اذهب إلى المحتوى
محاورات المصريين

أصلها لا مؤاخذة بتفكر !!

Cleo

بواسطة Cleo
في الأسرة و الطفل

 مشاركة

Recommended Posts

Cleo عضو جديد

Cleo

بتاريخ:
بتاريخ:

كنت أتناقش مع أحد أصدقائى ذات يوم عن مواصفات العروسة التى يتمناها..

فظل يردد على مسامعى المواصفات التالية:

- تكون بنت ناس

- تكون مؤدبة

- مثقفة

- تكون متدينة جدا عشان أنا مش ملتزم قوى... فلازم تكون واحدة تقدر تاخد بإيدى لفوق (يعنى حتى دى كمان هى لازم تشيل همها...!!!!)

- تكون عايزة تعيش (يعنى فيه واحدة فى الدنيا عايزة تموت؟؟؟!!!!!!!!!!)

المهم... بعد فترة شوفتله عروسة.... حلوة.... بنت ناس.... عايزة تعيش... مثقفة.... من بيت طيب و متدينين...

بعد اللقاء سألته.....

إي رأيك فى العروسة؟؟؟؟؟

قام قاللى...... كويسة....

بسسسسسسسسسس...........

يعنىىىىىىىىىىىىىىى...................

أصلها بتتكلم بمنطق.....

و أنا مش عايز واحدة تكون بتفكر......!!!!!!! :D :D :D :D :D :D

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
  • الردود 49
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

بنت شعنونة عضو جديد

بنت شعنونة

بتاريخ:
بتاريخ:

ههههههههاااااااااااااييييييي

ضحكتيني يا بنتي..

والله شر البلية ما يضحك

يا بنتي صدقيني

وخديها حكمة مني

البهوات دلوقتي عاوزيييييييين معيييييييييييييزززز

مش بني ادمة زيهم

لالالالالالالالا

دول عاوزين انثى الحوت عشان تنفعهم

زي فيه موضوع هنا في الاسرة والله ها اموت ارد فيه

بس المشكلة صاحب الموضوع ها يزعل

لكن حسسني ان صاحبة الموضوع معزة وبيدلل عليها

!!!!!

حسبي الله ونعم الوكيل في الناس.. :? :? :twisted: :twisted: :twisted:

وانا من البلد ديييييييييييي

رابط هذا التعليق
شارك
Cleo عضو جديد

Cleo

بتاريخ:
  • كاتب الموضوع
بتاريخ:

أنا أول ما الأخ قاللى كدة.. بعد ما فقت من الصدمة سألته "انت عاوز واحدة تفهمك و تقدر تعبك و تعينك على الدنيا و تربيلك عيالك... ولا عايز -عفوا- جزمة تلبسها فى رجلك" ....!!!!!!!!!!!!! :!: :!: :!: :shock: :shock:

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
molham عضو جديد

molham

بتاريخ:
بتاريخ:
يا بنتي صدقيني  

وخديها حكمة مني  

البهوات دلوقتي عاوزيييييييين معيييييييييييييزززز  

مش بني ادمة زيهم  

لالالالالالالالا  

دول عاوزين انثى الحوت عشان تنفعهم

:D :D

وانثى الحوت دى مواصفاتها اية يا شعنونة مش زى البنات العادية كدة ولا قصدك زى الحور العين هايلاقيها فى الجنة ان شاء الله

:D

ماعرفشى يا جماعة بس نماذج الشباب اللى بتقولوا عليهم مش كتير واكيد مابيعبروش عن اغلبية الشباب المصرى .

اكيد الحكاية اللى بتقولى عليها يا كليو ان الشاب حس انها ممكن ماتكونش مناسبة لية فاتحجج بحكاية ان عندها منطق وبتفكر

القرآن الكريم و السنة النبوية هما الحقيقة المطلقة فى حياتنا وكل شئ غيرهما قابل للاختلاف والجدال .

رابط هذا التعليق
شارك
Cleo عضو جديد

Cleo

بتاريخ:
  • كاتب الموضوع
بتاريخ:

ملهم كتب :

اكيد الحكاية اللى بتقولى عليها يا كليو ان الشاب حس انها ممكن ماتكونش مناسبة لية فاتحجج بحكاية ان عندها منطق وبتفكر

 

 

ولله يا ملهم الكلام ده باسمعه من شباب كتيييررررررررررررررررررررررر... و أنا نفسى مرة اترفضت عشان نفس السبب.... إنى -لامؤاخذة يعنى- بفكر :D :D :D

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
MuslimaEgyptian عضو جديد

MuslimaEgyptian

بتاريخ:
بتاريخ:
المهم... بعد فترة شوفتله عروسة.... حلوة.... بنت ناس.... عايزة تعيش... مثقفة.... من بيت طيب و متدينين...

cry:  :D  :D  :D  :D  :D

:D:)

انت يا كليو حليتلنا لغز ال9مليون بنات اللى مش متجوزين...أصل الشباب عايزين يعيشوا... :D

أصلها بتتكلم بمنطق.....

و أنا مش عايز واحدة تكون بتفكر......!!!!!!!   :

كثير من الاخوه اللى بيكونوا خاصا فى أشغال صعبه او بذلوا مجهود فى دراسات ما رأيتهم يتحدثون بنفس المنطق "مش عاوز أوجع دماغى لما أرجع البيت تعبان". وهناك الستريوتايب عن الدكاتره اللى مش بيفضلوا يتجوزوا دكاتره لنفس السبب.

بس لو الناس تحسبها صح يعرف ان لو اختار كل واحد آخر يعرف واجباته

التى يملها عليه الله، يبقى مفيش مشاكل وان "المنطق" ده هيصب فى خانه التربيه السليمه للأولاد...إضافه الى تعاون ومشاركه تجعلهم يصنعوا حياه أفضل..

والمحتمل الآخر هو حقيقه شباب هذه الايام.. فعلا يا كليو "عايز يعيش"..خروج ووظيفه كويسه وأكل بره وشقه وشرم الشيخ وخلاص على كده...تيجى تكلمه فاللى بيحصل فى العراق يقولك هنعقدها ليه :roll: :roll: :roll:

شفتوا فيلم السلم والتعبان بتاع الشباب "العايش"؟ مهزله بحق وحقيقى لو ده الواقع

التوقيع مغلق للتحسينات :) .
رابط هذا التعليق
شارك
BenNeal عضو جديد

BenNeal

بتاريخ:
بتاريخ:
ههههههههاااااااااااااييييييي

زي فيه موضوع هنا في الاسرة والله ها اموت ارد فيه

بس المشكلة صاحب الموضوع ها يزعل

لكن حسسني ان صاحبة الموضوع معزة وبيدلل عليها

!!!!!

حسبي الله ونعم الوكيل في الناس.. :?  :?  :twisted:  :twisted:  :twisted:

انا غلبت و مش عارف اخمن انهو موضوع. يا ريت تقوليلنا هو ايه بصوت واطى قوى علشان صاحب الموضوع مايزعلش.

{إِنَّ اللهَ اشْتَرَى مِنَ الْمُؤْمِنِينَ أَنْفُسَهُمْ وَأَمْوَالَهُمْ بِأَنَّ لَهُمُ الْجَنَّةَ يُقَاتِلُونَ فِي سَبِيلِ اللهِ فَيَقْتُلُونَ وَيُقْتَلُونَ وَعْدًا عَلَيْهِ حَقًّا فِي التَّوْرَاةِ وَالإِنْجِيلِ وَالْقُرْآنِ وَمَنْ أَوْفَى بِعَهْدِهِ مِنَ اللهِ فَاسْتَبْشِرُوا بِبَيْعِكُمُ الَّذِي بَايَعْتُمْ بِهِ وَذَلِكَ هُوَ الْفَوْزُ الْعَظِيمُ}.

{وَلاَ تَحْسَبَنَّ الَّذِينَ قُتِلُوا فِي سَبِيلِ اللهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ * فَرِحِينَ بِمَا آتَاهُمُ اللهُ مِن فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِم مِّنْ خَلْفِهِمْ أَلاَّ خَوْفٌ عَلَيْهِمْ وَلاَ هُمْ يَحْزَنُونَ}.

رابط هذا التعليق
شارك
molham عضو جديد

molham

بتاريخ:
بتاريخ:

يا نهار ابيض يا كليو

اعتقد ان الشاب اللى يرفض يرتبط ببنت مثقفة او عندها شخصية وبتشغل عقلها بيكون غبى مليون فى المية لانة بيرفض فرصة انة يحسن نسل اولادة اللى هايخدوا الغباء منة :D :D

بجد انا كان فية مرة حوار بينى وبين صديق تركى عايش فى مصر بيدرس فى الازهر وفية قارن بين البنت المصرية والبنت التركية وشن هجوم شديد على البنات فى مصر واتهمهم بافتقار الثقافة والوعى ولما اشرت لية بالانحلال فى تركيا فرد عليا ان دى صورة اعلامية فقط وان البنت التركيا الملتزمة دينيا احسن من المصرية الملتزمة لتمتع التركية بالوعى والثقافة والتفكير وطبعا ضرب مثل بتكاليف الزواج والشروط اللى بتطلبها اسرة البنت فى مصر وان الكلام دة مابيحصلش فى تركيا والزواج عندهم سهل وبسيط .

انا طبعا قصدى ان الثقافة والتفكير المفروض لأى عاقل انها تذود من فرص اختيارة فى الفتاة للزواج وتكون عوامل ترجيح ليها .

القرآن الكريم و السنة النبوية هما الحقيقة المطلقة فى حياتنا وكل شئ غيرهما قابل للاختلاف والجدال .

رابط هذا التعليق
شارك
MuslimaEgyptian عضو جديد

MuslimaEgyptian

بتاريخ:
بتاريخ:

إنت عارفه يا كليو، عند بعض الناس فكره ان البنت اللى بتفكر بتكون شبيهه الرجال حاش الله...وان البنت المفروض تمثل على إنها لا تدرك شيئا ولا تعرف وتترك المسائل دى للرجال...وصديقتى كلما تقابل عريس، تفضل تزعل منها والدتها لما تتكلم فى اى شئ غير الزواج...أنا نفسى مره كنت بتناقش فى موضوع خاص بسياسه مصر لكى أحدد موضع فكره، أخذت محاضره بعدها حول "هو ده وقته"... :mad:

فهل نحن ساهمنا فى خلق هذه المشكله بأنفسنا؟ وساعات يطرق بالى موضوع كيف ينظر إخواننا الرجال بالمنتدى الى العضوات القلائل :D...وان كانوا فى عمق نفوسهم يقولون مش المفروض نكون مشغولين بأشياء أخرى "نساءيه"..كطبيخ وغسيل وخدمه سى السيد بدل التفكير ده كله :D

التوقيع مغلق للتحسينات :) .
رابط هذا التعليق
شارك
Cleo عضو جديد

Cleo

بتاريخ:
  • كاتب الموضوع
بتاريخ:
إنت عارفه يا كليو، عند بعض الناس فكره ان البنت اللى بتفكر بتكون شبيهه الرجال حاش الله

ولله يا مسملة عندك حق... أنا كتير جدا أسمع من صديقاتى المخطوبات يحكوا إن خطيبينهم (جمع خطيب يعنى... :D ) يقولولهم "أنا حاسس إنى قاعد مع واحد صاحبى"...!!!!!!

ثم أنا فى رأى حاجة...

و من غير زعل

الشباب فى مصر بيتربوا على الأنانية من صغرهم... ولى العهد دايما طل طلباته أوامر.... مش محتاج انه يتعب نفسه فى حاجة... ده كتر خيره إنه "ولد" و الناس تبوس ايدها وش و ضهر عشان كدة... لحد ما بيوصل لمرحلة بتبقى كل لهتماماته منحصرة فى جسمه : أكل.. شرب.. بنات.. عضلات... لبس... موبايلات و عربيات (لزوم البنات برضه :wink: :cool: ) فيصبح "كمثل الخشب المسندة" منظر على الفاضى و من حوه مافيش...

يقوم لما يقابل واحد مثقفة أو بتفكر يحس إن شخصيتها هتبلعه و تفضح صغر حجمهو قلة قيمته الحقيقية أمام الناس.... فيخاف و يبدأ يطلب واحد ماتكنش -لامؤاخذة- بتفكر....

ملهم قال:

اعتقد ان الشاب اللى يرفض يرتبط ببنت مثقفة او عندها شخصية وبتشغل عقلها بيكون غبى مليون فى المية لانة بيرفض فرصة انة يحسن نسل اولادة اللى هايخدوا الغباء منة

:D :D :D :D

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
شيكو المصري عضو جديد

شيكو المصري

بتاريخ:
بتاريخ:

اسمحولي ادلو بدلوي في هذا الموضوع .

من وجهة نظري الشاب المفروض مايتجوزش واحدة اعلى منة في المستوى العقلي :w: ((او الاجتماعي)))يعني اية :shock: ....يعني انا انسان دماغي على قدي :D و اجوز واحده دكتورة في الكلية و لا حاجة من دول :D تفتكروا مين حيقود السفينة معلش الجواب معروف طبعا :( و اكيد معروف حدوث خلافات بعد كدة كتير في الاسرة :w: .انها بتفكر دة شيئ كويس بس لازم يكون جوزها بيفكر احسن . :w:

يعني السؤال موجة للاخوات :idea: ترضي حضرتك تتجوزي واحد مابيفكرش او عقليتة اقل من عقليتك :sly: او دماغة اصغر من دماغك :D

الله غايتنا....الرسول قدوتنا ......القرآن دستورنا ......الجهاد سبيلنا ............الموت في سبيل الله اسمى امانينا.

رابط هذا التعليق
شارك
Excellence عضو جديد

Excellence

بتاريخ:
بتاريخ:

اقتباس:

أصلها بتتكلم بمنطق.....

و أنا مش عايز واحدة تكون بتفكر......!!!!!!! :

اكيد الحكاية اللى بتقولى عليها يا كليو ان الشاب حس انها ممكن ماتكونش مناسبة لية فاتحجج بحكاية ان عندها منطق وبتفكر

اعتقد أن هناك إحتمال أنها كانت تجادله كثيرا في المقابلةبطريقة لم تعجبه و بالتالي أحس انها غير مناسبة

و الراجل كان مهذب في الرد بدل ما يقول حاجة محرجة ليها

.لأن الرجل - أي رجل من وجهة نظري يعجب بالمراة الي بتفكر و يفر من المرأة الكثيرة الجدال أو الندية

رابط هذا التعليق
شارك
MuslimaEgyptian عضو جديد

MuslimaEgyptian

بتاريخ:
بتاريخ:
اسمحولي ادلو بدلوي في هذا الموضوع .

من وجهة نظري الشاب المفروض مايتجوزش واحدة اعلى منة في المستوى العقلي  :w: ((او الاجتماعي)))يعني اية :shock:  ....يعني انا انسان دماغي على قدي :D  و اجوز واحده دكتورة في الكلية و لا حاجة من دول  :D  تفتكروا مين حيقود السفينة معلش الجواب معروف طبعا  :( و اكيد معروف حدوث خلافات بعد كدة كتير في الاسرة  :w: .انها بتفكر دة شيئ كويس بس لازم يكون جوزها بيفكر احسن . :w:

صح يا أخ شيكو، لأن ده هيقلل من نسبه التكافؤ الذى هو من أسس الزواج الناجح. بس موضوع قياده السفينه ده بنشوفه برضه مع السيدات الجاهلات ممن يتحكمن فى أزواجهن ولا يحترموهم ..سيناريو الرجل المغلوب على أمره..

يعني السؤال موجة للاخوات  :idea: ترضي حضرتك تتجوزي واحد مابيفكرش او عقليتة اقل من عقليتك  :sly: او دماغة اصغر من دماغك  :D

لأ طبعا، لا يمكن...ولكن أظن الاخت كليو تتكلم عن المستوى الادنى من التفكير...

التوقيع مغلق للتحسينات :) .
رابط هذا التعليق
شارك
Proud Muslim عضو جديد

Proud Muslim

بتاريخ:
بتاريخ:

أن تكون الزوجة متدينة .. فهذا أهم شيء بلا شك ..

و أن تكون مثقفة و واعية و مفكرة .. فهذا شيء رائع .. فهو يكسب الحياة طعما جميلا .. أن يجد الزوج ( المفروض أن يكون مثقف أيضا ) من تناقشه و تتحاور معه بل و تختلف معه .. فهذا شيء صحي و مفيد للحياة الزوجية بلا شك ..

فأحيانا يصب الزوج بالتخلف العقلي لأنه تزوج ممن لا هم لها الا الطبيخ و العيال !!

و أعرف كثيرا من أقاربي كان هذا حالهم .. رجل مثقف متعلم و حاصلين على شهادات دكتوراه .. و لكنه فضل أن يتزوج واحدة ملهاش في السكة دي خالص .. حصل ايه !!

المساكين أصبح لا هم لهم الا انواع الخضار و اللحمة !! :D

و لكن بما أن الزورجة المثالية مفكرة و مثقفة فهي أيضا ذكية !!

فهي تعرف متى يمكن ان تختلف و لا تضايق زوجها .. و هي تعرف متى يجب ان يتوقف النقاش حتى لا يتحول الى معركة .. و تعرف أيضا ان لا يجب ان تستفز زوجها ..

لأن هناك فئة من النساء اللاتي على علم و معرفة .. تتعمد ان تحرج زوجها و ان تجعله يحس بأنه الأقل ..

كما أن منهم من يردن أن يستفززن أزواجهن ..لمجرد وجود مشكلة أخرى و لكن تأخذ المناقشة حجة لحرق دمه !! :D

و هناك من لا تحب أن تعترف بأنها على خطأ أو أن وجهة نظرها ليست سلمية .. و هذه مصيبة !!

ليس هذا من أجل أن الرجل يحب التحكم .. و لكن الزوجة العاقلة هي من تجعل زوجها يحس أنه أعقل منها ( مع علمها أنه أقل ) .. و أنه يفهم أكثر .. و هي تستطيع أن تجعله يرجع عن آرائه الخاطئة و لكن هناك ذكاء في الحوار و المعاملة ..

هذا ما نتمناه ..

و لكن .. تأتي الرياح أحيانا بما لا تشتهي السفن !! :D

و الله من وراء القصد .

ذو العقل يشقى في النعيم بعقله.. واخو الجهالة في الشقاوة ينعم

هذه مدونتي:

Fathy

رابط هذا التعليق
شارك
crossfield عضو جديد

crossfield

بتاريخ:
بتاريخ:
كنت أتناقش مع أحد أصدقائى ذات يوم عن مواصفات العروسة التى يتمناها..

فظل يردد على مسامعى المواصفات التالية:

- تكون بنت ناس

- تكون مؤدبة

- مثقفة

- تكون متدينة جدا عشان أنا مش ملتزم قوى... فلازم تكون واحدة تقدر تاخد بإيدى لفوق (يعنى حتى دى كمان هى لازم تشيل همها...!!!!)

- تكون عايزة تعيش (يعنى فيه واحدة فى الدنيا عايزة تموت؟؟؟!!!!!!!!!!)

المهم... بعد فترة شوفتله عروسة.... حلوة.... بنت ناس.... عايزة تعيش... مثقفة.... من بيت طيب و متدينين...

بعد اللقاء سألته.....

إي رأيك فى العروسة؟؟؟؟؟

قام قاللى...... كويسة....

بسسسسسسسسسس...........

يعنىىىىىىىىىىىىىىى...................

أصلها بتتكلم بمنطق.....

و أنا مش عايز واحدة تكون بتفكر......!!!!!!! :D  :D  :D  :D  :D  :D

مقلكيش مقاس كام؟ :D :D

أنا كنت شىء وصبحت شىء ثم شىء

شوف ربنا .. قادر على كل شىء

هز الشجر شواشيه ووشوشنى قال :

لابد ما يموت شىء عشان يحيا شىء

عجبى !!

رابط هذا التعليق
شارك
ragab2 عضو جديد

ragab2

بتاريخ:
بتاريخ:

يمكن

بيقصد أنها غلباوية أو ثرثارة

لأن الزكاء فى المرأة يعتبر فاكهة

ومطلوب

مصر أكبر من نظام الحكم الفردى الديكتاتورى الإستبدادى

الذى فرضه علينا عسكر حركة يوليو فى الخمسينات

وصار نظاما لحكم مصر

برنامج الرئيس الإنتخابى لإسكان فقراء الشباب ..

سرقه مسؤولون وزارة الإسكان مع المقاولين ..!

رابط هذا التعليق
شارك
KWA عضو جديد

KWA

بتاريخ:
بتاريخ:

بسم الله الرحمن الرحيم

السلام عليكم ورحمة الله وبركاته

انا كان متهيأ لي و انا اتابع هذا الموضوع من اول مداخله الي اخر مداخله انني سوف اقر خبرا لوفاه هذا العريس :D ...الأنسات بسم الله ما شاء الله نزلوا حتتك بتتك و قطعوا فروه الراجل و الحمد الله انه مكانش معاهم وجها لوجه :D :D ... و بعدين نوعيه زي العريس او الشاب ده لا اظن ان سبب رفضه كما قال...و لكن السبب الرئيسي انه لم يعجب بشكل العروسه :? و نوعيه مثل هذه سواءالشاب او الفتاه لم ينضجوا النضج العقلي و الفكري لمعني زواج و مسئوليه و زوجه و زوج و غيرهما :twisted: :twisted: ...و بعدين الزواج اسمه و نصيب...

MuslimaEgyptian WROTE

وساعات يطرق بالى موضوع كيف ينظر إخواننا الرجال بالمنتدى الى العضوات القلائل

نظره الأحترام و التقدير

KWA

Egypt is my home , USA is my life.

رابط هذا التعليق
شارك
Elham عضو جديد

Elham

بتاريخ:
بتاريخ:
أن تكون الزوجة متدينة .. فهذا أهم شيء بلا شك .. 

و أن تكون مثقفة و واعية و مفكرة .. فهذا شيء رائع .. فهو يكسب الحياة طعما جميلا .. أن يجد الزوج ( المفروض أن يكون مثقف أيضا ) من تناقشه و تتحاور معه بل و تختلف معه .. فهذا شيء صحي و مفيد للحياة الزوجية بلا شك .. 

فأحيانا يصب الزوج بالتخلف العقلي لأنه تزوج ممن لا هم لها الا الطبيخ و العيال !! 

و أعرف كثيرا من أقاربي كان هذا حالهم .. رجل مثقف متعلم و حاصلين على شهادات دكتوراه .. و لكنه فضل أن يتزوج واحدة ملهاش في السكة دي خالص .. حصل ايه !! 

المساكين أصبح لا هم لهم الا انواع الخضار و اللحمة !!

و لكن بما أن الزورجة المثالية مفكرة و مثقفة فهي أيضا ذكية !! 

فهي تعرف متى يمكن ان تختلف و لا تضايق زوجها .. و هي تعرف متى يجب ان يتوقف النقاش حتى لا يتحول الى معركة .. و تعرف أيضا ان لا يجب ان تستفز زوجها .. 

لأن هناك فئة من النساء اللاتي على علم و معرفة .. تتعمد ان تحرج زوجها و ان تجعله يحس بأنه الأقل .. 

كما أن منهم من يردن أن يستفززن أزواجهن ..لمجرد وجود مشكلة أخرى و لكن تأخذ المناقشة حجة لحرق دمه !!

و هناك من لا تحب أن تعترف بأنها على خطأ أو أن وجهة نظرها ليست سلمية .. و هذه مصيبة !! 

ليس هذا من أجل أن الرجل يحب التحكم .. و لكن الزوجة العاقلة هي من تجعل زوجها يحس أنه أعقل منها ( مع علمها أنه أقل ) .. و أنه يفهم أكثر .. و هي تستطيع أن تجعله يرجع عن آرائه الخاطئة و لكن هناك ذكاء في الحوار و المعاملة .. 

هذا ما نتمناه .. 

و لكن .. تأتي الرياح أحيانا بما لا تشتهي السفن !!

و الله من وراء القصد

انا اتفق مع الاخ برواد مسلم فى كل كلامه

وما من يوم أرتجي فيه راحهٌ *** فأجده ألا بكيتُ على أمسي

رابط هذا التعليق
شارك
Seafood عضو جديد

Seafood

بتاريخ:
بتاريخ:

أولاً ... أنا ساقول كلاماً قد لا يعجب الأخوات الفاضلات هنا في المنتدى ...

فمع إقراري بالمستوى العقلي المبهر لمعظم الأخوات هنا في المنتدى ... و أنهن قد فقن بعض الرجال بإتزانهن ... و فكرهن .. و إهتمامهن بالقضايا الجادة ...

إلا أن كلامي هنا ينسحب على الفتيات بصورة عامة ... و خاصة اللواتي هن من الأجيال الجديدة ...

فنجد الفتاة من هذا الجيل تعتقد :

أنها عقلية لا مثيل لها بين الرجال .. و مثقفة ناهمة للقراءة ... إن هي قرأت إحدى روايات عبير حتى و إن لم تنهها ... ثم إنتقلت بعد ذلك لتقرأ ... بريد الأهرام و شكاويه ... ثم أكملت يومها الذي قضته في المكتبة بحل الكلمات المتقاطعة ...

و هي تعتقد أنها عالمة في الفلك و حركات النجوم و مداراتها ... لأنها تعرف أن برج الجدي يتوافق مع برج العذراء .. و إحتمال أن ينجح الزواج بينهما هو بنسبة ثمانين في المائة على الأقل ... و لأنها تحرص على قراءة حظك اليوم قبل أن تفتح عينيها في صباح كل يوم ...

و هي طباخة ماهرة .. لا يجروء أكبر شيف في أشهر الفنادق على مضاهاة طبخها ... إن هي إستطاعت أن تقلي بيضتين ... دون أن يندمج صفارهما ببياضهما .. و قد تأخذ صورة تذكارية مع الطاسة التي بها البيضتين .. حتى و لو بدا شكل الطاسة و به البيضتين هكذا :shock: .. و عندما تنتبه إلى أن البياض قد حل محل الصفار ... تصر على أن الغلطة .. هي غلطة الدجاجة التي هزت نصفها الخلفي و هي تضع البيض ... فحل البياض محل الصفار في البيضة ...

و هي خبيرة في الشئون السياسية ... لإنها نظرت إلى " صحباتها " ... ( جمع صاحبة ) .. نظرة ثاقبة ... لا تخلو من دهاء و قد كادت أن تغلق إحدى عينيها .. و أبقت على الأخرى مفتوحة مع رفع حاجبها .. و قد إعتقدت أنها أول من توقع أن أمريكا ستضرب العراق ... رغم أن الضربة قد بدأت بالفعل منذ ثلاث ساعات مضت ...

و هي رياضية .. حريصة على رشاقتها و صحتها البدنية ... لأنها إشترت " ترايننج " منذ ثلاث سنوات .. و وضعته في دولاب الملابس .. على وعد بأن ترتديه يوماً و تمارس هواية الجري به ... تلك الرياضة التي تعشقها منذ الصغر ... رغم أن مشاكل الحياة تقف حائلاً بينها و بين ممارستها ...

و هي خبيرة في شئون الزراعة و محاصيلها .. لأنها تستطيع التفريق بين الملوخية الخضراء و الملوخية الناشفة... بحاسة اللمس المرهفة عندها ... حتى قبل طبخهما .. و لأنها تستطيع أن تفرق بين المانجة و فص الثوم بمجرد أن تقرب أنفها من كليهما ...

و هي خبيرة في الموسيقى و فنونها ... لأنها تحتفظ بأول شريط أنتجه عدوية ... و لأنها تخفي بين صفحات كتاب التاريخ صورة نادرة لعمرو دياب و هو في اللفة ....

و الرجل العاقل هو الذي يستطيع أن يقنع فتاته بأنها كل هؤلاء .. و أن الدنيا لم تبتسم له .. إلا عندما تبسمت له هي ....

سيتوصل المصريون إلى حلول لمشاكلهم ...عندما يكفون عن النظر إليها

بعيون أمريكية

يقاد للسجن من سب الزعيم .. ومن سـب الإله فإن النـاس أحـرار

يخاطبني السفيه بكل قبح *** وآسف أن أكون له مجيبا

يزيد سفاهة وأزيـد حلما **** كعود زاده الاحراق طيبا

رابط هذا التعليق
شارك
Masrawy Abroad عضو جديد

Masrawy Abroad

بتاريخ:
بتاريخ:

انت حكاية يا سي فوود...مشاركتك متميزة بحق ....ونسيت تكمل "المسلسلات المصري" التي أصابتهم بانفصام عن واقع الحياة...حيث تجدالعريس اللي متقدم قاعد في غرفة الصالون مع والدها..وهي قبل ما تشوفه حتى أو تتكلم معاه خارجة للبلكونة تشوف سيارته فين في الشارع وموديل ايه :shock: :mad:

المسلسلات والأفلام العربي التي أصابت الفتيات بغيبوبة....وجعلتهم يريدون من شريك حياتهم اللي لسه بيبدأ مستقبله وحياته أو يا دوب لسه بيحفر في الصخر لاثبات الذات إنه يكون جاهز من مجاميعه...طيب بعد عشرين سنة يبقى أكيد منتظر يكون في غنى ساويرس أو عمرو دياب مثلاً. ....ياسادة المدرس مرتبه 150 جنيه في الشهر والدكتور بيبدأ بمرتب مثله!!

أما العريس اللي بتكلموا عنه فهو حالة فردية وان تكررت برضه فهي لا تعني غير انها نسبة ضئيلة!! أنتم دائما تجعلون الحالات الشاذة هي القاعدة وهي الشيء المسلم به....الفشل في تجربة أو مواجهة عرسان بهذا الشكل لا يعني انهم كلهم كده....والعكس صحيح لمن تقدم لبنات أكثر من مرة ووجد فيهم تفاهة التفاهة وتدني مستوى الفكر والاهتمام بالمظهر ولكن تلاقيها عمرها حتى ما مسكت جريدة ولا حتى سمعت نشرة....فذلك لا يعني ان كلهم كذلك...العبرة هي بتدقيق الاختيار والصدق مع النفس والاخلاص في البحث...وصدقوني الشخص بيتعرف من كلامه من اول خمس دقائق...وصدق المثل القائل "تكلم حتى أراك" وليس "البس واتشيك" حتى أراك....

قليل من الموضوعية يا ريت

when_born.jpg
رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • News Bot
      0
      [مجلة رزو اليوسف] مدفع الإفطار والمسحراتى والكنافة والقطايف ملامح رمضان.. أصلها مصرى
      تعددت الطقوس الرمضانية وتنوعت العادات الثقافية التى ينتظرها الأشخاص فى شغف على اللقاء الذى يتجدد كل عام وتعتبعرض المقال كاملاً

      بواسطة News Bot
      كُتب

    • Believer
      30
      مسلمة أصلها فلسطيني تعمل على قانون لحظر الحجاب بالنمسا ... ما رأيكم ؟
      دزدار أثناء أدائها اليمين القانونية بعد تعيينها وزيرة أمام رئيس النمسا هاينز فيشر فيينا – رويترز قال وزير خارجية النمسا، سباستيان كورتس، الجمعة، إنه يريد منع الموظفات في المؤسسات المدنية، بمن في ذلك المدرسات من ارتداء الحجاب. ويعمل كورتس – الذي ينتمي لحزب الشعب النمساوي المسيحي المحافظ – على إعداد مشروع قانون بهذا الشأن مع منى دزدار وهي وزيرة دولة من الحزب الديمقراطي الاجتماعي النمساوي شريك حزب كورتس في الائتلاف، وهي مسلمة ذات أصول فلسطينية. وفي حالة موافقة البرلمان على هذا القانون سي

      بواسطة Believer
      كُتب

    • tarek nokia
      20
      انت بتفكر تعمل ايه بعد الغربة
      السلام عليكم انا واحد من كتير من الناس الي بتفكر لماتنزل مصر بعد الغربة حتعمل ايه وبدور على مشروع ناجح بس المشكلة انا مش عارف منين البداية يعني انه الواحد ممكن يبتد ي بمشروع وهوا بالغربة ولما المشروع يوقف على رجليه ينزل نهائي فياريت لو حد عنده مشروع يقول عمل ايه ولو حد عنده فكرة يوقلها يعني انا كنت بفكر بمزرعة حيوانات ودواجن بس طبعا بالتدريج يعني الأرض وبعدين تظبيطها وبعدين زراعتها وهكذا

      بواسطة tarek nokia
      كُتب

    • أبو العز
      12
      هل الخرفان أصلها عربي ؟؟
      اعتقد ان الاغلبية استغربوا هذا العنوان لكن بعد ما قرأت هذه القصة خطر على بالي هذا السؤال واتمنى من الجميع قراءة هذه القصة قبل الاجابة عن هذا السؤال. تبدأ القصة في زاوية قصية .. وبعيدا عن أعين الإعلام ... حيث كان الجزار يحد سكينه ويجهز كلاليبه ... في تلك اللحظة كانت الخراف في الزريبة تعيش وتاكل وتشرب وكأنها قد جاءت الى تلك الزريبة بضمان الخلود. دخل الجزار فجأة الى وسط الزريبة فأدركت "الخرفان" بحسها الفطري أن الموت قادم لامحالة. وقع الاختيار على احد الخراف ..وأمسك الجزار بقرنيه يسحبه الى خارج الز

      بواسطة أبو العز
      كُتب

    • Sherief AbdelWahab
      10
      مناظر ولا مؤاخذة
      لن أناقش هنا قانون زرع الأعضاء من عدمه ، إلا أن مؤيدي القانون ، مع احترامي للصنف الأول منهم فقط ، انقسموا إلى صنفين ، الصنف الأول يستمد موقفه مما يراه صالح المصريين ، وهذا الصنف أختلف معه وأحترمه ، والصنف الثاني يعلق لك الشماعة الجديدة : السعودية وإيران .. لماذا لا نطبق القانون طالما السعودية وإيران طبقته؟ ولماذا لا نطبق أي قانون طالما أن السعودية وإيران طبقته؟ ولماذا لا نفعل كل ما تفعله السعودية وإيران؟ أو نقتدي حرفياً بكل فتاوى السعودية وإيران؟ واللي ناقص كمان نصلي حسب التوقيت المحلي للسع

      بواسطة Sherief AbdelWahab
      كُتب

×
×
  • أضف...