توم &جيري .......... كارتون سئ للاطفال

[pocy]

السلام عليكم ورحمه الله وبركاته

منذ كام شهر اكتشفت ان عمر بيحب موت حاجه كرتون توم & جيري وكمان بيحب dora

ومنذ شهر ونص اكتشفت حبه الشديد لها فطلب منى ان اشغله دورا اللى بتيجى على قناه نيكلودين ومكنش الوقت بتاعها فرحت زى الشاطره ونزلتها من النت وقلت بالمره اجبله

توم &جيري وجبت حلقات لتوم جيري في 10 اسطوانات وكنت كل ما يطلب منى احطهمله ولانى كنت فاكره توم وجيري انه كارتون حل وكنت بحبه زمان مش اخدت بالي من الحاجات اللى فيه وقعدت معاه ومن الفتره دى وعمر بقي بيضرب ويقرص ويعض و غير كل ده

بيمسك القلم او صباع البطاطس المحمره زى السجاير ومش كده وبس وبينفس بعدها انا اكره اى راجل بيدخن ولا احترمه لذا محدش نعرفه والحمد لله بيدخن وكمان لما بيجي مشهد كده فى التليفزيون بنقلب او بنغروش عليه علشان مش يركز المهم طب يا ترى اتعلم الحركه دى منين اتارى فى كام حلقه كان جيري بيدخن فيها وباستمتاع

طبعا بقيت بتابع الحلقات اللى فيها الحاجات دى ومش بشغلها وبد"أ يقلل من الحركه بتاعه السجاير دى بس الضرب لازال موجود والعض والحاجات المشكله انه مش بيستخدمهم للدفاع عن نفسه لا بيستخدمهم بس معايا انا وابوه

ودلوقتى بدأت اقلل من الحلقات وعلمته ان حلقه واحده بس وخلاص فى اليوم كله ودورا حلقاتها كلها كويسه فممكن اشغله واحده او تنين فى اليوم برضه

وبجد احترت افرجه على ايه تانى وايه البرامج المفيده وايه الحاجات اللى مش يتفرج عليها

نصيحه منى بلاش قناه mbc3للاطفال

لانها كلها ضرب وعنف والحاجات المفيده فيها قليله جدا ولا تذكر

افتكرت ايضا شئ تانى قرأت فى موقع المتابعه بتاع عمر ان عمر مفروض فى الوقت ده يكون بيعرف يعد من 1 : 10 بمفرده بس ازاى وهو مش عارف ينطقهم ؟؟؟؟؟؟؟؟؟؟؟؟؟

وازاى ابدأ معاه تعليم الحاجت دى ؟؟؟؟؟؟؟؟؟؟

ولو عندكم لنكات للبرامج او تعليم الاعداد ياريت حد يقلي او يحطهم هنا علشان الكل يستفاد

منتظره تجاربكم مع التليفزيون والاطفال

؟؟؟؟؟

[se_ Elsyed]

جمعت لك كموضوع بإذن الله يفيدوكي يا أم عمر

أبناؤنا وأوقات الفراغ ( رضوى )

http://www.egyptiantalks.org/invb/index.php?showtopic=104974

أنا قلقانة على عُمر ( بوسي )

http://www.egyptiantalks.org/invb/index.php?showtopic=98768

قنوات الأطفال ( فتفوته )

http://www.egyptiantalks.org/invb/index.php?showtopic=98431

العنف لدى الأطفال ( بوسي )

http://www.egyptiantalks.org/invb/index.php?showtopic=95599

مواقع للأطفال ( زهره )

http://www.egyptiantalks.org/invb/index.php?showtopic=88997

مجموعة ألعاب تعليمية من سن 2-10 سنوات ( محمد عبد العزيز )

http://www.egyptiantalks.org/invb/index.php?showtopic=78705

هنربي أولادنا ولا نسيبهم يربوا نفسهم ( عنبو )

http://www.egyptiantalks.org/invb/index.php?showtopic=78904

من الذي يحتاج إلى إعادة النظر في سوكه ؟ نحن أم أبنائنا ( أم بلال )

http://www.egyptiantalks.org/invb/index.php?showtopic=66534

كيف نربي أبناءنا ( نانا )

http://www.egyptiantalks.org/invb/index.php?showtopic=53295

إبني عُمر والكارتون ( سي السيد )

http://www.egyptiantalks.org/invb/index.php?showtopic=29233

[masraweya]

السلام عليكم

جزاكم الله خيرا على التجميعة

nice english cartoons: timmy time, chugginton, everything is rosie, roary the racing car

الجميل انها للسن الصغير بتعلمهم حاجات جميلة كتير

حاجة أهم عوديه على القرآن من دلوقت .. هتفرق كتيييييييييييييير

ربنا يكرمنا جميعا

[Simba]

انا اكره اى راجل بيدخن ولا احترمه

بالمناسبة وانا معدي كده حبيت اقول حاجة صغننة

التدخين مالوش علاقة بالاحترام من قريب ولا بعيد ياما ناس مش بتدخن ومش محترمة والعكس صحيح

غير أني مدخن شره smk:

غيري نظرتك للمدخنين يا مدام بوسي

دول حتي غلابة :sad:

تم تعديل 28 أغسطس 2010 بواسطة سمبا

[تامر مصطفى]

بمناسبة توم وجيري

عندي ابن صاحبي بيضرب الشغالة بالشوكة في .... ما علينا زي ما بيشوف توم وجيري

وعيل تاني طلب بدلة سوبر مان واشتروهاله بس لحقوه على حافة البلكونة كان بيستعد للطيران

على هامش الموضوع

دايما اسمع زاهي حواس بيقول ان توم وجيري اصلهم فراعنة

حد فاهم الكلمتين دول يفهمني

[شريف مان]

طيب مافيه عالم سمسم

برنامج تعليمى للاطفال محترم جداااا وهيستفيد منه

[أحمد سيف]

أنا ليا رأي في حكاية شقاوة الأطفال يمكن يكون غريب شويه ... بس استحملوني

أنا شايف إن الشقاوة في الطفولة هي إحدى علامات الذكاء والشطارة والخمول والسلبية دليل مبكر على الخيبة ... لذلك أفضل الطفل المشاكس الشقي طالما لم يتجاوز الى الضرر الجسيم أو قلة الأدب (من نوعية الشتائم البذيئة)

والحقيقة أنا ملاحظ إننا كمصريين بنمارس ضغط كبير على أطفالنا وبنبالغ في الخوف عليهم من تبعات شقاوتهم ولعبهم ومن التجربة بصفة عامة وده ممكن يكون له تأثير سلبي على شخصيتهم في الكبر.

[se_ Elsyed]

أنا ليا رأي في حكاية شقاوة الأطفال يمكن يكون غريب شويه ... بس استحملوني

أنا شايف إن الشقاوة في الطفولة هي إحدى علامات الذكاء والشطارة والخمول والسلبية دليل مبكر على الخيبة ... لذلك أفضل الطفل المشاكس الشقي طالما لم يتجاوز الى الضرر الجسيم أو قلة الأدب (من نوعية الشتائم البذيئة)

والحقيقة أنا ملاحظ إننا كمصريين بنمارس ضغط كبير على أطفالنا وبنبالغ في الخوف عليهم من تبعات شقاوتهم ولعبهم ومن التجربة بصفة عامة وده ممكن يكون له تأثير سلبي على شخصيتهم في الكبر.

ما أنت قلت يا احمد

لو بتيجي على الشقاوة والحركة ... فده هين وسهل

لكن لما تتعدى إلى إيذاء النفس والغير والالفاظ الغير مقبولة ... فده مؤشر خطر

[المهندسه]

بمناسبه قناة mbc3 بنتى ليلى كانت بتتفرج على كرتون فيها و انا قاعده مش واخده بالى بس فجأه شدنى حوار غريب جدا

الكرتون كان عباره عن ولد وبنت فى مغامرات حول العالم والحلقه كانت عن مصر المشهد كان فى الاهرامات و البنت قالت للولد "الله انظر الاهرامات عظيمه دى من

عجائب الدنيا المصريين القدماء الفراعنه بنوها بأحكام اوى "

عارفين الولد رد قال ايه "مين قال ان المصريين البنوها"

قالتله"قاصدك ايه"

قالها "ولا حاجه يالا نكمل مشاهده" و خلص الحوار على كده مطولوش بس والله العظيم ده حصل فعلا و كنت مزهوله من السمعته

القناة دى مأجوره لتشويش الاجيال العربيه الجديده و تشويه تاريخها و غرز افكار جديده تشككهم فى تاريخهم دى اسرائيليات محشوره فى برامج الاطفال البيمثلوا رجال الغد

خالى بالكم فعلا يا اباء و امهات فى قنوات كتيره محترمه جداا للاطفال منها براعم وطيور الجنه و برنامج عالم سمسم

بلاش الmbc3 خالص

[أبو حميد المسافر]

ابني اتعلم العند من مسلسلات اسبونش بوب سكوير بانتس - شمعتها له بالشمع الأحمر :lol:

عندك قناة سمسم

وقناة تانية كدة لما افتكرها هقولك

[ذهبية]

ما هو لو خفتى يا بوسى على عمر من كل حاجة بالشكل دة

هتتعبى معاة قوى لو راح الحضانة لانة فى الحضانة هيشوف ولاد من كل البيئات و على كل اصناف التربية انا مع ان الاطفال

يبقى قدامهم دة و دة وانا ابين لهم الغلط و ان دة ينفع و دة لا

و مع انى اعلمهم لو اتعرضوا لموقف معين يعملوا اية

مع انهم يسالوا و انا اجاوب

انهم يجربوا بنفسهم

على فكرة الاطفال بيفهموا كويس جداااا

يعنى شوية كدة هيعرف ان دة تمثيل

يعنى الافلام اللى بيصادف ولادى بيتفرجوا عليها فيها ضرب انا علمتهم ان دة تمثل و مش حقيقى و تعمدت انى افرجهم على برنامج اللى بيجى بتاع الميكينج بتاع الافلام علشان اثبت لهم ان كل المناظر دى تمثيل مش حقيقى

الاطفال بيفهموا كويس جدااا بس الى بيختلف توصيل المعلومة اللى بتتوقف على سن الطفل

يعنى كل سن لة طريقة توصيل المعلومة بطريقة معينة

[أحمد سيف]

عندك قناة سمسم

وقناة تانية كدة لما افتكرها هقولك

براعم؟؟ دي قناه ممتازه كمان.

[أبو حميد المسافر]

عندك قناة سمسم

وقناة تانية كدة لما افتكرها هقولك

براعم؟؟ دي قناه ممتازه كمان.

برنس الله ينور عليك ... هي دي bv:-

[pocy]

أشكر كل من خط بقلمه هذا الموضوع وبجد انا مش عارفه هل لان عمر لوحده فتركيزي معاه اكبر وهل انا بحميه زياده عن اللزوم انا بس عندى مشكله انى عايزه ابنى يطلع مهذب وخلقه هو الاسلام ويكون نهجه فى الدنيا

بس كلام استاذ احمد سيف قلقنى جدا انا من زمان وانا معتقده كده ان الطفل الشقي هيبقي ممتاز لما يكبر لانه شقي بسبب حب الاستطلاع والاستكشاف اللى عنده بس المهم ان الواحد يستثمر الشقاوه دى فى حاجه كويسه بس مكنتش اعرف ان الطفل الخملان بيبقي خيبه اصل عمر مؤدب جدا بالنسبه لباقي اقرانه او اولاد الجيران لا بيضرب حد (غيري انا وابوه)ولا بيشتم والحمد لله لاننا عمرنا ماشتمناه والحمد لله وبيلعب في هدوء وعمره ما كسر اى حاجه خاصه بيه والحمد لله واله جايباله لعب من وهو عنده 4 شهور من سنتر بوينت ولحد الان كل لعبه موجوده بعكس كل اللى فى سنه فهل هذا دليل على انه ممكن يطلع خايب بس انا مش معتقده الموضوع ده معرفش ليه ؟ لانى حاسه ان استجابته للتعليم كويسه وبالمناسبه دى انا هحط برنامج اسمه النونو ينفع للاطفال من عند سنه لحد تلات سنوات او سنتين ونص بيعلمهم الكلمات ونطقها وربنا يكرم ان شاء الله قلقتونى يا ساده يعنى عمورى الامورى مش امورى وهيطله خيوبي ؟؟؟؟؟؟؟؟؟؟؟؟؟؟؟؟؟؟؟

ده برنامج النونو اللى بتسال عليه يا اخ مكاوى

وهو عباره عن اربع اجزاء قم بفكهم بعد تجميعهم فى مكان واحد

الجزء الاول

الجزء التانى

الجزء التالت

الجزء الرابع

وبالنسبه للقنوات ففعلا برنامج عالم سمسم ممتاز بس مش عارفه بيجي امتى وعلى اى قناه وعمر بيحب خوخه وفلفل ونمنم قوى بس انا نزلت كام حلقه ع النت بس تصويرهم وحش جدا

وبالفعل قناه براعم قناه مفيده جدا جدا بشتى الوسايل والحمد لله انا بتابعها مع عمر علشان احفظ مواعيد البرامج المناسبه ليه وميرسي جدا جدا يا جماعه وجزاكم الله كل الخير

ممكن دعاء لي على جنب كده بتيسير الامور

[ozoozo]

ياريت تيجي علي توم وجيري بس

انا ابني عنده 3 سنين كل مايشوف بنت في التلفزيون يقولي بابا مسه مسه ولما استفهمت منه طلع قصده مزه يضم الزاي

وعنده بس 3 سنين

[اغابي]

ياريت تيجي علي توم وجيري بس

انا ابني عنده 3 سنين كل مايشوف بنت في التلفزيون يقولي بابا مسه مسه ولما استفهمت منه طلع قصده مزه يضم الزاي

وعنده بس 3 سنين

طب ايه رايك يا استاذ محمد

ان ابني

بيقولها صح بجد برضوه بس بدون لدغة

مزة مزة ودى مصطلح اخوه الكبير جابه معاه من المدرسه داه اللى كنت باعتقده يعنى

حتى انا عملت نفسي مش فهماه واول مرة اسمعه

راح ابني الكبير احرجنى جدا :blink: وقالى يا ماما داه كلمة قديمة وجات حتى فى فلم اللمبي

:lol:

وانت حضرتى اللمبي يجي 100 مرة

وبالنسبة لتوم وجيرى يا بوسي انا عندى البيت كله مدمن توم وجيري

وانا كمان :lol: :lol:

تحياتى للجميع

اغابي