا وده يكون ردى عليك وربنا يكرمك ان شاء الله فى الامتحان وشكرا

[Alrefaey]

السلام عليكم

اولا أود ان ارسل اعجابى وامتنانى الى التعاون المبهر من اخونا الاعضاء وخصوصا دكتور زياد والشامى والتهامى والى جميع الاخوة حتى لا يفوتنى احد

ولى سؤال الى الاخ الدكتور الرائع زياد

زوجتى اخصائية اطراف صناعية ORTHOTICS&PROSTHETICS ومعها دراسات عليا فى نفس التخصص من بريطانيا ولم تكمل بعد البورد الامريكى وسؤالى هو كيف يمكن لها الحصول على عقد عمل فى استراليا وهل الدراسات العليا تؤهلها الى السفر او الهجرة من غير الحصول على البورد الاسترالى وقبل اتمام البورد الامريكى علما بأننا مقيمين بمدينة الرياض السعودية وعزرا للأطالة

[dentist]

طيب يادكتور ايه اخبار دكاترة الاسنان هناك ,,,,لاني في اخر سنة في الكلية ونفسي اهاجر هناك

[ziad]

السلام عليكم

اولا أود ان ارسل اعجابى وامتنانى الى التعاون المبهر من اخونا الاعضاء وخصوصا دكتور زياد والشامى والتهامى والى جميع الاخوة حتى لا يفوتنى احد

ولى سؤال الى الاخ الدكتور الرائع زياد

زوجتى اخصائية اطراف صناعية ORTHOTICS&PROSTHETICS ومعها دراسات عليا فى نفس التخصص من بريطانيا ولم تكمل بعد البورد الامريكى وسؤالى هو كيف يمكن لها الحصول على عقد عمل فى استراليا وهل الدراسات العليا تؤهلها الى السفر او الهجرة من غير الحصول على البورد الاسترالى وقبل اتمام البورد الامريكى علما بأننا مقيمين بمدينة الرياض السعودية وعزرا للأطالة

للأسف معلوماتى ضعيفه جدا عن الموضوع ده بس لو حضرتك شفت الموقع ده هتلاقى فيه معلومات كافيه,ولو محتاج معلومات أكتر أبعتلهم إيميلات وكلمهم

http://www.aopa.org.au/Employment.aspx

[Alrefaey]

السلام عليكم

اولا أود ان ارسل اعجابى وامتنانى الى التعاون المبهر من اخونا الاعضاء وخصوصا دكتور زياد والشامى والتهامى والى جميع الاخوة حتى لا يفوتنى احد

ولى سؤال الى الاخ الدكتور الرائع زياد

زوجتى اخصائية اطراف صناعية ORTHOTICS&PROSTHETICS ومعها دراسات عليا فى نفس التخصص من بريطانيا ولم تكمل بعد البورد الامريكى وسؤالى هو كيف يمكن لها الحصول على عقد عمل فى استراليا وهل الدراسات العليا تؤهلها الى السفر او الهجرة من غير الحصول على البورد الاسترالى وقبل اتمام البورد الامريكى علما بأننا مقيمين بمدينة الرياض السعودية وعزرا للأطالة

للأسف معلوماتى ضعيفه جدا عن الموضوع ده بس لو حضرتك شفت الموقع ده هتلاقى فيه معلومات كافيه,ولو محتاج معلومات أكتر أبعتلهم إيميلات وكلمهم

http://www.aopa.org.au/Employment.aspx

شكرا جزيلا اخى الكريم د زياد على اهتمامك وردك وجعله الله فى ميزان حساناتك