CMA® Certified Management Accountant النظام الجديد مراجع كتب أسئلة إستفسارات وغيرها متجدد

[عماد حمدي]

سبحانك يارب الموضوع لما حطيت حلقة جديدة عداد الزوار في 24 ساعة جاب 1600 زائر

وكلة حمل الحلقة + عداد القراء الحاليين لو دخلت في أي وقت هتلاقي أقل شيء 4 ولا 5 ومرة 15 .. كل دا كويس

الوقت اللي مكنش فيه حلقات .. الناس نايمة خاااااااالص .. ياعني انا لو مت دلوقتي محدش هيخش الموضوع ولا اية

عاما ً انا عامل حساب اليوم دا مدي لوالدي اليوز والباص وورد .. وهوه أصلا ً مشترك معانا هنا ..

وموصيه يخش ينكش الموضوع دا علشان الناس تذاكر ومتكسلش ..

يا جماعة فين التفاعل بتاع زمان انتم نمتم ولا كسلتم ولا اية طمنونا عليكم ..

مش عارف أكمل ولا اية ؟؟ الله أعلم

في رعاية الله

OMDA 2006

[العقرب]

بعد الشر عليك يا عمده متقولش كده تاني

احسن بعيط

[شريف مان]

أوعى تقول كده يا عمده

كمل الكتب الاول وموت براحتك wst::

بجد الف شكر يا عمده على الموضوع الجبار دا وكمان على مساعدتك

وخد دى :closedeyes:

[MR Cma]

السلام عليكم ورحمة الله وبركاته

هناك ملحوظة علي الموضوع وأريد جواب الاعضاء:

بعد ما قام العضو محب المحاسبة بوضع أرقام الصفحات من الكتاب الخارجي و جليم لايوجد رد وذلك اما احد ثلاثة بدائل:

1- اما ان الاعضاء فهموا الموضوعات استيعاب جيد جدا ولاتعقيب.

2- اما ان الموضوعات لم تستوعب وهناك حاجة الي بعض التسهيل بالشرح .

3- اما ان الاعضاء لم يقرأوا ولم يبدأوا وسيقوموا بتخزين الماتريال مع بعض, لوقت الحاجة الي بيعها :unsure:

وعليه :

فعلي كل عضو يصنف نفسه في احد تلك الاصناف ويكتب في المنتدي حتي نعلم هل نحن نسير علي خطوات صحيحة اما يمكن عمل تعديل لاسترتيجية البحث والمذاكرة.

[شريف مان]

والله يا مستر cma

انا شخصيا جمعت كل الماتريال وان شاء الله هبدأ مذاكرة بعد شهرين لان مفيش وقت حاليا

يعنى تقدر تقول انى رقم 3 بس موضوع البيع دا فكرة حلوة :unsure:

[عماد حمدي]

محب المحاسبة راجل جزاه الله كل خير بيعمل اللي عليه وبناءً علي طلبنا منه فعل ذلك .. وسبق انه طرح هذا الإقتراح هنا والناس وافقت وبناء ً عليه بقا بيتعب نفسة ويبعتلي الحلقات وبحطها للناس هنا ..

اللي عايز يذاكر أهلا ً وسهلا ً اللي عنده إستفسار برده أهلا ً وسهلا ً والراجل ذات نفسة حاطط اسبوع كامل ما بين كل حلقة والتانية علشان الناس تفر بس في الورق او تذاكر او أي حاجة وبعدين لو وقفت حاجة يسألوا

فية ناس هتنزل وتعين وترجعلنا بعد 3 او 4 شهور تسأل ومحدش هيرد عليهم وخدوا بالكم من النقطة دي !!

وفيه ناس تانية بتنزل الحلقة وتبص عليها بصة سريعة كدا لعل وعسي تكون فية حاجة مش مفهومة وبيأجلوا المذاكرة بجد لحين توافر وقت لازم للمذاكرة نتظرا ً لظروف الشغل او ما شابه

وفيه ناس تالتة اول ما دخلنا في الجد خلعت مننا !!

فكل واحد حر .. لان اللي هياخد الزمالة مش هيديني فلوس ولا انا هطلب منه فلوس ..

إحنا بدأنا المسيرة دي بعد توكلنا ع الله تعالي ومازلنا مستمرين إن أحيانا الله حتي آخر شرح لبارت 2 النظام الجديد

وكل واحد حر وبكررها تاني علشان الناس متجيش بعد كدة وتزعل اي حد هيسأل اي سؤال أو استفسار عن حلقات الشرح اللي فاتت محدش هيرد عليه وخليني أتكلم عن نفسي .. وع الأستاذ محب المحاسبة لانه سبق ونوه للنقطة دي

والسلام ختام .. ووفقكم الله

عماد حمدي

مؤسس / موضوع الـ CMA النظام الجديد

تم تعديل 6 مايو 2010 بواسطة omda2006

[شريف مان]

فية ناس هتنزل وتعين وترجعلنا بعد 3 او 4 شهور تسأل ومحدش هيرد عليهم وخدوا بالكم من النقطة دي !!

ليه بس كده ياعمده

طب اللى عنده ظروف بجد ومفيش اى وقت غير بعد شهرين ان شاء الله

يعمل ايه :unsure:

تم تعديل 6 مايو 2010 بواسطة شريف مان

[doha]

فية ناس هتنزل وتعين وترجعلنا بعد 3 او 4 شهور تسأل ومحدش هيرد عليهم وخدوا بالكم من النقطة دي !!

ليه بس كده ياعمده

طب اللى عنده ظروف بجد ومفيش اى وقت غير بعد شهرين ان شاء الله

يعمل ايه :cry1:

هيجي بعد ثلاث اربع شهور يدور على الجماعه الي كانت بتشرح اليومين دول مش هيلاقيهم بس هيلاقي جماعه تانيه لسه بادئين وهيدخل معاهم ومين عارف يمكن بدال مايكون هو الي بيسأل يكون هو الاستاذ الي بيشرح

بلاش تحبيط في الناس ياعم عمده .. كل واحد ادرى بظروفه واكيد الي ناوي يبدأ بعدين مش وحش اوي عشان معندوش وقت يبدأ دلوقت

انك تنزل الماتيريال وتعينها ( لوقت عوزه ) في حد ذاته مش مشكلة لكن المشكلة انك تعتبر العمل الي قمت بيه ده انجاز و( وتركن ) على كده

لا تشعر باي فخر او اطمئنان انك نزلت الماتيريال ولكن اطلع بنفسك السما لو كنت بدأت فيها ولو فصلين

ونلتقي بعد الفاصل

[شريف مان]

انك تنزل الماتيريال وتعينها ( لوقت عوزه ) في حد ذاته مش مشكلة لكن المشكلة انك تعتبر العمل الي قمت بيه ده انجاز و( وتركن ) على كده

لا تشعر باي فخر او اطمئنان انك نزلت الماتيريال ولكن اطلع بنفسك السما لو كنت بدأت فيها ولو فصلين

ونلتقي بعد الفاصل

كلام محترم جدا يا استاذه ضحى

نبدأ النهاردة نبدأ بكره نبدأ بعد سنة المهم نبدأ وخلاص

والأهم ان ربنا يوفقنا

[MR Cma]

السلام عليكم ورحمة الله وبركاته

الشهادات cma مارثون طويل والمعوقات فيه كثيرة

you should be effective & efficiency

والا لن تنهي ذلك المارثون يجب وضع target

وكلما تأخرت زادت صعوبة الاختبار عن سابقه

المتقديمين للنظام القديم كثير والذين ناجحوا في 3 بارت كثير ولكن الذي فاز بالشهادة قليل جدا,لان بارت4يوجد به essay وهو ذلك مربط الفرس

واليوم كان معنا Dennis Whitney(Senior Vice President,ICMA)0

وايضا Jim Gurowka(IMA)0

وتكلموا معنا عن النظام الجديد والاختبار وكل ما يخص CMA ولله الحمد ما توقعنا هو ما قالوه حتي ان شاشة شهر اكتوبر لن يكون بها excelبل وورد فقط وسيبدأ excel من الشاشات التالية وهو دليل علي سهولة اول شاشة لجذب اكبر عدد وترغيبه للنظام الجديد

والنصحية منهم للاجتياز هو الاسئلة والتمارين في كل وقت والاهتمام بنصائح المذاكرة في اول كتاب IMA

[شريف مان]

ولله الحمد ما توقعنا هو ما قالوه حتي ان شاشة شهر اكتوبر لن يكون بها excelبل وورد فقط وسيبدأ excel من الشاشات التالية وهو دليل علي سهولة اول شاشة لجذب اكبر عدد وترغيبه للنظام الجديد

مش فاهم النقطة دى ممكن توضيح بعد اذنك

[عماد حمدي]

والنصحية منهم للاجتياز هو الاسئلة والتمارين في كل وقت والاهتمام بنصائح المذاكرة في اول كتاب IMA

كويس أنك فكرت الناس بالنقطة دي .. بالنسبة للنصائح والنقاط الهامة اللي المفروض نركز عليها موجوده بالبفعل زي ما MR CMA قال وانا يمكن حطتها هنا في الموضوع بس مش فاكر أي حلقة بالظبط ممكن تكون 14 او 15 مش فاكر .. ياريت الناس الجديدة او الناس اللي منزلتها تنزلها وتبص عليها لانها مهمة جدا جدا جدا جدا الي السنة الجاية ,,,

شكرا MR CMA ع التوضيح ,,

مدام DOHA

انا والله مش بحبط الناس ولا حاجة مجرد بس بقول للنايم :cry1: إصحي فوق الوقت بيعدي صارووووخ وشد حيلك وتوكل ع الله ولو معندكش الوقت انك تذاكر نزل الماتريال إقرءها بس متذكرهاش مجرد قراية سريعة كدة ..

بالتوفيق للجميع إن شاء الله ,,

عمدة

تم تعديل 6 مايو 2010 بواسطة omda2006

[شريف مان]

السلام عليكم

كتاب الima على هيئة وورد لتسهيل الترجمة

الرابط مرفوع على أكثر من سيرفر

Links to Download Sites containing COPYRIGHTED or OFFENSIVE MATERIALS may be removed by the moderation team!

[ACCOUNTING LOVER]

أولا السلام عليكم جميعا

أنا ليا تعقيب على كلام مدام ضحى والأستاذ شريف مان

بالنسبة لموضوع بداية وتوقيت بدايتك في دراسة شهادة السي أم أية دة شئ خاص بيك ولكن احب أنصحك نصيحة

الشهادة دي تنظر إلى المتقدم للحصول عليها على أنة شخص بروفيشنال بمعنى بروفيشنال في كل شئ

في تنظيم الوقت وإتخاذ القرار تحت ضغط وكيفية التصرف في أصعب الظروف فعنصر الوقت يجب أن تحاول التغلب علية بتنظيمة وعمل STUDT PLAN واذا كنت ناوي تجمع الماتريال وبعدين بس فانتا كدة بتضيع الوقت لأن أحب أوضحلك شئ وهو لا شئ مضمون في هذة الشهادة لأنها تتغير بتغير المناخ الأقتصادى العالمي ففي النظام القديم كان هناك جزء خاص بالإقتصاد في بارت وان القديم وتم إلغاءة في البارت الجديد ودة لتغير المفاهيم على الساحة الأقتصادية العالمية .. دة بالنسبة لعنصر الوقت

العنصر الثاني وهو التنظيم بمعنى كيف تكون منظم في المذاكرة وفي حل الأسئلة وفي التفاعل مع موضوعات هذة الشهادة ونحن نترك مساحة من الوقت بين كل حلقة وأخرى لنترك الفرصة لأخواننا في المنتدى للمذاكرة وللرد على أي أستفسار ولقد لاحظت عدم وجود أي رد فإندهشت هل الجميع خبراء ولم يعترضهم أي سؤال أم أنهم أنضموا لقافلة تجميع الماتريال وبعدين المذاكرة لأنهم ضامنين أن موضوعات الشهادة لن تتغير ؟؟؟؟؟ شئ عجيب

وبالنسبة للأخت ضحى أنا لاحظت أنها تنتقد الأخ عمدة على مجهودة في المنتدى لأنة نزل الماتريال ؟؟ طيب أحب أعرف حضرتك شاركتى معانا بأية ؟؟

أنا أحب أتقدم بوافر الشكر والتقدير والإحترام للأخ عمدة وللأخ مستر سي أم أية ولباقي الزملاء الفاعلين على مجهودهم العظيم في المنتدى

وأحب أختم بكلمة واحدة فقط

خادم القوم سيدهم

ACCOUNTING LOVER

[doha]

وبالنسبة للأخت ضحى أنا لاحظت أنها تنتقد الأخ عمدة على مجهودة في المنتدى لأنة نزل الماتريال ؟؟ طيب أحب أعرف حضرتك شاركتى معانا بأية ؟؟

ياخبر ابياااااااااااااااااض .. ليه بس كده .. امتى انتقدته عشان نزل الماتيريال ؟؟؟

ثم ان عمده ده ابني في حد ينتقد ابنه ؟؟؟؟

مش هرد انا هسيب ابني البكري يرد

رد ياعمده ...

[ACCOUNTING LOVER]

الأخت ضحى أرجو أن ترجعى لردك على العمدة في صفحة 24 لأن اللى أنا فهمتة

إقتباس

بلاش تحبيط في الناس ياعم عمده .. كل واحد ادرى بظروفه واكيد الي ناوي يبدأ بعدين مش وحش اوي عشان معندوش وقت يبدأ دلوقت

انك تنزل الماتيريال وتعينها ( لوقت عوزه ) في حد ذاته مش مشكلة لكن المشكلة انك تعتبر العمل الي قمت بيه ده انجاز و( وتركن ) على كده

لا تشعر باي فخر او اطمئنان انك نزلت الماتيريال ولكن اطلع بنفسك السما لو كنت بدأت فيها ولو فصلين

أرجو تصحيح ماذا تقصدين بالضبط هل معنى هذا الكلام أنك تنتقدين الأخ عمدة

[doha]

الأخت ضحى أرجو أن ترجعى لردك على العمدة في صفحة 24 لأن اللى أنا فهمتة

إقتباس

بلاش تحبيط في الناس ياعم عمده .. كل واحد ادرى بظروفه واكيد الي ناوي يبدأ بعدين مش وحش اوي عشان معندوش وقت يبدأ دلوقت

انك تنزل الماتيريال وتعينها ( لوقت عوزه ) في حد ذاته مش مشكلة لكن المشكلة انك تعتبر العمل الي قمت بيه ده انجاز و( وتركن ) على كده

لا تشعر باي فخر او اطمئنان انك نزلت الماتيريال ولكن اطلع بنفسك السما لو كنت بدأت فيها ولو فصلين

أرجو تصحيح ماذا تقصدين بالضبط هل معنى هذا الكلام أنك تنتقدين الأخ عمدة

معليش ياسيدي الفاضل يبدوا ان الامر التبس عليك

الكلام ده مش مقصود بيه نهائيا الفاضل عماد حمدي لان على حد علمي هو بدأ فعلا بدليل موضوع الورشه الي شغالين فيه . انا بوجه كلامي للفئة الي تكلم عنها البعض وانتقدوها والي هم بينزلوا الماتيرال وبيخزنوها عشان يبقوا يذاكروا بعدين ( لما ) يلاقوا وقت .. الفاضل عماد حمدي انتقد الفئة دي ضمنا فانا قلت له بلاش تحبطهم مفيهاش حاجه ابدا لما ينزلوا الماتيرال ويحتفظوا بيها لبعدين بس المهم انهم ميركنوش على كده

الكلام مكانش على عمده اطلاقا معرفش حضرتك اخذته عليه ليه

[ACCOUNTING LOVER]

أشكرك على التوضيح وأنا بأعتذر لأن الأمر ألتبس عليا

تقبلي أعتذارى

أخوكى

ACCOUNTING LOVER

[شريف مان]

شكرا استاذ ACCOUNTING LOVER

على نصائحك

[شريف مان]

شكرا استاذ ACCOUNTING LOVER على نصائحك

بس انا كان ليا رأى فى موضوع ورشة عمل الcma وأرجوا ان تتحملونى انا عضو جديد بس بقالى فترة طويلة متابع المنتدى

طالما احنا عايزين تفاعل كان المفروض نعمل استفتاء هنا فى المنتدى عن ميعاد نبدأبيه سويا مذاكرة هذه الشهادة

يعنى بعد اسبوع بعد اتنين بعد شهرين واكبر عدد هيحدد الميعاد نبدأ فيه

انما بصراحة حضراتكوا بدأتوا فجأه وزى مقالة استاذة ضحى كل واحد وعنده ظروفه

انما ان شاء الله انا هبدأقريبا ولو احتجت حاجة هسأل حضرتك او الاستاذ عمده واكيد محدش هيرفض المساعدة

وبالنسبة للماتريال اللى حطتها عمده على المنتدى فالراجل خد دعوات تدخله الجنه :rolleyes: مش كفاية ولا ايه :blink: