شراء شقة في مدينتي

[سكر]

واكيد ان الناس دى مش هبلة علشان تعمل كده

لا طبعا مش هبلة دى زكية جدا

بس دة مش طلب حقيقى دة محاوله خلق طلب على سلعة يوجد بديل لها من اجل تحسين صورة السلعة وتحريك السوق الى اعلى

واظهارها للمستهلك على ان عليها طلب كتير فيتلحق يا متلحقش

[ahmedmohamed]

وانا معاك تماما ان فى شركات كتير بترفع الاسعار بس علشان تحرك الناس ويمكن طلعت مصطفى كانت بتنزل زمان بسعر رخيص وتفضل ترفعه كل اسبوع علشان تجنن الناس

بس فى الوقت الحالى ده وفى الازمة دى لا يمكن ان حد يحرك السعر علشان يوهم حد، لان الدنيا نايمة اصلا ومحدش عايز يشترى وغير كده هما لوحدهم عندهم اشاعات طلعت مصطفى نفسه والناس الموهومة ان المشروع حيقف

فبالتالى مش ممكن يرفعوا السعر الا اذا كانوا عارفين انهم حيقدروا يبيعوا وخاصة ان السعر بتاعهم غال اصلا

والله اعلم

[hanzalah]

جرنال الوفد قال مرتين ان احمد عز قابل هشام في السجن وضغط عليه من أجل ان يبيع مدينتي الى الوليد بن طلال أو الى غيره

وان هشام كان منفعل ورفض منه الكلام ده

انا قرأت الخبر بنفسي في وفد اليوم وفي وفد الجمعه !!!!

[ahmedmohamed]

بصرف النظر عن موضوع مدينتى ده يا جماعة وملاحظة جانبية كده

انه عن تجربة فالوفد ده من الجرابد اللى متصدقش ولا كلمة فيها

شوفت بنفسي (مسمعتش) تصريحات بتتنشر على لسان اشخاص وميبقاش الشخص قابل الصحفى اصلا ولا عمره قابله

وتكلمهم يعتذروا وخلاص ولا فى كسوف ولا اى حاجة كانها غلطة مطبعية

مع ان انا لو عندى موظف اختلق حاجة حرفده فى نفس اليوم

[nash]

الأخت الكريمه عفاف ..الحقيقه لم أستطيع ان أمنع نفسي من نصيحتك ..

أنا من سكان الرحاب..لم استقر فيها بعد لكن هذا العام إن شاء الله سأقيم فيها..

نصيحه ...الرحاب مدينه جميله ..ومهما حدث لن تكون أبدا بزحمه مدينتي ولا ضوضائها.

ايضا النظام الجديد في الرحاب الإشتراك في نادي مع اقساط الشقه ..يعني الإشتراك ملزم للشاري....

موقع الرحاب فيه أوفرات تحفه ..ووحدات جاهزة للتسليم واخري كمان سنه او أتنين ..وهناك من يسلمون الشقق وانتي تكملي التقسيط الباقي للشركه أو البنك

حقيقي لازالت هناك عروض قويه وجميله ومساحات كبيرة...نصيحه إذا أعجبتك الرحاب خذي في المراحل الجديده مثل الكوندو ..لإن فيها كل المساحات واسانسيرات ومساحات خضرة كبيرة...

وبجد أنا أنصحك بالرحاب لإنها كومبوند وعليها سيكيورتي ومحترمه جدا...وطبعا باقي الأحياء في القاهرة حلوة وجميله وكدهوت :rolleyes:

[عفاف سالم]

ناش

ازيك

انا موافقكي ان الرحاب أحسن من مدينتي حاليا لكن غالية جدا واسعار الشقق فيها فلكية انا جربت ودورت لكن رجعت بخفي حنين الرحاب عاوزة حد فلوسة جاهزة ومستعد يدفع كاش او على الأقل يدفع النص ويقسط الباقي

( انا ما رحتش الرحاب ولا شوفتها الا في الصور ومن كلام بعض سكانها ) ومدينتي أعتقد أنها حتبقى أحسن من الرحاب لكن بعد 10 سنوات .

انا وصلني عرض كويس في مدينتي بفكر فيه ، اذا عندك عرض كويس في الرحاب وتعرفي حد عارض شقته للبيع بالتقسيط مع دفعة مقدمة معقولة ما تتعداش ال 60000 جنيه والمساحة ما تقلش عن 59 متر انا على اتم الأستعداد

متشكرة جدا جدا على النصيحة

[ogouda]

السلام عليكم

قمت بشراء شقة في مدينتي منذ عدة شهور و ارغب في بيعها

المواصفات: الدور الرابع و مساحتها 116 م "بدون تشطيب و شاملة اشتراك النادي"

نظام التقسيط "17" سنة و ممكن تغيرها الي نظام "10" او "4 " سنوات مع تقليل عمولة التسجيل

نظام السداد:

المبلغ البيان التاريخ

27650 دفعة حجز مدفوعة

27650 دفعة تعاقد مدفوعة

4*27650 4 أقساط سنوية ابتداء من7-2009

204*2765 204 قسط شهري ابتداء من 8-2008

26550 دفعة أستلام 4-2012

و شكرا

[نهله عادل نور]

اتا عندي شقه في مدينتي 96م استلام 2012 لو عايز تشتري موبايلي 0126333307

[بندق أفندى]

السلام عليكم

قمت بشراء شقة في مدينتي منذ عدة شهور و ارغب في بيعها

المواصفات: الدور الرابع و مساحتها 116 م "بدون تشطيب و شاملة اشتراك النادي"

نظام التقسيط "17" سنة و ممكن تغيرها الي نظام "10" او "4 " سنوات مع تقليل عمولة التسجيل

نظام السداد:

المبلغ البيان التاريخ

27650 دفعة حجز مدفوعة

27650 دفعة تعاقد مدفوعة

4*27650 4 أقساط سنوية ابتداء من7-2009

204*2765 204 قسط شهري ابتداء من 8-2008

26550 دفعة أستلام 4-2012

و شكرا

اتا عندي شقه في مدينتي 96م استلام 2012 لو عايز تشتري موبايلي 0126333307

تخسرو كم من الى دفعتوه؟؟؟

[عفاف سالم]

الى جميع الاخوة اللي بعتولي ردود بخصوص شقق في مدينتي أنا بشكرهم جدا وكل اللي عرض عليا شرا شقة وما اقدرتش اتواصل معاكم . كل العروض اللي وصلتني لشقق بمساحات واقساط فوق مقدرتي المالية ربنا يرزقنا ويرزق الجميع . انما اذا في احد عنده شقة بمساحة من 66 الى 69 م وبتطل على الحديقة و وبحرية والمبلغ المطلوب فيها للتنازل لا يتجاوز 60000 ج فأنا حكون شاكرة جدا ، ده بخصوص مدينتي اللي انا نفسي اكون من قاطنيها وربنا يكتب اللي فيه الخير ،ودمتم ،،،

كلام بين قوسين ( الواحد اتنازل عن اشياء كتيرة مثلا المساحة ، والتشطيب ، وبعد المسافة ، والاستلام بعد سنوات طويلة بس عشان يسكن في مدينتي وبعد ده كله ما عرفتش اخد شقة 60م ) انا حاسة ان حلم السكن في مدينتي بقى صعب ويمكن لازم افكر اخذ شقة في حتة تانية )