محاورات المصريين (( بقطر))

[alaa elshafiey]

اهلا اهلا

اخى العزيز .......

كيف حالك انت الضغط عالى عليك الايام دى والاسئلة مش بتخلص يارب يوفقك بجد وتساعد الناس كمان وكمان بجد

اخوك علاء

[Abu Reem]

اهلا اهلا

اخى العزيز .......

كيف حالك انت الضغط عالى عليك الايام دى والاسئلة مش بتخلص يارب يوفقك بجد وتساعد الناس كمان وكمان بجد

اخوك علاء

أزيك أخي علاء ، ياريت كده تبقى تنورنا بمشاركاتك ،، طبعا الدكتورة جايبة لنا سؤال برة المقرر ، عاوزة واحد طبيب عنده خبرة يقدر يفيدها على العموم نتمنى لها التوفيق

[osmel33]

أزيك أخي علاء ، ياريت كده تبقى تنورنا بمشاركاتك ،، طبعا الدكتورة جايبة لنا سؤال برة المقرر ، عاوزة واحد طبيب عنده خبرة يقدر يفيدها على العموم نتمنى لها التوفيق

كله جوه المقرر أخوكم جاهز وحبايبي الدكاترة فى حمد وبره حمد جاهزين

بس هى توضح محتاجة أيه وأحنا حاضرين أنتوا عارفين يا رجالة أحنا

مابنغلبش ... ربنا يستر :lol:

ولو فيه حد معانا من الأطباء يبقى خير وبركة

تم تعديل 11 يناير 2009 بواسطة osmel33

[ام بودى]

السلام عليكم ورحمة اللة وبركاتة القطاع الخاص زى الدوحةكلينك والعمادى والاهلى ومجمع الشفاء ومركز قطر الطبى الخ ودول مشكلتهم الترخيص شرط اساسى لايقبل النقاش والترخيص يعنى امتحان ليس من السهل اجتيازة اما بالنسبة للحكومة يعنى المراكز الصحية القومسيون الطبى الهلال الاحمر مستشفيات الشرطة هما دول اللى عاوزة اشتغل فيهم لان لايطلبو ا ترخيص وكمان مواعيد العمل انسب لى لظزوفى العائلية اما مستشفى حمد فلن تنفع معى لانها بتطلب للعمل دكتوراة او ما يعادلها او خريجين جدد دفعات حديثة وانا دفعة 97 واخذت تخصصى فى مصر فهل من سبيل للعمل الحكومى لانى قدمت كتير بدون فايدة

[osmel33]

الأخت الفاضلة الدكتورة ام بودي

أنا فعلاً سألت أخوة هنا بيشتغلوا فى العمادي وأكدوا طبعاً الكلام اللى انتى قولتيه في أنه

هناك أمتحان private بيتعمل من وزارة الصحة للتعيين فى الخاص اللى انتى ذكرتيهم ومنهم

العمادي طبعاً

وأكدوا أنه لابد من اجتياز خمس سنوات من التخرج وبيعامل الدبلومة لغاية الماجستير أنه

ممارس عام والزمالة العربية والبريطانية بيعامل كاستشاري وطبعاً الزمالة البريطانية أقوى

وأن في مستشفى حمد زى مانتى تفضلتى وقولتى يا إما بياخدوا دكتوراه وبتتعادل

"وعلى فكرة ممكن ما يقبلهواش وهى دى المفاجأة وعلى فكرة أنا كنت أعرف أطباء

فى حمد كبيرهم ساقطين أبتدائية وأنا شخصياً كنت أتعرضت لموقف مرضي الطبيب

فى حمد بعضمة لسانه قاللى أنزل إتعالج في مصر :lol: وده اللي حصل فعلاً"

الحالة التانية بياخدوا شباب صغير علشان يعلموهم

ودلوقت أنا سألتهم على موضوع التوظيف فى المراكز الصحية أو الهلال الأحمر وهايردوا على فى الموضوع

بس اللى أنا أعرفه أن التعيينات فى المراكز الصحية برضه بتكون من حمد عموماً هما هايسألوا أيه المطلوب

وهايردوا عليا فى أقرب فرصة

تم تعديل 12 يناير 2009 بواسطة osmel33

[ام بودى]

بارك اللة فيك اخى الكريم ومتشكرة جدا على اهتمامك من كان فى عون اخية المسلم كان اللة فى عونة

[Dr M]

اولا احب اطمنك ان موضوع الامتحان مفيش قلق منه

هوا صعب شويه لكن بيتحل بمذاكره بسيطه وطبعا زي مانتي عارفه المصري مصري النيل رواه والخير جواه

[ام بودى]

الاخ الفاضل Dr M لو الامتحان زى ما بتقول كدة اذاكر منين؟ يعنى فية كتب معينة او مذكرة MCQ بييجى منها الامتحان طب لو عدى التحريرى دة كمان فية امتحان شفوى يا ترى بيبقى اى كلام ولا ممكن مايعديش

[Dr M]

اولا هناك بعض النقاط التي يجب الاتفاق عليها:

1- بما ان شغل البرايفت يتطلب ايضا اجتياز امتحان باضافه الى خبره خمس سنوات .... فطالما الموضوع لابد من امتحان يبقى امتحان الحكومة افضل

2- حتى ولو تم اجتياز الامتحان فلن يتم الدخول الا بعد تقديم مايثبت اتقان اللغة الانجليزيه وهي شهادة تويفل بمجموع لايقل عن 540 او شهادة ايليتس بمجموع لايقل عن 7

3- لايوجد شئ اسمه مستحيل انتي بس حطي الموضوع في دماغك واعتبري انه هذا الموضوع موضوع مصيري بالنسبة اليك واسالي الله التوفيق اولاً واخيراً

ثانيا: اظن من كلامك انك مقيمة بقطر وهذا سوف يسهل كثير من الامور:

1- دخول الامتحان

2- الانترفيو ومتقلقيش منه ده مجرد دردشه لمعرفة مستواكي في الانجليزي وشوية اسئله عامه

3- تستطيعن خلال الفتره القادمة الالتحاق بالعمل ك (observership) وهيا تدريبيه ولكنها تضعك في اولويه المتقدمين

ثالثا: بالنسبة للكتب فالامتحان يشبه في حد كبير امتحان USMLE Step 2 CK

ومصادر المذاكرة هي كتب كابلان واسئلة الام سي كيو بتاعته ومواقع الام سي كيو على النت

الكتب تقريبا موجودة في مكتبة ابن جرير لكن غالية شوية ( ان جبتها معايا من مصر المجموعه كلها ب 180 جنيه لكن هنا الكتاب الواحد كان ب 150 ريال)

اتمنى ان اكون قد اجبت على معظم استفساراتك

[ام بودى]

لحظة شوية شويةيا دكتر اخد نفسى واركز عشان افهم حضرتك بتتكلم عن امتحان الحكومة ؟ انا اللى عرفتة انى بقدم اوراقى والسى فى بتاعى فى هيئة الصحة الوطنية وادارة الرعاية الاساسية اللى فى السد وفى اى جهة حكومية تنزل اعلان فى الجرنان زى الهلال الاحمر او غيرة وبس وكل حتة كنت اروح اقدم فيها يقولو سيبى الcv واحنا حنبعتلك محدش قاللى على امتحان الحكومة دة فياريت لو تكرمت تنورنى وتقوللى اعمل اية خطوة خطوة يعنى مثلا لو عايزة اعمل خطوة الobservership اعمل اية اقدم فين طب والخطوة اللى بعدها اية الامتحان؟ وبالنسبة لشهادة التويفل احصلها ازاى؟ معلش دوشتك وبارك اللة فيك

[Dr M]

انا اسف انا كنت فاكر عندك فكره عن الموضوع

الطريق اللي انا بحكي عليه يخليكي تاخدي نيابة نسا ( يعني هتبتدي السلم من اول وتنسي دبلومة النسا اللي انتي واخداها)

بمعنى اخر ده عباره عن امتحان سنوي يعقد في كلية ويل كورنيل وبعد هذا الامتحان يعقد انترفيو وتتدخلي عملية ترشيح النيابات زي عندنا في مصر وتبداي نيابة نسا لمدة 3 سنين وخلال هذه الفتره بتحضري الزماله العربييه ( زي نواب الجامعه في مصر لما بيحضروا ماجستير في ال 3 سنين بتوع النيابة)

هذه النيابه تكون بعقد ومرتب وجميع المزايا

وبعدها تكملي عملك في الحكومة عادي

ملحوظه: انا مش عارف بخصوص سنك هيبقى ايه النظام ؟؟؟؟

التقديم في اللي انا بتكلم عنه بيكون في ادارة التعليم الطبي المستمر بمستشفى حمد

[Dr M]

هل انا وضحت الفكرة؟؟؟؟؟؟؟؟؟؟

تم تعديل 17 يناير 2009 بواسطة Dr M

[ام بودى]

اخى الكريم انا متشكرة لاهتمامك وتواصلك معى اولا انا دفعة 97 وسبق ورحت التعليم الطبى المستمر وحبيت اقدم بس اكدوا انهم عاوزين دفعات حديثة اقصاها 2003 ... طب دة بالنسبة للنسا موضوع طويل وعاوز تفرغ وسنين كفاح واحنا بنكافح من يوم ما دخلنا الكلية دى وهما اصلا معترضين وعاوزين دكاترة صغننين ثم على فرض كل دة اتحل انا عشان اخد الدبلومة فى مصر اخدت نيابة 3 سنين شغل ليل ونهار ونوبتشيات 24 ساعة لغاية ماخلصت اجى دلوقتى اعيد الموال دة تانى وانسى تعب السنين انا ليا واحدة صاحبتى هنا اخصائية نسا فى حمد المشاكل وهدة الحيل هى هى كانها بتحكى عنى فى مصر بس هى ما تقدرش تتراجع لانها مشيت المشوار وخلاص وكمان لا تستطيع التنازل بسهولة عن (الراتب) المهم بالنسبة لطب الاسرة انا سمعت عن البورد العربى فىطب الاسرة يا ترى دة اية ظروفة ونظامة اية

[Dr M]

بما انك تركتي كفاح الطب فانتي الان تبحثين عن طريق بديل؟؟؟؟؟؟

ممممممممممممممممم

دعيني اصدقك القول: ليس امامك الا انتظار فرصة عمل في احدى المستشفيات التي ذكرتيها من قبل

او طريق الكفاح الذي ذكرته

او تذاكري الزماله البريطانية او الزماله العربيه لامراض النسا لانهم للاسف مش هيعترفوا بالدبلومة ( على فكرة ديه تعادل درجة استشاري لكن عاوزه مذاكره من نار وكما قلت لا يوجد مستحيل)

او تريحي دماغك :unsure: ( وده طبعا هزار لان ماظنش بعد ده كله انك ممكن تعملي كده)

اما بخصوص البورد العربي لطب الاسره فمعنديش معلومات اكيده لكن لو عرفت حاجه اكيد مش هبخل بيها على الناس هنا

[snoopdanger]

السلام عليكم ورحمة الله

هذا أخوكم في الله من المغرب ،

أولا احيي جميع المصريين في هذا المنتدى ، وانا جد مسرور لهذا الالتحام الحاصل بين الاخوة ..ما شاء الله

لدي بعد الاستفسارات ، واتمنى منكم أن تفيدوني بارك الله فيكم

انا تقني صيانة كهربائية ، هناك عرض سيقدم لي من قطر ، ما هو الأجر الذي يجب علي أن أطلبه، اضافة الى المتطلبات الأخرى ..؟

هل هناك معاهد في قطر تتيح لي اكمال دراستي في نفس الاحتصاص ،وهل هي مكلفة ..؟

هل هناك مدارس لتقوية اللغة الانجليزية بثمن غير مكلف ؟

لدي رخصة سياقة هل مسموح لي أن استعملها هناك؟

هذا ما حضرني الآن من استفسارات ....

بارك الله فيكم

[osmel33]

الأخ الفاضل snoopdanger أولاً أهلاً بيك فى المنتدى

انا تقني صيانة كهربائية ، هناك عرض سيقدم لي من قطر ، ما هو الأجر الذي يجب علي أن أطلبه، اضافة الى المتطلبات الأخرى ..؟

لازم الأول تحدد العرض وأحنا ممكن نقولك العرض ده جيد ولا لأ بص عامة قطر من الدول اللى المعيشة

فيها مرتفعة وخاصة فى السكن

هل هناك معاهد في قطر تتيح لي اكمال دراستي في نفس الاحتصاص ،وهل هي مكلفة ..؟

الدراسة هنا للمقيمين مكلفة جداً وموضوع المعاهد ده ماعتقدش أنه موجود بس ممكن حد من الأخوة لو يعرف عنها حاجة

هل هناك مدارس لتقوية اللغة الانجليزية بثمن غير مكلف ؟

توجد مراكز لغات أجنبية بس برضه يعنى منها الكويس ومنها التعبان والكويس ده مكلف شوية

لدي رخصة سياقة هل مسموح لي أن استعملها هناك؟

لازم تاخد رخصة قطرية بما إنك هاتكون مقيم والرخصة دى يا إما هايستبدلوا رخصتك المغربية

يا هاتدخل أمتحان يا إما هاتدخل مدرسة وعلى حسب ما يقولولك على عدد حصص التدريب

وبعدين تمتحن يعني الموضوع ده بيحدده إدارة المرور

[snoopdanger]

بارك الله فيك اخ osmel33

يعني أن قلت مع نفسي اني أعرف الأول الأجور المناسبة قبل معرفة قيمة العرض

[osmel33]

بارك الله فيك اخ osmel33

يعني أن قلت مع نفسي اني أعرف الأول الأجور المناسبة قبل معرفة قيمة العرض

مااعتقدش الأمور بتمشى كده شوف العرض أيه وقوله وأحنا ممكن نساعدك بناء على العرض

[Virus]

محدش يعرف محل تصوير نضيف..حاجة كده للصور التذكارية

أنا رحت ألوان الخليج قبل كده وطلع ستوديو على ما تفرج..

ماتجاوبش انت يا osmel33 إدي فرصة لاخواتك في الفصل يجاوبوا يا أخي hpc:!: hpc:!: hpc:!:

تم تعديل 19 يناير 2009 بواسطة Virus

[alaa elshafiey]

ههههههههههههههههههههههههههه لا انا مش عارف عشان انا مش فكرت فى الموضوع دة ابل كدة

بس يأخى هات انت كاميرا واتصور احسن بكتير يعنى

دة رأى

وعلى فكرة فى الاخر بردة استاذ / أسامة هو الى هيجواب

ازيك يا استاذ / أسامة عامل اية

وابو ريم اخبارك اية

محدش عاوز يجى الجمعة ياجماعة بعد الصلاة نتقابل كدة على الكورنيش

نشوف بعض

على فكرة استاذ / أسامة كانت فرصة سعيدة جدا وبجد حضرتك وأبو ريم الاستاذ محمد فعلا ناس الواحد يفتخر ان يعرف ناس زايكوا والله

اخوك علاء