المنتظريين مقابلات كيبيك 9-2010

[Rock]

د/ روك الف الف مبروك

ربنا يكملك على خير

معلش انا عايز اسـأل على الفندق اللى كنت نازل فيه فين وبكام

علشان انا هاسافر قبل المقابلة بيوم ومش عارف انزل فين

كمان هل مستر بول كلامة واضح ولا ساعات مكنتش بتفهم كلامة

شكرا والف مبروك

يا جماعة ماتنسوش تبقول تصلوا للباقى

اخويا وجدي

الفندق كان جنب محطة الرمل و بيبص علي البحر بالظبط تلات دقايق من السنتر و 7 دقايق من محطة القطر

164 ش 26 يوليو

الاسعار تتراوح للفرد الواحد من 80 الي 100 جنية و الاوض لغاية 200 و حاجة

كلمهم بدري 4807312 &4807771

مسيو بول كلامة مفهوم بس مرتين اتنين مفهمتهوش مرة منهم عاد و فهمته و المرة التانية عاد و مفهمتهوش فشاور للمترجمة و قالتلي اللي عايز يقولوا

ماتخافش خاااااالص

ربنا معاك

تم تعديل 22 نوفمبر 2010 بواسطة rock

[محمد كيبيك]

الف مبروك اتامر هو فين علشان يحكى عن مقابلتة زى الاخ روك اللى بشكرة على السرد الجميل للمقابلة و بالتوفيق باذن اللة للى عليهم الدور

[كيبيك]

اولا- و قبل كل شيء.....الشكر كل الشكر و الحمد الي اللة اللي وقف جنبي و قدر تعبي و اللي من غيره مكنتش النهاردة قاعد بضحك و بهلل

ثانيا- شكراا لموقع المحاورات اللي من غيرة مكنتش عرفت اقدم...لأنة انا قبل ما اقدم كنت بالطم و ناس تقنعني بمحامين و محامي منهم يقولي بصراحة لما بيشوفوا اسم المكتب علي الورق بيقبلوا الناس علطول..اي كلام طبعا و كنت هلبس علي الاقل في 10 الاف اهيف عشان بس يبعت و رقي و يستلم الايميلات بتاعتي و اتحدي انوا المحامين نفسهم بيتابعوا كلامنا عشان يعرفوا مننا حاجات

انا الاول لما قدمت رحت سفارة القاهرة و رجعت شايل خفي حنين و قالولي انة الورق حتي مش هو الورق و لقيت بالصدفة واحد اسمة ياسر اللي يمسية بالخير و يباركلة و هو عرفني بالمحاورات

ثالثا- الف شكر بجد لكل الناس اللي ساعدتني و وقفت جنبي معنويا و بردودهم علي استفساراتي و سؤالهم علي... دكتور ايهاب و استاذ صامويل و دكتور هارفي و استاذ مايكل و كيرمينا..دكتور اسامة انفويير اللي فضل يكلمني حتي قبل المقابلة عشان يتأكد اني صحيت,,

استاذة موريال اللي ساندتني كتير برأيها و تفكيرها معايا,,اختي اغابي اللي كانت بتسال علي...لونلي روز.. عمر اخويا رفيق حركة التأجيلات :D.توتا..باشمهندس ماتيوس

---------------------------------------------------------------------------------------------------------------------------

انا كانت مقابلتي يوم 21 الساعة 9 و نصف في كركز الثقافة بالاسكندرية زي كل الناس

انا حجزت في فندق يونيون قبلها ب 10 ايام و قالولي مفيش غير اوضة دوبل من غير حمام و حمامها مشترك في الطرقة فقلتلهم مفيش مشكلة انشاللة يكون حمامها الحمام العمومي اللي في الشارع

سافرت انا و اخويا قبلها بيوم و ركبت قطر الساعة تمانية من قاهرة المعز و في السكة حاولت اذاكر لكن هيهات ,قعدت ابص من القزاز طبعا زي العيال الصغيرة و في وداني الام بي ثري و باسمع اغاني عبد الحليم فرنسا شارل ازنافور و وصلت الي اسكندرية الاسكندر ذو القرنين الحبيبة الي قلبي الساعة 11 و رحت البنك و قلت اتمشي اعدي علي السنتر و انا رايح الفندق و قد كان و قلت لنفسي غدا غدا او بعد غد سوف اثور كالاسد مدافعا عن الوطن و عن اب بة و جد :knight:

وصلت الفندق و سكنت و لقيت اوضة احسن من اللي لقيتها في الاول و فيها حمام

نزلت و رحنا ناطيين علي محمد و احمد اللي علي فكرة شارل ازنافور كل فية قبل كدة

و رجعت اذاكر و اقرا شوية و كعادة ليالي الامتحانات بتاعت الطب المذاكرة بطيئة جداا...بس معلش,,كلة يهون و نزلت بعد كدة بعد الضهر صورت شوية و رق قلت اخلي نسخة من الورق زي ما تفضل بعض الخوة هنا و نصحوا بكدة و طبعت شوية عروض عمل علي ما قسم بعد ما دخت علي حد عندة برنتر لغاية مالقيت واحد في شارغ فؤاد واحنا راجعين عدينا علي محل بدل و قمصان عشان يربطلي الكرافتة اصلة اخوكم احول في موضوع الربط دةو بصراحة الراجل كان ذوق خالص و مابرطمش و قال اهو دة اللي واخدينة مفيش زباين و البية جاي يربط الكرافتة

بس و رحنا اكلنا عند جاد و روحنا ..ذاكرت شوية و ظبطت المنبة علي 6 و نمت الساعة 11 و نصف

و صحيت راجعت شوية و اخدت دش و لبست البدلة و لبست الكرافتة,,الاقيلك ياخويا الكرافتة شكلها وحش و عريضة و لفت حوالين نفسها و قعدت ادور في الشوارع علي اي محل فاتح يربطلي الكرافتة مانا بقيت زبون بقي و ماتسألونيش جبت منين البرود اني اقعد ادور لغاية الساعة 9 و ربع يعني قبل المقابلة بربع ساعة و مالقتش حد و قلت يالا اعمل نفسك مش واخد بالك و دخلت السنتر و قالولي انتظر في غرفة الانتظار و هناك قابلت الاخ صيدلي كندي..ربنا يساعدة و انشاءاللة يقدم من تاني و الخيرة فيما اختارة اللة و قعدت مستني حوالي تلت ساعة اتكلم مع اخويا و اهرج و خرج استاذ خائف و قال الدنيا بييس

اللي فات دة كان رغي عشان اقلكم علي الحالة اللي كنت عايشها :)

--------------------------------------------------------------------------------------------------------------------------

المقابلة

دخل مسيو بول و انا كنت عامل حسابي انة هيندة علي اسم العيلة زي ما قالت الناس و لكن نداني باسمي وقالي يالا و طبعاخلعت الابتسامة من وشي و جريت وراة و هو كان بيمشي بسرع و انا وراة بجري و دخلنا الاوضة و قالي اقعد هنا قعدت و عرفني بنفسة و بالاستاذة اللي قامت بدور المترجمة و مسيو بول دة يعني من الخر نجم كدة زي نجوم السيما ياخوانا و المترجمة كانت مبتسمة و محترمة جداا و تحس بلمحة تعاطف في عنيها و هي بتبصلك و بتسلم عليك.

قعدت بقي,,,قالي الديباجة بتاعت اول المقابلة اللي هي احنا هنا عشان نقيم ملفك و نشوف شهاداتك الاوريجينال الخ الخ و لو اتقبلت هاتاخد السي اس كيو و لو مااتقبلتش هتاخد في و شك و هنقلك لية و الاخت المترجمة موجودة ماتتردش انك تطلب مساعدتها :lol:

و بص للمترجمة و راحت عايدة الكلام بالعربي انا كل ردودي علية و عليها ميرسي..بيان...ميرسي..بيان و لبست وش الابتسامة

بس و راح بادي المقابلة...باسبورك..بص و دقق--شهادة التخرج,,رحت عامل عبيط و اديتلة المؤقتة و انا عارف انة بيحب الكرتون و لقيت كدة مش علي بعضة فقلت مبيدهاش بقي و رحت مطلعلة الكرتون فلقيت كدة اللي هو يعني ايوة هي دي..بص و خلي المترجمة تبص برضة كالمعتاد||...هو انت شغال,,,اة طبعا شغال...معاك شهادات بكدة...اة طبعا و رحت موريلة شهادة الامتياز بتاعت القصر العيني و بعدين شهادة الادارة الصحية فلقيت بص كدة و قلب فيها و راح باصصلي و قالي اية دة بقي i*: بتاعت اية دي فقلتلةدي شهادة الخبرةبتاعت الادارة و دة تاريخ البداية و دة تاريخ كتابة الورقة و دة اسمي و دي شغلانتي هناك..انا اعتقد انة شاف دة كلة بس كان بيجرب يشوف رد فعلي هاعمل اية كنوع من الضغط زي ماقال كل الناس قبل كدة,,ياخوانا الورق كان عليها تلات نسور بترفف جنب بعض ,ادارة و مديرية و محافظة يعني مفيش احسن من كدة,,دة اكيد قرار تاميم القناة ماكنش علية كل النسور دي

و اقتنع و رحت مديلة الشهادة الاخيرة بتاعت المستشفي اللي انا فيها دلوقتي و كل حاجة يرجع يكتبها علي الاب توب زي الطيارة --شهادة

التامينات ..اديتهالة و بعدين هل انت مولود في القاهرة..قلتلة لا ..طيب انت من القاهرة..قلتلة لا..انت اتخرجت منين ..قلتلة...راح بصلي و قالي هو كدة يطلع في كام جامعة في القاهرة و اية اقدمهم قلتلة القاهرة طبعا دي الاقدم علي الاطلاق في مصر .

عندك كام اخ و اخت,,الاب بيشتغل اية ,,قلتلة طلع معاش..طيب كان بيشتغل اية..طيب بيعمل اية دلوقتي ..قلتلة مابيعملش حاجة خالص..طيب سن والدتي.

انا لقيت نفسي صراحة بلخبط كتيير و باقع كتير فقلتالمث الكيبكواز بتاع معلش لانة قضيت الليلة اللي فاتت علي حبل الغسيل :lol:

فبصلي و قالي اية دة ..قلتلة دة مثل فرنساوي من كيبك يا عم فراح سكت و قالي اةةةة قصدك كذا قلتلة ايوةةةةة هو دة فراح ضحك و قالي و دة معناة اية ..فقلتلة يعني مانمتش الليلة الي فاتت كويس و راحت قايلة برضة انة عند الفرنساويين بيقولوا انة قضيت ليلة بيضاء نوي بلانش..طبعا انا رميت نفسي في مطب و لكن لميت نفسي و ربنا ستر

انت دبرت الفرنساوي بتاعك ازاي ..قلتلة انا للاسف ماكنش عندي سنتر في بلدي فشاورلي اللي هو يعني عارفين الموضوع دة و قلتلة ذاكرت مع نفسي و رحت السنتر لما اتنقل شغلي القاهرة فسألني فين السنتر دة قلتلة المنيرة.. دخلت المستوي الكام ,,قلتلة الرابع...ووصلت الكام ..قلتلة السادس.. و المستوي التاني كونفرزاسيون..طيب كام يوم...ايام اية..كام ساعة..طيب يعني كام ساعة في الاسبوع..مين من المدرسين تعرفة..طيب كنت بتحبها..عايز تتعلم فرنساوي لية..قلتلة دة مستقبلي كلة في اللغة دي..

طيب الانجليزي اسهل ولا الفرنساوي قلتلة بطبيعة الحال الانجليزي دة من اعدادي باخدة لذا هو سهل و لكن الفرنساوي جميل و راقي و كل مستقبلي يعتمد علية و قعدت ارمي اي بق و هو بيكتب علي اللاب توب زي ماقال دكتور ايهاب و قلتلة انا كنت بتفرج علي افلام فرنساوي و اسمع اغاني فرنساوي و باسمع الراديو فبصلي و قالي يااة طيب و اية الافلام اللي اتفرجت عليها قلتلة كام اسمة فبصلي بتعجب و قالي و دي مش حاجة صعبة عليك قلتلة اة بس في ساب تايتل فرنساوي و انجليزي--قالي ممكن نتكلم شوية انجليزي قلتلة طبعا يا سلام جيت في جمل..قالي كلمني عن بلدك شوية..لازم طبعا اقلكم انة انا كنت كلمة انجليزي و عشرة فرنساوي غصب عني فقلتلة سامحني مش قادر افصل قاللي مفييش مشكلة خالص كمل عادي و لا يهمك__بعدين قاللي خلاص احنا هنرجع تاني فرنساوي و بدا يكتب تاني فقلتلة يعني اقلب القناة تاني و ضحكنا و بعدين قاللي اية الاوردر بتاعك فرحت مطلعلة الايميلات و الورق و ابتديت اشرح راح موقفني و قاللي يا سيد اسم الاوردر بتاعك فرحت قايلة السي ام كيو و قالي دة معناة اية الاسم دة ..قلتلة يعني المجلس الطبي الكيبيكي راح باصصلي و نمر بعينة و قاللي انت متاكد ففهمت اني هبلت رحت سكت ثواني و قلتلة دة مفروض كليات الطب الكيبيكية راح قالي تمام و راح باصص علي الورق و قالي دي ايميلات قلتلة اة و دي من الاوردر اللي نصحني اني امشي الاختيار التاني للاسباب الاتية بلا بلا بلا و دة رد الايميل بتاع جامعة ماجيل وانا مشاورلة علي العنوان البريد بتاع ماجيل فانبسط..اية اللي يضمنلك انك تعمل معادلتك اللي هي اساسا صعبة ..رحت قلتلة اللي ينجح في الطب في مصر و بالذات سنة سادسة اللي كنت بذاكر فيها الباطنة كلها 12 فرع و الجراحة كلها و امتحنت النظري كلة و العملي و الشفوي في اقل من شهر يبقي اكيد هانجح في كيبك --بعدين قالي مانت هنا زي الفل و عندك شغل و الحياة شغالة طيب عايز تقزح علي كيبك لية B) و طبعا قلتلة انا اهوة دكتور بس بقبض 600 جنية في الشهر فراح برقلي و سكت و قلتلة علي الوضع بتاع المية و الهواء و المواصلات انة كيبك فيها اخلاق و احترام للاخرين حتي المهاجرين و فيها عدالة--و كان مرمي علي جمب كدة كتاب ابرندر بوور كيبك فقالي انا شايف انك معاك الكتاب و اية دة قلتلة فقلتلة دة اهم كتاب بعد الانجيل بتاعي فراح ضحك خالص و قالي انت اتعلمت منة حاجة قلتلة اةةةةة طبعا دة كل حاجة فية مهمة فقاللي زي اية فقلتلة شوية حاجات عن ازاي اجيب كارت التامين الصحي و رقم التامين الاجتماعي و البي ار و ازاي اجيب سكن و ازاي افتح حساب في البنك ..سكت شوية و قالي تعرف حاجة عن قيم المجتمع..رحت قايلهم..كل دة و هو بيكتب علي الكمبيوتر و بيكتب و بيكتب و انا كلامي خلص و هو بيكتب و بعد كدة قالي انا شايف انك تعبت و بذلت مجهود و سكت شوية و قال..................انت اتقبلت..وانا حسيت انة الزمن وقف و انة انا اتقلبت لواحد غبي و ساكت فراح قالي تاني انت اتقبلت يا جدع ..انت مش فرحان ففقت و قلتلة طبعا اكيييييييد ميرسييييييييييي و قعدت اضحك بهستيريا بصراحة و هو بيبص للعبيط اللي قاعد بيضحك :D بصراحة انا لغاية اخر لحظة كنت مرعوب لانة انا عكيت يا جماعة اكتر من مرة

وبعدبن طبع و رقتين السي اس كيو و ادهومني و قالي اعمل بيهم اية و قاللي علي كورسات الفرنساوي اون لاين و لسة هيشرح رحت مطلعلة الورق اللي بيقول كدة فضحك و راح قالي انت ممكن تاخد كورسات تسترد تمنها بعد كدة و لسة هيكمل رحت قلتلة ثواني و رحت طلعتلة الفورمة بتاعت طلب رد الفلوس فسكت و ضحك و بعدين الكتاب بتاع الابرندر بوور كيبك و قالي دة الاصلي و ضحك و قالي انا عارف انك عارف قيم المجتمع الكيبكي بس دي نسخة تاني ليك و قالي انا عايز اقولك انة معادلتك و طريقك صعب بس انا واثق انك هتعدي بابتسامة كبيرة و بعدين قاللي خد وقتك ترتب ورقك و تشيلة فرحت مطلعلة البومات صور فحم و رابيدوجراف و الوان جواش و شمع انا راسمها فقعد يقولي ياااة دة انت موهوب اههة و عندك مواهب و قعدنا نضحك و قام و استناني جنب الباب و لميت و رقي و قمت و سلمت علي الاستاذة المترجمة انا كان نفسي اخدها بالحضن من الفرحة و هي كانت فرحاناللي بجد و شكرتها و مشيت و خرجت و اخويا شافني باضحك فجري علي و خدني بالحضن و قالي انة قلبة كان وقع و مسيو بول هو و الالمستشارة التانية شافونا و قعدوا يضحكوا

--------------------------------------------------------------------------------------------------------------------------

و كلمت كل الناس و رحنا بعد كدة متحف الاثار الاغريقية في مكتبة الاسكندرية و متحف المجوهرات الملكية في جليم و اكلنا سمك في المنشية و اتمشينا و ركبنا قطر الساعة عشرة ووصلنا الساعة واحدة عشان كدة انا بعتذر عن تاخيري لانة انا وصلت متاخر و صحيت بالضرب رحت الشغل و صدقوني انا فضلت في العيادة اكتب كل ملحوظة بخصوص المقابلة عشان اقولهالكم و ارد جمايلكم

ميرسي ليكم

روك

: ألف مبرووووووووووووووووووووووووووووووووووووووووووووووك

ياروك على فكرة انت دمك خفيف جدا وانا مبطلتش ضحك من كتر افيهاتك

وانت فعلا تستاهل على كل المجهود دة وانت تعبت وربنا مضيعش تعبك بجد

انا شايف انك بحثت كتير بس انت جبت كتاب بروندر دة منين هوة بيتباع

وربنا يوفقك فى الفيدرال وتسافر فى اسرع وقت

[alaafrench m]

مليووووووووووووون مبرووووووووووووووك gra:-

لجميع الحاصلين على الغالية الc s q

تهانى وتامر وروك

وخائف لكل الناس

وان شاء الله ناخدها ذيكم

وفعلا اهم حاجة الثقة فى ربنا

ثم فى انفسنا

والنجاح حليفنا

ويا ريت ياروك تبعتلى الملف الى بتقول عليه

وهل كتاب ابرندر لو كيبك

انت جبته منين(طبعته )ولا خدتة من حد

وكمان سؤال للمتزوجين

هو اخلى الاوراق كلها معايا(كمتقدم رئيسى)

ولا كل واحد ورقه فى فايل مختلف

[Rock]

الكتاب هنا في الصفحة علي الشمال

http://www.immigration-quebec.gouv.qc.ca/fr/informations/apprendre-quebec.html

علاء باشا معلش اديني فرصة لبكرة ادور علي مكان الملف دة

شد حيلك يابو علاء

[Rock]

اهوة يابو علاء القف :)

الصفحة دي فيها كل حاجة عن الموضوع دة

Remboursement des frais de cours de français

و فيها الطلب بتاع رد فلوس الكورسات بشرط انها تكون كورسات بعد السي اس كيو مش قبلها

http://www.immigration-quebec.gouv.qc.ca/fr/langue-francaise/pays-depart/remboursement-frais.html

[gerges refaat]

اولا- و قبل كل شيء.....الشكر كل الشكر و الحمد الي اللة اللي وقف جنبي و قدر تعبي و اللي من غيره مكنتش النهاردة قاعد بضحك و بهلل

ثانيا- شكراا لموقع المحاورات اللي من غيرة مكنتش عرفت اقدم...لأنة انا قبل ما اقدم كنت بالطم و ناس تقنعني بمحامين و محامي منهم يقولي بصراحة لما بيشوفوا اسم المكتب علي الورق بيقبلوا الناس علطول..اي كلام طبعا و كنت هلبس علي الاقل في 10 الاف اهيف عشان بس يبعت و رقي و يستلم الايميلات بتاعتي و اتحدي انوا المحامين نفسهم بيتابعوا كلامنا عشان يعرفوا مننا حاجات

انا الاول لما قدمت رحت سفارة القاهرة و رجعت شايل خفي حنين و قالولي انة الورق حتي مش هو الورق و لقيت بالصدفة واحد اسمة ياسر اللي يمسية بالخير و يباركلة و هو عرفني بالمحاورات

ثالثا- الف شكر بجد لكل الناس اللي ساعدتني و وقفت جنبي معنويا و بردودهم علي استفساراتي و سؤالهم علي... دكتور ايهاب و استاذ صامويل و دكتور هارفي و استاذ مايكل و كيرمينا..دكتور اسامة انفويير اللي فضل يكلمني حتي قبل المقابلة عشان يتأكد اني صحيت,,

استاذة موريال اللي ساندتني كتير برأيها و تفكيرها معايا,,اختي اغابي اللي كانت بتسال علي...لونلي روز.. عمر اخويا رفيق حركة التأجيلات :D.توتا..باشمهندس ماتيوس

---------------------------------------------------------------------------------------------------------------------------

انا كانت مقابلتي يوم 21 الساعة 9 و نصف في كركز الثقافة بالاسكندرية زي كل الناس

انا حجزت في فندق يونيون قبلها ب 10 ايام و قالولي مفيش غير اوضة دوبل من غير حمام و حمامها مشترك في الطرقة فقلتلهم مفيش مشكلة انشاللة يكون حمامها الحمام العمومي اللي في الشارع

سافرت انا و اخويا قبلها بيوم و ركبت قطر الساعة تمانية من قاهرة المعز و في السكة حاولت اذاكر لكن هيهات ,قعدت ابص من القزاز طبعا زي العيال الصغيرة و في وداني الام بي ثري و باسمع اغاني عبد الحليم فرنسا شارل ازنافور و وصلت الي اسكندرية الاسكندر ذو القرنين الحبيبة الي قلبي الساعة 11 و رحت البنك و قلت اتمشي اعدي علي السنتر و انا رايح الفندق و قد كان و قلت لنفسي غدا غدا او بعد غد سوف اثور كالاسد مدافعا عن الوطن و عن اب بة و جد :knight:

وصلت الفندق و سكنت و لقيت اوضة احسن من اللي لقيتها في الاول و فيها حمام

نزلت و رحنا ناطيين علي محمد و احمد اللي علي فكرة شارل ازنافور كل فية قبل كدة

و رجعت اذاكر و اقرا شوية و كعادة ليالي الامتحانات بتاعت الطب المذاكرة بطيئة جداا...بس معلش,,كلة يهون و نزلت بعد كدة بعد الضهر صورت شوية و رق قلت اخلي نسخة من الورق زي ما تفضل بعض الخوة هنا و نصحوا بكدة و طبعت شوية عروض عمل علي ما قسم بعد ما دخت علي حد عندة برنتر لغاية مالقيت واحد في شارغ فؤاد واحنا راجعين عدينا علي محل بدل و قمصان عشان يربطلي الكرافتة اصلة اخوكم احول في موضوع الربط دةو بصراحة الراجل كان ذوق خالص و مابرطمش و قال اهو دة اللي واخدينة مفيش زباين و البية جاي يربط الكرافتة

بس و رحنا اكلنا عند جاد و روحنا ..ذاكرت شوية و ظبطت المنبة علي 6 و نمت الساعة 11 و نصف

و صحيت راجعت شوية و اخدت دش و لبست البدلة و لبست الكرافتة,,الاقيلك ياخويا الكرافتة شكلها وحش و عريضة و لفت حوالين نفسها و قعدت ادور في الشوارع علي اي محل فاتح يربطلي الكرافتة مانا بقيت زبون بقي و ماتسألونيش جبت منين البرود اني اقعد ادور لغاية الساعة 9 و ربع يعني قبل المقابلة بربع ساعة و مالقتش حد و قلت يالا اعمل نفسك مش واخد بالك و دخلت السنتر و قالولي انتظر في غرفة الانتظار و هناك قابلت الاخ صيدلي كندي..ربنا يساعدة و انشاءاللة يقدم من تاني و الخيرة فيما اختارة اللة و قعدت مستني حوالي تلت ساعة اتكلم مع اخويا و اهرج و خرج استاذ خائف و قال الدنيا بييس

اللي فات دة كان رغي عشان اقلكم علي الحالة اللي كنت عايشها :)

--------------------------------------------------------------------------------------------------------------------------

المقابلة

دخل مسيو بول و انا كنت عامل حسابي انة هيندة علي اسم العيلة زي ما قالت الناس و لكن نداني باسمي وقالي يالا و طبعاخلعت الابتسامة من وشي و جريت وراة و هو كان بيمشي بسرع و انا وراة بجري و دخلنا الاوضة و قالي اقعد هنا قعدت و عرفني بنفسة و بالاستاذة اللي قامت بدور المترجمة و مسيو بول دة يعني من الخر نجم كدة زي نجوم السيما ياخوانا و المترجمة كانت مبتسمة و محترمة جداا و تحس بلمحة تعاطف في عنيها و هي بتبصلك و بتسلم عليك.

قعدت بقي,,,قالي الديباجة بتاعت اول المقابلة اللي هي احنا هنا عشان نقيم ملفك و نشوف شهاداتك الاوريجينال الخ الخ و لو اتقبلت هاتاخد السي اس كيو و لو مااتقبلتش هتاخد في و شك و هنقلك لية و الاخت المترجمة موجودة ماتتردش انك تطلب مساعدتها :lol:

و بص للمترجمة و راحت عايدة الكلام بالعربي انا كل ردودي علية و عليها ميرسي..بيان...ميرسي..بيان و لبست وش الابتسامة

بس و راح بادي المقابلة...باسبورك..بص و دقق--شهادة التخرج,,رحت عامل عبيط و اديتلة المؤقتة و انا عارف انة بيحب الكرتون و لقيت كدة مش علي بعضة فقلت مبيدهاش بقي و رحت مطلعلة الكرتون فلقيت كدة اللي هو يعني ايوة هي دي..بص و خلي المترجمة تبص برضة كالمعتاد||...هو انت شغال,,,اة طبعا شغال...معاك شهادات بكدة...اة طبعا و رحت موريلة شهادة الامتياز بتاعت القصر العيني و بعدين شهادة الادارة الصحية فلقيت بص كدة و قلب فيها و راح باصصلي و قالي اية دة بقي i*: بتاعت اية دي فقلتلةدي شهادة الخبرةبتاعت الادارة و دة تاريخ البداية و دة تاريخ كتابة الورقة و دة اسمي و دي شغلانتي هناك..انا اعتقد انة شاف دة كلة بس كان بيجرب يشوف رد فعلي هاعمل اية كنوع من الضغط زي ماقال كل الناس قبل كدة,,ياخوانا الورق كان عليها تلات نسور بترفف جنب بعض ,ادارة و مديرية و محافظة يعني مفيش احسن من كدة,,دة اكيد قرار تاميم القناة ماكنش علية كل النسور دي

و اقتنع و رحت مديلة الشهادة الاخيرة بتاعت المستشفي اللي انا فيها دلوقتي و كل حاجة يرجع يكتبها علي الاب توب زي الطيارة --شهادة

التامينات ..اديتهالة و بعدين هل انت مولود في القاهرة..قلتلة لا ..طيب انت من القاهرة..قلتلة لا..انت اتخرجت منين ..قلتلة...راح بصلي و قالي هو كدة يطلع في كام جامعة في القاهرة و اية اقدمهم قلتلة القاهرة طبعا دي الاقدم علي الاطلاق في مصر .

عندك كام اخ و اخت,,الاب بيشتغل اية ,,قلتلة طلع معاش..طيب كان بيشتغل اية..طيب بيعمل اية دلوقتي ..قلتلة مابيعملش حاجة خالص..طيب سن والدتي.

انا لقيت نفسي صراحة بلخبط كتيير و باقع كتير فقلتالمث الكيبكواز بتاع معلش لانة قضيت الليلة اللي فاتت علي حبل الغسيل :lol:

فبصلي و قالي اية دة ..قلتلة دة مثل فرنساوي من كيبك يا عم فراح سكت و قالي اةةةة قصدك كذا قلتلة ايوةةةةة هو دة فراح ضحك و قالي و دة معناة اية ..فقلتلة يعني مانمتش الليلة الي فاتت كويس و راحت قايلة برضة انة عند الفرنساويين بيقولوا انة قضيت ليلة بيضاء نوي بلانش..طبعا انا رميت نفسي في مطب و لكن لميت نفسي و ربنا ستر

انت دبرت الفرنساوي بتاعك ازاي ..قلتلة انا للاسف ماكنش عندي سنتر في بلدي فشاورلي اللي هو يعني عارفين الموضوع دة و قلتلة ذاكرت مع نفسي و رحت السنتر لما اتنقل شغلي القاهرة فسألني فين السنتر دة قلتلة المنيرة.. دخلت المستوي الكام ,,قلتلة الرابع...ووصلت الكام ..قلتلة السادس.. و المستوي التاني كونفرزاسيون..طيب كام يوم...ايام اية..كام ساعة..طيب يعني كام ساعة في الاسبوع..مين من المدرسين تعرفة..طيب كنت بتحبها..عايز تتعلم فرنساوي لية..قلتلة دة مستقبلي كلة في اللغة دي..

طيب الانجليزي اسهل ولا الفرنساوي قلتلة بطبيعة الحال الانجليزي دة من اعدادي باخدة لذا هو سهل و لكن الفرنساوي جميل و راقي و كل مستقبلي يعتمد علية و قعدت ارمي اي بق و هو بيكتب علي اللاب توب زي ماقال دكتور ايهاب و قلتلة انا كنت بتفرج علي افلام فرنساوي و اسمع اغاني فرنساوي و باسمع الراديو فبصلي و قالي يااة طيب و اية الافلام اللي اتفرجت عليها قلتلة كام اسمة فبصلي بتعجب و قالي و دي مش حاجة صعبة عليك قلتلة اة بس في ساب تايتل فرنساوي و انجليزي--قالي ممكن نتكلم شوية انجليزي قلتلة طبعا يا سلام جيت في جمل..قالي كلمني عن بلدك شوية..لازم طبعا اقلكم انة انا كنت كلمة انجليزي و عشرة فرنساوي غصب عني فقلتلة سامحني مش قادر افصل قاللي مفييش مشكلة خالص كمل عادي و لا يهمك__بعدين قاللي خلاص احنا هنرجع تاني فرنساوي و بدا يكتب تاني فقلتلة يعني اقلب القناة تاني و ضحكنا و بعدين قاللي اية الاوردر بتاعك فرحت مطلعلة الايميلات و الورق و ابتديت اشرح راح موقفني و قاللي يا سيد اسم الاوردر بتاعك فرحت قايلة السي ام كيو و قالي دة معناة اية الاسم دة ..قلتلة يعني المجلس الطبي الكيبيكي راح باصصلي و نمر بعينة و قاللي انت متاكد ففهمت اني هبلت رحت سكت ثواني و قلتلة دة مفروض كليات الطب الكيبيكية راح قالي تمام و راح باصص علي الورق و قالي دي ايميلات قلتلة اة و دي من الاوردر اللي نصحني اني امشي الاختيار التاني للاسباب الاتية بلا بلا بلا و دة رد الايميل بتاع جامعة ماجيل وانا مشاورلة علي العنوان البريد بتاع ماجيل فانبسط..اية اللي يضمنلك انك تعمل معادلتك اللي هي اساسا صعبة ..رحت قلتلة اللي ينجح في الطب في مصر و بالذات سنة سادسة اللي كنت بذاكر فيها الباطنة كلها 12 فرع و الجراحة كلها و امتحنت النظري كلة و العملي و الشفوي في اقل من شهر يبقي اكيد هانجح في كيبك --بعدين قالي مانت هنا زي الفل و عندك شغل و الحياة شغالة طيب عايز تقزح علي كيبك لية B) و طبعا قلتلة انا اهوة دكتور بس بقبض 600 جنية في الشهر فراح برقلي و سكت و قلتلة علي الوضع بتاع المية و الهواء و المواصلات انة كيبك فيها اخلاق و احترام للاخرين حتي المهاجرين و فيها عدالة--و كان مرمي علي جمب كدة كتاب ابرندر بوور كيبك فقالي انا شايف انك معاك الكتاب و اية دة قلتلة فقلتلة دة اهم كتاب بعد الانجيل بتاعي فراح ضحك خالص و قالي انت اتعلمت منة حاجة قلتلة اةةةةة طبعا دة كل حاجة فية مهمة فقاللي زي اية فقلتلة شوية حاجات عن ازاي اجيب كارت التامين الصحي و رقم التامين الاجتماعي و البي ار و ازاي اجيب سكن و ازاي افتح حساب في البنك ..سكت شوية و قالي تعرف حاجة عن قيم المجتمع..رحت قايلهم..كل دة و هو بيكتب علي الكمبيوتر و بيكتب و بيكتب و انا كلامي خلص و هو بيكتب و بعد كدة قالي انا شايف انك تعبت و بذلت مجهود و سكت شوية و قال..................انت اتقبلت..وانا حسيت انة الزمن وقف و انة انا اتقلبت لواحد غبي و ساكت فراح قالي تاني انت اتقبلت يا جدع ..انت مش فرحان ففقت و قلتلة طبعا اكيييييييد ميرسييييييييييي و قعدت اضحك بهستيريا بصراحة و هو بيبص للعبيط اللي قاعد بيضحك :D بصراحة انا لغاية اخر لحظة كنت مرعوب لانة انا عكيت يا جماعة اكتر من مرة

وبعدبن طبع و رقتين السي اس كيو و ادهومني و قالي اعمل بيهم اية و قاللي علي كورسات الفرنساوي اون لاين و لسة هيشرح رحت مطلعلة الورق اللي بيقول كدة فضحك و راح قالي انت ممكن تاخد كورسات تسترد تمنها بعد كدة و لسة هيكمل رحت قلتلة ثواني و رحت طلعتلة الفورمة بتاعت طلب رد الفلوس فسكت و ضحك و بعدين الكتاب بتاع الابرندر بوور كيبك و قالي دة الاصلي و ضحك و قالي انا عارف انك عارف قيم المجتمع الكيبكي بس دي نسخة تاني ليك و قالي انا عايز اقولك انة معادلتك و طريقك صعب بس انا واثق انك هتعدي بابتسامة كبيرة و بعدين قاللي خد وقتك ترتب ورقك و تشيلة فرحت مطلعلة البومات صور فحم و رابيدوجراف و الوان جواش و شمع انا راسمها فقعد يقولي ياااة دة انت موهوب اههة و عندك مواهب و قعدنا نضحك و قام و استناني جنب الباب و لميت و رقي و قمت و سلمت علي الاستاذة المترجمة انا كان نفسي اخدها بالحضن من الفرحة و هي كانت فرحاناللي بجد و شكرتها و مشيت و خرجت و اخويا شافني باضحك فجري علي و خدني بالحضن و قالي انة قلبة كان وقع و مسيو بول هو و الالمستشارة التانية شافونا و قعدوا يضحكوا

--------------------------------------------------------------------------------------------------------------------------

و كلمت كل الناس و رحنا بعد كدة متحف الاثار الاغريقية في مكتبة الاسكندرية و متحف المجوهرات الملكية في جليم و اكلنا سمك في المنشية و اتمشينا و ركبنا قطر الساعة عشرة ووصلنا الساعة واحدة عشان كدة انا بعتذر عن تاخيري لانة انا وصلت متاخر و صحيت بالضرب رحت الشغل و صدقوني انا فضلت في العيادة اكتب كل ملحوظة بخصوص المقابلة عشان اقولهالكم و ارد جمايلكم

ميرسي ليكم

روك

الف مبروك يا روك وعقبال الفيدرال والميديكال

كنت عايز اسال على تعليم الفرنساوى اونلاين واستردادا المصاريف لو ممكن تبعتلى الموقع

انا كاتب المستوى السابع لكن انا درست لحد السادس بس برده

[Rock]

كل حاجة عن موضوع تعلم الرنسية اون لاين

Apprendre le français en ligne

ماتقلقش انك اقل من اللي انت كاتبة في الابليكايشن

القف يا عم جرجس :)

شد حيلك

http://www.immigration-quebec.gouv.qc.ca/fr/langue-francaise/apprendre-ligne/index.html

[alaafrench m]

ميرسى ليك يا روك

وان شاء الله نحصلكم

وناخد الc s q الحلوة

الى مدوخنا وراها

[GOGA SAMIR]

كل حاجة عن موضوع تعلم الرنسية اون لاين

Apprendre le français en ligne

ماتقلقش انك اقل من اللي انت كاتبة في الابليكايشن

القف يا عم جرجس :)

شد حيلك

http://www.immigration-quebec.gouv.qc.ca/fr/langue-francaise/apprendre-ligne/index.html

الف مبروكيا روك..انا لسه بحضر ورقي .المهم مبروك وعقبال الميديكال و الفيزا..

[GOGA SAMIR]

كل حاجة عن موضوع تعلم الرنسية اون لاين

Apprendre le français en ligne

ماتقلقش انك اقل من اللي انت كاتبة في الابليكايشن

القف يا عم جرجس :)

شد حيلك

http://www.immigration-quebec.gouv.qc.ca/fr/langue-francaise/apprendre-ligne/index.html

الف مبروكيا روك..انا لسه بحضر ورقي .المهم مبروك وعقبال الميديكال و الفيزا..

مبروك ل تهاني وتامر وخايف وعقبال باقي الليسته.

[GOGA SAMIR]

كل حاجة عن موضوع تعلم الرنسية اون لاين

Apprendre le français en ligne

ماتقلقش انك اقل من اللي انت كاتبة في الابليكايشن

القف يا عم جرجس :)

شد حيلك

http://www.immigration-quebec.gouv.qc.ca/fr/langue-francaise/apprendre-ligne/index.html

الف مبروكيا روك..انا لسه بحضر ورقي .المهم مبروك وعقبال الميديكال و الفيزا..

مبروك ل تهاني وتامر وخايف وعقبال باقي الليسته.

منتظريين سرد مقابلتك يا تامر

[mr zoro]

الف مبروك لتامر و تهانى أخت اغابي و خائف و روك ودون كامللو وخائف , وعفبالك با علاء فرنش وعقبال باقى اللسته و ربنا يوفقنا جميعا ....

انا عارف اني مشترك جديد ولكني متابع من زمان.. بس حبيت أهنئ كل اللي نجحوا وعقبال بقية المشوار وأدعو بالخير للجميع وأقول لصيدلي كندي فعلا انت عملت اللي عليك وبذلت مجهود وكويس انك لسه صغير زود خبرتك ووثق تأميناتك وقدم تاني وربنا يوفقك للخير ...

ومعلش هي متأخرة شوية وسامحوني لقلة مشاركاتي نظلاا لظروف العمل ... علي فكرة أنا محاسب ومقدم كيبك اخر سبتمبر وفى انتظار الفايل نمبر ومستوى مبتدئ فرنسي ...

طولت عليكو ...

تحياتي

[مايكل فؤاد]

clp:: دون كاملو 08-11-2010 اسكندرية

هارفي حنا 09-11-2010 اسكندرية clp::

مايكل 09-11-2010 اسكندرية clp::

### فريند#### 10-11-2010 اسكندرية next time

جوجو 11-11-2010 اسكندرية clp::

clp:: 6- دودو 14-11-2010 اسكندرية

7-عمانوئيل 18-11-2010 اسكندرية clp::

clp:: 8-روك 21-11-2010 اسكندرية

9- خائف 21-11-2010 اسكندرية- 8:30 ص clp::

10- صيدلي كندي 21-11-2010 اسكندرية

11- تهاني 22-11-2010 اسكندرية clp::

clp:: 12-تامر مينا 22-11-2010 اسكندرية

13- عمر 24-11-2010 اسكندرية

14- ميستري 24-11-2010 اسكندرية

15- جوو 28-11-2010 اسكندرية

16 - جيجي 29-11-2010 اسكندرية

17-ارساني مجدي 29-11-2010 اسكندرية

18- ام مونتريال 30-11-2010 اسكندرية

19- وجدى جرجس 1-12-2010 الساعة 10.30

20- امي الديري 01-12-2010 اسكندرية

21- د.مينا 01-12-2010 اسكندرية

22- علاء فرنش 01-12-2010 اسكندرية

23-ابنيلتا 1-12-2010 اسكندرية

24-روا 6-12-2010 اسكندرية

25-رودي 8-12-2010 اسكندرية

26-مايكل فؤاد 8-12-2010 اسكندرية

27-كريم عبدو 14-12-2010 اسكندرية

مبروك يا مينا وانا ضفتك يا مايكل وزلا تزعل ما عاش ولا كان اللي يزعلك

ميل ميرسى يا دكتورة و الف مبروك لكل اللى نجح و يارب بقية الليستة و كل اللى مقدمين ينجحوا و انا عندى فكرة ممكن نعمل توبيك ان كل اللى موجود فى الليستة يكتب عنوانه لما يسافر عشان نبقى جروب واحد ونلاقى عشرة و اصحاب فى الغربة بجد انا حاسس ان ديه ها تبقى ليستة اصدقاء......انا عارف لسة بدرى على الموضوع ده بس يلا نبتدى......للعلم انا عشان ماكنش لية اصحاب هاجروا لكندا و مكنتش اعرف محاوارت المصريين انا قدمت مع محامى و دفعت فلوس كتير بس كله للخير ...انا قصدى انا شايف محبة كبيرة بين الاعضاء و عشان كدا بتعدو المقابلة,طبعا انا لسة المقابلة بتاعتى شوية بس انا فرحان فعلا بمعرفتكم حتى لو متقبلتش صلولى وادعولى ارجوكم..

[djdj]

اولا الف مبروك للناجحين اليوم وعقبال باقية اللستة بس رجاء تضيفونى الى اللستة وارجو ان تصلو من اجلى اناالمقابلة 25/11

[mr zoro]

مبروك يا تامر وفي انتظار التفاصيل ... مجهود كبير وسرد جميل للمقابلة يا روك .. وعقبالنا جميعا وعقبال الميديكال والفيزا والاندينج

[Emy eldery]

بليز ردوا على هو الانترفيو فى اسئله عن جغرافية او اقتصاد او سياسه كيبك او الحاجات دى المحفوظه

بصي يا ايمي ما تشغليش نفسك انا حتي ماتسألتش في عروض عمل و عروض سكن

b]

مرسى ياروك على ردك والف مبرووك بجد شرحك رائع ممكن اعرف انت كنت كاتب مستوى كام لغه وياترى ميلانى زى بول كويسه كده

وانا مش عارفه المفروض دلوقتى نذاكر ايه

مرسى كتير ليك ياروك وربنا يوفقك فى حياتك وتاخد الفيزا بسرعه وعقبالنا كلنا بجد كل اللسته السحريه بتاعة دكتوره جيجى

ميرسي علي ذوقك

انا كنت كاتب السابع بس كنت واصل للسادس بس و الشهادات انا كنت بعتها اساسا للسفارة في سوريا

بالنسبة للمستشارين صدقيني زي الفل و ناس محترمة بشكل يدعوكي للخجل

هما ليهم ورق..فرنساوي..شخصية بس

و ربنا فوق الكل..انا صدقيني من كتر ما لخبطت كنت حاسس اني هامشي من غير السي اس كيو

بس ربنا اتمجد...ماتخافيش بجد

خليكي واثقة في نفسك كتييييييييييييييييييييييييييير و احتفظي بابتسامتك دايما

ربنا معاكي

[Tamer Mina]

اولا احب اشكر ربنا اللي انا حسيت بايده معانا في المقابله واشكركم جميعا علي صلواتكم ومحبتكم واشكر زوجتي (المتقدم الرئيسي) انا لسه واصل دلوقتي من الاسكندريه ومكنش معايا اللاب توب صدوقوني هاكتبلكم كل التفاصيل قريبا اذكروني في صلوانكم

[اغابي]

شكرا يا جانو انك نقلت مقابلة تهانى

لانى مش بسهولة بتواصل معاها

يا جماعة عاوزين ندعى كلنا لعمر وميسترى

بكره ميعادهم ربنا معاهم ويفرح قلبهم ونطمن عليهم

والف مبرووك يا تامر مينا وان كنت نشفت دمى بتاخيرك داه حتى لو كنت روحت لاى سايبر او صالة نت فى اسكندرية وطمنتنا منه

انشالله بكره عمر وميسترى يطمنونا عليهم باسرع وقت

شد حيلك يا عمرررررررر

تم تعديل 23 نوفمبر 2010 بواسطة اغابي

[اغابي]

مقابلة تهانى

الزوج ( المرافق )

1- مالون قميصك ؟

2- هل معاك ساعة ؟

3- سألتة عن ربطة الكرافتة؟

4- اوصف اولادك ؟

وفى النهاية طبعت الس اس كيو وقالت لهم انتم مستواكم مبتدىء وخايفة تروحو كندا تزهئو وترجعو علشان لغتكم ضعيفة

شكرا يا جانو كمان مرة

الحمدالله ان ماسالتش جوزها بهاء كتير لانه مستوى واحد فى اللغة

يعنى كان ممكن تهانى تسقط بسببه - بهاء ما كنش يذاكر وبدأ من شهر ونص المذاكرة

وما كنش عنده وقت بسبب شغله للمذاكرة

حتى ميس نادية قالت لتهانى فى الدروس التحضيرية انتم حتتهزؤه بسبب لغتكم دى

وقالتلها انتم لو روحتم المقابلة بالمنظر داه ممكن تطردكم بره

ياريت تاجلوا المقابلة افضل وفضلت تهانى تعيط

وما كنش ينفع انها تاجل المقابلة لانها بعتت جواب الموافقة خلاص

الحمدالله انهم عدو من المقابلة انا بقولكم كدا علشان لو حد يقدر يذاكر ومايسيبهاش للحظ

تهانى محظوظة وربنا وفقها بالحظ- بصراحة مستوى بهاء جوزها فى اللغة سيء وكان ممكن يدمرهم

تم تعديل 23 نوفمبر 2010 بواسطة اغابي