المصريين المغتربين بالكويت

[freshengbadr]

شاكر افضالكم جدا يا جماعة بس انا شايف كل واحد من الاخوة الافاضل بيكلمنى عن السكن يظهر انكم مقرتوش كلامى كويس انا قايل ان السكن علي الشركة والانتقالات كمان عليهم الاتوبيس هياخدنى ويودينى يعنى كل اللى محتاج اعرفه مصاريف اكلى وشربى ومعيشتى هناك هتوصل لكم يوم ما اقول انى صرفت مع العلم انا عارف ان الراتب قليل شوية بس هو دة سعر حديث التخرج دلوقتى وهى فرصة بالنسبالى احسن من العروض اللى بتجيلى من السعزدية على 3000 ريال والسكن ساعات بيبقى عليا انا ومتنسوش انهم منتهزين فرصة اوضاع البلد هنا ومموتين الرواتب

انا بس عايز اعرف انا بطولى هصرف كم من 261 دينار اكل وشرب ولبس وعلاج لا قدر الله واوفر كم؟

[freshengbadr]

شاكر افضالك يا حاج فوزى على تقديم يد المساعدة لى واكيد لو ليا نصيب وجيت هبقى على اتصال بحضرتك لازم اخد خبرة من الناس اللى بقالها فترة هناك فى كيفية التعامل واعرف البلد كويس وازاى اقضى احتياجاتى بس هو حضرتك لو فعلا عايزة تساعدنى عايز اعرف الشركة دى اوضاعها المادية مستقرة ولا لأ؟ليها فعلا اتوبيسات بتنقل العاملين ولا لأ؟السكن بتاعهم نضيف ولا اى كلام؟وهل كل السكن هناك مكيف طبعا انتوا عارفين الصيف؟

وبعدين فى مشورة صغيرة كدة انا بفاكر لو ربنا اراد انى اجى هقعد مدة السنتين بتوع العقد بتاعى على بعضها مش هنزل مصر فى اول سنة وبعد تانى سنة اعدل العقد بتاعى اما ييجى يتجدد اشوف هيرفعولى الراتب ولا لأ؟وساعتها انزل مع العلم انى 24 سنة يا جماعة واعزب

[الغريب]

شاكر افضالكم جدا يا جماعة بس انا شايف كل واحد من الاخوة الافاضل بيكلمنى عن السكن يظهر انكم مقرتوش كلامى كويس انا قايل ان السكن علي الشركة والانتقالات كمان عليهم الاتوبيس هياخدنى ويودينى يعنى كل اللى محتاج اعرفه مصاريف اكلى وشربى ومعيشتى هناك هتوصل لكم يوم ما اقول انى صرفت مع العلم انا عارف ان الراتب قليل شوية بس هو دة سعر حديث التخرج دلوقتى وهى فرصة بالنسبالى احسن من العروض اللى بتجيلى من السعزدية على 3000 ريال والسكن ساعات بيبقى عليا انا ومتنسوش انهم منتهزين فرصة اوضاع البلد هنا ومموتين الرواتب

انا بس عايز اعرف انا بطولى هصرف كم من 261 دينار اكل وشرب ولبس وعلاج لا قدر الله واوفر كم؟

مصاريفك الشخصية بحسب شخصيتك

إنما تقدر تقول كدة من 50-100 ، وأنت ومصاريفك بقى

ربنا يوفقك

[الحاج فوزى]

عزيزى الغريب اشكر لك ادبك الجم

تحياتى وتقديرى

الاخ الفاضل

الشركة معروفة وكبيرة وحكومية ولا غبار عليها

وتعينك هو تعين شبه حكومى على راتب يسمى. راتب مقطوع اول درجات الوافدين

فقط النصيحة قبل ان تدفع اىق شىء لشركة السفريات ارسل لى صورة الزيارة التجارية او تصريح العمل وساتاكد لك م

كل شىء اولا.

من

[freshengbadr]

متشكر جدا يا حاج فوزى على معلوماتك اللى ريحتنى كتير انا بكلامك دة هستخير ربنا واتوكل على الله واول ما استلم جواب عدم الممانعة والعقد هحاول انى اتصل بيك وابعته لحضرتك

[freshengbadr]

يا ريت حضرتك تعرفنى ازاى اتواصل مع حضرتك؟

[freshengbadr]

انا بس حابب استفسر عن حاجة هل هيبقى سهل لو حبيت اتنقل من شركة مطاحن الكويت دى وهى اشراف حكومى لاى شركة قطاع خاص ولا صعب زى ما سمعت؟وهل لو حبيت انى اشتغل شغلانة تانية بعد الدوام من غير ورق او اى حاجة كصيانة التكييفات مثلا انزل كاجوال كدة فى مكان ما فيها مشكلة او ضرر عليا؟

[الحاج فوزى]

ابعت لى الصورة على الايميل اول ما توصلك

بالنسبة للتحويل بيكون بعد سنة بشرط موافقة الشركة او بعد 3 سنوات بدون موافقة الشركة

بخصوص العمل بعد الدوام الرسمى هو غير قانونى على الرغم من وجود نسبة كبيرة من العمالة تقوم بالعمل بهذة الطريقة

اعمل الاستخارة وربنا يرشدك للى فيه الخير

وزى ما قلتلك اول ماتوصلك الزيارة اة التاشيرة ابعت لى صورتها. على الايميل

[freshengbadr]

طيب ايميل حضرتك ايه ازاى اتواصل مع حضرتك يا حاج؟

[الحاج فوزى]

ارسلتهولك على الخاص

[تامر مصطفى]

يا اهالي مصر في الكويت

كل عام وانتم بخير

اخبار الانتخابات ايه؟

طيب انا معرفش حد من المرشحين

ولا حتى اعرف اسماء الاحزاب والا انتماءاتها

والمفروض اني اروح اصوت في المرحلة الثانية

ايه العمل؟

[ميدو علام]

برجاء التركرم بالافاده انا اسمى محمد اعمل فى مصر فى مجال خدمة العملاء والتسويق العقارى براتب محترم جيلى عرض من خلال واحد موجود بالكويت بشركة الخرافى براتب 420 ارجو من سيادتكم الترم بالافاده والنصيحه هل العرض مناسب واخبار المعيشه مع العلم بان العمل شامل السكن فقط اما الاكل عليه انصحونى اعمل ايه ياهل الخبره مستنى النصيحه برجاء الاهتمام والنصيحه لخوكم فى مصر

[herohero]

أستاذ تامر الامور محتاجه بحث شوية عموما ده لينك فيها قائمة بأسماء الاحزاب في مصر وهتلاقي لينك لبعضها

http://www.eip.gov.eg/Directories/Directory.aspx?id=56

ع الرغم من ان القوائم المشهورة اما اخوان او سلفيين او الكتلة المصرية

وعموما لو انت عاوز شخصيات أمثال فاروق الباز - عمار الشريعي - سكينة فؤاد - محمد ابو الغار - محمد غنيم

فعليك وعلى قائمة الكتلة المصرية

[الغريب]

يا اهالي مصر في الكويت

كل عام وانتم بخير

اخبار الانتخابات ايه؟

طيب انا معرفش حد من المرشحين

ولا حتى اعرف اسماء الاحزاب والا انتماءاتها

والمفروض اني اروح اصوت في المرحلة الثانية

ايه العمل؟

روحت انتخبت في السفارة في مجمع السفارات بالدعية والأمور كانت زي الفل ، بداية من عساكر الأمن على مجمع السفارات وحتى الموظفين في السفارة كانوا أجمل مما تتخيل من الذوق والأدب والمساعدة وهنزلك صورتهم

بالنسبة للقوائم سهل جدا أنك تتعرف على الأحزاب من خلال برامجهم الانتخابية على مواقعهم بالأنترنت

بالنسبة للفردي يمكنك الإختيار بخلفية المعرفة الشخصية للمرشحين لو أنت تعرفهم أو تنتخب مرشحين الأحزاب في الفردي أيضا بناء على برامج أحزابهم

مش هوصيك بقى (الحرية والعدالة) ها ;)

برجاء التركرم بالافاده انا اسمى محمد اعمل فى مصر فى مجال خدمة العملاء والتسويق العقارى براتب محترم جيلى عرض من خلال واحد موجود بالكويت بشركة الخرافى براتب 420 ارجو من سيادتكم الترم بالافاده والنصيحه هل العرض مناسب واخبار المعيشه مع العلم بان العمل شامل السكن فقط اما الاكل عليه انصحونى اعمل ايه ياهل الخبره مستنى النصيحه برجاء الاهتمام والنصيحه لخوكم فى مصر

ميدو حبيبي

ممكن تفاصيل أكتر وأنا هجاوبك بحسب معرفتي

يعني تذكرلنا مؤهلك وسنوات خبرتك أد أيه وظروفك في مصر أيه وحالتك الإجتماعية أيه

والعرض المقدم لك أيه تفاصيله وضماناته

علشان أقدر أحكم أنهي أفضل من وجهة نظري

تحياتي ومنتظرك

[تامر مصطفى]

المشكلة يا غريب عندي هي مشكلة انعدام ثقة

احساسي ان مفيش ولا حزب او فصيل او جماعه بيعمل لصالح مصر

الكل وضع مصالحه اولا

اتصلت بالوالد علشان اسأله عن افضل المرشحين في دائرتنا

فرد وقالي كلهم حرامية

بفكر جديا اني ابطل صوتي

[pocy]

السلام عليكم ورحمه الله وبركاته ..........

.....كنت ادخل كل فتره حتى اطمئن على مكانى المحبب .....وعلى ركنى الهادى فى المحاورات كنت استمتع بالردود واود ان اشكر اخى الفاضل الغريب عن رده وتفاعله مع كل اسئله الوافدين على الصفحات ............

ولكنى وجدت ان هناك موضوع لم نبحثه قتلا كمان نقول فى الصفحات السابقه وهو عن الولاده فى الكويت ماهى مميزاتها وما هى عيوبها وما الافضل .........؟؟؟؟؟؟

اولا مميزات الولاده فى الكويت :(فى مستشفي حكومى طبعا تابع لمنطقتك)

1- غير مكلفه اطلاقا ......... هم 2 دينار الطابع الاول وبس .........

2- هناك رعايه طبيه لمستها بنفسي خلال ولادتى القيصريه لى ولطفلي .........

3- اجراءات الاقامه هنا اسهل واسرع .........

4- عمل كافه التحاليل الازمه للطفل والام قبل الخروج من المستشفي للاطمئنان عليهم ولا يسمح لهم بالخروج الا بعد ظهور النتائج وتكون ايجابيه .....

5- مش هتلاقي ممرضات بالمئات واقفين عايزين الحلاوه وكل واحده تديها 10 جنيه ولا 20 وتبصلك من فوق لتحت ومش عاجبها ......

ثانيا عيوب الولاده فى الكويت :

1- افتقاد الاهل الشديد والاحسساس بالسعاده باللمه والفرحه بالمولود السعيد ........

2- افتقاد المساعده من اهل الخبره من الاهل او الجيران او الاصدقاء .............

3- يمكن للوالده ان تكون فى جناح او حجره خاصه وتدفع على الليله خمسه دينار ....او تكون فى غرفه او كما نسميها فى مصر عنبر به اربع سراير كل واحده يبعد عن الاخر ومفصول عن الاخر بستائر يمكن ازاحتها إذا ارادت ........( دى مكنتش مشكله بالنسبه لى بس البعض بيعتبرها مشكله انه مش ليه غرفه خاصه بس ده علاج حكومى وبصراحه انا شوفت المستشفيات فى مصر لو عندها عنايه زى دى هتبقي بالالافات )

بالنسبه للطفل لو لا قدر الله احتاج حضانه فاكيد وبقول اكيد هتلاقي حضانه فى الكويت اما فى مصر فهتلاقي للى يدفع اكتر ودى مشكله واجهتها سلفتى فى مصر مع انها كانت فى مستشفي خاص بس قالولها مفيش حضانات والطفل مولود فى السابع ولفي في المستشفيات على حضانه للولد وفى الاخر لقوا حضانه بالف جنيه فى اليوم وقعد 18 يوم تخيل الرقم ده ده غير ادويه وحقن كانت غاليه جدا اما فى الكويت مكنش في ابدا ازمه حضانات ولله الحمد .........)

ولى عوده أذا تذكرت اى شئ قد نسيته .....إن شاء الله

تم تعديل 28 نوفمبر 2011 بواسطة pocy

[pocy]

كل صوت مهم ولازم كلنا ندى أصواتنا لو مش عارف شوف انت ميال لاى حزب ومقتنع بيه

انا شخصيا مقتنعه بحزب العداله والحريه ...........

[الغريب]

السلام عليكم ورحمه الله وبركاته ..........

.....كنت ادخل كل فتره حتى اطمئن على مكانى المحبب .....وعلى ركنى الهادى فى المحاورات كنت استمتع بالردود واود ان اشكر اخى الفاضل الغريب عن رده وتفاعله مع كل اسئله الوافدين على الصفحات ............

ولكنى وجدت ان هناك موضوع لم نبحثه قتلا كمان نقول فى الصفحات السابقه وهو عن الولاده فى الكويت ماهى مميزاتها وما هى عيوبها وما الافضل .........؟؟؟؟؟؟

جزاك الله خير يا أم عمر على المعلومات المفيدة

لو تكرمت لي بعض الاستفسارات :

1- بالنسبة للولادة القيصرية أنا سمعت أنه يفترض أن تقوم السيدة الحامل بالحجز قبلها بفترة وتخبرهم بأنها تلد قيصري (إذا كانت تلد بنفس الشكل قبل ذلك) ، فهل هذا الأمر صحيح أم أنها تقوم بالذهاب مباشرة عندما تستشعر آلام الولادة وهم يحددوا الإجراء المناسب سواء طبيعي أم قيصري دون النظر لحالات الولادة السابقة ؟

2- هل يفترض المتابعة مع المستوصف التابعة له الحامل لعمل ملف ، ومن الشهر الكام ، وهل فعلا هناك من يتابع في المستشفى نفسها لأن الرعاية أفضل ؟

آسف للإطالة وشاكر ليكي

تحياتي...

[تامر مصطفى]

أستاذ تامر الامور محتاجه بحث شوية عموما ده لينك فيها قائمة بأسماء الاحزاب في مصر وهتلاقي لينك لبعضها

http://www.eip.gov.eg/Directories/Directory.aspx?id=56

ع الرغم من ان القوائم المشهورة اما اخوان او سلفيين او الكتلة المصرية

وعموما لو انت عاوز شخصيات أمثال فاروق الباز - عمار الشريعي - سكينة فؤاد - محمد ابو الغار - محمد غنيم

فعليك وعلى قائمة الكتلة المصرية

شكرا يا هيرو على اهتمامك

بس اللينك ده مفيش فيه غير اسماء وعناوين الاحزاب فقط

وعاش من شاف مشاركاتك

طيب انت هتنتخب مين؟

تم تعديل 28 نوفمبر 2011 بواسطة تامر مصطفى

[herohero]

أستاذ تامر الامور محتاجه بحث شوية عموما ده لينك فيها قائمة بأسماء الاحزاب في مصر وهتلاقي لينك لبعضها

http://www.eip.gov.e...tory.aspx?id=56

ع الرغم من ان القوائم المشهورة اما اخوان او سلفيين او الكتلة المصرية

وعموما لو انت عاوز شخصيات أمثال فاروق الباز - عمار الشريعي - سكينة فؤاد - محمد ابو الغار - محمد غنيم

فعليك وعلى قائمة الكتلة المصرية

شكرا يا هيرو على اهتمامك

بس اللينك ده مفيش فيه غير اسماء وعناوين الاحزاب فقط

وعاش من شاف مشاركاتك

طيب انت هتنتخب مين؟

اه ماهو اللينك ده فيه الاحزاب وفيه منها بيبقى حاطط اللينك بتاعته مكنش يبقى هتدور ع موقعه وتشوف اعضئه وبرنامجه

بالنسبة ليا انا مع الكتلة المصرية عشان لقيت فيه شخصيات بحترمها وبحترم فكرها في الاحزاب اللي موجوده ف القائمة بتاعت الكتلة المصرية

http://www.elkotlaelmasreya.com/