محاورات المصريين (( بقطر))

[mn940]

انا مصري مقيم بقطر , أرغب في التعرف علي كافة المصريين الموجودين والعاملين بدوله قطر , وان يكون هذا الباب مخصص لكافة الحوارات التي تكون بين المصريين في دوله قطر , وتبادل الخبرات العمليه في كافة المجالات ( البيع والشراء ) وتوفير الارشادات لكافة الوافدين الجدد في قطر

[رمضان]

خطوة جميلة احييك عليها

[أبو محمد]

مرحبا بك يا أستاذ محمد ..

ليت محاوراتك هنا تكون مع كل المصريين وليس المصريين المقيمين فى دولة قطر فقط .. فهذا التحديد بعيد تماما عن طبيعة هذا الموقع "محاورات المصريين"

شكرا لتفهمك .. ومرحبا بك مرة أخرى

الإدارة :

أبو محمد

[ruchii]

تم حذف المداخلة بمعرفتي

السيد روتشي ..

برجاء التكرم بمراجعة قواعد الكتابة في محاورات المصريين

الإداره

داروين

[د. السيد عمر سليم]

أتفق تماما مع أبو محمد.

ليتك تفتح نافذة على كل المصريين فى العالم بما فى ذلك قطر فسوف تجد أن أبو محمد على حق.

وربما تجد الكثير مما تبحث عنه فى بريطانيا وأنا على إستعداد لتسهيل اتصالاتك اذا أردت

[كمبورا 6]

الزملاء الاعزاء

الزميل محمد

الزميل ابو محمد

الزميل د . السيد

من الطبيعى تماما بل من الافضل والمفروض من وجهه نظرى ان المصريين فى كل دولة يقومو بتجميع وترتيب انفسهم مع استمرار الاتصال مع باقى تجمعات المصريين فى الخارج

بعد كده يتم انشاء مجلس ادارة الاتحاد العام للمصريين فى الخارج بمندوبين من الدول موزعين جغرافيا حسب حجم المصريين فى كل دولة

وزى ما شفتم ولاحظتم اصبح فى فريق محاورات الكويت و السعودية وقطر والبقية تاتى ان شاء الله

مع الاحترام

[ahmed fawzy]

من الطبيعى تماما بل من الافضل والمفروض من وجهه نظرى ان المصريين فى كل دولة يقومو بتجميع وترتيب انفسهم مع استمرار الاتصال مع باقى تجمعات المصريين فى الخارج

أتفق معك تماما

وليكن النظام هو أول خطوة لذلك يجب تخصيص موضوع لكل بلد

والله الموفق

[mn940]

الاماكن التي سوف تعجب الزائرين لاول مرة عند زيارتهم دوله قطر هي (( السيتي سنتر الدفنة - اللولو فرع المطار وفرع مستشفي حمدة - كارفور فرع استاد خليفة - الكورنيش - العالم الجديد - محلات سنا - مسعيد ))) .

[رمضان]

على فكرة يا جماعة والله تجربة التجمع دي مفيدة جدا لاننا جربناها هنا في الكويت وان شاء الله هنبدأ كمان مشاريع مع بعض وفيه لقاءات جميلة جدا بتتم بينا

[HanyGhareeb]

الاماكن التي سوف تعجب الزائرين لاول مرة عند زيارتهم دوله قطر هي (( السيتي سنتر الدفنة - اللولو فرع المطار وفرع مستشفي حمدة - كارفور فرع استاد خليفة - الكورنيش - العالم الجديد - محلات سنا - مسعيد ))) .

سيادة الاستاذ محمد ،

بعد السلام و التحية ، انا كيمائي و اعمل مدير مبيعات بدولة الامارات و معروض عليا شفل بقطر ، ممكن تدلني على تكلفة المعيشة لأسرة مكونة من 3 أفراد ( مصاريف الأكل و خلافه و أهم السكن) وبعدين عندك فكرة عن موضوع انه مفيش فيزة أقامة للمصريين و مفيش الا فيزة الزيارة و لو الكلام ده مضبوط كام هي تكلفة فيزة الزيارة و مدة صلاحيتها.

شكرا" مقدما"

هاني غريب عبد الفتاح

[المستثمر الصغير]

سيادة المستشار محمد

بعد التحية

بصراحة انا بقالي فترة ابحث عن النت في محاولة مني للأستفسار عن موضوع معين يخصني بقطر

الموضوع باختصار انني كنت اعمل في قطر من عام واثناء تغير اإقامة من كفيل الى كفيل حدث امر غريب وهو امر إبعاد خارج البلاد عرفت من بعض الناس انه يحق لي الرجوع للبلد بعد مرور ستة اشهر وغيرهم قال انه لم يعد بامكاني الرجوع الى البلد نهائي

اتمنى منك مساعدتي وارشادي الى موقع او عنوان زوي خبرة اتمكن من استشارتهم حيث لدي رغبة شديدة في الرجوع لتلك البلد

وتقبل احترامي

[mn940]

أستاذي العزيز // المستثمر الصغير

تمت الاجابة علي رسالتك بالتفصيل علي الايميل الخاص بك , ورغبة منا في اعلام الكافة بالاجابة علي تساؤلك فأنني اجيب عليه بالاتي :-

حسب كلامك فان القرار الصادر بحقك هو قرار ابعاد إداري وهو يصدر من السيد وزير الداخليه لأسباب أمنية متعددة ( لا يعلمها الا الجهات الامنية المختصة بالدوله )المهم أن قرار الابعاد الاداري هو بمثابة حرمان من دخول الدوله نهائيا مرة أخري , الا إذا صدر قرار أخر من السيد الوزير بالغاء القرار السابق وفي تلك الحاله يتوجب عليك الحصول علي تأشيرة مصرية جديدة

الخلاصة النهائية

1- تسطيع الدخول بتأشيرة سياحة , ومن الممكن الدخول بتأشيرة رجال أعمال .

2- نسطيع تقديم التماس بالغاء قرار الابعاد الاداري الصادر في حقك بعد عمل توكيل لنا مصدق وموثق بمصر .

مستشار // محمد نبيل

[mn940]

استاذ // هاني عبد الفتاح

اعتذر عن التأخير في الرد علي رسالتك طيله تلك الفترة

السكن في قطر :- غالي جداً حيث يتراوح ايجار الشقة غرفتين وصاله وحمام ومطبخ ما بين (3.500الي 6000) ريال قطري

المواصلات هي الاخري مكلفة إدا لم تكن تملك سيارتك الخاصة , كما ان الحصول علي رخصة قيادة هنا امر صعب لوجود أجراءات طويله ومعقدة , لكن الرخص المتحصل عليها من دول مجلس التعاون الخليجي يجوز القيادة بها في قطر أو استبدالها برخصة قطرية

اما عن التعليم فهو مجاني بالنسبة لأبناء الموظفينالحكومين , ومكلف بالنسبة لأبناء الموظفين في القطاع الخاص

التأشيرات المصرية :- موقوفة منذ قرابة عام ونصف ولكن أصبح الان بأمكان بعض الشركات الكبيرة الحصول علي تأشيرات عمل مصرية كأستثناء شريطة الحصول علي عقود مع الدوله وبعض موافقة لجنة الاستقدام التابعة لأدارة العمل

أما تأشيرات الزيارة فهي أنواع :- واشهرهم

تاشيرة رجال أعمال وهي تكلفتها 70 ريال قطري لكنها لا تباع بالسعر الرسمي وتباع بسعر السوق السوداء , لكن تسطيع الشركة التي ستلتحق بها أن تحصل لك علي تأشيرة رجال أعمال دون تكبد عناء البحث والشراء

وارجو ان اكون قد قمت بالاجابة علي كافة تساؤلاتك وفي حاله اي استفسار جديد تسطيع ارسال رساله علي ايميل الخاص

[amrlink]

السلام عليكم ورحمة الله وبركاتة

انا مبرمج مصرى فى قطر وأرجو إفادتى بشأن موضوع نقل الكفالة وما يخصة من مشاكل حيث أننى وجدت فرصة عمل بالحكومة بعقد خارجى ووأواجة مشكلتين :

1-كفيلى رافض نقل الكفالة وبيهددنى بالرجوع لمصر مع إعطائى عدم ممانعة للرجوع (إنما نقل كفالة رافضها)

2-أحاول إقناعة بنقل الكفالة ولكنى متخوغ من مسألة الإبعاد التى نسمع عنها عند محاولة نقل الكفالة لبعض الأشخاص أو بعض الجنسيات .

أرجو الرد وشكرا

[لا تعليق]

السلام عليكم ورحمته وبركاته

انامحاسب مصري مقيم في قطر

وسعيد جدا بفتح باب لقطر

واتمني لكل مصريين موجودين في دول اخري بفتح ايضا

وشكرا

اخوكم محمد

[ليلوقطر]

عزيزى الفاضل السائل عن السكن وباقى وسائل الحياه فى قطر والذى تخص من لديهم اسرة سوف بعيشون بها فى قطر ...السكن فى ارتفاع شديد و غير منطقى ولا يستوعب على الأطلاق...شقة 2 غرفه وصاله من 6000 ال 8000 الأف فى مواقع جيدة ومقبوله ..اما وسائل التنقل يجب ان تمتلك سياره وألأيجار من 1500 الى 2000 ريال شهرى للسياره الصالون وما يخص الأكل و الشرب فهو مثل باقى دول الخليج تقريبا...يمكنك ايجاد سكن اقل من ذلك ولكن قد لا يروققك مكان السكن ...من الأفضل ان ينص العقد على سكن مؤثث ....وهذه نصيحة اخ...وفى حالة احتياج اى معلومه اخرى اسأل عنها بالتحديد..واحنا تحت امرك

[alone_online]

انا باذن الله مسافر الى قطر كمان شهر ودى اول مره اسافر فيها برة مصر وفى حاجات كتير عايز اسال فيها زى السكن والمواصلات لان العقد غير متتضمن السكن وانا بصراحه مفيش حاجه بفكر فيها غير الحاجتين دول السكن والمواصلات

انا عايز اسال حضراتكم . هل من الممكن اسكن فى الوكرة واللى انا اعرفة انها تبعد عن الدوحة 15 كيلوا يعنى قريبة . انا بقول كده علشان متهيقلى ان اسعار الايجار فيها اقل من الدوحة . ولا مفيش فرق بين الوحة والوكرة

طيب لو عايز اشارك اى شاب مصرى فى غرفة وتكون فى الدوحة هدفع فى حدود كام ؟

معلش بقى فى استفسار تانى . هو مفيش وسائل مواصلات فى الدوحة غير السيارات الشخصية او التاكسى . يعنى مفيش اتوبيسات ولا اى وسائل مواصلات عامة ؟

تم تعديل 26 أبريل 2007 بواسطة alone_online

[عطاء بلا حدود]

سلام عليكم

انا بجد بجد من زمان نفسي في الموضوع ده

شكرا جدا مستشار محمد على موضوعك الرائع ده واستسمح الادارة ان الموضوع ده مفيبد جدا

انا بقالي بالظبط 10 شهور في قطر ومعرفتش اكون اي صداقات ودي اول مرة اسافر فيها ومش متعود على اني اعيش من غير اصدقاء

عموما اتمنى لكل المصريين الموجودين في قطر اننا نتواصل مع بعض ونستفيد من تجاربنا وخبراتنا

ايميلي على الماسنجر

callmeeslam@hotmail.com

بالنسبة للي كان بيسأل عن الوكرة انا ساكن في الوكرة وهي مدينة صغيرة وهادية وكويسة عادية يعني مش وحشة وبينها وبين المطار بالظبط 10 دقايق بالعربية يعني تقدر تقول بينها وبين الدوحة ربع ساعة

بانتظار تواصل الجميع

اسلام

[mn940]

السلام عليكم ورحمته وبركاته

انامحاسب مصري مقيم في قطر

وسعيد جدا بفتح باب لقطر

واتمني لكل مصريين موجودين في دول اخري بفتح ايضا

وشكرا

اخوكم محمد

يا مرحب بيك في الموقع ونتمني ان تفيدنا بخبراتك في قطر وتفيد باقي الزملاء

[mn940]

انا باذن الله مسافر الى قطر كمان شهر ودى اول مره اسافر فيها برة مصر وفى حاجات كتير عايز اسال فيها زى السكن والمواصلات لان العقد غير متتضمن السكن وانا بصراحه مفيش حاجه بفكر فيها غير الحاجتين دول السكن والمواصلات

انا عايز اسال حضراتكم . هل من الممكن اسكن فى الوكرة واللى انا اعرفة انها تبعد عن الدوحة 15 كيلوا يعنى قريبة . انا بقول كده علشان متهيقلى ان اسعار الايجار فيها اقل من الدوحة . ولا مفيش فرق بين الوحة والوكرة

طيب لو عايز اشارك اى شاب مصرى فى غرفة وتكون فى الدوحة هدفع فى حدود كام ؟

معلش بقى فى استفسار تانى . هو مفيش وسائل مواصلات فى الدوحة غير السيارات الشخصية او التاكسى . يعنى مفيش اتوبيسات ولا اى وسائل مواصلات عامة ؟

تنور قطر بأذن الله , وأصعب حاجتين في قطر هما السكن والمواصلات وربنا يعينك عليهما وتقدر ترجع للمشاركات السابقة للتعرف علي الظروف أوضح

بالنسبة لمشاركتك شاب في السكن سوف تتراوح القيمة الايجارية لك من بين 600 الي 1200 ريال حسب جودة الغرفة علي حسب علمي الشخصي

وطبعاً فيه اتوبيسات في قطر بخلاف وسيلتي التنقل الاخرتين ( السيارات الشخصية , والتاكسيات ) لكنها غير منتظمة وتستغرق الكثير من الوقت لحين توصيلك للهدفك