مغتربي الإمارات

[قطرة ندى]

اختى رويناء هنا الأغلب مافيش حاجة اسمها شقق وحشة الأغلب الاعم الشقق شبه بعض ونضيفة المشكله مش فى كدة المشكلة فى الاسعار...الاسعار نار وبالذات ابو ظبي بيقولوا اقل حاجة ب70 دا اذا وجدت

[BONOFREEZ]

يا جماعه محدش هيقدر يساعد حتى بنصيحة ايه الاماكن اللى ممكن تكون طالبه ناس دلوقتى فى مجال الكمبيوتر

[osmel33]

يا جماعه محدش هيقدر يساعد حتى بنصيحة ايه الاماكن اللى ممكن تكون طالبه ناس دلوقتى فى مجال الكمبيوتر

الأخ الكريم انت المشكلة أنك اخترت موعد معلش مش تمام فى السفر

يعنى أزمة اقتصادية ومافيش فعاليات فى البلد وأهمها معرض جيتكس في دبي

أنت كنت الأحسن استنيت فترة المعرض دى وكل الناس بتاعة الكمبيوتر بيكونوا

فيها بس هاقولك أنا على أماكن ممكن تروح تسأل فيها

شركة اسمها جاما ليرن فى أبو ظبي www.gamalearn.com "صاحبها مصري اسمه أ/ عادل رزق"

مجلس إعمار بجوار بلدية دبي كانوا من فترة محتاجين حد فى IT

وربنا ييسر لك الحال

تم تعديل 18 فبراير 2009 بواسطة osmel33

[الرويناء]

طب ادور فين على شقق اماكن ممكن الاقى فيها ؟

واهم حاجه المدارس ربنا يكرمكم التسجيل اول الشهر ابنى g1 بأذن الله والشويفات ايه اخبارها كويسه ولا ايه

[قطرة ندى]

انا رحت الشويفات كويسة بس نظامها صارم جدا والولاد بيرجعوا الساعة 4

ادخلى على موقع المدرسة

وعايزة تعرفى اخبار عن كل مدرسة فى ابوظبي اعملى بحث هتلاقى متكلمين كتير عنها بالتفصيل

[حسن أبوجنى]

الأخوة الأحباب لقد أتممت اجتياز المقابلة والختبارات الخاصة بشركة أبوظبى للخدمات الصحية كمراقب صحي ومكافحة أمراض معدية والتى تمت فى مصر وتم ارسال الأوراق المطلوبة الى أبوظبى و قالت شركة بايونير المنظمة للمقابلة ان العقد سيصل كمان 10 أيام يعنى على آخر شهر فبراير

فأرجوا الإفادة بخصوص المرتبات وهل توفر الشركة سكن أم لا وإذا لم توفر سكن فهل بتعطى بدل سكن وهل هناك صعوبة فى استقدام الزوجة

وهل هناك حد مصري شغال فيها يمكن الاتصال به

[محمد عيسى]

اختى رويناء هنا الأغلب مافيش حاجة اسمها شقق وحشة الأغلب الاعم الشقق شبه بعض ونضيفة المشكله مش فى كدة المشكلة فى الاسعار...الاسعار نار وبالذات ابو ظبي بيقولوا اقل حاجة ب70 دا اذا وجدت

و ده خارج ابو ظبي و ليس داخلها فالايجارات داخل ابوظبي تبدأ من 150 الف

[محمد عيسى]

يا جماعه محدش هيقدر يساعد حتى بنصيحة ايه الاماكن اللى ممكن تكون طالبه ناس دلوقتى فى مجال الكمبيوتر

روح وادي السيليكون في دبي

انما في ابوظبي فشوف الفاداتا في شارع المطار عند بنك دبي الاسلامي او الامارات للكمبيوتر اعتقد في شارع الدفاع او جمبو في شارع المرور تقاطع الجوازات

و ممكن تروح محلات الجمله اللي في تقاطع شارع السلام مع الكترا ممكن يدلوك على شركة طالبه حد

[محمد عيسى]

الأخوة الأحباب لقد أتممت اجتياز المقابلة والختبارات الخاصة بشركة أبوظبى للخدمات الصحية كمراقب صحي ومكافحة أمراض معدية والتى تمت فى مصر وتم ارسال الأوراق المطلوبة الى أبوظبى و قالت شركة بايونير المنظمة للمقابلة ان العقد سيصل كمان 10 أيام يعنى على آخر شهر فبراير

فأرجوا الإفادة بخصوص المرتبات وهل توفر الشركة سكن أم لا وإذا لم توفر سكن فهل بتعطى بدل سكن وهل هناك صعوبة فى استقدام الزوجة

وهل هناك حد مصري شغال فيها يمكن الاتصال به

الف مبروك و اعتقد هاتكون كويسة .. معرفش الصراحة اجابات اسئلتك و المفروض تسألهم للشركة و تكون عارفهم من الاول

اما استقدام الزوجه فهو سهل جدا و يشترط حد ادنى للمرتب 3 الاف و سكن او 4 الاف شامل و يشترط عدم العمل بمهن معينة (زي العمال و الطباخين و انت مش منهم)

الصعب بجد هو توفير سكن للزوجه

و بالتوفيق ان شاء الله

[م ب ع ث ر]

بسم الله الرحمن الرحيم

إخواني المغتربين ....بعد ان قرأت ما كتب في هذا الموقع قررت فتح موضوع لمغتربي الإمارات و الهدف منه حاجتين إتنين:

1- إنو نحاول نتلم مع بعض في بلد زي الإمارات يسكنها غالبية غير عربية.

2-تقديم الصورة الواقعية للإمارات و أسلوب المعيشة فيها بدون خيالات و لا تضخيم.....

و طبعا أنا شخصيا عامل الصفحة دي عشان البند التاني لأنو ياااااااما شفنا ناس كانت جاية و جايبه معاها الفاس و الغلق عشان تغرف

المهم :

أنا محاسب / محمد أحمد الشاطر

و تليفوني 00971505046443

و تحت الأمر في أي إستفسار عن الوضع و على كل حال أنا إن شاء الله متابع كل يوم و حزود الصفحة بكامل المعلومات أول بأول و الله ولى التوفيق

===

السلام عليكم ورحمة الله وبركاته

اخي محمد الشاطر - شكرا جزيلا علي مبادرتك الطيبة واسمحي لي باستفسار بسيط

وهو بخصوص شركة في الشارقة اسمها "شركة الامارات والسعودية للاستشارات الادارية والاقتصادية " وهما بصراحة كانوا معلنين عن فرص عمل لديهم وارسلت السيرة الذاتية واتصلوا بي ويرغبون في عملي معهم - بس قالوا انه لازم من مقابلة شخصة في الامارات الاول والتذاكر عي حسابهم طبعا وذلك باعتبار انني مقيم في السعودية فعلي ما اعتقد انه دخول الامارات سهل . وذلك للعمل معهم في الدراسات والاستشارات الاقتصادية وذلك بمسمي "مستشار اقتصادي"

السؤال؟؟؟

1- ماهي سمعة هذه الشركة ؟

2- ماهو الراتب الممكن التفاوض عليه معهم لانهم سالوني انت بتاخد كام في السعودية ؟ وانا طبعا لم اجاوب عليهم

3- وكفاية كده وجزاك الله كل خير

[محمد عيسى]

اضرب مرتب السعوديه في اربعه علشان تعيش بنفس المستوى

[حسن أبوجنى]

أخى الحبيب محمد عيسى بعد التحية

الأسئلة كانت متعلقة بمكافحة الأمراض المعدية والأمراض التى تنتقل عن طريق البيئة و أسئلة خاصة عن مرضى التيتانوس وأنفلونزا الطيور يعنى مسبب المرض ونوعه فيروسى ام بكتيرى وفترة الحضانة ومدة حجز و عزل المريض والمخالطين والحمد لله كانت اجاباتى بتوفيق ربنا اجابات مركزة ومباشرة وغير مترددة

والسؤال أخى الحبيب هل الشركة (شركة أبوظبى للخدمات الصحية ) توفر سكن ام لأ وهل تعرف متوسط راتب المراقب الصحى بها ؟

أرجو الإفادة

[محمد عيسى]

في الحقيقه مش عارف و لا اعتقد يمكنني السؤال حاليا

[raniaelashry]

السلام عليكم

انا سعيده جدا بوجود رابطه مصريين فى الامارات

انا عندى استفسار بسيط

انا استلمت تاشيره تبع شركة ابوظبي للخدمات الصحيه بابوظبي هيا صورة من التاشيره الاصليه وعليها اختام من وزارة القوى العامله والمستشار العمالي

المشكله انى لما رحت اطلع تصريح العمل قالى الموظف فى مكتب التصاريح احنا بناخدالورقه دي وبنعطيكي صورة منها

ولما هتوصلي بازن الله هيعطوكى هما الاصل بعد ماتسلميهم الصورة

انا بصراحه خايفه

ومش عارفه اعمل ايه خصوصا انه مش كل مكاتب مصر بتعمل كدا يعنى محافظات محافظات

فابالله عليكوا اللى عندوا اجابه يفيدنى

بالنسبه للاخ حسين اللى امتحن تبع بايونيير انا امتحنت تبع القوى العامله بس انا معايا بكالريوس تمريض

كنت عاوزه اسالك انت كمان عملت ايه فى التاشيره فى تصاريح العمل

تم تعديل 23 فبراير 2009 بواسطة raniaelashry

[محمد عيسى]

مفيش مشكله خالص سواء اديتيهم الصورة الموثقة او معملتيش تصريح العمل

صورة التأشيرة الموثقه ياخدوها براحتهم الصورة تكفي في المطار لانه يتم استبدالها بالاصل من مكتب مختص في المطار هنا و بالتالي فلا داعي للقلق من هذا الإجراء

و تصريح العمل بيكون مطلوب فقط عند السفر بيطلع عليه ضابط الجوازات و ليس هناك تشديد عليه

[raniaelashry]

ربنا يجازيك خير يااستاذ محمد

ماتعرفش انا كنت قلقانه قد ايه

ربنا يبارك فيك

[raniaelashry]

سؤال تانى معلش هو انا وثقت كل الاوراق والشهادات بتاعتى من ادارة الجامعه اللى انا تابعه ليها ومن الخارجيه

بس فى ناس بتقول انه لازم تتوثق من سفاره الامارات نفسها والا مابيكونش ليها لزمه

طبعا سفاره الامارات التوثيق فيها الورقه ب175 جنيه لو عادي لو مستعجل250 جنيه

كمان الفيش والتشبيه بيتوثق من الخارجيه ولا اصلا مالوش لزمه لانهم من ضمن الطلبات اللى طالبينها مننا شهاده حسن سير وسلوك فقالوا فيما معناها هو الفيش والتشبيه وووووووو اصلا عملاه من 3 شهر بس هما اللى اتاخروا فى الفيزا فعلشان كدا انتهي

[محمد عيسى]

هو فعلا لازم يتوثق من سفارة الإمارات، و الشهادات بتتوثق الأول في المكتب التعليمي التابع للسفاره في شارع شهاب بالمهندسين، بس فيه حل تاني و اسهل من كده طالما اتوثقت من الخارجيه خلاص، و هو انك نيجي بيها الإمارات بدون توثيق و بعدين توثقيها من السفارة المصريه بابوظبي و الخارجية الاماراتيه، و هنا الاجراءات سهله و محترمه مفيهاش الطوابير اللي في الشارع زي مصر و ده اللي عملته

ما اعرفش موضوع الفيش ده بس اعتقد شهادة حسن السير و السلوك دي بتطلع من مكان العمل .. ده تصوري بس مش معلومة مؤكدة

تم تعديل 24 فبراير 2009 بواسطة محمد عيسى

[BONOFREEZ]

والله يا جماعه انا مبسوط جدا انى فى تجمع زى دى وناس عندها خبرة تقدر تساعد وان شاء الله ابقى عضو دائم فى التجمع

انا اسمى عبدالرحمن جيت من حوالى اسبوعين فى ابو ظبى وبدور على شغل فى مجال IT & NETWORK وربنا يكرم ان شاء الله واللى يقدر يساعد بنصيحة او معلومه يبقى ساعتها المنتدى مفيد بشكل عملى

وده رقم تليفونى للتواصل مع اى مصرى 0507826084

تم تعديل 24 فبراير 2009 بواسطة BONOFREEZ

[الرويناء]

اريد ان أسال سوال واسفه مقدما لو كان مكرر

زوجى كان يعمل فى شركه خاصه وبعدين ومع الركود ابتدت الامور الماليه تتغير المهم جاله عرض من شركه حكوميه فى ابوظبى

مع التأكيد ان مافيش اى مشكله فى تغيير الفيزا ولن يحتاج الى حتى مغادره البلاد

وبعد ان قدم استقالته وجدان شركته القديمه عملتله ممانعه 6شهور برضه الشركه الحكوميه بتقول مافيش مشكله وميقدروش يعملوا حاجه

هل هذا الكلام صحيح

يعنى فعلا عدم الممانعه متأثرش لو كان رايح لشركه حكومه؟؟ وانه فعلا غير مضطر لمغدره البلد؟