رد على إستفساراتكم السريعة عن الهجرة لكندا

[المصريه]

الاخوه الافاضل اعضاء المنتدى

الدكتور الفاضل قناوى

انا عضوه جديده ولى بعض الاستفسارات الهامه التى تحتاج الى توضيح من زوى الخبره فى ملا الابلكيش للهجره الى كندا فيدرالى

1- زوجى استاذ مساعد بكليه طب ويعمل فى احد جامعات السعوديه ابلغه صديق له مهاجرا قريبا انه اذا جاء بخطاب انه يقوم بالتدريس باللغه الانجليزيه

يغنيه عن تقديم شهاده الايلتس فهل احد لديه معلومه عن هذه المقوله

2 - انا كنت موظفه فى احد الجهات الحكوميه ولكنى فى اجازه بدون مرتب من سنوات طويله ولكن فى جواز السفر مكتوب الوظيفه

فماذا اكتب فى الخانه الخاصه بى هل اكتب الوظيفه ام اكتب ربه منزل

3- لى اخت توفت خارج مصر ودفنت هناك عندما اكتب اسماء الاخوه فى الخانه المطلوبه عندما اكتب اسمها وانها متوفاه لا يوجد شهاده وفاه لها فى مصر

هل سوف يبحثوا عن شهاده وفاتها فى مصر ويعتبر انه نوع من الكذب

ارجو من سيادتكم جميعا من لديه اجابه على اسالتى يتفضل بالرد وجزاكم الله جميعا الخير ووفقكم لما يحبه ويرضاه

[المصريه]

اخوانى فى المنتدى انا عضوه جديده اتابعكم من فتره طويله اسجل كل شكرى وتقديرى لكم جميعا وربنا يوفقك الجميع الى ما يحبه ويرضاه hypr:

مرحبا بيكي ونورتينا بالنيابة عن الكل

شكرا للاخ znaty

على ترحيبك وجزاك الله كل خير انت والجميع واتمنى اذا كان لدى سيادتكم رد على استفساراتى ان تساعدونى

[masri]

بالفعل هي الهجرة الى الاقاليم ولكن كيف يمكنني الحصول على ترشيح من الولاية او الاقليم

انا مش عارف اوصل للموضوع دة ازاي

الموقع الوحيد اللي سمعت عنه هو جنوب استراليا وكان لازم ضمان بنكي

ياريت تفيدني ارجوك

وشكرا

ليه هو جنوب استراليا ؟

عشان دى الولاية الوحيدة اللى بتعمل نوميناشن للمحاسب و ب 5.5 ايلتس يعنى فيكتوريا مبتديش ترشيح للمحاسب

فشوف ياريس انا معرفتش لحد دلوتى هحد عملها مع نفسة -- انشاءالله تكون انت اول واحد

الموضوع عايز كام قعدة على الويب سايت بتاع الساوث استراليا

و انت اوللى بفلوس المحامين

كل الللى بيعملوه انهم يشغللوك فى الاوراق و تبعتهاللهم سكانر

و نصيحة حاول تركز فى الموضوع ده عشان لا وقت لاعادة الايلتس بالنسبة لل 175 لان بعد اول 7 القوانين احتمال تتغير و لحد دلوقتى مفيش حاجة موكدة

تمنياتى بالتوفيق

[aminM]

بالفعل هي الهجرة الى الاقاليم ولكن كيف يمكنني الحصول على ترشيح من الولاية او الاقليم

انا مش عارف اوصل للموضوع دة ازاي

الموقع الوحيد اللي سمعت عنه هو جنوب استراليا وكان لازم ضمان بنكي

ياريت تفيدني ارجوك

وشكرا

ليه هو جنوب استراليا ؟

عشان دى الولاية الوحيدة اللى بتعمل نوميناشن للمحاسب و ب 5.5 ايلتس يعنى فيكتوريا مبتديش ترشيح للمحاسب

فشوف ياريس انا معرفتش لحد دلوتى هحد عملها مع نفسة -- انشاءالله تكون انت اول واحد

الموضوع عايز كام قعدة على الويب سايت بتاع الساوث استراليا

و انت اوللى بفلوس المحامين

كل الللى بيعملوه انهم يشغللوك فى الاوراق و تبعتهاللهم سكانر

و نصيحة حاول تركز فى الموضوع ده عشان لا وقت لاعادة الايلتس بالنسبة لل 175 لان بعد اول 7 القوانين احتمال تتغير و لحد دلوقتى مفيش حاجة موكدة

تمنياتى بالتوفيق

انا الحمد لله مش بتعامل مع اي محامي ولا هتعامل ومع احترامي لكل محامي الهجرة وشركات العمالة لكن انا فعلا بحس انهم شوية معلمين وبيحاولوا ينصبوا على الناس وعاملين نفسهم اصحاب شركات وانه بيجيب الديب من ديله والحقيقة انه مبيعملش اي حاجة غير شوية حجات هايفة ممكن اي حد يعملها بنفسه

ومرة كنت بكلم شركات الهجرة علشان استشير بس حسيت اني بتصل بشوية ناس مش عايز اشتم

المهم..تقصد ايه باني هكون اول واحد..معقولة يعني محدش طلع هجرة للاقاليم عن طريق ترشيح الولاية؟؟!!!

وفيكتوريا انا قريت فيها انهم طالبين محاسبين بس نوع محدد وهو المراجعين الخارجيين بس الحقيقة مش متذكر بتقبل محاسبين 5.5 ايلتس ولا لا

المشكلة انهم بيقولا انهم هيتأكدوا من مستواي المادي واني اقدر ادعم نفسي يعني الضمان المالي لكن مش ذاكرين كام وهي دي المشكلة هل لازم يكون الواحد معاه ضمان مالي علشان يهاجر للاقاليم ولا لا وازاي الواحد يجيب ترشيح من الولاية مش عارف

علشان كدة بفكر اشوف كندا برغم اني اعتقد انها اصعب بكتير وعلشان فيها مقابلة وكمان فرنساوي

[midos]

السلام عليكم ورحمة الله وبركاته انا كنت اود ان اسأل سؤال ......هل يمكن لاصحاب المهن الحرة الهجرة لكندا ؟؟

ثانيا :ما هي مدة الموافقة علي الأبلكيشن؟

وشكرا

[nohaph]

السلام عليكم

ان مقدم كيبك و جالي رقم الملف في شهر فبراير و لسه جايلي ميعاد الانترفيو في اغسطس في القاهرة

انا لسه بادئ في المستوي الثالث في المركز الثقافي و شكلي مش حينفع اكمل علشان المقابلة قربت فسؤالي دلوقتي اعمل ايه

1-اآجل المقابلة ممكن تبقي المقابلة الجاية في سوريا

2-لو تعرفو مدرس فرنساوي كويس في منطقة مصر الجديدة اروحلو و اظبط نفسي قبل المقابلة

عايز رائيكو لاني بجد مش عارف اعمل ايه

شكرا اوي اوي

french teacher in cairo is called mr.assem phone no. 0126190659 call him and he will help u for sure

[مازن أطرش]

الاخوة الافاضل يسعدني ان افتتح هذا الموضوع وذلك رغبة في الافادة قدر الامكان وايضا رغبة تنظيمية وذلك لان الجميع لاحظ كثير من الاخوة الافاضل ذوي الاستفسارات البسيطة او الشخصية يقوموا بفتح موضوع كامل مما يؤدي الي التشتت

ولذلك اتمني من الجميع بان من لديه استفسار علي السريع او شخصي ان يتفضل بايداعه هنا وان شاء الله سيجد الرد خلال 24 ساعة

اتحدث عن نفسي وفي حدود معرفتي وبحثي او ساحاول ان ادله علي الاجابة وطبعا هنا يوجد جهابذة كادوا ان يغلقوا مكاتب محاميي الهجرة

سيقومون بالرد كل في حدود معرفته وطبعا هذا جهد تطوعي لا نبغي جزاءا ولا شكورا

واتمني ايضا ان يكون فتح الموضوع هذا فاتحة خير لعودة الاحباب واصدقاء منتدي محاورات المصريين

وكل عام وانتم بخير

أخواني أنا قدمت على هجرة لكيبيك بتاريخ 18/12/2009 وأجاني تحديد المقابلة بتاريخ 18/6/2009 يعني بعد شهر ونصف وأنا مش مستعد كتيير للفرنسي لأنو ما توقعت أنو تجي المقابلة بهل السرع وأنا ما أجلت الموعد !! قلت يالله خلينا نخلص ..أنا محامي ومراتي كمان محامية ..وعندي ولدين ..بس عمري 38 ومراتي 34 ..ولغتي الانكليزية تمام بس الفرنساوي ..يعني خلصت تلت مستويات بس بالمركز القافي الفرنسي ..شو رأيكم بيمشي حال ولا شو ..بتمنى من اللي دخل مقابلة من جديد عشان كيبيك ..يرد ويبين اش الأسئلة اللي سألوه..شباب أنجدوني لأنو المسألة صارت جد ..

[qenawy]

السلام عليكم ورحمة الله وبركاته انا كنت اود ان اسأل سؤال ......هل يمكن لاصحاب المهن الحرة الهجرة لكندا ؟؟

ثانيا :ما هي مدة الموافقة علي الأبلكيشن؟

وشكرا

حضرتك اي حد تنطبق عليه شروط 67 نقطة من لغة ودراسة وسن والعوامل الاخري المفصلة

بالاضافة انه يكون ضمن قائمة 38 وظيفة المطلوبة لكندا سيكون مؤهلا للهجرة لكندا فيدراليا

اللي بيعرف فرنساوي كويس وتنطبق عليه شروط كيبك برضه ينفع

تقصد ايه بمهن حرة ؟

هو لو تقصد هجرة استثمار

ليه شروط صعبة

800 الف دولار كندي تقريبا

عموماتابع موضوعاتالمنتدي ستجد الردود كاملة

[abdulazizo]

تحية طيبة لكل القائمين على هذا المنتدى المفيد

عندي سؤال لو سمحتم ... انا مقدم فيدرال لكندا وعملت الكشف الطبي يوم 16/4/2009 فما هي المدة المتوقعة لطلب البسبورات عشان الفيزا

[znaty]

هجرة الاستثمار 300 الف يا دكتور ما تصعبهاش على الناس

مبلغ بسيط اي حد يجيبه لو استغنينا عن السيمون فيمية والكافيار وبلاش اجازة نيس السنة دي وخلصنا ..مشيها راس البر حتى موش عاوزة تاشيرة شنجن

انت عارف لولا ان ال 200 مليون بتوعي في البورصة كنت خلصت من زمان يا اكسلانس

تحياتي

ابو مننص

[السيد منير]

الاخوة الافاضل يسعدني ان افتتح هذا الموضوع وذلك رغبة في الافادة قدر الامكان وايضا رغبة تنظيمية وذلك لان الجميع لاحظ كثير من الاخوة الافاضل ذوي الاستفسارات البسيطة او الشخصية يقوموا بفتح موضوع كامل مما يؤدي الي التشتت

ولذلك اتمني من الجميع بان من لديه استفسار علي السريع او شخصي ان يتفضل بايداعه هنا وان شاء الله سيجد الرد خلال 24 ساعة

اتحدث عن نفسي وفي حدود معرفتي وبحثي او ساحاول ان ادله علي الاجابة وطبعا هنا يوجد جهابذة كادوا ان يغلقوا مكاتب محاميي الهجرة :happy:

سيقومون بالرد كل في حدود معرفته وطبعا هذا جهد تطوعي لا نبغي جزاءا ولا شكورا

واتمني ايضا ان يكون فتح الموضوع هذا فاتحة خير لعودة الاحباب واصدقاء منتدي محاورات المصريين

وكل عام وانتم بخير

أخواني أنا قدمت على هجرة لكيبيك بتاريخ 18/12/2009 وأجاني تحديد المقابلة بتاريخ 18/6/2009 يعني بعد شهر ونصف وأنا مش مستعد كتيير للفرنسي لأنو ما توقعت أنو تجي المقابلة بهل السرع وأنا ما أجلت الموعد !! قلت يالله خلينا نخلص ..أنا محامي ومراتي كمان محامية ..وعندي ولدين ..بس عمري 38 ومراتي 34 ..ولغتي الانكليزية تمام بس الفرنساوي ..يعني خلصت تلت مستويات بس بالمركز القافي الفرنسي ..شو رأيكم بيمشي حال ولا شو ..بتمنى من اللي دخل مقابلة من جديد عشان كيبيك ..يرد ويبين اش الأسئلة اللي سألوه..شباب أنجدوني لأنو المسألة صارت جد ..

توجه فورا الى هذا الرابط فيه خبرات ناس عملت مقابلات ومواقف مروا بيها

http://www.egyptiantalks.org/invb/?showtopic=65596

[znaty]

الاخوه الافاضل اعضاء المنتدى

الدكتور الفاضل قناوى

انا عضوه جديده ولى بعض الاستفسارات الهامه التى تحتاج الى توضيح من زوى الخبره فى ملا الابلكيش للهجره الى كندا فيدرالى

1- زوجى استاذ مساعد بكليه طب ويعمل فى احد جامعات السعوديه ابلغه صديق له مهاجرا قريبا انه اذا جاء بخطاب انه يقوم بالتدريس باللغه الانجليزيه

يغنيه عن تقديم شهاده الايلتس فهل احد لديه معلومه عن هذه المقوله

2 - انا كنت موظفه فى احد الجهات الحكوميه ولكنى فى اجازه بدون مرتب من سنوات طويله ولكن فى جواز السفر مكتوب الوظيفه

فماذا اكتب فى الخانه الخاصه بى هل اكتب الوظيفه ام اكتب ربه منزل

3- لى اخت توفت خارج مصر ودفنت هناك عندما اكتب اسماء الاخوه فى الخانه المطلوبه عندما اكتب اسمها وانها متوفاه لا يوجد شهاده وفاه لها فى مصر

هل سوف يبحثوا عن شهاده وفاتها فى مصر ويعتبر انه نوع من الكذب

ارجو من سيادتكم جميعا من لديه اجابه على اسالتى يتفضل بالرد وجزاكم الله جميعا الخير ووفقكم لما يحبه ويرضاه

الاخت مصرية اسف على التاخير انا فعلا ماختش بالي من الاسئلة وشكرا على تنبيهي

1- كلام ليس له اساس من الصحة اطلاقا حتى لو جاب اثباتات انه من يوم ما اتولد وهو بيتعامل ويوأوأ بالانجليزي ولا ينفع معاهم ( مع ان في طريقة تانية لاثبات اللغة انك تعمل كدة فعلا باثباتات انك درست واشتغلت بالانجليزي بس في الاخر هايطلبوا الايلتس مليون في المية )

وهما كاتبين في الجايد طالما انك موش مواطن او عشت عمرك كله في احدي البلدان الاتية : انجلترا ايرلندا استراليا جنوب افريقيا امريكا يبقي اكيد هايتطلب ايلتس

2- غير مطلوب في الاستمارة غير تاريخ الوفاة ولا يطلب مع الاوراق شهادة وفاة الاخت رحمة الله عليها

لكن هايتطلب منك عنوانها فاهتكتبي n\a

وتجيبي ورقة تانية عنوانها يكون appendix to form no.--question no.

وتكتبي توضيح انها كانت عايشة في البلد الفلاني من تاريخ كذا لكذا وتوفيت في تاريخ كذا هناك وخلاص

خانة الوظيفة بتاعتك تكتبي وظيفتك اللي في الباسبور

وبعدين لما تيجي في الاستمارة بتاعة background اللي بتملوها مرة ليكي ومرة لجوزك

السؤال 11 بتاع بيرسونال هيستوري

تكتبي بالتفصيل من تاريخ كذا لكذا في اجازة وقاعدة في البيت

ومن كذا لكذا كنت شغالة في الحتة الفلانية

وحذاري تسيبي فراغات زمنية

ربنا يوفقكم ان شاء الله اي اسئلة تانية كلنا تحت امركم

بالتوفيق

[qenawy]

شكرا لزناتي بك

ايضا هناك توضيح

لو فرضنا جدلا انهم رضيوا باثبات اللغة من غير اليتس وده احتمال واحد في المئة فقط بيدوا الاربعة بيسك

يعني 8 نقط في من 16 وده طبعا ممكن يضر الدنيا

الافضل لا الواجب لازم امتحان الاليتس

في منتدي اجنبي

ناس واخدة دكتوراه من امريكا وعاشت هناك سنين برضه طلبواالاليتس

فيه حاجة عاوز افهمها للناس بقدر فهمي البسيط

النظام الكندي الفيدرالي بيحاول يخلي الهجرة ما فيهاش تقييم شخصي مصداقا للشفافية

لذلك المفروض نستغل ده في اثبات ان ورقنا معبر وسليم ومش مكللكع ساعتها ما حدش هيطلبك في مقابلة من اساسه

يعني طلبوا شهادة الخبرة ماشي ارفقها وارفق بيان مفردات المرتب وجوابات ماموريات الشغل وكده يعني

هما مش طالبينها بس اي حاجة تزيد مصداقيتك وبدون كذب علي الاطلاق

مش تعمل شهادة خبرة انك مهندس ورئيس قسم ومحاسب ولواء ودكتور في اوقات الفراغ

لا تكون منطقي ومرتب

هتشوف فرق كبير

الصدق منجي (المنتدي متراقب) بس خلاص

شكرا لمصرية الفاضلة والبركة في الشباب

[qenawy]

تحية طيبة لكل القائمين على هذا المنتدى المفيد

عندي سؤال لو سمحتم ... انا مقدم فيدرال لكندا وعملت الكشف الطبي يوم 16/4/2009 فما هي المدة المتوقعة لطلب البسبورات عشان الفيزا

بتختلف من واحد لواحد

من شهرين الي 9 شهور

علي ما اعتقد فلا تقلق ان شاء الله خير

[abdulazizo]

تحية طيبة لكل القائمين على هذا المنتدى المفيد

عندي سؤال لو سمحتم ... انا مقدم فيدرال لكندا وعملت الكشف الطبي يوم 16/4/2009 فما هي المدة المتوقعة لطلب البسبورات عشان الفيزا

بتختلف من واحد لواحد

من شهرين الي 9 شهور

علي ما اعتقد فلا تقلق ان شاء الله خير

خالص الشكر والتقدير اخي قناوي

[dr vico]

مساء الخيرات علي الجميع,

د.قناوي السادة الافاضل دايما بتقل عليكم بالاسئلة معلش استحملوني.

عندي كام سؤال ملحين يا ريت اي حد من الافاضل يفيدني فيهم

1-في الجواب اللي فيه فترة السماح 120 يوم كاتبين اني ابعت صورة من الفورمات اللي بعتها علي نوفا سكوتشيا السؤال انا كنت كاتب اللغة الانجليزية hi في المهارات الاربعة هل اذا كانت نتيجة الايلتس مختلفة عن ذلك اغير في الفورمة ام اتركها كما هي ؟؟

2- سؤال لواحد صاحبي هل من الممكن في هذه المرحلة تغيير المسمي الوظيفي من ممارس عام (المسمي اللي بعت بيه علي كندا من كام شهر ) الي اخصائي(لسة يدوب من كام يوم) ام ان هذا يعتبر تغيير في الملف بالكامل ؟؟ و اذا نعم هل ورقة من النقابة تقول انه اخصائي لانه عمل دبلومتين قبل كدة (كل دبلومة سنة) تكفي للحصول علي ال25 نقطة الخاصة بالاخصائيين ام انه بحاجة لشهادة اخري؟؟

3- السؤال متعلق بالسؤال السابق هل هذا التغيير معناه انه سيفقد سنين الخبرة اللي كان مقدم علي انه معاه 4 سنوات خبرة ممارس عام ام ان هذه السنين ستحسب له من اول الامتياز؟؟

4- اسف للاطالة صديقي ده عنده اخت في كندا لكن للاسف مش عايشة هناك و هو كتب في الملف بتاع نوفا هذه المعلومة السؤال و انا عارف انه صعب هل ممكن ما يجبش سيرتها دلوقتي لما يبعت الملف علي سفارة القاهرة ام ان هذا سيعتبروه تغيير كبير خصوصا انه كدة هيبقي محتاج يغير بيانات كتيرة عن كذا حاجة؟؟

5-السؤال قبل الاخير ما هي اطول فترة ممكنة بعد ال120 يوم اللي ممكن اتأخر بيها عشان اجيب نتيجة الايلتس؟؟

6- السؤال الاخيرهل ابعت الفيش و التشبيه مع الورق الي القاهرة ام انتظر حتي يطلبوه مني ؟

شكرا مقدما و دعواتي للجميع بالتوفيق

[qenawy]

مساء الخيرات علي الجميع,

د.قناوي السادة الافاضل دايما بتقل عليكم بالاسئلة معلش استحملوني.

عندي كام سؤال ملحين يا ريت اي حد من الافاضل يفيدني فيهم

1-في الجواب اللي فيه فترة السماح 120 يوم كاتبين اني ابعت صورة من الفورمات اللي بعتها علي نوفا سكوتشيا السؤال انا كنت كاتب اللغة الانجليزية hi في المهارات الاربعة هل اذا كانت نتيجة الايلتس مختلفة عن ذلك اغير في الفورمة ام اتركها كما هي ؟؟

غير براحتك

دي لغة وقابلة للصعود والهبوط اهم حاجة تكون متوافقة مع الاليتس

2- سؤال لواحد صاحبي هل من الممكن في هذه المرحلة تغيير المسمي الوظيفي من ممارس عام (المسمي اللي بعت بيه علي كندا من كام شهر ) الي اخصائي(لسة يدوب من كام يوم) ام ان هذا يعتبر تغيير في الملف بالكامل ؟؟ و اذا نعم هل ورقة من النقابة تقول انه اخصائي لانه عمل دبلومتين قبل كدة (كل دبلومة سنة) تكفي للحصول علي ال25 نقطة الخاصة بالاخصائيين ام انه بحاجة لشهادة اخري؟؟

ماانصحهوش لانها مش فارقة

لو كانت عدت سنة علي اخصائي ماشي غير كده سوق الهبل واكتب وظيفة التقديم

مع ان لو كتب الوظيفة الجديدة من فترة كذا لكذا برضه ينفع بس يحضر شهادة خبرة بالوقت ده

موضوع الدبلومتين قتلته بحثا ولكن انصحه ما يكتبش ماستر نهائي يكتب في ورقة جانبية التفاصيل ويشرح الوضع ويرفق صورة من تسجيل اخصائي في النقابة وبس

السؤال متعلق بالسؤال السابق هل هذا التغيير معناه انه سيفقد سنين الخبرة اللي كان مقدم علي انه معاه 4 سنوات خبرة ممارس عام ام ان هذه السنين ستحسب له من اول الامتياز؟؟

محسوبة محسوبة لا تقلق

اسف للاطالة صديقي ده عنده اخت في كندا لكن للاسف مش عايشة هناك و هو كتب في الملف بتاع نوفا هذه المعلومة السؤال و انا عارف انه صعب هل ممكن ما يجبش سيرتها دلوقتي لما يبعت الملف علي سفارة القاهرة ام ان هذا سيعتبروه تغيير كبير خصوصا انه كدة هيبقي محتاج يغير بيانات كتيرة عن كذا حاجة؟؟

لازم يجيب سيرتها

وسيبك عايشة هناك ولا لا هل هي كندية ام لسة

5-السؤال قبل الاخير ما هي اطول فترة ممكنة بعد ال120 يوم اللي ممكن اتأخر بيها عشان اجيب نتيجة الايلتس؟؟

6- السؤال الاخيرهل ابعت الفيش و التشبيه مع الورق الي القاهرة ام انتظر حتي يطلبوه مني ؟

شكرا مقدما و دعواتي للجميع بالتوفيق

[qenawy]

السؤال الخامس

ما اعرفش الرد بس نصيحة ما تتاخرش وزناتي يجاوبك احسن في النقطة دي

الفيش ما تبعتوش بل وما تعملوش الا لما يطلبوه منك لانه هيبقي اكسبيرد يا دكتور صلاحيته 3 شهور

تحياتي

[znaty]

السؤال الخامس

ما اعرفش الرد بس نصيحة ما تتاخرش وزناتي يجاوبك احسن في النقطة دي

الفيش ما تبعتوش بل وما تعملوش الا لما يطلبوه منك لانه هيبقي اكسبيرد يا دكتور صلاحيته 3 شهور

تحياتي

عزيزي مافيش حد يقدر يديك معلومة مؤكدة في الموضوع دة

انا بعت ايميل اسال عنه لاني في نفس الوضع

كان ردهم ابعت ورقك كله بدون تاخير وتفسير ليه مابعتش الايلتس وموعد الحجز وهما هايقرروا ( صورة الحجز اساسي )

من واقع التجربة العملية الاخت سمية بعتت بعد الموعد بشهرين بس هيا كانت مهلتها شهر واحد موش 120 زينا

لكن تحديدا اقصي مدة ايه ماحدش يعرف بالتحديد

[المصريه]

الاخوه الافاضل د قناوى والاستاذ زناتى

اشكركم كثير الشكر على ردودكم وجزاكم الله كل الخير

ووفقكم الله لما يحبه ويرضاه