مقابلات مقاطعه كيبك سين وجيم بالفرنسيه مع الترجمه للعربيه

[ragabb]

السلام عليكم

انا حاسس اني هكون متطفل عليكم

بس انا ليا فترة بدور علي الطريق

ممكن حد يدلني عليه

انا عاوز اقدم علي كيبك اية الاوراق المطلوبة

اللي هبعتها مع الابلكيشن

يعني اول الطريق (سنة اولي هجرة)

شكرا

[savaryxxx]

الاول ازيكم ازيكم

مش جاى اصيف اعندكم

يارب كل اللى مستنى حاجه تجيله

فيل نمبر او مقابله او ميديكال

المهم بقى

ان التوبك اللى عملد كتور ابو سمره هنا مهم جدا جدا

احنا فى الخليج وتقريبا بنحضر منه مع شويه اجتهادات سخصيه

ممكن نسيب التوبك دا للمقابلات و تعليق الناس على المقابله لو هيفيد

لينك مثلا

كتاب

ترجمه

حاجه كده يعنى

واعملوا توبك تانى لكيبك 2010 وتتبع ملفات الناس

شكرا

سافارى

محلل رياضى

[joo]

متحرمش منك يا مازن يا حبيبى

[matyos]

مساء الخير على الكل يا جماعه والف مبروك اللى جاله المقابله وعقبال csq

هو خلاص يا جماعه مش ايرسلوا المواعيد على الميل زى زمان

واللى جاله المواعيد ياترى جات على الفاكي بس

ياريت الافاده

[Rock]

انا بشكركم كلكم كل اللي فرحولنا و باركولنا و يا ريت تكملوا جميلتكم و تدعولنا نكمل الطريق للنهاية :)

محمد كيبيك-دون كاملو-dr gege-الامين الشنقيطي-matyos-harveyhanna-صيدلى كندى-friend-romany beshay-malekmalooka-kareemabdou-Pharm-Morial-اغابي-محتاجه مساعده-الرحالة باشا-dr asar pharma

[friend]

انا بشكركم كلكم كل اللي فرحولنا و باركولنا و يا ريت تكملوا جميلتكم و تدعولنا نكمل الطريق للنهاية :)

محمد كيبيك-دون كاملو-dr gege-الامين الشنقيطي-matyos-harveyhanna-صيدلى كندى-friend-romany beshay-malekmalooka-kareemabdou-Pharm-Morial-اغابي-محتاجه مساعده-الرحالة باشا-dr asar pharma

ربنا يوفقك ان شاء الله ويطمنا عليك

وشد حيلك

وعقبالنا جميعا يارب بال CSQ

ودعواتكم

[ragabb]

السلام عليكم

انا حاسس اني هكون متطفل عليكم

بس انا ليا فترة بدور علي الطريق

ممكن حد يدلني عليه

انا عاوز اقدم علي كيبك اية الاوراق المطلوبة

اللي هبعتها مع الابلكيشن

يعني اول الطريق (سنة اولي هجرة)

شكرا

كلاكيت تاني مرة

تم تعديل 15 يوليو 2010 بواسطة ragabb

[بيبو كندا]

مساء الخير على الكل يا جماعه والف مبروك اللى جاله المقابله وعقبال csq

هو خلاص يا جماعه مش ايرسلوا المواعيد على الميل زى زمان

واللى جاله المواعيد ياترى جات على الفاكي بس

ياريت الافاده

ايوة يا ماتوس فاكس بس او بالتليفون ممكن تعرف

[Rock]

السلام عليكم

انا حاسس اني هكون متطفل عليكم

بس انا ليا فترة بدور علي الطريق

ممكن حد يدلني عليه

انا عاوز اقدم علي كيبك اية الاوراق المطلوبة

اللي هبعتها مع الابلكيشن

يعني اول الطريق (سنة اولي هجرة)

شكرا

كلاكيت تاني مرة

بص يا سيد رجب ,,انت لا متطفل ولا حاجة,,,احنا كلنا هنا اخوات;)

اقرا توبيك المعايير الجديده لإختيار المتقدمين لكيبيك حسب لائحة 14 اكتوبر 2009

و توبيك كيف تهاجر الي كيبك بدون محامي (نسخة 2009

و هتلاقي فيهم اجابة لكل اسئلتك ان شاء اللة

تحياتي و اهلا بيك

[الامين الشنقيطي]

انا بشكركم كلكم كل اللي فرحولنا و باركولنا و يا ريت تكملوا جميلتكم و تدعولنا نكمل الطريق للنهاية :)

محمد كيبيك-دون كاملو-dr gege-الامين الشنقيطي-matyos-harveyhanna-صيدلى كندى-friend-romany beshay-malekmalooka-kareemabdou-Pharm-Morial-اغابي-محتاجه مساعده-الرحالة باشا-dr asar pharma

التوفيق للجميع وحنكمل كلنا الطريق ونصل الي بر الامان والأمال ان شاء الله

[محتاجه مساعده]

dr asar pharma

اشكرك على تعاونك واجابتك لاستفساري

اموري بالفغونسيه تمام والحمد لله في تقدم سريع بعون الله وبعون تحفيز الدكتور الورده اخي الكبير ابو سمره والجميع ....

حابه ابارك لكل من طلعله موعد المقابله

شدو حيلكم ياجماعه لان موضوع الهجره خطوات وانتو قربتو كثيير

الفرنساوي في النهاية يعتبر لغه وانتو اغلبيتكم خريجين كليات علميه تعبانين ودارسين واغلبكم عندو اونجليه

فالفرنسي شي سهل بعون الله وبمجهوداتكم انشاء الله

سؤال بسيط هو الدكتور ابو سمره مختفي فين ؟؟ انشاء الله خير واموره تمام ؟؟

تم تعديل 17 يوليو 2010 بواسطة محتاجه مساعده

[dr gege]

ميعاد المقابلة 23-9-2010 مالك ملوكة 9-2009

2- روك 9-2009 ميعاد المقابلة 12سبتمبر2010

3- توتا عماد 9-2009 0المقابلة 3/10/2010

4- صموئيل 9-2009 المقابله 27/09/2010

5-هاني سمير 9-2009

6- هارفي حنا 11-2009

7- فرند 11-2009

8- كريم عبدو 12-2009

9- تهاني عماد 12-2009

10-جوو 12-2009

11- الفرنش ام 1-2010

12- ماتيوس 1-2010

13- دون كاملو 1-2010

14- محمد كيبك 2-2010

15- صيدلي كندي 2-2010

16- كيبك كندا 2-2010

17- الامين الشنقيطي 3-2010

18- جيجي 3-2010

19- روماني بيشاي 5-2010ا لمقابلة 25-8-2010

يعني بالترتيب كدة روك الاول

مالوكة التانية

صموئيل الثالث

توتا الرابعة

الف مليون منروك ليكو يا جماعة يارب بالنجاح لو حد تاني جالة المعاد يبعت يطمنا وربنا مع الكل

[توتا عماد]

1-رومانى 5-2010 المقابلة 25-8-2010 سوريا

2- روك 9-2009 المقابلة 12-9-2010 القاهرة

3- مالك ملوكة 9-2009 المقابلة 23-9-2009 القاهرة

4- صموئيل 9-2009 المقابله 27-9-2010 القاهرة

5- ماتيوس 10-2009 المقابلة 29-9-2010 القاهرة

6- توتا عماد 9-2009 0 المقابلة 3-10-2010 القاهرة

[توتا عماد]

اسمي : هاني ملاك

مهندس

30 سنه

متزوج

وعندي بنت

انا اتحددت المقبلة يوم 11 مايو 2009

وطبعا دي كانت متاجلة من شهر 12 2008

لأني كنت لسة مش جاهز في اللغة الفرنسية وطلبت التاجيل من المحامي اللي كنت معاه واللي بنصح الجميع البعد عن المحامين اللي بياخدو فلوس علي الفاضي

قدم بنفسك تنجح ...........

المهم خلينا نكمل موضوعنا

الحقيقة كنت في الفترة دي وصلت للمستوي السابع ومراتي للمستوي الثاني فقط لأني كانت بنتي صغيرة وماكنش ينفع تاخد اكتر من كدا وبصراحة اتبهدلنا في الموضوع

اتعب شوية تلاقي كتير وخصوصا اللغة

المهم اخدت شهادة من المكرز ب 7 مستويات ومراتي 2 مستوي فقط وهي خريجة كلية تربية فنية

خلصان فرنساوي في المركز الثقافي اللي هو طبعا لية الفضل علي اني انطق اللغة الفرنسية بعد ربنا

جهزنا ورقنا اللي هوة الاتي

1- شهادة التخرج بالدرجات اصلي

2- شهادة تخرج مؤقتة لي ولمراتي

3- شهادات الميلاد

4- شهدات الخبرة

5- جوزات السفر

6- شهادة التامينات ( وطبعا ارجع واقول دي مهمة الي حد كبير طبعا

7- شهادة الثانوية العامة

8 صور ل بنتي في الوقت بتاع المقبلة أني لما قدمت كانت بنتي صغيرة قوي

وصورة عائلية لينا احنا الثلاثة

المهم عايز اقول نقطة مهمة علشان يبقي ملفك قوي قدامهم وانت في المقابلة

1-

نظم ورقك كويس علشان تقدر تطلع بسهولة الورق المطلوب وماتخافش هما بياخدو وقت طويل في

قراءة الورق يعني دا بياخد من الورقت كتير

استصعب المقابلة ها تلاقيها سهلة وخاف منها ها تنجح ماتسيبش الموضوع بسهولة لأنه فعلا سهل

بص يا سيدي خليني اقولك النقط المهمة

اللي انا عملتها

حاول تجيب ايميل من اي جامعة هناك بخصوص معادلت او دراستك في مجالك

هات وظايف من مواقع بتقم وظيفتك في كيبيك

وعروض كتير

وفي مليون موقع بيقدم وظايف كيبكي ومونتريال

ماتقولهمش اني هانزل علي حد قولهم هجيب شقة من علي النت وهاحجهزها قبل ما امشي او هعاروح فندق وادور بعدها علي شقة علشان يعرفو انك بتعتمد علي نفسك

www.louer.com دا موقع للشقق

حاول بقدر الامكان تتكلم علي اد السوال فقط علشان ما توهش نفسك معاهم

حاول توزن الامور في اللغة فرنسي شوية انجليزي شوية او فرنسي فقط علطول اذا حسيت ان الانجليزي ؤايح منك

كانت مقابلتي الساعه 2ونص في القاهرة لانها لما اتاجلت جات في مصر من حظي الحلو

استقبلتنا السيدة الفلانية بدون ذكر اسماء

وخدتنا ل فوق المكتب عندها وهنا واحنا في الطريق للمكت بدات اتكلم معاها واجرب نفسي قبل الشكل الرسمي فلقتني مش خايف وبدات معاها فوق بعد ما طلبت تتعرف بينا بالفرنسي

طبعا هما مش بيحبو اللي داخل يحط الكلمتني ويطلع وفي ناس منهم بتحب كدا علشان يحاول يساعدك

المهم بدات تسالني عن دوافعي للهجرة وايه خلاني افكر في كيبيك او كندا بشكل عام ولية مش استراليا او امريكا او اي دولة اخري

سالتني عن لون شعر مراتي ولبسها

وسالت مراتي عن البدلة اللي كنت لابسها وشكلها ايه وكمان لونها

ورجعت علشان تسالني عن الخبرات بتاعتي وهل مجالي موجود في كيبيك ولا لأ وهنا كنت مجهز ورق من

مواقع كنت مسجل فيها علشان اوريها اني مش ساكت واني بدور

وسالتني عن ممكن انزل فين في الانندنج قلتلها ممكن احجز فندق مناسب ورخيص شوية لحد ما الاقي شقة

يتخنقوا قوي بقي انك تقولهم هانزل علي كنيسة او هئية اسلامية هناك لي بقي ؟؟

علشان بيحبو تعتمد علي نفسك في كل شي

المهم قالتي هاتخد فلوس معاك كيبيك ؟

واد ايه ؟

كمان سالتني عن تدريب كنت خدتى فقي شركة بي ام دبليو وقالتي سوال غريب

مين اثر فيك اثناء التدريب .....ودا الغرض منه تشوفك حافظ ولا لأ ولني كنت فاهم وقتها علشان دلوقت ضايع في اللغة .... رديت عليها

سالتني عن بتحب ايه في مصر

قلتلها انا بحب مصر كا اماكن وشعب

قالتلي مال عايز تسيبها ليه

قلتلها الحكومة هنا مش بتهتم بالشعب وممكن نموت ولا حد يسال فينا

بندفع ضرايب مش بتاخد قدماها اي خدمات

خدمات صحية تعبانه

حكومة مهملة تجاى الشعب

وقلتلها بصراحة انا لو عندي مميزات كيبك في مصر ماكنتش فكرت لأني هاحتاج ايه اكتر من المميزات دي

بس بصراحة انا فضلت كيبيك علشان المميزات اللي فيها وخصوصا قلة عدد السكان

طبعا ملحوظزة مهمة جدا جدا

لو ليك قرايب في تورنتوا يعني الجزء الانجلوفون ماتقولش عنه اي شي الا اذا طلب منك واتسالت

لأنه ممكن يفنكر انك ها تروحلة وتسب كيبك اللي هاتمنحك التاشيرة ليها

سالتني كمان هل ها تفتقد اهلك اونت في كيبيك

فقلتها طبعا بس مع وجود وسائل اتصال مختلفة وكاميرات وانترنت الموضوع سهل

سالتني وقالت انت فين دلوقت ؟؟

قلتلها احنافي السفارة الكندية بجاردن سيتي بخصوص مقابلة تحديد مستقبلي القادم وهنا زهلتها الكلمة دي

وانهينا المقبلة

بس المشكلة بقي اني ماخدش السلكش بتاعي في نفس اليوم وقالتلي انت عندك بس نقطة ناقصة في اللغة الانجليزية وانا مش عايز اقولكم انا كنت نسيت اللغة دي

بس استلنها بعد 30 يوم بنعمة ربنا

خد وقتك

اسمع السوال كويس ومن حقك انها تعيد السوال قدامك

رتب ورقك حسب النوع

اعصابك هادية

اعرف انك داخل تاخدها مش اي شي تاني

حط قدامك ان كندا حتي لو اشتغلت شحات وعلي معونة الحكومة انت برضة بني ادم ( بس طبعا دا مش الصح انت ها تنجح هناك برضة

اي استفسار انا جاهز

هاني ملاك

[توتا عماد]

ابو سمرة فينك مختفى ليه ؟ ساعد اخواتك الغلابة :sad: ؟

ياريت تترجملنا المقابلة دى يا ابو سمرة وظبطنا يا رايس :rolleyes: :rolleyes:

[matyos]

انا بضم صوتى لصوت توتا فينك يا دكتور تساعد الناس اللى قربت مقابلتها

[joo]

دة كلام يا جماعة يبا عندكم مقابلة قريب ومش عرفين تترجمو الكلام دة المفروض الكلام دة كلة يبأ عندكم مكتوب ومحفوظ عن ظهر قلب

دا كلام بسيط خالص ولازم تترجموة بنفسكم علشان تتدربو علية وتحفظوة

تم تعديل 21 يوليو 2010 بواسطة joo

[sahsah]

سوال ؟

هل القيد العائلى مطلوب للتقديم ولا مش لازم

[romany beshay]

لا مش لازم فى تقديم كيبيك

المطلوب بس فى الموضوع ده قسيمة الزواج

[Rock]

لا مش لازم فى تقديم كيبيك

المطلوب بس فى الموضوع ده قسيمة الزواج

طيب و بالنسبة للاوشاعة :) بتاعت بتاعت شهادة الموقف من الجيش و ورقة التامينات