حكايتى مع شغالتى

[قلب ابيض]

انت وقعت فى ملقف 000

بنسمع الكلمه دى كتير فى حياتنا 00وقعت فى ملقف للسخريه 00او للنصب 00او للاستغلال 00واعتقد ان كلها عبارات لمعنى واحد وكل الطرق تؤدى الى روما

الموضوع يا اخوانى ويا اخواتى 00انكم لازم تسمعونى وتشوروا على بما انى ماليش اصحاب ممكن اثق فيهم غيركم

انا بجد والله اسم على مسمى 00سواء فى المنتدى او اسمى الحقيقى ولذلك دايما اتخدع فى اللى حواليا وكل مره اقول اهو درس واتعلمت منه لكنى فى الحقيقه مابتعلمش خااالص00وهنا تتقلب الطيبه لعبط" مع الاعتذار لشخصى " ولكم

الاحداث كتير بس اللى عاوزه اكلمك واخد مشورتكم فيه دلوقتى الآتى : وانا جايه من الكويت من 3شهور لقضاء عطلة الصيف اصطحبت معى شغالتى اللى هى على كفاله زوجى وبرفقتى فى الجوازات 00بدايه البنت جنسيتها اثيوبيه00وعمرها 20 سنه توسمت فيها الادب والامانه والتدين " على فكره هى مسيحيه " وانا بذكر النقطه دى لان لها مرجوع اتمنى الرد عليه من اخوانا المحاورين

المهم يعلم الله عن معاملتى الحسنه لها واعتبارها بنت من بناتى فى كل شىء وساويتها فى الخروج والفسح والعلاج والطعام وكل شىء بأى فرد فى البيت مراعاه لسنها وقربها من سن ابنائى حتى لا اثير اى من مداخل الحقد او الغيره المعروفه فى السن ده

المهم المفترض ان اسافر للكويت بعد 4 ايام من الان وذهبت لتأكيد حجز الطيران وخرجت من البيت لمده 3 ساعات 00عدت لم اجدها 00000

لا استطيع ان اصف لكم مدى وكم ذهولى واندهاشى 00اخدت ما يحلو لها من المنزل للاستعمال الشخصى فقط للامانه الى جانب موبيل بنتى00ومش ده المهم

المهم بعد الصدمه او القلم اللى اخدته على غفله ودون سابق انذار كان لابد ان اتخذ احتياطاتى الامنيه 00رحت انا وزجى لقسم الشرطه لعمل محضر بالحاله 00وكأن كل أمناء الشرطه فرحانيين فينا " ؟؟---- ؟؟ " المهم اللى اعرفه ومتأكده منه انه كلما قل الوضع الاجتماعى ومسكته سلطه كلما كان غير مهذب مع الافضل منه علما او مركز00الى ان تقابلنا مع المقدم الموجود بالقسم وحررنا محضر

وفوجئت بأنى ممنوعه من السفر لحين البت فى امرها 00وعليه لازم اقطع تذكره طيران مفتوحه لمده سنه للبنت الهربانه عشان لما يلاقوها يسفروها على حسابى 00

طيب وانا سيادتك اقعد فى مصر ليه؟؟ انا بلغت عن اختفاءها وأدى جواز سفرها وأدى المحضر00وعوضى على الله فى المبالغ اللى دفعتها لاستقدامها او اصطحابها لهنا او التذاكر اللى راحت علينا بسببها

حضرتك تروحى مكتب الطيران تلغى حجزك وتنتظرى من اسبوع لعشر ايام او اكتر الله تعلم لما نشوف الموضوع هايحصل فيه ايه ؟

طب مين اللى هيشوف؟

امن الدوله هو اللى يقرر تسافرى ولا لاء ؟ وامتى ؟

طيب المدارس؟؟؟ طيب وشغلى ؟؟ طيب هتلاقوها ازاى فى وسط الملايين دى ؟ وانتو مطلبتوش صورتها حتى؟؟برفم الباسبور؟؟

حاجه تانيه اسأل فيها اللى عنده علم وبالآخص اخوانى المسيحين " من غير ما يتقلب الموضوع لمعنى غير اللى اقصد الله يخليكوا"

البنت دى عندها ولاء لأسرائيل جامد وطبعا ده نظرا لما تقدمه اسرائيل لبلادهم المعدمه من اعانات ومسح مخ واللى احنا عارفينه

والكلام ده عرفته بنتى منها وهما بيتعشوا او بيتسحروا فى بيتزا هت اقصد كان الجو مناسب للحوار مش ارغام او استجواب 00انا كنت وديتها الكنيسه من باب انى بحبها وحسيت انها هاتتبسط لما تروح زى ما انا بلاقى راحتى النفسيه فى المسجد خاصة فى الغربه

هناك قابلت من جنسيتها ناس وكانت سعيده جدا وهرتنى بوس فى اليوم ده00" ودى اول غلطه عملتها بحسن نيه "

سمعت وصححوا لى المعلومه لو خاطئه 00ان فى كنيسه فى القاهره انا عارفه اسمها ومكانها بس ما رحتش ناحيتها قبل كده 00دى معروف عنها انها بتسفر الجماعه السمر دول اللى عاوزين يهاجروا اسرائيل بتسهيلات واكيد بطرق غير مشروعه00

اولا : الكلام ده صح ؟

ثانيا : شوروا على اعمل ايه ؟

ثالثا :حد مر بالتجربه دى ؟ ونهايتها ايه ؟ وازاى ؟

واخيرا 000دعواتكم

تم تعديل 15 سبتمبر 2009 بواسطة Salwa

[mama nona]

الله يكون فى عونك

وربنا يدلك عالطريق الصح إن شاء الله

انا طبعامعنديش اى خلفية عن الموقف ال حضرتك فيه

بس انتى جيتى عالجرح بالموضوع ده

انا بصدد انى ادخل شغالة بيتى اليومين دول عشان عندى طفل رضيع

وطبعا بشترط انها تكون مسلمة

بس شفت العجب وانا بعمل مقابلات للشغالات

تلاقى واحدة مسلمة وتقول على نفسها مسيحية

والعكس ايضا

وبقالى فترة براجع نفسى

هل صح اصلا انى ادخل خادمة البيت

لانى زى حضرتك كده بتعامل مع ال ادامى بالنية الحسنة

هل صح انه واحدة غريبة لا نعرف اصلها ولا فصلها ولا عاداتها ولا تقاليدها

تعيش وسطنا

وهل هتكون امينة على اطفالى

وإذا كانت الاجابة لأ

ما هو الحل إذا كانت وظيفتى تتطلب عدم وجودى بالمنزل لفترات طويلة

واكثرها فى وقت الليل

اتمنى انه اى حد يفيدنا من خبراته فالموضوع ده

وشكرا

[الباشمهندس ياسر]

يعنى ايه ممنوعه من السفر ...؟؟؟

قرار المنع من السفر بيعمله النائب العام على حد علمى ولا قصدك انهم اخدوا عليكى تعهد بعدم السفر ...؟؟؟

بالنسبة للبنت بقى :

من خلال روايتك للاحداث ...غالبا البنت اتعرفت على حد من جماعتها ووعدها بأنه هياخدها الجنة

لان مش طبيعى ابدا ان خادمة بتشتغل ف الخليج و عندها راتب ( بالنسبالها ممتاز ) و بتتعامل المعاملة الكريمة من حضرتك

و تهرب الا عشان سبب قوى

[ذهبية]

ربنا معاكى يا قلب ابيض انتى فعلا اسم على مسمى بجد و ثقتك بالناس ليس لها حدود

طبعا ربنا معاكى انا معنديش خبرة فى موضوع ممنوعة من السفر دى مع انك ما لكى ذنب فى القصة دى كلها غير الثقة الزيادة

لكن قلبى معاكى بجد

ماما نونا انا مش معاكى خالص انك تجيبى مربية للطفل الرضيع و تسيبيها لوحدها فى بيتك و انتى مش موجودة

هو احسن حاجة ان حضرتك تدورى على حد معرفة سواء من الاقارب البعيدة او القريبة او تسافرى البلد بتاعة حضرتك و تجيبيها من بيت موثوق فية

و الاحسن تستنى لما البيبى يكبر شوية و تودية الحضانة تكون ثقة و تشوفيها بنفسك و دول كتير

و ربنا معاكم يارب

و الانسان دايما لما بيكون فى مشكلة بيكون صعب قوى يحلها لنفسة ربنا معاكم

ذهبية

[mama nona]

يا ريت يا ذهبية كنت اعرف اروح البلد واجيبها وارجع

دى كانت حاجة سهلة اوى

تفتكرى اسيب الرياض وانزل المنصورة اجيبها وارجع

ما هي دى الغربة ؟

هنعمل فيها ايه

وبعدين فيه رضيع وناس فالمدرسة ايه الحل بقى

انا ست بيت بقالى سنة

اكتر من كده مقدرش

هكون طبيبة ازاى من غير ممارسة

[تامر مصطفى]

ربنا يعينك على المشكلة دي

بس اعتقد انك مش ممنوعة فعليا من السفر لأن مفيش اجراءات قانونية ضدك

بس زي ما اتفضلتي انهم طلبوا منك تأجلي لمدة 10 ايام وده علشان لو لقوها يعرفوا يردوا على حد

والله موضوع الخدامات ده اكبر مشكلة واكبر خطأ ممكن تعمليه انك تخليها تروح اماكن تجمعات لجنسيتها

انا كان عندي شغالة نيبالية كانت اكتر من ممتازة ومحترمة وكانت متعلمة وأمينه جدا لمدة سنه ونص ومن بعد ما راحت مكان للعبادة في عيدها اتقلب حالها واكتشفت انها جابت موبايل وخط من غير ما نعرف وبقى تلفون البيت يرن ولما نرد يقفل الخط وحاجات غريبة بقت تحصل والاخر سفرتها وارتحت .

بس مشكلة مصر ان الروتين قاتل وكمان تحسي ان اللي هتتعاملي معاهم كل واحد ايده في المية الباردة ولو اللي قدامهم خسر شغله في الخارج بيبقى بالنسبة ليهم حاجة مفرحة ونظرته هتكون كلها حقد ويقولك كفاية عليه الهبش اللي هبشه في السنين اللي فاتت .

ده غير انك تروحي في مشكلة زي دي للشرطة يعني هيكون كل تفكيرهم ازاي يستفيدوا من وراكي لأنك غنية وهما غلابة ووجودك عندهم فرصة لكل واحد فيهم يطلع بأي فايدة منك - ومش عايز احبطك واقولك ان في الفترة الجاية هتتعرضي للاستغلال بأسوأ انواعه

ربنا يصبرك ويعينك

ولو احتجتي اي حاجة نعملهالك هنا في الكويت احنا في الخدمة بجد

[doha]

للاسف اعتقد انك ممنوعه من السفر فعلا ..

انا معرفش في الموضوع ده اوي بس آخر مرة كنت رايحه اجدد تاشيرة الزياره بتاعتي هنا في الرياض من الجوازات كان في ست سورية جايه عشان تاخذ تاشيرة خروج وعوده لبلدها وكانت مشكلتها ان ( على ذمتها ) شغاله هي الكفيلة بتاعتها والشغاله هربت وبالتالي ممنوع تطلع هي من البلد قبل مالشغاله ترجع لان هي ( الضامن ) لو الشغاله دي عملت شيء وجريت ..

فللاسف انتي وضعك في مصر دلوقت هو نفسه وضع الست دي .. انتي كفيل الشغاله ولو الشغالة دي عملت مصيبة فانتي المسؤوله عنها ..

غالب الظن حد من جنسيتها غواها بانه هيشغلها في مصر في اي شغله تانيه تجيب لها فلوس احسن من الي بتديهالها في الكويت ..

ياهتشتغل شغاله برضه وهتاخذ نفس الي كانت بتاخذه في الكويت وممكن اكتر على اساس انك اكيد بتديلها راتب اقل لانك دافعه في استقدامها فلوس ( هنا الشغاله بتاخذ 800 ريال ولو هربت بتاخذ 1500 من الي بيشغلوها لانها بتشتغل باليوم او الشهر )

وممكن لا قدر الله تشتغل في الدعاره او اي حاجه هتجيب لها فلوس اكتر .. احتمال انها راحت اسرائيل احتمال بعيد اوي .. هي اكيد مازالت في مصر ..

انا شايفه الحل الوحيد بالنسبة لك لو مستعجله على العوده انك اما تشوفي حد قريب لكم او معرفه يكون ظابط كبير وعنده استعداد يخدم وهو يتدخل عشان يخلص لك ورق سفرك أو تشوفي محامي يكون له اسمه وهو برضه هيتصرف ( بمعارفه وعلاقاته ) بس اعملي حاسبك تديله الي هو يقول عليه ..

فيما عدا ذلك توقعي انك هتستني كتير .. وانتي وحظك .. ممكن يدولك خروج بسرعه وممكن يستهبلوا ويسوقوا فيها على اساس انك ( صيده ) ..

ده رايي وبرضه هو قائم كله على التخمينات يعني ممكن يكون صح وممكن يكون غلط ..

ربنا يعينك ويقدر لك الي فيه الخير ..

[hazemtara]

انت وقعت فى ملقف 000

بنسمع الكلمه دى كتير فى حياتنا 00وقعت فى ملقف للسخريه 00او للنصب 00او للاستغلال 00واعتقد ان كلها عبارات لمعنى واحد وكل الطرق تؤدى الى روما

الموضوع يا اخوانى ويا اخواتى 00انكم لازم تسمعونى وتشوروا على بما انى ماليش اصحاب ممكن اثق فيهم غيركم

انا بجد والله اسم على مسمى 00سواء فى المنتدى او اسمى الحقيقى ولذلك دايما اتخدع فى اللى حواليا وكل مره اقول اهو درس واتعلمت منه لكنى فى الحقيقه مابتعلمش خااالص00وهنا تتقلب الطيبه لعبط" مع الاعتذار لشخصى " ولكم

الاحداث كتير بس اللى عاوزه اكلمك واخد مشورتكم فيه دلوقتى الآتى : وانا جايه من الكويت من 3شهور لقضاء عطلة الصيف اصطحبت معى شغالتى اللى هى على كفاله زوجى وبرفقتى فى الجوازات 00بدايه البنت جنسيتها اثيوبيه00وعمرها 20 سنه توسمت فيها الادب والامانه والتدين " على فكره هى مسيحيه " وانا بذكر النقطه دى لان لها مرجوع اتمنى الرد عليه من اخوانا المحاورين

المهم يعلم الله عن معاملتى الحسنه لها واعتبارها بنت من بناتى فى كل شىء وساويتها فى الخروج والفسح والعلاج والطعام وكل شىء بأى فرد فى البيت مراعاه لسنها وقربها من سن ابنائى حتى لا اثير اى من مداخل الحقد او الغيره المعروفه فى السن ده

المهم المفترض ان اسافر للكويت بعد 4 ايام من الان وذهبت لتأكيد حجز الطيران وخرجت من البيت لمده 3 ساعات 00عدت لم اجدها 00000

لا استطيع ان اصف لكم مدى وكم ذهولى واندهاشى 00اخدت ما يحلو لها من المنزل للاستعمال الشخصى فقط للامانه الى جانب موبيل بنتى00ومش ده المهم

المهم بعد الصدمه او القلم اللى اخدته على غفله ودون سابق انذار كان لابد ان اتخذ احتياطاتى الامنيه 00رحت انا وزجى لقسم الشرطه لعمل محضر بالحاله 00وكأن كل أمناء الشرطه فرحانيين فينا " ؟؟---- ؟؟ " المهم اللى اعرفه ومتأكده منه انه كلما قل الوضع الاجتماعى ومسكته سلطه كلما كان غير مهذب مع الافضل منه علما او مركز00الى ان تقابلنا مع المقدم الموجود بالقسم وحررنا محضر

وفوجئت بأنى ممنوعه من السفر لحين البت فى امرها 00وعليه لازم اقطع تذكره طيران مفتوحه لمده سنه للبنت الهربانه عشان لما يلاقوها يسفروها على حسابى 00

طيب وانا سيادتك اقعد فى مصر ليه؟؟ انا بلغت عن اختفاءها وأدى جواز سفرها وأدى المحضر00وعوضى على الله فى المبالغ اللى دفعتها لاستقدامها او اصطحابها لهنا او التذاكر اللى راحت علينا بسببها

حضرتك تروحى مكتب الطيران تلغى حجزك وتنتظرى من اسبوع لعشر ايام او اكتر الله تعلم لما نشوف الموضوع هايحصل فيه ايه ؟

طب مين اللى هيشوف؟

امن الدوله هو اللى يقرر تسافرى ولا لاء ؟ وامتى ؟

طيب المدارس؟؟؟ طيب وشغلى ؟؟ طيب هتلاقوها ازاى فى وسط الملايين دى ؟ وانتو مطلبتوش صورتها حتى؟؟برفم الباسبور؟؟

حاجه تانيه اسأل فيها اللى عنده علم وبالآخص اخوانى المسيحين " من غير ما يتقلب الموضوع لمعنى غير اللى اقصد الله يخليكوا"

البنت دى عندها ولاء لأسرائيل جامد وطبعا ده نظرا لما تقدمه اسرائيل لبلادهم المعدمه من اعانات ومسح مخ واللى احنا عارفينه

والكلام ده عرفته بنتى منها وهما بيتعشوا او بيتسحروا فى بيتزا هت اقصد كان الجو مناسب للحوار مش ارغام او استجواب 00انا كنت وديتها الكنيسه من باب انى بحبها وحسيت انها هاتتبسط لما تروح زى ما انا بلاقى راحتى النفسيه فى المسجد خاصة فى الغربه

هناك قابلت من جنسيتها ناس وكانت سعيده جدا وهرتنى بوس فى اليوم ده00" ودى اول غلطه عملتها بحسن نيه "

سمعت وصححوا لى المعلومه لو خاطئه 00ان فى كنيسه فى القاهره انا عارفه اسمها ومكانها بس ما رحتش ناحيتها قبل كده 00دى معروف عنها انها بتسفر الجماعه السمر دول اللى عاوزين يهاجروا اسرائيل بتسهيلات واكيد بطرق غير مشروعه00

اولا : الكلام ده صح ؟

ثانيا : شوروا على اعمل ايه ؟

ثالثا :حد مر بالتجربه دى ؟ ونهايتها ايه ؟ وازاى ؟

واخيرا 000دعواتكم

السلام عليكم يا قلب أبيض/

أنا ردى هيكون عكس رد كثير من الزملاء والزميلات الى ردوا عليكى

أنا شغلتى هربت من البيت عندى قبل ما أسافر من السعودية لمصر بيوم يعنى ليلة ما أنا مسافر وكان وقتها كمان داخل عيد الفطر يعنى الشرطة أجازة والجوازات والدنيا كلها أجازة.

مفيش حاجة إسمها حد يمنعك من السفر علشان الشغالة هربت وإنك لا تستطيعى السفر إلى أن يجدوها دة غلط ومُش قانونى وأظن المُحضر بيحاول يخوفك وبس لأن قلبك أبيض بجد.

أختى العزيزة موضوع الشغالات دة ممكن يتكتب عنة قصص وحواديت للصبح ومسلسلات زى ما أنت عاوزة نصيحتى لكى ولكل الزملاء والزميلات لا تثقى فى الشغالة ولا السائق الخاص ولا أى واحد أجنبى أنت إستقدمتية مهما كان هذة نصيحة ذهبية حطيها حلقة فى ودنك.

كل العمالة الوافدة دى جاية و عينها على فرصة أحسن يعنى تطفش لكفيل تانى براتب أحسن ،، تخرج تشتغل حرة فى الدعارة مثلاً ودول زوى الدخل المرتفع خصوصاً لو كان عندها بعض ملامح الجمال وحتى إن كان قليل.

للأسف أكبر غلطة كلنا ممكن نعملها مع الشغالة هى السماح لها بالكلام مع غيرها من أبناء جلدتها هنا أو إعطائها جوال لحالها والسماح لها النزول للشارع بدون رقيب وهكذا إذا وجدت أى فرصة للحديث مع أبناء بلدها ثقى تماماً أنها ستهرب بعدها بوقت قصير.

شغلتى هربت من يوم الأربعاء ليلاً يمكن الساعة 9 م وأنا طيرتى كانت الصبح الساعة 10 ص يوم الخميس ودة كان فى أخر رمضان من سنتين ،،،،، المهم رحت بلغت الشرطة وعملت محضر ورجعت البيت والصبح عملت توكيل لزميل لى مكانى يتصرف وكأننى موجود تماماً ولما وجدوها راح وخرج لها وقطع التذاكر وكلة وسفرها.

خدى بالك أنا سافرت ولا حد منعنى ولا حد كلمنى وفية ناس غيرى هما الى عملوا كل حاجة كأنى موجود تماماً.

أصل لو كل واحد أو واحدة هيمنعوة من السفر فى دول الخليج ولا مصر علشان الشغالة طفشانة يبقى مفيش حد هيسافر كل الناس هتتمنع من السفر وأخرتها حكومتنا هتروح تبوس جزمت سريلانكا والفلبين والحبشة وأندونيسيا :blink: :blush2: .

هذة تجربتى أنا شخصياً يمكن تفيدك.

[se_ Elsyed]

الموضوع ده بيتكرر كتير ... لسه واحد صديقي شايل الهم ده من سنه ..

للاسف سيادتك ممنوعة من السفر فعلاً لحد ما تُنهي هذا الموضوع .. وياريت كمان تروحي تبلغي عنها في سفارتها وأعتقد في مجمع التحرير برضوا

لكن حكاية السفارة دي مش مضمونه لأن هما اللي بيساعدوهم وبيسلكوهم ..

وانتي كل ذنبك ا إنك موضوع إتهام ... أسف يعني

لإن حضرتك إجراءات إستقدام شغالة لمصر صعبه للغايه ووجع دماغ .. ولمهن وفئات من المجتمع معينه ...

فاللي بيحصل إن واحده مغتربة زي سيادتك بتنزل مصر اجازة بالشغالة في منتهى السهولة

وبالتالي هما افترضوا إن حضرتك جبتي الشغالة وسلكتيها لأي حد في مقابل مادي

تماماً تماماً .. زي اللي نازل بعربيته تريبتك ....

يقدر يرجع من غيرها أو يبلغ عنها إنها إتسرقت بسهولة خصوصاً لو أنقضت مدة التريبتك ؟

لأ طبعاً وفيها قضية وشغلانه ...

المهم ايه اللي بيحصل بقى ...

البنت اللي زي دي بتتلم على ناس خبره ... بيلعبوا في صواميل دماغها .... والناس السو دول بيفهموها إن في ناس مستعده تدفع أضعاف راتبها .... دي حقيقة لإنهم مش قادرين يستقدموا شغاله .. وتشتغل عندهم فترة ... ولما تتمسك يبقى يحلها ربنا وهاتترحل عادي ....

الأخطر ... هو إن في بعض منهم بيبقى عندهم شبكات للأعمال المنافي للأداب ... وبيستلقطوا الشغالات دول ... واهو شغل سنة في الموضوع ده بيبقى بمقام شغل 10 سنين شغل في البيوت ...

صديقي لديه فيلا في الرحاب .. فلقيته راجع من الإجازة والهم راكبه ...

وأساساً

ده أولاده كانوا هناك في مصر ... وهو هنا في شغله وزوجته أتصلت بيه .. وقالت له البت هربت ... ونزل على ملا وشه مصر ... وقال لزوجته إيه اللي حصل : بتقول له أنا كنت فوق في الدور الثاني وجرس الباب رن .. قلت لها شوفي مين .. فتحت الباب وقالت ده الجنايني جاي ياخد ميه ولا مش عارف إيه ... ودي كانت أخر حاجه قالتها وولت الأدبار ..

بالرغم من إني أعرف صديقي وهو رجل محترم وزوجته سيده فاضلة وبيعاملوها على أحسن ما يكون ...

لكن أهو درس للجميع ليأخذوا حذرهم ...

وبدأوا رحلة العذاب والدخول في دائرة الشك والاتهام ...

[قلب ابيض]

[تامر مصطفى' ربنا يعينك على المشكلة دي

والله موضوع الخدامات ده اكبر مشكلة واكبر خطأ ممكن تعمليه انك تخليها تروح اماكن تجمعات لجنسيتها

================

ودى فعلا غلطتى وندمانه اشد الندم عليها وكنت حريصه جدا على انى اتلاشاها بس حبيت افرحها فى يوم قالت لى فيه ان بدايه السنه عندهم فى شهر سبتمبر وبيحتفلوا بيه هناك 00انا ام واتغربت وحسيت الاحساس بعدم وجود الاهل وانا فى سنها فقلت افرحها :blush2:

بس مشكلة مصر ان الروتين قاتل وكمان تحسي ان اللي هتتعاملي معاهم كل واحد ايده في المية الباردة ولو اللي قدامهم خسر شغله في الخارج بيبقى بالنسبة ليهم حاجة مفرحة ونظرته هتكون كلها حقد ويقولك كفاية عليه الهبش اللي هبشه في السنين اللي فاتت .

ده غير انك تروحي في مشكلة زي دي للشرطة يعني هيكون كل تفكيرهم ازاي يستفيدوا من وراكي لأنك غنية وهما غلابة ووجودك عندهم فرصة لكل واحد فيهم يطلع بأي فايدة منك - ومش عايز احبطك واقولك ان في الفترة الجاية هتتعرضي للاستغلال بأسوأ انواعه

كلامك مظبوط جدا وحسيته من اول دخولى القسم00 الله المستعان

شكرا يا استاذ تامر

جزاك الله خيرا ياضحا 00والمشكله الاكبر ان الموضوع مش هيعوقنى انا بس لاء وزوجى كمان لانه كفيلها وبصحبتى فى الباسبور

الموضوع ده بيتكرر كتير ... لسه واحد صديقي شايل الهم ده من سنه ..

للاسف سيادتك ممنوعة من السفر فعلاً لحد ما تُنهي هذا الموضوع .. وياريت كمان تروحي تبلغي عنها في سفارتها وأعتقد في مجمع التحرير برضوا

اعتقد ان موقف سفارتها هايناصرها مش هايرد لى حقى 00وبعدين والله انا مستعوضه ربنا فى الالاف اللى كلفتهانى على سبيل انها قاعده معايا لمده سنتين على الاقل00ده غير راتبها

بس حياتى انا واسرتى تنتظم وتمشى فى مسارها الطبيعى 00شغل ومدارس

لكن حكاية السفارة دي مش مضمونه لأن هما اللي بيساعدوهم وبيسلكوهم ..

وانتي كل ذنبك ا إنك موضوع إتهام ... أسف يعني

لإن حضرتك إجراءات إستقدام شغالة لمصر صعبه للغايه ووجع دماغ .. ولمهن وفئات من المجتمع معينه ...

بالفعل انا اخدتها من واحده كويتيه ودفعت لها مايعادل 6000 ج للتنازل وعملت لها اقامه على كفاله زوجى ما يعادل 4500ج مع العلم ان الكويتى كل اللى بيدفعه لاقامتها 10 دينار وتامين صحى مجانى 00الغير كويتى 220 دينار

غير تذاكر الطيران ومرتبها وكسوتها واقامتها

وارجووووكم محدش يقولى كل ده كان ليه ؟

لانى فعلا محتاجاها جدا جدا وكل المصاريف دى مش تمن عمليه جراحيه ممكن اعملها بسبب شغل البيت

لكن أهو درس للجميع ليأخذوا حذرهم ...

فعلا :blink:

..

جزاكم الله خيرا يا احبائى 000واسألكم الدعاء بفك الكرب

تم تعديل 16 سبتمبر 2009 بواسطة قلب ابيض

[عنبو]

ربنا معاااااااااااااااااااااكى

وان شاء الله كربه وتزووول

[عبير يونس]

لا حول و لا قوة الا بالله

ربنا يفك كربك

آمين

[mama nona]

ان شاء الله رب العالمين يفك كربك ويزيل همك

ويريح قلبك

[الباشمهندس ياسر]

قال من لا ينطق عن الهوى صلى الله عليه وسلم :

عجبا لأمر المؤمن إن أمره كله خير ، وليس ذاك لأحد إلا للمؤمن ؛ إن أصابته سرّاء شكر ؛ فكان خيراً له ، وإن أصابته ضرّاء صبر ؛ فكان خيراً له . رواه مسلم .

اكيد اكيد اكيد ... خير

n2&( :lol: :lol:

[بنت الشاطئ1]

انا رأيى تستشيرى محامى زى ما قال بعض المشاركين وممكن تشوفى واسطة جامدة عشان تسافرى ومضيعيش شغلك واعملى توكيل لاى احد مكانك

[أسد]

كل سنة بنسافر مصر ..

وبتكون معنا شغالة

تقضي مع زوجتي فترة الأجازة كلها ..

وطول عمري بادعي ربنا مايحطناش في الموقف ده

لأنه بالفعل موقف مزعج .. لأنهم بيسجلوا في جواز السفر وانت داخل إن معاك خادمة وجنسيتها .. ويتطلب من موظف الجوازات انه يدقق انها خرجت معاك وانت مسافر

في مثل تلك الحالات حسب علمي ...

إنك تبلغي عنها في الجوازات .. وعن طريق الجوازات في مجمع التحرير ... أعتقد ان هناك إجراء يمكن اتباعه بأن يتحمل أحد آخر من المقيمين في مصر مسئولية متابعتها ومتابعة الموضوع

أي أنه يصبح هو كفيلها إلى أن تحل القضية .. أو أن يكف البحث عنها

بالفعل الموضوع مزعج جداً ..

لي صديق سافر إلى مصر بصحبتة خادمته وكان يريد السفر خارج مصر لمدة أسبوع .. وطلبوا منه أن ينقل مسئوليتها او كفالتها إلى شخص آخر لحين عودته

بالفعل الموضوع مزعج

وآليات معالجته صعبة وعقيمة في مصر

لقلة إحتمالية حدوثه

بالفعل بعضهم يهرب ويبقى في مصر ليعمل لدى الأسر المصرية

مقابل رواتب كبيرة .. بدون مبالغة تصل إلى 3000 جنيه شهرياً

ماتستغربوش ..

هذه حقيقة

[قلب ابيض]

قال من لا ينطق عن الهوى صلى الله عليه وسلم :

عجبا لأمر المؤمن إن أمره كله خير ، وليس ذاك لأحد إلا للمؤمن ؛ إن أصابته سرّاء شكر ؛ فكان خيراً له ، وإن أصابته ضرّاء صبر ؛ فكان خيراً له . رواه مسلم .

اكيد اكيد اكيد ... خير

:lol: :blink:

صح لسانك يا باشمهندس

كفايه انى هاعيد مع اهلى 000الحمد لله

لعله خير

انا رأيى تستشيرى محامى زى ما قال بعض المشاركين وممكن تشوفى واسطة جامدة عشان تسافرى ومضيعيش شغلك واعملى توكيل لاى احد مكانك

موضوع التوكيل ده مافكرتش فيه 000بس انا على موعد بعد اسبوع العيد مع الجوازات 00ان شاء الله يكون فى خير وولادى ماتتعطلش مدارسهم

شكرا لكم احبائى على تفاعلكم معى00وان شاء الله ابلغكم بالنتائج اول باول لعلها تفيد غيري فيما بعد لا قدر الله

[تامر مصطفى]

يا جماعة انا النهاردة سمعت عن شغالة اثيوبية بتشتغل عند قرايبي هربت في مصر بنفس الطريقة!!!!!

الموضوع شكله منظم واعتقد ان الشغالات نفسهم عارفين ان ليهم في مصر مجال معين الله اعلم بيه لاني بصراحة مسمعتش عن هروب شغالات من اي جنسية تانية قبل كده

ربنا يستر

وقلبي معاكي يا ام نور وربنا يحلها من عنده ان شاء الله

[قلب ابيض]

يا جماعة انا النهاردة سمعت عن شغالة اثيوبية بتشتغل عند قرايبي هربت في مصر بنفس الطريقة!!!!!

الموضوع شكله منظم واعتقد ان الشغالات نفسهم عارفين ان ليهم في مصر مجال معين الله اعلم بيه لاني بصراحة مسمعتش عن هروب شغالات من اي جنسية تانية قبل كده

ربنا يستر

وقلبي معاكي يا ام نور وربنا يحلها من عنده ان شاء الله

انا كمان سمعت امس ان 30 اثيوبى من بينهم اسر مسكوهم على الحدود متجهين اسرائيل وحصل اصابات ووفاه 2 منهم بعد مطارده بينهم وبين حرس الحدود

والله اعلم 00وحسبى الله ونعم الوكيل

[Shmry]

[

للأسف أكبر غلطة كلنا ممكن نعملها مع الشغالة هى السماح لها بالكلام مع غيرها من أبناء جلدتها هنا أو إعطائها جوال لحالها والسماح لها النزول للشارع بدون رقيب وهكذا إذا وجدت أى فرصة للحديث مع أبناء بلدها ثقى تماماً أنها ستهرب بعدها بوقت قصير.

Slavery again