المصريين المغتربين بالكويت

[pocy]

حاولت مرارا وتكرار الدخول حتى اتناقش معكم وارد على اسئله الاخوه ولكن حالتى تمنعنى من الدخول والرد حتى ع الرسايل

فاحببت ان اقول انى ساتغيب قليلا حتى اروق واصفي مع نفسي وارجع ان شاء الله

واتمنى للجميع الصحه والسلامه ان شاء الله

واسفه بجد لانى مش رديت ع رسائلكم الخاصه واول ما افوق ان شاء الله هرد وربنا ييسر اللى فيه الخير للجميع

اللهم امين

[الغريب]

السلام عليكم

بعد التحية

وسؤال اخير هل لو سافرت الى زوجتي كالتحاق بعائل من الممكن اجد فرصة عمل كطبيب بيطري او كمندوب ادوية ؟

ام اخبرها ان تستقيل وتعود الى مصر

زي ما قال سيمبا بالظبط يا دكتور .. أنت تييجي تعمل شوية محاولات من هنا أفضل على أرض الواقع وتفكر أنت وزوجتك على راحتكم ، بس الحل ده طبعا على أساس أن الأولاد مش عائق أنما لو الأولاد عائق يبقى تحاول شوية مع نفس الفرصة دي ولو مفيش نصيب فيها يبقى الحمدلله على كل حال وتستقروا في مصر

تحياتي وبالتوفيق

السلام عليكم

ازيكو

اخباركو ايه؟

فاكرين لما فتحنا موضوع العودة الى الوطن والخوف منها

انا من هذه المنصة اطالب الاستاذ حسن درويش طيب الذكر بإنه يحكي لنا عن تجربته في العودة

وأنتظر منه ان يفتح قلبه ويتكلم بكل صراحة

ويركز على الايجابيات والسلبيات

وبالمرة يقولنا عن الحد الادنى من المبلغ الواجب توفره شهريا للحياة بكرامة على ارض الوطن كمواطن عائد بشكل نهائي

أنا كنت متابع كلامك يا أستاذ تامر بخصوص الموضوع ده وأنا في مصر ، وشكل الموضوع منخشش في دماغك :)

بس لو عاوز رأيي أنا بقول مصر زي الكويت ولا تفرق أي شئ عنها مادام أنت تكيفت معاها أنما ماتحكمش على البلد من خلال الزيارات وده اللي أنا حسيت بيه أول ما وصلت مصر وكنت قرفان من حياتي في أول أسبوع وبعد كده قولت لنفسي وأفرض ربنا قدرلي أني أنزل مصر هبقى قرفان ولا هتعايش وهقضي حياتي زي ما كنت في الكويت وأحسن كمان لأني في وسط بلدي وكان الرد طبعا أني هتكيف وهتبقى حياتي طبيعية خالص..

على العموم ياريت تقرأ الموضوع ده

ومستنينك يا أستاذ حسن أحنا عارفينك مبتقصرش معانا، ربنا يطمنا عليك ونسمع عنك كل خير

تم تعديل 18 أكتوبر 2010 بواسطة الغريب

[ام جنة]

حاولت مرارا وتكرار الدخول حتى اتناقش معكم وارد على اسئله الاخوه ولكن حالتى تمنعنى من الدخول والرد حتى ع الرسايل

فاحببت ان اقول انى ساتغيب قليلا حتى اروق واصفي مع نفسي وارجع ان شاء الله

واتمنى للجميع الصحه والسلامه ان شاء الله

واسفه بجد لانى مش رديت ع رسائلكم الخاصه واول ما افوق ان شاء الله هرد وربنا ييسر اللى فيه الخير للجميع

اللهم امين

ألف ألف ألف سلامه عليكى يا بوسى

والله قلقتينى عليكى

ربنا معاكى

ييسر لكى الأمور وييسر حالك اللهم أمين

[onlyprincess]

السلام عليكم ورحمة الله وبركاته

اخوانى واخواتى كيف احوالكم فى الغربه ان شاء الله يا رب تكونوا بافضل حال

والله احنا لسه مش بالكويت ولكن زوجى جاى له فرصه عمل بالكويت وكان نفسى استفسر منكم عن المعيشه فى الكويت

ولمزيد من التفاصيل

احنا اسره زوج وزوجه وطفل وان شاء الله لو جينا الكويت يمكن بيكون فى طفل تانى باذن الله تعالى

فيعنى بنحتاج شقه على الااقل غرفتين ولو 3 يكون افضل

كم تكلفه ايجارها

وكم تكلفه المعيشه فى الشهر يعنى بالمصرى مصروف البيت

وهل استخراج رخصه القياده سهل ام معقديعنى لو معايه رخصه من مصر اقدر اطلع فى الكويت

بالنسبه لزوجى معاه رخصه فى مصر وفى سلطنه عمان

بانتظار ردكم ولو اى حد عنده اى تفاصيل زياده غير اللى انا سالت عتها ياريت يقولى

جزالكم الله خيرا

0

[تامر مصطفى]

اهلا بيكي اونلي برنسيس

ياريت تتفضلي وتراجعي الصفحات السابقةهنا في نفس الموضوع بس ترجعي صفحات كتير وان شاء الله هتلاقي فيها شروحات وافية وكافية وتفاصيل ادق من الدقيقة.

وكمان هتلاقي تفاصيل لم تسألي عنها ولكنها مفيدة لكم

[تامر مصطفى]

حاولت مرارا وتكرار الدخول حتى اتناقش معكم وارد على اسئله الاخوه ولكن حالتى تمنعنى من الدخول والرد حتى ع الرسايل

فاحببت ان اقول انى ساتغيب قليلا حتى اروق واصفي مع نفسي وارجع ان شاء الله

واتمنى للجميع الصحه والسلامه ان شاء الله

واسفه بجد لانى مش رديت ع رسائلكم الخاصه واول ما افوق ان شاء الله هرد وربنا ييسر اللى فيه الخير للجميع

اللهم امين

بوسي ترجعي بألف سلامة

وان شاء الله امورك كلها تكون للافضل

[اغابي]

تعالو يا جماعة نعترض على وجود النقاط الحمراء

اخرجو اتمشو شوية هناك

http://www.egyptiantalks.org/invb/index.php?showtopic=108145&pid=649302&st=150entry649302

اللى متضرر من النقاط الحمراء وبيحس انها ضد حرية التعبير

يقدم اعتراضه عليها

اغابي

تم تعديل 18 أكتوبر 2010 بواسطة اغابي

[samehmagdy]

حاولت مرارا وتكرار الدخول حتى اتناقش معكم وارد على اسئله الاخوه ولكن حالتى تمنعنى من الدخول والرد حتى ع الرسايل

فاحببت ان اقول انى ساتغيب قليلا حتى اروق واصفي مع نفسي وارجع ان شاء الله

واتمنى للجميع الصحه والسلامه ان شاء الله

واسفه بجد لانى مش رديت ع رسائلكم الخاصه واول ما افوق ان شاء الله هرد وربنا ييسر اللى فيه الخير للجميع

اللهم امين

ربنا ييسرلك امرك ويشرحلك صدرك

عليكى والدعاء

[noname]

<BR><B><FONT color=#000080>حاولت مرارا وتكرار الدخول حتى اتناقش معكم وارد على اسئله الاخوه ولكن حالتى تمنعنى من الدخول والرد حتى ع الرسايل <BR><BR><BR>فاحببت ان اقول انى ساتغيب قليلا حتى اروق واصفي مع نفسي وارجع ان شاء الله <BR><BR><BR>واتمنى للجميع الصحه والسلامه ان شاء الله <BR><BR><BR>واسفه بجد لانى مش رديت ع رسائلكم الخاصه واول ما افوق ان شاء الله هرد وربنا ييسر اللى فيه الخير للجميع <BR><BR>اللهم امين </FONT></B><BR>

<BR><BR>اختنا الفاضلة ام عمر يعز على ان اقرأ قولا كالذى اراة الان خصوصا وانتى صاحبة فضل وسبقت بمساعدتى فى الخروج من اصعب ازماتى النفسية<BR><BR>هل نسيتى جميل نصحك ومواساتك لى .... والحمد للة عندما عملت بنصحك تجاوزت ما كنت فية من الحزن والهم الى الرضا بقضاء الله<BR>لا اجد ما اقول الا طمعى بان تكونى اقوى كما عهدناك دائما واسئل الله الا تكون مصيبتك ولا مصيبتنا فى ديننا ويحفظ كل عزيز علينا بفضلة وكرمة<BR>اختنا الكريمة ارجو ان تملأ ابتساماتك ومرحك جوانب منتدانا كما هو عهدنا بك دائما ...<BR>بصراحة الغيبة طالت اوى ونفسنا ترجعى بسرعة ( ويؤثرون على انفسهم ولو كان بهم خصاصة )......( واستعينوا بالصبر والصلاه )

[تامر مصطفى]

في البداية اتقدم لاختي حمال الاسية بخالص العزاء لوفاة عمتها

اسكنها الله فسيح جناته

واتمنى ان يلهم ذويها الصبر والسلوان

بما ان الموضوع كل شوية ينام والناس تنشغل عنه ففكرت اني اصحي جماعة المصريين اللي في الكويت شوية

هسأل سؤال وانتظر الاجابة من الجميع

ايه الحاجات الكويسة اللي بتشوفها في مصر وتتمنى انها تكون موجودة في الكويت

وفي نفس الوقت ايه الحاجات الكويسة اللي في الكويت وتتمنى تشوفها في مصر؟

منتظر ردودكم وتعليقاتكم

تم تعديل 18 أكتوبر 2010 بواسطة تامر مصطفى

[Simba]

للاخت حمال الاسية

البقاء والدوام لله

اللهم أسكنها فسيح جناتك ودار رضوانك وتغمدها بواسع رحمتك وكريم مغفرتك

[أمل حياتي]

صباح الخير والفل على الجميع

وشكرا على تعازيكم

والأخت بوسي اتمنى ان تكون بخير كلنا بنمر في فترات ضيق لكن الأمور بتمشي

والحياة ما بتقفش عند حد وربنا يعين الجميع

سلامي وسؤالي عن الاخت قلب ابيض انشالله تطمنا عليها

في الحقيقه انا نفسي اشارك في المنتدى بصورة اكثر فعاليه بس الوقت ضيق وكمان باحس

ان الأدوات بتاعة المنتدى غير واضحه زي المنتديات التانيه

المهم انا قلت سابقا اني حاتطرق لموضوع المصريين هنا في الكويت وفي الحقيقه انا ليه مئات من التجارب

معاهم وليس فكرتي نابعه من العواطف ولا انطباعي عنهم من العمل معهم وفقط ولكنها كميه من التجارب التي بدات في العام 99

وهى اول مره عملت مع شخص مصري وانا غير مصريه بالطبع واتمنى ان اجد تشجيع ولكن لا تتوقعوا مني كتابة الكثير كل يوم لاني كسوله في الكتابه

وده اللي ماخرني وكمان الكتابه عايزه ذهن صافي وده مش متوفر حاليا mfb:

تم تعديل 19 أكتوبر 2010 بواسطة حمال الأسيه

[أمل حياتي]

وكذلك اود القول بانني قرات كافة الصفحات السابقه وهذا ضروري لكي الم بالموضوع الماما كاملا

ولم استغرب من الهجوم الموجود او التعليقات على الكويتيين وذلك لانني بحكم معاشرتي للمصريين

سمعت منهم وسمعوا مني ومحدش بيزعل في الآخر لان اندماجي معاهم كان بشكل كامل ولو انهم اكتر ناس غلبوني

في شغلي كمشاكل مع يعض وده الشي اللي حنوضحه بعدين

معلش انا لسه عندي العزا ولازم اتواجد هناك ولازم اسيبكم لحد بالليل لو ربنا كتب نرجع نتقابل مره اخرى

وربنا كريم بيهون الجرح الأليم على رأي راشد الماجد

سلام

[الغريب]

السلام علي الجميع

أختنا الكريمة أم عمر (Pocy) ينفع كدة، شوية سمك ماتوا يزعلوكي ويزعلوا المصريين اللي في الكويت كلهم،

منتظرين مشاركاتك مرة أخرى قبل ما عمر يدخل المدرسة وتنشغلي عن التوبيك بجد :)

خالص التعازي للأخت حمال الأسية في وفاة عمتها نسأل الله أن يتغمدها برحمتها ويجعلها من أهل الجنة..

روحت أمبارح معرض الكتاب وبصراحة حاجة جميلة، بالذات صالة 7 الخاصة بكتب الأطفال ، أينعم المعرض لا يقارن بمعرض القاهرة من حيث المحتوى والأسعار، ولكن شئ جميل أنك تبقى ديما مع الكتب، وتطالع العناوين الجديدة..

صبحكم الله بكل خير

[pocy]

صباح جميل مشرق على احلى محاوراتيه

وحشتونى جدا والله ولست ابالغ فيما اقول والحمد لله على انه اعطانا قلوب نحب بها بعضنا البعض في الله بجد

مرت على ايام كنت اتخبط بينها فى اخبار مصر واخبار الاعتداء على البنات بالضرب واخبار حرائق الجهراء التى لا تنتهى و موت شخص عزيز جدا على كل

هذا كان وره بعضه وزاد وغطى ان السمك عندى فى منهم مات بعد ما جبته بكام يوم وساعتها عيطت بحرقه وكان ما بداخلى بركان وانفجر والحمد لله على كل شئ

بجد اسعدنى جدا وجودى معاكم ويسعدنى انى اظل دائما معكم ومع كلامكم الجميل

اخى سمبا وتامر والغريب وسامح ونونيم و مارووووووو جزاكم الله عنى خير الجزاء وبالفعل انتم اخوان لى فى الله ويعلم الله انى بفتقدكم مثلما مفتقده جدا قلب ابيض وام مروان وطبيبه مصريه وام جنه و حمال الاسيه و اريج ورونا وكب كيك وكل اخواتى فى الله ويارب دايما نسعي ان نكون يد واحده فى الحلوه والمره ان شاء الله ربنا ما يجيب مره ابدا بينا

[pocy]

الاخت حمال الاسيه

خالص التعازي في وفاة عمتك و نسأل الله أن يتغمدها برحمتها ويجعلها من أهل الجنة..

واحب ان اشكرك وبشده على كلامك وربنا يوفق اللى فيه الخير ومن فتره وانا منتظره منك يا قمر ان تحديثينا عن الكويت من وجه نظرك انت وعن المصريين خاصا من وجه نظرك واتمنى ان يكون مثلك الكثير وكان اللهفى عون العبد ما دام العبد فى عون اخيه وربنا ييسرلك امورك

ماما قلب ابيض

وحشانى ..... وحشانى ...... لابعد الحدود انا عارفه انى مقصره جدا جدا وحاسه انك زعلانه منى وحاولت اتصل بيكى بس واضح انك كنتى نايمه واتمنى ان تكونى وتظلى بالف خير يارب اللهم امين

[pocy]

تامر سألت سؤال هام جدا واحب انى اقول انى احس ان الكويت زى السويس عندنا بجد يعنى وانا فى السويس التعاملات بتبقي سهله جدا والمواصلات ممتازه والعيشه النظيفه موجوده ومتوفره ولكنى دائما ما اواجه مشاكل فى التعاملات فى القاهره لا اعلم لماذا غير الازدحام وعدم التفكير الجيد فى الطرق وان مصر كلها تحس انهم فى القاهره والاسكندريه فقط هنا بقي

وللحديث بقيه لان ده ميعاد فطار عمورى وراجعه بعد شويه ان شاء الله

[قلب ابيض]

صباح الورد على الجميع حاضر وغائب

بدايه اقول للفاضله حمال الاسيه .. للفقيده الرحمه ان شاء الله ربنا يتغمدها برحمته ويجعلها اخر الاحزان ان شاء الله

منتظره بشغف رؤيتك الخاصه من خلال تعاملك مع المصريين

يارب تفضى شويه...

بوسى

...ربنا معاك واعتقد انك بخير دلوقتى واينكان كانت التفاصيل صدقينى دوام الحال من المحال كل الامور بتعدى وبتهون مع الوقت المهم انك انتى يبقى عندك يقين وثقه فى الله ان كل اللى كاتبه خير وان بدا للبشر عكس ذلك بس فى حسابات الغيب اكيييييد خير...تفألوا بالخير تجدوه

الغريب

: المقال اكثر من رائع وعلى فكره انا بطلت ادخل فى نقاشات من النوع ده لان كل واحد له مقاييس مختلفه عن غيره واللى اشوفه انا بعينى رفاهيه ربما يكون اساسى عند غيرى والعكس صحيح طبعا

والعمليه مش ناقصه رفع ضغط ولا زياده هموم

بس انا فعلا لاحظت انى وانا فى بره مصر بعرف اخبارها الوحشه اكتر من اللى قاعد فيها .....معلش مش عاوزه اتكلم دلوقتى فى الموضوع ده

اخى الصغير تامر

:P ...موضوع قديم اووووى

المداخله الجايه دى كانت اول مشاركه فى التوبيك ده ...تصدق فرحت لما لاقتنى اول امرأه فى التوبيك ؟؟؟؟؟ smk: تقولش اول امرأه فى البرلمان

هلا هلا هلا

يا جماعه الخير 000الديوانيه دى رجالى فقط اححححم

طب ممكن فرع لآخواتكم المصريات بالكويت ؟؟

انا سعيده بتجمعكم جدا لعلنا نفيد بعضنا البعض بخبراتنا كل فى مجاله

وانا قضيت بالكويت تلات ارباع المده كما سميتموها 000 انا ام نور وعملت بالكويت لسنوات والان انا من منازلهم برغبتى والحمد لله

واحب اعرف منكم بكل صراحه مين قيكم مضطر للاقامه بالكويت ؟ وليه ؟

ومين بيشعر بأنها بلده فعلا 00وليه برضه ؟؟؟تحياتى لكم جميعا

انا عبرت عن راى قبل كده ..اسمحوا لى اتابعكم واكييييد هادلى بدلوى

سمبا ...صباح الفل

نونيم... .نهارك ابيض

تم تعديل 19 أكتوبر 2010 بواسطة قلب ابيض

[samehmagdy]

الاخت حمال الاسيه

البقاء لله وخالص التعازي في وفاة عمتك و نسأل الله أن يتغمدها برحمته ويجعلها من أهل الجنة

الاخت ام عمر

حمد الله على سلامتك ويارب تكون النفسيه دلوقتى تمام بس اوعى تكونى صورتى السمك وكتبى تحته ارقد فى سلام يا حنفى

وبعدين دى ضحكت عمورى الصبح كده لما يصحى تنسيكى كل هموم الدنيا

الاخ الغريب

انت شجعتنى انى اروح معرض الكتاب بصراحه بس هو مستمر لحد امتى ومواعيده ايه

تم تعديل 19 أكتوبر 2010 بواسطة samehmagdy

[الغريب]

الاخ الغريب

انت شجعتنى انى اروح معرض الكتاب بصراحه بس هو مستمر لحد امتى ومواعيده ايه

الجمعة آخر يوم .. أي خدمة