انت بتفكر تعمل ايه بعد الغربة

[tarek nokia]

السلام عليكم

انا واحد من كتير من الناس الي بتفكر لماتنزل مصر بعد الغربة حتعمل ايه وبدور على مشروع ناجح بس المشكلة انا مش عارف منين البداية يعني انه الواحد ممكن يبتد ي بمشروع وهوا بالغربة ولما المشروع يوقف على رجليه ينزل نهائي فياريت لو حد عنده مشروع يقول عمل ايه ولو حد عنده فكرة يوقلها يعني انا كنت بفكر بمزرعة حيوانات ودواجن بس طبعا بالتدريج يعني الأرض وبعدين تظبيطها وبعدين زراعتها وهكذا

[AboAsem]

رجل الأعمال أهم كثيرا أهم من فكرة المشروع

الخبرة بتأسيس و إدارة المشاريع ، إدارة المال و غيرها من أساسيات الأعمال مهمه

شوف الكورس ده

http://www.talkshoe.com/talkshoe/web/talkC...3431&cmd=tc

محاضرات صوتيه باللغه الإنجليزيه موجهه لأصحاب المشاريع الصغيرة و المتوسطه ، مفيده جداً

بالتوفيق

أبو عاصم

[tarek nokia]

الف شكر ليك بس انا حبيت انوا نستفاد من بعض يعني الي عنده خبرة في مشروع معين يقولها لينا وازاي ابتدى فيها

[شاب مصري]

للأسف كل اللي اعرفه عن اللي رجع من الخليج او الخارج وعمل مشاريع حكايات مؤسفة والناس خسروا في المشاريع

اللي نفعوا هم اللي اشتروا أرض أو عقار والفلوس زادت اوتوماتيك

انا بعتبر فوايد البنوك حرام

بس عموما انا اعرف واحد شغال في الفراخ

بيجيب الكتاكيت وجايب كام واحد يربوهم في بطاريات

وبيكسب كويس جدا

في الدورة الواحدة 20 الف او اكتر

في واحد اعرفه كسب اكتر من مليون في السنة في موضوع الفراخ دا

بس احيانا بتيجي خساير بردو

ربنا معاك يا طارق.

[MrPower]

المشاريع المجدية تتطلب رأس مال ليس بالقليل والافضل ان تكون أكتر من شريك وتكون ليها دراسة جدوي

من وجهة نظري الإستثمار العقاري فى العقارات والأراضي مشروع كويس

انا بفكر فيه مع صديق ليه خبرة فى مجال البناء (مهندس مدني)

يعني عملنا دراسة جدوي بمساعدة صديق محاسب قانوني

[Mohamed Fayek]

للأسف كل اللي اعرفه عن اللي رجع من الخليج او الخارج وعمل مشاريع حكايات مؤسفة والناس خسروا في المشاريع

اللي نفعوا هم اللي اشتروا أرض أو عقار والفلوس زادت اوتوماتيك

انا بعتبر فوايد البنوك حرام

بس عموما انا اعرف واحد شغال في الفراخ

بيجيب الكتاكيت وجايب كام واحد يربوهم في بطاريات

وبيكسب كويس جدا

في الدورة الواحدة 20 الف او اكتر

في واحد اعرفه كسب اكتر من مليون في السنة في موضوع الفراخ دا

بس احيانا بتيجي خساير بردو

ربنا معاك يا طارق.

كلامك زين الزين ... كل اللى نزلوا مصر وعملوا مشاريع خسروا كتير ودلوقتى عاوزين يرجعوا تانى ... حد يقدر يشتغل مع الهوامير ... دى عالم قروش مفترسة وأى واحد صغير يبتدى مشروع يهرسوه ويعملوه كفته ..

وبعدين نفسى أفهم دجاج ايه اللى يكسب 20000 فى الدورة .... وبعدين هى انفلوانزا الطيور ماتت خلاص والدجاج بقى عنده مناعة

ياعم ربنا يخللى الحكومة ....ويكتر من الدجاج ... علشان الريش يكتر ... ونلاقى مخدات نعملها للحكومة وأعضاء مجلس الشعب ............ ونامى ياحكومة ....

[newcomer]

السلام عليكم

انا واحد من كتير من الناس الي بتفكر لماتنزل مصر بعد الغربة حتعمل ايه وبدور على مشروع ناجح بس المشكلة انا مش عارف منين البداية يعني انه الواحد ممكن يبتد ي بمشروع وهوا بالغربة ولما المشروع يوقف على رجليه ينزل نهائي فياريت لو حد عنده مشروع يقول عمل ايه ولو حد عنده فكرة يوقلها يعني انا كنت بفكر بمزرعة حيوانات ودواجن بس طبعا بالتدريج يعني الأرض وبعدين تظبيطها وبعدين زراعتها وهكذا

و عليكم السلام يا استاذ طارق

ربنا يرد غربتك و غربتنا جميعا

عايز اقول لحضرتك و نعمة التفكير ..... بس خلينى افكر مع حضرتك فى كام نقطة.....

حكاية مسك العصاية من النص دى .....يعنى .....مش كويسة اوى

يا حضرتك هنا يا حضرتك هناك

يا أما فى حد بديل لحضرتك يراعى مصالحك .... يعنى المدام .....حد من الاخوات ..... حد من الاصحاب

يعنى هيه صعبه شويه لكن مش مستحيلة..... يعنى يكون وقتهم و خبرتهم و رغبتهم فى المساعدة.....متوفرة

اهم حاجة يا استاذ طارق ..... ان يكون عند حضرتك فكر و قناعة المكسب و الخسارة

انا قابلت ناس كتير .....بيبقى عندهم تفكير و رغبة فى اقامة مشروع

لكن دايما اللى بيوقفهم .... فكرة " ما انا ممكن اخسر ؟؟!!!"

و ده طبعا وارد..... و لازم يتحط فى الحسبان

و الحسبة دايما بتكون لاااااااا ده مكسب قليل قوى

دانا لو حاتطهم فى البنك ( اسلامى و لا عادى ) هايجيبوا اكتر من كده!!

و من غير مخاطرة و لا وجع قلب!!

طبعا مع احترامى للفكر ده ..... لكن الناس دول غالبا بيفشلوا او بيتنصب عليهم او.....او...

[newcomer]

المهم انا مش عايزة اطول على حضرتك

لكن حقيقى لازم حضرتك بعد ماتتوكل على ربنا و تستخيره ...... لازم لااااااااازم تكون مقتنع تماما بفكرة المكسب و الخسارة

انا هاقترح على حضرتك مشروع استصلاح الاراضى

و انا باقترح التشجير ( هوه ده اللى جربت فيه )

حقيقى مشروع حلو جدا و ما شاء الله فيه خير كتير

طبعا فى الاول بيصرف و بيصرف جامد و لازم تواجد و متابعة و مجهود

و كمان لازم تكون حابب الفكرة و المشروع

لكن مش هاقول لحضرتك لما الارض دى بتطرح بيكون شعورك ايه

فيه زراعات مربحة .....زى الموز ..... بس فى الاول مكلفة

و تأكد يا استاذ طارق .... مش ممكن حضرتك هاتكون نيتك خير

و تكون نيتك ان ربنا يجعلك سبب فى فتح بيوت ناس

و تكون نيتك انك تصلح فى ارض الله...... وربنا يضيعك ابدا !!

[moheltohamy]

حذفت المداخلة تطبيقا لهذا الإعلان

نتعاطف مع العضو الفاضل ، ونرحب بمداخلة أخرى أو موضوع آخر يفتحه لشرح ما لاقاه من متاعب فى المطار .. ونرجوه - قبل الشروع فى ذلك - أن يقرأ الإعلان بأعصاب هادئة

تم تعديل 13 ديسمبر 2008 بواسطة أبو محمد
مخالفة إعلان مثبت

[tarek nokia]

ايوه لموضوع شكلة صعب شوية بس تصدق السوريين اشطر مننا مع اننا متعلمين اكتر منهم بس احنا ملناش في التجارة

[شاب مصري]

المشكلة ممكن ما يجيلكش قلب تتاجر وباحتمال تكسب وتخسر

دا لو وراك أسرة عاوز تصرف عليها من ورا مشروعك

لان التجارة عاوزة قلب جامد

بس مع وجود مصروف اسرة مطلوب اول كل شهر الموضوع بيكون صعب

يعني لازم تعمل خميرة تشيلها على جمب لان التجارة مش مضمونة ومكسب وخسارة.

[tarek nokia]

طيب الواحد لما ينزل مصر حيعمل ايه

[newcomer]

طيب الواحد لما ينزل مصر حيعمل ايه

يبدو ان المشروع بتاع استصلاح الارض ماعجبش حضرتك.......

ممممممممم ..... طيب افكر و ارجع تانى pps:

[tarek nokia]

لا والله بس انا مهندس كمبيوتر ومش عارف استصلاح الأراضي بيكلف كام مع انه مشروع كويس جدا وكنت بفكر فيه بس لقيته بيكلف كتير

تم تعديل 13 ديسمبر 2008 بواسطة tarek nokia

[fatfouta]

السلام عليكم

انا واحد من كتير من الناس الي بتفكر لماتنزل مصر بعد الغربة حتعمل ايه وبدور على مشروع ناجح بس المشكلة انا مش عارف منين البداية يعني انه الواحد ممكن يبتد ي بمشروع وهوا بالغربة ولما المشروع يوقف على رجليه ينزل نهائي فياريت لو حد عنده مشروع يقول عمل ايه ولو حد عنده فكرة يوقلها يعني انا كنت بفكر بمزرعة حيوانات ودواجن بس طبعا بالتدريج يعني الأرض وبعدين تظبيطها وبعدين زراعتها وهكذا

وهى الغربة يا طارق يا خويا هتخلص امتى ده انا جوزى عجباه اوى وبيقولى مش نازل اعمل ايه افكر فى مشروع ولا افكر انزله اذاى معايا انا والعيال

ربنا يرجعنا بلدنا بالسلامة جميعااااااااا يا رب

[fatfouta]

للأسف كل اللي اعرفه عن اللي رجع من الخليج او الخارج وعمل مشاريع حكايات مؤسفة والناس خسروا في المشاريع

اللي نفعوا هم اللي اشتروا أرض أو عقار والفلوس زادت اوتوماتيك

انا بعتبر فوايد البنوك حرام

بس عموما انا اعرف واحد شغال في الفراخ

بيجيب الكتاكيت وجايب كام واحد يربوهم في بطاريات

وبيكسب كويس جدا

في الدورة الواحدة 20 الف او اكتر

في واحد اعرفه كسب اكتر من مليون في السنة في موضوع الفراخ دا

بس احيانا بتيجي خساير بردو

ربنا معاك يا طارق.

وربنا معاك انت كمان لانك نسيت انفلونزا الطيور هنعمل فيها ايه ده لو فرخة عطست عليك العوض

[tarek nokia]

للأسف كل اللي اعرفه عن اللي رجع من الخليج او الخارج وعمل مشاريع حكايات مؤسفة والناس خسروا في المشاريع

اللي نفعوا هم اللي اشتروا أرض أو عقار والفلوس زادت اوتوماتيك

انا بعتبر فوايد البنوك حرام

بس عموما انا اعرف واحد شغال في الفراخ

بيجيب الكتاكيت وجايب كام واحد يربوهم في بطاريات

وبيكسب كويس جدا

في الدورة الواحدة 20 الف او اكتر

في واحد اعرفه كسب اكتر من مليون في السنة في موضوع الفراخ دا

بس احيانا بتيجي خساير بردو

ربنا معاك يا طارق.

وربنا معاك انت كمان لانك نسيت انفلونزا الطيور هنعمل فيها ايه ده لو فرخة عطست عليك العوض

سبحان الله لسى بدور على حل للرجوع من الغربة ومش لاقي حد عنده حل او مشرووع ممكن يتعمل او عمل مشروع ونجح

تم تعديل 8 فبراير 2013 بواسطة tarek nokia

[herohero]

اهم حاجه هو انت عندك جين التجارة اه والله مش كل واحد ينفع يبقى تاجر

والكلام ده عن تجربة عاوز تبقى تاجر ناجح لازم الفلوس تكون رقم واحد عندك بجد

غير كدة يبقى هتخسر وهيصعب عليك فلان وعلان

غير ان ناس كثر مرتاحه ف نمط الحياة ف الغربة من حيث سهولة الحياة ففكرة التخلي عن الغربة مش ف دماغها

[المخنوق دائما]

أولا ليس من السهل إن واحد يكون موظف لسنوات طويلة ويعرف بعد كده يعمل مشروع وينجح إلا فى الحالات دي:

1-إن يكون أهله أصلا ليهم تجاره معينه أو مصنع أو مزرعه مثلاً وهو يحاول يكبرها .

2-إنه يكون إشتغل موظف فى شركة ما وعجبه مجال الشركه وقرر إنه يعمل مشروع فى نفس المجال ده بشرط انه يكون ألم بجميع الأمور المتعلقه بالمجال ده

3-انه يشارك شخص "صديق أو قريب" محل ثقه فى اى مشروع لحد مايفهم السوق

4-انه يشوف الناجحين من الأقارب أو الأصدقاء ويستشيرهم وهما مش هيبخلوا عليه بأى معلومه "إذا كانوا بيحبوه"

وأنا شخصيا هعمل كده (عندي إبن عمتى مستورد على مستوى متوسط) هيعرفنى أساسيات المجال ده ومزاياه وعيوبه ومخاطره لحد ما أقف على رجليا.

لكن مبدأ أنا معايا مبلغ معقول يبقى هعرف أعمل مشروع ناجح غلط لأن الكلام ده كان زمان دلوقتى ناس كتير جدا معاها فلوس ومش عارفه تعمل بيها ايه"حتى اللى فضلوا قاعدين فى مصر وما اتغربوش"

أما عن افكار المشاريع اللى نجحت فأنا شفت كذا قصة نجاح منها مثلا:

4 أصدقائى اتشاركم بملغ إجمالي 700 ألف جنيه وعملوا كافيه من أكبر الكافيهات فى طنطا دلوقتى "إسمه رومرز".

صاحب تانى ليا كان مندوب أدويه وعمل مخزن أدويه خاص بيه وبقى زى الفل.

واحد صاحبي كان معاه 250 الف جنيه وراح الصين جاب إكسسورات سيارات حديثه(أضواء زينون وكشافات & سماعات وماشيه معاه عنب

الخلاصه :قبل ماتفكر فى أى مشروع لازم تاخد نصيحة واحد "ثقه ومخلص" فى نفس المجال

[tarek nokia]

أولا ليس من السهل إن واحد يكون موظف لسنوات طويلة ويعرف بعد كده يعمل مشروع وينجح إلا فى الحالات دي:

1-إن يكون أهله أصلا ليهم تجاره معينه أو مصنع أو مزرعه مثلاً وهو يحاول يكبرها .

2-إنه يكون إشتغل موظف فى شركة ما وعجبه مجال الشركه وقرر إنه يعمل مشروع فى نفس المجال ده بشرط انه يكون ألم بجميع الأمور المتعلقه بالمجال ده

3-انه يشارك شخص "صديق أو قريب" محل ثقه فى اى مشروع لحد مايفهم السوق

4-انه يشوف الناجحين من الأقارب أو الأصدقاء ويستشيرهم وهما مش هيبخلوا عليه بأى معلومه "إذا كانوا بيحبوه"

وأنا شخصيا هعمل كده (عندي إبن عمتى مستورد على مستوى متوسط) هيعرفنى أساسيات المجال ده ومزاياه وعيوبه ومخاطره لحد ما أقف على رجليا.

لكن مبدأ أنا معايا مبلغ معقول يبقى هعرف أعمل مشروع ناجح غلط لأن الكلام ده كان زمان دلوقتى ناس كتير جدا معاها فلوس ومش عارفه تعمل بيها ايه"حتى اللى فضلوا قاعدين فى مصر وما اتغربوش"

أما عن افكار المشاريع اللى نجحت فأنا شفت كذا قصة نجاح منها مثلا:

4 أصدقائى اتشاركم بملغ إجمالي 700 ألف جنيه وعملوا كافيه من أكبر الكافيهات فى طنطا دلوقتى "إسمه رومرز".

صاحب تانى ليا كان مندوب أدويه وعمل مخزن أدويه خاص بيه وبقى زى الفل.

واحد صاحبي كان معاه 250 الف جنيه وراح الصين جاب إكسسورات سيارات حديثه(أضواء زينون وكشافات & سماعات وماشيه معاه عنب

الخلاصه :قبل ماتفكر فى أى مشروع لازم تاخد نصيحة واحد "ثقه ومخلص" فى نفس المجال

كلامك سليم