المنتظريين مقابلات كيبيك 9-2010

[hani yacoub]

الف مبروك لتامر و تهانى أخت اغابي و خائف و روك ودون كامللو وخائف , وعفبالك با علاء فرنش وعقبال باقى اللسته و ربنا يوفقنا جميعا ....

انا عارف اني مشترك جديد ولكني متابع من زمان.. بس حبيت أهنئ كل اللي نجحوا وعقبال بقية المشوار وأدعو بالخير للجميع وأقول لصيدلي كندي فعلا انت عملت اللي عليك وبذلت مجهود وكويس انك لسه صغير زود خبرتك ووثق تأميناتك وقدم تاني وربنا يوفقك للخير ...

ومعلش هي متأخرة شوية وسامحوني لقلة مشاركاتي نظلاا لظروف العمل ... علي فكرة أنا محاسب ومقدم كيبك اخر سبتمبر وفى انتظار الفايل نمبر ومستوى مبتدئ فرنسي ...

طولت عليكو ...

تحياتي

مستر زورو انت مقدم اخر سبتمبر؟

يعنى تقريبا زيى انا

انا بعت الفايل 21/9/2010 ومستنى الجواب الاول ياريت نتابع مع بعض انا مستوايا السادس فرينش

[hani yacoub]

ياجماعة انا بعت الفايل بتاعى 21/9/2010 من المتوقع ان المقابلة بتاعتى بعد كام قرن ان شاء اللة

وامتى ابدا استنى الجوابات

ضيفونى لليستة باة

ولا اللى زيى لة ليستة لما يقرب ميعادة؟

[kareemabdou]

عمر وميسترى

ناجحين باذن الله

[kareemabdou]

ممكن يا جماعة حد يوصفلى شكل شهادة التأمينات دى ايه

علشان انا شاكك ان اللى معايا مش هى اللى مطلوبه

[gerges refaat]

كل حاجة عن موضوع تعلم الرنسية اون لاين

Apprendre le français en ligne

ماتقلقش انك اقل من اللي انت كاتبة في الابليكايشن

القف يا عم جرجس :)

شد حيلك

http://www.immigration-quebec.gouv.qc.ca/fr/langue-francaise/apprendre-ligne/index.html

ميرسى يا روك على مجهودك

بخصوص المعادله انت كنت بعت ايميل للاوردر بتاعك ولا للجامعه

انا صيدلى المفروض ابعت ايميل للاوردر دى فارماسين ولا لجامعه مونتريال

[amirmorkos]

شباب و شابات حوارات المصريين الشدادأوي,

أنا بحييكوا من بعد أجازة طويلة,

و بأهنني كل اللي نجحوا في المقابلات, يعني بجد أنا مبسوط من كمية الناس اللي ربنا وقف معاها و نصفها ف المقابلة و مبروك ل واحد واحد و واحدة واحدة.

و صللولي بقي يجيلي ميعاد المقابلة بتاعي بقي,

مش تنسوني ف صلواتكم,

أنا باعت ملفي من يوم 5 أكتوبر.

مع خالص تحياتي,

م. أمير مرقص.

[Tamer Mina]

انا بشكر ربنا كتير على توفيقه لينا و كمان بشكركم كتير يا جماعة علشان لولا صلواتكم فعلا احنا ما كناش هنعدي و احنا استفدنا كثير من المعلومات اللي كتبهالنا الناس اللي عدواالمقابلة من اللستة السحرية و انا بشكر مدام نادية كتير اللي شجعتنا و تحضيرها الرائع لينا عشان نعدي المقابلة و بصراحة هي كانت بطمنا كثير و تقول لنا انتوا هتعدوا انا عارفةو ألف مبروك لكل الناس و يارب نعدي كلنا من الفيدرال و المديكال و نتقابل كلنا ياجماعة هناك ان شاء الله و يا صيدلي كندي ما تزعلش قدم تاني و انا متأكد ان ربنا هيوفقك و كل ما يعمل يعمل للخير في البداية ياجماعة أحب أقول شوية ملاحظات التركيز على كل الاوراق الاصول اللي انتوا بعتوا صورها ليهم في البداية و التركيز على الشغل و التأمينات احنا عملنا المقابلة مع مسيو بول و ده فعلا يا جماع ذوق جدا و مبتسم و متعاون و بيتكلم فرنساوي بلغة بسيطة جدا لازم هتفهموها و بيكرر السؤال بأكثر من طريقة علشان نفهم حتى لو لقانا فاهمين برده و لازم يكون شكل الملف بتاعكم حلو يا جماعة و منظم هما بيحبوا كده أوي و لازم تكون عارف مكان كل ورقة فيه لأنه أعجب بالملف بتاعنا أوي و علق عليه

تفاصيل المقابلة

احنا وصلنا اسكندرية قبلها بيوم الصبح و رحنا على المركز الفرنسي علشان نعرف المسافة بينه و بين شقتنا و الوقت و هناك قابلنا اتنين طالعين واحد كان مع بول و واحد كان مع ميلاني و الحمد لله الاتنين نجحوا

احنا كنا اول ناس و و المترجمة لم تكن موجودة و اعتذر بول عن عدم و جودها و قال انها جايه على طول و لكن لم تأتي لحد ما خلصنا المقابلة

في الاول هو طلب الباسبورات بتاعتنا كلنا و سأل المدام على تواريخ ميلاد الطفلين و عقد الجواز و متجوزة من أد ايه و امتى تاريخ جوازنا

وسأل المدام درستي الفرنساوي فين و امتي و بتاخدي ايه بالظبط في الكورس في المركز وشاف شهادات السنتر لي و المدام و طلب شهادات الجامعة و هي جامعة ايه و بيشوف الاختام و سأل تخصصكم ايه في الكلية

وسأل بتشتغلي ايه و بتعملي ايه بالظبط وطبيعة مكان عملك ايه و من أد اية بتشتغلي و فين التأمينات و المدام كان معاها ورقة مطبوعة من التأمينات تفيد انه مؤمن عليها وورقه من الشغل مكتوب فيها بداية التأمينات ومختومة من الشغل و من التأمينات و سألها بتشتغلي كام ساعة في الاسبوع

وليه اخترت كيبيك (اخت المدام في كيبيك) وطلب ما يثبت ذلك وسال عن بيانات اختها

وسال هتلاقوا شغل ازاي هناك وكان معانا عروض من النت emploiquebec.com

وسال هتسكنوا فين وكان معانا عروض من النت louer.com

وسال انجليزي المدام عن مدينه القاهره واشهر الاماكن السياحيه فيها وايضا عملتي ايه امبارح

اما بالنسبه لي فسالني بالفرنساوي بس

عندك كام سنة و ايه اللون المفضل ليك و طولك كام و عندك اخوات ايه و اكبر و لا اصغر و تعرف ايه من بلاد كيبيك و درست الفرنساوي فين (انا المستوى الرابع في السنتر و المدام السادس) بس كنا محضرين أغلب الاسئلة و كانت متوقعة و بعدين طبع لنا الغالية و شرحها لنا و ادانا كتاب ابروندر كيبيك و قال لينا مبرووووووووووووووووك و لله الحمد

عقبالكم جميييييييييييييييييييييييييييييييييييييييييييعا

[اغابي]

شباب و شابات حوارات المصريين الشدادأوي,

أنا بحييكوا من بعد أجازة طويلة,

و بأهنني كل اللي نجحوا في المقابلات, يعني بجد أنا مبسوط من كمية الناس اللي ربنا وقف معاها و نصفها ف المقابلة و مبروك ل واحد واحد و واحدة واحدة.

و صللولي بقي يجيلي ميعاد المقابلة بتاعي بقي,

مش تنسوني ف صلواتكم,

أنا باعت ملفي من يوم 5 أكتوبر.

مع خالص تحياتي,

م. أمير مرقص.

ازيك يا امير

انت وصلك الفايل نمبر ولا لسة

؟؟

[amirmorkos]

لسه!!!!

ولا حتي الفلوس اتسحبت من الفيزا!

براحتهم بقي,

أدينا مستنيين.

و مبرووووووووووووووك ل تهاني أوي.

أمير,,,

[amanoel]

الف الف مبروك لتهانى وتامر وربنا مع الجميع اليوم

[اغابي]

لسه!!!!

ولا حتي الفلوس اتسحبت من الفيزا!

براحتهم بقي,

أدينا مستنيين.

و مبرووووووووووووووك ل تهاني أوي.

أمير,,,

ما تقلقشي يا امير انا مقدمة لاخويا بعت ملفه فى 21 سبتمبر ولسة مفيش اى رد علينا وداه عادى ومتوقع

اديهم وقتهم شوية وبعدين نبدأ نقرفهم فى الايميلات والتلفونات

:give_rose:

[DrEhab]

إزيكو يا جماعه ؟ ....... واحشنى كتيييييييييير و سامحونى على عدم المشاركه لفترة طويله لظروف معينه

عاوز ابارك لكل الناس اللى تعبو و نجحو فى المقابله :flr1: دون كاملو و د/هارفى و مايكل و جوجو ودودو و عمانوئيل و اخيرا روك و خائف و تهانى وتامر

و بصراحه ارفع القبعه للدكتور صيدلى كندى :hi: ... الراجل ده بجد من الناس المحترمة جدا وانا متأكد انو هينجح المرة الجايه انشاءالله بس عارفين ليه بارفعلو القبعه ؟؟؟ الراجل ده اول واحد تقريبا فى تاريخ المحاورات ربنا ميوفقوش فى المقابله و يدخل فى نفس اليوم يحكى مقابلته بالتفصيل .... بصراحه مشفتهاش قبل كده عشان كده انا متأكد ان ربنا هيباركله

بس شفت العكس كتير اوى .. ناس استفادت استفاده رهيبه من المنتدى و بعد مينجح ممكن يحن علينا و يقول انو نجح هييييييه و شكرا للمنتدى هيييييييييه و الناس اللى ساعدونى هييييييييييه طب ياعم فين المقابله بتاعتك متحكى عشان الناس تستفاد زى منتا استفدت .. اه حاضر من عينيا ...انا دخلت سلمت على المستشار و كان راجل محترم اوى و سألنى عن شغلى و عيلتى و عاوز تروح كيبك ليه و فى الاخر سلم عليا و ادانى السى اس كيو وهيييييييييه ....و معنتش تشوف وشه فى المنتدى تانى

يا جماعه مش كده المنتدى يستحق منكم اكتر من كده ارجوكو حافظو عليه عشان اخواتكو و قرايبكو و اصحابكو لما يحتاجوه يلاقوه و تبقو عملتم فيهم خدمة العمر لما يدخلو و يلاقو كنز المعلومات و المقابلات اللى الناس ممكن تدفع فيه الاف الجنيهات و برضو محدش هيديهولهم بالقوه دى و يفضل المنتدى اسره تكبر و تكبر مع الايام مفيش فيها غير الحب و التعاون و الاحترام و العلاقات الانسانيه الراقيه hg):: اللى للأسف معدتش موجوده فى الحياه وده اللى بيخلى الناس تدخل على المنتدى و تحب التواجد فيه و تحس الروح الجميله اللى فيه حتى لو مشاركتش بيجيلها يوم من الايام تحس انهالازم تكتب و تشارك دى دعوه منى للاهتمام بالمنتدى و المحافظه عليه لأن باختصار محدش هيلاقى مكان فيه كل الحاجات اللى قولت عليها دى غير هنا و هنكمل انشاءالله فى كندا...

و الشكر كل الشكر للدكتوره ملوكه :ok: انها عملت التوبيك ده وكفايه انى اقولها ان كل واحد بيستفاد من التوبيك ده كلمه انتى ربنا بيكافئك عليه و لسه هيكافئك كمان

اخيرا بادعى لكل الناس اللى لسه داخله المقابلات بالتوفيق انشاءالله

[DrEhab]

حصريا فقط على توبيك المنتظرين ... الأثاره و المتعه و المغامره مع مقابلة تهانى الجزء الأول

كنا موجودين انا وبهاء منتظرين

جات مالينا تسال على واحد اسمه بيتر بس ده ما جاش

وانا افتكرت اننا كده هنكون مع مسيو بول

بس يا خسارة

لان مسيو بول اسهل منها بكتير

مسيو بول اخد واحد تانى كان معانا اسمه كيرلس وهى اخدتنى انا

انا كنت مرعوبة منها

وده اثر عليا فى المقابلة

خلو بالكم انا دخلت متوترة اصلا

المهم اول سؤال

مالينا سالتهونى

انت متجوزة

راحت قالتلى بسرعة

هاتى عقد الجواز

بس الكلمة كانت مختلفة عن اللى انا حفظاه فمفهمتهاش من اول سؤال

راحت كررته 3 مرات بنفس الكلمة ما غيرتهاش

يعنى هما بيغيروا بكلمة شبهها علشان تفهمى هى غاست

من الاخر رخامة يعنى

حاول بهاء جوزى يساعدنى

راحت شخطت فيه وبرقت له - وقالت انا بسألها هى

----------------------------------------------------------------------

السؤال التانى

انت متخرجة من ايه

راحت كررت الكلام علشان تطلب شهادة التخرج

ولتانى مرة بسبب التوتر فهمتها غلط

افتكرت بتقولى واخدة دراسات عليا

روحت قولت لها لا

راحت اتنرفزت

وشاورت على الابليكشن بتاعنا ما هو فى ايدها وقالت - لا انت انت متخرجة من كلية

واعتذرت لها وقولتها بالفرنساوى افتكرت انك بتقولى لى واخدة ماستير

المهم راحت قالتلى كلمينى عن كليتك والمواد اللى درستيها

وده كان سؤال مفاجئ موضوع المواد اللى افتكرته منهم الاقتصاد والمحاسبة

لكن فكرت - روحت نطيت وكلمتها فى موضوع تانى اسرح بيها بعيد

كلمتها عن الكلية بتاعتى وانها كبير ة ومشهورة

وتقع فى وسط البلد

وعجبها الكلام واندمجت وراحت سالتنى يعنى عدد طلاب

دفعتك كام قولت لها

6000

واستغربت

فى قسم المحاسبة بس

قولت لها طبعا

-------------------------------------------------------------

وبعدين المطب الثالت

اكشن

طلبت شهادات الكلية

وانا ما ردتش اقولك انى ما طلعتش شهادة الدرجات

الكرتون كانت معانا

لا شهادة الدرجات ودى اهم

انا كنت عرفت متأخر انها مهمة وايهاب ادانى الحل اعمل ايه

وروحت الكلية اطلعها وادونى استمارات املاها وقالولى بعد اسبوع تستلميها طبعا هتكون المقابلة خلصت

زى ما ايهاب قالى روحت احتفظت بالاستمارات وخدتهم معايا

الفكرة دى انقذتني بجد دول انقذونى

المهم

راحت طلبتها ورديت

مش معايا مكنتش اعرف انها مطلوبة

راحت شخطت

ازاى ما كنتيش تعرفى انها مطلوبة بعصبية

روحت مسكت اعصابي تمام

لانى لو خفت ما كنتش هتصدقنى

قولت لها انا عرفت متأخر ولما روحت الجامعة قالولى بعد اسبوع ولو عاوزاها اجيبها لك بعد اسبوع

ودى الاستمارات اللى ادوهونى علشان املاها

علشان تتاكد انى روحت الكلية

وتصدقنى

عملت حاجة غريبة فضلت تدقق فى الاستمارات مع انها بالعربى وكمان فاضية لسة ما كتبتهاش

هههههههههههههههههههههههه

فكيكة اوى بنت اللئيمة

المهم

راحت طلبت شهادة الخبرة

والتأمينات وعجبوها اوى

لانهم من 9 سنين

هى بتسقط لو مفيش تامينات

راحت قالت لى ننتقل للقسم التانى من المقابلة

[DrEhab]

راحت قالت لى ننتقل للقسم التانى من المقابلة

الانجليزى

روحت شاورت لها صعب اوى هتلخبط انا علطول بذاكر فرنساوى

راحت ابتسمت وقالت انجليزى

وسالتنى انت اتعلمتى الانجليزى فين وكم سنة قولت لها فى المدرسة الاعدادى والثانوى لمدة 6 سنين

وبعدين وكنت ساكنة فين قولت لها

وحاليا انت فين

قلت لها هنا فى القاهرة

سالتنى ليه

قلت لها لانى تزوجت وروحت شاورت على بهاء بسبب ده اهو وضحكت

وهى كمان ضحكت

اخيرا ضحكت

وبهاء قالى انت اتكلمتى انجليزى حلو جدا معاها

وبعدين تالت قسم من الاسئلة

ودى نوع غريب اوى وجديد

قالت دلوقتى انت تتكلمى عربى والمترجمة وسيط بيننا

وسالتنى انت ليه اخترت كيبك رغم انك لا تتكلمى الفرنسية

حاولت اجاوب بالفرنسى

رفضت بشدة وشاورت على المترجمة

وبعدين شاورت على قلبى بمشهد سينمائي درامى فظييييع

وقولت لها لاننى احب واعشق الفرنسية جدا -

وكنت اتمنى اعيش فى بلد يتكلم الفرنسية خصوصا انها مهملة فى مصر

وهنا ضحكت على حركاتى التمثيلية

وانا ضحكت

كنت زى البهلوان

عجبها الرد جدا

وكمان لان كيبك نظيفة وانا لما هشتغل عارفة انى هاخد حقى كويس

وبعدين قالت لى طيب هتدورى على شغل ازاى

كنت مدام نادية محفظانا فى الحصة الاسئلة دى وبالفرنساوى كمان والردود افادتنى جدا

قولت لها بالانترنت وخصوصا اننى متمكنة فيه

وكمان عن طريق اعلانات جرايد لا بريس ولو ديفوار

وعن طريق المعارف

وقالت لى ممتاز

وكانت منشكحة ومبتسمة

بصرحة ربنا وقف معانا جامد

وبعدين قالت لى ولاولاد هتدخليهم مدارس ازاى

روحت رديت

انا متأكده ان كيبك فيها تعليم ممتاز واهتمام عالى بالطفال ومدارسهم وانا متأكده من ده

وانا بسبب اولادى فكرت فى الهجرة لاضمن لهم مستقبل افضل وهم سعداء جدا بكيبك

وانا بوريهم صور كيبك من على النت وهم من سعادتهم يغنون لها

هى قالت لى ممتاز

الحالة اللى جات لها

ممتاز ممتاز

جوزى اكشن نقلت على بهاء

اول سؤال لون قميصك ايه

واتخض اكمنى بهاء ما يعرفش حاجة

وما جاوبش

تانى سؤال لبهاء بتربط كرافتتك ازاى

معرفش لانه سؤال صعب

يا عيني يا بهاء

السؤال التات

انت لابس ساعة فى ايدك

وهو مش حافظ كلمة ساعة يد هو حافظ ساعة حائط

ههههههههههههههههه

الاسئلة التلاتة لم يجاوب خالص

غريبة انها تنجحنا

الحمدالله يارب

اشكرا يا رب

وبعدين سألته السؤال الرابع عندك اطفال

قال لها اه

اخيرا يا بهاء

جاوبت

ههههههههههههههههههههههه

وقولت اه

حتة واحدة

راح اتكلم عنهم اتكلم كويس جدا

ما هو حافظ الصعب

ده حافظ خطوات المعادلة

وقيم كيبك

والحاجات الصعبة

وكان فاهم كل اسئلتى احسن منى

راحت طلبت منه شهادة التخرج فقط

وقالت له هتشتغل ايه هناك قال لها محاسب

وبعدين قالت لنا الف مبروك نجحتوا

بس انا لى ملحوظة

انتم نجحتوا رغم ان مستواكم وحش فى الفرنساوى جدا

قالت لى انت مبتدئ متقدم

وفعلا ما انا فى الرابع

وبعدين قالت اللى نجحكم

- سنكم صغير

- وكلية تجارة انتم الاتنين

- وعندكم طفلين

- وشهاداتكم يعنى تقصد شهادة الخبرة والتأمينات

ودرجاتكم عدت يعنى زيادة واكتر وغطت على اللغة الضعيفة

الحمدالله

[kareemabdou]

ممكن يا جماعة حد يوصفلى شكل شهادة التأمينات دى ايه

علشان انا شاكك ان اللى معايا مش هى اللى مطلوبه

بوغكوا محدش جاوب على سؤالى

[joo]

على فكرة يا اغابى اختك نجحت بمعجزة كبيرة دة بس علشان مراتى ولعت شمعة ووقفت امام صورة العذراء طول مدة المقابلة

فأنا عاوز عزومة وعلشان تعرفى ان لكل شيء تحت السماء وقت دا انا لو كنت لحأتها فى الاسكندرية كنت اخدتها عند بلبع او حسنى بتاع الكباب ودبستها لكن حظها حلو

دا لو اللى حصل دة كان حصل مع صيدلى كندى كان المفروض ادتة شهادة تقدير مش رفض بس كل شيء بأمرة

[rody]

ah ya gama3a warket al taminat di 3bara 3an ahh astmara 6 men al shoghl al adim

wala ah

[amirmorkos]

مبروك كمان مرة لتهاني,

و حلو الإخراج بتاع الحوار, يا تري إخراج د. إيهاب , أغابي , وللا تهاني ! !

بجد المقابلة لذيذة و أتمني أكون نفس حالتك و أعددي,

سلامي و مباركاتي ل تهاني يا أغابي,

:hi:

أمير,,,

[GOGA SAMIR]

إزيكو يا جماعه ؟ ....... واحشنى كتيييييييييير و سامحونى على عدم المشاركه لفترة طويله لظروف معينه

عاوز ابارك لكل الناس اللى تعبو و نجحو فى المقابله :flr1: دون كاملو و د/هارفى و مايكل و جوجو ودودو و عمانوئيل و اخيرا روك و خائف و تهانى وتامر

و بصراحه ارفع القبعه للدكتور صيدلى كندى :hi: ... الراجل ده بجد من الناس المحترمة جدا وانا متأكد انو هينجح المرة الجايه انشاءالله بس عارفين ليه بارفعلو القبعه ؟؟؟ الراجل ده اول واحد تقريبا فى تاريخ المحاورات ربنا ميوفقوش فى المقابله و يدخل فى نفس اليوم يحكى مقابلته بالتفصيل .... بصراحه مشفتهاش قبل كده عشان كده انا متأكد ان ربنا هيباركله

بس شفت العكس كتير اوى .. ناس استفادت استفاده رهيبه من المنتدى و بعد مينجح ممكن يحن علينا و يقول انو نجح هييييييه و شكرا للمنتدى هيييييييييه و الناس اللى ساعدونى هييييييييييه طب ياعم فين المقابله بتاعتك متحكى عشان الناس تستفاد زى منتا استفدت .. اه حاضر من عينيا ...انا دخلت سلمت على المستشار و كان راجل محترم اوى و سألنى عن شغلى و عيلتى و عاوز تروح كيبك ليه و فى الاخر سلم عليا و ادانى السى اس كيو وهيييييييييه ....و معنتش تشوف وشه فى المنتدى تانى

يا جماعه مش كده المنتدى يستحق منكم اكتر من كده ارجوكو حافظو عليه عشان اخواتكو و قرايبكو و اصحابكو لما يحتاجوه يلاقوه و تبقو عملتم فيهم خدمة العمر لما يدخلو و يلاقو كنز المعلومات و المقابلات اللى الناس ممكن تدفع فيه الاف الجنيهات و برضو محدش هيديهولهم بالقوه دى و يفضل المنتدى اسره تكبر و تكبر مع الايام مفيش فيها غير الحب و التعاون و الاحترام و العلاقات الانسانيه الراقيه hg):: اللى للأسف معدتش موجوده فى الحياه وده اللى بيخلى الناس تدخل على المنتدى و تحب التواجد فيه و تحس الروح الجميله اللى فيه حتى لو مشاركتش بيجيلها يوم من الايام تحس انهالازم تكتب و تشارك دى دعوه منى للاهتمام بالمنتدى و المحافظه عليه لأن باختصار محدش هيلاقى مكان فيه كل الحاجات اللى قولت عليها دى غير هنا و هنكمل انشاءالله فى كندا...

و الشكر كل الشكر للدكتوره ملوكه :ok: انها عملت التوبيك ده وكفايه انى اقولها ان كل واحد بيستفاد من التوبيك ده كلمه انتى ربنا بيكافئك عليه و لسه هيكافئك كمان

اخيرا بادعى لكل الناس اللى لسه داخله المقابلات بالتوفيق انشاءالله

فينك يا dr ehab المنتدي كله مفتقدك

[hani yacoub]

ياجماعة ممكن حد يفيدنى

اعرف من فين ان السفارة فى سوريا صرفت الشيك بتاعى وامتى؟

والجواب الاول تقريبا بياخد كام يوم لغاية مايوصلنى