أونتاريو ترحب بـ سوسو

[ناوية ع الهجرة]

ياسلام ولا يهمك ياجميل تنوروني والله

بس انتو قولوا لي على المنيو وانا اعملهالكم على طول

بس اصل انا مش عارفة ايه الحلال فوود ده اصلي لسه مارحتش كندا :rolleyes:

اول ما اعرفه هعزمكم عندي على طول wst::

حاليا ممكن ابعتلكم الاكل بالدي اتش ال :wub:

[DrDrawer]

ما شاء الله أنا قرأت جزأ كبير من الموضوع ... الواحد موضوع الهجرة أو المعادلة أو بشكل عام السفر لكندا مسيطر على دماغى بشكل صعب ... بس الواحد متردد و خايف ميحصلش نصيب بعد ما يتبهدل فى المذاكرة للمعادلة و كده ... على فكرة انا لسه طالب فى 4 طب بشرى ... ايييييه ... الواحد بيفتح دماغه برده منعرفش على اما نخلص ايه اللى هيحصل..

و شكرا ليكى على انك بتشاركينا هنا تجربتك و بالتوفيق ان شاء الله

[SoSo R]

بعد إذنك حلقة عن الطعام ..أنا عارف أن كندا فيها كل حاجة ...بس عاوز أعرف ايه الشيء الجديد بأكل كندا ؟؟ وايه اللي ناقص ..إذا كان في شي ناقص

و

يا نهاااااااار أبيض

دة حتة دين طلب...بره المنهج خالص..

حتى مش موجود فى أسئلة النماذج :) ..عندكوا النماذج فى سوريا ولا لأ؟!!

طيب حدد السؤال شوية ...

يعنى الأكل الفريش ولا الجاهز ولا الهاف بروسيسد

ولا أكل المطاعم...ولا...ولا

دة أنا لو أبتديت فى الكلام دة ممكن أخلص على آخر2025

وبرضه هتكون فيه حاجات مش متغطية لأنى أكيد مش هجرب كل حاجة...

ع العموم قولى أنهى حاجة تحديدا من الأختيارات اللى حطيتها عايز نتكلم فيها وأنا تحت أمرك يا فندم..

تحياتى

سوسورانى

[SoSo R]

اشكرك ياسوسو من كل قلبى القهوه ظبطت وبقت بوش :P بس ده بعد ما دمجت طريقتك مع طريقة عم يونس ...اه ده عم يونس البواب انا فى مصر طلعت عينه كل ما ابعته يشترى بن اقوله ...البن ده مش كويس :blink: واخر مره قلتله انت جبت من ده يبقى ح ترجعه ...انا قلتها كده ...والراجل بصلى (وش عماد حمدى وهوبيقول لعبد الحليم حافظ ..ايوة انت مش ابنى فى الخطايا)الراجل قالى ...العيب مش فى البن يامدام ...يانهار اسوح يعنى ايه ..قالى يعنى نفس البن ده انا بعمل منه وبتطلع بوش ... :lol:

بس وحسيت بفشل الدنيا كلها ...نفس احساسى لما اتهزمنا من الجزائر اخر مره ...المهم ياسوسو اضطريت اضحى واسمع منه زى التلميده الخايبه بس كله يهون علشان القهوه ام وش ...

السر يا سوسو انك تحطى الميه وبعدين السكر حسب الطلب وبعدين تقلبى السكر وخلاص تروحى حطه البن وماتقلبيش خالص وعلى نار هاديه وانا وعدت عم يونس انى ح اكتب براءة الاختراع باسمه :)

كنت حانسى ...سوسو ياحبيبتى كان نفسى اعزمك على الاتيك اللى ب100دولار ده بس يا خساره مش ح ينفع اصلى ح اجى الاقيك صايمه وما يخلاصنيش افطرك :)

سكر يا صافى ...بجد سكرة :lol:

هى وصلت لوش عماد حمدى فى الخطايا!!!

وكمان بتسألى عم يونس البواب

طيب ماهى دى بالضبط الطريقة اللى أنا باعمل بيها...يبقى حطى أسمى أنا :) على براءة الأختراع

وبعدين مين قلك أنه هيبقى صيام؟؟!!

أى نعم إحنا بنصوم تلتربع السنة بس هزنأك فى يوم فطار أكييييييييييييد

تقلى جيبك يا جميل...مافيناش من حجج فاضية

تحياتى

سوسورانى

[SoSo R]

ايوه ايوه ولو رحتي في وقت ما تكونش هي صايمة تقوليلها اصل المطعم ده مش حلال

عارفة انا الحركات دي

ولا يهمك يا سوسو راني لما اجي عندك

ابقي اعزيمني انا مش هقولك حاجة خالص :blink: :P

بصوا بقة أنا موضحة ومبينة من الأول...

أخركم معايا الهوت سموزى وشوية تيم بيتس...

ولو هنبعزق نجيب التشيكن رابر السندوتشين ب 4$

غير كدة ماعنديش غير القلقاس على رأى البت نوجة -دول فقرا فى كندا بيعزموا بعض على قلقاس-

بث خلاث

تحياتى

سوسورانى

وخصوصا لما بتقولى لى عايزة أجرب تيمو وعلى حسابك عشان أبقى مبسوطة أكتر :)

أنتى جيتى فى جمل يعنى ..كلها دولار ونصف

وبعدين نطلع على أى مطعم محترم من بتوع الستيك اللى ب 100 $

و تعزمينى أنتى بقى :lol:

كنت حانسى ...سوسو ياحبيبتى كان نفسى اعزمك على الاتيك اللى ب100دولار ده بس يا خساره مش ح ينفع اصلى ح اجى الاقيك صايمه وما يخلاصنيش افطرك :lol:

ايوه ايوه ولو رحتي في وقت ما تكونش هي صايمة تقوليلها اصل المطعم ده مش حلال

عارفة انا الحركات دي

ولا يهمك يا سوسو راني لما اجي عندك

ابقي اعزيمني انا مش هقولك حاجة خالص :) :lol:

كده يا ناويه ...وانا بحسبك فى صفى لا لا لا .....ده كلكوا عليه والا ايه ..؟ انا مش عارفه مطاعم ايه وكلام فاضى ايه .. .والله مع الميزانيه بتاعة كندا مافيش احلى من اكل البيت ...خلاص يا ناويه ان شاء الله سوسو وبناتها ..سميه وولادها ...وانا واسرتى ح نشرف عندك ...وتدوقينا الحلال فوود من ايديكى يا جميله :)

[SoSo R]

ياسلام ولا يهمك ياجميل تنوروني والله

بس انتو قولوا لي على المنيو وانا اعملهالكم على طول

بس اصل انا مش عارفة ايه الحلال فوود ده اصلي لسه مارحتش كندا :)

اول ما اعرفه هعزمكم عندي على طول :lol:

حاليا ممكن ابعتلكم الاكل بالدي اتش ال :P

أنا مؤيدة لأى حد حيعزمنا...

وموضوع حلال فوود...

والله ما بتفرق معانا الأسماء :)

وفى الآخر كله هيروح المجارى...فبلاش تزنوا كتير بأه وكل واحدة تعملها صنف وناكل كلنا مع بعض فى أى جنينة تختاروها عشان الترتيب والنظام والمواعين وكدة يعنى :blink:

تحياتى

سوسورانى

[SoSo R]

ما شاء الله أنا قرأت جزأ كبير من الموضوع ... الواحد موضوع الهجرة أو المعادلة أو بشكل عام السفر لكندا مسيطر على دماغى بشكل صعب ... بس الواحد متردد و خايف ميحصلش نصيب بعد ما يتبهدل فى المذاكرة للمعادلة و كده ... على فكرة انا لسه طالب فى 4 طب بشرى ... ايييييه ... الواحد بيفتح دماغه برده منعرفش على اما نخلص ايه اللى هيحصل..

و شكرا ليكى على انك بتشاركينا هنا تجربتك و بالتوفيق ان شاء الله

العفو يا فندم الواحد بيحاول يفيد زى ما أستفاد من المنتدى الجميل دة...حتى ولو بمعلومات بسيطة...

وحضرتك بتفكر صح ...ربنا يقدم لك كل خير

تحياتى

سوسورانى

[wnam]

أنا وعدتكم أحكى عن الورق اللى مخلى الأفاتر بتاعى زى ما أنتوا شايفين :P

طبعا لازم تحطوا مبدأ مهم جدا فى بالكم....ألا وهو

إنى حظى نااااار

آه محظوظة ...محظوظة يعنى

لو فيه إختيارات لازم ييجى نصيبى فى الأسوء

لدرجة بعد كدة لما بيبقى فى توقعات فى أى موقف ...بشوف إيه ممكن أسوء حاجة تحصل...وهى دى النتيجة المتوقعة

الموضوع أبتدى من أيام الكلية فى إمتحانات الشفوى و العملى...أسوء تجربة...أسوء لجنة...أسوء دكتور :)

وتستمر الحياة

عشان ماطولش عليكم....عارفين حكاية البيضة الأول ولا الفرخة؟!!

أهو تخليص الورق هنا كدة

يقولك عايزين تو بيسيز أوف أى دى

يعنى حاجة عليها الصورة و التوقيع بتاعك...وساعات عايزين آى دى عليها العنوان

وتدخل فى حلقة مفرغة ...عايز تطلع حاجة...يسألك على حاجة تانية...طيب التانية محتاجة الأولانية....إلخ

هتحسوا بالموضوع دة فى الهيلث كارد...يقولك عايز حاجة فيها العنوان

نجيب جواب بنك ...يقولك لأ مش كفاية

طيب طلعنا الرخصة...ممتاز عليها العنوان...بس منقدرش نستخدمها أى دى و إثبات للعنوان فى نفس الوقت

لأن المستند بيستخدم مرة واحدة بس

يبقى الحل نستنى البى آر كارد...دة اللى بيعترفوا بيه

طيب .....عارفين الحنفية اللى بتنقط؟!!

أهو البى آر وصل كدة...

وصل لبنتى الأولانية ووصل بسرعة أسرع من المدة اللى قايلنها

يومين كمان بنتى التانية...كمان تلات أيام....جوزى...رغم إن إحنا واصلين البلد مع بعض

طيب بتاعى فين :lol:

نستنى زمانه فى السكة ...هيروح فين...ماهو كله وصل

المهم وصل شهر ...طيب الحنفية قفلت ليه؟؟؟

بعد إنفستيجيشن كتيييرة

رحت مقر الهجرة اللى فى سانت كلير....

والست مش عايزة تدينى دور بدل ما بعتوليش هما

وبعد محاورات خدت دور ...إنتظار ساعة

قالت لى فى جواب إتبعتلك فى البوسطة ...أنا ماجاليش حاجة

قالت لى هيوصلك بكرة

بيقولوا فيه إن الصور اللى بعتاها مش مطابقة للمواصفات

ومحدد لى ميعاد بعديها بشهر عشان أجى يصورونى...أو الأختيار التانى إنى أروح أتصور دلوقتى على حسابى و أجيب لها الصور

طبعا دة اللى عملته لأن المشوار كبير جدا و كمان البى آر هيتأخر جدا و بالتالى الهيلث كارد هيتأخر ومش هنخلص

واحد حرامى جنب المبنى عملى صورتين و مطلعنى شكلى مرعب :blink: و أخد 15 دولار ...سرقة

وكدة إتحسب 4 أسابيع من يومها عشان أستلم البى آر بدل التأخير اللى كان هيحصلى

ووصل بسلامة الله المدعو بى آر :)

محتاجة آخد نفس عميق

تحياتى

سوسورانى

السلام عليكم ورحمه الله وبركاته

الاخت الفاضله وزميله المهنه سوسورانى

ليا ثلاث اسئله بعد اذن حضرتك:

1-لما حضرتك عملتى اللاندندنج طلبوا منكم صور ..

2-الصور اللى حضرتك قدمتيها مش المفروض انها نفس الصور اللى قدمتيها للسفاره الكنديه مش لو كان فيها مشكله كانت السفاره رفضتها ؟

3 -انا مشيت قبل ما اخد البى ار كارد ..طيب لاقدر الله لو بعتولى انى اغير الصور هل ممكن ابعتهلهم او لازم اجى بنفسى ؟

وجزاك الله خيرا

اجابة على السؤال التالت بس يا خالد

لازم تروح بنفسك مافيش حاجة اسمها تبعتها انا متاكد

باقي الاسئلة نسيبها لدكتور سوسو

انا اعرف حد عمل كده سافر قبل استلام الPR وبعتوله انه غير صالح ولما كلمهم قالهم ممكن ابعتلكوا الصور

قالوا ماشى وبالفعل اتصور هنا وبعت الصور كندا وادى وش الضيف محدش عبره لحد انهارده

الكلم ده بقاله حوالى السنه

[مازن أطرش]

بعد إذنك حلقة عن الطعام ..أنا عارف أن كندا فيها كل حاجة ...بس عاوز أعرف ايه الشيء الجديد بأكل كندا ؟؟ وايه اللي ناقص ..إذا كان في شي ناقص

و

يا نهاااااااار أبيض

دة حتة دين طلب...بره المنهج خالص..

حتى مش موجود فى أسئلة النماذج :P ..عندكوا النماذج فى سوريا ولا لأ؟!!

طيب حدد السؤال شوية ...

يعنى الأكل الفريش ولا الجاهز ولا الهاف بروسيسد

ولا أكل المطاعم...ولا...ولا

دة أنا لو أبتديت فى الكلام دة ممكن أخلص على آخر2025

وبرضه هتكون فيه حاجات مش متغطية لأنى أكيد مش هجرب كل حاجة...

ع العموم قولى أنهى حاجة تحديدا من الأختيارات اللى حطيتها عايز نتكلم فيها وأنا تحت أمرك يا فندم..

تحياتى

سوسورانى

عزيزتي سوسو ...أنا حلبي ...يعني من حلب...وحلب دي اشهر مدينة بسوريا بالأكل الطيب ..ليه ...عشان نحنه بنحب الطعام بشكل .. :blink: .ولذلك نحنه لما بنسافر رحلة سياحية على البحر ..على الجبل ..هنا بسوريا ..بنحسب قبل كل حاجة ..حناكل ايه ...وكأننا رايحين ناكل ..ا :lol: لمهم بالنسبة لي ..أنا اللي بيهمني ..اللحم والسمك ...الدجاج ..الأكل الجاهز ..على فكرة ...بالنسبة للأكل الجاهز ...كمان في اكل جاهز حلال ...(طبعا اكيد في :) ) بس عاوز اعرف التفاصيل ..وكمان بالنسبة للطبيخ ..المحاشي والكبة ..مواده الأولية جاهزة ...وخصوصا البهارات ..وانا كمان بموت بالسمك . :lol: .ونحنه بسوريا من افقر الدول بالسمك . :) .واكيد كندا مليانة سمك ..محيط اطلسي وهادي .وانهار وبحيرات ...فلو حلقة تفصيلية عن السمك ...وادينا قاعدين ..بنستنى الميديكال ..ورانا ايه ..وانتي على فضاوتك (يعني على مهلك واقل من مهلك ...عشان الطبخ يطلع مستوي تمام ) :)

[wnam]

الحوارات بتاعتكوا مش معقوله بصراحة انا يا دوبك اول مرة اشوفة انهاردة

وقعدت خلصت قرايته من الساعة 8 الى الان 2 صباحا مع ان عندى شغل الصبح وتوصيل الولاد

للمدارس اول يوم بعد اجازة طويلة

الف سلامة على صوابعك يا مدام سوسو ويا رب الشفا

وربنا دائما بيقبل الدعوة من المصاب

يا ريت تدعيلى ان السفارة تحنن قلبها علينا وترد

لحسن انا زهقت وخلاص عاوزة امشى من البلد دى

مع العلم ان حالتى هتبقى زيك بدون زوج الى ان يتم الاستقرار التام ولم الشمل الله اعلم امتى

وخاصة ان اكبر اولادى فى الاعدادية يعنى لو ربنا سهل ورحت السنه الجاية يعنى ثانوى

وفى الاخر ربك هو اللى بيعين الكل

ارجوكم الدعاء الدعاء

[mrs gehad ahmed]

إقتباس(احمد ابو شادي @ Nov 30 2009, 10:43 PM)

الف الف مليوووووووووووون سلامه عليكي يا مدام سوسوراني

خلي بالك من نفسك ومن البنات وربنا يبعد عنكم اي شيء وحش لا قدر الله

وحكاياتك ف القهوه والنسكافيه زي حكايات غرام زوجتي بردو .( شكلها هتهيييييص هناك في تيمو )

أهلا أستاذ أحمد ...الله يسلم حضرتك أنت والمدام من كل شر

ومن ناحية تهيص فهتهيص طبعا فى تيمو...قلها كمان على إفتكاسات سوسو

وكدة تبقى زبونة مستديمة فى كافيه سوسو وتيمو

**************************************************************************

*********

انا جيييييييييييييييييت ... ازي حضرنك يا مدام سوسو ..يارب تكوني انتي والبناتيت كويسين يارب دايما

احمد لما حكالي ع المغامرات بتاعه القهوه ..قلت هنيالك يا جيجي ..دي هيصه بذمة بقا

وقريت المداخله بتاعتك بالتفصيل وخيالي سرح مع مناخيري ف الريحه المتوقعه بقا وكده ..وفقت علي ريحه شياط ف المطبخ : :lol: ::

عاااااااااااادي جدا بتحصل ف احسن المحاورات :lol:

خلي بالك من نفسك واتمني تقبليني صديقة :lol:

[enjisultan]

كل ما ربنا يفتحها عليكى شوية ويجيلك شوية زباين تعملى pause

أنتى عارفة إنى إنسانة مهمة ومشغولة ومش فاضية للمنتديات والكلام الفارغ دة :lol:

يا شيخة بقى اقعدى على جنب دا ما حدش معبرك غيرنا اساسا

meticulous: means extremly concened with details

اتعلموها بقى

يا لعبك يا نوجة ...يا لعبك :happy:

إيه يا بت الشقاوة دى...

طعمة بجد :blush2:

تحياتى

سوسورانى

يا بت باقولك انجليزى تالتة اعدادى اتجنينتى ولا اية

ما بنهزرش احنا ولامؤاخذة

[طبيبة مصرية]

دكتورة سوسو رانى

مداخلة حضرتك عن القهوة مداخلة ممتعة جدا وفعلا جريتى ريقى وكنت خلاص هاقوم اعملى فنجان :blush2: مع انى مش كييفة قهوة خاااااااااالص انا ممكن اشربها مرة ولا مرتين فى السنة..........

انا كبيرى كوباية الشاى بعود نعناع اخضر والشاى باللبن ودمتم wst:: .........

بس كانت جاتلى فترة ادمنت فيها النسكافيه والقهوة الفرنسى وكنت بشربهم بجنون وكنت بجيب انواع الكافى ميت الفانيلا والموكا والبندق اللى ذكرتيها كانت موجودة كلها فى الكويت بس بقالى مدة مش لاقياها ما عدا النوع الرابع ده بصراحة ما جربتوش ولا اعرف نكهة ايه دى؟؟؟؟؟

وبعدين رجعت لقواعدى سلامة وزهدت كل انواع القهوة والنسكافيه لدرجة انى لما كنت راجعةمن مصر وبعمل حملة تنضيف على المطبخ لقيت كل علب الكوفى ميت اللى كنت جايباها من الكويت بقت اكسبيرد................

بس اللى بحبه بجد بقى الايس موكا بتاعة ستاربوكس تحفة بجد بجيب الحجم الكبير واقعد اشرب فيها ييجى ساعة بس وانا مستمتعة جداااااااا :lol:

بس بجد مداخلة ظريفة جدا وتسلم ايدك على طريقة القهوة التركى :happy: انا فعلا كان نفسى اتعلم اعملها بوش وكنت بحط البن الاول وبعدين السكر وبعدين الميه واديها تقليب وعمرها ما كانت بتطلع بوش او يطلع وش خفيف موت مالوش لازمة ............

هجربها بطريقتك للضيوف طبعا انا ماليش فيها........

تم تعديل 6 ديسمبر 2009 بواسطة طبيبة مصرية

[SoSo R]

عزيزتي سوسو ...أنا حلبي ...يعني من حلب...وحلب دي اشهر مدينة بسوريا بالأكل الطيب ..ليه ...عشان نحنه بنحب الطعام بشكل .. :lol: .ولذلك نحنه لما بنسافر رحلة سياحية على البحر ..على الجبل ..هنا بسوريا ..بنحسب قبل كل حاجة ..حناكل ايه ...وكأننا رايحين ناكل ..ا :lol: لمهم بالنسبة لي ..أنا اللي بيهمني ..اللحم والسمك ...الدجاج ..الأكل الجاهز ..على فكرة ...بالنسبة للأكل الجاهز ...كمان في اكل جاهز حلال ...(طبعا اكيد في bnd5:: ) بس عاوز اعرف التفاصيل ..وكمان بالنسبة للطبيخ ..المحاشي والكبة ..مواده الأولية جاهزة ...وخصوصا البهارات ..وانا كمان بموت بالسمك . pps: .ونحنه بسوريا من افقر الدول بالسمك . pps: .واكيد كندا مليانة سمك ..محيط اطلسي وهادي .وانهار وبحيرات ...فلو حلقة تفصيلية عن السمك ...وادينا قاعدين ..بنستنى الميديكال ..ورانا ايه ..وانتي على فضاوتك (يعني على مهلك واقل من مهلك ...عشان الطبخ يطلع مستوي تمام ) :lol:

بص بقى يا أستاذ مازن ...عشان أعملك حلقة عن الأكل ...محتاجة تفرغ ودماغ متكلفة(الجماعة هنا بيحبوا الأكل زى عنيهم) وأنا بصراحة اليومين دول دماغى مشغولة

دة غير النتيجة اللى قربت والخوف اللى مالينى,,

إدعى لى ربنا ياخد بإيدى ويعدينى الأمتحان دة وليك عليا...هاعملك موضوع منفصل عن الأكل...وأروح المحلات مخصوص أسألك على اللى أنت عايزه

إتفقنا؟!!

تحياتى

سوسورانى

[SoSo R]

الحوارات بتاعتكوا مش معقوله بصراحة انا يا دوبك اول مرة اشوفة انهاردة

وقعدت خلصت قرايته من الساعة 8 الى الان 2 صباحا مع ان عندى شغل الصبح وتوصيل الولاد

للمدارس اول يوم بعد اجازة طويلة

الف سلامة على صوابعك يا مدام سوسو ويا رب الشفا

وربنا دائما بيقبل الدعوة من المصاب

يا ريت تدعيلى ان السفارة تحنن قلبها علينا وترد

لحسن انا زهقت وخلاص عاوزة امشى من البلد دى

مع العلم ان حالتى هتبقى زيك بدون زوج الى ان يتم الاستقرار التام ولم الشمل الله اعلم امتى

وخاصة ان اكبر اولادى فى الاعدادية يعنى لو ربنا سهل ورحت السنه الجاية يعنى ثانوى

وفى الاخر ربك هو اللى بيعين الكل

ارجوكم الدعاء الدعاء

أهلا بحضرتك منورانى بجد...

قوليلى باه أندهلك بإيه ؟؟

لأنى مش عارفة أسمك دة يتنطق من اليمين للشمال ولا العكس...مش عارفة له أول من آخر

الله يسلمك من كل شر...وهادعيلك يا ستى عشان تيجى وتغرسى الغرسة بتاعتى دى

وتغنى ظلموه بعد كدة :lol:

بس أوعى تقولى غلطة وندمان عليها.. bnd5::

تحياتى

سوسورانى

[SoSo R]

انا جيييييييييييييييييت ... ازي حضرنك يا مدام سوسو ..يارب تكوني انتي والبناتيت كويسين يارب دايما

احمد لما حكالي ع المغامرات بتاعه القهوه ..قلت هنيالك يا جيجي ..دي هيصه بذمة بقا :lol:

وقريت المداخله بتاعتك بالتفصيل وخيالي سرح مع مناخيري ف الريحه المتوقعه بقا وكده ..وفقت علي ريحه شياط ف المطبخ : bnd5:: ::

عاااااااااااادي جدا بتحصل ف احسن المحاورات :lol:

خلي بالك من نفسك واتمني تقبليني صديقة pps:

يا أهلا ..يا أهلا...

منورة يا جيجى...

يعنى تبدى بريحة القهوة ..تختم بريحة شياط..

وياترى كان رد فعل أستاذ أحمد إيه :lol:

أنا ماليش دعوة يا ختى...

لحسن يكرهنى ويقول إنى السبب..

على فكرة ...أول ما جيت هنا كل الأكل كان بيشيط من تحت...

والرز كان بيلزق مع إن الكلام دة ماكانش بيحصل قبل كدة وما كنتش فاهمة هو أنا نسيت الطبخ ولا إيه؟!!

وبعدين فهمت السبب...

البوتجازات هنا كهربا...والسبوتس اللى بتحطى عليها يا إما كويلز حديد...يا إما ستريت سرفس

إحساسك بالحرارة مابيكونش مضبوط زى العين العادية اللى بالغاز وبتطلع نار...وبالتالى بتبقى الحرارة عالية..وأنتى مش دريانة...

تانى حاجة مهمة...

إن بعد ماتخلصى طبيخ ..تشيلى الحلة من على الكويل...لأنه بيفضل محتفظ بحرارته فترة طويلة ودة اللى كان بيخلى الرز يلزق لو طفيت وهو كامل السواء

يا إما تطفى الكهربا بدرى شوية وتسيبيه يخلص سوى على شوية الحرارة الفاضلين فى العين...

تحياتى

سوسورانى

[SoSo R]

يا شيخة بقى اقعدى على جنب دا ما حدش معبرك غيرنا اساسا

يا بت باقولك انجليزى تالتة اعدادى اتجنينتى ولا اية

ما بنهزرش احنا ولامؤاخذة

bnd5:: :lol:

كدة يا نوجة ماحدش معبرنى...

ربنا يسامحك...يا بتاعة إنجليزى تالتة إعدادى..

[SoSo R]

دكتورة سوسو رانى

مداخلة حضرتك عن القهوة مداخلة ممتعة جدا وفعلا جريتى ريقى وكنت خلاص هاقوم اعملى فنجان :lol: مع انى مش كييفة قهوة خاااااااااالص انا ممكن اشربها مرة ولا مرتين فى السنة..........

انا كبيرى كوباية الشاى بعود نعناع اخضر والشاى باللبن ودمتم pps: .........

بس كانت جاتلى فترة ادمنت فيها النسكافيه والقهوة الفرنسى وكنت بشربهم بجنون وكنت بجيب انواع الكافى ميت الفانيلا والموكا والبندق اللى ذكرتيها كانت موجودة كلها فى الكويت بس بقالى مدة مش لاقياها ما عدا النوع الرابع ده بصراحة ما جربتوش ولا اعرف نكهة ايه دى؟؟؟؟؟

وبعدين رجعت لقواعدى سلامة وزهدت كل انواع القهوة والنسكافيه لدرجة انى لما كنت راجعةمن مصر وبعمل حملة تنضيف على المطبخ لقيت كل علب الكوفى ميت اللى كنت جايباها من الكويت بقت اكسبيرد................

بس اللى بحبه بجد بقى الايس موكا بتاعة ستاربوكس تحفة بجد بجيب الحجم الكبير واقعد اشرب فيها ييجى ساعة بس وانا مستمتعة جداااااااا :lol:

بس بجد مداخلة ظريفة جدا وتسلم ايدك على طريقة القهوة التركى bnd5:: انا فعلا كان نفسى اتعلم اعملها بوش وكنت بحط البن الاول وبعدين السكر وبعدين الميه واديها تقليب وعمرها ما كانت بتطلع بوش او يطلع وش خفيف موت مالوش لازمة ............

هجربها بطريقتك للضيوف طبعا انا ماليش فيها........

مساء الخير يا دكتورة...

أنا عمرى ماشفت أنواع الكوفى ميت دى فى الكويت...

رغم إن قسم القهوة دة أول جزء بندخله فى السوبر ماركت..

وكنا لما نشوف أنا وجوزى أى نوع جديد من الساشيتس نجيبه ونجربه...فيه حاجات حلوة وحاجات بتطلع مقلب...

من الأنواع اللى عجبتنى الكابتشينو ماركة كارفور...اللى أسمها نمبر وان على ما أعتقد..وبيتباع طبعا فى كارفور بس!!!

أما بالنسبة للآيس الكوفى كنت باجيبها إكسترا كريم وإكسترا كل حاجة....وأقعد أكل فى الكريمة بس المشكلة لما التلج بيسيح بيقى طعم القهوة راح...نفس الآيس كوفى بتاع تيمو هنا..

من ضمن الحاجات اللى أكتشفتها إمبارح...كوفى ميت على شكل سائل بس مش لبن أسمه ديلايت وبرضه فى منه كذا فلافور...

فيه إزازة سيروب مركز عشان يدى طعم الآيس الكوفى...

بصراحة الأنواع ما بتخلصش!!!

جبت إمبارح من نستلة ...سايتش موكا مع الشيكولاتة وبتعمل رغوة تحفة...

مش عارفة وبعدين مع الناس دول :lol:

تحياتى

سوسورانى

[SoSo R]

مساء الخير على الكل...

الحلقة دى مخصوصة عشان دكتور قناوى...

يعنى لو ماظهرش هاعتزل الكتابة bnd5::

بص بأة يا سيدى ...أنا لقيت لك الكاريير اللى هيأكلك الشهد فى كندا!!

ولا تقولى تورنتو نوتس...

ولا الباراميديكس بتاع د.تهامى

ولا معادلة ولا الكلام الفارغ ده...

أنت مش كنت قلت أنك عندك خبرة كصبى ترزى

أستعيد أمجادك فى الموضوع دة وهتاكل الشهد...وأبقى أفتكرنى بأى حاجة

أنت عارف لما سوستة البنطلون بتاع بنتى باظت وباسأل بكل حسن نية...بتغيريها بكام؟؟؟

تقولى 15$ :lol:

وعشان خاطرك 12$

يا نهار...دة أنا أشترى واحد جديد أرخص لى..

تقصير البنطلون تقريبا فى نفس حدود السعر دة...

سمعت من واحدة صاحبتى إن أخت جوزها بتحضر شنطة كاملة حاجات تتصلح وتتقصر لأى حد نازل مصر...

وتفضل الشنط رايحة جاية ...بين كندا ومصر...

إدعيلى بأه يا دكتور قناوى على المعلومات دى...

تحياتى

سوسورانى

[Nassarlink]

مساء الخير على الكل...

الحلقة دى مخصوصة عشان دكتور قناوى...

يعنى لو ماظهرش هاعتزل الكتابة bnd5::

تحياتى

سوسورانى

يا بختك يا د قناوي

لقيت اللي يقولك علي افكار تنفذها في كندا

عموما انا سرقت الفكره بتاعتك

لاني خبير في تركيب الزراير والكباسين

بس لي سؤال بالنسبه للمكوجي هل السوق بتاعه نايم ولا شغال

لان معظم خبرتي في المجال ده

نصّار