مقابلات مقاطعه كيبك سين وجيم بالفرنسيه مع الترجمه للعربيه

[malekmalooka]

شكرا يا ملك ملوكة

انا فعلا فى اللستة

انا كيميائى

وبعت من 15/5 واستلموا الملف 17/5 ومن سا عتها دى اول حاجة توصلنى منهم بالمقابلة على طول

واللى حضرتك بتقولى مقابلته فى سوريا بيشتغل ايه ومقابلته يوم كام؟

(على فكرة مبيردوش على الايميلات خالص انا هرتهم ايميلات من ساعة ما بعت ولا حس ولا خبر وفى الاخر بيبعتوا بالبريد المصرى

انا محتار اعمل ايه حد يفيدنى

طبعا انا مش عارفه الاستنتاج ده صح ولا غلط بس اعتقد ان كل اللي في اللسته جالهم النترفيو في سوريا وجالهم بسرعه زي حضرتك كده اللي بقول لحضرتك عليه كان حد في منتدى تاني و مراته هي الmain applicant وهي خريجة تمريض بس انا شايفه ان دي فرصه كويسه صدقني احسن من الناس اللي مقدمه بقالها يجي سنه زي حالاتي, ولسه قدامك وقت كويس ترتب ظروفك وبالنسبه لابنك في اعضاء كتير سافروا وكان معاهم اطفال ممكن حضرتك تسألهم عملوا ايه

[Rock]

سلام للجميع

النهاردة جالى جواب بتحديد المقابلة

يوم 25/8 الساعة 8:30 فى سوريا

والجواب مبعوت من يوم 14/6 ولسة واصل النهاردة بعد 15 يوم (البريد المصرى)

المشكلة انا مش عارف ليه فى سوريا ومش فى مصر مع العلم ان ميشن مصر يبتدى 29/8 ودى حاجة هتجننى وكمان ليه اتبعتلى جواب مش ايميل

الظرف عبارة عن 6 ورقات بالفرنساوى وفيه الفيل نمبر وميعاد ومكان المقابلة (اتنين فى واحد)

وورقة تاكيد لميعاد المقابلة اما بالقبول او الرفض لو كان هناك سبب قهرى مع ذكر السبب ويجب ان يكون الرد خلال 30 يوم من تاريخ ارسال جواب المقابلة والا يتم رفض الطلب

وباقى الورق عبارة عن الاوراق المطلوبة تكون معاك ومين الاشخاص اللى مفروض تحضر الانترفيو وهل انت تحتاج مترجم ام لا

انا بصراحة محتار مش عارف ااجل المقابلة ولا اتكل على الله وادخل المقابلة لانى مش مستعد للسفر سوريا خالص دلوقتى وظروف الشغل وطفلى الصغير كلها مشاكل

اولا الف مبروك يا اخ روماني حتي لو الجواب وصل متأخر و حتي لو بتفكر تأجل....

بس قبل ما تفكر في اي حاجة لازم تعرف انة شهرين بحالهم هما فترة مش قليلة مع شوية ضغط مذاكرة و تحضير جيد و كلة هيبقي تمام و دة طبعا برضة يعتمد علي تظبيطك للفرنساوي و انة اية اللي يمنعك من السفر لسوريا و هل هتستحمل تتاجل لميشن تاني و يا عالم امتي في الظروف الغريبة و التاخيرات بتاعت اليومين دول و في ظل التغيرات اللي شغالة ترف علي اخوانا الفيدرالية

انا بقولك كدة عشان ماتنشنش و تحبط ,,,, يعني زي مرة دكتور قلنا لما يجيلك سؤال صعب,, زي لما تجيلك كورة صعبة كدة,,,تنطقها علي صدرك الاول و بعدين تشوت

طبعا دة راي لوحدي و انت برضة صاحب الرأي الاول و الاخير و اهينا كلنا معاك نفكر مع بعض بصوت عالي و يمكن بكرة تبقي انت اللي بتطمني :ninja: ,,,,,, و ربنا معاك و يسندك

[romany beshay]

اولا الف مبروك يا اخ روماني حتي لو الجواب وصل متأخر و حتي لو بتفكر تأجل....

بس قبل ما تفكر في اي حاجة لازم تعرف انة شهرين بحالهم هما فترة مش قليلة مع شوية ضغط مذاكرة و تحضير جيد و كلة هيبقي تمام و دة طبعا برضة يعتمد علي تظبيطك للفرنساوي و انة اية اللي يمنعك من السفر لسوريا و هل هتستحمل تتاجل لميشن تاني و يا عالم امتي في الظروف الغريبة و التاخيرات بتاعت اليومين دول و في ظل التغيرات اللي شغالة ترف علي اخوانا الفيدرالية

انا بقولك كدة عشان ماتنشنش و تحبط ,,,, يعني زي مرة دكتور قلنا لما يجيلك سؤال صعب,, زي لما تجيلك كورة صعبة كدة,,,تنطقها علي صدرك الاول و بعدين تشوت

طبعا دة راي لوحدي و انت برضة صاحب الرأي الاول و الاخير و اهينا كلنا معاك نفكر مع بعض بصوت عالي و يمكن بكرة تبقي انت اللي بتطمني :ninja: ,,,,,, و ربنا معاك و يسندك

متشكر جدا يا روك وربنا يطمن الناس كلها وتجى مواعيد الانترفيو للناس كلها ونكون كلنا ناجحين باذن الله

[محتاجه مساعده]

مبروك يا اخ روماني وانا رأأي من راي اخي روك ..شد حيلك وتوكل على الله

اذا مضبط اللغه ..وبالتوفيق..

[بيبو كندا]

مالك ملوكة 9-2009

روك 9-2009

توتا عماد 9-2009

صموئيل 9-2009

هارفي حنا 11-2009

فرند 11-2009

كريم عبدو 12-2009

الفرنش ام 1-2010

ماتيوس 1-2010

دون كاملو 1-2010

محمد كيبك 2-2010

صيدلي كندي 2-2010

كيبك كندا 2-2010

الامين الشنقيطي 3-2010

جيجي 3-2010

روماني بيشاي 5-2010 موعد الاتنرفيو 25/08

اى حد يا جماعة يجيله موعد المقابلة يا ريت يقول او اى رد بالميل علشان تطمنونا

[Pharm]

عزيزى رومانى لا تقلق كثيرا زاى ما الاخوة قالولك ان قوانين الهجرة بتتغير كل شوية ويمكن انت النهاردة فى اللستة بكرة تكون مش فيها انت ليه تاجل وتفضل قاعد

مرعوب من المجهول روح مقابلتك وسيب ابنك او خده معاك هناك واتركه فى فندق الدير هيرعوه (دير الخليل ابراهيم ) دا دير راهبات محترم جدااا

بالنسبة للميعاد مش سريع ولا حاجة دا انت كدا تاخروا عليك يعنى من 15 شهر خمسة والمقابلة 25 شهر اغسطس يعنى 100 يوم غيرك يا عزيزى كان من وقت

ارسال الملف للمقابلة اربعين يوم مش كاملين كمان

كمان يا رومانى بالنسبة لسوريا ومصر فعلا ميشن سوريا بيكون وشه حلو على الناس كلها وبتنج وعلى ما اظن المستشار بيقدر سفرك من بلد لبلد وبيحطها فى

درجات الدافعية للهجرة يعنى اتكل على الله وربنا معاك وكلنا ضحينا وتقدمنا

بالنسبة للغة شهرين فعلا فترة ممتازة لتظبيط اللغة وتبقا كمان فرانكفوانى اصيل متاجلش وابعت تاكيد مقابلة انت متضمنش الظروف على راى جو

وحظ سعيد لكل الناس

[توتا عماد]

مبروك يا رومانى ان شاء الله ترجع ب CSQ الغالية اللى كلنا مستنينها , ان شاء الله خير وربنا معاك ، وفعلا سوريا وشها حلو على ناس كتير

انا حسه ان الدفعة بتاعت 9،10، 11 دول نسيوهم خالص يمكن يفتكرونا فى يوم من الايام، بس يارب قبل ما القوانين تتغير تانى زى ما عملوا فى الفيدرال

[اغابي]

سلام للجميع

النهاردة جالى جواب بتحديد المقابلة

يوم 25/8 الساعة 8:30 فى سوريا

والجواب مبعوت من يوم 14/6 ولسة واصل النهاردة بعد 15 يوم (البريد المصرى)

المشكلة انا مش عارف ليه فى سوريا ومش فى مصر مع العلم ان ميشن مصر يبتدى 29/8 ودى حاجة هتجننى وكمان ليه اتبعتلى جواب مش ايميل

الظرف عبارة عن 6 ورقات بالفرنساوى وفيه الفيل نمبر وميعاد ومكان المقابلة (اتنين فى واحد)

وورقة تاكيد لميعاد المقابلة اما بالقبول او الرفض لو كان هناك سبب قهرى مع ذكر السبب ويجب ان يكون الرد خلال 30 يوم من تاريخ ارسال جواب المقابلة والا يتم رفض الطلب

وباقى الورق عبارة عن الاوراق المطلوبة تكون معاك ومين الاشخاص اللى مفروض تحضر الانترفيو وهل انت تحتاج مترجم ام لا

انا بصراحة محتار مش عارف ااجل المقابلة ولا اتكل على الله وادخل المقابلة لانى مش مستعد للسفر سوريا خالص دلوقتى وظروف الشغل وطفلى الصغير كلها مشاكل

اخونا رومانى

اوعى تتردد او تفكر - سافر وخد طفلك معاك زى ما عمل حموده - وممكن تقرا منتدى المطاريد تجربته حمودة فى سوريا وانه اخد طفله معاه - رضيع وهو حيفيدك كتير

فى تجربته دى - انا حاحاول اجمعلك اللينك بتاع المطاريد - تقرا تجربته فى سوريا

او ممكن تخلى اى حدا فى مصر يبقى مع الطفل داه هما 4 أيام مفيش غيرهم

- بس انا راى تاخدو الطفل معاكم وخلو اى حد موجود معاها فى سوريا زى ما عمل حمودة مفيش اى مشكل

- و القوانين شغالة تتغير اليومين دوول يا رومانى وما تضيعش وقت دى فرصة اتكل على ربنا وروح بسرعة

كمان هما بيبقى فى حساباتهم مشوارك لسوريا وتعبك وخاصة لو معاك طفل صغير وفى صالحك مش ضدك

اغابي

:unsure:

[kareemabdou]

انا من راى يا رومانى متأجلش

اول حاجة تاخد اجازة من الشغل

تانى حاجة لو معاك ورق الاعداد ابتدى زاكر منه لو معكش بسرعة حضره

بالنسبة لمستواك فى الفرنساوى حتى لو لسه موصلتش للمستوى اللى انت عايزة فده مش مهم لانهم كده كده مش حيرزلو عليك لانك مطلوب و هما عايزينك

و متنساش درجات المهنه لانك فى اللسته دى لو حدها كفيلة انها تنجحك حتى لو مستواك كان مش اللى هوا

و بالنسبة لابنك ممكن متخودهوش خالص و تسيبوه مع سته او خالته او اى حد انتو تستأمنوه و اطمنو عليه كل ساعة بالتليفون

او خدوه معاكم اهو يتفسحله يومين و سيبوة فى الدير و قت المقابلة

[savaryxxx]

الحمد لله وبفضل ربنا ثم بفضل دعواتكم نجحت و أخدت الغالية ال CSQ

أنا الحمد لله كان عندي حسن ظن بالله تعالي بإن ربنا هاينجحني , مش معقولة كل الناس الحلوة دي تدعيلي وفي الأخر ما أنجحشي

أنا بتشكر لكم جداً جداً جداً ولو إن كلمات الشكر لا تكفي أن أرد الدين ليكم

طبعاً أنتم عارفين إن مقابلتي كانت يوم الأربعاء صباحاً في سوريا 23/6

طبعاً إحنا سافرنا لسوريا من يوم الأحد 20/6 بحيث ندي نفسنا كام يوم قبل المقابلة نتعود علي المكان اللي هنام فيه وكمان نداكر لنا يومين قبل المقابلة , أنتم طبعاً عارفين لما الواحد بينزل أجازة مصر , سلامات وزيارات وحركات , كان الواحد مش عارف يذاكر

المهم وصلنا دير إبراهيم الخليل يوم الأحد بعد ما أتأخرت الطيارة بتاعتنا حوالي ساعتين نتيجة عطل فني لدرجة إنهم نزلونا من الطيارة بشنطنا بعد ما دخلنا الطيارة و قعدنا , بصراحة كانت أول القصيدة !!!!!!!!!!!!!

المهم وصلنا بالسلامة وكان في أنتظارنا في المطار السواق حسن

بصراحة كانت الدير نظيفة جداً والغرفة معقولة جداً وطبعاً مفيش تليفزيون ودي الحاجة اللي شجعتنا علي أننا نستغل كل دقيقة في المداكرة , طبعاً كان لازم برده نزور باب توما وسوق الحميدية والمسجد الأموي ونشتري شوية حاجات كدة علي الماشي وكان لازم برده ناكل بوظة من بكداش اللي في الحميدية , راااااااااائع

طبعاً موقع الدير في حي جارامانا , ش الدير

كل شيئ كان حوالينا , بس إحنا فضلنا ناكل في مطعم أسمة النوافير , بصراحة أكله جميل والناس فيه زي كل السوريين ناس مضيافة و كريمة و حبوبة كتييييير

المهم أنا سمعت كلام حبيبي د علاء فارما لما نصحني أروح السفارة قبلها بيوم أحاول أعرف مين اللي بيعمل مقابلات وبالفعل رحت يوم التلات ودخلت السفارة وأتأكدت من ميعاد مقابلتي وإن كل شيئ تمام ولما كنت أسأل عن أسم مستشارين الهجرة كان الكل يقول ما نعرفشي أسمائهم ( طبعاً) , المهم قابلت شاب سوري كان واقف أمن علي البوابة ولما سألته مين اللي بيعمل المقابلات قالي إنهم تلاتة بس مش فاكر الأسماء فقول أستعبطت و أقول له أنا سمعت إن مسيو سيمون ومدام أن موجودين فارد و قالي مظبوط بس التالتة واحدة ست لكن مايعرفشي أسمها

المهم أنا قول طالما فيهم مدام أن ومسيو سيمون يبقي كده قشطة جداً ويارب نقع تحت إيد واحد فيهم ويبعدنا عن الست التالتة اللي مش عارفنها دي

ورجعنا الفندق و أتغدينا وراجعنا المراجعة النهائية بدون ما نسأل بعضنا أنا ومراتي علشان ما نتوترشي لو غلطنا ونسينا حاجة

المهم تاني يوم قمنا من النوم الساعة 6 ونص ونزلنا من الفندق متوجهين للسفارة الساعة 7 ونص ووصلنا الساعة 8 ص

دخلنا علي طول علي بوابة السفارة الكندية و أخدنا إدن دخول لمكتب كيبك وتوجهنا للمكتب

طبعاً بفضل الزيارة اللي عملناها قبل المقابلة بيوم كان الواحد واخد علي المكان وعارفه كويس وده برده بيشيل الرهبة شوية

المهم كلمنا الأستقبال نعرفهم بوصولنا وقالولنا أنتظروا شوية

وإحنا قاعدين كان جبنا راجل وست يبدوا لبنانيين تقريباً كانوا بيتكلموا فرنساوي لبلب لما عقدونا علي الصبح

المهم قبل معادنا اللي كان 8 ونص لاقيناهم بينادوا علينا الساعة 8 وعشر دقائق تقريباً وقالولنا أتفضلوا علي غرفة رقم 2

طبعاً و أحنا قاعدين في الأستقبال شوفنا غرفتين بباب خشب وشباك زجاج شوفنا من خلاله الفاصل الزجاجي اللي بين مكتب المستشار والكرسيين اللي بنقعد عليهم

المهم دخلنا و أول ما شوفنا المستشارة الناحية التانية قولنا بنجور مدام مع أبتسامة لطيفة وجلسنا قدامها وبدأت تعرفنا بنفسها ( المفاجأة ) أنها الست التالتة

مين حضرتك يا ست الحاجة , طلعت أسمها مدام كرستيان

وصدق اللي قال إن اللي تخاف منه مفيش أحسن منه , المدام طلعت محترمة جداً ومتعاونة جداً جداً

بدأت تعرفنا بنفسها وكانت في لوحة بأسمها علي الشباك شاورت عليها

وقالتلي هناقش طلبكم للهجرة لكيبك

و أول حاجة طلبتها العقد المالي اللي أخدناه من شباك الأستقبال لما زورنا المكتب اليوم السابق وقالولنا أملوه هاتوه معاكم في المقابلة بكرة

ثم بدأت تطلب الباسبورات , ولما قولنالها إننا غيرنا الباسبورات علشان نفصل الأولاد وكمان كان فاضل عليهم أقل من سنة

لما قولنالها كده فطلبت مننا صور للباسبورات الجديدة والحمد لله كانت جاهزة معانا أصل أخوكم كان عامل حساب كل الحركات دي لكن للأسف ما عدا حاجة واحدة كادت أن تدمر المقابلة تدميرا لكن ربنا ستر ( نجيلها بعدين )

المهم طلبت شهادة الميلاد , ثم كارنية النقابة وكمان أديتها مع الكارنية شهادة من النقابة العامة للطب البيطري بالقاهرة بتشهد فيها ببيانات تسجيلي في النقابة وكانت موثقة من الخارجية ومترجمها كمان

المهم نيجي بقه لأول صدمة ليا في المقابلة ( خد بالك يا هرفي علشان أنت بيطري زي فاركز معايا كويس )

مدام كرستيان طلبت شهادة الكلية بيان الدرجات ولما أديتها الشهادات اللي طلعتها من الكلية بالأنجليزي زي ما كلوا بيعمل , لقيت المدام برقت و أعترضت وقالتي نووووووووووو

دي مش شهادة الدبلومة بتاعة الطب البيطري دي شهادة مؤقته ومكتوب فيها أنك خلصت تدريب عملي وكده , أنتي بتقولي إيه يا حاجة يا دي المصيبة , الحاجة كريستيان مش عارفة شهادة التخرج المؤقتة اللي بنعملها في الكلية , وحاولت أشرحلها و أفهمها لكم مخها كان رافض يقتنع واللي كانت ماسكة فيه إنها شهادة مؤقتة وفيها كلمة تدريب عملي

يعني بالعربي كده بالنسبة ليها مفيش شهادة مظبوطة بالمؤهل

أنا لطمت وقلت أنا كده أترفضت , أقنعها إزاي دي بس يارب

المهم أنا برده كنت واخد شوية ورق أحتياطي معايا ومن ضمنهم الشهادة الكرتون وكنت موثقها من الخارجية لكن مش مترجمها ولا حتي صورة منها

المهم رحت مطلعلها الشهادة الكرتون وقلتلها إن دي الشهادة الدائمة و ما بتطلعشي غير مرة واحدة في العمر وبعد التخرج يجي بخمس سنين كده ولا حاجة

المهم أول ماشافتها قالتلي هي دي الدبلومة وهي دي الشهادة المظبوطة لأن التانية دي ماتنفعشي في كيبك وهي دي اللي لازم تاخدها معاك كيبك

المهم طلبت منها نسخها مترجمة قولتلها مش معايا , يادي الواقعة الهباب راحت قايمه تصورها عندها في السكرتارية ورجعت تاني طبعاً كنا أحنا بنسترد أنفسنا اللي أتقطعت من المفاجئة العجيبة دي , لكن الحمد لله ربنا ستر

المهم رجعت تاني وبدأت تطلب باقي الورق وكل شوية تكتب علي الكومبيوتر وتكتب الدرجات في ورقة خارجية زي الجدول كده وقدام كل خانة زي المؤهل العمر وكدة تكتب الدرجة

المهم ما صدقنا خرجنا من المطب الأولاني , إلا ورححنا وقعين في مطب غيرة , إيه بقه ؟

لما طلبت شهادات الخبرة الأصول أديتهالها ورجعتها كلها ليا ماعدا الجواب الأخير اللي جبته من الهباب الكفيل واللي بيقول إني مازلت علي رأس العمل حتي شهر 6 ده لأن أخر جواب جبته كان في 5/ 2009 والجواب الجديد كده هايضيف سنة خبرة جديدة كمان

المهم لما مارجعتهوش وراحت كاتبة عليه تاريخ بدأ الخبرة والنهاية قولتلها هو حضرتك هاتخدي الخطاب قالتي أيوه , قولتلها بس أنا لازم أخدة علشان أحطه في ملف الفيدرال لو أتقبلت النهاردة قالتلي بس أنا لازم أخده فارحت ساكت ومبلم كأني مصدوم مش عارف هاعمل إيه , طبعاً ده كان خطأ كبير مني لكن مش في حق المستشارة ولا المقابلة لكن جل من لايسهو مع أني كنت مجهز حاجات كتير أخدها معايا زي الشهادة الكرتون حتي كارنيه الكلية و أنا في دفعة البكالوريوس لكن أهوه دي اللي حصل ولو كانت قفلت كنت هاديهولها بس ده كان هايأخر تقديمي للفيدرال لحد ما أجيب واحدة تانية من الهباب الكفيل لكن مش مشكلة المهم المستشارة تكون راضية , لكن ربك لما يريد ييسر لعبيده بتلاقي كل الأمور أتحلت بمنتهي اليسر

كل اللي عملته المستشارة إنها قامت تصورها و أدتني الأصل و أكتفت بالصورة بعد ما ختمتها بالختم بتاعها بس طبعاً بعد ما زغرتلي بعينيها مع أبتسامة بسيطة كده كأنها مفروسة علشان كل شوية تقوم تصور ورق

لكن ده خلاها تضيع وقت كتير في الخروج للتصوير وترجع تاني لما خلاها جت علي الأسئلة المهمة بتاعة إيه اللي تعرفوه عن كيبك وقيم المجتمع الكيبكي لكن كانت في اللحظة دي مش باصة ليا ولا لمراتي فقولتلها السؤال ليا ولا لمراتي فقالتلي ليكم أنت الأتنين

فراحت مراتي سابقاني وبدأت ترص شوية في القيم لكن عاوز أقول لكم إن طبعاً من رهبة المقابلة اللي كانت فيها مراتي كانت الأجابات واحد علي عشرة من اللي نعرفة ولما قربت مراتي تخلص اللي فاكراه قولت أكمل أنا , لاقيت المستشارة راحت ناقلة علي السؤال التاني لمراتي وقالتلها وإيه اللي شدكم لكيبك وبدأت مراتي ترص شوية عنواين للكلام اللي حافظينه زي علشان نظام الصحة ونظام التعليم وكيبك ديموقراطية , والله يا جماعة مجرد عناوين

طبعاً السبب الرئيسي اللي خلاها مستعجلة في الأسئلة وكأنها مجرد أسئلة جبر خواطر التأخير اللي حصل علشان تصور الورق لكن عسي ان تكرهوا شيئاً وهو خير لكم

لكن طبعاً لو كان في وقت كنا أتهرسنا في الرد , لكن الحمد لله إحنا كنا مذاكرين كويس وكنا جاهزين للرد بالتفصيل

المهم قالت لمراتي وليه عاوزة تسيبي السعودية , فقالت لها الإجابة المشهورة بإننا ضحايا التمييز العنصري الجنسي في السعودية و إننا لا نستطيع العمل لأن العمل مصرح به فقط لزوجي وكمان ما أقدرشي أسافر لوحدي أو أخرج لوحدي وكمان بقه الحته اللي ظبطت الليلة كلها إنها يا حرام ما تقدرشي تسوق عربية في السعودية , راحت المستشارة مبرقة وقالتلها معقولة مش ممكن و أستغربت جداً ومراتي صعبت عليها جداً , و أنا اللي رايح جاي وطافح الكوتة في الشغل هناك ولا في دماغها

المهم قولتلها إنها كمان علشان تروح السوبر ماركت أو تخرج لازم تخرج معايا فقط ( ماهو أنا لازم أستغل الفرصة و أسوق فيها ههههههه )

المهم سألت مراتي عن العمل و إنها كده ما أشتغلتشي خالص , فقالت مراتي لأ أنا أشتغلت في مصر في الحكومة قبل السفر للسعودية لكن في السعودية أنا ربة منزل (fame de foyer) و أدي شهادة الخبرة , وتدخلت وقولتها بس هيا دلوقتي في أجازة علشان معايا في السعودية , راحت رده وقالتلي نوووووووووو هي بتعمل في المنزل تربي تلات أطفال وبدون راتب طبعاً وهي بتبتسم و أنا أرد عليه و أنا بضحك و أشاور لها بحركة مية مية وقاعدنا نضحك أنا ومراتي وهي كمان ( باين الست دي متحيزة للستات جداً هههههه ) شوفتوا إزاي الرجالة مظلومين في كيبك , إحنا نشتغل ونطفح الكوتة في الشغل والستات تقعد في البيت مرتاحة وفي الأخر تقولك تاعبنة في شغل البيت يا حرام وتربية الأولاد , ظلم كبير والله , إحنا لازم نطالب بحقوقنا من الستات علي فكرة يا جماعة , ماهو ماينفعشي الظلم ده بصراحة ههههههههه

المهم سأتني عارف عن المعادلة بتاعتك إزاي في كيبك قولتلها أيوه و أدي الأيميل بتاع الأوردر فقالتلي لأنك لازم تعملها علشان تشتغل طبيب بيطري في كيبك ودي مهنة مطلوبة هناك قولتلها عارف و أدي الأثبات من موقع employ quebec إن الطب البيطري من المهن الأكثر طلبا في كيبك وكمان أدي أوفرات عمل طبيب بيطري هناك , فقالتلي بس الأفرات دي مش هاتنفعك إلا لما تعمل المعادلة , فقولتلها ما هو أنا هاستغل خبرتي كمندوب مبيعات و أشتغل كده لحد لما أعمل المعادلة فأعترضت جداً , ليه ؟ هاقول لكم , خدبالك يا هرفي علشان أنت بيطري زي

المهم هي أعترضت علشان كانت عاوزاني أبحث عن عروض عمل في مهنتي مثل مساعد بيطري assistant veterinaire ou soins veterinaire وقالتلي أني لازم أبحث عن عمل زي كده قريب من مجالي علشان أكون جاهز بالخبرة لما أخلص المعادلة زكمان قالتلي إحنا مش عاوزين حد من بره كيبك يشتغل مندوب دعاية أو مندوب مبيعات أو كبائع في كيبك لأن في كتيير هناك ممكن يشتغلوها , إحنا عاوزين بيطريين , خدوا بالكم يا جماعة من الحتة دي كويس جداً

المهم أنا كان معايا برده عرض عمل مثل aid et soins veterinaire ووريتهولها قالتلي تمام بس ده عرض عمل واحد لازم يمون كل اللي بتبحث عنه يكون كده مش مندوب مبيعات

قولتلها تمام وكمان مرتبات البيطري في كيبك سيتي أعلي من مونتريال علشان كده هاسيب مونتريال بعد المعادلة و أروح كيبك سيتي, فقالتلي وليه مونتريال من أصله قولتلها علشان فرص العمل ومالها كيبك سيتي أنا من رأيي تنزل علطول علي كيبك سيتي وتشتغل في مجال عملك هناك علطول علشان تكون جاهز لما تخلص المعادلة وبيني وبينكم أنا كنت ها أعمل كده بس أنا قررت ده بعد ما أرسلت الأبليكيشن وكنت كاتب فيه زي معظم الناس مونتريال لكن بعد ما عرفت أن مرتبات البيكري في كيبك سيتي أعلي قررت إنها تكون وجهتي بس مارضيتشي أقول إني غيرت رأيي لاحسن يبان إني ما كنتش جاهز تمام لما بعت الأبليكيشن

المهم كتبت شوية صغيرين علي الكومبيوتر وقالت لنا أحلي خبر أنتم تم أختياركم vous etes selectionne (بالأكسون)

و أدتنا ورقة بيها موقع وزارة الهجرة لكورس فرنش مجاني أون لاين وقالتلنا أستخدموه علشان تحسنوا من لغتكم الفرنسية و أديتنا كتاب أبروندر لو كيبك وكمان بروشور عن الفالير

نسيت أقول لكم إنها كانت مبسوطة من اللغة بتاعتنا وقالتلي أن مستوايا بين السادس أو السابع و أنا كنت كاتب السادس في الابليكيشن وكمان جايب شهادة TEF بس مستوي ال comprehension orale كان A2 وال expression orale كان B1 وكمان لأن مراتي كانت حافظة نفس الكلام اللي بيقوله أبو سمرة ربنا يخليه علي التوبيك وكانت مراتي بتقوله بسرعة فبان عليها إنها بتتكلم فرنساوي كويس و لأني كنت قلقان من مراتي في الفرنساوي لاحسن ما توصلش لمستوي كويس في الفرينش لما كنا بنقدم الأبليكيشن فقلت خلينا في المضمون ونكتب مستواها التاني , لكن نتيجة طلاقتها في ألقاء الإجابات اللي حافظنها المستشارة قالت لها أنت كاتبة ليه مستوي تاني أنتي مستواكي أعلي من كده أنت ممكن سادس أو سابع و حتي تامن ودي كانت مفاجئة بصراحة ليا لأن لو هي أديتنا درجات علي المستوي ده من اللغة يبقي إحنا كده مش محتاجين درجات دافعية منها لأن بكده نبقي جيبنا الدرجة كاملة حسب ما أنا حاسب درجاتنا لما قدمت الملف حسب النظام القديم

و أنا شوفتها بتديني 10 درجات في اللغة

المهم جات تطبع الغالية ال CSQ فقالتلي إن السيستم عطلان وسألتني أنت مسافر أمتي فقولتلها الساعة 5 و لازم أكون في المطار الساعة 3 فقولتلها أنا ممكن أجيلك بعد شوية يكون أتصلح فقالتلي أوكيه تعالي بعد الغدا , وقد كان

ورحت الساعة 1 و أخدت ال CSQ ورجعت مصر بالسلامة يوم الأربعاء

ولأني كنت عشمان في ؤبنا خير إنه ينجحنا فكنت مجهز ورق الفيدرال المطلوب ورحت النهاردة الخميس للسفارة وقدمت الملف و أخدت رقم الملف لكن قالتلي هانراجع الورق ولو في شيئ ناقص هانبعتلك ترسلة بالبريد السريع

والحمد لله , بفضل الله سبحانة وتعالي ثم بفضل دعواتكم ودعوات أصدقاء مخلصين بأعتبرهم أكتر من الأخوات نجحنا وعديت الأمور علي خير بعد المطبات الرهيبة اللي مرينا بيها

المهم : دروس مستفادة من المقابلة :.

1) ترجموا الشهادة الكرتون وخدوها معاكم المقابلة يمكن يقابلكم مستتشار هجرة مخه شمال وما يعترفشي إلا بيها

2) أعملوا عروض عمل في نفس مجال المهنة فقط كا مساعدين علشان يبان مدي رغبتك في العمل في مجالك ومدي أنك فاهم مظبوط هاتعمل إيه

3) خدوا الأصول مترجمة وكمان ترجموا صور منها

4) خدوا صور من كل المستندات والباسبورات لعل وعسي تنطلب منكم

5) خدوا نسخة حديثة من الأبليكيشن لو كان عدي علي تقديم الأبليكيشن الأولاني أكتر من 6 شهور لأن مكتب سوريا طلب مني كده لما بعتلي خطاب المقابلة بالرغم إني عرضته علي مدام كريستيان وقالتلي مش عاوزاه

6) مانسوش تاخدوا ورق العقد المالي من الأستقبال لما تروحوا المقابلة لأنها أول حاجة أنطلبت مني

7) روحوا مكان المقابلة قبلها بيوم علشان تتعودا عليه ويمكن بامرة تعرفوا مين اللي بيعمل المقابلات ويمكن تقابلوا حد عامل مقابلة ويقول لكم إيه الأسئلة اللي بتتسأل

8) أخيراً وده الأهم : أحسنوا الظن بالله أنكم ناجحين علشان تنجحوا بالفعل

و أخيراً دعواتي لكل الأخوة والأخوات اللي عندهم مقابلات بالنجاح وتحقيق حلمهم

وخالص خالص خالص شكري لكل الأصدقاء الطيبين اللي دعوا لي بالنجاح وربنا يقدرنا ونرد جميلكم الكبير ده علينا

أي أستفسار تحت أمركم

الف مليووووووووووووووووووووووووووووووووون مبروووووووووووووووووووك للرحاله باشا

يااااه

انا لسه فاكر لما الرحاله كان بيسأل على حاجه فى الابلكيشن و فايزر على ما اذكر وقتها قاله انت اول ما يشفوك بالشنطه على ضهرك هيقبلوك على طوول

ربنا يكملك المشوار على خير يا رحاله

الميديكال والفيزا

كده تقريبا كل الناس اللى كانت مقدمه معايا الحمد لله نجحت و ينضم الرحاله باشا لبيو باشا و الدكتور حسام يوسف و فايزر و مونتريال الكس و غيرهم

على خير يارب ان شاء الله وادعولى احصلكم

سؤالى للرحاله باشا , حد سألك على شهاده التأمينات ؟؟

انا الحمد لله لسه ممتحن الديلف بى ان و مستوى الفرنساوى بقى كويس

وعاوز اقدم تانى , بس قلقان من شهاده التأمينات

بأذن الله على شهر اكتوبر اللى جاى هيكون معايا 4 سنين خبره

3 سنين بتأمينات من شغل حكومى و سفر للسعوديه

وسنه انتقلت فيها فى مصر ما بين صيدليتين كل واحده تقريبا 6 شهور ودى من غير تأمينات لان المقده كانت اقل من انهم يأمنوا عليا

محتار بصراحه

1- اقدم اول ما اكمل ال 4 سنين خبره بشهاده تأمينات ل 3 سنين وسنه من غير تأمينات واخد الريسك

2- اقدم بخبره 3 سنين بس فى التأمينات و السنه اللى غير من تأمينات مجبش سيرتها - مع ان كنت مقدم قبل كده وبعتها فى الملف القديم

3- استنى لما اكمل ال 4 سنين خبره بالتأمينات يعنى استنى سنه ونص من دلوقتى

محتاااااااااااااااااااار !!

الله يبارك فيك يا سفاري باشا وعقبالك إن شاء الله و أنا واثق إنك ناجح بإذن الله

بالنسبة سؤالك : لو أنت حاسب درجاتك كويس وشضايف إن 3 سنين خبرة تعديك أتوكل علي الله وقدم ومستوي بي 1 مستوي هايل ما شاء الله

في أقتراح كمان : لو عاوز السنة الرابعة من التأمينات ممكن تتكلم مع الصيدليات اللي أشتغلت معاها وتتفق مع الدكتور إنك هاتدفع فلوس التأمينات بس يأمن هو عليك في الفترة اللي أشتغلت عنده فيها وتقوله إنك محتاجها ( دي أسمها بتشتري الفترات التأمينية اللي ساقطة عندك , معروفة في التأمينات ) بس أشتريها بإسم الصيدلية علشان تبقي الخبرة مثبتة وبكده تجمع كمان سنة كاملة

لكن تستني دي أنا ما بحبذهاش وخصوصاً إن مستواك كويس في اللغة

ربنا معاك يا باشا

مانا فعلا مش مزنوق اوى فى السنه الخبره دى ,, بس عشان هى فعلا خبره حقيقيه وعشان اانا كنت كاتبها فى ملفى القديم

ومش عاوز اى قلق

انت متأكد من حكايه التأمينات دى يا رحاله ؟

[اغابي]

مالك ملوكة 9-2009

روك 9-2009

توتا عماد 9-2009

صموئيل 9-2009

هارفي حنا 11-2009

فرند 11-2009

كريم عبدو 12-2009

الفرنش ام 1-2010

ماتيوس 1-2010

دون كاملو 1-2010

محمد كيبك 2-2010

صيدلي كندي 2-2010

كيبك كندا 2-2010

الامين الشنقيطي 3-2010

جيجي 3-2010

روماني بيشاي 5-2010 موعد الاتنرفيو 25/08

اى حد يا جماعة يجيله موعد المقابلة يا ريت يقول او اى رد بالميل علشان تطمنونا

ياريت ضيفوا كمان يا جماعة اختى تهانى لليثتة دى لو سمحتم . .

تهــــانى كيبــك - تاريخ تقديم الملف - 05/12/2009

الفايل نمـــــــبر 10/01/2010

ارسل بالفاكس بعد 3 أشهر فى 12/03 /2010 - لانه ضاع فى بسطة عين شمس المحترمين

وهى فى انتظار ميعاد المقابلة لانهم بعتولها ايميل بتاريخ 18/4/2010 - ان مقابلتها فى ميشن الخريف فى القاهرة

اغابي

:unsure:

[محمد كيبيك]

:unsure:لما الاخ pharm جالة ميعاد المقابلة بعد 10 ايام من تاريخ ارسال الملف الى سوريا رديت علية وقلتلة اعتبر ان تحديد ميعاد المقابلة نصف الطريق للنجاح وان المقابلة نفسها هى النصف الاخر للنجاح نفس الجملة دى بوجهها للاخ رومانى وبقولك تو كل على اللة واكد الميعاد و باذن اللة ناجح

[dr alaa pharma]

الاخ الفاضل رومانى ............الف مبروك على تحديد المقابله

بص يا حبيب قلبى لو انت مذاكر فرنساوى من فترة اتكل على الله و ادخل مقابلتك

اما لو لسه ............صدقنى شهرين مش كفايه لاتقان لغه

و سيبك بقى من الليسته و الكلام الفاضى ده ........اهم حاجه عندهم الفرنساوى الفرنساوى و بعدين الليسته و الدافعيه ...الخ

احسبها كويس .........ما جاتش على شهرين تلاته........تكون حضرت نفسك كويس

و كمان بعد التأجيل ..........تبعت لهم فاكس و تقولهم عاوز مقابلتى فى القاهرة..........صدقنى انشاء الله هيوافقوا على طول

و علشان تدخل المقابله واثق من نفسك انت و زوجتك كمان

بالتوفيق انشاء الله

[myusername]

الاخ الفاضل رومانى..

طالما انك كيميائى و متزوج و عندك طفل... يبقى انتا محتاج مستوى رابع او خامس بالكتير علشان تجمع درجات النجاح..

مع اعداد المقابلة, و حفظ كام كلمة فرنساوى على كام قاعدة... هتقدر تحقق المستوى ده بسهولة ان شاء الله فى خلال الشهرين.

توكل على الله و روح المقابلة.. على فكرة المقابلة سهلة جدا و بيدوا السى اس كيو للناس كلها تقريبا..

انا بصيت على الاحصائيات, و لقيت ان 4 بس فى 2009 هما اللى مأخدوش السى اس كيو.. من أصل حوالى 1000 شخص قدموا لكيبيك فى 2009..

متقارنش بين مقابلتك و بين مقابلة واحد صيدلى مثلا.. و حط فى اعتبارك انك واخد 12 نقطة و انتا حاطط رجل على رجل.. يعنى ناجح ناجح باذن الله..

انتا مطلوب و هو ده الاساس.. و هيختاروك حتى لو انتا مبتعرفش تتكلم فرنساوى غير حاجة بسيطة... يعنى مينفعش تقارن بينك و بين مقابلة حد تانى وظيفته مش فى الليستة..

كل الناس الكيميائيين اللى اعرفهم نجحوا لانهم مطلوبين و لانهم فى الليستة... و كيبيك عايزين أكبر عدد من الناس لان كندا بتغير فى قوانين الهجرة, و هما خايفين ان كندا تمنع كيبيك من برنامج اختيار المهاجرين, علشان كده بيقبلوا كل الناس..

والله العظيم لو رحت المقابلة حتى بمستوى تالت, برضه هتاخد السى اس كيو.. لانك كيميائى و مطلوب.. و الليستة هى الاساس..

و على فكرة.. الكيميائيين بيسرعوا اجرائاتهم و ليهم حاجة اسمها priority treatment فى السفارة و فى اجرائات الفيدرال.. (انا مراتى كيميائية و أخدنا السى اس كيو من غير مقابلة)... يعنى كل ورقك هيخلص بسرعة عن اى وظيفة تانية.

بالتوفيق باذن الله.

تم تعديل 28 يونيو 2010 بواسطة myusername

[اغابي]

مفيش حد يعرف يا جماعة

اذا كان فى تغيير فى ليثتة وظايف كيبك

زى ما حصل فى ليثتة وظايف فيدرال يوم 26/06 -

ولا لسة مفيش اخبار وشغالين بالليثتة القديمة ؟؟

اغابي

:happy:

[توتا عماد]

مفيش حد يعرف يا جماعة

اذا كان فى تغيير فى ليثتة وظايف كيبك

زى ما حصل فى ليثتة وظايف فيدرال يوم 26/06 -

ولا لسة مفيش اخبار وشغالين بالليثتة القديمة ؟؟

اغابي

:happy:

ربنا يستر يا اغابى الموضوع مش ناقص ، ياريت كلنا نعمل الانترفيو قبل اى تغيرات

[joo]

سلام للجميع

النهاردة جالى جواب بتحديد المقابلة

يوم 25/8 الساعة 8:30 فى سوريا

والجواب مبعوت من يوم 14/6 ولسة واصل النهاردة بعد 15 يوم (البريد المصرى)

المشكلة انا مش عارف ليه فى سوريا ومش فى مصر مع العلم ان ميشن مصر يبتدى 29/8 ودى حاجة هتجننى وكمان ليه اتبعتلى جواب مش ايميل

الظرف عبارة عن 6 ورقات بالفرنساوى وفيه الفيل نمبر وميعاد ومكان المقابلة (اتنين فى واحد)

وورقة تاكيد لميعاد المقابلة اما بالقبول او الرفض لو كان هناك سبب قهرى مع ذكر السبب ويجب ان يكون الرد خلال 30 يوم من تاريخ ارسال جواب المقابلة والا يتم رفض الطلب

وباقى الورق عبارة عن الاوراق المطلوبة تكون معاك ومين الاشخاص اللى مفروض تحضر الانترفيو وهل انت تحتاج مترجم ام لا

انا بصراحة محتار مش عارف ااجل المقابلة ولا اتكل على الله وادخل المقابلة لانى مش مستعد للسفر سوريا خالص دلوقتى وظروف الشغل وطفلى الصغير كلها مشاكل

انت ممكن تبعتلهم وتقول لهم انا عاوز المقابلة فى مصر وهما هيردو عليك وهيقولولك انتظر موعد أخر فى مصر فى شهر 0000

كتير اوى عملو كدة

[joo]

مالك ملوكة 9-2009

روك 9-2009

توتا عماد 9-2009

صموئيل 9-2009

هارفي حنا 11-2009

فرند 11-2009

كريم عبدو 12-2009

الفرنش ام 1-2010

ماتيوس 1-2010

دون كاملو 1-2010

محمد كيبك 2-2010

صيدلي كندي 2-2010

كيبك كندا 2-2010

الامين الشنقيطي 3-2010

جيجي 3-2010

روماني بيشاي 5-2010

10/2009 JOO

تم تعديل 28 يونيو 2010 بواسطة joo

[دون كاملو]

اذيكم يا جماعة اخباركم اية

مبروك للرحالة باشا .. مليون مبروك و يا رب للجميع

انا بعت ايميل للسفارة اسال على ميعاد و مكان المقابلة .. ردوا عليا بان عندهم مشكلة في نظام الكومبيوتر و لو عايز حاجة ابعتهلنا على الفاكس

انا بصراحة قلقان لاحسن يبعتوا ميعاد المقابلة بالبريد العادي بس من غير ما يبعتوا على الايميل و يضيع زي جواب فتح الملف ما ضاع و جبتة بالفاكس بعد ما طلعت عيني

و البركة بردة فى بوسطة عين شمس

و المفروض دلوقتي نكون عارفين مواعيد مقابلتنا علشان يدوب نظبط حالنا مصر مصر او سوريا سوريا اي حاجة بس نخلص

يلا مفيش قدامنا غير الوقوف في طابور المهاجرين و ربنا موجود :happy:

سلام

[dr gege]

مالك ملوكة 9-2009

روك 9-2009

توتا عماد 9-2009

صموئيل 9-2009

جو 10-2009

هارفي حنا 11-2009

فرند 11-2009

كريم عبدو 12-2009

الفرنش ام 1-2010

ماتيوس 1-2010

دون كاملو 1-2010

محمد كيبك 2-2010

صيدلي كندي 2-2010

كيبك كندا 2-2010

الامين الشنقيطي 3-2010

جيجي 3-2010

روماني بيشاي 5-2010 موعد الاتنرفيو 25/08