حكاياتي مع ديكوراتي

[doha]

بما اننا خبرة قديمه في موضوع السرقات ده وجربنا كل الحلول الممكنه والغير ممكنه فهقولك بكل ثقة الباب ده ملوش لازمه فاحنا كمصريين بناكل الزلط وحراميتنا بالصلاتو على النبي تاكل مال النبي ولابيقف في وشهم صيني ولاهندي ..

ببساطه شديده كل باب طلع نزل بينفتح بكالون له مفتاح .. الحرامي من دول مش هيوجع دماغه الباب متصفح بكام ( سكة ) ولا عليه كام قفل هو ديتها هيضرب قلب الكالون وبالتالي فاي مفتاح هيفتح الباب حتى لو عليه خمسمية سكة ..

وللاسف الباب خشب او حديد هو الي يهمه ( الكالون ) او تحديدا ( قلب الكالون ) والي بالتاكيد وطالما ( صيني ) يبقى ( ابشر ) . .

الي اقدر انصحك بيه وبما انك مازلت في مرحلة التشطيبات انك تعمل خزنة او اثنين في اماكن مدفونة في الجدران ومتغطية بشكل كويس .. على الاقل اشتري الخزنة من دلوقت وخذ مقاساتها وشوف لها مكان كويس في الجدران تثبتها فيه بحيث تبقى مش ظاهرة .. حاجة كده زي الافلام المصري القديمه كده لما يحط لك خزنة وراء صورة .. بس طبعا انت خليها مخفية اكتر بحيث حتى لو شغاله بتنظف في البيت متعرفش ان دي خزنة ..

لو معادش ينفع حاول في المستقبل تعمل ادراج سحرية في الاثاث بحيث تحط فيها الاشياء القيمه ..

وبرضه لاحظ النقطه الخاصة بشكل الباب من برا .. لنا اقارب شقتهم انسرقت مرة فراحوا عملوا لها ( ترسانة ) مسلحة حواليها تكلفت من 25 سنة حوالي 10 الاف جنيه وشوف انت بقى تساوي كام النهرده .. تخيل بعد ده كله ايه حصل ؟ انسرقوا مرتين .. مهو الحرامي لما يلاقي المتاريس دي هيتوقع ان تحت القبة شيخ ..

=========

ماما نونا .. متصدقيش الي يقولك مين هطلع لك في التاسع .. لان لو انتي في الادوار الاخيرة فالحرامي مش محتاج يطلع هو ( هينزل ) لك من فوق متعلق في اي حاجه .. على فكره مرة كنت جايبه سباك يصلح حاجه في بيت جدتي وكنا في الدور الرابع والراجل نزل على الماسورة متعلق في حزام كده انا شخصيا انفزعت له سلف .. النجارين والمهنيين بيتسلقوا المواسير عادي صعودا ونزولا حتى لو في الدور الخمسين فمابالك بقى بالحرامية ..

محدش بياكلها بالساهل ..

وبمناسبة الحديث عن حديد الشبابيك فالمفروض انه بعد مايتركب يجي نفس الحداد الي صنعه يعمل ( لحام) على مسامير التركيب بتاعته

[se_ Elsyed]

الباب اجيبه منان ياسن سن

شكرا

طب قولي إنتي فين يا ريس ؟

بس عامة أشهر مكان في القاهرة هو " حي الرويعي " بالعتبة ... في قلب ميدان العتبة أسأل بس على الرويعي وهاتلاقي هناك 100 محل وورشة للنجارة

هل معقولة اعمل الشبابيك كلها حديد واقفل على نفسى الهوا

يا عم وهو أنت هاتعملها صب ؟ دي بتبقى حديد متشابك .. بل بالعكس ده عز التهوية لإن بيتركب له سلك كمان عشان يحوش الناموس والذباب ...

[khaleds]

المشكله فى التكنولوجيا نفسها الى فى الباب .. اكيد فيها ثغرات

البنوك والمواقع المشهوره والبرامج الى بنستخدمها على الكمبيوتر بيتم سرقتها بأبسط الافكار على الرغم من التعقديات والامنيات

[se_ Elsyed]

الباب الحديد اللي لسه مركبة عندي اهو

طبعاً لما بيتدهن الشغل الفير فورجيه فيه بيظهر وأفضل لونين بيبقوا الزيتي للشغل الرئيسي والذهبي لورق الشجر اللي فيه .. فبيبقى شكله تحفه ..

ويا سلام لو كان إترش دهان فُرن .. زي دهان العربيات كده ...

لكن ما كانش في فرصة أو قت .. لكن قلت للنقاش يأجر كمبروسر ويرشه في البيت مع باقي شغل الحديد الأخر اللي هو حديد سور البلكونه والشبابيك اللي على المنور

وده شباك الطُرقه المُطل على المنور .. هاتلاحظوا إن لونه برتقالي .. وده دهان أولي إسمه برايمر عشان لو أتركن قبل ما يتدهن ما يصديش

طبعاً الالوميتال بيبقى من الداخل

أنا مصور يا جماعة عدة نماذج لأبواب حديد فير فورجية من كاتالوج 2010 لو تحبوا أعرضهم لكم

--------------

المشكله فى التكنولوجيا نفسها الى فى الباب .. اكيد فيها ثغرات

ما هو لو فكرنا بالشكل ده .. يبقى الحرامية عندها المفروض على الأقل يبقوا mcse أو CCNP .. وتلاقيه جاي يسرق ومعاه اللاب توب بتاعه المتوصل على سيرفر العصابه ويقعد يعمل هاكنج على كالون الباب هههههههههه

[egyptawy]

معلش يا س س

انت ليه ركبت الباب ده مع انى الصينى عجبك

ولا هو ده الصينى

وهل ينفع اركب باب حديد وباب خشب ى نفس الوقت

اصلى مش شايفك مركب باب خشب

وياريت ترفعلنا النماذج الا عندك

شكرا

وفبل ما انسى سوال برة الموضوع انت دور اخير؟ صح

تم تعديل 6 مارس 2010 بواسطة se_ Elsyed

[se_ Elsyed]

انت ليه ركبت الباب ده مع انى الصينى عجبك

مانا قايل فوق يا ريس

طب انا مثلاً الباب الخشب مكلفني كام ؟

بالصلاتو عالحبيب ما يقرب من 4000 ج ..

يعني أنا مركب الباب الخشب من زمان ... فمش معقول هاخربه وأشيله أرميه وأركب الصيني اللي عاجبني ... وإنت مش شايف الباب الخشب لأن بعد ما النجار بيركبة بيشيله تاني لحد السيراميك ما يخلص وبعدين ييجي النقاش يديله سكنتين معجون .. وييجي النجار تاني يريحه .. لأن السيراميك بيعلي منسوب الأرضية وبالتالي الباب لازم يتاخد منه شويه من تحت عشان يقفل ويفتح كويس

وهل ينفع اركب باب حديد وباب خشب ى نفس الوقت

مانا عامل كده وده الطبيعي

OTHERWISE .. هاركب باب حديد بس وأجي أغير هدومي في الصالون الجيران يشوفوني

فهو ده الطبيعي لو هاتركب باب خشب وباب حديد .. الباب الخشب بيفتح لداخل الشقة .. والحديد عكسه للخارج

---------

أنا دور أخير بأختياري .. أنا أول واحد ساكن في العمارة وكانت فاضية ما أتباعتش .. والعبور في أحياء الفيلات أقصى ارتفاع هو 3 أدوار ... وفوقيه دور ROOF فالمنظر من الدور الثالث أحسن بكتير وشايف كل الحدائق والحركات اللي قدامي أفضل من الدور الأول والثاني ... لكن الراجل صاحب العمارة نزيه .. وعازل السقف كله تخيل عازل 500 متر مساحة الفيلا ؟ بالفوم ... عارف الفوم اللي بييجي حوالين التليفزيونات والاجهزة الكهربائية عشان يحميها ؟ ده قى بييجي ألواح زي ألوح الخشب .. ويتحط على السقف بعد السقف ما ياخد طبقة بترومين اللي بيسموه بلك أو سوري زفت عشان الرطوبة وبعدين ياخد طبقى فوم وبعدين يتبلط عليه .. الراجل بصراحه مبلط السطح كله سيراميك ... وأنا أساساً ناحيتي فوق يعني مبني الروف على 25 % من مساحة المبنى .. بس في حته مش مبنيه وهي اللي فوق الريسيبشن .. فالحمد لله موضوع الحر والشمس اللي ناقحه فوق راس الواحد مش موجوده ...

[egyptawy]

انت ليه ركبت الباب ده مع انى الصينى عجبك

مانا قايل فوق يا ريس

طب انا مثلاً الباب الخشب مكلفني كام ؟

بالصلاتو عالحبيب ما يقرب من 4000 ج ..

يعني أنا مركب الباب الخشب من زمان ... فمش معقول هاخربه وأشيله أرميه وأركب الصيني اللي عاجبني ... وإنت مش شايف الباب الخشب لأن بعد ما النجار بيركبة بيشيله تاني لحد السيراميك ما يخلص وبعدين ييجي النقاش يديله سكنتين معجون .. وييجي النجار تاني يريحه .. لأن السيراميك بيعلي منسوب الأرضية وبالتالي الباب لازم يتاخد منه شويه من تحت عشان يقفل ويفتح كويس

وهل ينفع اركب باب حديد وباب خشب ى نفس الوقت

مانا عامل كده وده الطبيعي

OTHERWISE .. هاركب باب حديد بس وأجي أغير هدومي في الصالون الجيران يشوفوني

فهو ده الطبيعي لو هاتركب باب خشب وباب حديد .. الباب الخشب بيفتح لداخل الشقة .. والحديد عكسه للخارج

---------

أنا دور أخير بأختياري .. أنا أول واحد ساكن في العمارة وكانت فاضية ما أتباعتش .. والعبور في أحياء الفيلات أقصى ارتفاع هو 3 أدوار ... وفوقيه دور ROOF فالمنظر من الدور الثالث أحسن بكتير وشايف كل الحدائق والحركات اللي قدامي أفضل من الدور الأول والثاني ... لكن الراجل صاحب العمارة نزيه .. وعازل السقف كله تخيل عازل 500 متر مساحة الفيلا ؟ بالفوم ... عارف الفوم اللي بييجي حوالين التليفزيونات والاجهزة الكهربائية عشان يحميها ؟ ده قى بييجي ألواح زي ألوح الخشب .. ويتحط على السقف بعد السقف ما ياخد طبقة بترومين اللي بيسموه بلك أو سوري زفت عشان الرطوبة وبعدين ياخد طبقى فوم وبعدين يتبلط عليه .. الراجل بصراحه مبلط السطح كله سيراميك ... وأنا أساساً ناحيتي فوق يعني مبني الروف على 25 % من مساحة المبنى .. بس في حته مش مبنيه وهي اللي فوق الريسيبشن .. فالحمد لله موضوع الحر والشمس اللي ناقحه فوق راس الواحد مش موجوده ...

طيب ممكن تقولى يكلفنى كام العزل

الف شكر

[se_ Elsyed]

ودي هديه لأبناء الدايرة الكرام

أشكال أبواب فير فورجيه من كاتلوج 2010 أبواب الشقق ... معليش هي أببيض وأسود لأني مصورها من الكاتلوج الألوان .. لكن الحداد بيعرف شكل التصميم وما بتفرقش معاه

Metal Designs

أنا عاوز أضم الموضوع ده على موضوعي بتاع الديكورات

[se_ Elsyed]

طيب ممكن تقولى يكلفنى كام العزل

ما عنديش فكرة بصراحه ...

لكن شوف

تعتمد على مساحة شقتك كام ...

ومش معقول هاتعزل السطح كله ... إنت هاتتشتغل فوق شقتك بس

وممكن تجيب حاجه إسمها " خيش مقطرن " عارفه ؟ بتبقى قطع خيش متغرقة في القطران أو البيتامين ده من عند بتوع أدوات السباكة وبييجي السباك معاه أنبوبة بوتاجاز ويعمل حركات كده ويلزقها على السطح بطريقة معينه عشان ما تسربش مياه .. دي أول حاجه ..

وممكن بقى تختار لها بلاط ... بيسموه بلاط سطوحي .. هو اسمه كده .. مش شرط سيراميك إنت مش هاتسكن فيه يعني ... وده رخيص من اي ورشة بلاط لإن ما فيهوش شغل ولا ديكورات وبهرجه لأن له هدف معين ... وييجي حد يلزقهولك على الخيش المقطرن وطبعاً بطبقه من الرمال والأسمنت ...

من ناحية تتكلف هاتتكلف ... بس مش كتير إن شاء الله

[fatfouta]

تصدقوا بقى انتوا كده خوفتونى فعلااا

انا ذى ماما نونا شقتى تعتبر فى التاسع برضو ومافكرتش ابدااا فى موضوع الحرامية لانى كنت فاكرة نفسى ناصحة وقولت هو مين الحرامى اللى هيطلع للتاسع ده وكمان عشان فوقى دورين يعنى بلكونتين وبعدين السطوح.....فقولت شقتى مش معرضة للسرقة

لكن فعلا الحرامى ممكن ينزل من السطوح وهيبقى اقرب لشقتى طبعا من فوق

انا فكرت فى موضوع ان ممكن حد يدخل من الشبابيك اللى عالمناور او الممرات اللى بين العمارات وعشان كده كنت تقليدية جداااااااا وعملت شيش وازاز........كل ماكنت اقول لحد انا هعمل شيش وازاز يقعد يضحك عليا ويقوللى هو فيه ناس لسه بتعمل كده

لكن كنا فى شقتى انا واختى ولما اعترضت على كده قلتلها تعالى ووقفتها فى البلكونة وفعلا لقت الناس اللى حوالينا معظمهم عاملين شيش وازاز وقليل اللى عامل الوميتال وخصوصا ان المنطقة لسه جديدة برضو

بس انا مش بحب شكل الحديد اللى عالشباك مع انه فيه اشكال كويسة لكن بحس انى فى سجن وبحب افتح الشبابيك واهوى الشقة واهو يبقى فيه درفة سلك تمنع الذباب وخلاص

حتى باب الشقة مغيرتوش وقولت خليه فى الاخر لما نخلص خالص خصوصا انا الباب اللى راكب شكله شيك بس ناقص عالدهان لكن دلوقتى انا بجد بفكر جديا اركب الباب الحديد ده

اما بالنسبة لتركيب السباكة الاخيرة (الصحى يعنى) هو فعلا احنا من الاول ماركبناش غير البانيوهات عشان العمال مايسخدموش الحمامات.....

الحمد لله الشقة دلوقتى واقفة بس على الدهان واختيارتنا للالوان وبس وكنا مسنتنيين لما ننزل او الشتا يعدى لان نصحوناا انا الدهان فى الشتا مش بيبقى كويس

بس فعلا موضوع الباب الحديد ده فكرة كويسة جدااا.......شكرا يا سى السيد

[egyptawy]

شكرا يا سين سين

[ozoozo]

ياريت كمان تحطلنا صوره مفتاح الباب عشان لو حد عايز يزورك باليل

wst::

[egyptawy]

طيب ممكن تقولى يكلفنى كام العزل

ما عنديش فكرة بصراحه ...

لكن شوف

تعتمد على مساحة شقتك كام ...

ومش معقول هاتعزل السطح كله ... إنت هاتتشتغل فوق شقتك بس

وممكن تجيب حاجه إسمها " خيش مقطرن " عارفه ؟ بتبقى قطع خيش متغرقة في القطران أو البيتامين ده من عند بتوع أدوات السباكة وبييجي السباك معاه أنبوبة بوتاجاز ويعمل حركات كده ويلزقها على السطح بطريقة معينه عشان ما تسربش مياه .. دي أول حاجه ..

وممكن بقى تختار لها بلاط ... بيسموه بلاط سطوحي .. هو اسمه كده .. مش شرط سيراميك إنت مش هاتسكن فيه يعني ... وده رخيص من اي ورشة بلاط لإن ما فيهوش شغل ولا ديكورات وبهرجه لأن له هدف معين ... وييجي حد يلزقهولك على الخيش المقطرن وطبعاً بطبقه من الرمال والأسمنت ...

من ناحية تتكلف هاتتكلف ... بس مش كتير إن شاء الله

طيب معلش يا س س

اخر سوال بالنسبة لشقتك انت كنت واخدها بتمن اقل من الدور التانى والاول ولا ايه

اصل انا شارى شقة بنفس تمن الادوالر الا تحتى والناس قلتلى المفروض تمن اقل

شكرا

[se_ Elsyed]

لأ بنفس السعر لأن كلهم 3 أدوار عُمي وفي أسانسير كمان

لكن لما تكون في عمارة 6 أدوار مثلاً وبتاخدها كعابي .. فبيبقى الدورين الاخرانيين أقل طبعاً لأن اللي ساكن فوق بيتقطع نفسه من الطلوع والنزول

[se_ Elsyed]

وأبقوا فكروني احكيلكم عملت إيه عشان آآمن البلكونه القزاز .. وعشان أأمن الجنب اللي بيني وبين جاري اللي ممكن أي حد يمد رجله وييجي يشرب الشاي معايا في البلكونه

نلقاكم بعد الفاصل

[egyptawy]

اه ياريت يا س س ما تبخلش علينا بنصايحك وياريت تمدنا بالصور

شكرا

[se_ Elsyed]

الرسيبشن والفيو بتاعته

ركزوا في الصورة اللي فوق دي عشان هاعمل مسابقة وعليها جوايز كمان ...

مين اللي كان بيسأل ويقول إعمل إيه يا ناس أنا في أخر دور وخايف الحرامية يخطفوني ؟ :)

أنا برضوا في أخر دور ..

فالمساحه المفتوحه قدامكم في الرسم البياني ده كانت حيطه وأنا هديتها وهاعمل مكانها زجاج " سيكوريت " عارفين مش ساعات بتدخلوا شركة أو مكان تلاقي حيطة زجاج سميك ومُثبت من ناحيتين مثلاً وفي النص باب مفصلي ممكن يفتح لبره أو لجوه ؟

أهو أنا هاعمل كده .. أي نعم هو مكلف ... بس شكله حلو ... هايتكلف بالأكسسوارات حوالي 4 الاف جنيه .. وطبعاً ده صيد سهل لأي حرامي يحب يدخل الشقة من البلكونه .. هايقوم ضارب القزاز بزلطه وبالسلامه كده

طيب أنا كده أُسقط في يدي .. وقلت أعمل إيه ؟

فكان قدامي عدة إقتراحات منها :

1- أركب ورا القزاز باب أكورديون حديد .. زي بتاع محلات الدهب كده بحيث لما أسافر أقوم قافلة بعدة أقفال ... بس ده كمان بيتكلف ما لا يقل عن 3 بواكي ... وكمان لما بيتلم من الجنبين بيشغل حيز كبير ما لا يقل عن متر يمين وأخر شمال وبيبقى شكله غبي .. يعني الview هايبقى زبالة حتى وهو ملموم وكإننا ما عملناش حاجه .

2- هههههههه واحد قال لي .. طب أعمل باب حديد حصيرة ينزل من فوق الباب ويتكعور لما يتلم كده .. زي أبواب المحلات ..

تابع سلسلة محلات بقالة سين سين وأولاده .. قلت له لما أقلبها مسمط إن شاء الله

3- تفتق ذهني عن فوكيرة رخيوصة ومحترمة ... ركزوا كويس ... شايفين سقف البلكونه من بره ؟ أهو أنا صممت شكل حديد بالعرض يتثبت على السقف من الخارج كإنه في الشارع يعني .. من فوق واخدين بالكم ... والشكل عبارة عن زي سور حديد بس بدل بالطول هايبقى بالعرض وعبارة عن حديد مدبب بطول 40 أ و 50 سم عامل زي أسنة الرماح - جمع رمح - أو رأس السهم كده ... بحيث اللي يقل عقله ويدلدل نفسه بحبل ويحاول ينزل البلكونه هايبقى منطور بره والسهم المسموم ده يرشق في قلبه يرديه صريعاً .. أرجو تكون الفكرة وصلت وعرفت اشرحها ...

كمان من اليمين في البلكونه جنبي جار ... لو حد مد رجله من عنده هايبقى عندي .. فروحت مركب حاجه بيسموها " قرص شمس " فاصل بيني وبينه ..

صورته أهي على فكره

.. ولقيت عندي واحد تاني هاركبة برضوا عشان يبقى مزدوج

[egyptawy]

طيب عملت ايه مع المطبخ

عملته امريكان ولا عادى

[se_ Elsyed]

طيب عملت ايه مع المطبخ

عملته امريكان ولا عادى

ذاكر بقى كويس يا إيجبتاوي عشان ما نكررش أسأله

صورة المطبخ ما هي عندك في الموضوع ..

مطبخ عادي طبعاً ..

أنا عندي حساسية من الأمريكاني ... يرضيك الضيوف تبقى قاعده في الصالون بيحتسوا الشاي .. وفي نفس الوقت كاشفين المطبخ والمواعين وحلل المحشي ؟

تقولي ركب ستارة ولا مش عارف إيه ...

هي كده ده انطباع عندي وخلاص ...

الستر حلو برضوا

[egyptawy]

س س

ربنا يباركلك فيها