أنا دماغي ناشفة ولا يمكن أغير اللي في دماغي!!

[تامر السعدني]

يافندم شكرا على المداخلة الدسمة

أنا عارفة و أنا بأسأل أن 99% محدش حيجاوب إجابات واضحة

إما حيجاوبوا بقال الله وقال الرسول و يسردوا أحاديث مطولة بشرحها

دون إجابة محددة عن الأسئلة

أو مش حيجاوبوا أساسا

و طبعا لأن اللي سألت مش بس من العوام

لا و كمان امرأة

شكرا يا فندم على إحسان ظنك قبل السؤال وده طبعا يفسر الامر

وموضوع العوام والمرأة والرجل اللي حضرتك ذكرتيه على سبيل السخرية

اولا باشكر لحضرتك يا فندم اسلوب السخرية ده

واحب افكر حضرتك ان حصل نقاشات بيني وبين حضرتك في امور مختلفة ورديت على حضرتك في حاجات كتير

بالعكس

انا فتحت موضوع مخصوص علشان نقطة حضرتك ذكرتيها وكان هدفي مساعدة حضرتك

عامة اشكرك جدا يا فندم

وربنا يبارك في حضرتك

ولو حضرتك التمستي عذر في عدم الرد كان يبقى افضل

[عنبو]

أحمد سيف مشاركة بتاريخ أمس, 07:39 PM

حضرتك جبت أوضح مثال ممكن لحد شرعي مذكور صراحة في القرآن وهو جلد الزاني ... طبعا الأحكام من النوعية دي ليس عليها خلاف ... المشكلة تحدث عندما توجد تفسيرات متعددة وآراء فقهية مختلفة في المسألة الواحدة ويراد تمرير رأي فقهي معين واعتماده كجزء من الشريعة الواجبة التطبيق واتهام من يعارض ذلك بأنه ضد تطبيق الشريعة ... حاجه كده زي حلق اللحية وارتداء النقاب والتعليم في الخارج تعددت فيها الاجتهادات والتفسيرات ... ولكن البعض يريد اعتماد الرأي الذي يتبناه كجزء من ال package التي يقدمها والتي اسمها تطبيق الشريعة ... والتي عليك أن تقبلها أو تقبلها (لأنه ليس لديك حق الرفض) بلا مناقشة ... وصدقني إذا اعتمدنا تطبيق الشريعة بدون الاتفاق على فحواها فستجد العجب العجاب يمرر تحت اسم الشريعة والحكم الإسلامي والنموذج الواضح لدينا في أفغانستان ... عندما تم تطبيق ما يدّعون أنه الشريعة صدرت القوانين التي تلزم المرأة بأن تجلس القرفصاء إذا رأت رجلا يمر بالطريق والتي حددت طول معين للحية الرجل لا يجوز أن تقل عنه والتي أمرت بإغلاق مدارس البنات.

يابشمهندس احمد دول ناس مش بطبقوا الشريعه الاسلاميه دول ناس بيستعبطوا

بص يابشمهندس احمد فيه قاعده بتقول ايه

الاصل فى الاشياء حلها ما لم يرد نص يحرمها

طيب فيه حاجات حرمت بشروط يبقى نعمل ايه هنرعى الشروط دى علشان تبقى حلال يعنى من الاخر هنطوع الدينا للدين وليس العكس

يعنى هنعلم البنات ولكن بدون اختلاط

وفيه اشياء الى متتعلقش مبضرش المصلحه العامه يعنى ايه ؟؟

اما بالنسبه لحلق اللحيه اساساً موضوع اللحيه فيه اختلاف بين العلماء ومنهم من يرى انه سنه مؤكده يأثم تاركها ومنهم من يرى انها سنه نايهيك اساساً ان مافيش حكم فى الاسلام لحالق اللحيه

بالنسبه لموضوع النقاب اجماع العلماء قال انه نافله وليس بفرض ولكن الفرض هو الحجاب

يابشمهندس احمد بالنسبه للعبادات عموماً الاصل فى الاسلام الدعوه بالموعظة الحسنه يعنى صدقنى اذا تم وضع أليه لتنفيذ الشريعه وتم حساب كل كبيره وصغيره عمر ما هيبقى فيه خلل لانها من عند الله

بس المشكله ان فيه ناس بتطبق الشريعه غلط

أنا ذكرت قبل ذلك أن هناك فرقا بين الوجوب والإلزام ... الله سبحانه أوجب علينا امورا نفعلها ولكننا أحرار في أن نلتزم بها أو لا وسيحاسبنا في النهاية على ذلك ... نحن في الدنيا في دار الاختبار ... وأثناء الاختبار اكتب ما يحلو لك في الورقة وستحصل على النتيجة التي تستحقها في النهاية ... ما ينفعش في نص الامتحان ألاقي طالب بيكتب إجابه غلط أقوم واخذ ورقته ومقطعها وطارده بره اللجنه ... الإنسان مخيّر فيما يفعله ويقوله في الدنيا ولا يجوز أن نحجر على إرادة الناس وحريتهم حتى لو كانوا يسيرون في الاتجاه الخاطئ

يابشمهندس احمد انت حر فيما يخصك وفيما تتحمل انت نتائجه ولكن عندما يتعلق الامر بالمجتمع كله فلا مافيش حاجه اسمها انا حر

يعنى انت مثلاً كمثال مش عاوز تصلى انت حر اصل دى حاجه بينك وبين ربنا بس وقت الصلاه متنزلش الشارع ليه لان معنى نزولك للشارع كده هيبقى حاجه تانيه ليه هنقولك انت ليه مبتصليش هتقول انا مسلم طيب وهنعيد عليك نفس الموضوع

طيب افرض انت عاوز تشرب خمره انت حر كدوله هنمنع دخول الخمره الى داخل البلاد ولكن طبعاً اكدي هتدخل مهو مش الناس كلهم ملائكه هنقلك اشرب فى بيتك ومتطلعش بره لان بيتك ده انت حر فيه ودى برده حاجه بينك وبين ربنا لكن اذا نزلت الشارع هيبقى مجاهره بالمعصيه وهيبقى كمان فيه ضرر على المجمتع

انت حر تكتب الى انت عاوزه فى ورقة اجابتك انت لكنش ملكش دعوه بورقة ايجابة الناس الثانيه يعنى الحاجات الى تخصك انت حر فيها لكن الى تخص المجتمع فلا ثم بالنسبه حتى للمثال الى حضرتك ذكرته كده حضرتك بتلغى موضوع نصيحة المسلم لاخيه المسلم الى هى اساساً حق من حقوق المسلم على اخيه المسلم يعنى انا اذا شفتم بتعمل حاجه غلط واجب عليا ان انصحك

وخد بالك يابشمهندس انا بتكلم على ان المجتمع مسلم يعنى موافق على تطيبق الشريعه انا مفرضتش على حد انه يدخل الاسلام بس لو هتدخل فيه واحد اتنين تلاته دى من عند ربنا وليس من عندى

لابد أن نعترف يا باشمهندس إن في حاجه اسمها المؤمن العاصي ... وكلنا عصاة بدرجة أو بأخرى ... يعني كلنا نرتكب معاصي ونحن نعرف أنها محرمة ... هل ممكن تقولي مثلا أنك لم تكذب في حياتك ولو كذبه صغيره وأنت تعرف أن الكذب حرام أو لم تغتب أحدا وأنت تعرف أن الغيبة من الكبائر ... هل يعني ذلك أنك ما بتطبقش شرع الله في حياتك رغم معرفتك به وتستحق عقوبة المرتد ... طيب ما اللي مش عاوز يطبق الشريعة يبقى ذنبه أقل منك لأنه لم ينتهكها فعلا بل مجرد قال أنه لا يريد تطبيقها ... حضرتك زي اللي كسر الإشاره الحمرا وهوا عامل زي اللي بيعترض على قانون الحزام ويمكن يكون في حياته ما ركبش عربية

اولاً الى بينك وبين ربنا انا ماليش علاقه فيه انا ليا فقط اعاملك على الى ظاهر

ثم دلوقتى حضرتك بتتكلم عن اخلاقيات وليس حدود الله يعنى ايه ؟

المسؤل عن الاخلاقيات ياخ احمد هو البيت والمدرسه والمسجد .الخ وليس الدوله يعنى الدوله مش هتيجى تعمل قانون للغيبه والا هتبقى مشكله ولكن

انظر الى الاسلام كيف عالج موضوع الغيبه عالج الموضوع بالتخويف والترهيب من ذلك الفعل وفى الاخر واتقوا الله

{ يَا أَيُّهَا الَّذِينَ آمَنُوا اجْتَنِبُوا كثيراً مِنَ الظَّنِّ إِنَّ بَعْضَ الظَّنِّ إِثْمٌ وَلا تَجَسَّسُوا وَلا يَغْتَبْ بَعْضُكُمْ بَعْضاً أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتاً فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَحِيمٌ }.

وخد بالك الاسلام لازم يتاخد كله يعنى تربيه واحكام ونواهى وكل شىء فيه والا اذا خدنا جزء وتركنا حزء هيحصل خلل

يعنى مجيش احرم الزنا واشدد عليه وفى نفس الوقت اعسر الزواج كده انا لخطبت الدنيا لازم يكون فيه مجتمع اسلامى علشان نطبق الشريعه الاسلاميه

طبعا كل ده بافتراض إننا اتفقنا الأول ايه هوا المقصود ب"شرع الله" وبعد ما وصلنا لإجماع عليه وجينا نطبقة طلع واحد وقال أنا مؤمن بربنا وعارف إن الشرع ده من عنده بس عاصي ومش عايز أطبقه

بالنسبه يابشمهندس احمد انت حر فيما بينك وبين ربنا لانه هو الى هيحاسبك عليه لكن فيما بينك وبين المجتمع فلا يعنى اذا كان المجتمع مسلم ويدين بالاسلام اذا كان واجباً على المجتمع ان يطبق شرع الله الذى انزله فى كتابه طيب افرض طلع واحد مسلم بس مخربط وقال لا انا مش عاوز يطبق عليا الشريعه الاسلاميه هنقوله والله انت المفروض بتعيش فى بلد مسمله والبلد دى من قانونها انها بتطبق الشريعه الاسلاميه لاما تقعد ويطبق عليك الشريعه لاما مع السلامه

إنما أن نتهم من لا يوافق على فهم معين للشريعة بأنه يرفض تطبيقها وأنه مرتد لأنه يريد ان يناقش ويختار التفسير الذي هو مقتنع به ... فهذا - واسمح لي - تجاوز وتعنت

لا ياسيدى هات اى حاجه انت شايف ان احنا فاهمين حاجه وان المقصود بيها حاجه تانيه ونتناقش فيها

مافيش مشكله خالص

على فكره في كندا لو قلت لهم إنك عايز تطبق الشريعة الإسلامية هيقولولك مافيش مشكله ... رشح نفسك في الانتخابات واقنع الناس بأفكارك ولو نجحت وبقيت نائب اطرح الفكرة اللي انت عايزها للتصويت في البرلمان ولو عدت هتبقى قانون ... شفت الدنيا سهلة عندهم ازاي واحنا معقدينها على نفسنا وبنقول لازم وغصبن عن الناس مع إنك لو سبتهم يختاروا هتوصل لنفس النتيجة بمجهود أقل.

لا مش سهله ولا حاجه يعنى انت عاوز تقنع ناس مش مسلمين اساساً بتطبيق شرع الله طيب الاولى نقنع المسلمين

على فكره انت مفهمتش قصدى من المثال انا قصد لو انت عملت هناك مشكله ينفع تقولهم لا انا عاوز يبطق عليا قانون اسلامى اكيد طبعاً هيقولوا ليك لا لازم يطبق عليك قانون البلد

على فكره ده راى الدين فى تارك الصلاه عمداً متعمداً

قال صلى الله عليه وسلم

بين العبد والكفر – أو الشرك - ترك الصلاة

الراوي: جابر المحدث: أبو نعيم - المصدر: حلية الأولياء - الصفحة أو الرقم: 8/282

خلاصة الدرجة: صحيح ثابت

من ترك الصلاة فقد كفر ومن أبق من مواليه فقد كفر وقال في النساء رأيتكن أكثر أهل النار بكفران الإحسان والعشير

الراوي: - المحدث: ابن العربي - المصدر: عارضة الأحوذي - الصفحة أو الرقم: 6/84

خلاصة الدرجة: صحيح

من ترك الصلاة تعمدا فقد كفر جهارا

الراوي: أنس بن مالك المحدث: السخاوي - المصدر: الأجوبة المرضية - الصفحة أو الرقم: 1/84

خلاصة الدرجة: إسناده لا بأس به

طبعاً فى احاديث كثيره جداً فى حكم تارك الصلاه

والائمه الاربعه الامام مالك والشافعى واحمد بن حنبل قالوا تارك الصلاه عامداً متعمداً بدون عذر يعامل معاملة المرتد ويقتل

اما الامام باو حنيفه فقال فاسق ولا يقتل

والراجح عند اهل العلم ان يُقتل

وشكراً

[عبير يونس]

يافندم شكرا على المداخلة الدسمة

أنا عارفة و أنا بأسأل أن 99% محدش حيجاوب إجابات واضحة

إما حيجاوبوا بقال الله وقال الرسول و يسردوا أحاديث مطولة بشرحها

دون إجابة محددة عن الأسئلة

أو مش حيجاوبوا أساسا

و طبعا لأن اللي سألت مش بس من العوام

لا و كمان امرأة

:blink:

شكرا يا فندم على إحسان ظنك قبل السؤال وده طبعا يفسر الامر

وموضوع العوام والمرأة والرجل اللي حضرتك ذكرتيه على سبيل السخرية

اولا باشكر لحضرتك يا فندم اسلوب السخرية ده

واحب افكر حضرتك ان حصل نقاشات بيني وبين حضرتك في امور مختلفة ورديت على حضرتك في حاجات كتير

بالعكس

انا فتحت موضوع مخصوص علشان نقطة حضرتك ذكرتيها وكان هدفي مساعدة حضرتك

عامة اشكرك جدا يا فندم

وربنا يبارك في حضرتك

ولو حضرتك التمستي عذر في عدم الرد كان يبقى افضل

أولا يا أستاذ تامر

أنا لم أحدد حضرتك بالكلام

و لا أقصد أي سخرية لشخص حضرتك

أنا باتكلم على تيار بحاله

مش أشخاص

ثانيا: ده مش سوء ظن

ده يقين يافندم

أنا بأتعامل مع أصحاب هذا التيار من سنوات طويلة

و ما أكثرالنقاشات التي خضتها على الحقيقة و وجها لوجه مع أصحابها

و ليس فقط من خلال المنتديات

و عارفة الرد كويس

و عارفة الأساليب من أصحابها

لأني كنت شديدة الالتصاق بأصحاب هذه التيارات بحكم القرابة

و الزمالة

حضرتك بلا شك بتبذل مجهود غير طبيعي

و بتحاول تتواصل بطرق مختلفة تناسب من تحدثهم

و ده شيء واضح جدا

بس للأسف كل الأساليب الجميلة دي

و اللي ان شاء الله تكتب في ميزان حسناتك

برضه بتتكلم في النقاط إياها بتاعة كل اللي ينتمون للتيارالسلفي

تحريم الغناء

النقاب

اللحية

حقوق الزوج

وتعدد الزوجات

مع أن بداية حضرتك في التركيز على محبة الله أولا

ثم بالتبعية سيكون الانصياع لأوامره واجتناب نواهيه

هو أسلوب بلا شك ممتاز

و لكن الهدف هو نفسه يا أخي الفاضل

و حضرتك مع أول استفزاز

رجعت على طول لنفس الأسلوب الأولاني و ده كان واضح جدا في رد حضرتك على الأخت الفاضلة لولا في موضوع من هي السعيدة

اللي يشتغل في الدعوة لازم يكون عنده صبر

لحد ما يوصل رسالته

صدقني والله

أنا متأكدة من حسن نواياك

و إنك بجد عايز لنا الخير

و أكيد ربنا سبحانه وتعالى حيكافئك على ذلك

يا أستاذي أنا يمكن أكون أكبر من حضرتك سنا

و بقالي سنوات طويلة

مع أصحاب هذا التيار

صدقني مفيش غير همة الخمس حاجات دول اللي بتدورحواليهم الدعوة السلفية

مع إهمال تام للمعاملات و الأخلاق

و كأن اللي بيعمل الحاجات دي بس هو اللي بيخش الجنة بغض النظر عن أي شيء آخر

على فكرة أنا مش رافضة أن الحاجات يقصد بها التقرب إلى الله تعالى

أنا بس رافضة تماما إنها تكون محور و جوهر الإسلام

لمرة ثانية أؤكد أن الموضوع لا يمس حضرتك شخصيا لا من قريب ولا من بعيد

و لا يمس أيضا السلف الصالح

هو يتعلق بمن يأخذون أقوال من ينسبون أنفسهم إلى طريق السلف الصالح

و على فكرة

" علموهن الغزل و لا تعلموهن الكتابة"

حديث موضوع

و لا علاقة له أصلا بالسلف الصالح

و لكن هناك الكثيرون من أصحاب تلك التيارات يستشهدون به

و يخلطون الأوراق

بأن تعليم المرأة هو من أسباب الانحلال الرئيسية

و هذا ليس افتراء

بل هو من لسان أحد مشايخ السلفية المعروفين

لإحدى صديقاتي بأن تتقي الله و لا تكمل الدراسة الجامعية

طبعا هذا مجرد تيار من التيارات العديدة الذين يسمون أنفسهم بالسلفية

و السلف الصالح منهم براء

تحياتي

[تامر السعدني]

اذا تم وضع أليه لتنفيذ الشريعه وتم حساب كل كبيره وصغيره عمر ما هيبقى فيه خلل لانها من عند الله

يابشمهندس احمد انت حر فيما يخصك وفيما تتحمل انت نتائجه ولكن عندما يتعلق الامر بالمجتمع كله فلا مافيش حاجه اسمها انا حر

...

وخد بالك يابشمهندس انا بتكلم على ان المجتمع مسلم يعنى موافق على تطيبق الشريعه انا مفرضتش على حد انه يدخل الاسلام بس لو هتدخل فيه واحد اتنين تلاته دى من عند ربنا وليس من عندى

وخد بالك الاسلام لازم يتاخد كله يعنى تربيه واحكام ونواهى وكل شىء فيه والا اذا خدنا جزء وتركنا حزء هيحصل خلل

اتفق مع الفاضل الاخ الحبيب محمد في ما ذكر

وبرضو العزومة قائمة : )

[عبير يونس]

أستاذ تامر

أنا حألتمس لحضرتك العذر في إنك رديت على الأخ العنبي ولم ترد على مداخلتي

واديني مستنية إجابات واضحة على الأسئلة

وأهي الأسئلة مرة تانية

كيف نحل هذه المشاكل

1- كيف يتم توحيد المفاهيم

مع الأخذ في الاعتبار اختلاف أهل التيار الواحد!!!

2- هل سيكون التطبيق إجباري

كنماذج السعودية وإيران وأفغانستان مثلا؟؟؟

3- و هو الأهم

من سيقوم بالتطبيق

أي تيار؟؟

إخوان

سلفية

و لو قلنا السلفية كما تريدون

من من السلفية

و أنتم للأسف غير متفقين مع بعضكم؟؟

وبما إن حضرتك أعلنت في موضوع التيار السلفي

أن حضرتك تتبع للسلفية البرهامية في الأسكندرية

فممكن حضرتك تجاوب على السؤال

الثاني فقط

لأن أكيد حضرتك شايف إن مفهوم جماعة الشيخ البرهامي هي الصح

وهي أكيد اللي حتقوم بطبيق الشريعة

السؤال الآن

كيف يمكن تطبيق الشريعة بحسب منهجكم في مصر

؟كيف ستقيمون الحدود مثلا

؟وكيف ستأمرون بالمعروف وتنهون عن المنكر

[أحمد سيف]

الفاضل محمد العنبي ... شكرا على المداخلة الدسمة اللي كل سطر فيها لوحده عايز رد منفرد ... لكن أوعدك هحاول أختصر على قد ما أقدر

حضرتك بتقول

يابشمهندس احمد دول ناس مش بطبقوا الشريعه الاسلاميه دول ناس بيستعبطوا

يا ترى هل ده رأي حضرتك ولا رأي السلفيين كلهم ؟ يعني حضرتك ممكن تضمن لنا إن الشريعة لو طبقت لن نصل الى هذا الوضع؟

يابشمهندس احمد بالنسبه للعبادات عموماً الاصل فى الاسلام الدعوه بالموعظة الحسنه يعنى صدقنى اذا تم وضع أليه لتنفيذ الشريعه وتم حساب كل كبيره وصغيره عمر ما هيبقى فيه خلل لانها من عند الله

يبقى احنا جميعا متفقين أن ما هو من عند الله ليس فيه خلل ... لكن هل الآلية التي يضعها البشر معصومة من الخطأ أيضا؟ آدي الإجابة

بس المشكله ان فيه ناس بتطبق الشريعه غلط

طيب نعمل ايه علشان الناس اللي بتطبق الشريعة غلط مش هيا اللي تحكمنا وتضع لنا القوانين ... مش الأحسن تكون عندنا طريقة تسمح للناس - المسلمين برضه - بمراقبة آلية تطبيق الشريعة وتصحيح الأخطاء أول بأول ... الآلية دي - حسب رأيي - هيا الديموقراطية

يابشمهندس احمد انت حر فيما يخصك وفيما تتحمل انت نتائجه ولكن عندما يتعلق الامر بالمجتمع كله فلا مافيش حاجه اسمها انا حر

يعنى انت مثلاً كمثال مش عاوز تصلى انت حر اصل دى حاجه بينك وبين ربنا بس وقت الصلاه متنزلش الشارع ليه لان معنى نزولك للشارع كده هيبقى حاجه تانيه ليه هنقولك انت ليه مبتصليش هتقول انا مسلم طيب وهنعيد عليك نفس الموضوع

ما دمنا بنتكلم بالدليل والحجة يا ريت حضرتك تدعم الكلام اللي بتقوله ده ببعض الآيات والأحاديث ... يعني هات لي دليل مثلا إن الرسول صلى الله عليه وسلم كان بيقف أمام المسجد ويمسك اللي معدي وما دخلش يصلي ويعاقبه أو إنه أعدم واحد مش بيصلي ... من جانبي سأدعوك لقراءة أية من سورة الجمعة علشان أوريك إن الموضوع على أيام الرسول كان أبسط من كده بكثير ...

يقول تعالى في كتابه العزيز

((يَا أَيُّهَا الَّذِينَ آمَنُوا إِذَا نُودِي لِلصَّلَاةِ مِن يَوْمِ الْجُمُعَةِ فَاسْعَوْا إِلَى ذِكْرِ اللَّهِ وَذَرُوا الْبَيْعَ ذَلِكُمْ خَيْرٌ لَّكُمْ إِن كُنتُمْ تَعْلَمُونَ)) الجمعة -9

يعني الناس كانت بتبيع وتشتري ساعة صلاة الجمعة لحد ما الآية دي نزلت والرسول عليه الصلاة والسلام لا راح قفلهم محلاتهم ولا ولّع فيها ولا أقام عليهم الحد ... وخلي بالك الآية نازلة في صلاة واحدة وهي صلاة الجمعة مش في كل الصلوات يعني اللي بيعملوه عندك من إغلاق للمحلات وقت الصلاة يتجاوز ما جاء في الآية الكريمة

وبعدين أنا مش فاهم ايه الضرر اللي هيقع على المجتمع لما واحد ما بيصليش ... قولي حضرتك شخصيا ايه اللي يضرك لو جارك ماراحش المسجد صلى وايه اللي هيفيدك لو راح ... أنا لازلت شايف إن العبادات دي حاجه بين العبد وبين ربنا إلا إذا كان لها أغراض دنيوية ثانية تؤثر في المجتمع فياريت حضرتك تشرح لي الأغراض الدنيوية للعبادات التي تجعل من لايؤديها معتدي على حق المجتمع

انت حر تكتب الى انت عاوزه فى ورقة اجابتك انت لكنش ملكش دعوه بورقة ايجابة الناس الثانيه يعنى الحاجات الى تخصك انت حر فيها لكن الى تخص المجتمع فلا ثم بالنسبه حتى للمثال الى حضرتك ذكرته كده حضرتك بتلغى موضوع نصيحة المسلم لاخيه المسلم الى هى اساساً حق من حقوق المسلم على اخيه المسلم يعنى انا اذا شفتم بتعمل حاجه غلط واجب عليا ان انصحك

أنا مش فاهم حضرتك عاوز تنصح ولا عاوز تعاقب وتقيم الحد ... النصيحة حق لك وقبولها أو رفضها حق للطرف الآخر ... ما ينفعش تبقى نصيحة لو قلت لمن تنصحه يا إما تاخذ بيها يا إما هنموتك

معليش يا عم محمد بس أنا شايف اللي بتقول عليه سيؤدي في النهاية أن يكون لدينا شعب من المنافقين (يعني احنا ناقصين !!) ... داخل بيته يعمل كل الموبقات والمعاصي ويخرج بره يبقى عم الشيخ اللي بيصلي الخمس فروض في الجامع ... وهنروح بعيد ليه ما تشوف جيرانا بيعملوا ايه ... انت طبعا بتشوف وجه التدين و"الإلتزام" لإنهم تحت المراقبة عندك... لكن تعالا عندي البحرين أو دبي وأنا أوريك الوجه الثاني لهم.

ثم دلوقتى حضرتك بتتكلم عن اخلاقيات وليس حدود الله يعنى ايه ؟

المسؤل عن الاخلاقيات ياخ احمد هو البيت والمدرسه والمسجد .الخ وليس الدوله يعنى الدوله مش هتيجى تعمل قانون للغيبه والا هتبقى مشكله

إذا كان معنى تطبيق الشريعة عندك يا هندسة هو إقامة الحدود الشرعية الواردة في الكتاب والسنة يبقى الموضوع منتهي لإننا متفقون في هذه الناحية ... أما إذا كنت تقصد بتطبيق الشريعة وضع القوانين التي تجبر الشعب على إظهار التدين أو حتى إجباره على التدين الفعلي ومراعاة الحلال والحرام فلازلت لا أفهم لماذا يجب أن نسن قانون لمعاقبة من لا ترتدي الحجاب ولا نسن قانون لمعاقبة من يكذب (والاثنين مافيهومش حد شرعي) ... مع أن الكذب من الكبائر كما هو متفق عليه ... ومع أن تأثير الكذب على المجتمع قد يكون أكبر من تأثير عدم ارتداء الحجاب (لو تجاوزنا عن نقطة إلزامية الحجاب التي ذكرتها في مداخلتك ولا أوافقك عليها).

بالنسبه يابشمهندس احمد انت حر فيما بينك وبين ربنا لانه هو الى هيحاسبك عليه لكن فيما بينك وبين المجتمع فلا يعنى اذا كان المجتمع مسلم ويدين بالاسلام اذا كان واجباً على المجتمع ان يطبق شرع الله الذى انزله فى كتابه طيب افرض طلع واحد مسلم بس مخربط وقال لا انا مش عاوز يطبق عليا الشريعه الاسلاميه هنقوله والله انت المفروض بتعيش فى بلد مسمله والبلد دى من قانونها انها بتطبق الشريعه الاسلاميه لاما تقعد ويطبق عليك الشريعه لاما مع السلامه

لا ماعنديش تعليق محدد على النقطة دي لإني غطيتها في مكان آخر ... بس عجبتني كلمة مخربط ... والأهم يا هندسه إدتني clue على الـ reference اللي بتستخدمه

على فكره انت مفهمتش قصدى من المثال انا قصد لو انت عملت هناك مشكله ينفع تقولهم لا انا عاوز يبطق عليا قانون اسلامى اكيد طبعاً هيقولوا ليك لا لازم يطبق عليك قانون البلد

أيوه هيطبق عليا قانون البلد ... لكن هياخذوا رأيي في القانون وليا حق أسعى لتغييره وفيه إمكانية لذلك (حتى لو كانت صغيرة) ... والأهم إني في ظل قانونهم ممكن أمارس حريتي الدينية كاملة بدون تدخل من الدولة يبقى هعترض ليه... إنما في الوضع اللي حضرتك بتقول عليه حتى لو الأغلبية مش عاجبها القانون اللي الحاكم معتبره القانون "الإسلامي" وفارضه عليهم مش هتقدر تغيره

على فكره بريطانيا سمحت للمحاكم باعتماد أحكام الشريعة الإسلامية في القضايا المعروضة عليها إذا وافق الطرفان على ذلك ... يعني الناس مش متصلبين زي ما حضرتك فاهم وبيراعوا الخصوصيات الثقافية والدينية لمواطنيهم ... في حدود طبعا وبما لا يتعارض مع المبادئ العامة للدولة.

وشكرا

[عبير يونس]

عاوزة أسأل سؤال برئ جدا

كيف نطالب بإقامة دولة دينية

ونحن نعيب على اسرائيل

إقامتها الدولة اليهودية

أريد إجابة لا تحتوي على أن الإسلام هو الدين الصحيح

لأني أكيد كمسلمة عارفة ده

يعني نقسم العالم لدولة إسلامية ودولة مسيحية ودولة يهودية

وأخرى بوذية وأخرى هندوسية

ونلغي الأعراق والأجناس تماما

ويكون الانتماء ديني بحت

والهوية دينية فقط

وطبعا بعد أن تكون دولتنا كمسلمين ليس فيها غير مسلم

نبدأ بتطبيق الشريعة

ونتقوقع وننعزل عن العالم تماما

ونسمي كل من هوخارج دولتنا

كفار

وطبعا حنلغي كل اللغات التانية

ونتعلم كلنا -عرب وغير عرب- اللغة العربية اجباري

هل هذا هو المطلوب؟

أريد تصورا للدولة الإسلامية

تم تعديل 18 نوفمبر 2009 بواسطة مصرية متغربة

[عنبو]

اخويا المهندس احمد سيف

يا ترى هل ده رأي حضرتك ولا رأي السلفيين كلهم ؟ يعني حضرتك ممكن تضمن لنا إن الشريعة لو طبقت لن نصل الى هذا الوضع؟

يأخ احمد الله يكرمك انا لا انتمى الى الجماعه السلفيه والله لو كنت انتمى لكنت قولت هنا وبناءً عليه انا بتكلم هنا بأسمى فقط لا غير وليس بأسم اى جماعه او تيار

اما بالنسبه لاستفسارك بص يأخ احمد موضوع تطبيق الشريعه الاسلاميه ليس بالامر الهين مثل ما الناس فاهمين ولازم يكون فيه ناس متخصصه هى من تقوم على ذلك ويجب ان يتم مراعى كل شىء وعمل حساب لكل شىء لا نترك الامور للظروف وكذلك ايضاً حتى لا نصل لدرجة الغلو فى الدين او ان الحاكم يستغل الحكم الاسلامى على كيفه

وخد بالك الموضوع ده ممكن يحصل مع اى قانون

وخد بالك ايضاً احنا بنطبق الشريعه الاسلاميه ليس علشان هى الاصح للدنيا والاخره فقط ولكن لانها امر من ربنا علينا

قال تعالى: فَإًن تَنَازَعْتُمْ فًي شَيْء فَرُدُّوهُ إًلَى اللّهً وَالرَّسُولً إًن كُنتُمْ تُؤْمًنُونَ بًاللّهً وَالْيَوْمً الآخًرً ذَلًكَ خَيْر وَأَحْسَنُ تَأْوًيلاً [النساءـ 59].

قال تعالى: أَلَمْ تَرَ إًلَى الَّذًينَ يَزْعُمُونَ أَنَّهُمْ آمَنُواْ بًمَا أُنزًلَ إًلَيْكَ وَمَا أُنزًلَ مًن قَبْلًكَ يُرًيدُونَ أَن يَتَحَاكَمُواْ إًلَى الطَّاغُوتً وَقَدْ أُمًرُواْ أَن يَكْفُرُواْ بًهً [النساءـ 60]

يبقى احنا جميعا متفقين أن ما هو من عند الله ليس فيه خلل ... لكن هل الآلية التي يضعها البشر معصومة من الخطأ أيضا؟

الخطأ كده ياهندسه هيبقى فى التنفيذ وليس فى الاصل كأن مثلاً اعطيتك سياره وقولتك لو جيت تسوقها لازم تعمل 1و2و3 جيت انت مسمعتش كلامى ورحت عامل حادثه "" بعد الشر طبعاً "" يبقى هل العيب فى السياره ولا العيب فى مين ؟؟

طيب نعمل ايه علشان الناس اللي بتطبق الشريعة غلط مش هيا اللي تحكمنا وتضع لنا القوانين ... مش الأحسن تكون عندنا طريقة تسمح للناس - المسلمين برضه - بمراقبة آلية تطبيق الشريعة وتصحيح الأخطاء أول بأول ... الآلية دي - حسب رأيي - هيا الديموقراطية

انا يأخ احمد مش مختلف على الديمقراطيه اختلافى فقط هو تطبيقها فى ظل الجهل لكن علم الناس واعطيهم اساسيات الحياه وبعدين ياسيدى ابقى خد رأيهم واظن ان ده من العدل ولا انت ايه رأيك ؟؟

يعنى ينفع اكون حاطط مسدس على رأسك وقولك اقولى رأيك فيا بصراحه ؟؟ وقول انا كده بنفذ الديمقراطيه ؟؟

((يَا أَيُّهَا الَّذِينَ آمَنُوا إِذَا نُودِي لِلصَّلَاةِ مِن يَوْمِ الْجُمُعَةِ فَاسْعَوْا إِلَى ذِكْرِ اللَّهِ وَذَرُوا الْبَيْعَ ذَلِكُمْ خَيْرٌ لَّكُمْ إِن كُنتُمْ تَعْلَمُونَ)) الجمعة -9

يعني الناس كانت بتبيع وتشتري ساعة صلاة الجمعة لحد ما الآية دي نزلت والرسول عليه الصلاة والسلام لا راح قفلهم محلاتهم ولا ولّع فيها ولا أقام عليهم الحد

يابشمهندس احمد طيب ما الناس كانوا بيشربوا خمره ولما نزلت الايه تحرم الخمره بطلوا يشربوها وكذلك الايه الى حضرتك ذكرتها الناس كانت بتبيع وقت الصلاه ولما نزلت الايه بطلوا يبيعوا وقت الصلاه

وخلي بالك الآية نازلة في صلاة واحدة وهي صلاة الجمعة مش في كل الصلوات يعني اللي بيعملوه عندك من إغلاق للمحلات وقت الصلاة يتجاوز ما جاء في الآية الكريمة

لا تجاوز ولا حاجه ياخ احمد طيب تقول ايه بقى فى

قال الله تعالى { فَإِذَا قَضَيْتُمُ الصَّلَاةَ فَاذْكُرُوا اللَّهَ قِيَامًا وَقُعُودًا وَعَلَى جُنُوبِكُمْ فَإِذَا اطْمَأْنَنْتُمْ فَأَقِيمُوا الصَّلَاةَ إِنَّ الصَّلَاةَ كَانَتْ عَلَى الْمُؤْمِنِينَ كِتَابًا مَوْقُوتًا (103)}( القرآن العظيم ، النساء ) .

وقال تعالى { رِجَالٌ لَا تُلْهِيهِمْ تِجَارَةٌ وَلَا بَيْعٌ عَنْ ذِكْرِ اللَّهِ وَإِقَامِ الصَّلَاةِ وَإِيتَاءِ الزَّكَاةِ يَخَافُونَ يَوْمًا تَتَقَلَّبُ فِيهِ الْقُلُوبُ وَالْأَبْصَارُ (37) لِيَجْزِيَهُمُ اللَّهُ أَحْسَنَ مَا عَمِلُوا وَيَزِيدَهُمْ مِنْ فَضْلِهِ وَاللَّهُ يَرْزُقُ مَنْ يَشَاءُ بِغَيْرِ حِسَابٍ (38) }( القرآن الحكيم ، النور ) .

وبجد يمكن الى منظم الحياه هنا شويه هو الحكايه دى وياااااااريت نطبق الموضوع ده فى مصر بجد هتشعر بالفرق انا اول لما جيت بينى وبينك كنت مستغرب قوى الموضوع ده وكان بيعملى شويه لعبكه "" حلوه لعبكه دى "

بس بجد لما اتعودت عليها لقيتها جميله واحسن حاجه ان الواحد لما بتكون مشغول جداً فى الشغل والدنيا واخداك تلاقى الصلاه جت تقوم تصلى يعنى كأنه انذار بيقولك خد بالك فيه ربنا الى انت كنت بتصلى له دلوقتى

وبعدين أنا مش فاهم ايه الضرر اللي هيقع على المجتمع لما واحد ما بيصليش ... قولي حضرتك شخصيا ايه اللي يضرك لو جارك ماراحش المسجد صلى وايه اللي هيفيدك لو راح ... أنا لازلت شايف إن العبادات دي حاجه بين العبد وبين ربنا إلا إذا كان لها أغراض دنيوية ثانية تؤثر في المجتمع فياريت حضرتك تشرح لي الأغراض الدنيوية للعبادات التي تجعل من لايؤديها معتدي على حق المجتمع

يأخ احمد انا قولت الى مش عاوز يصلى يقعد فى بيته وميرحش يصلى وقولت كمان الحاجات الى بينك وبين ربنا انت حر فيها لكن الى تخص المجتمع لا وبالنسبه لموضوع تارك الصلاه جه انا جبت حضرتك احاديث بتقول تارك الصلاه كافر وخارج عن المله

وفيه علماء قالوا يقام عليه الحد وفيه ناس قالوا فاسق فقط وده كله انا ذكرته فى المداخله الى فاتت

أنا مش فاهم حضرتك عاوز تنصح ولا عاوز تعاقب وتقيم الحد ... النصيحة حق لك وقبولها أو رفضها حق للطرف الآخر ... ما ينفعش تبقى نصيحة لو قلت لمن تنصحه يا إما تاخذ بيها يا إما هنموتك

هو حد كان فرض رأيه ياعم احمد على حد انا نصحتك مثلاً ان انت تصلى وخلاص عاوز تصلى اوك مش عاوز انت حر بس الشريعه الاسلاميه بتقول تارك الصلاه كافر ويجب اقامة عليه الحد لو كان ناكر للصلاه كفرض من فروض الاسلام اما لو مقصر فيجب نصحه

[عنبو]

معليش يا عم محمد بس أنا شايف اللي بتقول عليه سيؤدي في النهاية أن يكون لدينا شعب من المنافقين (يعني احنا ناقصين !!) ... داخل بيته يعمل كل الموبقات والمعاصي ويخرج بره يبقى عم الشيخ اللي بيصلي الخمس فروض في الجامع ... وهنروح بعيد ليه ما تشوف جيرانا بيعملوا ايه ... انت طبعا بتشوف وجه التدين و"الإلتزام" لإنهم تحت المراقبة عندك... لكن تعالا عندي البحرين أو دبي وأنا أوريك الوجه الثاني لهم.

ياخ احمد وليه يبقى فيه منافقين ؟؟ مهو احنا بنقول ياجماعه الى مش عاوز يصلى يخليه قاعد فى بيته يبقى الى هيروح المسجد هو الى عاوز يصلى بس وهكذا فى بقيت الاعمال

وعلى فكره انا مش شايف ان الناس هنا فى السعوديه ملتزمين ولا حاجه بالعكس هنا فيه كل حاجه ممكن تتخليها والى عاوز حاجه بيروح عليها

وبعدين ياعم احمد احنا بنقول هنستفاد من اخطاء الناس التانيه وزى لما قولتك الاسلام بيتاخد كله علشان تعرف تطبق صح مينفعش تاخد حته وتسيب التانيه يبقى انت كده بتشق على نفسك

إذا كان معنى تطبيق الشريعة عندك يا هندسة هو إقامة الحدود الشرعية الواردة في الكتاب والسنة يبقى الموضوع منتهي لإننا متفقون في هذه الناحية ... أما إذا كنت تقصد بتطبيق الشريعة وضع القوانين التي تجبر الشعب على إظهار التدين أو حتى إجباره على التدين الفعلي ومراعاة الحلال والحرام فلازلت لا أفهم لماذا يجب أن نسن قانون لمعاقبة من لا ترتدي الحجاب ولا نسن قانون لمعاقبة من يكذب (والاثنين مافيهومش حد شرعي) ... مع أن الكذب من الكبائر كما هو متفق عليه ... ومع أن تأثير الكذب على المجتمع قد يكون أكبر من تأثير عدم ارتداء الحجاب (لو تجاوزنا عن نقطة إلزامية الحجاب التي ذكرتها في مداخلتك ولا أوافقك عليها).

بص يابشمهندس احنا قولنا موضوع الاخلاقيات ده احنا قولنا مسؤلية البيت والتربيه والمسجد والمدرسه يعنى الدوله مش هتلف على كل واحد تقوله متكدبش

بالنسبه لموضوع الحجاب والكذب قولنا قبل كده عاوز تكذب اكذب فى بيتك انت حر وطالما مافيش حد اشتكى منك مافيش حد له عندك حاجه ونفس النظام عاوزه مش تتحجبى قعدى فى بيتك لكن اذا نزلت الشارع لازم تبقى محجبه لان اصبح الموضوع لا يخصك انتى لوحدك ولكن يخص المجتمع باكمله

لا ماعنديش تعليق محدد على النقطة دي لإني غطيتها في مكان آخر ... بس عجبتني كلمة مخربط ... والأهم يا هندسه إدتني clue على الـ reference اللي بتستخدمه

شكلك بتتريق ؟؟

والأهم إني في ظل قانونهم ممكن أمارس حريتي الدينية كاملة بدون تدخل من الدولة يبقى هعترض ليه...

وانت مين قلك ان فيه حد بيقيد حرية الدين فى الاسلام لا اكراه فى الدين ياخ احمد

بس كل حاجه وليها اصووووووول وعلى فكره الناس الى انت بتشوفهم قدامك بيعملوا حاجات غلط وتسكت بدعى انهم احرار دول يوم القيامه هيشتكوك لربنا ان انت مش نصحتهم

شكراً

[أحمد سيف]

لا بتريق ولا حاجه يا هندسه ... أنا بس مستغرب إنك بتستخدم كلمه زي دي وجه في بالي موضوع الفاضل ابن سينا عن المصريين في السعوديه.

عموما يا سيدي واضح إن كل واحد مننا متمسك بوجهة نظره وعاجبه الوضع اللي هوا موجود فيه ... المهم إن النقاش كان بصورة متحضرة وأتيح لكل منا عرض وجهة نظره بوضوح وللقارئ طبعا مطلق الحرية في أن يتبنى الرأي الذي يراه صحيحا.

تشرفت بالحوار مع حضرتك ... وأعتذر عن أي تجاوز قد يكون حدث خلاله.

تحياتي واحترامي

أحمد

[تامر السعدني]

أولا يا أستاذ تامر

أنا لم أحدد حضرتك بالكلام

و لا أقصد أي سخرية لشخص حضرتك

أنا باتكلم على تيار بحاله

مش أشخاص

طيب الحمد لله انا فكرت حضرتك بتسخري مني لوحدي : )

ده سبب كافي يخليني ما اردش على حضرتك تماما

يعني حضرتك بتسخري من تيار وحضرتك عارفة اني منتمي ليه

يبقى ده ايه معناه؟؟

عامة انا هاعمل العكس تماما

وهافترض حسن النية في حضرتك

وحضرتك فعلا أهل لإحسان الظن وده مش مجاملة والله

ده استقراء لشخصية حضرتك من مداخلاتك المختلفة

ثانيا: ده مش سوء ظن

ده يقين يافندم

طيب لما هو يقين ازاي حضرتك بتعيدي السؤال طالما واثقة ان ما حدش هيجاوب

ماشي مافيش مشاكل

بس لو انا جاوبت يبقى اكيد اليقين بتاع حضرتك ده طلع آوت : )

أنا بأتعامل مع أصحاب هذا التيار من سنوات طويلة

و ما أكثرالنقاشات التي خضتها على الحقيقة و وجها لوجه مع أصحابها

و ليس فقط من خلال المنتديات

و عارفة الرد كويس

و عارفة الأساليب من أصحابها

لأني كنت شديدة الالتصاق بأصحاب هذه التيارات بحكم القرابة

و الزمالة

طبعا الحكم على فكر من خلال الأفراد اللي بيطبقوه ده غلط وطبعا اكيد حضرتك عارفة كده كويس

والا لو كان الحكم من خلال تصرفات افراد

فيبقى الغرب عندهم حق

هم بيقولوا الاسلام ده دين متخلف علشان اللي بيطبقوه متخلفين

يبقى عندهم حق والا ايه؟

المفروض يا فندم ان حضرتك تحكمي على الفكر العام مش تصرفات فئة محدودة من الزملاء والأقارب

تحريم الغناء

النقاب

اللحية

حقوق الزوج

وتعدد الزوجات

أولا ده تسطيح ما فيش عليه أي دليل

ثانيا من ناحية العموم السلفية بتقول الدين هو كل الحياة

ولو حضرتك كلفتي خاطرك شوية وشوفتي العلماء ودروسهم على أي موقع من مواقع الخطب والدروس والمحاضرات (لو تحبي اديلك أمثلة)

هتلاقي اللي حضرتك بتتكلمي عليه كله لا يتجاوز 5% من المواضيع وفيه 95% من المواضيع غير الخمس نقاط دول

والمشكلة إن النقاط دي نقاط فقهية

منها ما هو محل اختلاف ومنها ما هو محل اتفاق

وأكيد مش هو ده مقصود السلفية

السلفية أشمل من هذا بكثير

والأوليات أهم من هذا بكثير

ثالثا على سبيل المثال

أنا اتكلمت في ما يقارب عشرين موضوع منذ دخلت هذا المنتدى

أكثر هذه المواضيع التي تكلمت فيها حتى الآن ليس واحدا مما ذكرتي

ولم اتعرض الا لموضوعين مما ذكرتي

يعني فيه حوالي 18 موضوع تانيين اتكلمت فيهم

يبقى الموضوعية تقتضي إن إحنا نراجع الكلام ده شوية

و حضرتك مع أول استفزاز

رجعت على طول لنفس الأسلوب الأولاني و ده كان واضح جدا في رد حضرتك على الأخت الفاضلة لولا في موضوع من هي السعيدة

على فكرة ده مش أول استفزاز

بالعكس تماما ده آخر استفزاز : )

حتى الآن : )

ومش عارف برضو إيه هو الإسلوب الأولاني

وأولاني يعني إيه؟؟

عامة الرد ده ليه قصة أذكرها في حينها

اللي يشتغل في الدعوة لازم يكون عنده صبر

لحد ما يوصل رسالته

يا فندم نسيت أقول لحضرتك إن برضو حضرتك بحكم كونك مسلمة مسؤولة عن الدعوة زي ما أنا مسؤول بالضبط وكل حسب علمه وقدرته

وهنتسأل أنا وحضرتك قدام ربنا وكل الأفاضل والفضليات

إحنا قدمنا إيه للإسلام وإيه دورنا في الدعوة

وبعدين لازم نفرق بين حاجتين

بين واحد بندعيه للإسلام وواحد مسلم

المسلم يختلف في إن إحنا لما نقوله قال الله وقال الرسول يقول سمعنا وأطعنا

أما لو قال أصلي مش مقتنع فده وقع في خطر كبير

لأن ده قدم عقله على النص

وده اللي فعله إبليس

ربنا قال له إسجد قال أنا خير منه خلقتني من نار وخلقته من طين

يعني مثلا على سبيل المثال والمثال ده مخصوص : )

الأغاني حرام والا حلال؟

ده موضوع لازم حضرتك تدوري فيه وتبحثي

مينفعش تقولي أنا شايفة وأنا رأيي

لازم الأول نشوف ربنا قال ايه والرسول قال ايه

وأنا هاقول لحضرتك حاجة

أنا بادعو حضرتك للاستماع والقراءة في هذه الموسوعة

http://www.qquran.com/forum/showthread.php?t=31176

ومحدش بيزعق ولا بيشخط زي تامر السعدني النرفوز : )

دي ناس بتتكلم بالحكمة والموعظة الحسنة

شوفي كلامهم علشان تخلصي ذمتك : )

وطبعا فيه ناس كتير كان عندهم اراء مخالفة للشرع بس هما مسلمين

وبالتالي لما سمعوا كلام الشرع بالكتاب والسنة غيروا رأيهم

وأكيد هما لو رجع بيهم الزمن هيقولوا يا ريتنا كنا عرفنا ده من زمان

وفيه ناس حصل معاها الموضوع ده في الحجاب : )

وبالتالي أنا بانصح نفسي أولا وكل الأفاضل

يا ريت ما نرفضش شيء علشان اللي قدمه أساء تقديمه

يعني نقبل الحق من أي أحد حتى وإن كان إبليس

كما في حديث أبي هريرة

والحكمة ضالة المؤمن

يا أستاذي أنا يمكن أكون أكبر من حضرتك سنا

مش عارف حضرتك جبتي المعلومة دي منين

شوية شوية تقوليلي مكة واسكندرية؟؟؟ : )

صدقني مفيش غير همة الخمس حاجات دول اللي بتدورحواليهم الدعوة السلفية

مع إهمال تام للمعاملات و الأخلاق

والله فيه كل حاجة يا فندم

حضرتك دوري بس

[OReX]

كيف حالك استاذ تامر

اتمنى اشوف وجهه نظرك على الكليب دا

http://www.el-awa.com/new/PlayVideo.php?VideoID=18

هوا طويل بس اضمن للى هيشوفة حوار قيم حتى لو معارض معاه

[عبير يونس]

قبل ما اقول أي حاجة

لازم أقول أني بجد بأحترم حضرتك

و مقدرة جدا جهود حضرتك و مساعيك لنشر الخير بيننا

و أحييك لدخولك بيننا

في حين يكتفي السلفيون بمواقعهم و منتدياتهم الذين يلقون فيها كل ترحيب

و لا يعارضهم أحد

ده قبل أي رد

عشان بس ماتاخدش الكلام بشكل شخصي

أولا يا أستاذ تامر

أنا لم أحدد حضرتك بالكلام

و لا أقصد أي سخرية لشخص حضرتك

أنا باتكلم على تيار بحاله

مش أشخاص

طيب الحمد لله انا فكرت حضرتك بتسخري مني لوحدي : )

ده سبب كافي يخليني ما اردش على حضرتك تماما

يعني حضرتك بتسخري من تيار وحضرتك عارفة اني منتمي ليه

يبقى ده ايه معناه؟؟

عامة انا هاعمل العكس تماما

وهافترض حسن النية في حضرتك

وحضرتك فعلا أهل لإحسان الظن وده مش مجاملة والله

ده استقراء لشخصية حضرتك من مداخلاتك المختلفة

شكرا على إحسان الظن بشخصي الضعيف

أنا الحقيقة مش ضد السلفية الحقيقية

اللي بأعتبر نفسي منها

وكل مسلم كمان

أنا ضد أدعياء السلفية

اللي تفرقوا شيعا

و كل تيار فيهم يحارب التيارات الأخرى

ثانيا: ده مش سوء ظن

ده يقين يافندم

طيب لما هو يقين ازاي حضرتك بتعيدي السؤال طالما واثقة ان ما حدش هيجاوب

ماشي مافيش مشاكل

بس لو انا جاوبت يبقى اكيد اليقين بتاع حضرتك ده طلع آوت : )

لو تلاحظ يافندم إني قلت 99%

يعني عندي برضه 1% أمل إن حد يجاوب

أنا بأتعامل مع أصحاب هذا التيار من سنوات طويلة

و ما أكثرالنقاشات التي خضتها على الحقيقة و وجها لوجه مع أصحابها

و ليس فقط من خلال المنتديات

و عارفة الرد كويس

و عارفة الأساليب من أصحابها

لأني كنت شديدة الالتصاق بأصحاب هذه التيارات بحكم القرابة

و الزمالة

طبعا الحكم على فكر من خلال الأفراد اللي بيطبقوه ده غلط وطبعا اكيد حضرتك عارفة كده كويس

والا لو كان الحكم من خلال تصرفات افراد

فيبقى الغرب عندهم حق

هم بيقولوا الاسلام ده دين متخلف علشان اللي بيطبقوه متخلفين

يبقى عندهم حق والا ايه؟

المفروض يا فندم ان حضرتك تحكمي على الفكر العام مش تصرفات فئة محدودة من الزملاء والأقارب

أكيد يا فندم السنوات دي كلها مكنتش بس بأتعامل مع أفراد

أكيد طبعا قرأت كثيرا لهذه الفرق و سمعت شرايط مشايخهم ودروسهم

وحضرت مجالسهم في المساجد في الجزء المخصص للنساء طبعا

أكيد طبعا مش حأحكم على شوية أفراد

لأن ده يبقى ظلم طبعا

تحريم الغناء

النقاب

اللحية

حقوق الزوج

وتعدد الزوجات

أولا ده تسطيح ما فيش عليه أي دليل

ثانيا من ناحية العموم السلفية بتقول الدين هو كل الحياة

ولو حضرتك كلفتي خاطرك شوية وشوفتي العلماء ودروسهم على أي موقع من مواقع الخطب والدروس والمحاضرات (لو تحبي اديلك أمثلة)

هتلاقي اللي حضرتك بتتكلمي عليه كله لا يتجاوز 5% من المواضيع وفيه 95% من المواضيع غير الخمس نقاط دول

والمشكلة إن النقاط دي نقاط فقهية

منها ما هو محل اختلاف ومنها ما هو محل اتفاق

وأكيد مش هو ده مقصود السلفية

السلفية أشمل من هذا بكثير

والأوليات أهم من هذا بكثير

ثالثا على سبيل المثال

أنا اتكلمت في ما يقارب عشرين موضوع منذ دخلت هذا المنتدى

أكثر هذه المواضيع التي تكلمت فيها حتى الآن ليس واحدا مما ذكرتي

ولم اتعرض الا لموضوعين مما ذكرتي

يعني فيه حوالي 18 موضوع تانيين اتكلمت فيهم

يبقى الموضوعية تقتضي إن إحنا نراجع الكلام ده شوية

يافندم

أكيد طبعا مفيش حد عاقل حيتصور أن الجماعات دي بتنادي بالحاجات دي بس

طبعا معاها حاجات تانية كتير

و في نواحي كتير

بس الخمس حاجات دول

خصوصا الثلاثة الأولانيين

تحريم الغناء

اللحية

النقاب

هي بطاقة الدخول للجماعات دي

ومن غيرهم مش حيقبلوا حضرتك عضو فيها أساسا

لأن طبعا حقوق الزوج وتعدد الزوجات

ما هياش مجرد مظاهر

وإنما المقصود بيها

تحبيب الرجال في الإنتماء لتلك الجماعات

يعني ممكن على أي حاجة تانية ينصحوك

أو يدعولك بالهداية

أما لو في حاجة من الحاجات الثلاثة دي لا يمكن السماح

و مش حيكلموك أساسا

لحد ما تلتزم بالحاجات دي

و حضرتك مع أول استفزاز

رجعت على طول لنفس الأسلوب الأولاني و ده كان واضح جدا في رد حضرتك على الأخت الفاضلة لولا في موضوع من هي السعيدة

على فكرة ده مش أول استفزاز

بالعكس تماما ده آخر استفزاز : )

حتى الآن : )

ومش عارف برضو إيه هو الإسلوب الأولاني

وأولاني يعني إيه؟؟

عامة الرد ده ليه قصة أذكرها في حينها

عموما أنا لا ألومك على شعورك بالاستفزاز

بالنسبة للجماعة السلفيين منتدانا ده يستاهل الحرق بمن فيه

على المعاصي الموجودة فيه من غناء

واختلاط

وهزار بين الرجال و النساء باستخدام الابتسامات

كويس ان حضرتك بتشارك معانا رغم وجود الحاجات دي

والله ما بأتريق

أنا عارفة كويس أفكار الجماعات دي

واد ايه بيعتبرونا عصاة وجهلاء

اللي يشتغل في الدعوة لازم يكون عنده صبر

لحد ما يوصل رسالته

يا فندم نسيت أقول لحضرتك إن برضو حضرتك بحكم كونك مسلمة مسؤولة عن الدعوة زي ما أنا مسؤول بالضبط وكل حسب علمه وقدرته

وهنتسأل أنا وحضرتك قدام ربنا وكل الأفاضل والفضليات

إحنا قدمنا إيه للإسلام وإيه دورنا في الدعوة

وبعدين لازم نفرق بين حاجتين

بين واحد بندعيه للإسلام وواحد مسلم

المسلم يختلف في إن إحنا لما نقوله قال الله وقال الرسول يقول سمعنا وأطعنا

أما لو قال أصلي مش مقتنع فده وقع في خطر كبير

لأن ده قدم عقله على النص

وده اللي فعله إبليس

ربنا قال له إسجد قال أنا خير منه خلقتني من نار وخلقته من طين

يعني مثلا على سبيل المثال والمثال ده مخصوص : )

الأغاني حرام والا حلال؟

ده موضوع لازم حضرتك تدوري فيه وتبحثي

مينفعش تقولي أنا شايفة وأنا رأيي

لازم الأول نشوف ربنا قال ايه والرسول قال ايه

وأنا هاقول لحضرتك حاجة

أنا بادعو حضرتك للاستماع والقراءة في هذه الموسوعة

http://www.qquran.com/forum/showthread.php?t=31176

ومحدش بيزعق ولا بيشخط زي تامر السعدني النرفوز : )

دي ناس بتتكلم بالحكمة والموعظة الحسنة

شوفي كلامهم علشان تخلصي ذمتك : )

يا سيدي الفاضل أنا كانوا بيحفظوني هنا في السعودية أدلة تحريم الغناء

في مادة التوحيد

والموضوع ده خد معايا ما يفوق 25 سنة

ما بين أخد ورد وآه ولأ

أرجو إن حضرتك لا تتسرع بإطلاق حكم الإصرار على المعصية علي

كما فعل معي الكثيرون

قبل حضرتك

وطبعا فيه ناس كتير كان عندهم اراء مخالفة للشرع بس هما مسلمين

وبالتالي لما سمعوا كلام الشرع بالكتاب والسنة غيروا رأيهم

وأكيد هما لو رجع بيهم الزمن هيقولوا يا ريتنا كنا عرفنا ده من زمان

وفيه ناس حصل معاها الموضوع ده في الحجاب : )

وبالتالي أنا بانصح نفسي أولا وكل الأفاضل

يا ريت ما نرفضش شيء علشان اللي قدمه أساء تقديمه

يعني نقبل الحق من أي أحد حتى وإن كان إبليس

كما في حديث أبي هريرة

والحكمة ضالة المؤمن

وعموما أوعد حضرتك إني حأشوف الرابط وأرد على حضرتك

لأني دماغي مش ناشفة

وممكن طبعا أغير اللي في دماغي للصح لوعرفت إني غلطانة

يا أستاذي أنا يمكن أكون أكبر من حضرتك سنا

مش عارف حضرتك جبتي المعلومة دي منين

شوية شوية تقوليلي مكة واسكندرية؟؟؟ : )

مش فاهمة ايه علاقة السن بمكة واسكندرية؟؟

أنا قصدي إني مش عيلة صغيرة

وخلاص في آواخر الثلاثينات وداخلة على الأربعين من عمري

صدقني مفيش غير همة الخمس حاجات دول اللي بتدورحواليهم الدعوة السلفية

مع إهمال تام للمعاملات و الأخلاق

والله فيه كل حاجة يا فندم

حضرتك دوري بس

ندورطبعا يافندم

ايه المانع

:angry:

[عنبو]

أحمد سيف مشاركة بتاريخ Nov 19 2009, 03:29 PM

لا بتريق ولا حاجه يا هندسه ... أنا بس مستغرب إنك بتستخدم كلمه زي دي وجه في بالي موضوع الفاضل ابن سينا عن المصريين في السعوديه.

يابشمهندس احمد كلمة مخربط دى مصرية تماماً وبعدين انا لسه مكملتش سنه هنا يعنى علشان ابقى متسعود

على العموم يمكن علشان حضرتك متعرفنيش شخصياً فقولت كده

و شكراً

محمد بن عنبو