المصريين المغتربين بالكويت

[aboutabeakh]

يا جماعة مفيش فرق زى ما قولنا بين مصرى كويتى كلنا اخوة وعرب ومسلمين ومفيش اى حساسيات وساعة ما نتكلم بنظرة حيادية تحليلية لفايدة الجميع سواء بعيوب بعض الأخوة الكويتة او محاسينهم او الأخوة المصريين بعيوبهم ومحاسنهم واتكلمى اختى حمال الأسية بمنتهى الحرية وباستفاضة كمان والله انا ما شعرت انك زى بعض الكويتة تظهرى المصريين بعيوب وحشة لكنك بتذكرى تجاربك زى ما اختنا ام عمر بتذكر تجاربها والكل مجمع على زى ما فيه هنا ناس كويسة ووحشة هناك بردوا فى ناس كويسة ووحشة

[قلب ابيض]

صلوا عالنبى يا جماعه كده ....حصل ايه ؟؟

:D حمال الاسيه يا قلبى ..مدوخانى وراك من سى السيد للمغتربين استنى فى حته شويه خلينى ارد عليك

طب انتو قلتو نتكلم عن الايجابيات شويه ...تقصدوا ايجابيات المصريين ولا الكويتين ؟؟؟؟

حد يشاور لى بس

[pocy]

صباح جميل عليكم بشويه سمك صغنين جدا لسه مولودين امس والحمد لله

حد يقلي مبرووووووووووووووووووك السمك اللى عندى ولد ههههههههههههههههههههههههههه

ماما قلب ابيض والله انتى عسل اكيد عايزين الاجابيه من ناحيه المصريين

استاذي الفاضل غريب اظن ان نجعل اختنا حمال الاسيه تحكى مواقفها معانا يمكن ان يكون هناك سوء فهم ونعاجله او يكون بنا شئ نفعله ولا نعلمه بسبب العادات والتقاليد المختلفه اتمنى انك تكون فهمتنى

ويالا سلام علشان اشوف الحضانه اللى عندى والسمك عامل فيها ايه ؟؟؟؟؟؟

[Simba]

حد يقلي مبرووووووووووووووووووك السمك اللى عندى ولد ههههههههههههههههههههههههههه

السمك بيولد ازاي بس يا مدام بوسي اللي ومن معلوماتي من فيلم البحث عن نيمو انه بيبيض

ف لو كان عندك بيض للسمك هاتيه نعمله كافيار

[Simba]

من اخر اخبارنا في الكويت

للاسف جثة الاسيوية اللي لقوها في معرض الكتاب القاتل طلع حارس مصري في المعرض

من يومين في خيطان شقة اتحرقت والام المصرية قدرت تنقذ طفلها المعاق 19 سنة لكن ابنها اللي عمره خمس سنين اتوفي ربنا يصبرها

امس اتقلبت سيارة جيب فيها 6 مصريين اتوفي منهم اربعة واتنين مصابين والبقاء لله وحده

[تامر مصطفى]

استاذ تامر ممكن اسالك سؤال بمانك مدرس ليه زودوا يوم التلات ما الهدف منه لانى عايزه اناقشك فى الموضوع ده وهل سيطبق العام الدراسي القادم نظام تطويل اليوم الدراسي الى الساعه 3 عصرا ها هذا صحيح ام انها مجرد شائعات ؟؟؟؟؟؟؟؟؟؟؟؟؟؟؟؟ ارجوا التوضيح

صباح الخير عليكم جميعا

بالنسبة لزيادة الدوام يوم الثلاثاء فهي تمهيد لزيادة الدوام يوميا

والسبب المعلن لزيادة يوم الثلاثاء لغاية الساعة 2 هو ممارسة النشاط والوزارة مصممة على انجاح هذه الزيادة رغما عن انف الجميع

وبالنسبة لنا فالنشاط المدرسي حاليا هو عبارة عن ساعة كاملة من الفوضى وهي بمثابة اطاله للفرصة ولا يوجد نشاط حقيقي ولهذا عدة اسباب

اولها ان المدارس غير مجهزة لمزاولة الانشطة فلا توجد ادوات تساعد على النشاط

ثانيا مدرستنا مثلا فيها الف طالب تقريبا وبها 12 قسم لو فرضنا ان مجموع الانشطة 20 مجال فان المتاح للمجال الواحد هو 20 طالب وبهذا يكون عدد الطلاب الملتزمين بالتواجد في النشاط 400 والباقي 600 طالب ليس ورائهم غير افتعال مشكلات وزيادة كمية القمامة في الساحات

ثالثا لا توجد ميزانية للنشاط في حين ان النشاط يستهلك كمية كبيرة من الاوراق واحبار الطابعات وشراء معدات واجهزة ومواد مستهلكة كثيرة

رابعا ان المدارس في وضعها الحالي بيئة طارده للطلاب ونحن نشعر بالطالب بعد الساعة 12 ظهرا يبدأ بالتعب والملل ونقص التركيز لدرجة انه هناك نشرة رسمية تمنع اعطاء حصص الرياضيات في الحصة الاخيرة

خامسا من المفترض ان يكون النشاط مجال لاستكشاف مواهب الطلاب المختلفة وتوظيفها وكذلك تفريغ الطاقات الكامنه داخلهم في اعمال مفيدة ومحببة للطالب بعيدة عن روتينيات المناهج وجمودها ولكن الحقيقة انه لا يوجد معلم واحد تم تدريبه على ذلك وكل ما يفهمه المعلمون عن حصة النشاط انه يقوم بشرح اجزاء من المنهج الخاص بمادته.

سادسا كل معلم يكلف بحصة النشاط يعتبر نفسه معاقبا ومسجون لمدة ساعة فهو يتحمل اعباء كبيرة جدا من متابعة الطلاب وتصحيح الكتب ومراجعة الواجبات ورصد الدرجات وتجهيز الاختبارات والتحضير والبيع في المقصف المدرسي والمناوبة على مراقبة وحل مشكلات الطلاب في عز الشمس والحر وتجهيز وشراء الوسائل التعليمية من حسابه الخاص والتشتت ما بين طلبات رئيس القسم والمدير والموجه والوكيل والموجه الاول والمراقب ومدير المنطقة ووكيل الوزارة وصولا الى وزير التربية وبعد ذلك مطالب بتنفيذ النشاط ومتابعته فماذا ننتظر منه؟

سابعا اصبح نهاية دوام يوم الثلاثاء مأساة حقيقية وفعلية حيث ان الزحام المروري يصل الى ذروته في الساعة الثانية ظهرا وهذا عقاب ايضا لأولياء الامور والمعلمون بل وموظفين الدولة عموما

وبالرغم من تلك المساوئ ومعارضة المجتمع ككل لفكرة الاطالة الا انه هناك اصرار شديدددددد على التنفيذ ولتدعيم هذا الاصرار نحن مكلفون اسبوعيا بعمل تقرير مدعم بالصور عن مدى وصول حصة النشاط لقمة النجاح والتميز وكذلك عن مدى سعادة المعلمين والطلاب بالنشاط ورغبتهم العارمة في زيادة المساحة المخصصة للنشاط لتصبح يوميا بدلا من مرة في الاسبوع

واللي يعمل غير كده فالتقرير من الاساس مش هيخرج من المدرسة ويحظى صاحب الحقيقة بالويل والكراهية واتهامة بالاساءة الى سمعة المدرسة والمنطقة التعليمية والوزارة

كان الله في عون طلابنا وفي عون المعلمين وفي عون اولياء الامور

[saramath]

استاذ تامر ممكن اسالك سؤال بمانك مدرس ليه زودوا يوم التلات ما الهدف منه لانى عايزه اناقشك فى الموضوع ده وهل سيطبق العام الدراسي القادم نظام تطويل اليوم الدراسي الى الساعه 3 عصرا ها هذا صحيح ام انها مجرد شائعات ؟؟؟؟؟؟؟؟؟؟؟؟؟؟؟؟ ارجوا التوضيح

ثالثا لا توجد ميزانية للنشاط في حين ان النشاط يستهلك كمية كبيرة من الاوراق واحبار الطابعات وشراء معدات واجهزة ومواد مستهلكة كثيرة

السلام عليكم

تصدق رغم اني نادرا ما بشارك وبكتفي بمتابعه المشاركات بالقراءة فقط بس حسيت ان قلبي وقع لما قريت جملة ميزانية وقلت لازم استفسر؟

هو المفروض ورق ال بطبعه للتلاميذ ال بيخص النشاط زي نشاط التلوين مثلا او المجمسات الهندسية ال بشتريها للمسابقات والهدايا ال بتتوزع والحاجات دي يبقي من ميزانية المدرسة؟؟؟

wst:: اانا اتضحك عليا ولا ايه علبتين الحبر ب11 دينار مش بتقعد اسبوعين ولا تلاته وبتخلص على التحضير والوسائل ومؤخراا ما يسمي بالنشاط

ال بنحضر له قبلها بيوم ولا كأنه حصة من خطه ووسائل وهدايا

:ninja:

تم تعديل 26 أكتوبر 2010 بواسطة saramath

[قلب ابيض]

صبااااح الفل

صباح خاص جداااااا

صباح الخير يا مصـــــــــــــــــــــــــر

http://www.youtube.com/watch?v=KfPhTM-0Mbc

[نور السما]

حابب اقول يا جماعة المحاورتية من جميع الجنسيات العربية ان كل عربي مصرى و فيه جزء مصرى نسبة الى امنا هاجر زوجة سيدنا ابراهيم ابو سيدنا اسماعيل ابو العرب كانت ستنا هاجر مصرية يعنى اساس العرب مصرى فعشان كده كل عربي لازم يحن للمصرى لان الطبيعى ان الواحد بيحن لاصله و امه يعنى رغم المصريين معذبينك فى شغلك يا حمال الاسية و برضه بتحبيهم و يقولوا عليكى نصيرة المصريين و فى انتظار باقى التجارب و تحياتى لماما قلب ابيض و بوسي و نونيم و تامر و الغريب و للجميع عشان مانساش حد من الرواد و اشوفكم بخير و كل سنة و انتم طيبين جميعا عيد اضحى مبارك و ياريت حد يقول نظام الاضاحى فى الكويت ازاى و الافضل نضحى فى مصر و لا هنا فى الكويت و لازم نشهد الاضحية ام لا ؟؟

تم تعديل 27 أكتوبر 2010 بواسطة نور السما

[الغريب]

السلام على الجميع

كيف أحوالكم

ياريت حد يقول نظام الاضاحى فى الكويت ازاى و الافضل نضحى فى مصر و لا هنا فى الكويت و لازم نشهد الاضحية ام لا ؟؟

ربنا يكرمك يا نور السما

وأنا فعلا منتظر معاكي جواب السؤال ده للمجربين هنا بالكويت

[samehmagdy]

السلام عليكم

كلكم وحشنى والله بس للاسف بقالى اكتر من اسبوعين مطحووووون فى الشغل

اخى الغريب ونور السما بالنسبه لموضوع الاضحيه هنا فى الكويت فالى اللى انا اعرفه هو انكم بتروحو المسلخ اللى جنب سيتى سنتر اللى فى السالميه قبل العيد بكام يوم كده وتختار الخروف اللى يعجبك وتاخد رقمه وتيجى يوم العيد الصبح ان شاء الله وتستنى حضرتك لما يجى دور الخروف بتاعك فى الدبح لما يندهو على الرقم اللى معاك

وتقولهم يقطعهولك زى ما انت عاوز وتوزعه انت بمعرفتك

بس انا من رايى الشخصى التضحيه فى مصر اولى الغلابه هناك كتير

وعيد سعيد علينا وعليكم جميعا

وربنا يتقبل منا ومنكم ان شاء الله

[noname]

اسف على سوء فهم فكرتي سيدي كلنا كمصريين من اصول ريفيه ما كنت انوي قصده هو بحكم ان في القرية الكل عارف بعضه تكون هناك نظرة على كل تصرف فلان جاب شبكة بكذا وفلان جاب عربية بكذا انا شوفت مع صحابي كان ايه اللي بيحصل وهذا مع الوقت يغرس روح التنافس التي يشوبها بعض السلبيات اما في المدينة فكل واحد ف حاله

اخى الكريم هيروووو

لا داعى للاعتذار فنحن اخوة ... ماهى المدينة وما هو الريف ؟

اكيد الاتنين مصر ....كل مكان له سلبياتة وعيوبة وكمان مميزاتة

وعموما لو سمحت الظروف وكنا فى مصر فى وقت واحد فهذة دعوة لزيارة الريف والتعرف على عاداتة ولك ان تحكم من قلب التجربة

الغربة بتغير الناس لكن اللى هناك لسة زى ماهم

والله هتنور وهنروح الغيطان بس ياريت يكون فى الشتا علشان ناكل الفول الاخضر من عيدانة مباشرة .... اما لو فى الصيف فهتبقى مانجو وبرضة انت اللى هتقطفها من الشجرة بنفسك .... الدعوة عامة مش هيروووو بس ....... اة نسيت كل واحد هيشرفنا لازم يجيب معاة هدية قيمة والا هيدفع تمن الفول الحراتى ميغركوش انى شرقاوى

ههههههههههههههههههههههههههههههههههههههههههههههههههههههههههههههه

تم تعديل 28 أكتوبر 2010 بواسطة noname

[أمل حياتي]

صباح الفل والورد والياسمين على رواد المصريين المغتربين بالكويت

انا حاسه اني انا الكويتيه المغتربه بمنتدي المصريين ما علينا

نكمل ذكر الإيجابيات بشكل عام يعني كصفات وليس كعمل وليست طبعا بسبب اختلاف القهم ولا التقاليد زي ما قالت الأخت بوسي

لأننا كلنا عرب ومفيش فرق بينا بنتتفاهم ونتواصل بكل سهوله

1 - انا ذكرت سابقا ان الموظفين المصريين من وجهة نظري اكثر الناس التزاما بالعمل ويمكن الإعتماد عليهم

وموضوع الإعتماد عليهم مهم جدا في العمل ولا سيما لو انت تتعامل مع عمل به مسئوليات وجماهير.

2 - المصريين بشكل عام شعب مثقف ومتحاور ويحب المناقشه في كثير من الأمور الجديه وليس تفاهاتها ويهتم بالتفاصيل .

3 - الموظفين المصريين بشكل عام ايضا افضل ناس بيكتبوا الكتب والمذكرات ومحاضر الإجتماعات

وانا شخصيا تعلمت كثيرا من اشخاص افاضل كانوا معي بالعمل وكنت ولا زلت لا اغير في هذه الجنسيه في العمل في هذه المهنه لمن يحيطون بي وبعملي شخصيا .

وقد يكون منهم من توفاه الله الآن ولكني لا زلت ارجع لما كتبوه

تم تعديل 29 أكتوبر 2010 بواسطة حمال الأسيه

[أمل حياتي]

نكمل الإيجابيات

4 - كثرة عدد الموجودين قلل الطلب عليهم في الوظائف وكثرة عدد الذين يتقدمون للوظائف وكذلك قبولهم ودي مهمه قبولهم لأقل الأجور غير عن الجنسيات الأخرى العامله بالبلد

وهو السبب الرئيسي في النظره الدونيه لهم من قبل الدوله هنا .

5 - انا اعتقد ان مصر هيه الخسرانه ببحثهم عن الرزق في دول اخرى لأنهم ممكن ينهضوا ببلدهم لو توفرت لهم الإمكانيات ومصادر الرزق المريح.

حاكمل تاني وليه عوده

تم تعديل 29 أكتوبر 2010 بواسطة حمال الأسيه

[أمل حياتي]

الأستاذ المحترم تامر

بالنسبة لإطالة اليوم الدراسي لا اعتقد انها فكره جيده فلا جو البلد ولا المعيشه هنا

تساعد على ذلك الجو صحراوي والبلد بقت زحمه وبقينا بناخد المشوار بساعه وزمان مكناش في الوضع ده

ولا اعتقد ان الطالب في اخر اليوم بيكون عنده طاقه نفس بداية اليوم

هوه الاطاله لو لحل الواجبات والانتهاء من كل المهام ويرجع الطالب عنده راحه اكتر مفيش مانع

[Simba]

كثرة عدد الموجودين قلل الطلب عليهم في الوظائف وكثرة عدد الذين يتقدمون للوظائف وكذلك قبولهم ودي مهمه قبولهم لأقل الأجور غير عن الجنسيات الأخرى العامله بالبلد

وهو السبب الرئيسي في النظره الدونيه لهم من قبل الدوله هنا

بصراحة دي من اكبر السلبيات ووحطيتي ايدك علي جرح بتمني انه يندمل في يوم من الأيام

انا اتفزعت لما شفت شاب مصري عندنا في المستشفي لابس لبس الويتر وانا عارف ان الويتر المعاش بتاعه ما يتعداش ال 70 دينار

واللي متأكد منه انه دفع مبلغ وقدره علشان يجي هنا

الموضوع ده مش امبارح ولا النهاردة للاسف ده من زمان ومالوش لحد دلوقتي حلول جذرية اللهم الا مر الشكاوي اللي بنمسعها ونشوفها

[Simba]

بالاصالة عن نفسي وبالنيابة عن شخصي المتواضع الصامد في باب المغتربين بالكويت -_-

اقدم لكم اقدم مشاركاتي

http://www.egyptiantalks.org/invb/index.php?showtopic=25649&st=0&p=253310&fromsearch=1entry253310

[midoz]

السلام عليكم وحمة الله وبركاته اخوكم احمد مقيم فى الكويت

يشرفنى الانضمام معكم -

كتبت موضوع عن الانزلاق الغضروفى وارجو ان يشاركنى كل من له تجارب لمثل حالتى.

http://www.egyptiantalks.org/invb/index.php?showtopic=112108

اشكركم جزيلا

تم تعديل 29 أكتوبر 2010 بواسطة midoz

[قلب ابيض]

حذف بمعرفتى للتكرار

تم تعديل 30 أكتوبر 2010 بواسطة قلب ابيض

[قلب ابيض]

السلام عليكم وحمة الله وبركاته اخوكم احمد مقيم فى الكويت

يشرفنى الانضمام معكم -

كتبت موضوع عن الانزلاق الغضروفى وارجو ان يشاركنى كل من له تجارب لمثل حالتى.

http://www.egyptiantalks.org/invb/index.php?showtopic=112108

اشكركم جزيلا

اهلا بيك اخ احمد معانا اهلك واخوانك بالكويت

وان شالله تطمن على حاله الغضروف

انا رديت عليك هناك ...واتمنى ان شاء الله اقدم لك اى مساعده فى الموضوع ده

بس ابعد نهااااائيا عن العمليه

تم تعديل 29 أكتوبر 2010 بواسطة قلب ابيض