اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×
se_ Elsyed

حكاياتي مع ديكوراتي

Recommended Posts

ايه ده !! إشمعنى الموضوع ده مرجعش كامل ؟؟ n2&(

الله يعينك يا سين سين n2&(

تصدق بالله قبل الغزو كنت ناوى أحفظ صفحات الموضوع لما فيها من معلومات قيمة .. بس قلت هيحصل ايه يعنى المحاورات موجودة .. وقت ما أحتاج أى معلومة أهى موجودة :sad:

...................................................................

ده طلع مش الموضوع ده بس :blink:

تم تعديل بواسطة النجم الثاقب

شارك هذه المشاركه


رابط المشاركه
شارك

لو راحت الكتابة

فالكاتب موجود

اتمني ان يعود ابو الاسيان لنكمل ما بدأناة معا

من حكمدار بوليس العاصمه الي ابو الاسيان القاطن في

غرفة المشرفين

لا تترك الموضوع الذي بدأتة

الديكورات موضوع هايل

الديكورات موضوع هايل

عند سماعك هذه النشره

بلغ الحكمداريه

وعلي كل من يعرف مكان سين سين

المبادره في تبليغة

او ابلاغ الحكمدارية فورا

شارك هذه المشاركه


رابط المشاركه
شارك

انا من النوع اللي بانسى اللي باكتبه ... وممكن بعد فترة الاقي حد ناقل الموضوع وهو مِلكي .. وللأسف لا احتفظ بنسخ منه ... لكن هاتعلم اعمل كده ..

بس سيبوني شويه عشان نفسي مسدودة اني اكمل بعد اللي راح ...

بس ان شاء الله هاتعالج وراجع تاني

شارك هذه المشاركه


رابط المشاركه
شارك

والله انا كمان نفسى اتسدت بعد ال حصل

بس الحمد لله على كل حال

نرجع بقى للمهم

كنا ولنا لغاية بيت النور والجبسون بورد

وانا كنت رفعت الصور للجبس قبل وبعد الدهان

وفضلت يوم كامل

وبعدين الله يسامحهم ولا د الايه دول ضيعو كل حاجة

ربنا يسهل بقى لما دماغى تروق كده من الموضوع ايااه

هرفع الصورتانى ان شاء الله

شارك هذه المشاركه


رابط المشاركه
شارك

عموماً يا سى السيد أحنا منتظرين عودة الذاكره لكى نتعلم من خبرة حضرتك ولكى أساهم فى تذكيرك فى بعض ما سبق و علشان تعرف قد أيه كلام مهم فأنا كنت قد أحتفظت ببعض المقاطع من كلامك السابق و سأوردها لك أدناة :-

• انا عندي في الريسيبشن عامودين بارزين حوالي 30 سم وواخدين شكل زجزاج عرضه متر في احد الحوائط وهي الحيطه اللي عالشارع الجانبي ومش مآثرين في شكل الريسيبشن .. فلو كنت انا اللي هاشطب كنت هاقول اهم يتدهنوا وخلاص وكل سنة وانت طيب

فلقيت المهندس بيقول لي : العامودين دول نمحرهم ونزودهم اسمنت بطريقه معينه ونعملهم الاتنين بشكل نص عمود دائري ونعمل لك واحد تاج مزخرف من فوق وقاعدة من تحت وندهنهم بلون رخامي يدي كونتراست مع باقي الالوان

يعني لو هادهن الريسيبشن بيج مثلاً .. فممكن العامودين دول ندهنهم لون – بيتضرب دلوقت كله بالكمبيوتر برقم كودي تختاره من الكتالوج وبيدنهن بطريقه معينه بحيث يعيطك شكل الرخام ونعومه الزجاج – اللون ده يعمل كونتراست يعني مثلاً اورانج في اصفر او نبيتي في اي حاجه

وصممهم لي عالكمبيوتر ووراني شغل واقعي زيهم هو عامله .. وبصراحه شكلهم عالورق وبالالوان وهما متشطبين كان تحفه

• ومول فخم قوي إسمه " محجوب " وده على ناصية مكرم عبيد برضوا في التقاطع مع مصطفى النحاس ...

وناس نصحوني بمكان تجمع محلات إسمه " منطقة المهاجرين " ودي تقع في منطقة زهراء عين شمس بالقرب من مصنع شيكولاته كوفرتينا بجسر السويس وهناك ييجي 100 محل

وبصراحة .. أسعارهم حنينه قوي قوي قوي وبتفاصل كمان ... وكل نوع سيراميك يا جماعه له كود ... يعني تروح السلاب تروح مش عارف فين .. هو هو نفس الكود والجوده والخامة ... ولقيت إن هناك فرق أسعار في منطقة المهاجرين عن المعارض الكبيرة دي .. ما لا يقل عن 7 جنيهات في المتر الواحد ... يعني ساعات بتوصل 20 % فرق أزيد في السلاب .. بصراحة عندهم طريقة عرض ما تخلكش تحتار وتحاول توفق ألوان سيراميك مع بعضها خصوصاً للحمام والمطبخ .. فبتلاقي عندهم تابلوهات جاهزة ..

أما أطقم الحمامات بانيوهات بقى وتواليت وكده ... فعند محجوب بالذات ده أرخص وأحلى

• أطقم الحمامات ايديال استاندر أو كليوباترا

• سيراميك الفرز التاني بيبقى صعب جداً جداً تطلع فيه عيوب وبالتالي فهو مقبول إلى حد كبير خصوصاً في الحاجات اللي أسعارها عاليه

أما لو لقت مثلاً الفرق 3 أو 4 ج فجيب فرز أول

على سبيل المثال لقيت البورسلين الكيلوباترا بـ 70 ج ... والفرز الثاني بخمسين ... وفعلاً ما فيهوش الهوا ...

لكن للمصنع معايير معينه بتؤدي إلى هذ التصنيف ...

شارك هذه المشاركه


رابط المشاركه
شارك

اهلا بالاخ ايجبتاوى

بالنسبة للعفش

ده تبع ذوق حضرتك

يعنى هتفرش كلاسيك ولا مودرن

لو كلاسيك لازم هتأسس الجبس والديكورات للكلاسيك

لو مودرن برده هتأسس للمودرن

مش عارفةليه حاسة انى بقول لوغاريتمات

يعا لو هتفرش مودرن النجف مش هيمشى معاه

فبالتالى هتدورعلى اضاءة غير النجف

وهى اما انك هتعمل سقف ساقط بالجبس وفيه اسبوتس وده ال هو الجبسون بورد بتاع عمو سى السيد

او هتعمل مكان لاضاءة فالسنتر مكان النجف بس بالجبس

فيه موديلات كتيرلل بقوله ده موجودة ف ديموس

ممكن مثلا تعمل الاضاءة من الجنب وهى عمل فتحات فالجدران مربعات مثلا وبداخل كل مربع اسبوت

اما لو هتفرش كلاسيك هيكون الاساس النجف والابليكات

بالنسبة للخشب انك تعمله مصنعية او تشترى جاهز

الرك على الصنايعى ال هيشتغل

لان فالموبليا الفنش النهائى مهم جدا

انا مثلا اشتريت عفشى جاهز من المعرض

واختى اشترت نفس الخشب والموديلات ونفس الشغل بالضبط من معارض الخشب الابيض من دمياط

وبعدين ودته لبتاع الدهان

طلع هو هو نفس الفنيش والفرق كان حوالى 3000جنيه

بس بعد فترة اللون غير عندها ف حين انه مازال كما هو عندى

وشكرا

انا

شارك هذه المشاركه


رابط المشاركه
شارك

اتفضل ياحج سين ده الي قدرت اجيبه لك من ردودك السابقة :

شكراً لمروركم جميعاً وربنا يوفق الجميع

نكمل كلامنا ..

-------------

كنت قبل ما أنزل أجازة إبتديت أنأنأ في شوية حاجات من هنا أنا متأكد إن الكواليتي بتاعتهم أعلى

ومنها أسلاك الكهربا ...

بصراحة خضت تجربة من 3 سنين كده مع نسيبي لما كان بيوضب شقته ونزلنا نشتري أسلاك كهربا ماركة " السويدي " اللي قتل المطربة ذكرى مراته (IMG:http://www.egyptiantalks.org/invb/style_emoticons/default/laugh.gif) ... لكن إتبهدلنا أخر بهدله من المحلات الغشاشين اللي بيشتروا لفات الكهربا دي من تحت بير السلم ومحطوط عليها ختم السويدي و100 فل و14 وطبعاً مع التحميل عليها في تشغي المكيفات والسخانات والشربات والفلنات .. تسمع بقى إن الشقة حصل فيها والعياذ بالله ماس كهربائي ... أو اي كوارث تانيه ... لأن الواحد يستحمل شغل تهجيص في محارة أو دهان أو بلاط ... لكن تيجي لحد الأساسيات زي الكهربا والسباكة اللي بيبقوا متداريين تحت الحوائط وفي الأسقف .. ولا يُمكن التهاون فيها لأن الغلطة فيها بفوره ... وبنشوف كلنا شقق تلاقي الصرف أو المياه ناشعه فيها وحاجه تقرف ..

وأشتريت كمان البريكرز " المفاتيح الكهربائية الكبيرة اللي بتبقى في اللوحة الرئيسية " وبصراحها سعرها خرافي ... ألماني ماركة ABB والمفتاح حسب الأمبير بتاعه يتراوح ما بين 8 إلى 15 ريال للمفتاح .... وكمان أشتريت أطقم خلاطات المياه بتاعت بلدها ... وشحنت كل ده على مصر ...

حتى الصنايعية اللي كانوا بيركبوا الحاجه دي .. أنبهروا من الجوده العالية بتاعتها خصوصاً أسلاك الكهربا ...

أما من مصر فأشتريت أبواب الغرف وباب الشقة .... وصاحب العمارة عندي أساساً مهندس ونصحني إني أنزل أشتري الأبواب من شركات إستيراد في حي الرويعي في العتبه " خلف حلواني تسيباس " وفوجئت إن الخشب الأندونيسي والصيني مالي الدنيا ... ولما تيجي تقارنه بالمصري .. ما فيش وجه للمقارنة ..

فالأندونيسي والصيني مصنوع من خشب الماهوجني او بيسموه في السوق " موجنا " والمصري غالبيته خشب سويدي أو موسكي اللي بيبقى لونه أبيض وتحس إن الباب من دل عيان ولونه مخطوف ...

وصنعة إيه وتقفيل إيه ... يكفي إن الشركة بتوريك على الطبيعة قطاع داخلي للخشب اللي معمول منه الباب .. والباب كله قطعة واحده ... ما هواش عبارة عن إطار وهيكل خارجي ومتثبت عليه أبلكاش وسلامتك يا حج ...

وأشتريت الباب بـ 500 ج ... وتحس إنه تقيل زي الداهيه .. كمان لا محتاج صنفرة ولا تعديل عند الدهان .... وخشب طبيعي 100 % . عشان كده لما بيتدهن ويتشطب كويس بيبقى روعه ...

أما عن إكسسوارات الأبواب ففي حاجات في الرويعي في منتهى الروعه والشياكة .. هي غالية شويتين إنما ممتازة ...

وأشتريت كمان السيراميك ... وكلمة للحق ... مصر فيها شركات سيراميك .. بصراحة ... عاليه قوي قوي قوي قوي ولو عندنا سياسة تسويقية خارجية كويسة كنا زماننا أستولينا على أسواق السيراميك في العالم ...

وتأتي في مقدمة تلك الشركات حسب الجودة والمتانة والتنوع في الأشكال ...

كليوباترا بتاعت أبو العنين ...

الجوهرة بتاعت الفتى الذهبي احمد عز ..

سيراميكا رويال ... بتاعت مُهند بتاع مسلسل سنوات الضياع (IMG:http://www.egyptiantalks.org/invb/style_emoticons/default/laugh.gif)

وبعد كده أردم بقى

والأسعار والله محترمه قوي وفي متناول الجميع ...

يعني تلاقي متر البورسلين يتراوح ما بين 50 - 75 في المتوسط

والسيراميك ما بين 30- 50

وبصراحة كنت أقارن بين مكانين في القاهرة اشتري منهم ...

السلاب .. وله عدة أفرع أقربها لي في مكرم عبيد بمدينة نصر

ومول فخم قوي إسمه " محجوب " وده على ناصية مكرم عبيد برضوا في التقاطع مع مصطفى النحاس ...

وناس نصحوني بمكان تجمع محلات إسمه " منطقة المهاجرين " ودي تقع في منطقة زهراء عين شمس بالقرب من مصنع شيكولاته كوفرتينا بجسر السويس وهناك ييجي 100 محل

وبصراحة .. أسعارهم حنينه قوي قوي قوي وبتفاصل كمان ... وكل نوع سيراميك يا جماعه له كود ... يعني تروح السلاب تروح مش عارف فين .. هو هو نفس الكود والجوده والخامة ... ولقيت إن هناك فرق أسعار في منطقة المهاجرين عن المعارض الكبيرة دي .. ما لا يقل عن 7 جنيهات في المتر الواحد ... يعني ساعات بتوصل 20 % فرق أزيد في السلاب ..

مع كميات كبيرة ... يبقى الواحد أولى إنه يتشري من المنطقة دي ..

بصراحة عندهم طريقة عرض ما تخلكش تحتار وتحاول توفق ألوان سيراميك مع بعضها خصوصاً للحمام والمطبخ .. فبتلاقي عندهم تابلوهات جاهزة ..

أما أطقم الحمامات بانيوهات بقى وتواليت وكده ... فعند محجوب بالذات ده أرخص وأحلى

وأشهر 3 ماركات لأطقم الحمامات وتشتري وأنت مغمض

أيديال ستاندرد ... بس ده بيلعب لوحده في منطقة الأسعار وحاجاته غاليه قوي .. ويعتمد على الجودة وليس التنوع في أشكاله وديكوراته وهو راضي بكده ...

دورافيت ..... دي ماركة ألمانية .. وتنتهج نفس أسلوب أيديال ستاندرد ..

كليوباترا .... بصراحة جوده وأشكال تحفه وخامه أيضاً ...

وللحديث بقيه

اي خدمه :lol:

اقولكم على طريقة رهيبة تجيبوا بيها الردود القديمه ؟

موجوده في الكاش ميموري بتاعت المتصفح .. للاسف لاني بستخدم موزيلا فايرفوكس في التصفح فمعرفتش استرد منه شيء يذكر لكن الي عنده الاكسبلورر هتلاقوا كل المواضيع موجوده انتم بس خلوه على خاصيه العمل دون اتصال (work offline) وافتحوا الهيستوري وشوفوا آخر مواضيع دخلتوها قبل المعمعه وهتلاقوها كلها محفوظه زي ماهي ..

ياريت الله يكرمكم بقى زي مادليتكم على الطريقة تشوفوا لي رد كنت كتبته في موضوع اعلان الحجاب الي بقول في آخره اللهم قد بلغت اللهم فاشهد اصلي محتاجاه لو حد عنده الرد ده محفوظ في الكاش ميموري ياريت ( يلافيني ) بيه عشان ارجع ( ارزعه ) في الموضوع تاني بما اني مش ناويه افتح فيه كلام مرة اخرى ..

شارك هذه المشاركه


رابط المشاركه
شارك

س س

معلش سؤال على هامش المؤتمر :rolleyes:

هيا مش الديكورات دي = الزيادة

زي الكرانيش عمدان ارشات حاجات كدا؟

والا الديكورات تشمل التشطيب الاساسي؟؟ :blink:

معلش اصل انا مخي على قدي في الموضوع دا wst::

شارك هذه المشاركه


رابط المشاركه
شارك

الدكتور شعنونه هنا ؟

يا مرحب بالتليفزيون يا مرحب

لأ يا نونا ...

شوفي

النفر مننا بيشتري الشقة غالباً على المحارة ومتركب لها حلوق خشب للأبواب فقط ومتمدد المواسير الرئيسية للكهربا في الحيطه والسقف بس دي بالذات مستحيل تلاقيها ترضي ذوقك ولازم تكملي عليها

بتجيبي بقى مكتب متخصص يسلمك الشقة عالمفتاح من الالف الى الياء سميها تشطيب سميها ديكورات اي حاجه

ومكاتب كتير ما بترضاش تشتغل الا بنظام " مونه واجره " يعني هو يشتري المواد الخام اللي انتي عاوزاها واللي بتتفقوا عليها بس في الحالة دي تقريباً بيضيف على سعادتك عمولته والتي تبلغ في بعض الاحيان 20 % من قمية فواتير شراء المواد الخام

بيسموه نظام

cost plus

وخلي بالك مازلت أنا اللي هاحاسب الصنايعية اللي هايجيبهم بس بيبقوا تبعه وبينفذوا رسوماته

وبياخد منك أتعاب رسومات الديكور والتشطيب وزي ما قلت لك رزعوها في وشي وكان المهندس عاوز 30 الف في الرسومات ... ولما ما وافقتش على الكوست بلص .. قال لي طب هاخد منك فلات امونت وهو 40 الف .. فقلت له ابقى سلم لي على ماما

فأنا كده سعادتك اتفقت مع مكتب محترم هاشتري أنا المواد الخام وأحاسب الصنايعية وهو يعمل رسومات ويشرف على الصنايعية ويستلم منهم الشغل وانا بس أبقى ممول فقط .

------------------------------

شكراً جداً يا مدام ضحى على المداخلة اللي جبيتها دي وهاعمل محاولة في الاوف لاين يمكن تنفع أحسن نفسيتي كانت تعبانه من المداخلات اللي راحت خصوصاً مجهود مدام طنط ماما نونا - امنا كلنا :rolleyes: - الست تعبت معانا بصراحة ربنا يديها الصحة .. لكن مداخلاتها خرجت في حركة التطهير الأخيرة ويارب نلاقي طريقه ونرجعها .

شارك هذه المشاركه


رابط المشاركه
شارك
اي خدمه :rolleyes:

اقولكم على طريقة رهيبة تجيبوا بيها الردود القديمه ؟

موجوده في الكاش ميموري بتاعت المتصفح .. للاسف لاني بستخدم موزيلا فايرفوكس في التصفح فمعرفتش استرد منه شيء يذكر لكن الي عنده الاكسبلورر هتلاقوا كل المواضيع موجوده انتم بس خلوه على خاصيه العمل دون اتصال (work offline) وافتحوا الهيستوري وشوفوا آخر مواضيع دخلتوها قبل المعمعه وهتلاقوها كلها محفوظه زي ماهي ..

ياريت الله يكرمكم بقى زي مادليتكم على الطريقة تشوفوا لي رد كنت كتبته في موضوع اعلان الحجاب الي بقول في آخره اللهم قد بلغت اللهم فاشهد اصلي محتاجاه لو حد عنده الرد ده محفوظ في الكاش ميموري ياريت ( يلافيني ) بيه عشان ارجع ( ارزعه ) في الموضوع تاني بما اني مش ناويه افتح فيه كلام مرة اخرى ..

انا حاولت لكن الجهاز عامل زي اللي فقد الذاكرة وعمال يغنيلي

"ودع هواك وانساة وانساني ... عمر اللي راح ما هيرجع تاني"

كل اللي حيلتي شوية ملاحظات كنت بأسجلها في مذكراتي

علشان لو سين سين عمل امتحان مفاجيء اكون جاهز بالبرشام وكدهوت

لكن طبعا مش هتكون بجمال الموضوع الاصلي لان "ابو عمر"

ملوش حل في طريقة كتابتة ورشاقة خطوتة .قصدي اسلوبة

شكرا يا ضحي هانم علي الهدية الجميلة دي

وان شاء اللة كلة يرجع تاني

وعلي راي المثل

العلم في الراس

والكتب في الفجالة

تم تعديل بواسطة عبقرينو

شارك هذه المشاركه


رابط المشاركه
شارك

انا برضوا حاولت ارجع بلاك فاش قصدي فلاش باك وجبت الهيستوري بتاع اسبوعين فاتوا ولكن للأسف مالقتش حاجه

يالا حصل خير ...أنا اسخن بس وارجع زي الاول واحسن

شارك هذه المشاركه


رابط المشاركه
شارك
انا برضوا حاولت ارجع بلاك فاش قصدي فلاش باك وجبت الهيستوري بتاع اسبوعين فاتوا ولكن للأسف مالقتش حاجه

يالا حصل خير ...أنا اسخن بس وارجع زي الاول واحسن

واحنا في انتظار رجوعك :blink:

عقلي الباطن ...

"ياما كان نفسي اخش عليك بمداخلتين كانوا اتمسحو ولاحتي اتنين كيلو برتقال وافرح قلبك زي ماانت كتييير فرحتنا"

تم تعديل بواسطة عبقرينو

شارك هذه المشاركه


رابط المشاركه
شارك
طب معلش يا س س

خدني على قد عقلي برضه :wub:

هوا انه ارخص

انك تاخد الشقة ع المحارة وتشطبها

والا انك تشتريها متشطبة جاهزة؟ wst::

بالظبط زي ما تشتري عيل شحط عنده 15 سنة ....

ولا تربيه أحسن من وهو صغير على أديكي

هههههههههههههه

تشطبي طبعاً يا شعنونه على إيدك .. لإن الشقة المتشطبة غالباً اللي هايبان لك الحاجات الظاهرة فقط ... الدهان مش عارف إيه الحاجات دي كلها ...

لكن الأساسات زي السباكة والكهربا الداخلية وما إلى ذلك مش هاتبان ...

كمان بيبقى صعب قوي حد يبيع لك شقة متشطبة ويبقى قلبه عليكي ويجيب لك مواد خام كويسه ....

اللهم إلا بقى لو كنتي شاريه في الرحاب مثلاً أو مدينتهم ... وفي عقد بينص صراحةً على المواد الخام المستخدمة بحيث لو حصل حاجه خلال فترة معينه أقدر أخلع عنيهم وأقول لهم إنتو غشتوني ....

شارك هذه المشاركه


رابط المشاركه
شارك

السلام عليكم

الاخوة الاعضاء الكرام

نرجع تانى لموضوع الجبسون بورد بتاع عمو سى السيد

اخيرا لقيت الصور ال راحت واهه برفعها تانى

نبتدى

بسم الله

صورة تاج جبس

26v9bnioi.jpg

صورة ل صرة النجف

4esdhpqt8.jpg

صورة للجبسون بورد او بيت النور

o5ovl14il.jpg

صورة الكورنيشة

n4ju8s4ha.jpg

صورة لجبس المدخل

rn67dyadg.jpg

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • حكاياتي

      حواديت يا بيه حكايات يا هانم بنص جنيه قرب يا هايم المهنة إيه ؟ شاعر سلالم يا سلام عليه فـ الحب حالم .................. بكتب في الهوى أجمل حكاوي وكله في الهوا أسمع يا غاوي كتاباتي وحواديتي في الحب وايامه عن كيتي وكتاكيتي عن قلبي وأحلامه عن عمر ضيعته بأكتب فوق السطور عن حب صنعته لقلب كان مغرور أخر كلام : ما بين قلمي وحواديتي أحلام وأحزان وبين هذه وتلك تنتحر العبارات!!! [/align]

      في أدب و شعر و قراءات

×
×
  • اضف...