ما هي افضل المدن الجديدة ؟؟؟

[Einstein]

بعد التكدس اللي الواحد شايفة في المدن،

وتدني الخدمات اللي عمرها الافتراضي انتهي

ووجود العشوائيات

بدأت افكر في الهجرة الداخلية

وتحديدا في المدن الجديدة

وبما ان الواحد لسه قدامه سكة سفر

فممكن تكون مدينة تحت الانشاء ، مش مشكلة

المهم عاوز اعرف اهل الخبرة ايه افضل اختيار في رائيه بالنسبة للمدن الجديدة

و يا ريت لو فكرة عن اسعار الاراضي هناك ومستوي الخدمات

تحياتي الي كل من يساهم :blush2:

[vipwithyou]

والله يا ريس انا لو اعرف اقول علطول

بس عموما ً فكرة الهجرة الداخلية لمناخ افضل دى كويسة وربنا يوفقك ويقدرك عليها

[Einstein]

والله يا ريس انا لو اعرف اقول علطول

بس عموما ً فكرة الهجرة الداخلية لمناخ افضل دى كويسة وربنا يوفقك ويقدرك عليها

بيني وبينك يا تامر ،

انا قولت لنفسي ان الواحد مهما شرق و غرب مسيره هيرجع للمحروسة تاني ،

مش عارف ليه ، بس ممكن علشان

نقل فؤادك حيث شئت من الهوي .... ما الحب الا للحبيب الاول

كم منزل في الارض يالفه الفتي .... وحنينه ابدا لاول منزل

علشان كده فكرت احجز مكان في احد هذه المدن الجديدة وعلي ما ارجع ان شاء الله تكون المدينة بقت عامرة باهلها

وما اتصدمش باحوال المدن القديمة للي ممكن تخلي الواحد يرجع تاني

[moab]

6 أكتوبر - دريم لاند

القاهرة الجديدة - الرحاب

الشروق - مدينتي

[ايهاب سالم]

تورونتو

[طه بدر]

نقل فؤادك حيث شئت من الهوي .... ما الحب الا للحبيب الاول

كم منزل في الارض يالفه الفتي .... وحنينه ابدا لاول منزل

هو ده بيت العصيد يا عم انشنتاين

فين اول منزل بتاعك

بحرى عندك السادات والعامرية

شرقاوى اسمعلاوى عندك العاشر والصالحية

صعيدى عندك زوفة مدن فى المنيا الجديدة وبنى سويف والفيوم وغيرها

قاهرى بقى ( وربنا يصبرك على ما بلاك) يبقى اسمحلى اقولك

لسه فاكر كان زماااااااااااااااااااااااااااااااااااااااااااااااااااان

الحق احجز لك حته حلوة على ناصية فى بورسعيد والا السويس وسنتين ثلاثة على ما ترجع هاتلاقيها بقت فى وسط البلد فالقاهرة متوحشة وستصل حتما للحدود الدولية

تحياتى

[Einstein]

6 أكتوبر - دريم لاند

القاهرة الجديدة - الرحاب

الشروق - مدينتي

شكرا للمشاركة اخي moab :unsure:

يا تري عندك فكرة عن حجز الاراضي هناك و اسعارها ؟

وهل هناك مدة زمنية محددة للبناء ؟

وهل يوجد جهاز ينظم عمليت البناء و استلام القطع ، يعني لو اشتريت هناك قطعة و سافرت ، هأمن عليها من وضع اليد ؟

[Einstein]

نقل فؤادك حيث شئت من الهوي .... ما الحب الا للحبيب الاول

كم منزل في الارض يالفه الفتي .... وحنينه ابدا لاول منزل

هو ده بيت العصيد يا عم انشنتاين

فين اول منزل بتاعك

بحرى عندك السادات والعامرية

شرقاوى اسمعلاوى عندك العاشر والصالحية

صعيدى عندك زوفة مدن فى المنيا الجديدة وبنى سويف والفيوم وغيرها

قاهرى بقى ( وربنا يصبرك على ما بلاك) يبقى اسمحلى اقولك

لسه فاكر كان زماااااااااااااااااااااااااااااااااااااااااااااااااااان

الحق احجز لك حته حلوة على ناصية فى بورسعيد والا السويس وسنتين ثلاثة على ما ترجع هاتلاقيها بقت فى وسط البلد فالقاهرة متوحشة وستصل حتما للحدود الدولية

تحياتى

اخي طه بدر :unsure:

اول منزل ليه بحري

وبالاضافة اني كمان بعشق البحر ( مع الاعتذار لنجاة )

يعني لو تكون المدينة قريبة من البحر يكون احسن

فنركز بقي علي السادات و العامرية

ويا ريت بقي تفيدني علي نفس الاسئلة

يا تري عندك فكرة عن حجز الاراضي هناك و اسعارها ؟

وهل هناك مدة زمنية محددة للبناء ؟

وهل يوجد جهاز ينظم عمليت البناء و استلام القطع ،

يعني لو اشتريت هناك قطعة و سافرت ، هأمن عليها من وضع اليد ؟

[Einstein]

تورونتو

مهو انا - ان شاء الله - جاي كندا و هلبد فيها قيمة خمس او عشر سنين علي الاقل

بس برضة ما يمنعش ان الواحد يفكر في مكان يرتاح فيه هنا،

سواء لقضاء الاجازات او عند العودة النهائية _ عندما تتحسن الاحوال في مصر -

[هشام عباس]

هي القاهره الجديده بقت حته من اوروبا وانا كل سنه لما بنزل مصر بحب جدا الف هناك علشان الشوارع الواسعه والجناين والتصميم المعماري الرائع الموجود هناك وكمان فيها مدارس وجامعات خاصه وكل وسائل الترفيه والخدمات متوفره جدا جدا هناك

بس بالنسبه لأسعار الأراضي هناك فبقت مرتفعه جدا يعني مثلا ممكن تاخد قطعة ارض في العائلي في مكان اسمه ابو الهول 300م ب400 الف وديه مضمونه جدا جدا والاراضي داخلها المرافق وتابعه للدوله وليها فترة سماح للبناء 5 سنوات بعد الأستلام وهيتم تسليمها السنه الجايه ان شاء الله

وميزة القاهره الجديده انها قريبه جدا من مدينة نصر يعني لو عندك اي مشوار داخل القاهره 10 دقايق من وسط القاهره الجديده او اقل وهتكون في مدينة نصر

وانا شفت الشروق كمان هي برضه مدينه جميله جدا واسعار الأراضي فيها اقل شويه من القاهره الجديده لأنها ابعد منها بحوالي 15ك

ولو عاوز تسأل عن حاجه في القاهره الجديده انا تحت امرك لأني واخد ارض هناك وان شاء الله ربنا يسهل وابنيها

[Handasah]

لو استقريت على مكان ابقى قلى عشان بدور انا كمان

[ziad]

هي القاهره الجديده بقت حته من اوروبا وانا كل سنه لما بنزل مصر بحب جدا الف هناك علشان الشوارع الواسعه والجناين والتصميم المعماري الرائع الموجود هناك وكمان فيها مدارس وجامعات خاصه وكل وسائل الترفيه والخدمات متوفره جدا جدا هناك

بس بالنسبه لأسعار الأراضي هناك فبقت مرتفعه جدا يعني مثلا ممكن تاخد قطعة ارض في العائلي في مكان اسمه ابو الهول 300م ب400 الف وديه مضمونه جدا جدا والاراضي داخلها المرافق وتابعه للدوله وليها فترة سماح للبناء 5 سنوات بعد الأستلام وهيتم تسليمها السنه الجايه ان شاء الله

وميزة القاهره الجديده انها قريبه جدا من مدينة نصر يعني لو عندك اي مشوار داخل القاهره 10 دقايق من وسط القاهره الجديده او اقل وهتكون في مدينة نصر

وانا شفت الشروق كمان هي برضه مدينه جميله جدا واسعار الأراضي فيها اقل شويه من القاهره الجديده لأنها ابعد منها بحوالي 15ك

ولو عاوز تسأل عن حاجه في القاهره الجديده انا تحت امرك لأني واخد ارض هناك وان شاء الله ربنا يسهل وابنيها

ياريت تدينى معلومات أكتر عن أبو الهول وكيفية الوصول ليها وطرق الدفع والأسعار,آسف على الأزعاج

[ابتسامة رضا]

مدينة بدر فيها مستويات مختلفة من الشعبي الي المتميز و أسعارها أرخص من القاهرة الجديدة لانها بعدها بشوية ممكن تشوفها علي جوجل ايرث طريق السويس الكيلو 45 وهي بعد الشروق وهليوبولس الجديدة وأمامها علي جانب الطريق( مدينتي اللي بيعلن عنها طلعت مصطفي لكنها مازالت لم يتم العمل فيها ) أما بدر فهي كبيرة وشوارعها واسعة وفيها الخضرة وكمان يوجد بطرفها الشرقي المنطقة الصناعية وكمان فيها الجامعة الروسية ومدارس ومعاهد أزهرية ومركز شباب وملاعب ونادي تحت الانشاء احنا اشترينا فيها من ثلاث سنوات وباذن الله هنبدا في البنا قريبا والناس كانو بيقولوا لنا دي بعيدة لكن سمعنا ان قطار السويس سوف يحول الي مترو وهيقابل مترو المرج في محطة عين شمس وهيعدي علي المدن الجديدة وده هيعمل جذب اليها

تم تعديل 23 أبريل 2008 بواسطة ابتسامة رضا

[moab]

6 أكتوبر - دريم لاند

القاهرة الجديدة - الرحاب

الشروق - مدينتي

شكرا للمشاركة اخي moab

يا تري عندك فكرة عن حجز الاراضي هناك و اسعارها ؟

وهل هناك مدة زمنية محددة للبناء ؟

وهل يوجد جهاز ينظم عمليت البناء و استلام القطع ، يعني لو اشتريت هناك قطعة و سافرت ، هأمن عليها من وضع اليد ؟

الأخ الكريم Einstein

بالنسبة لمدينة الرحاب مفيهاش أراضي للبيع لكن فيها شقق وفيلات وأعتقد سعر المتر بالنسبة للشقق في حدود 4 آلاف جنية تقريباً

بالنسبة لمدينتي دي مدينة المستقبل من خلال ما بنشوف الدعاية والإعلانات عنها وبرضه مفيهاش أراضي بس شقق وفيلات والأسعار في نفس الحدود تقريباً زي الرحاب

وبالنسبة لدريم لاند كانوا بيبعوا فيها أراضي بس حالياً مفيش ، لكن تقدر تشوف جريدة الوسيط ما بين فترة والتانية في ناس بتعلن عن بيع قطع أراضي فيلات هناك ومتوسط سعر المتر 2500 جنية والبناء على 40% والشراء هناك آمن لأنها مدينة مغلقة

وتحياتي

[هشام عباس]

استاذ زياد

ابدا مفيش ازعاج ابدا

شوف يا سيدي ابو الهول ديه مقسمه الى ثلاث مناطق وهي ابو الهول 1 وابو الهول 2 وابو الهول 3

واكثرهم تميزا ابو الهول 1 لأنها تقع بتطل على النرجس عمارات وهي منطقه تم البناء فيها بالفعل وقريبا سينتهى من بنائها بالكامل وايضا بجوار المستثمرين وهي ايضا تم تسليمها وجاري البناء فيها

اما ابو الهول فلم يتم تسليم ارضها حتى الأن وعن كيفية الوصول ليها فكما قلت لك انها بجوار النرجس والمستثمرين الجنوبيه ولو اخذت طريق اللاك فيو على طول ووصلت لسور الكمبوند بتاع فيلات المخابرات هتلاقيها على طول وهي بين الجامعه الأمريكيه والجامعه الألمانيه يعني تعتبر في التجمع الخامس

معلش انا اسف ان كنت مش عارف اوصفلك مضبوط لأن لسه مفيش اسماء شوارع ولو فيه فأنا الحقيقه معرفلهاش اسماء شوارع

المهم ان الأراضي ديه كانت عن طريق الحجز من الجهاز قبل بدايات القرعه يعني البيع فيها والشراء سهل لأنها اصلا لما اتحجزت اتحجزت للمحاسيب وخلصت في نفس اليوم

نرجع لموضوعنا الأرض ديه المدفوع فيها ال10% للجهاز وهم 15الف جنيه والاوفر الي بيطلب دلوقتي من 350الف الى 400 الف وبدفعوا كاش او بتدفع مثلا النص والنص بعد كام شهر(مده بسيطه) وبكده بيكون عليك للجهاز حوالي 80 الف بيدفعوا على اقساط سنويه لمدة خمس سنوات

ولما بتستلم بيعطوك تصميمات جاهزه بتختار منها وهي فعلا تصميمات رائعه علشان يحافظوا على مستوى الجمال في المكان وهم 11 تصميم

وايه كمان يا سيدي!!!؟؟ اه وبتقدر تبني على 60% من مساحة الأرض والباقي حديقه خاصه محاطه بسور ايضا ليه مواصفات خاصه بيحددها الجهاز

عموما لو حبيت تسأل عن عن اي حاجه تانيه انا تحت امرك

ولك تحياتي

[Einstein]

هي القاهره الجديده بقت حته من اوروبا وانا كل سنه لما بنزل مصر بحب جدا الف هناك علشان الشوارع الواسعه والجناين والتصميم المعماري الرائع الموجود هناك وكمان فيها مدارس وجامعات خاصه وكل وسائل الترفيه والخدمات متوفره جدا جدا هناك

بس بالنسبه لأسعار الأراضي هناك فبقت مرتفعه جدا يعني مثلا ممكن تاخد قطعة ارض في العائلي في مكان اسمه ابو الهول 300م ب400 الف وديه مضمونه جدا جدا والاراضي داخلها المرافق وتابعه للدوله وليها فترة سماح للبناء 5 سنوات بعد الأستلام وهيتم تسليمها السنه الجايه ان شاء الله

وميزة القاهره الجديده انها قريبه جدا من مدينة نصر يعني لو عندك اي مشوار داخل القاهره 10 دقايق من وسط القاهره الجديده او اقل وهتكون في مدينة نصر

وانا شفت الشروق كمان هي برضه مدينه جميله جدا واسعار الأراضي فيها اقل شويه من القاهره الجديده لأنها ابعد منها بحوالي 15ك

ولو عاوز تسأل عن حاجه في القاهره الجديده انا تحت امرك لأني واخد ارض هناك وان شاء الله ربنا يسهل وابنيها

جزاك الله كل خير علي المساعدة

نسبة السماح بخمس سنوات في البناء مناسبة جدا لي

بس السعر والمساحة كبيرة شوية

عني خلينا في حدود نص المساحة 150 متر

يا تري فيه قطع بالمساحة دي و اسعارها ايه ؟

وازاي اختار قطعة الارض هناك ؟ يعني عن طريق مكاتب العقارات و السماسرة ؟ ولا عن طريق جهاز معين ؟

[Einstein]

لو استقريت على مكان ابقى قلى عشان بدور انا كمان

فيه جماعة حبايبي ولاد حلال دلوني علي برج العرب

ممكن اروح الاسبوع ده واشوف اخبارها ايه وا قولكم

ويا ريت انت كمان تقولنا اخبار البحث معاك ايه

[Einstein]

6 أكتوبر - دريم لاند

القاهرة الجديدة - الرحاب

الشروق - مدينتي

شكرا للمشاركة اخي moab :)

يا تري عندك فكرة عن حجز الاراضي هناك و اسعارها ؟

وهل هناك مدة زمنية محددة للبناء ؟

وهل يوجد جهاز ينظم عمليت البناء و استلام القطع ، يعني لو اشتريت هناك قطعة و سافرت ، هأمن عليها من وضع اليد ؟

الأخ الكريم Einstein

بالنسبة لمدينة الرحاب مفيهاش أراضي للبيع لكن فيها شقق وفيلات وأعتقد سعر المتر بالنسبة للشقق في حدود 4 آلاف جنية تقريباً

بالنسبة لمدينتي دي مدينة المستقبل من خلال ما بنشوف الدعاية والإعلانات عنها وبرضه مفيهاش أراضي بس شقق وفيلات والأسعار في نفس الحدود تقريباً زي الرحاب

وبالنسبة لدريم لاند كانوا بيبعوا فيها أراضي بس حالياً مفيش ، لكن تقدر تشوف جريدة الوسيط ما بين فترة والتانية في ناس بتعلن عن بيع قطع أراضي فيلات هناك ومتوسط سعر المتر 2500 جنية والبناء على 40% والشراء هناك آمن لأنها مدينة مغلقة

وتحياتي

جزاك الله خير علي الرد المفصل

والاسعار ما شاء الله رخيصة اووووووووووووووي ، يا بلاش :P

كده العملية ولعت اوي ، امال بقي مدن جديدة ازاي

انا في رحلة بحثي لقيت موضوع هنا في المحاورات ، خوفني اوي من الاسعار العالية دي

أسعار الاراضي والشقق في المدن الجديدة الى اين ؟?

[هشام عباس]

عزيزي اينشتين

هي المساحات هناك بتبدأ من 250م وحتى 350م وفيه في ابو الهول 3 ممكن تلاقي اسعار من 300الف والشراء بيكون عن طريق مكاتب العقارات الموجوده هناك يعني انا مثلا اشتريت عن طريق مكتب هناك في التجمع الخامس واسمه نواره

وان شاء الله تتوفق في الي يناسبك

ولك تحياتي

[هشام عباس]

استاذ اينشتين انا سامع عن قرعه جديده يمكن تنزل قريبا وهتكون تابعه لمشروع ابني بيتك وبيكون المقدم فيها بسيط جدا والباقي بيتقسط على 7 سنين ولو نزلت ان شاء الله ابقى قدم فيها وممكن ربنا يوفقك بقطعة ارض مناسبه ليك