ما هي افضل المدن الجديدة ؟؟؟

[هشام عباس]

لا شكرا على واجب انا تحت امرك في اي حاجه بس ياريت طالما انت هناك تسألي عن معاد تسليم الأرض امتى معلش هتعبك معايا وهتلاقي اشرف يعرف المعاد التقريبي علشان انا نفسي استلم وابني بقى

ولك تحياتي

[ziad]

لا يا هشام,أنا كلمته من أستراليا,أظن هو قال التسليم فى خلال سنه على أبو الهول

[هشام عباس]

استرااااااااااااااااليا

انا اسف جدا والله كنت بحسبك في مصر عموما لو حبيت تسأله عن حاجه ابقى اكلمهولك انا بقى :sad: انا اقرب :wub:

[Einstein]

ودي اخر معلومات جمعتها عن مدينة برج العرب الجديدة

المرحلة الاولة و الثانية في المدينة اتسلمت ومفيش فيها اماكن للبيع

الشغل دلوقتي علي الرحلة الثالثة و الرابعة

مساحة القطعة موحدة 260 متر مربع والبناء يكون علي 50% من الارض والباقي حديقة خاصة بالمنزل

اسعار القطع دي في المرحلة الثالثة ما بين 60 - 80 الف جنيه حسب مكان و تميز القطعة

ويكون عليها اقساط تقربا 5 الف جنيه تسدد في خلال 8 سنوات من التسليم

لحد هنا حلو اوي

المشكلة بقي في انهم تمسكين جدا بمواعيد البناء و التشطيب

يعني لو لم يتم البناء في خلال سنة و نصف من التسليم تسحب القطعة من صاحبها

والكلام ده فعلا حصل مع بعض الناس

يا جماعة محدش قالنا ايه رأيه عن برج العرب

ومشكلة الجدول الزمني المحدود عندهم

[الشامي]

استاذ زياد

ابدا مفيش ازعاج ابدا

شوف يا سيدي ابو الهول ديه مقسمه الى ثلاث مناطق وهي ابو الهول 1 وابو الهول 2 وابو الهول 3

واكثرهم تميزا ابو الهول 1 لأنها تقع بتطل على النرجس عمارات وهي منطقه تم البناء فيها بالفعل وقريبا سينتهى من بنائها بالكامل وايضا بجوار المستثمرين وهي ايضا تم تسليمها وجاري البناء فيها

اما ابو الهول فلم يتم تسليم ارضها حتى الأن وعن كيفية الوصول ليها فكما قلت لك انها بجوار النرجس والمستثمرين الجنوبيه ولو اخذت طريق اللاك فيو على طول ووصلت لسور الكمبوند بتاع فيلات المخابرات هتلاقيها على طول وهي بين الجامعه الأمريكيه والجامعه الألمانيه يعني تعتبر في التجمع الخامس

معلش انا اسف ان كنت مش عارف اوصفلك مضبوط لأن لسه مفيش اسماء شوارع ولو فيه فأنا الحقيقه معرفلهاش اسماء شوارع

المهم ان الأراضي ديه كانت عن طريق الحجز من الجهاز قبل بدايات القرعه يعني البيع فيها والشراء سهل لأنها اصلا لما اتحجزت اتحجزت للمحاسيب وخلصت في نفس اليوم

نرجع لموضوعنا الأرض ديه المدفوع فيها ال10% للجهاز وهم 15الف جنيه والاوفر الي بيطلب دلوقتي من 350الف الى 400 الف وبدفعوا كاش او بتدفع مثلا النص والنص بعد كام شهر(مده بسيطه) وبكده بيكون عليك للجهاز حوالي 80 الف بيدفعوا على اقساط سنويه لمدة خمس سنوات

ولما بتستلم بيعطوك تصميمات جاهزه بتختار منها وهي فعلا تصميمات رائعه علشان يحافظوا على مستوى الجمال في المكان وهم 11 تصميم

وايه كمان يا سيدي!!!؟؟ اه وبتقدر تبني على 60% من مساحة الأرض والباقي حديقه خاصه محاطه بسور ايضا ليه مواصفات خاصه بيحددها الجهاز

عموما لو حبيت تسأل عن عن اي حاجه تانيه انا تحت امرك

ولك تحياتي

الأخ العزيز هشام عباس

مشكور على معلوماتك الهائلة

ولكن حبيبي موضحتش مساحة قطع الأرض

وياريت لو تخبرنا عن المكان بالظبط

لأني حاسس ان هلاقي ما أبحث عنه في موضوعك

ياريت تصبر عليه شويه وتقولي الموضوع بالتفصيل ومساحة قطع الأراضي وكيفية الوصول اليها وايه الفرق بين ابو الهول 1 , 2 , 3

ومشكووووووووووووووووووور