ما هي افضل المدن الجديدة ؟؟؟

[AboAsem]

المهندس إيهاب سالم ، السلام عليكم

بمناسبه شراء منزل فى كندا ، عندى أسئله أتمنى أت يتسع وقتك للإجابه عليها

هل ممكن أشترى منزل فى كندا الأن ، حيث لا أملك إقامه دائمه أو أى نوع من حق الحياة هناك؟ wst::

و هل لو إشتريت منزل أحصل على إقامه دائمه ، كما هو الحال هنا فى دبى؟ و هل تشمل كل الأسرة ؟

عرفت ان الأسعار حيث إشتريت أنت حوالى 400 ألف دولار كندى ، فى حالتى ممكن أحصل على تمويل بأى نسبه من بنك كندى ؟ أو ممكن أدفع 25% و أقسط الباقى؟

و أخيراً ، حيث أنى أعيش فى الخليج حالياً ، هل مسموح قانوناً أن أؤجر منزلى فى كندا للغير ، مع أنى حصلت على إقامه دائمه بسببه؟

شكراً على كرم أخلاقك و سعة صدرك

أبو عاصم

[AMEIR]

افضل المدن على وجه الارض مكة المكرمة والمدينة المنورة والقدس الشريفة wst::

[AMEIR]

افضل المدن على وجه الارض مكة المكرمة والمدينة المنورة والقدس الشريفة wst::

[ايهاب سالم]

مش عارف يا إيهاب أنت بتضحك على الناس ليه,كندا إيه الى حلم وبيوت إيه الى الناس بتشتريها,البيوت ديه أتمانها كام ,مستعد أتحداك أن مكنش البيت ده تمنه أكتر من ربع مليون دولار مرتاح( أنا متأكد أنه أكتر),المهاجر هيشترى بيت تمنه يتعدى مليون مصرى مرتاح إزاى,هتاخد قرض ربوى وتقعد تدفع لمده تلاتين سنه,يا أخوانا لو فيه حد فاكر أن الهجره حلم يشوف الويب سايت ده (http://www.notcanada.com/) ده موقع عن حلم الهجره لكندا,الحلم الخرافى,أول متدخل هيشتغل فيديو من قناه كنديه,جايب صيدلى,جراح ,وكام مهاجر بيلعنو اليوم الى راحو فيه كندا

يا دكتور زياد .... هدي أعصابك بس شويه

أنا مش بأضحك على حد .. أنا باخاطب أينشتين و اللي هو واضح من كلامه إنه شغال في الخليج و اللي شغال في الخليج في مهنه محترمه و لعدد سنين طويل المفروض إنه معاه يشتري بيوت زي دي و اكثر كمان

و أنا يا سيدي لسه متعاقد على بيت جديد هيخلص بنائه في 2009 و الربع مليون دولار اللي فاكر إنها ثمن البيت دي أسعار 3 سنيين فاتوا ... كان حلم خلاص إنساه و إنساني

البيت بتاعي ثمنه 363,990 دولار و ده بيت صغير نونو 2173 قدم مربع بس

أما البيت اللي في مشاركتي السابقه ده

ده ثمنه 563,990 الف دولار

الربع مليون دولار اللي حضرتك قلت عليهم دول يجيبوا شقه أو تاون هوم بالكتير حاليا في تورونتو

هتقولي أحلام و أوهام ... هأقولك الناس واقفين طوابير أهم عشان يشتروا بالأسعار دي

مش كل المهاجرين بيروحوا كندا منفضين .. المهاجرين الأذكياء هما اللي يوضعوا تحويشة عمرهم في بلد زي كندا او أستراليا مش في بلدهم الأم حيث الفساد و غياب القانون مستشري للركب ... و لا تضمن إذا دخلت قسم شرطه ان تخرج منه مره أخرى

أما الموقع ده www.notcanada.com مش جديد عليا ... فأنا عملت عنه موضوع هنا في المحاورات من كام سنه و كان هيكون السبب في إني ألغي هجرتي و الحمد لله إني لم أفعل

المهاجرين الناجحين في كندا أضعاف الفاشلين .. لكن مش هتلاقيهم عاملين موقع يشرح قصص نجاحهم

دائما الأخبار السيئه تنتشر بسرعه و اللي منجحش في كندا هيعمل موقع و يفضل يصرخ و يشتكي لكن الناجحين عايشين حياتهم و مش سائلين وواقفين طوابير عشان يشتروا بيوت

الصيدلي و الجراح اللي شفتهم في الموقع ده عارفين كويس قوي من قبل ما يهاجروا إنهم مش هيمارسوا المهنه إلا لما يعادلوا شهادتهم ... بيشتكوا ليه دلوقتي

غيرهم ذاكر و تعب و عادل شهادته و شغال زي الفل ... منهم الfamily doctor بتاعتنا .. دكتوره مصريه ... تدخل إستقبال عيادتها تلاقي شهادتها و ترخيص مزاولة المهنه منور على الحائط

الدكتوره دي لم تظهر في فيديو زي الناس اللي في الموقع ده عشات تشتكي و تصرخ .. لأنها معندهاش مشكله

لكن لو مطلوب من كندا إنها تشغل دكاتره و ممرضين و صيادله من دول أنظمة تعليمها واقعه و إنت عارف و انا عارف و يموتوا في الناس يبقى ده كلام محدش يوافق عليه

أنا أشتغلت في مجالي بعد شهر واحد من وصولي كندا عشان كده مش هتلاقيني بأشتكي علىwww.notcanada.com

في زيي ألوف يمكن ملايين و مش هتلاقيهم على موقع www.notcanada.com

لأنهم don't care بالموقع ده أو بألف موقع زيه ... لأنهم عايشين في الواقع اللي يكذبه

و هتلاقي كندا بيوصلها ربع مليون مهاجر و اكثر سنويا و الطلبات على قائمة الإنتظار 4 سنوات

وكل ده و www.notcanada.com موجود و معروف

أنا عارف إن ده خروج عن الموضوع لكن كان لازم أعقب

تم تعديل 28 أبريل 2008 بواسطة ايهاب سالم

[هشام عباس]

عموما يا اخ ايهاب انت خرجت عن الموضوع تماما

احنا هنا بنتكلم عن افضل المدن في مصر ومش في كندا ولا الخليج وسيادتك اوضحت عشقك لكندا ده كتييييييييييييييييييييييير قبل كده وكلامك ملهوش محل هنا لأننا مش بنتكلم عن كندا خالص دلوقت

ولك تحياتي

[magedghonim]

الاخ الفاضل هشام

اعذرني بس حبيت اوضح انه لازم يكون هناك رحابة صدر وسعة للخلاف في الرأي

المهندس ايهاب مخرجش عن الموضوع لما بينصح صديقى اينشتين

الي عايز يعرف مكان جيد وامن للاستثمار

هو ببساطة وضح ان مصر مش المكان دة(واضاف الاسباب لكدة من وجهة نظره)

ونصحه بالاستثمار في بيوت كندية(ووضح دة كمان بالصور والروابط)

طيب نعتبر دة خروج عن الموضوع ازااااي؟

احنا كلنا مغتربين واكيد جايين من اطياف مختلفة ولنا رؤى نظر متعددة

بس دة ميديش لحد انه يصادر رأي التاني بحجة انه مش في صلب الموضوع

احنا لازم نحترم اي مصري بينصح اخوانه المصريين ونقوله شكرا ...و دة جزء من انتمائك لبلدك

وفي النهاية تقبل تقديري واحترامي ..وشكرا.

تم تعديل 28 أبريل 2008 بواسطة magedghonim

[Einstein]

المبلغ اللي معايا فعلا هو تحويشة العمر و بعد الغربة في الخليج ، ومش من السهل عليه ابدا اني اغامر بيه

والنقطة اللي قولتها برضة مهمة جدا

ان فعلا مع ان شكل المدن الجديدة دي جميل جدا و شكلها منظمة

الا انها في النهاية جزء من النظام العشوائي والذي قد يتعرض للانهيار في المستقبل القريب

وخر حاجة لما فكرت اني استثمر الفلوس في العقار بكندا ، برضه مش سهل ان بلد جديدة عليه ولسه مش عارف نظامها ايه احط فيها تحويشة العمر مرة واحدة ، علي الاقل قدامي سنة علي ما اعرف نظام البلد ايه

ابعد عن مصر

مصر مش دولة مؤسسات و سيادة قانون عشان تحط فيها تحويشة عمرك

ومش محتاج تدرس كندا عشان تشتري فيها عقار

انت مش هتفتح مشروع تجاري

تعال خد معايا بيت جديد في المشروع ده

The best selling community in the Greater Toronto Area for the last 5 years

Hawthorne Village

عزيزي الباشمهندس ايهاب سالم :shutup:

اجدد شركي لك ولنصيحتك الغالية والتي اضعها في حسابي و تقديري للامور

ومن اشكال البيوت الرائعة التي ارفقتها هنا و في موضوع كل شيء عن كندا خلتني اقرر ان استقر في واحد زيهم ان شاء الله

لاني لما اعيش في بيت جميل زي ده - كنت احلم بيه من زمان - اكيد هحب كندا و احب حياتي

وكمان ده هيكون افضل مليون مرة من اني اضيع فلوسي في ايجار الشقة الشهري اللي هيروح في الهوا

لسه عندي مشكلة واحدة مش عارف عندك فكرة عنها ولا لأ

وهي اني مش عارف لحد دلوقتي انا هستقر في مونتريال ولا تورنتو

وده حسب اجراءات المعادلة والتي تختلف تماما في الولايتين

وانا ماشي في اجراءات المعادلتين لان المذاكرة واحدة

بس مش عارف هخلص انهي معادلة الاول

كمان مش عارف اذا كنت هقدر اعدي في الفرنسي الكيبكوا ولا لأ

الخلاصة اني قدامي تقريبا سنة لحد ما اقدر اعرف انا هستقر فين وبالتالي اشتري البيت فين

لو عندك اي نصيحة بخصوص المشكلة دي اكون من الشاكرين

[Einstein]

مش عارف يا إيهاب أنت بتضحك على الناس ليه,كندا إيه الى حلم وبيوت إيه الى الناس بتشتريها,البيوت ديه أتمانها كام ,مستعد أتحداك أن مكنش البيت ده تمنه أكتر من ربع مليون دولار مرتاح( أنا متأكد أنه أكتر),المهاجر هيشترى بيت تمنه يتعدى مليون مصرى مرتاح إزاى,هتاخد قرض ربوى وتقعد تدفع لمده تلاتين سنه,يا أخوانا لو فيه حد فاكر أن الهجره حلم يشوف الويب سايت ده (http://www.notcanada.com/) ده موقع عن حلم الهجره لكندا,الحلم الخرافى,أول متدخل هيشتغل فيديو من قناه كنديه,جايب صيدلى,جراح ,وكام مهاجر بيلعنو اليوم الى راحو فيه كندا

ليه بس يا اخي تفتكر ان الباشمهندس ايهاب بيضحك علي حد

المفروض ان اي حد قرر يهاجر بيكون حسبها كويس اوي

وعارف ان كل حاجة لها ايجابيات و سلبيات

وعلي فركة موضوع ان كندا هي حلم حياتي دي كانت اول جملة ممنوع تماما تقولها في المقابلة الشخصية مع مستشار الهجرة

همه نفسهم مش عاوزين حد فاكر انه هيروح يقطف الفلوس من علي الشجر

وكمان مستشارة الهجرة نفسها تأكدت اني عارف لما اروح كندا هعمل ايه

بخصوص البيت

انا شايف اني بدل ما اضيع فلوسي في ايجار شقة ، يعني فلوس في الهوا

وخاصة انا ناوي استقر لمدة كبيرة هناك ، يبقي البيت ده احسن الف مرة

وبخصوص الدفع ، فانا مش شايف مشكلة اني ادفع 10 % من ثمنه و الباقي يتسدد من مرتبي " كاني بدفع ايجار الشقة "

وبخصول مسالة ان الموضوع ده حرام ، فارجوا ان حضرتك تراجع فتاوي الشيخ القرضاي بخصوص المعاملات المادية في دول الغرب

في النهاية انا احترم وجهة نظرك

ويا ريت كمان ان كل واحد يحترم وجهة نظر الاخر بدون الانفعال في الرد

[Einstein]

السلام عليكم

كنت في كينج مريوط من يومين و سئلت عاي الاراضي هناك الموضوع هناك منيل بنيله خالص غالبية الاراضي هناك وضع يد و سعر المتر 50-55 جنيه طبعا ذي مقولت و ضع يد و املاك الدوله شدا حلها و وقفا التسجبل تماما فالناس مرعوبه و بيرمواا الارض لكن الاراضي المسجله سعر المتر 130-180 شايفين ايه يا جماعه الواحد يجازف و يشتري ب 50-55

اخي احمد ، اشكرك علي المشاركة

طبعا موضوع وضع اليد ده هو اكتر حاجة تخوفني

وخاصة اني هكون مسافر للخارج ومش هاجي الا كل مدة

فالحل هندي في المناطق المنظمة من قبل الدولة الفروض انها مأمونة نسبيا

وسعر المتر المسجل لما يكون 130-180 يبقي سعر ممتاز

هتخليني اروح اشوف النظام ايه هناك

[Einstein]

عموما يا اخ ايهاب انت خرجت عن الموضوع تماما

احنا هنا بنتكلم عن افضل المدن في مصر ومش في كندا ولا الخليج وسيادتك اوضحت عشقك لكندا ده كتييييييييييييييييييييييير قبل كده وكلامك ملهوش محل هنا لأننا مش بنتكلم عن كندا خالص دلوقت

ولك تحياتي

اخي الفاضل هشام عباس

الباشهمندس ما بعدشي عن الموضوع ولا حاجة

الراجل قدمي نصيحته الغالية بناء علي تجربته الشخصية

وانا اقدر نصيحته جدا

وده خلاني افكر اكتر قبل ما اضع كل ما لدي هنا في قطعة ارض ،

اني علي الاقل لا اضع البيض كله في سلة واحدة

وبعدين في نقطة مهمة ،

لو ثمن العقار هنا هيستنزفني - لان اسعار الارض غالية جدا - بحيث اني لما اروح كندا ابدا من الصفر تاني يبقي بلاش وخاصة اني ال5 او ال 10 سنين الجايين هكون في كندا

انما لو قدرت اشتري هنا قطعة ارض بسعر معقول ولا يمنعني من ابدأ مرتاح في كندا فهذا هو الحل وده اللي بدور عليه دلوقتي

وفي النهاية الموضوع لسه بيناقش اسعار الاراضي في المدن الجديدة ومميزاتها و عيوبها

وكل اللي عنده معلومة بيساعد وله جزيل الشكر

[Einstein]

ودي اخر معلومات جمعتها عن مدينة برج العرب الجديدة

المرحلة الاولة و الثانية في المدينة اتسلمت ومفيش فيها اماكن للبيع

الشغل دلوقتي علي الرحلة الثالثة و الرابعة

مساحة القطعة موحدة 260 متر مربع والبناء يكون علي 50% من الارض والباقي حديقة خاصة بالمنزل

اسعار القطع دي في المرحلة الثالثة ما بين 60 - 80 الف جنيه حسب مكان و تميز القطعة

ويكون عليها اقساط تقربا 5 الف جنيه تسدد في خلال 8 سنوات من التسليم

لحد هنا حلو اوي

المشكلة بقي في انهم تمسكين جدا بمواعيد البناء و التشطيب

يعني لو لم يتم البناء في خلال سنة و نصف من التسليم تسحب القطعة من صاحبها

والكلام ده فعلا حصل مع بعض الناس

[ايهاب سالم]

عموما يا اخ ايهاب انت خرجت عن الموضوع تماما

نقطة نظام يا أ / هشام

أنا لم أخرج عن الموضوع مثلما أوضح لك بعض الأخوه مشكوريين

أنا عارف إن أينشتين مهاجر لكندا وعشان كده لما شفت الموضوع حبيت أنصحه و كانت أول مشاركه لي في الموضوع كلمه واحده

تورونتو

وقلت لو أينشتين علق عليها يبقى أديله نصيحتي بالكامل و لو طنش يبقى هأسكت

وزي ما حصل الراجل قال إنه فعلا مهاجر و حصل الكلام اللي بعده و حضرتك شفت إن فيه ناس تانيه متفقين معي بعدم جدوى الإستثمار في مصر و ده يعتبر برضه نصيحه لأينشتين ووجهة نظر تثري الموضوع

و أنا كنت تركت الموضوع خلاص و رجعت لما د/ ذياد إتهمني بأني بأضحك على الناس و جاب سيرة www.notcanada.com

وعندها كان لازم أرد و أوضح إني مش بأضحك على الناس و لا كندا بالبشاعه اللي بيصورها الموقع ده

وأنا مش هأشارك تاني لأن اللي عندي قلته لكن لو حد جاب سيرتي هأرد لأن سكوتي تضليل للناس و إعتراف ضمني بصحة وجهة النظر المكتوبه

ونصيحه من واحد عاش في قطر 10 سنين

إوعى تسيب عمان و ترجع مصر

ولك إحترامي

سيادتك اوضحت عشقك لكندا ده كتييييييييييييييييييييييير قبل كده

ولسه

تم تعديل 28 أبريل 2008 بواسطة ايهاب سالم

[ايهاب سالم]

لسه عندي مشكلة واحدة مش عارف عندك فكرة عنها ولا لأ

وهي اني مش عارف لحد دلوقتي انا هستقر في مونتريال ولا تورنتو

كمان مش عارف اذا كنت هقدر اعدي في الفرنسي الكيبكوا ولا لأ

الخلاصة اني قدامي تقريبا سنة لحد ما اقدر اعرف انا هستقر فين وبالتالي اشتري البيت فين

لو عندك اي نصيحة بخصوص المشكلة دي اكون من الشاكرين

أنا لا أنصح بالإستقرار ف كيبيك عامة مش مونتريال بس

عنصريين و موضوع الإنفصال عن كندا واكل دماغهم

إعتبرها جزء من فرنسا و شوف فرنسا عامله أيه في المهاجرين

مش لازم تورنتو يا سيدي .... ممكن ألبرتا

[ايهاب سالم]

هل ممكن أشترى منزل فى كندا الأن ، حيث لا أملك إقامه دائمه أو أى نوع من حق الحياة هناك؟

و هل لو إشتريت منزل أحصل على إقامه دائمه ، كما هو الحال هنا فى دبى؟ و هل تشمل كل الأسرة ؟

عرفت ان الأسعار حيث إشتريت أنت حوالى 400 ألف دولار كندى ، فى حالتى ممكن أحصل على تمويل بأى نسبه من بنك كندى ؟ أو ممكن أدفع 25% و أقسط الباقى؟

و أخيراً ، حيث أنى أعيش فى الخليج حالياً ، هل مسموح قانوناً أن أؤجر منزلى فى كندا للغير ، مع أنى حصلت على إقامه دائمه بسببه؟

شكراً على كرم أخلاقك و سعة صدرك

أبو عاصم

أبو عاصم

للأسف ليس عندي إجابات مؤكده لأسئلة حضرتك

لكن أنا لما إشتريت البيت طلبوا مني بطاقة الإقامه أو بطاقة الجنسيه

وفيه واحد صاحبي ألغوا إقامته هو و أسرته لأنه تلاعب في بيانات الإقامه أثناء تقديمه على الجنسيه ليثبت أنه كان مقيم في كندا في السنوات السابقه وكان شاري بيت و لم يشفع له ذلك

كمهاجر جديد لازم تدفع على الأقل 20% من ثمن البيت كاش ..... كانوا %25 و لسه مخفضينها من 3 شهور

لكن لازم كمان تكون في وظيفه تسمح لك بدفع باقي الأقساط

تم تعديل 28 أبريل 2008 بواسطة ايهاب سالم

[Einstein]

لسه عندي مشكلة واحدة مش عارف عندك فكرة عنها ولا لأ

وهي اني مش عارف لحد دلوقتي انا هستقر في مونتريال ولا تورنتو

كمان مش عارف اذا كنت هقدر اعدي في الفرنسي الكيبكوا ولا لأ

الخلاصة اني قدامي تقريبا سنة لحد ما اقدر اعرف انا هستقر فين وبالتالي اشتري البيت فين

لو عندك اي نصيحة بخصوص المشكلة دي اكون من الشاكرين

أنا لا أنصح بالإستقرار ف كيبيك عامة مش مونتريال بس

عنصريين و موضوع الإنفصال عن كندا واكل دماغهم

إعتبرها جزء من فرنسا و شوف فرنسا عامله أيه في المهاجرين

مش لازم تورنتو يا سيدي .... ممكن ألبرتا

والله في ناس كتير فعلا بتبعد عن كيبك

بس انا ممكن استقر فيها لحد ما اكمل معادلتي خاصة لو استلزم الامر تحضير دبلومة معينة

لاني اسمع ان التعليم هناك اوفر

وانا من البداية حصرت تفكيري في ثلاث مدن كندية ، مونتريال او تورنتو او فانكوفر

يعني ان لم استطيع التاقلم مع مونتريال فساذهب فورا الي تورنتوا ، خاصة وان فرصة العمل فيها افضل

بس انا بحاول ادي لمونتريال الفرصة كاملة

لاني حاسس ان الولاية دي لها حق عليه لاني مهاجر عن طريقها

وارجوا ان تستمر في التعليق علي ما تراه مناسبا ، وحتي لو لم يتم طلب ذلك منك مباشرة ، خاصة وانت تعرف ان الغالبية هنا تكن لك كل التقدير و الاحترام

[ايهاب سالم]

لاني اسمع ان التعليم هناك اوفر

صحيح ..... الحياه في كيبك أرخص من أونتاريو سكن و تعليم عالي و دراسات عليا ووو

الحكومه الفيدراليه بتعطيهم تسهيلات عشان ينسوا موضوع الإنفصال

واحد زميلي في الشغل حكالي إنه راح مونتريال عمل الماستر بتاعه هناك عشان أوفر و بعدين رجع إستقر في تورونتو تاني

أما بواب عمارتنا اللي مهاجر من رومانيا و أبيض زيهم مقدرش يستحمل يعيش هناك أكثر من سنه من عنصريتهم

وجه على تورونتو

لاني حاسس ان الولاية دي لها حق عليه لاني مهاجر عن طريقها

متحسبهاش كده

مصلحتك أولا

وارجوا ان تستمر في التعليق علي ما تراه مناسبا ، وحتي لو لم يتم طلب ذلك منك مباشرة ، خاصة وانت تعرف ان الغالبية هنا تكن لك كل التقدير و الاحترام

شكرا

[Einstein]

لاني اسمع ان التعليم هناك اوفر

صحيح ..... الحياه في كيبك أرخص من أونتاريو سكن و تعليم عالي و دراسات عليا ووو

الحكومه الفيدراليه بتعطيهم تسهيلات عشان ينسوا موضوع الإنفصال

واحد زميلي في الشغل حكالي إنه راح مونتريال عمل الماستر بتاعه هناك عشان أوفر و بعدين رجع إستقر في تورونتو تاني

أما بواب عمارتنا اللي مهاجر من رومانيا و أبيض زيهم مقدرش يستحمل يعيش هناك أكثر من سنه من عنصريتهم

وجه على تورونتو

لاني حاسس ان الولاية دي لها حق عليه لاني مهاجر عن طريقها

متحسبهاش كده

مصلحتك أولا

وارجوا ان تستمر في التعليق علي ما تراه مناسبا ، وحتي لو لم يتم طلب ذلك منك مباشرة ، خاصة وانت تعرف ان الغالبية هنا تكن لك كل التقدير و الاحترام

شكرا

كده نبقي اتفقنا :lol:

اخلص معادلتي و دراساتي العليفي مونتريال و بعدين نشد الرحال لتورنتو ان شاء الله

بس انا لوحسيت فعلا بالتفرقة العنصرية دي في اي وقت كنظام غالب علي المجتمع هناك ، يبقي الله الغني

انا اصلا سايب الخليج و رايح كندا في المقام الاول علشان اعيش حياة كريمة لا اشعر فيها اني اجنبي "زي الخليج" او حتي مواطن درجة تانية

اما موضوع الانفصال ده لو حصل ، فطبعا بدون تردد هسيب كيبك و ارجع لكندا

[ايهاب سالم]

المواضيع كانت ماشية حلو في السنتين تلاتة اللي فاتوا لحد الدولة ما صحيت ولقت إن الأراضي اللي معطياها بملاليم بحق إنتفاع زراعي للناس دي .. قسموها وباعوها وفضلت تنتقل من إيد لإيد لحد ما أتفتت قطع صغيرة .. وبالمناسبة الموضوع داخل فيه هوامير كبار أعرف بعضهم .. ومنهم على سبيل المثال أبناء الشيخ جاد الحق علي جاد الحق شيخ الأزهر السابق ... وأبو الممثلة حنان تُرك .. وناس هوامير سياسة تانيين ودول بيبيعوا بالجملة وأقل حاجه تقدر تاخدها منهم بيبقى 10 فدادين .. والفدان اليومين دول بيبعوه بحوالي 800 ألف جنيه .. يعني المتر واقف بـ 190 ج ...

3- هناك تهديد من الدولة الان بإنها هاتسحب تلك الأراضي وتنظلها في القرعة .. والناس اللي شاريه ميتين من الرعب .. لكن هناك بصيص امل في ان يتم توفيق أوضاعهم ....

كنت في كينج مريوط من يومين و سئلت عاي الاراضي هناك الموضوع هناك منيل بنيله خالص غالبية الاراضي هناك وضع يد و سعر المتر 50-55 جنيه طبعا ذي مقولت و ضع يد و املاك الدوله شدا حلها و وقفا التسجبل تماما فالناس مرعوبه و بيرمواا الارض

يعني حقيقي ونعم النظام و سيادة القانون ودولة المؤسسات

حد تاني عايز يضيع .... قصدي ... يستثمر فلوسه في مصر

تم تعديل 28 أبريل 2008 بواسطة ايهاب سالم

[ايهاب سالم]

انا اصلا سايب الخليج و رايح كندا في المقام الاول علشان اعيش حياة كريمة لا اشعر فيها اني اجنبي "زي الخليج" او حتي مواطن درجة تانية

كده يبقى سيب و انت مطمئن

انت مواطن وتقدر تحط صباعك في عين رئيس الوزراء لو معاك الحق

حتى و انت لسه مقيم قبل ما تحصل على الجنسيه

[ziad]

الأستاز زياد انا لما اشتريت الأرض اتعاملت مع مكتب عقارات محترم جدا وموجود في التجمع الخامس واسمه نواره وفيه واحد هناك اسمه اشرف نواره هو الي اشترينا عن طريقه وبعدها حب واحد صاحبنا يشتري قطعه جنبنا فوصلناه بأشرف واتعامل معاه وهو يعرفني كويس بس انت قله انك جايله من طرف هشام عباس الي موجود في عمان وهو هيخدمك كويس ان شاء الله وده رقم موبايله

0102213850

حبيت أشكرك على الرقم,كلمت أشرف وواضح أنه راجل محترم,جزاكم الله خيرا