رد على إستفساراتكم السريعة عن الهجرة لكندا

[MRIZK]

انت قصدك على الخارجية يعني يا استاذ رزق ؟؟

الخارجية عايزة تشوف ختم وكيل وزارة العدل

ووكيل وزارة العدل عاوز يشوف ختم الشهر العقاري

والشهر العقاري عاوزك انت وااي عنده حق التوقيع في الشركة والسجل التجاري للشركة قدامه

بس احب اكرر

توثيق شهادة الخبرة في الخارجية ماهوش مطلب رسمي للهجرة

يعنى توقيع الH.R على شهادة الخبرة كفاية +ختم الشركة ؟؟؟؟؟؟؟انا اسف بس شهادة الخبرة دى عمل لى قلق شوية علشان انا شريك فى الشركة

[capitshino]

س وأخبرني صديق أنه كان هناك مدرس لتدريس كورس الأيلتس خاص أو بالطلب لكنه..... "انتحر"!....

تلاقيه كان مقدم هجرة فيدرال برده ومعرفش يجيب الاسكور المطلوب

[bibo bibo]

حد يلحقنى يا جماعة دلوقتى جالى ورقة تقييم بتقول انى حاصل على 48 نقطة ولازم اقل حاجة 50:25 نقطة اعمل اية بالظبط الخبرة 6/9 دى ممكن اجيب انى كنت شغال فى فترة الدراسة بعدد ساعات معين وتعلى الدرجات ولا اية ؟ الللغة 8/16 فرنساوى ازاى ابعتلهم اقولهم انا اتقدمت من المستوى السادس اللى كاتبة عندهم للمستوى الثامن مثلا هل دة يفيد ولا اية ؟

ارجوا الرد بسرعةةةةة

[bibo bibo]

حد يلحقنى يا جماعة دلوقتى جالى ورقة تقييم بتقول انى حاصل على 48 نقطة ولازم اقل حاجة 50:25 نقطة اعمل اية بالظبط الخبرة 6/9 دى ممكن اجيب انى كنت شغال فى فترة الدراسة بعدد ساعات معين وتعلى الدرجات ولا اية ؟ الللغة 8/16 فرنساوى ازاى ابعتلهم اقولهم انا اتقدمت من المستوى السادس اللى كاتبة عندهم للمستوى الثامن مثلا هل دة يفيد ولا اية ؟

ارجوا الرد بسرعةةةةة

دة لكيبيك واقل حاجة بيقولوا 50

[znaty]

انت قصدك على الخارجية يعني يا استاذ رزق ؟؟

الخارجية عايزة تشوف ختم وكيل وزارة العدل

ووكيل وزارة العدل عاوز يشوف ختم الشهر العقاري

والشهر العقاري عاوزك انت وااي عنده حق التوقيع في الشركة والسجل التجاري للشركة قدامه

بس احب اكرر

توثيق شهادة الخبرة في الخارجية ماهوش مطلب رسمي للهجرة

يعنى توقيع الH.R على شهادة الخبرة كفاية +ختم الشركة ؟؟؟؟؟؟؟انا اسف بس شهادة الخبرة دى عمل لى قلق شوية علشان انا شريك فى الشركة

ايوة كدة بالنسبة للهجرة كفاية مع بيزنس كارد للهيومان ريسورس اللي موقع عليها

[znaty]

الأخوة الأعزاء

السلام عليكم ورحمة الله وبركاتة

أولا أود أن اهنئ جميع الأخوة بمناسبة شهر رمضان الكريم (أرجو من الله أن يحقق لكم كل ماتتمنوا ببركة هذا الشهر الكريم)

ثانيا أود أن أشكر القائمين علي المنتدي وأخص بالشكر الباشمهندسة أ/سميه

و الباشمهندس أ/زناتي.

والجميع.

ثالثا -أسبوعان ما أغمضت عيناي عن هذا المنتدي ....

أنا ممارس علاج طبيعي

السن 28 سنة

متزوج

أود أن أقدم علي هجرة لدولة كندا الغربية الشقيقة

فيدرال إن شاء اللة.

اود أن استفسر عن بعض النقاط

1-كيف أبدأ في التحضير لأمتحان الأيلتس حيث أن المركز الثقافي البريطاني لم يعد يقدم كورس التحضير للأيلتس وأخبرني صديق أنه كان هناك مدرس لتدريس كورس الأيلتس خاص أو بالطلب لكنه..... "انتحر"!....

عموما لقد قمت اليوم بعمل أمتحان تحديد مستوي وسوف التحق بكورس جنرال وكورس محادثة..

أود أن اعرف الطريق الصحيح ...

اشتغل على محورين

1- تحسين لغتك بصفة عامة من خلال حفظ كلمات + جرامر +سمع بي بي سي يوميا + التحدث يوميا مع اي حد

2- اكتساب المهارات الازمة للامتحان نفسة ودة من خلال كتب تكنيك الامتحان وكتب براكتيس الامتجانات نفسها

كتب كتيرة وتفاصيل اكتر في توبيك الايلتس راجع ص 60 تقريبا فيها ملخص الكتب

بالتوفيق

[ahmedalbalshy]

السلام عليكم

أولا أود أن اشكر جميع القائمين علي هذا المنتدي المميز

ثانيا : كل عام و أنتم بخير بمناسبة الشهر الكريم أعاده الله علينا و عليكم جميعا بالخير و اليمن و البركات و الغفران من المولى عز و جل

ثالثا : كان لي استفسار بسيط متعلق باللغة و امتحان الأيليتس

أنا عملت لنفسي تقييم و جبت مجموع درجات 55 من غير اللغة يعني محتاج 12 درجة فقط من 24 .

و ذلك على أساس اني مبرمج حاسب آلي و موجود في الليستة بتاع الفيديرال بس بكود 2174 مش بالكود المطلوب لمجال

نظم المعلومات 0213 ، المؤهل 20 درجة ، و الخبرة أكتر من ست سنوات ب 21 درجة ، و السن 10 درجات ، و الزوجة

حاصلة على مؤهل عالي ب 4 درجات ، يبقى محتاج 12 درجة في اللغة ، و أنا و الحمد لله عمال بآخد كورسات انجليش و

وصلت للمستوى الثامن في الجامعة الأمريكية ، استفساري هو ازاي أقدر أحصل على ال 12 درجة المطلوبة المتبقية ، و هل

بالنسبة لمستواي الثامن في صعوبة للحصول على ال 12 درجة و مطلوب مني كام في امتحان الأيلتس ( قراءة و كتابة و

استماع و تحدث ) كل على حدة ، ممكن حد يفيدني لأني بصراحة الناس مخوفاني من امتحان الأيليتس الأصعب من التويفل ،

ممكن حد يفيدني ؟

ربنا يخليكم

و يتقبل منكم صيام الشهر الكريم و يوفقكم جميعا

و السلام عليكم و رحمة الله و بركاته

[qenawy]

وماذا بعد الخوف اخ احمد

اتوكل علي الله وادخل توبيك الاليتس في هذا المنتدي للباشمهندس زناتي تجد ما يسرك

ثانيا ال12 صعبة اي نعم بس مش مستحيلة

انا كنت زيك كده خايف وفي الاخر جبت 14 مش 12 احمد سيف زميلنا جاب 16 يعني الموضوع مش مستحيل

تقسيمة الاليتس

الهاي

ليسننج سبعة ونصف

ريدنج ستة ونصف

رايتنج 6 ونصف

سبيكنج ستة ونصف

اي واحدة هاي تديلك 4 نقط

المودريت من خمسة ونصف عدا اريدنج من خمسة

يبقي انتعايز 2 هاي و2 موديرت شد حيلك

بالنسبة للجامعه الامريكية هما كام مستوي 12 ؟

الاليتس برضه تكنيك وتركيز ولغة

الله معك

[ahmedalbalshy]

أشكرك دكتور قناوي من كل قلبي

و الله بجد شرف كبير ليا ان حضرتك ترد على استفساري

و ربنا يوفق الجميع

و كل عام و حضرتك و كل أعضاء المنتدى بخير و صحة و سلام

[thelord]

السلام عليكممم.. بالبديه احب اهني المشرفين والقائمين على هذا المنتدى واقلهم رمضان كريم وشكرا جزيلا على الي بتعملوه لينا لانكم بتخدمونا خدمه كبيره بدون مقابل...

كان عندي سؤال ..

دلوقتي انا شايف في قائمه الفيدرال طالبين مانجر بالفايناناس.. انا لو متخرج فاينناس.. وعايز اقدم ينفع ولا ظروري اكون مانجر.. فيه عشان يقبلوني مش عارف النقطه دي ازاي..

بس لو تخدموني فيها وشكرا جزيلا

[Nassarlink]

السلام عليكممم.. بالبديه احب اهني المشرفين والقائمين على هذا المنتدى واقلهم رمضان كريم وشكرا جزيلا على الي بتعملوه لينا لانكم بتخدمونا خدمه كبيره بدون مقابل...

كان عندي سؤال ..

دلوقتي انا شايف في قائمه الفيدرال طالبين مانجر بالفايناناس.. انا لو متخرج فاينناس.. وعايز اقدم ينفع ولا ظروري اكون مانجر.. فيه عشان يقبلوني مش عارف النقطه دي ازاي..

بس لو تخدموني فيها وشكرا جزيلا

وعليكم السلام ورحمة الله وبركاته

اسمحلي يا دكتور قناوي بالطلعه دي

ممكن يا استاذ لورد انك تقدم بوظيفة محاسب

لو انت مش مدير مالي

ودي موجوده بردو في الليسته

نصار

[isaCanadian]

السلام عليكم يا أهل المحاورات وكل عام وانتم بخير

عندي استفسار محتاج اتأكد من حضراتكم بخصوصه

انا متزوج جديد وعاوز اعرف اذا حصل والمدام اصبحت حامل بعد التقديم وجه ميعاد الكشف الطبي هل لازم نستني والموضوع كله يتأجل لحد الولاده ولا ممكن ناخد التأشيره والمدام تسافر تولد هناك

انا سمعت ان لازم يتأكدو ان الطفل ماعندوش مشاكل او عيوب خلقيه وده معناه ان اجراءات الهجره هتاخد وقت اكتر

شكرا لإفادتكم

[qenawy]

السلام عليكم يا أهل المحاورات وكل عام وانتم بخير

عندي استفسار محتاج اتأكد من حضراتكم بخصوصه

انا متزوج جديد وعاوز اعرف اذا حصل والمدام اصبحت حامل بعد التقديم وجه ميعاد الكشف الطبي هل لازم نستني والموضوع كله يتأجل لحد الولاده ولا ممكن ناخد التأشيره والمدام تسافر تولد هناك

انا سمعت ان لازم يتأكدو ان الطفل ماعندوش مشاكل او عيوب خلقيه وده معناه ان اجراءات الهجره هتاخد وقت اكتر

شكرا لإفادتكم

ابدا ممكن تسافر وهي حامل عادي

مين المفتي اللي افتي بموضوع العيوب وغيره

هو بس ممكن تبقي فيه مشكله لو حامل عشان كشف الاكس راي

[isaCanadian]

السلام عليكم يا أهل المحاورات وكل عام وانتم بخير

عندي استفسار محتاج اتأكد من حضراتكم بخصوصه

انا متزوج جديد وعاوز اعرف اذا حصل والمدام اصبحت حامل بعد التقديم وجه ميعاد الكشف الطبي هل لازم نستني والموضوع كله يتأجل لحد الولاده ولا ممكن ناخد التأشيره والمدام تسافر تولد هناك

انا سمعت ان لازم يتأكدو ان الطفل ماعندوش مشاكل او عيوب خلقيه وده معناه ان اجراءات الهجره هتاخد وقت اكتر

شكرا لإفادتكم

ابدا ممكن تسافر وهي حامل عادي

مين المفتي اللي افتي بموضوع العيوب وغيره

هو بس ممكن تبقي فيه مشكله لو حامل عشان كشف الاكس راي

الحقيقه انا قرأتها امبارح هنا بس مش متذكر في توبيك ايه

الحقيقه قلقلت لأن بدل ما اعمل الكشف الطبي واستني شهرين علي التأشيره ممكن استني 6 شهور لحد الولاده وبعدين يكشفو علي الطفل وبعدين اخد التأشيره

بس متشكر علي تأكيدك وإيضاححك بعدم وجود مشكله في الحمل أثناء الكشف الطبي

[znaty]

جالي على الخاص قلت ارد على العام جايز يكون فيه ظروف مشابهة

كان ليا سؤال محدش اخد باله منه واتردم بسرعة في هوجة التعليقات

سؤال في توبيك (رد على استفساراتكم السريعة حول الهجرة لكندا) في الصفحة 150 مشاركة رقم 2247

ونصها

لو المهنة بقت بالمسمى ده

Computer network manager

تمشي ؟؟ مع العلم انها موجودة في الامثلة على المهنة بس انا حاسس اني لو ربطت نفسي بموضوع الشبكات ده حتبقى فرصتي اضعف

وبعدين انا ناوي انزل من السعودية نهائي وبشهادة خبرة سعودية ومش من الكفيل من شركة تانية انا مش على كفالتها والمسمى في المهنة في الجواز مش مطابق للمهنة الفعلية اللي انا بشتغلها.

فهل لو رجعت مصر وطلعت باسبور جديد بمهنة مدير نظم حاسب آلي أو اخصائي نظم معلومات وبعدين لقوا ان شهادة الخبرة من السعودية

هل ساعتها حيطلبوا صورة من التاشيرة اللي دخلت بيها السعودية ولا لأ ؟؟؟

كمان الفيش والتشبيه السعودي اعمله ازاي لما اعمله حتظهر فيه المهنة ولا لأ ؟؟؟

واهو كله بثوابه

كمان انا نازل مصر قريب أجازة

التقديم من مصر أحسن ولا من السعودية يعني مين الأسرع فيهم ؟؟

وكل سنة وانت طيب

وانت بالصحة والسلامة يا حازم

تعالي نشوف نقطة نقطة

اولا انا عاوز اعرف انت نازل مصر اجازة والا نهائي ؟؟؟انت قلت في النص الاول نهائي وفي الاخر اجازة

عموما شهادة تالخبرة عندهم ولا تفرق من كفيلك او موش كفيلك الحاجات دي ماتفرقش عندهم

المهم تجيب الشهادة مختومة ومعاها كارت اللي موقعها

كومبيوتر نيتوورك مانجر موجودة واللستة بتاعة مسميات اخري للمهنة كلها تمشي تحت نفس رقم الان او سي مافيهاش مشكلة

موضوع الباسبور بقة ودة مهم

اولا شهادة الخبرة من السعودية يعني طبيعي باسبورك اللي هاتقدم صوره هاتكون في تاشيرة السعودية

لو انا هاتقدم في لندن هما بيطلبوا فعلا صورة التاشيرة وصورة الاقامة علشان يسمحولك تكمل الاجرائات من لندن كاثبات انك مقيم في الخليج

لكن لو هاتقدم في القاهرة فموضوع التاشيرة نفسه غير مطلوب بس لازم هاتصور الباسبور الحالي والباسبور القديم

المهنة اللي في الباسبور غير مهمة بالنسبة لهم اوي ولا انصحك بااللعب في المهن علشان ماتقلقش الافيسور

لو نزلت من السعودية موش هاتعرف تعمل لها فيش ولو بالطبل البلدي

ودي مافيهاش مشكلة

بتكتب توضيح انك حاليا عايش في مصر والسعودية مابتديش فيش لاي حد عايش براها وهما عارفين كدة مافيش مشكلة خالص حصلت مع ناس زمايلي كتير

اما لو مقيم لا لازم تقدمها

بالنسبة لمين اسرع لندن والا القاهرة

الاتنين قريبين من بعض جدا حاليا

بس تقريبا القاهرة راكبة اكسبريس اليومين دول

بالتوفيق

[znaty]

يا حازم

بالرغم انك بتعديل المهنة في الباسبور ممكن ماتكونش عامل حاجة غلط فعليا او رسميا لان المهنتين في نفس مجالك وممكن تكون بتقوم بالاتنين فعلا

لكن خد في اعتبارك ان الاوفيسر موش متخصص في مجالك يعني ممكن يعتبر الاتنين حاجتين مختلفتين

ودة اللي انا قصدي بيه انك تقلق الاوفيسر

واخدلي بالك انت يا اون..

[qenawy]

تمام رياض بيه المنفلوطي

[qenawy]

الصدق منجي

وعشان خاطر الاليتس

TRUTH IS MANGO

[znaty]

نقيب من وانت في اولا ثانوي يا دكتره :lol:)))))))))))

حلوة جدا مانجو دي

تسلملنا دماغك يا رياض باشا :lol:

[ahmedalbalshy]

السلام عليكم و رحمة الله و بركاته

كل عام و أنتم بخير جميعا

بصراحة أنا ليا استفسار يمكن يكون هايف شوية

أنا جيت أعمل بطاقة رقم قومي جديدة لتعديل الحالة الاجتماعية من أعزب الى متزوج و المهنة من حاصل على ليسانس حقوق الى مبرمج حاسب آلي ، و لما جيت أتصور قالولي لازم أخلع النظارة و سألت علشان أعمل باسبور جديد لازم أقدم صور حديثة من غير نظارة

طيب لغاية كده كويس ، لكن الصور اللي هأبعتها في الملف بتاعي في نوفا سكوتشيا في كندا مع الحوالة هل برضه هأبعتها بدون نظارة ، و كمان لو الورق اتقبل من كندا و تابعت مع السفارة ايه موقفي مع النظارة دلوقتي ، هل في مشكلة و لا إيه ؟؟؟؟

سواء في المقابلات أو في الكشف الطبي في حالة قبول الورق و الملف بتاعي و لا لأ !!!!!

أرجو من ذوي الخبرة الرد على استفساري

و شكرا

و السلام عليكم و رحمة الله و بركاته