مغتربة بتاريخ: 23 مارس 2010 تقديم بلاغ مشاركة بتاريخ: 23 مارس 2010 يا جماعه الموضوع بقاله فتره مش بتتكلموا عن حاجة معينهمش قلتوا هتقترحوا اقتراحات لموضع لكل اسبوع و طرحه للمناقشه فين المواضيع الجامده :) غلبت اقول كده يا بنتى وماحدش بيسمع للاسف ولا حياة لمن تنادى ويدخلوا يسلموا ويمشوا ولا كان نفسى نبقى ذى ماكنا الاول بنتكلم فى حاجات مفيدة بوسى اللاسيه سهل جدااااا بس لو اتكلمنا عليه هنا هيتنقل باب الهوايات........واخدالى بالك؟؟ هرجعلكم تانى بس لما تحددوا المواضيع طيب انا عندي اقتراح من زمان بس متردده اكمنو موضوع صغنون شوية.... في حد هنا بيلبس عدسات؟ ممكن نتكلم عليها... انا يا بنتى مش بلبس عدسات انا مش بقلعها غير وقت النوم و مغامراتى معاها لا تعد و لا تحصى شوفى عايزة تسالى على ايه و ان شاء الله اقدر افيدك الحمد لله ربنا كرمنا بمغتربه ممكن تقولنا خبرتها فى موضوع العدسات وطبعا يا جماعه احب انوه اننا هنا مش اطباء ده خبره حياتيه ممكن ناخدها وممكن لا بس ضرورى نتاكد منها وانا بقول كده لان جاتلى على الرسايل الخاصه رساله من احد المشرفين بتوضحلى ان كل واحد يقول ان ده من خلال خبرته الشخصيه والا ........................... وبجد ميرسي جدا ليكى يا مغتربه لو توضحيلي ازاى اقدر البسها طول اليوم من غير ما تأثر على النظر وهل عينيى هتوجعنى ولا عادى يعنى وايه المشكله لو نمت بيها لان اعرف واحده بتقولى ساعات بتنسي وتنام بيها :unsure: ؟؟؟؟؟؟؟؟؟؟؟؟؟؟؟؟؟؟ بوسى يا بسبوسه حبيبتى انا اساسا بلبسها علشان النظر زى ما الواحد بيلبس النظاره على طول برضه العدسه مفيهاش مشكله ممكن تتعبك فى الاول لكن لما عنيكى تاخد عليها بيبقى مفيش اى مشكله النوم بيها مفيهوش مشكله لو انتى جايبه عدسه شهريه ( و لو الاحسن برضه انك تقلعيها يوميا ) لكن لو العدسه اساسا يوميا لازم تقلعيها قبل النوم هو مش بيج ديل لو نسيتى ونمتى بيها ( لكن عنيكى هتحمر و تتعبك شويه و الموضوع ده هيزيد لو عنيكى حساسه ) لكن ميفضلش ابدا ان الموضوع ده يتكرر كتير لو العدسه مش من النوع الى ممكن يتنام بيها فى الاول هتلاقى صعوبه جامده فى لبسها و بالتعود هتلبسيها لوحدك حتى لو مش قدامك مرايه انتى محددتيش انتى عيزاها لون و لا نظر لان النظر بتكون شفافه و فى نوع بيكون لون و نظر مع بعض و دى اسمها باور فى مصر بلاقيها باور جاهزة بخدها و انا واقفه عند الراجل انما هنا فى الامارات مبيعملوش باور جاهزة انتى الاول بتنقى اللون و بعدين هما يركبوا عليها مقاس نظرك و بتخديها بعد يومين و اى سؤال انا حاضره يا جميل ما اجمل الانوثه عندما تمتطى صهوه الحياه رابط هذا التعليق شارك المزيد من خيارات المشاركة
مغتربة بتاريخ: 23 مارس 2010 تقديم بلاغ مشاركة بتاريخ: 23 مارس 2010 طب جميل ...بس هل اللون بيختلف بلون عينيكى ؟؟ يعنى لوكان لون العين عسلى فاتح على اخضر؟؟نختارلها لون ايه يليق عليها لا يا حبيبتى لون عنيكى مالوش دخل لانك كده كده بتغطيه انما بتختلف بدرجه لون بشرتك و لون شعرك و الكاركتر العام بتاعك و فعلا فى شركات بتكون درجاتها اوفر و مش مريحه و فى شركات درجاتها هاديه بس عن تجربه بجد فريش لوك درجاتها بتليق معايا جدا جربى و متشتريش لغايه متلاقى الى بجد و انتى لبساها متستغربيش نفسك ما اجمل الانوثه عندما تمتطى صهوه الحياه رابط هذا التعليق شارك المزيد من خيارات المشاركة
pocy بتاريخ: 23 مارس 2010 كاتب الموضوع تقديم بلاغ مشاركة بتاريخ: 23 مارس 2010 ميرسي جدا يا مغتربه بجد افيدتينى كتير لانى عندى مشكله بسيطه انا ياستى وبلا فخر اوال مره البس نظاره كان فى شهر واحد اللى فات ونظرى والحمد لله بخير بس بيقولوا انهم -1 الاتنين وكان بيجيلي صداع فظيع واتاريه منهم المهم من ساعه ما جبت النظاره مش لبستها اربع ساعات على بعض لانها بتضايقنى عند الانف وبصراحه النظر بيها احسن فى حاجات بس لكن حاجات تانيه بفضل عيني فيها ومش قادره البسها ففكره العدسات والله اعلم احتمال تكون كويسه بس هقرا عنها واستفاد بخبراتكم وبعدين ان شاء الله اقرر ومتابعكم مدونتى ....الدخول من هنا مدونتى إسلاميات }فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * { "(الحمد لله الذي تواضع كل شئ لعظمته الحمد لله الذي استسلم كل شئ لقدرته)" "سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين" رابط هذا التعليق شارك المزيد من خيارات المشاركة
مغتربة بتاريخ: 23 مارس 2010 تقديم بلاغ مشاركة بتاريخ: 23 مارس 2010 شيكو بصى انا جبتلك الوانها اهو انا مجربه معظم الوانها و بتطلع جنان اللون الوحيد الى مش حلو عندهم التركواز حتى دايما لما اروح اشترى يقولولى ان عندهم ستوك عالى منه لقنه مش بيتباع ما اجمل الانوثه عندما تمتطى صهوه الحياه رابط هذا التعليق شارك المزيد من خيارات المشاركة
shiko بتاريخ: 23 مارس 2010 تقديم بلاغ مشاركة بتاريخ: 23 مارس 2010 تحفة ........واو طب ايه الاسعار ؟؟ رابط هذا التعليق شارك المزيد من خيارات المشاركة
مغتربة بتاريخ: 23 مارس 2010 تقديم بلاغ مشاركة بتاريخ: 23 مارس 2010 تحفة ........واو طب ايه الاسعار ؟؟ شيكو للاسف مقدرش افيدك فى الاسعار لان بقالى تلات سنين مش بشترى من مصر انما بشترى من الامارات علشان كده معرفش اسعارها فى مصر كام و الامارات اغلى من مصر كمان انا دايما بشتريها باور ( لون و نظر مع بعض ) و دى بتكون اغلى من لو جبتيها لون بس بس ان شاء الله حد يكون فى مصر يقدر يفيدك فى الاسعار و لو عايزة الاسعار من الامارات حاضريين يا جميل ما اجمل الانوثه عندما تمتطى صهوه الحياه رابط هذا التعليق شارك المزيد من خيارات المشاركة
fatfouta بتاريخ: 23 مارس 2010 تقديم بلاغ مشاركة بتاريخ: 23 مارس 2010 بجد تسلمى عالمعلومات الجميلة دى يا مغرتبة :unsure: :) رابط هذا التعليق شارك المزيد من خيارات المشاركة
doha بتاريخ: 23 مارس 2010 تقديم بلاغ مشاركة بتاريخ: 23 مارس 2010 بصي ياستي حكايتي مع الزمن قصدي العدسات .. من كام سنة كده كنت مدمنة عدسات بس ربنا تاب علي الحمد لله .. احسن نوع جربته بوش آند لومب جبتها مرة وحده بلون جراي وكان ملهاش حل .. ودي نوعها اغلى من النوع الي كنت متعوده عليه وهو فريش لوك .. كنت بجيب فريش لوك زمان بـ 150 جنيه .. بعد كده بقت بـ 75 واخيرا وصلت 30 جنيه !! فرش لوك كنت بجيب منها النوع الاخضر والرمادي الاثنين حلوين .. جربت منها مؤخرا ( السنة الي فاتت ) اللون البنفسجي باين والله مانا فاكره لاني لبستها مرة وحده بس وكانت حلوة وكل حاجه بس بصراحه نفسي زهدت العدسات فركنتها وملبستهاش تاني لغايه مارميتها .. سعر العدسات بيحدده عدة عوامل .. اولا في مصر العدسات ارخص من السعوديه مش عارفه ليه مع ان المفروض العكس .. ثانيا الماركه نفسها فيها عدسات سنوية وعدسات ست شهور وعدسات ثلاث شهور باين او شهر .. دي معناها ان العدسه بتفسد بعد الفترة دي والمفروض ترميها والا بتلاقيها بتوجع في العين حتى لو وجع بسيط .. وبالمناسبة انا جربت العدسات الست شهور او الثلاث شهور مش فاكره ولقيت مع انها نفس اللون بتاع السنوية الي كنت معتاده عليها الا ان في فرق واضح في درجه اللون ( وطبيعية العدسه ) العدسات زمان الي كنا بنجيبها بـ 150 كانت احسن بكتييييير ف اللون وصعب كمان ان حد يلاحظ انك لابسه عدسة .. العدسات بوش اند لومب على مااذكر كانت صلاحيتها 3 سنوات ويمكن ده السبب ان سعرها كان تقريبا 300 او حاجه زي كده . ثالثا العدسات الرخيصة اوي بتبقى جايه بدون اي اضافات يعني معهاش العلبة الي بتحفظ العدسه ودي مهمه اوي ومن غيرها العدسة هتبوظ ثاني يوم .. بس لو انتي عندك العلبة دي اصلا يبقى خلاص مش هتحتاجيها .. برضه بتبقى جايه بدون محلول الحفظ وده لوحده غالي على فكره يعني سعره بعد تخفيض العدسات كده بقى اغلى من العدسة نفسها وبالمناسبة العلبه بتاعت المحلول لو انفتحت خلاص هي ست شهور وارمي حتى لو كانت مليانه . رابعا بتفرق العدسات في مكان شرائها يعني في ناس ( بتستهبل ) وبتبيع نفس الصنف ونفس الماركه بسعر غالي عاشان مثلا هم ( بيوتي سنتر ) او صيدلية مش ده تخصصها وفي ناس تانيه بتبيعها بسعرها بجد . والفرق على فكره ممكن يوصل لضعف السعر . خامسا واخيرا من وقت للتاني بتنزل عروض على العدسات خاصه عند تسويق الوان جديده .. بالنسبة لخلع العدسه فالمفروض انك تخلعيها قبل النوم وتخلعيها اثناء اليوم برضه يعني متلبسيهاش مدد طويلة عشان متسببش لا قدر الله تقرح نتيجه تغطيتها للمنطقه الي تحتها من العين وبالتالي منع تهويتها .. وبالمناسبة برضه ماما مرة قالت لي على حاله جات لها ف الطواريء وحده كانت لابسه عدسة وعندها ضيوف وعزومه وكده وبتوطي تجيب حاجه من الفرن فالعدسة ( ساحت ) في عينيها من صهد الفرن .. فخلي بالك دائما متستخدميش الفرن وانتي لابسه عدسة وبرضه احتياطي متستخدميش الاستشوار السخن وانتي لابساها برضه .. ..إذا دعتك قدرتك على ظلم الناس فتذكر قدرة الله عليك .. رابط هذا التعليق شارك المزيد من خيارات المشاركة
Damo بتاريخ: 23 مارس 2010 تقديم بلاغ مشاركة بتاريخ: 23 مارس 2010 ياااه الموضوع عمل سوكسيه جامد! و انا فاكراه موضوع صغير ما علينا...انا معنديش اسئلة مجرد كنت عايزه نشارك خبرات و تجارب. انا ابتديت البس عدسات من حوالي ٤ سنين. انا في الاساس نظري ضعيف. لما كنت اتجهز لاي مناسبه مهما اتشيكت و وضبت البس النضارة الاقي كلووو باظ ولا كاني عملت حاجة. و روحت قايله لبابايا اني عايزه عدسات. بالنسبة لبابايا كان كاني بالظبط بقولو انا مستغنيا عن عينيا (لانو دكتور عيون ). اتهريييييت محاضرات و يجيبلي فايلات حالات كانو بيلبسو عدسات و صور و يقولي شوفي حصلهم ايه...شووفي. لكن في الاخر انا كسبت المعركة طبعا. اللي احب اقولو باه..يا ريت...يا ريييت..اللي تقدر تعيش منغير عدسات متقربش منهم. لان في الحقيقة الحاجات اللي شفتها كانت بشعة..و كانت من اخطاء بسيطة.. يا بوسي و يا مغتربه اوعوووو تنامو بالعدسات. بابايا جاتلو مرة حالة وحده نامت بالعدسات و اللي حصل انها كانت ملوثة فخلال الليلة دي العدسات اتصحبت على القرنية و قرروا يلزقوا في بعض. صحيت الصبح معرفتش تشلهم (غير بقى المدة و الاخضر اللي طلع). كفاية تفاصيل :unsure: و طبعا كل مرة تشيليها و تحوطيها بيبقى في خطر انك تعملي اي حركة غلط تجرحي بيها القرنية. عشان كدا بينصحو اللي ضوافرهم طويلة ميلبسوش عدسات يا اما يقسوا ضوافرهم. العدسات دي بتبقى عمله زاي مغناطيس بكتيريا و جراثيم. و انتي ماشية في الشارع او اي حته مش بترمشي عدل عشان عنيكي بتبقى متغطيه فا عينك بيبقى متهيالها انها مش محتاجه ترمش! بالتالي الحاجات اللي بتيجي من الجو تلزق في العدسات..و تفضل معاكي!! اعملو حسابكو تفكرو نفسكو انكو ترمشوا كل شوية. هاااه ايه تاني..مش في بالي حاجة تاني دلوقتي. انا اول ما جبت العدسات كنت بلبسها في المناسبات بس بعدين بقيت البسها كل يومين تلاته. دلوقتي مفيش ولا مرة اخرج من غيرها. و بابايا متازم جدا من الحكاية دي. بحس ايدو على قلبو كل مرة نخرج. حتى راح وخدي لواحد صحبو في الشغل دكتور عيون بردو عشان يقنعني اتنازل... ان مش بلبس الملونين دول..مكنش في بالي اساسا!! حاسه ان لون عينيا اكتر واحد لايق عليا " Feed Your Faith and your fears will starve to death " Unkown~ رابط هذا التعليق شارك المزيد من خيارات المشاركة
pocy بتاريخ: 24 مارس 2010 كاتب الموضوع تقديم بلاغ مشاركة بتاريخ: 24 مارس 2010 منتظرينك أغابي بردك فى العدسات ؟؟؟؟ بنات انا عندى مشكله فى ايدي ومش عارفه هل حلها انى وامرى لله اشتري غساله اطباق ولا اعالج ايدى انا من خمس سنوات من ساعه ما لبست الدبله وانا لبستها ومش قلعتها تقريبا وكل الخوات كنت بقلعها وبلبسها فى الخروج المهم ايدى بتبقي كويسه لحد ما اجى اغسل المواعين وبعد ما اغسل المواعين تتغير وابدأ اهرش فيها وشكل الجلد يتغير المهم لو تانى يوم مش عملت حاجه بالميه بترجع تانى ومفيش مشكله لا هرش ولا حاجه الاول كنت بفتكر انه نوع الصابون السائل وغيرته اكتر من مره ولكن للاسف نفس الوضع المشكله بقي انى لما اتجوزت ونقلت الدبله اليد التانيه محصلش كده فى اليد التانيه وظلت المشكله فى اليد اليمنى بس والحمد لله فانا مش عارفه السبب ايه بالضبط طبعا انا لا انكر انى غلطانه بس انا رحت للدكتور من سنتين تقريبا وادانى كريم مش فاكره اسمه بس كانت المشكله بترجعلى تانى لما اجى اغسل المواعين اتمنى الافاده من اللى يعرفوا حل للاكزيما اللى عندى ؟؟؟؟؟؟؟؟؟؟ وسؤالى برضه عن غساله الاطباق نظامها ازاى لانى مش اشتغلت عليها قبل كده وفى اوبشن للحلل ولا الاطباق بس ؟؟؟؟؟؟؟؟؟؟؟؟؟؟؟؟ مش عارفه حاسه ان سؤالى عبيط كده ليه مش عارفه ؟؟؟؟؟؟؟؟؟؟ بس الموضوع ده مسببلى ازمه وحاسه ان ايدى اتشوهت إهي إهي إهي ؟؟؟؟؟؟؟؟؟؟؟ مدونتى ....الدخول من هنا مدونتى إسلاميات }فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * { "(الحمد لله الذي تواضع كل شئ لعظمته الحمد لله الذي استسلم كل شئ لقدرته)" "سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين" رابط هذا التعليق شارك المزيد من خيارات المشاركة
fatfouta بتاريخ: 24 مارس 2010 تقديم بلاغ مشاركة بتاريخ: 24 مارس 2010 شيكو بصى انا جبتلك الوانها اهو انا مجربه معظم الوانها و بتطلع جنان اللون الوحيد الى مش حلو عندهم التركواز حتى دايما لما اروح اشترى يقولولى ان عندهم ستوك عالى منه لقنه مش بيتباع صباح الخير يا بوسبوس عارفة يا مغتربة صح اللون التركواز ده ماحدش بيجيبه انا اختى جابته ومع انها بشرتها بيضا يعنى مش ذيى كده ولامؤخذة يعنى :lol: بس طلع عليها وحش اوى ولما جت تجيب واحد تانى جابت اللى هو ا اللون الهونى ده بس بيطلع عليها جميل جدااا وكانه لون عينيها الطبيعى بس معلومت جميلة فعلا والبركة فى البتشى دامو الصغنونة دى ايوه كده يا بوسى هو ده الشغل مش عاوزين نشمتهم فينا(انتى فاهمة هما مين طبعا) ا ل س و ا ل م ة بس كده حليها انتى بقى صبحكوا فل ان شاء الله :lol: رابط هذا التعليق شارك المزيد من خيارات المشاركة
مغتربة بتاريخ: 24 مارس 2010 تقديم بلاغ مشاركة بتاريخ: 24 مارس 2010 شيكو بصى انا جبتلك الوانها اهو انا مجربه معظم الوانها و بتطلع جنان اللون الوحيد الى مش حلو عندهم التركواز حتى دايما لما اروح اشترى يقولولى ان عندهم ستوك عالى منه لقنه مش بيتباع صباح الخير يا بوسبوس عارفة يا مغتربة صح اللون التركواز ده ماحدش بيجيبه انا اختى جابته ومع انها بشرتها بيضا يعنى مش ذيى كده ولامؤخذة يعنى :blush2: بس طلع عليها وحش اوى ولما جت تجيب واحد تانى جابت اللى هو ا اللون الهونى ده بس بيطلع عليها جميل جدااا وكانه لون عينيها الطبيعى بس معلومت جميلة فعلا والبركة فى البتشى دامو الصغنونة دى ايوه كده يا بوسى هو ده الشغل مش عاوزين نشمتهم فينا(انتى فاهمة هما مين طبعا) ا ل س و ا ل م ة بس كده حليها انتى بقى صبحكوا فل ان شاء الله :blush2: احلى صباح و مسا لاحلى فتفوته فى الدنيا احلى صباح على عيون السمر كلهم الى واكلين نص الجمال لوحدهم :lol: :lol: مين قدنا يا بختنا فعلا الهنى جميل جدا و الجراى كمان و الجرين الهادى لكن مشكله التركواز انه فى الكاتلوك شكله حلو بس مبيلقش ابدا ابدا الا على عدد محدود جدا من الناس علشان كده احسن انالواحد يجرب اللون عليه قبل ما يشتريه حتى لو كان عاجبه علشان يشوف هيليق عليه و لا لا ما اجمل الانوثه عندما تمتطى صهوه الحياه رابط هذا التعليق شارك المزيد من خيارات المشاركة
مغتربة بتاريخ: 24 مارس 2010 تقديم بلاغ مشاركة بتاريخ: 24 مارس 2010 منتظرينك أغابي بردك فى العدسات ؟؟؟؟ بنات انا عندى مشكله فى ايدي ومش عارفه هل حلها انى وامرى لله اشتري غساله اطباق ولا اعالج ايدى انا من خمس سنوات من ساعه ما لبست الدبله وانا لبستها ومش قلعتها تقريبا وكل الخوات كنت بقلعها وبلبسها فى الخروج المهم ايدى بتبقي كويسه لحد ما اجى اغسل المواعين وبعد ما اغسل المواعين تتغير وابدأ اهرش فيها وشكل الجلد يتغير المهم لو تانى يوم مش عملت حاجه بالميه بترجع تانى ومفيش مشكله لا هرش ولا حاجه الاول كنت بفتكر انه نوع الصابون السائل وغيرته اكتر من مره ولكن للاسف نفس الوضع المشكله بقي انى لما اتجوزت ونقلت الدبله اليد التانيه محصلش كده فى اليد التانيه وظلت المشكله فى اليد اليمنى بس والحمد لله فانا مش عارفه السبب ايه بالضبط طبعا انا لا انكر انى غلطانه بس انا رحت للدكتور من سنتين تقريبا وادانى كريم مش فاكره اسمه بس كانت المشكله بترجعلى تانى لما اجى اغسل المواعين اتمنى الافاده من اللى يعرفوا حل للاكزيما اللى عندى ؟؟؟؟؟؟؟؟؟؟ وسؤالى برضه عن غساله الاطباق نظامها ازاى لانى مش اشتغلت عليها قبل كده وفى اوبشن للحلل ولا الاطباق بس ؟؟؟؟؟؟؟؟؟؟؟؟؟؟؟؟ مش عارفه حاسه ان سؤالى عبيط كده ليه مش عارفه ؟؟؟؟؟؟؟؟؟؟ بس الموضوع ده مسببلى ازمه وحاسه ان ايدى اتشوهت إهي إهي إهي ؟؟؟؟؟؟؟؟؟؟؟ بوسى يا بسبوسه انتى لازم تروحى لدكتور يديلك العلاج المناسب لكن عموما تقدرى دلوقتى تلبسى فى ايدك جوانتى المطبخ و انتى بتغسلى المواعين لانك استحاله طول ما انتى فى المطبخ هتستغنى عن انك تحطى ايدك تحت المايه حتى لما تجيبى غساله الاطباق يا رب اكون افدتك ما اجمل الانوثه عندما تمتطى صهوه الحياه رابط هذا التعليق شارك المزيد من خيارات المشاركة
قلب ابيض بتاريخ: 24 مارس 2010 تقديم بلاغ مشاركة بتاريخ: 24 مارس 2010 منتظرينك أغابي بردك فى العدسات ؟؟؟؟ بنات انا عندى مشكله فى ايدي ومش عارفه هل حلها انى وامرى لله اشتري غساله اطباق ولا اعالج ايدى انا من خمس سنوات من ساعه ما لبست الدبله وانا لبستها ومش قلعتها تقريبا وكل الخوات كنت بقلعها وبلبسها فى الخروج المهم ايدى بتبقي كويسه لحد ما اجى اغسل المواعين وبعد ما اغسل المواعين تتغير وابدأ اهرش فيها وشكل الجلد يتغير المهم لو تانى يوم مش عملت حاجه بالميه بترجع تانى ومفيش مشكله لا هرش ولا حاجه الاول كنت بفتكر انه نوع الصابون السائل وغيرته اكتر من مره ولكن للاسف نفس الوضع المشكله بقي انى لما اتجوزت ونقلت الدبله اليد التانيه محصلش كده فى اليد التانيه وظلت المشكله فى اليد اليمنى بس والحمد لله فانا مش عارفه السبب ايه بالضبط طبعا انا لا انكر انى غلطانه بس انا رحت للدكتور من سنتين تقريبا وادانى كريم مش فاكره اسمه بس كانت المشكله بترجعلى تانى لما اجى اغسل المواعين اتمنى الافاده من اللى يعرفوا حل للاكزيما اللى عندى ؟؟؟؟؟؟؟؟؟؟ وسؤالى برضه عن غساله الاطباق نظامها ازاى لانى مش اشتغلت عليها قبل كده وفى اوبشن للحلل ولا الاطباق بس ؟؟؟؟؟؟؟؟؟؟؟؟؟؟؟؟ مش عارفه حاسه ان سؤالى عبيط كده ليه مش عارفه ؟؟؟؟؟؟؟؟؟؟ بس الموضوع ده مسببلى ازمه وحاسه ان ايدى اتشوهت إهي إهي إهي ؟؟؟؟؟؟؟؟؟؟؟ بصى يا بسبس الموضوع ده عندى من اكتر من عشر سنوات ...ماتتخضيش لان كل حاجه بفضل الله لها علاج اللى عندك ده طبعا اكزيما بسبب الصابون او بمعنى اصح الكيماويات اللى فى الصابون ودورى كده هتلاقى الفيرى والتايد هما الاساس فى الموضوع ده لشدتهم ولان جلدك حساس ومالوش دعوه بالدهب هو اى احتكاك بالاصبع بعد الغسيل بيسبب هياج للجلد لدرجه انى كنت من شده الهرش فى الاصبع ده بيجيب دم المهم خلاصه السنين بقى انكم باستمرار تلبسى جوانتى قطن " بتاع المحجبات هتلاقيه عند ابو 100فلس "وعليه جوانتى المطبخ والقطن ده عشان ماتعرقش ايدك مع البلاستيك بتاع الجوانتى وباستمرار لاااااااازم تستخدمى مرطب للجلد وعن تجربه واستخدام انواع كتييره وغاليه من المرطبات همانوعين رخاص وفى متناول الكل هما بفضل الله كان فيهم اشفا اولهم الفازلين اللى هو بتاع الاطفال والحروق والتسلخات عارفاه؟؟؟ والتانى كريم لونا ده بيتباع غى مصر ومؤخرا جه هنا بس طبعا بسعر الكويت مش مصر هو فى انبوبه ده وقايه انما العلاج بقى مرهم مضاد حيوى انا حاليا ومن فتره باستخدم " كوادريدرم -كريم" او بنتوفيت تقريبا سؤال الحلقه بقى : ياترى اخبار الليمون والطماطم والكيوى مع ايديك ايه؟؟؟ هل بتسبب نفس الاعراض نصيحه الحلقه للكل مش بوسى بس : يا بنات وستات النون كلكن... الجهاز اللى يوفر لك فى صحتك مستقبلا وتقدرى تشتريه حاليا لاتترددى مع الوقت مجهودك بيقل واحتياجك لصحتك بيزيد .. اعملى من دلوقتى لبعدين اشتروا غساله الاطباق بس اللى محتاجاها يعنى اللى عندها استهلاك زايد ومستمر للاطباق واللى ماينفعش النهارده هانتمناه بكره ..............اسألونى انااااااااااااا خاصه عن اجهزه المطبخ رابط هذا التعليق شارك المزيد من خيارات المشاركة
pocy بتاريخ: 24 مارس 2010 كاتب الموضوع تقديم بلاغ مشاركة بتاريخ: 24 مارس 2010 منتظرينك أغابي بردك فى العدسات ؟؟؟؟ بنات انا عندى مشكله فى ايدي ومش عارفه هل حلها انى وامرى لله اشتري غساله اطباق ولا اعالج ايدى انا من خمس سنوات من ساعه ما لبست الدبله وانا لبستها ومش قلعتها تقريبا وكل الخوات كنت بقلعها وبلبسها فى الخروج المهم ايدى بتبقي كويسه لحد ما اجى اغسل المواعين وبعد ما اغسل المواعين تتغير وابدأ اهرش فيها وشكل الجلد يتغير المهم لو تانى يوم مش عملت حاجه بالميه بترجع تانى ومفيش مشكله لا هرش ولا حاجه الاول كنت بفتكر انه نوع الصابون السائل وغيرته اكتر من مره ولكن للاسف نفس الوضع المشكله بقي انى لما اتجوزت ونقلت الدبله اليد التانيه محصلش كده فى اليد التانيه وظلت المشكله فى اليد اليمنى بس والحمد لله فانا مش عارفه السبب ايه بالضبط طبعا انا لا انكر انى غلطانه بس انا رحت للدكتور من سنتين تقريبا وادانى كريم مش فاكره اسمه بس كانت المشكله بترجعلى تانى لما اجى اغسل المواعين اتمنى الافاده من اللى يعرفوا حل للاكزيما اللى عندى ؟؟؟؟؟؟؟؟؟؟ وسؤالى برضه عن غساله الاطباق نظامها ازاى لانى مش اشتغلت عليها قبل كده وفى اوبشن للحلل ولا الاطباق بس ؟؟؟؟؟؟؟؟؟؟؟؟؟؟؟؟ مش عارفه حاسه ان سؤالى عبيط كده ليه مش عارفه ؟؟؟؟؟؟؟؟؟؟ بس الموضوع ده مسببلى ازمه وحاسه ان ايدى اتشوهت إهي إهي إهي ؟؟؟؟؟؟؟؟؟؟؟ بصى يا بسبس الموضوع ده عندى من اكتر من عشر سنوات ...ماتتخضيش لان كل حاجه بفضل الله لها علاج اللى عندك ده طبعا اكزيما بسبب الصابون او بمعنى اصح الكيماويات اللى فى الصابون ودورى كده هتلاقى الفيرى والتايد هما الاساس فى الموضوع ده لشدتهم ولان جلدك حساس ومالوش دعوه بالدهب هو اى احتكاك بالاصبع بعد الغسيل بيسبب هياج للجلد لدرجه انى كنت من شده الهرش فى الاصبع ده بيجيب دم المهم خلاصه السنين بقى انكم باستمرار تلبسى جوانتى قطن " بتاع المحجبات هتلاقيه عند ابو 100فلس "وعليه جوانتى المطبخ والقطن ده عشان ماتعرقش ايدك مع البلاستيك بتاع الجوانتى وباستمرار لاااااااازم تستخدمى مرطب للجلد وعن تجربه واستخدام انواع كتييره وغاليه من المرطبات همانوعين رخاص وفى متناول الكل هما بفضل الله كان فيهم اشفا اولهم الفازلين اللى هو بتاع الاطفال والحروق والتسلخات عارفاه؟؟؟ والتانى كريم لونا ده بيتباع غى مصر ومؤخرا جه هنا بس طبعا بسعر الكويت مش مصر هو فى انبوبه ده وقايه انما العلاج بقى مرهم مضاد حيوى انا حاليا ومن فتره باستخدم " كوادريدرم -كريم" او بنتوفيت تقريبا سؤال الحلقه بقى : ياترى اخبار الليمون والطماطم والكيوى مع ايديك ايه؟؟؟ هل بتسبب نفس الاعراض نصيحه الحلقه للكل مش بوسى بس : يا بنات وستات النون كلكن... الجهاز اللى يوفر لك فى صحتك مستقبلا وتقدرى تشتريه حاليا لاتترددى مع الوقت مجهودك بيقل واحتياجك لصحتك بيزيد .. اعملى من دلوقتى لبعدين اشتروا غساله الاطباق بس اللى محتاجاها يعنى اللى عندها استهلاك زايد ومستمر للاطباق واللى ماينفعش النهارده هانتمناه بكره ..............اسألونى انااااااااااااا خاصه عن اجهزه المطبخ والله ياماما قلب ابيض كأنك بالضبط بتتكلمى على حالتى والطماطم والليمون والكيوي والبرتقال وكل الحاجات دى والحرقان ياخراشي وكنت بلبس جوانتى بلاستك بس لاقيته بيسبب احمرار وتهيج وبلاقي فسافيس مطلعه دم بعدها وخصوصا ان الميه بتنزل من الحنفيه مولعه بس فكره الجوانتى القطن دى حلوه بفكر اجربها ان شاء الله والفازلين بعد كل غسله مواعين ضرورى اما بقي العلاج اللى باخده اللى هو مرهم بتاع التسلخات والهياج للجلد اسمه MIXCREAM وده بيهديها مع انه بيحرقنى اول ما بحط عليه بس بيهدى ايدي بعدها وانا اللى كنت بحسبنى بعانى لوحدى بس الحمد لله المعاناه بدأت تروح باتبع النصائح ان شاء الله والله بيعين طب بمناسبه بقي غساله الاطباق ممكن تقوليلي استخدامها وهل ينفع للحل والكلام ده ولا هى اخرها الاطباق فقط وهل زى المايكرويف مش يدخل لها ميتل ولا ايه النظام ؟؟؟؟؟؟؟؟؟؟؟؟؟؟؟ مدونتى ....الدخول من هنا مدونتى إسلاميات }فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * { "(الحمد لله الذي تواضع كل شئ لعظمته الحمد لله الذي استسلم كل شئ لقدرته)" "سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين" رابط هذا التعليق شارك المزيد من خيارات المشاركة
pocy بتاريخ: 24 مارس 2010 كاتب الموضوع تقديم بلاغ مشاركة بتاريخ: 24 مارس 2010 (معدل) أغابي حبيبتى منتظره الحلقه التانيه ضرورى جدا وعلى فكره الفكره الاولى فعلا انا حططتها فى اعتبارى بس من السنه الجايه ان شاء الله واتمنى الباقي يشاركونا فى موضوع قضاء وقت الفراغ ازاى ؟؟؟؟؟؟؟؟؟؟؟؟؟؟؟؟ ومش تنسي غساله الاطباق عايزه شرح مفصل لاستخدامها ومزياها وعيوبها قبل التفكير في الشراء ان شاء الله وهل هتحتاج ميزانيه خاصه ولا ايه النظام ؟؟؟؟؟؟؟؟؟؟؟؟ تم تعديل 24 مارس 2010 بواسطة pocy مدونتى ....الدخول من هنا مدونتى إسلاميات }فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * { "(الحمد لله الذي تواضع كل شئ لعظمته الحمد لله الذي استسلم كل شئ لقدرته)" "سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين" رابط هذا التعليق شارك المزيد من خيارات المشاركة
قلب ابيض بتاريخ: 24 مارس 2010 تقديم بلاغ مشاركة بتاريخ: 24 مارس 2010 [والله ياماما قلب ابيض كأنك بالضبط بتتكلمى على حالتى والطماطم والليمون والكيوي والبرتقال وكل الحاجات دى والحرقان ياخراشي وكنت بلبس جوانتى بلاستك بس لاقيته بيسبب احمرار وتهيج وبلاقي فسافيس مطلعه دم بعدها وخصوصا ان الميه بتنزل من الحنفيه مولعه بس فكره الجوانتى القطن دى حلوه بفكر اجربها ان شاء الله والفازلين بعد كل غسله مواعين ضرورى اما بقي العلاج اللى باخده اللى هو مرهم بتاع التسلخات والهياج للجلد اسمه MIXCREAM وده بيهديها مع انه بيحرقنى اول ما بحط عليه بس بيهدى ايدي بعدها وانا اللى كنت بحسبنى بعانى لوحدى بس الحمد لله المعاناه بدأت تروح باتبع النصائح ان شاء الله والله بيعين طب بمناسبه بقي غساله الاطباق ممكن تقوليلي استخدامها وهل ينفع للحل والكلام ده ولا هى اخرها الاطباق فقط وهل زى المايكرويف مش يدخل لها ميتل ولا ايه النظام ؟؟؟؟؟؟؟؟؟؟؟؟؟؟؟ جربى يا بسبوسه الفازلين ده بس ومش هاتندمى موجود فى الجمعيه وحتى المحاميد فيها مابيسببش اى حرقان غساله الاطباق بقى انا انصح وعن تجربه بالحجم الصغير راللى زى فريش بتاعت مصر كده او اللهلوبه زى مابيقولوا لاسباب انها مابتاخدش مكان فى المطبخ ودورتها اكبر دوره 20 دقيقه ودى اللى فيها الميه السخنه والتعقيم -0وممكن تشتغل ورا بعض بدون فرق وقت وانا شخصيا علمتها الادب مش هى للاطباق والاكواب والملاعق فقط!!! لاء مش عندى انا بقى الكلام ده ...هتاكل فووووووووووول زينا :WelEgTks: انا بغسل فيها الكسرولات الطاسات مثلا بس طبعا الحاجات اللى مش بتحتاج دعك وسلك وحركات من دى واهى نص العمى ولا العمى كله يعنى على ما هى تخلص الاطباق تخلصى انتى الحلل مثلا يعنى ايدها بأيدك ولا تكلفك شاى ولا هدمه عمرو الصغيره وهى نازله المسحوق بتاعها هو اللى مش لازم تغيرىه عاده ولها سائل او زيت له مكان مخصص فى الغساله لتلميع الاكواب او الزجاج عامه بس على ميييييييييييين برده اكلتها فول00000اقصد فيرى انا معنديش حد يمشى كلامه على ابدااااااااااااا :yahoo: رابط هذا التعليق شارك المزيد من خيارات المشاركة
لماضة مصرية جدا بتاريخ: 24 مارس 2010 تقديم بلاغ مشاركة بتاريخ: 24 مارس 2010 السلام عليكم و رحمة الله و بركاته حبايبي الحلوين هكلمكم في حاجتين ثانيا: لما قريت الموضوع بتاع عموري الاموري....و بوسي اللي عملتلي حالة امساك مزمن م الصبح.... الله يسامحك... :lol: كنت مستمتعة جدا و انتو بتحكوا عن خبراتكم في تربية الاطفال...و انا مهتمة اوي بالحتة دي.... لاني بحس ان احيانا كتير الام بتقعد تتعلم في الغلبان الاولاني... هو مش بيبقي غلبان اوي الحقيقة.....بس فكرت ليه منختارش حاجات كده كل حد فينا جربها مع اولاده (او ع اعتبار ما سيكون مثلا.... :lol: ) و يقولنا ازاي انه يعلم الكتاكيت الصغيرين السلوكيات المختلفة يعني مثلا...نربي ولادنا ازاي.... انهم يحبوا ربنا؟؟؟؟ او انهم ميكذبوش مهما كان؟...او حتي لو العيل المفعوص عنيد اوي و عايز يمشي رايه و يلبس البنطلون الجينز اللي عامل زي بتاع البوابين في كل الخروجات الرسمية و غير الرسمية...... او لو عندك مثلا (ربنا يعافينا) طفل مريض مرض مزمن ازاي اعامله طبيعي و في نفس الوقت ازاي انسي انه مثلا مريض...او منساش...كده يعني......طب الحاجة الاهم ازاي اتفق انا ووالده علي موضوع التربية دي.....اصل بحس الرجالة راميين الليلة كلها ع الستات....بس وجودهم مهم..... اومال هنخوف العيال بمين (غير ابو رجل مسلووووخة.. :lol: ) ده اقتراحي....و اتمني انه يلاقي قبول بينكم لاني فعلا بستفيد اوي من خبراتكم ========================================== اولا: كلنا عرفنا اللي بتمر بيه ريمو ممكن لوسمحت لو حد يعرف رقم تليفونها في مصر يبعتهولي ع الخاص.....او يستاذنلي منها اني اكلمها بس خلاص فوتكم بعافية رابط هذا التعليق شارك المزيد من خيارات المشاركة
fatfouta بتاريخ: 24 مارس 2010 تقديم بلاغ مشاركة بتاريخ: 24 مارس 2010 حاضر يا لماضة هستاذنها وابعتلك نمرتها..........من عينيا هى كويسة الحمد لله ماتخافيش.........بس ادعيلها رابط هذا التعليق شارك المزيد من خيارات المشاركة
HanaaOsama بتاريخ: 24 مارس 2010 تقديم بلاغ مشاركة بتاريخ: 24 مارس 2010 السلام عليكم و رحمة الله و بركاتهحبايبي الحلوين هكلمكم في حاجتين ثانيا: لما قريت الموضوع بتاع عموري الاموري....و بوسي اللي عملتلي حالة امساك مزمن م الصبح.... الله يسامحك... :D كنت مستمتعة جدا و انتو بتحكوا عن خبراتكم في تربية الاطفال...و انا مهتمة اوي بالحتة دي.... لاني بحس ان احيانا كتير الام بتقعد تتعلم في الغلبان الاولاني... هو مش بيبقي غلبان اوي الحقيقة.....بس فكرت ليه منختارش حاجات كده كل حد فينا جربها مع اولاده (او ع اعتبار ما سيكون مثلا.... :lol: ) و يقولنا ازاي انه يعلم الكتاكيت الصغيرين السلوكيات المختلفة يعني مثلا...نربي ولادنا ازاي.... انهم يحبوا ربنا؟؟؟؟ او انهم ميكذبوش مهما كان؟...او حتي لو العيل المفعوص عنيد اوي و عايز يمشي رايه و يلبس البنطلون الجينز اللي عامل زي بتاع البوابين في كل الخروجات الرسمية و غير الرسمية...... او لو عندك مثلا (ربنا يعافينا) طفل مريض مرض مزمن ازاي اعامله طبيعي و في نفس الوقت ازاي انسي انه مثلا مريض...او منساش...كده يعني......طب الحاجة الاهم ازاي اتفق انا ووالده علي موضوع التربية دي.....اصل بحس الرجالة راميين الليلة كلها ع الستات....بس وجودهم مهم..... اومال هنخوف العيال بمين (غير ابو رجل مسلووووخة.. :lol: ) ده اقتراحي....و اتمني انه يلاقي قبول بينكم لاني فعلا بستفيد اوي من خبراتكم ========================================== اولا: كلنا عرفنا اللي بتمر بيه ريمو ممكن لوسمحت لو حد يعرف رقم تليفونها في مصر يبعتهولي ع الخاص.....او يستاذنلي منها اني اكلمها بس خلاص فوتكم بعافية احيكي ع الموضوع ده و يا ريت ياخذ جزء كبير من نون النسوه :lol: :lol: :lol: بسم الله الرحمن الرحيم " و من اعرض عن ذكري فإن له معيشة ضنكا " صدق الله العظيم رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان