اذهب إلى المحتوى
محاورات المصريين

أونتاريو ترحب بـ سوسو

SoSo R
 مشاركة

Recommended Posts

SoSo R عضو جديد

SoSo R

بتاريخ:
  • كاتب الموضوع
بتاريخ:

وتشكى ليه يا ست الكل مش ممكن يكون وصل امبارح ولا أول امبارح؟؟؟؟؟؟؟؟ :P

مش فاهمة...بس أنا كنت أقصد إن أول ما دكتور تهامى بيدخل الغلاف الجوى لكندا...بيعمل قفلة وبتحصل حاجات غريبة

المرة اللى فاتت كان الجو حر ورطوبة...أول ما قال ...تحياتى من تورنتو...قلبت عواصف رعدية وإعصار صغنن وكام بيت سقفهم طار :lol:

لو هو المرة دى هو موجود فعلا...يبقى التهمة هتثبت عليه...وهو بيعملنا مشاكل طقسية

وربنا يسترها على الجاى :happy:

يعنى معزمتهاش والا على تلج والا على قلقاس

دى اكيد فرحت لما رجعت الاحساء

احنا فى باندا عندنا القلقاس بدولار الكيلو اجيبلك 2 كيلو

بس انا بقى مراتى بتعمله بالكسبره الخضراء مش بالسلق

الله ...الله...أنت تعرف موضوع القلقاس منين؟!!

دة قبل ما حضرتك تشترك فى المنتدى...واضح إن المواضيع كلها ساحت على بعض...والواحد هيبتدى يقلق كدة :closedeyes:

أنا ملحقتش أعمل قلقاس لأنها كلمتنى قبل ماتيجى بساعة واحدة...وأنا ماكانش أصلا عندى قلقاس ساعتها...

التلج بأه ...يوم الأتنين اللى فات صحينا لقينا التلج على العربيات...

كلمتها قلتلها أبشرى ...شفتى السنو؟!!

قالت لى ما نزلش فى تورنتو wst::

قلتلها نزل عندنا wst::

ياريت ينفع تجيب قلقاس...أخترلك حاجة تانية...ماهى اللستة طويلة :D

تحياتى

سوسورانى

card10.jpg

لا تندم على حب عشته...حتى ولو اصبح ذكرى مؤلمه..... فأذا كانت الزهور قد جفت وضاع عبيرها ..... ولم يبقى فيها غير الاشواك فلا تنسى انها منحتك عطرا جميلا اسعدك

رابط هذا التعليق
شارك
  • الردود 1.8k
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

المشاركات الأكثر تفاعلاً

SoSo R
SoSo R

قبل ما ابتدى احكى و استفيض فى الكلام احب اقولكم شعار المرحلة اللى لازم تحطوه حلقة فى ودنكم المعرفة غير الأدراك. أو المعرفة تختلف عن الأدراك. و المعنى جاية لكم بيه فى السكة... عايزة بس احكيلكم على

SoSo R
SoSo R

مساء الخير على الجميع... إيه ده هو فين الجميع دول ده حتى الموضوع بيصفر من الهوا اللى فيه.. ما علينا .كل دى حاجات سطحية.و أنا من الأصل باكتب هنا عشان أسجل الأحداث بالتواريخ فى المكان اللى بعتبره دفتر

أكسيلانس
أكسيلانس

كلما دخلت هذا المنتدي ( المحاورات ) و خصوصا قهوة سوسراني و التهامي و زناتي و كبار علماء المحاورات ,, يقفز الي ذاكرتي أبيات من شعر أبراهيم ناجي ,, كان مدرس اللغه العربيه في أيام الثانويه العامه كثيرا

الصور المنشورة

SoSo R عضو جديد

SoSo R

بتاريخ:
  • كاتب الموضوع
بتاريخ:

سلام عليكم

الصراحه المشاركه بتاعتك بتاعت القهوه حلوه جدا و خلتني شامه ريحة القهوه و كنت حتجنن و اقوم اعملي واحد مج نسكافيه بالكاكاو علشان اجربه بس قلت الطيب احسن و اعمله الصبح. انا بموت في النسكافيه و القهوه و الشهر اللي بقضيه في مصر اجازه ممكن اشربلي تلات اربع كوبيات في اليوم اصل انا جوزي مالهوش في القهوه اخره شاي بلبن و انا مبيجليش المزاج التمام لو شربت لوحدي لازم اشرب جماعه

و علي كافيه فعلا تحفه و ريحته بتبقى خطيره و ممكن تقعد طول اليوم معايا. و ان شاء الله لما ربنا يكرمنا لو اخدنا الفيزا و لا يهمك ليكي واحد علي كافيه بالجنسج و كمان مقوره زياده علشان تونس اختها :lol:

الصراحه انتي شخصيه جميله جدا و فعلا انا حبيتك من مداخلاتك و خفة دمك. و يا ريت تسمحيلي اني ابعت سلامي لكل الشخصيات الحلوه في المنتدى ده من القهوه بتاعتك د صفاء و انجي وناويه و سميه و يا ريت مكنش نسيت حد معلش يا جماعه اصل انا الزهايمر عندي جه بدري

و تحياتي للجميع

ام يمنى :closedeyes:

يا أهلا يا أم يمنى...زبونة كمان بتحب القهوة يادى النور والهنا...

هيا فعلا محتاجة لمة عشان شربها يحلو...

بس أنا بشرب فى كل الظروف والأوقات...لسه ضاربة واحد إفتكاسة سوسو والساعة 11:30 بليل

عادى خالص wst::

وسلامتك من الزهايمر...تحيتك وصلت لكل الناس الحلوة...

شدى حيلك عشان نشرب قهوة كلنا مع بعض...

لو هتجيبى على كافيه...أفرطى إيدك شوية ..واحد لايكفى :happy:

مش عايزة مقورة تانى...كفاية اللى إتزفيت عليها....شوفى لك حاجة تانى...عصارة...نشابة...صوانى ألمنيوم...كل دة مش هنا ومش متوافر...

شوية نصايح إيه بربع دولار عشان تجيبوا الحلجات دى لنفسكم وأنتوا جايين...

تحياتى

سوسورانى

card10.jpg

لا تندم على حب عشته...حتى ولو اصبح ذكرى مؤلمه..... فأذا كانت الزهور قد جفت وضاع عبيرها ..... ولم يبقى فيها غير الاشواك فلا تنسى انها منحتك عطرا جميلا اسعدك

رابط هذا التعليق
شارك
SoSo R عضو جديد

SoSo R

بتاريخ:
  • كاتب الموضوع
بتاريخ:
ربنا يطمنا عليكي يا مدام سوسو في كل الامتحانات و بصراحة كنت ماشى هنا في الاسواق من يومين و شوفت علي كافيه على الرفوف و كنت عايز اجيبلك واحد بس بجد معرفتش ابعتهولك ازاي.....علي العموم وعد مني ان شاء الله اني اجيبلك لما ربنا يكرمني و اجي

ربنا يخليك يا أستاذ حسينى وحمدالله على سلامتك وكل سنة وأنت طيب...متأخرة أنا عارفة بس حضرتك مختفى بقالك فترة!!!

واضح غنك مابتظهرش إلا فى حالتين ...يا إما تهامى يكتب مداخلة دسمة..

يا إما زناتى يفتح موضوع :closedeyes:

وبما إنى بشتغل مع تريبل زيرو :lol:

أنا شاكة إنك بتدخل علطول بس زوار :happy:

أصلك تظهر فجأة وألاقيك عارف ودريان بكل اللى حصل...طب إزاى؟؟؟

ع العموم كأن على كافيه وصل بالضبط وكفاية إن حضرتك فكرت فى المبادرة...

يارب يكملك هجرتك على خير..

تحياتى

سوسورانى

card10.jpg

لا تندم على حب عشته...حتى ولو اصبح ذكرى مؤلمه..... فأذا كانت الزهور قد جفت وضاع عبيرها ..... ولم يبقى فيها غير الاشواك فلا تنسى انها منحتك عطرا جميلا اسعدك

رابط هذا التعليق
شارك
hosiny عضو جديد

hosiny

بتاريخ:
بتاريخ:

عارفة مشكلتك يا مدام سوسو.....انك ذكية.....انا فعلا مبفوتش ولا مداخلة في المنتدي كله مهما كانت صغيرة و في اي موضوع....بس بجد ياما بكون في الشغل و مش عارف ارد....ياما في البيت....و مراتي زعلانة عشان سايبها طول النهار و كمان لما ارجع من الشغل...بس صدقيني كنت بشارككم و بادعيلك في كل امتحاناتك و مش بس كده في كل الكوارث كمان زي السوين فلو و اصابات السكاكين بتاعة الملاعب و غيره

رابط هذا التعليق
شارك
wnam عضو جديد

wnam

بتاريخ:
بتاريخ:

شفت المداخلات الجميلة اوى عن موضوع القهوة

وضحكت ضحك بجد تجننوا

كان نفسى اشارك

بس انا مبشربش القهوة ينفع الشاى باللبن

لا اله إلا انت سبحانك انى كنت من الظالمين

رابط هذا التعليق
شارك
ehabtaher عضو جديد

ehabtaher

بتاريخ:
بتاريخ:

انا مش عارف اجيبلك قلقاس لان فى الغالب فى المطار حيقولوا انه حايعمل ازمه مع القلقاس الكندى ويوقف سوقه

لكن ممكن اجيبلك نوى بلح دلوقت بيعملوه قهوه فى المغرب وسوقه ماشى

وده بقى فى الاحساء مافيش اكتر منه

يمين شمال تشوفى نخل وبعدين رمله

نخل ورمله

نخل ورمله

بح

اللهم انت ربى خلقتنى و انا عبدك و انا على عهدك ووعدك ما استطعت اعوذ بك من شر ما صنعت و ابوء لك بنعمتك على و ابوء بذنبى فاغفر لى فإنه لا يغفر الذنوب إلا انت

رابط هذا التعليق
شارك
safaalabana عضو جديد

safaalabana

بتاريخ:
بتاريخ:

الحبيبه سوسو ...لقيت قهوتك رايحه على الصفحة التانيه قلت الحقها ...قوليلى ياسوسو فاضل قد ايه على النتيجه علشان نكثف الدعاء ؟؟...

حاجه تانيه اسمحيلى يا سوسو اشكر اختنا ام يمنى على كلامها الجميل ..ويارب دايما كلنا متجمعين mfb:

رابط هذا التعليق
شارك
enjisultan عضو جديد

enjisultan

بتاريخ:
بتاريخ:

بس انا بقى مراتى بتعمله بالكسبره الخضراء مش بالسلق

طب دى طريقة ولا غلطة اصل انا واختى عملنا حاجة اعجب من كدة

حيث انى مش شاطرة اوى فى الطبخ فكنت عند اختى فجابت السلق وقلقاس وسبانج وكل دا جهزتة وحطتة فى الفريزير

وبعدين قررنا نعمل قلقاس لان جوزها بيحب القلقاس وسبانخ لان جوزى بيحب السبانخ واحنا بنكرة الاتنين اساسا

فجبت لها الكيس الاخضر اللى جة فى وشى من الفريزير على اساس انة دا السلق

واستلمت انا عمل القلقاس وبعدين جابت اختى الكيس الاخضر التانى تعمل سبانخ

لما السبانخ اللى احنا كنا فاكرنها سبانخ ابتديت تبان كدة فى الحلة وتفك وتندمج فى الطبخة

اتضح انها سلق

فكان النتيجة النهائية يومها اننا عملنا قلقاس بالسبانخ وطبخنا سلق لوحدة

جديدة دى

( يا بني إذا افتخر الناس بحسن كلامهم فافتخر بحسن صمتك ) .

رابط هذا التعليق
شارك
enjisultan عضو جديد

enjisultan

بتاريخ:
بتاريخ:

و يا ريت تسمحيلي اني ابعت سلامي لكل الشخصيات الحلوه في المنتدى ده من القهوه بتاعتك د صفاء و انجي وناويه و سميه

شكرا يا ام يمنى كلك ذوق وبعدين نورتى المكان

( يا بني إذا افتخر الناس بحسن كلامهم فافتخر بحسن صمتك ) .

رابط هذا التعليق
شارك
enjisultan عضو جديد

enjisultan

بتاريخ:
بتاريخ:

سوسو فى حاجة عايزاكى تبقى تحكى لنا على التعليم عندكوا عامل اية

عند مرمر فى المدرسة بيعملوا اية وبياخدوا 35 صفحة هوم ورك زى مصر ويكتبوا الدرس 9 مرات وياخدوا سبيلنج ليست اطول منهم كل يوم

ولا بيعملوا اية ؟

لا بصى عايزاكى تعقدنى بجد

( يا بني إذا افتخر الناس بحسن كلامهم فافتخر بحسن صمتك ) .

رابط هذا التعليق
شارك
ابنه النيل عضو جديد

ابنه النيل

بتاريخ:
بتاريخ:

معلش يا سوسو سؤال من واحده جاهله

يعني ايه ماجيك جاك

وكمان سؤال من واحده تايهه لو عندك اي معلومه عن معادله العلاج الطبيعي تلحقيني بيها

الله يكرمك وينجحك يارب

we make them cry who care for us

we cry for those who never care for us

And we care for those who never cry for us

رابط هذا التعليق
شارك
moheltohamy عضو جديد

moheltohamy

بتاريخ:
بتاريخ:
معلش يا سوسو سؤال من واحده جاهله

يعني ايه ماجيك جاك

وكمان سؤال من واحده تايهه لو عندك اي معلومه عن معادله العلاج الطبيعي تلحقيني بيها

الله يكرمك وينجحك يارب

هاقول إيه بس يا ربي... محدّش بيذاكر :lol:

ماهو لو بنبص ع اللي عمل إعلانات فور فري للماجيك جاك من زمان ، ما كناش سألنا :lol:

آدي قصة الماجيك جاك...

فيجيب الدمع والماضي الجريح *** لم عدنا؟ ليت أنّا لم نعُد!

رابط هذا التعليق
شارك
اسكندرانيةكنداوية عضو جديد

اسكندرانيةكنداوية

بتاريخ:
بتاريخ:

د/ سوسورانى أنا متابعة موضوعك من فترة ضحكت و قلقت و دعيت لك أثناء الأمتحانات و أنا عارفة إن النتجة طلعت لكن أنا لسة ما وصلتش لصفحة النتيجة عشت معاكى كل المواضيع إنت إنسانة جميلة أوى و كنت منتظرة تفعيل العضوية علشان أشكرك على المعلومات القيمة و أقولك نفسى تكونى رئسية إجتماع قمة لنون النسوة بكندا زى د الشامى ود التهامى و د إيهاب أنا باعمل لاندينج مع زوجى وأولادى الأثنين فى يوليو 2010 و حقيقى أتمنى أشوفك و أشرب معاكى القهوة أنا مدمنة قهوة ستاربكس كل الأنواع و دكيف لإنى مقيمة بالسعودية تحياتى لك و لبناتك ربن يخليهم لك

((رَبَّنَا آتِنَا مِنْ لَدُنْكَ رَحْمَةً وَهَيِّئْ لَنَا مِنْ أَمْرِنَا رَشَدًا)) [الكهف:10].

رابط هذا التعليق
شارك
ehabtaher عضو جديد

ehabtaher

بتاريخ:
بتاريخ:

ايه رايك يا مدام سوسورانى نفتح قسم بيع الماجيك جاك لاعضاء المنتدى

بس اشرحيلنا ازاى المفعوص ده بيشتغل علشان عقبال امالتك يا دوك احنا لسه جايين من ورا الجاموسه والتكنولوجيا الجديده دى بنسمع عنها بس لكن مش بنطبقها

وبعدين ماله السكاىب فى اللاب توب ماهو صوته كويس ومعاه صوره كمان وساعات ممكن تكلمى تليفون ارضى فى كندا وامريكا باسعار رخيصه جدا

بس الظاهر ان الستات مالهمش الا فى الحاجات السهله والقلقاس :wub:

انا الظاهر حابوظ الشغلانه

لا خلاص

الماجيك جاك ده حييلو خالص وبيغنى عن السكايب والياهو والهوتميل

ومش غالى

الا هو بكام ؟ :roseop:

اللهم انت ربى خلقتنى و انا عبدك و انا على عهدك ووعدك ما استطعت اعوذ بك من شر ما صنعت و ابوء لك بنعمتك على و ابوء بذنبى فاغفر لى فإنه لا يغفر الذنوب إلا انت

رابط هذا التعليق
شارك
SoSo R عضو جديد

SoSo R

بتاريخ:
  • كاتب الموضوع
بتاريخ:

صباح الخير والمرمطة....

أنا لسه موصلة مرمر المدرسة...وعاصرت لأول مرة سنو ستورم...كدة التهمة ثبتت على د.تهامى..الجو أتنيل لما هو جه

ما علينا

أنا أكتشفت إن السنو اللى قلت عليه من يومين...دة كان مياصة!!!

دة شوية فليكس أو بيقولوا عليها لايت فلوريز و بتسيح لما بتنزل الأرض

إتفرجوا النهاردة ع اللى حصل فينا...

من إمبارح وفى كمية تحذيرات خرافية فى كل حتة إن فيه سنو ستورم شديدة..طول الليل والأربعاء الصبح..

فى الراديو..تليفزيون...النت

بيعملوا شاشاة حمرا عليها رسالة مسجلة تحذيرية

وإن الحرارة بليل وصلت -20 بس دة الحرارة اللى بنحسها مش المتقاسة فعليا

والتلج هيوصل 15 ل 20 سم

أنا حاساه الصراحة أكتر من كدة...التلج غويط جدا والواحد رجليه بتغرس...زى رمل البلاج

انا خرجت من البيت إتخضيت...صفيحة القمامة والباكيت بتاع الريسيكل مقلوبين ومرميين وسط الطريق

كمية تلج خرافية قدام البيت

العربية مدفونة تحت التلج مش باين منها حاجة

مرمر عاملة زى رجال الفضاء من كتر اللبس اللى لبساه...وأهمه السنو سوت

لحد كدة وتمام وأخدنا صور عشان نسجل اللحظة التاريخية دى وأفرجكوا...ومدام زناتى

وأبتدينا نحارب مع التلج عشان نوصل المدرسة....

وبس............

بدأت الستورم

الدنيا بتمطر وتتلج فى نفس الوقت

شوية مياة شوية تلج

هوا فظيييييييييييع

طير الكاب من على دماغ مرمر وكنا هنطير وراه

والتلج بييجى فى وشنا وعنينا...مرمر فى الآخر عيطت عشان مش مستحملة الهوا والتلج اللى نازل

مع إنها كانت إكسيتيد جدا الصبح وهى بتجهز

أنا رجعت بأه متمرطة ...شعرى إتبل اللى كان برة الكاب

والجوانتى غرق

كله غرق

دة غير أطرافى اللى هروح أحطها على البوتاجاز عشان تدفى

زيزى_مراة زناتى يعنى :blink: _

مافاتكيش حاجة عدلة

روحى ألعبى فى الرمل اللى عندكم أحسن

قولتيلى الحرارة كام عندكم دلوقتى؟؟؟؟ :lol:

تحياتى

سوسورانى

card10.jpg

لا تندم على حب عشته...حتى ولو اصبح ذكرى مؤلمه..... فأذا كانت الزهور قد جفت وضاع عبيرها ..... ولم يبقى فيها غير الاشواك فلا تنسى انها منحتك عطرا جميلا اسعدك

رابط هذا التعليق
شارك
د هشام ابراهيم عضو جديد

د هشام ابراهيم

بتاريخ:
بتاريخ:

إيييييه ده .....الواحد يغيب شوية يلاقي القهوة بقيت أكبر فرع للتيم هورتونيونز في المنتدي و لمت كل الزباين .....الصراحة عفارم يا 005 تسلم الأيادي و التحويجة المظبوطة

ألف حمد الله علي السلامة يا دوك الغريب اني رجلي اتكسرت قابليكي بما فيش ....الظاهر إن المصريين في خطر ...... :lol:

بالنوسبة للتلج بقي ف Welcome to Canada ... :blink:

Her şey kişisel bir

رابط هذا التعليق
شارك
ابنه النيل عضو جديد

ابنه النيل

بتاريخ:
بتاريخ:

moheltohamy مشاركة بتاريخ أمس, 09:50 PM

إقتباس(ابنه النيل @ Dec 8 2009, 01:34 PM)

معلش يا سوسو سؤال من واحده جاهله

يعني ايه ماجيك جاك

وكمان سؤال من واحده تايهه لو عندك اي معلومه عن معادله العلاج الطبيعي تلحقيني بيها

الله يكرمك وينجحك يارب

هاقول إيه بس يا ربي... محدّش بيذاكر

ماهو لو بنبص ع اللي عمل إعلانات فور فري للماجيك جاك من زمان ، ما كناش سألنا

آدي قصة الماجيك جاك...

قريت الموضوع ربنا يكرمك يا دكتور تهامي معلش حضرتك كاتبه بتاريخ اغسطس 2008

ومع ذلك يا فندم

والعتب ع النظر برده

وجزاكم الله خيرا

وفي انتظار اي تعليق علي مستقبل العلاج الطبيعي في كندا من سوسو راني

we make them cry who care for us

we cry for those who never care for us

And we care for those who never cry for us

رابط هذا التعليق
شارك
اسكندرانيةكنداوية عضو جديد

اسكندرانيةكنداوية

بتاريخ:
بتاريخ:

الله يبشرك بالخير يا د/ سوسو و يعينك درجة الحرارة بالرياض الليلة 9 وبنقول برد جدا النهاردة

((رَبَّنَا آتِنَا مِنْ لَدُنْكَ رَحْمَةً وَهَيِّئْ لَنَا مِنْ أَمْرِنَا رَشَدًا)) [الكهف:10].

رابط هذا التعليق
شارك
znaty عضو جديد

znaty

بتاريخ:
بتاريخ:

درجة الحرارة في الشرقية نموذجية سعادتك

20 الصبح 16 بالليل

كفاية اوي اللي حكيتيه

الحمد لله اننا مشينا بدري ..كان زماننا محبوسين في الفندق ولو اتهورت وطلعت البلكونة هابقي عامل زي الديك الرومي المجمد في ظرف 3 ثواني

طب وماقعدتيش ليه انتي والعيال في الديب فريزر طالما الدنيا برد كدة ؟؟اكيد هايبقي ادفي وطراوة

272image.jpg

أعلم ولادي حنيني لبلادي ..واكتب في كراسي بحبك يا مصر

رابط هذا التعليق
شارك
SoSo R عضو جديد

SoSo R

بتاريخ:
  • كاتب الموضوع
بتاريخ:
عارفة مشكلتك يا مدام سوسو.....انك ذكية.....انا فعلا مبفوتش ولا مداخلة في المنتدي كله مهما كانت صغيرة و في اي موضوع....بس بجد ياما بكون في الشغل و مش عارف ارد....ياما في البيت....و مراتي زعلانة عشان سايبها طول النهار و كمان لما ارجع من الشغل...بس صدقيني كنت بشارككم و بادعيلك في كل امتحاناتك و مش بس كده في كل الكوارث كمان زي السوين فلو و اصابات السكاكين بتاعة الملاعب و غيره

ليه بس يا أستاذ حسينى :roseop:

الذكاء مش مشكلة...دى حتى المرأة الذكية جذابة جدا ومفيدة فى نفس الوقت :)

هى المشكلة إن دماغى شغالة علطول ...حتى وأنا نايمة

جوزى دايما يقولى ريحى دماغك شوية

شكله خايف على الرامة :roseop:

ومتشكرة على دعوات حضرتك...حاول تكثفها الفترة الجاية

تحياتى

سوسورانى

card10.jpg

لا تندم على حب عشته...حتى ولو اصبح ذكرى مؤلمه..... فأذا كانت الزهور قد جفت وضاع عبيرها ..... ولم يبقى فيها غير الاشواك فلا تنسى انها منحتك عطرا جميلا اسعدك

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...