الديانة (غير ذلك)

[hOuSsAm]

النهاردة كنت بشوف اقامة واحد زميلنا فى الشغل وبقرا بياناته ولاقيت الديانة مكتوب فيها (غير ذلك)

ودورت فى بقيت الاقامة عشان اعرف هو ايه اللى غير ذلك ملقتش حاجة (مع العلم انه مسيحى)

قلت يمكن عشان مش عربى ولأى سبب كتبوها كدة اتصلت بواحد تانى صحبى عربى مسيحى وسالته والصدمة انه قالى غير ذلك

زميلى الاجنبى سالنى يعنى ايه اللى مكتوب وهو طبعا كان فاكر ان مكتوب انه مسيحى معرفتش ارد عليه

ومهما اترجم مش هيفهم هو ايه اللى غير ايه

واعدت افكر هو ده صح ولا غلط؟

مقبول ولا مش مقبول؟

طيب هيبقى احساسى ايه لو انا فى دولة غربية وكتبوا ديانتى غير ذلك؟

هو ده يا جماعة مطلب اسلامى ولا مطلب ايه بالظبط؟

بصراحة عايزلو حد فاهم يفهمنى عشان لما اروح دولة غربية متصدمش لوحد عمل فيا كدة وكتبلى (غير ذلك)

لانى اللى اعرفه ان الاسلام بيحترم حرية العقيدة

[محمد الششتاوي]

لو جيت من وجهة نظر دينية يحته هتلاقي الكلام ده صح

[Scorpion]

ممكن أسأل الكلام ده في انهي بلد يا أستاذ HOSAM ABDELFATAH ؟

[لماضة مصرية جدا]

السلام عليكم و رحمة الله و بركاته

اعتقد ان دول الخليج لما تضمه من جاليات متعددة جدا و بخاصة الشرق آسيوية...يكون إجراء صحيح ان تكتب "غير ذلك" ....

و اذا كنت حضرتك هتسافر دولة اجنبية....اعتقد انه لا يوجد خانة للديانة

و ده يطرح التساؤل

هي خانة الديانة....في البطاقة في الباسبور....في اي حتة.....بتضيف ايه؟؟؟؟

تحياتي

[من بعيد]

النهاردة كنت بشوف اقامة واحد زميلنا فى الشغل وبقرا بياناته ولاقيت الديانة مكتوب فيها (غير ذلك)

ودورت فى بقيت الاقامة عشان اعرف هو ايه اللى غير ذلك ملقتش حاجة (مع العلم انه مسيحى)

قلت يمكن عشان مش عربى ولأى سبب كتبوها كدة اتصلت بواحد تانى صحبى عربى مسيحى وسالته والصدمة انه قالى غير ذلك

زميلى الاجنبى سالنى يعنى ايه اللى مكتوب وهو طبعا كان فاكر ان مكتوب انه مسيحى معرفتش ارد عليه

ومهما اترجم مش هيفهم هو ايه اللى غير ايه

واعدت افكر هو ده صح ولا غلط؟

مقبول ولا مش مقبول؟

طيب هيبقى احساسى ايه لو انا فى دولة غربية وكتبوا ديانتى غير ذلك؟

هو ده يا جماعة مطلب اسلامى ولا مطلب ايه بالظبط؟

بصراحة عايزلو حد فاهم يفهمنى عشان لما اروح دولة غربية متصدمش لوحد عمل فيا كدة وكتبلى (غير ذلك)

لانى اللى اعرفه ان الاسلام بيحترم حرية العقيدة

السلام عليكم

اولا كان ممكن حضرتك توضح البلد اللى انت بتتكلم عليها عشان يبقى من باب العلم بالشئ والا هندخل فى متاهات التخمين ولكن الواضح ان البلد محل الكلام الديانه الرسميه فيها هى الاسلام وبالتالى ليس لديهم فى اثبات الشخصيه خانه الديانه .

البلد فيها اجانب مقيمين بغرض العمل وعليهم ملئ استمارات طلب اقامه يوضح فيها الطالب اسمه وجنسه وديانته وحالته الاجتماعيه .....الخ وبما ان المهاجر معرض لدائما للاصابه والمرض ونادرا او قلما يتوفى المهاجر او المغترب فى بلد المهجر وفى بعض الحالات يتطلب دفن المتوفى على الارض التى توفى عليها فتوجب معرفه ديانته لمعرفه كيفيه دفنه

اما كتابه عباره غير ذلك!

فمن المكد ان هناك احتمالين فقط اما ان يكون الراغب فى الاقامه مسلم وا متدين بديانه اخرى غير الاسلام وهذا غير مهم بالنسبه لاولى الامر

وعليه فيكون الاحتمال الثانى غير ذلك او غير مسلم

فى الدول الغربيه مفيش خانه الديانه لا بالنسبه للمواطنين الاصليين ولا بالنسبه للاجانب

[joo]

يا جماعة كل بلد وليها نظامها وقوانينها

احنا منئدرش نغيرها

وعلى رئيى المثل( اربط الحمار مطرح ما يحب صاحبة)

من حكم فى مالة فما ظلم

[om marawan]

اذا كانت البلد المقصودة هى السعودية فده امر طبيعى عشان دخول مكة والأماكن المقدسة

انا طبعا ماعرفش ان ده موجود فى السعودية او لاء

لكن اذا كان موجود فهذا هو الغرض الوحيد من كتابة الديانة ولا يمكن الاستغناء عن " غير ذلك " كما انه ليس من المهم تحديد الديانة اذا كان غير مسلم

الموضوع مافيهوش اى انتقاص من حقوقهم ولكنه فقط لامور نظامية بحته فى دخول مكة

[se_ Elsyed]

يا جماعه

السعودية طول عُمرها بتكتب الديانة كما هي ..

وغالباً بتبقى مُسلم ... وده إقامته أيام ما كانت دفتر كانت لونها اخضر

أو أي ديانه غير الإسلام كانت بتبقى بُني

لكن كانت بتتكب الديانة ..مسيحي كانت او هنودسي حتى

لكن ما كانش في يهود طبعاً .. وكمان ما كانوش بيسمحوا بديانات زي البوذية والوثنية ... يمكن ده كان زمان ... من 10 سنين كده شوفت واد معانا مكتوب في أقامته " وثني "

لكن من زمان برضوا لم يعد هناك مجال لأصدار تأشيرات بديانات أخرى غير المسيحية والهندوسية على اساس إن الهند بييجي منها ناس كثيرة

فهل بقى لما غيروا نظام الإقامات وأتحولت من دفتر إلى كرت زي بطاقة الرقم القومي كده .. الموضوع ده أستجد في السعودية .. ده هاتأكد منه لاني بصراحة ما لاحظتش كده .

[Amr Radwan]

البلد اللي بيتكلم عليها حسام هي السعودية

[Scorpion]

خلاص .. ما دام مش مصر يبقي شيء ما يخصناش ... و زي ما قال جو من حكم في ماله ما ظلم ...

انشالله يكتبوا "البتاع" بدل غير ذلك ...

[Alshiekh]

النهاردة كنت بشوف اقامة واحد زميلنا فى الشغل وبقرا بياناته ولاقيت الديانة مكتوب فيها (غير ذلك)

سؤال:

عرف " (ذلك) "

[محمد الششتاوي]

النهاردة كنت بشوف اقامة واحد زميلنا فى الشغل وبقرا بياناته ولاقيت الديانة مكتوب فيها (غير ذلك)

سؤال:

عرف " (ذلك) "

هو طبعا المقصود

ذلك = مسلم

اتوقع انهم رأوا ان كتابة غير مسلم ممكن تفهم انها عنصرية وأنا شخصيا أراها قاسية الى حد ما .. كما ان هناك مصطلح آخر معروف أقسى من ذلك

واعتقد انه كان من الحكمة ابهام المعنى

وكتب ذلك

لذلك ,, ذلك = مسلم

تم تعديل 9 مارس 2010 بواسطة محمد الششتاوي

[Morial]

اعتقد ان ذلك لوجود ديانات كتير جدا بالسعودية والخليج عموما

ولذلك فهما قرروا يشتروا دماغهم ويبقي يا مسلم يا إما غير ذلك

وعلي ذلك فهما أحرار وجملة غير ذلك مش هتفرق مع الجماعة اللي انكتبلهم ذلك

ذلك لأنهم رايحين هناك علشان يشتغلوا ويعملوا قرشين مش علشان ينشروا دينهم كذلك

كما أري ان السعوديين شايفين انهم لو كتبوا ديانة اخري غير الاسلام فسيكون هذا اعتراف ضمني منهم بتلك الديانة

ويمكن هما شايفين انه لا يصح ذلك

تم تعديل 9 مارس 2010 بواسطة منال شوقي

[Morial]

يا جماعه

السعودية طول عُمرها بتكتب الديانة كما هي ..

وغالباً بتبقى مُسلم ... وده إقامته أيام ما كانت دفتر كانت لونها اخضر

أو أي ديانه غير الإسلام كانت بتبقى بُني

لكن كانت بتتكب الديانة ..مسيحي كانت او هنودسي حتى

لكن ما كانش في يهود طبعاً .. وكمان ما كانوش بيسمحوا بديانات زي البوذية والوثنية ... يمكن ده كان زمان ... من 10 سنين كده شوفت واد معانا مكتوب في أقامته " وثني "

لكن من زمان برضوا لم يعد هناك مجال لأصدار تأشيرات بديانات أخرى غير المسيحية والهندوسية على اساس إن الهند بييجي منها ناس كثيرة

فهل بقى لما غيروا نظام الإقامات وأتحولت من دفتر إلى كرت زي بطاقة الرقم القومي كده .. الموضوع ده أستجد في السعودية .. ده هاتأكد منه لاني بصراحة ما لاحظتش كده .

فكرتني يا سي السيد يا اخويا بالبني والاخضر وقلبت عليا المواجع هييييييييه كانت ايام :closedeyes:

تم تعديل 10 مارس 2010 بواسطة منال شوقي

[doha]

معليش يااستاذ حسام الظاهر في لبس عند حضرتك ..

هي كلمه ( غير ذلك ) كلمه ( ابيحة ) وانا مش واخده بالي ؟؟

ولايكون حضرتك فاهم ان المقصود بيها ( مش قد كده ) او ( الي ميتسماش ) ؟؟؟

حضرتك املأ اي ابلكيشن على النت وهتلاقي من ضمن الخيارات في اي مجال كلمه غير ذلك ..

مثلا المهنة .. دكتور .. محامي .. مهندس .. الخ ... واخر خيار غير ذلك ..

المدينة مثلا تلاقيه حاطط لك ثلاث اربع خيارات رئيسية مثلا .. القاهرة .. الاسكندرية .. اسوان ... ثم ... غير ذلك ...

وقيس ( على ذلك ) ..

غير ذلك ملهاش اي معنى سيء ولا يفهم منها غير ان في ديانةغالبة والي مش من الديانة دي يبقى غير ذلك يعني غير هذه الديانة ..

اتوقع والله اعلم ان نظام ( الداتابيز ) او قاعده البيانات المعمول بيها الاقامات دي بيعمل خانة الديانة على شكل مربع فيه علامه صح TRUE لو كان مسلم وبالتالي فازالة علامه الصح FALSE هتدي كلمه ( غير ذلك ) ..

انا مش شايفه اي ( اهانة ) في الموضوع ومش فاهمه ايه الانفعال الي حضرتك كاتب بيه ده .. ياريت لو انا شايفه غلط توضح لي وجهة نظرك لاني بجد مش شايفه في الموضوع .. موضوع .

[Alshiekh]

مثلا المهنة .. دكتور .. محامي .. مهندس .. الخ ... واخر خيار غير ذلك ..

المدينة مثلا تلاقيه حاطط لك ثلاث اربع خيارات رئيسية مثلا .. القاهرة .. الاسكندرية .. اسوان ... ثم ... غير ذلك ...

وبالقياس على المثالين السابقين ، يكون الابليكشين اختياراته كالآتى:

مسلم .. مسيحى .. يهودى .. غير ذلك

وعند ضرورة كتابة ذلك فى الاقامة او بطاقة الهوية ، اما ان تذكر الديانة صراحة ، او تلغى تماما.

[doha]

مثلا المهنة .. دكتور .. محامي .. مهندس .. الخ ... واخر خيار غير ذلك ..

المدينة مثلا تلاقيه حاطط لك ثلاث اربع خيارات رئيسية مثلا .. القاهرة .. الاسكندرية .. اسوان ... ثم ... غير ذلك ...

وبالقياس على المثالين السابقين ، يكون الابليكشين اختياراته كالآتى:

مسلم .. مسيحى .. يهودى .. غير ذلك

وعند ضرورة كتابة ذلك فى الاقامة او بطاقة الهوية ، اما ان تذكر الديانة صراحة ، او تلغى تماما.

كلامك صحيح سيدي الفاضل بس اي حد شغال في مجال قواعد البيانات عارف ان تقليص الوقت اللازم لادخال بيانات سجل ما هو من الاولويات ..

يعني لو حضرتك اخذت بالك في نموذج المهن بنلاقي اكثر المهن شيوعا عشان نقلل الوقت اللازم للاختيار .. وعشان كده مبنلاقيش مثلا مهنة ميكانيكي فرامل ولا نجار باب وشباك بالظبط زي مابنلاقيش مهنة رائد الفضاء او عالم انشطار نووي من ضمن الخيارات .. ببساطة لانه وحتى لو كان في ناس لهم المهن دي وموجودين فعلا ومطلوب مننا ادخال بياناتهم فهم ( كام من كام ؟ )

السرعة في عملية ادخال البيانات تقتضي ان نجمع المتشابه ده كله في خانة واحدة فيبقى عندنا اغلبية ..وغير ذلك .

ده من جهة ..

ومن جهة ثانية احنا مش عارفين اصلا التصنيف ده اتعمل ليه ..

هل عشان لو حد مات يبقى معروف انه مسلم فيندفن عادي في مقابر المسلمين او غير ذلك فيرجع لاهله ..

هل عشان الناس الي بتلف تتاكد ان مفيش حد مش بيروح يصلي او فاطر علانية فتعاقب المسلم الي مش عامل كده وتترك الي ( غير ذلك ) ؟

مازلت مش شايفه وجه الاعتراض ايه في ان مكتوب مسلم فقط وغيره يبقى غير ذلك ..

ثم ايه الي هيعود على دولة نسبة المسيحيين فيها او اليهود لا تتعدى كسر عشري انها تحط مسيحي او يهودي وتغفل وضع ديانات اخرى زي بوذي او هندوسي ودول يمكن عددهم فيها يفوق عدد الديانات الاخرى غير المسلمين ؟

تم تعديل 10 مارس 2010 بواسطة doha

[محمد الششتاوي]

انا لو في بلد الديانة الاساسية فيها مثلا الهندوسية ومش معترفين بالاسلام وبيكتبوا الديانة في الاوراق يا اما هندوسية يا اما غير ذلك اعتقد ده يبقى شرف ليا انهم يكتبوا غير ذلك

وكمان الدين بالمسميات

المهم انا ايه

[se_ Elsyed]

لا داعي للتبرير يا مدام ضُحى وألصاق الموضوع بسرعة البيانات والأنجاز ...

جبت لكك زتونه الموضوع

كان النظام المعمول به قبل إصدار الإقامات الجديدة كما قلت لكم .. ذكر ديانات محددة معترف بها ومنها الهندوسية .. ولم يشتكي أحد من السرعة أو التمييز أو ما إلى ذلك .

وموضوع غير ذلك ده طُبق مع نظام الإقامات الجديدة ...

[اغابي]

اولا : احنا مش فى كلمة (غير ذلك) ولا ( اخرى )

فى الكويت فى الخانة بيتكتب مسلم او مسيحي لكن لو اى حاجة تانى بيتكتب ( اخرى ) و اذا كان الشخص هندو ممكن يتكتب ( مسلم ) برضوه عادي - وفى الغالب الهندي اللى بيشتغل فى اى شركة واسمه ( كوما - شومار - بابو - سونياااي - مش عارفة ايه ؟ بيبدأ كل الشركة ينادوه باي اسم عربي غير اسمه الحقيقي زي على - احمد - محمد - كسهولة فى نطق الاسم - واللى فى الكويت عارفين كده كويس ..

هو ممكن اسال كام سوال وحد يجاوبنى ؟؟

اولا : هل احنا بنحترم حرية الاديان ؟ طب حرية الاخرين وعقيدتهم ؟ طب تقبل الاخر ؟ طب حقوق المرأة ؟ طب .... ؟ الخ ......؟...؟

ثانيا : ليه مصر فيها خانة الديانة ؟ هما المصريين صحيح نسيج واحد ؟ :sad:

ثالثا : ليه الدول الاجنبية مش بيبقي فيها السؤال عن الدين فى اى اوراق او اى ابليكيشنات ؟

رابعا ً : متى نتحرر من العبودية وتكميم افواهنا ! متى لا تكون تلك القيود الحديدية والاغلال التى تقيد تقدمنا وفهمنا والرقي بافكارنا ؟

خامسا " عدد العرب كام ؟ مليار ولا اكتر ! ماذا قدمو للعلم والعالم ! اخترعوا ايه ؟

لما السفيرة الامريكية ديبورا جونز فى الكويت قالت جملة ( لقد كان الله كريماً عندما خلق الكويت ... خلق حقل برقان النفطي فوق خزان من المياه الجوفية المالحة ) الدنيا اتقلبت عليها وازاى تقول كده - قصدها اننا مفيش مننا نفع للعالم - كلمة ( لقد كان الله كريماً عندما خلق الكويت ) ليه زعلتهم كشعب . هي جات على الجرح ؟

http://www.alraimedia.com/alrai/Article.aspx?id=155532

السينما والتلفزيون سنويا كام فلم ومسلسل جديد بيتقدم - احضرو افلامنا ومسلسلاتنا - كلها ميراث وامراض وطلاق وانتقام وخيانة وزواج عرفي واجهاض وفقر وعنف ضد المرأة مفيش مشهد بالغلط فى فلم او مسلسل يحكى ان البطل بدل ما نجح فى انه يتجوز التانية ويخون الاولى مثلا اخترع حاجة مفيدة - او عمل فكرة لتعديل قانون جديد زي انه يعمل مدرسة محترمة ليها قونين تربي عقول مش عجول ... وحتى بكده يلفت انتباه الدولة لنظام التعليم الفاشل اللى محطوط عندنا فى مصر واهو فكرة جديدة يكسب بيها ثواب عند ربنا - بدل ان البطل كل شوية يخون ويتجوز عرفي .

( ملحوظة - فلم- كلمة شرف - عفوا ايها القانون - جعلونى مجرما - وفلم تاني انا مش فاكرة اسمه - كان عالج مادة فى القانون ان السابقة الاولى للشخص ما تتحسبلهوش ) يعنى فيه افلام عالجت نصوص فى القانون وتخدم المجتمع ) .

داه غير باقي الفلم او المسلسل حاليا كله بكاء وصراخ البطلة وامها من الحلقة الاولى درامة لغاية الحلقة 33 - ايه داه - لما يبقي نافذة الثقافة عندنا واللى بيحضرها كل ربات البيوت والشباب فى السينمات مبتشجعش على التطوير وتجديد الافكار والاحساس والرقي والابداع امتى حنتحرر ونتقدم بقي ؟

طول ما احنا حابسين نفسنا امة كاملة وشعب فى خانة صغيرة جدا اسمها الديانة - مساحتها من سم الى 1.5سم ومركزين اوى فيها كده اذا ملينا اى استمارة او ابليكيشن - داه دينه ايه وداه ايه - عمرنا ما حنتقدم - الموضوع منتهي .

بس علي الله ما يطلعليش واحد يقولى انت بتهاجمى فى الدين - لاء - ولاء - وكمان لاء - انا كلامى واضح معناه للكل مش عاوزة يجي واحد يحرف كلامى ويفهمه بمزاجه -

اديني بلفت انتباه بعض الزملاء الافاضل واللى مش فاهم كلامى اشرح له تاني وتانى وتانى معناه ومقصدى ؟

انا لى وجه نظر بعيد عن الدين والحروب الدينية - انا عاوزة اتكلم ازاى نتقدم - حالنا وحال بلدنا مابقاش يعجب حد .

واسفة طولت عليكم

تحياتي للجميع

:lol: