كندا يوم بيوم

[Toronto]

طيب مانعمل نتورك من الناس الى شغاله فى تورنتو أو حتى فى كندا عموما , انشا الله تكون زى أعلانات مبوبه على المنتدى الى شغال فى شركه أو حتى صاحب شغل خاص و شاف أعلان لشغلانه أو فى شركته عايزين وظيفه معينه ملكش دعوه هيا أيه و لاحتى تخصص ايه يعلن عنها هنا فى المنتدى .

من ناحيه اللى جى جديد يعرف ايه الشغل المطلوب , و يعدل ال cv بتاعته و من ناحيه تانيه اللى هنا و عايزها اهو تبقى أنت الريفرنس بتاعه .

صحيح فى وسائل تانيه لكن حتى الناس اللى شغلتهم مساعدة اللى جى جديد زى مركز الجاليه العربيه بينصحوا بكده لازم نعمل نت ورك .

المهم أهى محاوله مين عارف ممكن الفكره تكبر و أى حد جى نقدر نساعده و يشتغل فى أسرع و قت ...ياريت. ولكن للحديث شرح يطول و أنا الليلة مشغول...

أخي العزيز ياسر ...

السلام عليكم

بارك الله فيك ياأخي على هذه المشاركات الجميلة والغزيرة بالمعلومات القيمة ...

فعلا ً ياأخي أنت بن بلد أصيل :rolleyes: :waf: ...

وهذا رأي ومقترح سديد سيستفاد الكثيرين منه ..وياريت الأخوة العرب الكنادوة يشدوا حيلهم ويساهموا معاك بهذا الموضوع وكل يساهم بأمكانياته وبمعرفته وحسب وقته ...

الأقليات دائما ً بيساعدوا بعضهم لأنهم بيشعروا بحجم المظلومية الواقعة عليهم ويعتبروا مساعدة بعض واجب مقدس يسمو على كل المقدسات ويعتبرونه جزء من خطوط الدفاع عن الذات والحفاظ على هويتهم المسلوبة الحقوق ..

أمنياتي لك بالتوفيق .. والى مزيد من حلقاتك الجميلة ...

أبو مروان

تسلم يا أبو مروان , انشاء الله حد يساهم ...معلهش فيه ظروف بتخلى ناس هنا مش عايزيين يتكلموا فى موضوع الشغل علشان احنا جايين من مجتمع بيصنف الوظايف تصنيف طبقى , يعنى فيه وظايف قمه ووظايف قاع , لما بييجى هنا و يشتغل عامل أو سباك أو ميكانيكى ....أو...أو ....بيبعد عن الناس و يتكسف يروح مناسبه اجتماعيه ليسألوه عن الشغل لكن فى الحقيقه أن الرسول أشتغل بالتجاره و أبو حنيفه باع أحذيه ....لكن احنا ورثنا عقد و أشياء سيئه عن أبائنا الأقربين و نسينا " رحم الله امرء بات كالا من عمل يده....

تحياتى ليك و للأسره و خد بالك كده الحواوشى حيبرد... :lol:

اه لو كنت اعلم اني في يوم من الايام ههاجر كندا كنت اتعلمت صنعة ميكانيكى,نقاش,سباك..كهرباءي,,حصل موقف front of me شاب سوري بيسأل ازاى يلاقي فرصة عمل فالموظفة سألته انت بتشتغل ايه قالها انا حداد كريتال قالتله اوووه طب استني شوية في اقل من نصف ساعة كان بيكلم صاحب شركة مباني و اتفق معاه كمان علي الأجر مش حقول كام علشان ماتتخضوش...مع العلم انه واصل كندا اقل من شهر..اهو لا هو مهندس و لا...الناس هنا بتفكر ازاى يجيب فلوس...و اللهي العظيم اعرف محاسب تشيكى اقدم علي شغلة زبال و ماتقبلش هي دي كندا البلد ورمة شهادات ..ملحوظة ساعة الزبال ب 18 دولار...شركات المباني دلوقت مش عايزين مهندسين ..عايزين عمال ...معظم المهندسين ايلي اعرفهم بيعملوا دورات في السوفت وير في المنظمات العامة ...فالفرص الحقيقية في كندا للحرفيين ..و شكرا.

[mmdd]

الله يعينك يابو عمار انشاءالله بس اتمنى انك تكون صليت استخارة قبل ماتشتري العربية يعطيك خير ماجيبت ويبعد عنك شرها باذن العلي القدير.

بقولك انا محمد جلال لو كنت مش فاكرني محامي دبي , انا زوجتي اللي مقدمة الطلب باسمها تعمل مدرسة رياضايات وفزياء للثانوية العامة للمنهج الامريكي والبريطاني

فهل هي ممكن تلاقي شغل هنك بسهولة ولا تخصصها ابو بلاش كتر منه ارجو الالفادة جزاك الله خير .

[Toronto]

الله تخصصها ابو بلاش كتر منه ارجو الالفادة جزاك الله خير .

تعمل EQUIVALENCEو هيا و ظروفها و نصيبك حيصيبك.

[mmdd]

اشكر حضرتك لاهتمامك وجزاك الله خير .

سيادة الزميل المحترم انا بس والله مش بسبق الاحداث ولكن انا بس بحب اكسب وقت بمعنى ان مدام انتظار اجراء انتهاء الهجرة سيأخذ وقت حسب مايريده رب العالمين لينا فهل من الممكن الدراسة الاكاديمية لسنتين في القانون وانا هنا في الامارات واي جامعة تنصحني بيها ياسعادة النقييييب !

اتمنى اني اكون مش بثقل عليك ولكن والله انا مصمم باذن الله لدراسة القانون لاني قرات ان محتاج 60 ساعة فول تايم ( سنتين ) فان اتسأل هل من الممكن الدراسة وانا دبي .

اجبني الله يرضى عنك بالدنيا والاخرة ولو مانفعش وكنت حضرتك بقيت محامي مرخص هناك يبقى اعمل حسابي اشتغل فراش عند ياريس وامرنا لله هههههههههههه

[yassir]

و بعدين يا أبو عمار حنكتب اليوم ده ازاى ...ده طويل أوى ييجى 50 صفحه و زياده, بس يوم مهم.... ده ناس كتير من الساده المهندسين يهمها موضوع المعادله و الرخصه ده.

نقسمه على حلقات كل حلقه بحته فى موضوع المعادله و الرخصه و ربنا يعينا ...صحيح الموضوع دمه تقيل و لافيه همام المحبط و لامرحرحه المستريحه بس معلهش المهم الفايده.و أهو يوم من الأيام الى بتعدي على المهاجر .....

المصادر.....النت و تجربتين لمهندس روسى و أخر سيرلانكى حصلوا على الرخصه و الأول أصبح الأن عضو فى اللجنه اللى بتقيم اللى بيقدم طلب الحصول على الرخصه و الثانى بيدرس كورس فى PEO لمساعدة المتقدمين الجدد للحصول على الرخصه. توكلنا على الله

[yassir]

الحلقه الأولى فى رحله البحث عن رخصه مزاوله المهنه للساده المهندسون .

حته قانويه على ماقسم...المهندس فى كندا اللى معاه رخصه بيكون قادر على ممارسة المهنه فى المقاطعه اللى حصل منها على الرخصه فقط يعنى مافيش رخصه خاصه بكندا ,انما فى رخصه خاصه بأونتاريو و كل مقاطعه لها لوايحها الخاصه اللى بتنظم أسلوب حصول المهنسون على الرخصه.أحنا هنا بنتكلم على أونتاريو.

القانون هنا بيجمل المهندس مع عدد من المهن تحت قانون واحد و هو TORT LAW و ده خاص بالتعويضات للضحايا الى ممكن يتضرروا بسببك يعنى مش محتاج أى مصاب أو لاقدر الله واحد فقد حياته أنه يكون له عقد معاك ...القانون بيحكمله بشكل تلقائى لو كان الخطأ خطأك.و حتى لو كنت مهندس فى شركه و تسببت فى أضرار لشخص بسبب عيب فى التصميم أو التنفيز و صاحب العمل دفع تعويض للمتضرر , من حق المتضرر برضه أنه يحصل على تعويض منك ......

[yassir]

الحلقه الثانيه فى رحله البحث عن رخصه مزاوله المهنه للساده المهندسون .

حته بسيطه من غير لت فى التعليم . الساده القادمين من تعليم حشو المصارين و التزغيط بيلاقو ان الكورسات الموجوده فى الجامعات و المعاهد فى كندا بسيطه و سهله لكنها فى الحقيقه متوائمه مع سوق العمل و فيها ميزه كبيره و هى أن كل معهد أو كليه من حقها تعدل محتويات الكورس زى ما هى عايزه حتى لو كل سنه لو شافت أنها معدل التكنولوجيا بيتغير بشكل سريع.

المعاهد فى الموضوعات الهندسيه بتقدم برنامج مدته اما سنتين أو ثلاث سنوات بيحصل بعدها الخريج على دبلوما و بيكون اللقب بتاعه فنى TECHNICIAN ,أما الجامعات فالبرنامج بيكون 4 سنوات و بيحصل على بكالوريوس و طبعا بعدها من أتنين لخمس سنوات الماجستير و الدكتوراه...بس كده كفايه لت فى الحته دى ....حول

[yassir]

الحلقه الثالثه فى رحله البحث عن رخصه مزاوله المهنه للساده المهندسون .

ال PEO ....أربط عندك ووبالراحه وواحده واحده ياعلام..WWW.PEO.ON.CA .

PROFESSIONAL ENGINEERS OF ONTARIO ....و هى الهيئه المسئوله عن القواعد المنظمه للحصول على الرخصه و أيضا مسئوله عنى تحديد مسئوليه المهندس....

بالنسبه للساده المعماريين فيه ONTARIO ASSOCIATION OF ARCHITECTS وهى المسئوله عن تنظيم عمل المعمارين (2600 عضو) فى أونتاريو .

فيه مؤسسات تانيه فى المقاطعات الأخرى زى الاتى....

ASSOCIATION OF PROFESSIONAL ENGINEERS , GEOLOGISTS OF ALBERTA

ASSOCIATION OF PROFESSIONAL ENGINEERS ,BRITSH COLUMBIA

ASSOCIATION OF PROFESSIONAL ENGINEERS , NEW BRUNSWICK

ASSOCIATION OF PROFESSIONAL ENGINEERS , GEOLOGISTS OF NEWFOUNDLAND

ASSOCIATION OF PROFESSIONAL ENGINEERS , GEOLOGISTS OF THE NORTHWEST TERRITORIES

ASSOCIATION OF PROFESSIONAL ENGINEERS , GEOLOGISTS OF PRINCE EDWARD

ASSOCIATION OF PROFESSIONAL ENGINEERS , GEOLOGISTS OF SASKATCHEWAN

ASSOCIATION OF PROFESSIONAL ENGINEERS , GEOLOGISTS OF YUKON

ORDRE DES IMGENIEURS DU QUEBEC

انما على مستوى كندا فال Canadian Council of Professional Engineers – www.ccpe.ca هو الهيئه الى بتضم 12 مقاطعه و تعتبر ممثل دولى للمهندسين فى كندا لكن مش مسموح للأفراد بأنهم يكونو أعضاء فيها و كمان ليس لها أن تعدل أو تفرض على PEO أو أى منظمه فى مقاطعه أخرى أى لوائح أو تعدل من القوانين المنظمه للرخص ....علشان احنا جامدين اوى ....حول

[yassir]

الحلقه الرابعه فى رحله البحث عن رخصه مزاوله المهنه للساده المهندسون .

معلش فى الخباسه كده حته صغيره لأخوانا الفنيين و احنا برضه ... الهيئه المسئوله عن تقييم المستوى و القدرات و التسجيل للفنيين و عددهم فى اونتاريو 20000 هى oacett – WWW.OACETT.ORG وهى اختصار ل ONTARIO ASSOCIATION OF CERTIFIED ENGINEERING TECHNICIANS AND TECHNOLOGISTS

و فى استطلاع مهم....(حلوه استطلاع ديه ...) عملته الهيئه ديه السنه الى فاتت و لقت ان 9 فى الميه من الأعضاء العشرين ألف.. حاملين شهادة بكالوريوس و واحد و نصف حاصلين على ماستر وطبعا ده علشان أسهل تقدم عندهم و الشروط أسهل من ال PEO.

و ديه شويه من الهيئات الى بترعى الفنيين فى باقى المقاطعات ...

CCTT- CANADIAN COUNCIL OF TECHNICIAN AND TECHNOLOGISTS – AT FEDRAL LEVEL

AETTN- ASSOCIATION OF ENGINEERING TECHNICIAN AND TECHNOLOGISTS OF NEWFOUNDLAND

PEISCET-PRINCE EDWARD ISLAND SCCITY OF CERTIFIED TECHNICIANS AND TECHNOLOGISTS OF NOVA SCOTIA

NBSCETT-NEW BRUNSWICK SOCIETY OF CERTIFIED ENGINEERING TECHNICIANS AND TECHNOLOGISTS

OTPQ-ORDRE DES TECHNOLOGUE PROFESSIONELS DU QUEBEC

CTTAM –CERTIFIED TECHNICIAN AND TECHNOLOGISTS AND TECHNICIANS

ASET- ALBERTA SOCITY OF ENGINEERING TECHNOLOGISTS

ASTTBC – APPLIED SCIENCE TECHNOLOGISTS OF BRITSH COLUMBIA.

[yassir]

الحلقه الخامسه فى رحله البحث عن رخصه مزاوله المهنه للساده المهندسون .

بؤين من نفسى على الناس الحلوه اللى بتعمل منظمات غير رسميه (يعنى ملهاش حق اصدار رخصه عمل ليك) لكنها بتجمع مهندسين أصحاب كار واحد كالاتى .....

SME أوعى وشك 75000 عضو SOCIETY OF MANUFACTURING ENGINEERS للى معاه شهادة فى تكنولجيا التصنيع .

IEEE ...ياوعدى 330000 عضو يعنى مهندسين الكهرباء يعنى أحسن ناس INSTITUE OF ELECTRICAL AND ELECTRONICS ENGINEERS

ASQ .....يا متين يا فول الحاج أحمد 45000 عضو AMERICAN SOCITY OF QUALITY...الجماعه بتوع الجوده و تأكيد الجوده ....

CAE - CANADIAN ACADMEY OF ENGINEERING

THE CANADIAN MEDICAL AND BIOLOGICAL ENGINEERING SOCIETY

THE CANADIAN SOCIETY FOR AGRICULTUREAL ENGINEERING

CSCHE- CANADIAN SOCIET OF CHEMICAL ENGINEERS

CANADIAN SOCITY OF CIVIL ENGINEERING

CANADIAN SOCIETY FOR ENGINEERING MANAGEMENT

CANADIAN SOCIETY FOR MECHNICAL ENGINEERIN

THE CHEMICAL INSTITUE OF CANADA

CONSULTING ENGINEERS OF NEW BRUNSWICK

CONSULTING ENGINEERS OF MANITOBA

EIC-ENGINEERING INSTITUTE OF CANADA

[yassir]

الحلقه السادسه فى رحله البحث عن رخصه مزاوله المهنه للساده المهندسون

بجانب المنظمات الرسميه و الغير رسميه اللى بتخدم المهندسين حصل فى سنه 2001 ان مجموعه كبيره من المهندسين قرروا تشكيل هيئه منفصله عن ال PEO صحيح ملهاش حق اصدار الرخصه لكنها مدعومه من الPEO بتساعد المهندسين فى الدخول لسوق العمل و اكمال اجراءات الرخصه ....و السنه دى وصل عدد الأعضاء فى المنظمه دى الى 15000 عضو ,لكن علشان تنضم للمنظمه دى لابد يكون ليك ملف مفتوح فى ال PEO لان رقم الملف جزء من اجراءات التسجيل .....هو انا لسه مقلتش اسمها ايه ....نؤسف ياأخوه ...حاكم الواحد جعان و مكسل يعمل سندوتش ...طيب ...طيب حأقول اهوه ....اسمها يا سيدى ospe و الموقع www.ospe.on.ca و الحقيقه بالصدفه أبو عمار قابل رئيس المنظمه من سنتين و كان حكالى مع عدد من الزملاء عن مشروع مهم جدا للقضاء على حكايه الخبره الكنديه المطلوبه من المهندسين المهاجريين و فؤجئت من فتره ان مشروعه بدأ من فتره و أبو عمار مشغول بالحواوشى بس خلى الموضوع ده بعد ما نكمل حكايه الرخصه الأول و بعدين الشغل يحلها الله ....

[yassir]

الحلقه السابعه فى رحله البحث عن رخصه مزاوله المهنه للساده المهندسون

ندخل فى الموضوع بعد البراميل بشويه و الى مالوش طول معلش يتسند علينا ....ال peo من غير الدخول فى تاريخه و المعلومات العامه عنه اللى متوفره على النت ....بتتكون هيئته الاستشاريه من 30 عضو , 7 مهندسين و 5 مش مهندسين بيعنهم ما يسمى lieutenant -Governor لأونتاريو و دول لهم سلطات أعضاء مجلس المدينه و مسئوليتهم هى الأمور اللى بتهم الناس فى المدينه علشان كده لهم سلطه التدخل فى اختيار أعضاء مجلس ال peo وباقى الثلاثين منتخبين من أعضاء ال peo .

ال peo بيعتمد فى تقييمه للشهادات الى حصل عليها المهندس الى مقدم على الرخصه على CEAB و هو اختصار Canadian engineering accreditation board لو كانت شهادتك متوافقه مع اشتراطات ال CEAB يبقى شهادتك معترف بيها , لو مش متوافقه بيلجأ ال PEO الى ARC و هو اختصار ACADEMIC REQUIRMENTS COMMITTEE علشان يدرس كل حاله على حده و بيدرسوا الاتى:

مستوي الشهاده و الكورسات الى أخدتها فى الكليه و محتواها.

درجاتك فى المواد الى درستها.

التقدير العام.

مسترى دراستك للرياضيات.

عدد الساعات للمحاضرات و الفصول فى الكليه المصدره للشهاده.

و يقال و العهده على الراوى ....ان فى سنه من سنه 2003 لحد دلوتى درس الPEO اكتر من 3500 طلب باستخدام الأسلوب ده و ان أصبح عندهم خبره كبيره فى تقييم الشهادات .

بس بينى و بينكم هما بيعملوا حاجه تانيه قالى عليها مهندس من رومانيا متطوع فى لجنة التقييم (أوعى حد يقولوا انى قلت و النبى ) قالى انهم بيقارنوا شهادتك بشهادة مهندس من نفس بلدك و نفس كليتك و حاصل على الرخصه من ال PEO لأنهم مش ممكن يعرفوا جميع المواد و مستوياتها فى جميع انحاء العالم.... وعلشان كده بعض الدول لها سمعه سيئه زى نيجيريا لأن الناس اللى قدموا من هناك عدد منهم شهادته مزوره فالى جه بعده اتظلم بسببه ...قابلنى لو لقيت واحد من هناك واخد الرخصه.....متخفوش سمعتنا زى الفل و الحمد لله و شهادتنا لامضروبه و لا طابعنها فى كندهار .....

و اللجنه ديه بعد دراستها المستندات المقدمه منك بتقرر تشيل سعادتك كام امتحان اللى احنا بنسميهم معادله الشهاده....طيب نهرب من الأمتحان ازاى ......خش على التقيل خش...

الحلقه الثامنه فى رحله البحث عن رخصه مزاوله المهنه للساده المهندسون

طيب ياسيدى عرفنا بيقيموا الشهاده ازاى .... و حنشيل حنشيل ....خش سعادتك على الخبره العمليه الى لها مجلس اخر وهو ERC و هو اختصار EXPERIENCE REQUIREMENTS COMMITTEE و دول فى وش العدو 180 متطوع بيعملوا 80 مقابله شخصيه كل شهر للناس الى شهادتهم مش متوافقه مع ايه ...مع ال CEAB ماقلنا ...

وهنا مربط الهورس اللجنه دى من حقها تعفيك من الأمتحانات لو اقتنعت بخبرتك العمليه و حطلى تحت لو دى خطين و 8 شرط و همزه جنب الحيط.

و العهده على الراوى برضه ان نسبه النجاح ارتفعت فى الخمس سنوات الأخيره الى 60 فى الميه من الى بيدخلوا المقابله بينجحوا....

فيه 3 مجالس أخرى فى الPEO وهى

لجنه التأديب ربنا مايحوجك ليها ...دى لو حد اشتكاك.

لجنه الشكوى لغير الله مذله....و دى تحقق فى الشكاوى المرفوعه من المؤسسات و الأفراد بالنسبه لأجراءات الرخص و الموافقات الهندسيه.

لجنة التسجيل ...و ديه لو قدمت شكوى ليه اترفض طلب الحصول على رخصه بتاعك او مش عارف تجددها.

[مزاميزو]

أنا مستني تكمل حلقاتك الممتازة عن PEO

وياريت لو تقولنا ينفع نبتدي من قبل السفر ولا لازم نكون في كندا عشان نبتدي الإجراءات

وسلام كبير يا جدع لحكمدار أونتاريو :closedeyes:

[mmdd]

اشكر حضرتك لاهتمامك وجزاك الله خير .

سيادة الزميل المحترم انا بس والله مش بسبق الاحداث ولكن انا بس بحب اكسب وقت بمعنى ان مدام انتظار اجراء انتهاء الهجرة سيأخذ وقت حسب مايريده رب العالمين لينا فهل من الممكن الدراسة الاكاديمية لسنتين في القانون وانا هنا في الامارات واي جامعة تنصحني بيها ياسعادة النقييييب !

اتمنى اني اكون مش بثقل عليك ولكن والله انا مصمم باذن الله لدراسة القانون لاني قرات ان محتاج 60 ساعة فول تايم ( سنتين ) فان اتسأل هل من الممكن الدراسة وانا دبي .

اجبني الله يرضى عنك بالدنيا والاخرة ولو مانفعش وكنت حضرتك بقيت محامي مرخص هناك يبقى اعمل حسابي اشتغل فراش عند ياريس وامرنا لله هههههههههههه

[yassir]

الله يعينك يابو عمار انشاءالله بس اتمنى انك تكون صليت استخارة قبل ماتشتري العربية يعطيك خير ماجيبت ويبعد عنك شرها باذن العلي القدير.

بقولك انا محمد جلال لو كنت مش فاكرني محامي دبي , انا زوجتي اللي مقدمة الطلب باسمها تعمل مدرسة رياضايات وفزياء للثانوية العامة للمنهج الامريكي والبريطاني

فهل هي ممكن تلاقي شغل هنك بسهولة ولا تخصصها ابو بلاش كتر منه ارجو الالفادة جزاك الله خير .

الأخ العزيز محامى الجاليه انشاء الله.

السؤال ده صعب جدا جدا جدا....كلمه تلاقى شغل ديه عايزه مجلد علشان ترد عليها علشان كده أخويا العزيز تورنتو قاللك هيا و ظروفها مفيش أى قاعده تضمن لك العمل صحيح كونها عندها خبره فى التدريس مفيد فى ال cv لكن هنا تاريخك لايعنى أى شىء حتى لو كان فى أوروبا .

ليا صديق مصرى مهندس مدنى قرر أنه انه خوض تجربه التدريس بعد محاولات فى الحصول على رخصه مزاوله المهنه من اتحاد المهندسين هنا و أخد حوالى سنه و نصف من الدراسه علشان ينهى دراسته المؤهله فى هاملتون و طبعا دراسه فول تيم و بعد كده احتاج سنه بتشتغل فيها بديل للمدرس و ده محتاج صبر فى التعامل مع الطلاب لأنهم عارفين انك مالكش سلطه عليهم و لاتقدر تخصم منهم أى درجات ....أنت بتحل محل المدرس فى حاله عدم وجوده و بتساعده فى بعض الأعمال ....يعنى متدرب ...و بعد كده الحصول على عمل دائم كمدرس وطبعا بتكون ساعتها الفرصه أكبر لأنك معاك شهاده من هنا و رخصه و كمان تدريب ....

أنا زى ما قات قبل كده لابقول كندا وحشه و لاحلو ه ...أنا بقول اللى بيحصل و كل واحد تجربته مختلفه عن التانى ....ان شاء الله موفق

نسيت أقولك أن المدرسين المسلمين بيعتمدوا فى الحصول على خبرة العمل هنا كمان على المؤسسات الأسلاميه و المساجد اللى ملحق بيها مدرسه و طبعا دى عددها أكبر فى تورنتو بسبب نسبه المسلمين العاليه عن طريق العمل كمتوطعين بأجور رمزيه ...حأتصل المعلومات اللى قلتهالك من مناقشه سابقه مع صديقى انشاء الله أتصل بيه يمكن يفيدنا افاده أكبر باى معلومات جديده ...

[yassir]

apple one + manpower مكاتب توظيف زبالة بيعملوا الناس بطريقة ززبالة ومعندهمش وظائف اصلا

كل ايلي بيقوله ياسر مظبوط و بلاش تخبط معاه علشان مش حلو علشانك.. الراجل ده كفاءة و ماتقوليش كفاءةمات في خناقة علشان لسة عايش و اسمه ياسر..وماتكترش في الكلام علشان انا عارفك و عارف العمارة ايلي انت ساكن فيها. :closedeyes:

أخى العزيز و سند السكندريه فى بلاد اللحم و البطاطس ...أحلى تحيه

تسلم و مننحرمش من صوتك و مداخلاتك

[yassir]

تسلم يا أبو مروان , انشاء الله حد يساهم ...معلهش فيه ظروف بتخلى ناس هنا مش عايزيين يتكلموا فى موضوع الشغل علشان احنا جايين من مجتمع بيصنف الوظايف تصنيف طبقى , يعنى فيه وظايف قمه ووظايف قاع , لما بييجى هنا و يشتغل عامل أو سباك أو ميكانيكى ....أو...أو ....بيبعد عن الناس و يتكسف يروح مناسبه اجتماعيه ليسألوه عن الشغل لكن فى الحقيقه أن الرسول أشتغل بالتجاره و أبو حنيفه باع أحذيه ....لكن احنا ورثنا عقد و أشياء سيئه عن أبائنا الأقربين و نسينا " رحم الله امرء بات كالا من عمل يده....

تحياتى ليك و للأسره و خد بالك كده الحواوشى حيبرد... :aslam:

اه لو كنت اعلم اني في يوم من الايام ههاجر كندا كنت اتعلمت صنعة ميكانيكى,نقاش,سباك..كهرباءي,,حصل موقف front of me شاب سوري بيسأل ازاى يلاقي فرصة عمل فالموظفة سألته انت بتشتغل ايه قالها انا حداد كريتال قالتله اوووه طب استني شوية في اقل من نصف ساعة كان بيكلم صاحب شركة مباني و اتفق معاه كمان علي الأجر مش حقول كام علشان ماتتخضوش...مع العلم انه واصل كندا اقل من شهر..اهو لا هو مهندس و لا...الناس هنا بتفكر ازاى يجيب فلوس...و اللهي العظيم اعرف محاسب تشيكى اقدم علي شغلة زبال و ماتقبلش هي دي كندا البلد ورمة شهادات ..ملحوظة ساعة الزبال ب 18 دولار...شركات المباني دلوقت مش عايزين مهندسين ..عايزين عمال ...معظم المهندسين ايلي اعرفهم بيعملوا دورات في السوفت وير في المنظمات العامة ...فالفرص الحقيقية في كندا للحرفيين ..و شكرا.

المجتمع هنا بيبصلك بأحترام اذا كنت بتدفع فواتيرك مش عايش عاله عليه ,الأساس هو انك تنجح فى العمل موظف ولا صاحب عمل , زبال ولامهندس المهم أنك بتحصل على دخل كاف ليك و لأسرتك , العمل ماهو الا وسيله ,مصدر دخل ...مش عيب ابدا تشتغل أى حرفه المهم انها مفيش فيها شىء حرام لكن النظره الطبقيه للعمل الى فى مجتماعتنا العربيه هى اللى بتخلى كتير من الناس يحس انه اتصدم لما بييجى هنا ..."ملقتش شعلانه فى تخصصى" ...و كأنه مفيش غيرها ...غير تخصصك , ادرس شىء تانى بس أنجح و ساعد أهلك كمان ينجحوا .....كامل احترامى لأخويا تورونتو على شجاعته فى طرح وجهة النظر ...

[Abo Marwan]

أخي ياسر / أبو عمار ..

السلام عليك ...

تسلم ياأخي وبارك الله فيك ، وجعل الله لك في كلمة تكتبها هنا لأخوانك وأخواتك في هذا المنتدى.. نور في طريقك ...وحسنات في آخرتك .. :closedeyes: :)

ياأخي أول حاجة أنا مستني الولد والبنت يخلصوا أمتحانات الثانوية العامة ، وثاني حاجة أنا عامل الفحص الطبي من نهاية أكتوبر /2007 ولسة السفارة ماطلبتش جوازات السفر ، وفي كل الأحوال حتى لو طلبوها وجت التأشيرة حنستى لحد ما الأولاد يخلصوا الأمتحان في أول يوليو ... بس هذا ما يسقط حقي في نيل شرف عزومة الحوواشي عندك ..

ياأخي أحنا العرب مشكلتنا في نظرة المجتمع الطبقية والي هي أترسخت كمفاهيم وصارت ثقافة تتوارثها الأجيال .. بس هذا مايمنعش أنه كثيرين علشان لقمة العيش وتحسين ظروفهم المعيشية أشتغلوا عمال في أي عمل .. بالرغم من أنهم مهندسين أو حاصلين على بكالوريوس في أختصاصات ممتازة .. وأنا كان يجيني ناس يشتغلوا أعمال بسيطة، وبعد فترة أكتشف لديهم مؤهلات علمية ..

بس يجب أن نعلم انه العمل شرف وأذا الواحد منا أذا ما حصلش الفرصة المناسبة للعمل ، يجب ان يكافح لصنع الفرصة .. حياتنا في الشرق كلها كفاح وتعب من الولادة الى الممات في ظل أوضاع القهر الي بنعيشها... المهم الأرادة والأصرار .. يعني طالما أنه عنكم في كندا مثلما تفضلت بالأشارة اليه في موضوعكم هذا .. في أمكانية معادلة الشهادة وبدها شوية مذاكرة ليش ما الواحد يذاكر من جديد حتى يأخذ مكانه وطريقه في العمل .. ماهو ياخوي التقاعس والكسل أحياناً بخلي الواحد يختار الطريق الأسهل حتى لو كان عمل بسيط وننظر له نظرة دونية .. وكما سمعت منك ومن الأخوة هنا في المنتدى ومن أقاربي عندكم في كندا ..في كثيرين خطوا خطوات ناجحة وحققوا أنجازات كبيرة في فترات قصيرة .. وفي ناس خسرت كل فلوسها ولعنت اليوم الي فكروا يروحو الى كندا .. وفي نفس الوقت في ناس أولادهم حققوا انجازات رائعة في مجال التعليم والعمل ... وفي المقابل ناس ضيعت أولادها وبناتها وصاروا في مستويات ضحلة بالتعليم والسلوك المنحرف ..

ياأخي بعد هذا كله لانقول الا التوفيق من الله ..ورضا الله ورضا الوالدين ، و مساعدة أو دور أولاد الحلال أمثالكم الي يجيوا في طريقنا .. بس لازم الواحد يكافح ويتعب مش يجلس في البيت ويغلق الأبواب عليه ويقول .. هو هذا نصيبنا .. عسى أن تتحقق الفرصة ويجيني الشغل ..سبحانه تعالى طلب منا السعي في مناكبها وهو سبحانه وتعالى وعدنا ووعده حق أنه سيكون في عون عباده ..

ياأخي بس حبيت أذكرك عن / معادلة شهادة المنهدس الكيماوي أخبارها أيه / هي نفس هذا الطريق الي ذكرته ولا في طريق ثاني ، وكذلك معلش ياخويا لو نعرف / ماذا عن معادلة بكالوريوس الكمبيوتر / وكم يأخذ وقت وكورسات دراسة ...

لك مني ألف تحية .. ودعائي لك وللأسرة الكريمة بالتوفيق والنجاح.. :blink: :lol:

أبو مروان

[yassir]

الحلقه التاسعه فى رحله البحث عن رخصه مزاوله المهنه للساده المهندسون.

و بعدين مش حنقدم بقى و نشوف حنغرم كام و الشروط ايه...نرجع فى الموضوع ده للموقع لتجديد المعلومات معلش يزيدوا عشرين دولار ينقصوا عشرين خليها عليكوا بقى ....

CATEGORY DESCRIPTION FEE

APPLICATION FEE 187.25

TECHNICAL EXAM PROGRAM REGISTRATION (ONE TIME) 285

EACH EXAM 115

EACH RE-EXAMINATION 100

PROFESSIONAL PRACTICE EXAM (PPE) EACH EXAM 100

RE-MARKING 200

ENGINEERING REPORT 225

ENGINEERING INTERNSHIP PROGRAME ANNUAL 53.5

NEW LICENCE FEE ANNUAL 187.25

LICENCE FEE ANNUAL 214

و شروط التقدم للحصول على الرخصه هى:

أولا...السن يزيد عن 18 سنه ....معلهش بقى استحملوا الغباء المؤسسى ...قال يعنى حييجى واحد فى الأعداديه يقدم...

ثانيا ...أن يكون المتقدم مواطن كندى أو مقيم أقامه دائمه , زياره لأ ....سكرته من على الحدود من بفالو ...نو نو نو ...و العهده على ال PEO انه يمكن التقديم من خارج كندا و لكن بتاخد وقت أطول .....و الله مكتوب كده فى ال GUIDE ماليش دعوه حضرتك....

ثالثا ...أن يكون عسول ....أعمل ايه يعنى مكتوب يكون GOOD CHARACTER ...أترجمها أزاى.... مواطن جدع ...ما علينا ...المهم متكونش لبط و ليك سوابق ..طبعا فى كندا ...انما بره كندا انشا الله تكون الجن أبو عين ازاز...

متستهونش بالماده ديه علشان فى خطاب أو شهادة الخبره لابد يذكر ده انك فل الفل و معملتش مشاكل فى الوظايف اللى شغلتها قبل كده....

رابعا ...طبعا الشهاده تكون متوافقه مع الحد الأدنى المطلوب و هو دبلوما 3 سنوات....و اخدلى بالك من ثلاث سنوات دى ..... فى معهد بعد الثانويه العامه , و طبعا الدارج هو الناس اللى معاها بكالوريوس و ماستر و دكتوراه و الحاجات الجامده دى ...

خامسا ....يعدى ال PROFESSIOAL PRACTICE EXAM... عديها حنقول ايه هو فى وقته....

سادسا يكون عنده 4 سنوات خبره منهم على الأقل 12 شهر فى كندا ....

تبعت ايه ساعدتك فى ال package سواء بالبريد أو تروح تسلمها بنفسك للسكرتيره ...ده و عليك خير بعد ما أنسف كوبا من شاى الوزه و أكمل المسيره ...

ملحوظه لو جوزك مهندس أبعتى الpackage على حسابك بالبريد علشان الحكايه هناك موز ....موز...موز ....على رأى عمر أديب ...

[yassir]

الحلقه العاشره فى رحله البحث عن رخصه مزاوله المهنه للساده المهندسون....

ال package ....ياسيدى .....

1- أثبات أنك مواطن كندى أو مقيم أقامه كامله فى بلاد اللحم و البطاطس أى حاجه تمشى حضرتك ....شهاده الجنسيه وش و ضهر,PR CARD ماشى ,البزابورت ...نو ...نو ..نو.

2- ال APPLICATION اللى عملتها داون لود من الموقع . لسه معملتش ...ماشى خليها علينا ممكن يبعتوهالك بالبريد...

3- أى ورقه أنك غيرت أسمك بعد الجواز ....أو حتى غيرت أسمك علشان مش عاجبك ..

4- ترجمة الشهاده و طبعا زى أيام التقديم على الهجره يكون المترجم معتمد من هيئه مترجمى أونتاريو ...الترجمه بره كندا حتى المعتمده من محامى أو موثقه من الخارجيه و حتى السفارات الكنديه غير مقبوله .....هو كده ....عاجب و لا لأ ...حنطلع عينك ...

5- ترجمه شهادات الدرجات اللى فيها درجات المواد اللى خدتها فى الكليه من ساعة ما دخلت بعد الثانويه ...لحد ما أتخرجت ....حتلاقى بلاوى ياريس ....أوعى وشك ....مقبول ...مقبول ...ياولدى.

6- طبعا بعد الشر لو معاك ماستر يترجم راخر ...أمال ايه احنا لينا أعز منك ...

7- شهادات الخبره ....بالخط الرقعه و الكوفى و الحجاز كار كمان .....قصدى بالأنجليزى طبعا... بيقولك يا سيدى من 4 الى 10 صفحات ...

8- نسخ من خطابات التوصيه أو الأشاده ....طبعا الى ضارب المدير و الى شاده شعر زميلتها ...أنسى.

9- الأبيج ....المونى سعاداتك ...الوهبه بتاعة ال PEO .... الرسوم ياسيدى ...

10- أى ورق أنت شايف أنه يفيد فى توضيح خبرتك و تحسين صورتك قدام الPEO ...جواب شكر ....صوره مع السيد مدير أداره الطرق و الكبارى ....وصل تبرع لمستشفى سرطان الأطفال ....صوره للحاجه و هى بتتدعيلك و انت بتفتح ترعه جديده ....صوره على البامب و هو بيصب سقف ملجأ يتامى ..... أعمل ايه يعنى بالله عليكم ماهو الراجل بيقولى SCIENTFIC PAPER AND ENGINEERING CREDENTIAL ...أنا عارف بقى كلكوا نظر...

11- بس خلاص هى رخصة مركبه فضاء و لا ايه .....