المصريين المغتربين بالكويت

[pocy]

السلام عليكم ورحمه الله وبركاته

اولا صباح الخير عليكم اجمعين

ثانيا انا قرأت الموضوع بالامس واضافت رد بس مش عارفه راح فين

ثالثا انا هقول الرد بتاعى مر ه تانيه

انا لا أويد احمد عز ولا أعارضه وده لانى شوف الرفاهيه فى مصر عند ناس كتير زى ما شوفت حالات الفقر والبؤس والشقاء عند قريه باكملها تخيل فى قريه فى السويس اسمها الهيشه والله لما رحتها فى2004 اجارك الله على اللى شوفته هناك الناس كانت بتجيب لعيالها العيش الناشف من الزباله استغفر الله العظيم وشفت وسمعت هناك حالات والله تصعب على الكافر انا لما رجعت فى اليوم ده البيت قعدت اعيط عى انا شوفته و عمال افكر فى افعالى زى عايزه اجيب موبيل احدث هبيع ده واكمل عليه واجيب احدث حاجه ودولابي مليان لبس والله مش بلبسعه بجيبه مره مرتين واوح اجيب تانىوهكذا اينعم كنت فى مصر شغاله زى النمله مش بهمد من الساعه 9 الصبح لحد الساعه 10 بالليل بس كنت مرتاحه و بجيب كل اللى نفسي فيه والله من اليوم ده اتغيرت في حاجات كتير وبقيت بحافظ على الفلوس وبعيش برضه

المهم سيبكوى منى مصر فيها كل حاجه اللى عايز كويس واللى حالته متوسطه واللى تحت خط الفقر روحوا العشوئيات وانتم تشوفوا بلاوى انا كت رايحه الهيشه دى علشان اعرف هل لما ابعت فلوس فيه ا فعلا القريه تستحق ولا الناس بيضحكوا علينا مكنتش مصدقه ان حد بيعيش فى الحاله دى

بس خلاص احنا اتعودنا على اننا نسمع شكوى ليه لان كل واحد متطلع لحاجه انا معيشيش فلوس بس ليه علشان اشتري حته ارض لكن انا معاى فلوس اقدر اعيش منها كويس بس احنا اتعودنا اننا نقول الجزء الاول بس الشكوى وربنا ييسر الحال للجميع ان شاء الله

[pocy]

أخ هيروووووووووووووو اولا صباح النور عليك

ثانيا انا كنت الاول بحب اتفرج على 90دقيقه وعلى 10مساءا بس بعد فتره لاقتنى بعصب نفسي وبتنكد على اللى بيحصل في مصر لقيتهم دايما ظاهرين الجزء الوحش اللى فينا لدرجه ناس اعرفهم من المنتديات من الاردن بيقلولى هو فعلا الجريمه الفلانيه والجريمه العلانيه حصلت عندكوا فى مصر لا مصر بقت فظيعه جدا

ياجماعه الاعلام والفضائيات خلت شكلنا وحش قوى قدام العالم العربي والاوروبي كمان لاننا دايما بنجيب السلبيات بس وحسيت ان مصر خلاص مبقاش فيها ايجابيات انا بطلت اتفرج عليهم علشان مش اتعب اعصابي بالكلام اللى بسمعه او احرق دمى او انكد على نفسي وعلى بيتى وده من ست شهور

والحمد لله ربنا هداننى دلوقتى وبحاول مش اتعصب على اى وضع الواحد اهم حاجه انه يقول الحمد لله على اللى هو فيه وبجد الحمد لله وربنا ييسر اللى فيه الخير اتمنى انى مكنش ضايقتكوا بكلامى بس دى فعلا حقيقه واقعه

[pocy]

هلا استاذ رمضان اخبارك ايه مش باين بقالك فتره فى المحاورات اتمنى يكون المانع خير

والاستاذ حسن درويش بقاله فتره مش باين برضه اتمنى نشوفه قريب

[pocy]

أم نور الساحل الشمالى اخدك مننا خالص عايزين نشوفك يا قمر وتحكيلنا مغامراتك فى مصر السفريه دى

[رمضان]

هلا استاذ رمضان اخبارك ايه مش باين بقالك فتره فى المحاورات اتمنى يكون المانع خير

والاستاذ حسن درويش بقاله فتره مش باين برضه اتمنى نشوفه قريب

كل سنة وانتي طيبة موسم تراب بقى ومش شايف حاجة خالص

بصي على الجو كده عامل ازاي بجد حاجة تفرح شبورة تراب

[herohero]

أخ هيروووووووووووووو اولا صباح النور عليك

ثانيا انا كنت الاول بحب اتفرج على 90دقيقه وعلى 10مساءا بس بعد فتره لاقتنى بعصب نفسي وبتنكد على اللى بيحصل في مصر لقيتهم دايما ظاهرين الجزء الوحش اللى فينا لدرجه ناس اعرفهم من المنتديات من الاردن بيقلولى هو فعلا الجريمه الفلانيه والجريمه العلانيه حصلت عندكوا فى مصر لا مصر بقت فظيعه جدا

ياجماعه الاعلام والفضائيات خلت شكلنا وحش قوى قدام العالم العربي والاوروبي كمان لاننا دايما بنجيب السلبيات بس وحسيت ان مصر خلاص مبقاش فيها ايجابيات انا بطلت اتفرج عليهم علشان مش اتعب اعصابي بالكلام اللى بسمعه او احرق دمى او انكد على نفسي وعلى بيتى وده من ست شهور

والحمد لله ربنا هداننى دلوقتى وبحاول مش اتعصب على اى وضع الواحد اهم حاجه انه يقول الحمد لله على اللى هو فيه وبجد الحمد لله وربنا ييسر اللى فيه الخير اتمنى انى مكنش ضايقتكوا بكلامى بس دى فعلا حقيقه واقعه

والله برافو عليكي انا حاولت لكن ماقدرتش ، انا كنت بتنشق ع البرامج ده زمان ، انا فاكر جيبت الدش مخصوص معايا من الكويت والكلام ده كان سنة 96 عشان الواحد كان مخنوق من البرامج الصامته ولما فتحت الجزيرة سنة 98 تقريبا كانت طفرة وللاسف الناس ف مصر كانت معزولة عن الدنيا وفاكرة ان الدنيا كلها بره كده لكن دلوقتي الحمد لله الناس بتتكلم وصورتنا مش وحشة ولا حاجه كل العالم فيه مناطق فقيرة كده هنا ف الرياض ف مناطق والله البيوت فيها قديمة جدا وزمان كان ف خيطان بتاعت العزاب ف الكويت وجليب الشيوخ وغيرها وغيرها ، وفي جدة هنا نفس الكلام الفرق اننا بقى عندنا حرية الفساد ف كل العالم العربي لكن معندهومش حرية بالعكس انا مؤيد لعرض الصورة السيئة لان اللي ضيعنا ان كل شيئ كنا بنقول عليه تمام لكن كمان نعرض الناس الكويسه زي امبارح ف 10 مساء كانوا جايبين دكتور مجدي يعقوب ، لازم يبقى فيه كده وفيه كده هي ده حرية الاعلام اللي الواحد بيفتخر ان مفيش حريات زيها حاليا ف العالم العربي رغم اننا بنضايق ع احوالنا بس ده الواقع بدل ماندفن نفسنا ف الرمال وبرده بنجيب الحلو

[pocy]

انا معاك لو بيجيبوا الحلو والوحش مفيش مشكله على الاقل لما حد يقولك شوفت اللى حصل في مصر تعرف ترد عليه اصل انت مش شوفت الحاجه الاحسن فاهم قصدى وبالنسبه لمجدى معقوب ما هو متواجد فى الخارج معظم الوقت وقليل لما بيجي علشان بعض العمليات ويعملها وبيرجع تانى والله مصر فيها كام الف يعقوب وزويل وكل الناس الحلوه دى بس مين اللى بيكرمهم ويشوف اللى فيها طب قريب جدا كان مستضفين الراجل بتاع مركز البحوث شوفت الحلقه دى

[herohero]

انا معاك لو بيجيبوا الحلو والوحش مفيش مشكله على الاقل لما حد يقولك شوفت اللى حصل في مصر تعرف ترد عليه اصل انت مش شوفت الحاجه الاحسن فاهم قصدى وبالنسبه لمجدى معقوب ما هو متواجد فى الخارج معظم الوقت وقليل لما بيجي علشان بعض العمليات ويعملها وبيرجع تانى والله مصر فيها كام الف يعقوب وزويل وكل الناس الحلوه دى بس مين اللى بيكرمهم ويشوف اللى فيها طب قريب جدا كان مستضفين الراجل بتاع مركز البحوث شوفت الحلقه دى

بصراحة احقاقا للحق برامجنا بتجيب الشخصيات ده المحترمة وبرامج التوك شو بتكون كده طبعا المشكلة ف الناس اللي عاوزة تنتقد مصر وخلاص هي جايز البرامج ده موجهة للمصريين ف الداخل او الخارج وف الاخر رغم كل شيئ محدش يقدر اننا الحرية العربية الوحيده اللي موجوه حاليا نفسي ف بلد عربي يكون فيه حرية اعلامية كده ويعرض مشاكله بجد دول الخليج عاش الملك مات الملك محدش بيكلم ف السياسه الا الكويت عشان مجلس الامة

[pocy]

وهتلاقي موضوع مجلس الامه ده من اربع سنين بس يعنى مش من كتير بس هتفرق في ايه بالنسبه لينا لما يكون فى اعلام عربي لدول الخليج عن ماهو حقيقي

المهم بلدى اللى هعيش وان شاء الله هاموت فيها فى مقال انا قريته من فتره عن ان فى الجرايد بيكتبوا عايزين الوظيفه الفلانينه بس المتقدين من الجنسيه العربيه ماعدا المصريين والفلسطنين تخيل اعلان زى ده

[pocy]

وبيقولك برضه فى واحد هنا كويتى مش بيشغل مصريين خالص فى شركاته تخيل برضه طب ليه وهم عملوا ايه ومش معقول شخص واحد تاخد عنه فكره تمنع كل المصريين او تدى فكره انهم كلهم مش كويسين

[pocy]

الجو النهرده طوززززززززززززززززززززز فظيع وامبارح برضه ليه كده الواحد مش شايف المبانى اللى قدامه كويس

[herohero]

وهتلاقي موضوع مجلس الامه ده من اربع سنين بس يعنى مش من كتير بس هتفرق في ايه بالنسبه لينا لما يكون فى اعلام عربي لدول الخليج عن ماهو حقيقي

المهم بلدى اللى هعيش وان شاء الله هاموت فيها فى مقال انا قريته من فتره عن ان فى الجرايد بيكتبوا عايزين الوظيفه الفلانينه بس المتقدين من الجنسيه العربيه ماعدا المصريين والفلسطنين تخيل اعلان زى ده

ده حقيقه هنا فعلا ف السعودية معظم الشركات المالتي ناشيونال لاترغب ف توظيف مصريين والسبب ان العرق العربي اللي فيها بيكون لبناني وللاسف الشديد اللبنانيين بيتعاملوا مع كل العرب بتناكة وقرف وبالنسبة لهم اننا ناس متخلفين وده انا شوفته مع واحد زميلي محاسب اتقاله بالنص احنا مش بنعين مصريين

غير ان هم بيخافوا من المصريين لانهم بيعملوا مشاكل ف بعض وانا بحمد ربنا ان مش معايا مصريين ف شغلي لان للاسف الشديد انا اللي طفشني من مصر واحد انا اللي كنت جايبه يشتغل والحمد لله تمرت فيه العشرة وما ارتاحش الا لما سيبت له المكان

[pocy]

هههههههههههههههههه ضحكتنى مش ارتحت الا لما سيبتله المكان هههههههههههههههههههه

بس تعرف في فعلا مصريين بيطفشوا بعض و الله المدير بتاعى كان مصري كان اهم سبب انى اسيب الشغل الاوللانى بتاعى ومشاكلى من الكفيل كانت بسببه بس الواحد يقول اللى ليه واللى عليه كان معاى مهندس انور ومهندس محمد عبدالحفيظ ربنا يباركلهم كانوا بلسم والله ولما كنت حامل كانوا يجوا يقلولى احنا مش عندنا محاضرات الان ارتاحى وانا هاخد محاضرتك والله ناس كانت مريحانى لابعد الحدود والله بس الله يجازى اللى كان السبب

[pocy]

طب بذمتك أخ هيروووووووووووو مش تزعل برضه لما تسمع حاجه زى كده انهم مش بيعينوا مصريين بالاسم كده تحس اننا أفه لو شغلونا معاهم هتظهر وتملى المكان والله الله بيعين على الناس دى ياخدوا الناس كلها بذنب واحد

[herohero]

طب بذمتك أخ هيروووووووووووو مش تزعل برضه لما تسمع حاجه زى كده انهم مش بيعينوا مصريين بالاسم كده تحس اننا أفه لو شغلونا معاهم هتظهر وتملى المكان والله الله بيعين على الناس دى ياخدوا الناس كلها بذنب واحد

مش عاوز اقولك بجد الواحد بيبقى زعلان ازاي بس احنا نستاهل ، عارفة مديره الهندي بيقولي ليه دايما المصريين بينقلوا كلام عن بعض ويقعدوا يغلطوا ف بعض صدقيني انا لما جيت العيال كانوا خايفين يتعاملوا معايا عشان انا مصري الكل واخد عننا انطباع سيئ ، العرب والجنسيات الاخرى لهم مشاكلنا معانا الخليجيين معظمهم مش عاوز مصري يفكره باصله زمان فبيختار الفلبيني لانه مش بيقول حاجه وما يعرفش حاجه عن اصله وده شوفته هنا ف البنك السعودي البريطاني ممنوع ع اي مصري يشتغل ف اي شيئ مرتبط بالبنك ده تعميم مش عاوز اقولك اي اعطال هناك ما يروحش الا فلبيني ، وهي هنا متقسمه البنك السعودي البريطاني ساب للفلبينيين والسعودي الامريكي سامبا للهنود ، بس احنا نستاهل احنا اللي ضيعنا نفسنا بنبيع بعض بالرخيص قوي

بقولك اسوا ادارة المصريه بجد ادارة سيئه جدا ، الادارة البنانية رغم غلاستها ولكن ممتازة ف الادراة منظمه وبتاعت شغل انما المصريه بتاعت اهل ثقة وده اللي ضيع مصر بنعين باهل الثقة لو دخلت مزاجي وبقيت ع الكيف يبقى خلاص فالحمد لله بلدنا ضرتنا بره وجوه

[pocy]

انت كأنك بتتكلم على مديري المصري كان بغزاله مره راضي عنك ومره تانيه مش راضي عنك تخيل ولما يرضي عنك مفيش خصومات ولما مش يرضي عنك فى خصومات وجزاءات والشهر ده مش بتلاقي مرتب هههههههههههههههههه بسبب ان غزاله حضرته مش رايقه الله بيعين

[pocy]

يالا ربنا يكرمنا بشغل يكون ماشي مضبوط ويكرم الجميع يارب وياريت يا جماعه نفكر بعض بالاستغفار لانه زى ما كاتبه فى توقيعى وربنا يكرم الجميع ويارب تدعولى ان ربنا يرزقنى بشغل مناسب يارب الهم امين

انا مضطره اقوم لانى اليوم عندى عزومه ويادوبك ابدأاحضر فيها

[تامر مصطفى]

صباح الخير على الموجودين واللي منورين

عايز احكي لكم على موقف يخص تشغيل المصريين

في واحد اعرفه كويس كويتي وعنده محلات موبايل وورشة نجارة مرة كلمته على واحد صاحبي في مصر نفسه ييجي الكويت بأي طريقة ورد الراجل بصراحة احرجني جدا

قالي : متزعلش مني انا مش بشغل مصريين قلت له ليه بس؟؟؟

حكالي قصة حصلت معاه وقالي انه كان عنده واحد مصري بيعتبره دراعه اليمين وبيثق فيه تماما ومرة اتكلم معاه في انه محتاج واحد يمسك الحسابات وواحد تاني أمين مخزن بسرعة رد عليه ان الاتنين موجودين واحد منهم اخوه والتاني ابن عمه .

قالو دول كويسين قاله دول خبرة وأمانه و و و و و و الخ

المهم جاب للراجل صور جوازاتهم وعملهم اوراق وقام صاحبنا المصري قاله بس هما ظروفهم صعبة في مصر ممكن تبعت لهم ثمن التذاكر ولما يشتغلوا ابقى اخصمهم منهم .

المهم الراجل دفع له 120 دينار ووصلوا الاتنين واستلموا الشغل واتفاجئ صاحبنا الكويتي بإن الاتنين مفيش عندهم ادنى معرفة ولا خبرة بالعمل المطلوب وحس انهم هيبقوا خسارة عليه فقالهم دوروا على شغل برة وانا ابقى احول لكم عليه .

رد عليه واحد منهم وقاله خلاص ادينا الفلوس اللي انت اخدتها مننا قالهم انا اخدت منكم فلوس ؟؟؟؟؟؟؟؟

قالوا له احنا كل واحد مننا دافع 24 الف جنيه وجايين على حسابنا ... صاحبنا جت له صدمة واستدعى الموظف الثقة امام قرايبه وسألو انا اخدت منك فلوس علشان اجيبهم ؟؟؟ مش انا مديك 120 دينار علشان تذاكر السفر؟؟؟؟؟؟؟ والتاني معرفش يرد فقالوا الكويتي انت نصبت على اخوك وابن عمك يبقى هتعمل فيا انا ايه وطردهم هما التلاته ورجعهم مصر تاني.

حاجة تكسف مش كده؟؟؟؟

[pocy]

هههههههههههههههههههههههههه والله هم يضحك وهم يبكى بجد ضحكت على الموقف اخوه وابن عمه هههههههههههههههههههه استغفر الله العظيم من كل ذنب عظيم

سبحان الله والله الواحد مش عارف يعمل ايه فى اللى بيعملوه الناس فينا مش فيهم هم بس ههههههههههههههههههههه

انا لو منك كنت استخبيت فى الطرحه بتاعتى من الكسوف

[pocy]

واله الواحد ياما هيشوف وهيحكى والوضع هيكون هو هو مش بيتغير والله يسامح اللى كان السبب

بس انت متاكد انها مش نكته ههههههههههههههههه