شراء شقة في مدينتي

[عفاف سالم]

أنا عاوزة حد ينصحني لأني فعلا محتارة ، أتفقت مبدئياً على شراء شقة بالتقسيط لمدة 4 سنوات في مدينتي -مجموعة طلعت مصطفى - مساحة الشقة 69م وسعرها الإجمالي 315000 جنيه بدون التشطيب الداخلي ، أنا المفروض حدفع دفعة الحجز يوم السبت مبلغ 33200 جنيه ، فهل السعر ده مناسب وهل الشراء في مدينتي مضمون في الوقت الحالي . أنا مستنية رد من حضراتكم في أسرع وقت ممكن عشان أخذ القرار وشكرا

[زعلان]

شقة اقل من سبعين متر (المساحة صافي ولا شامل المرافق ) و بالمبلغ ده بصراحة انا مرضاش اشتريها تروي شوية في الشراء وممكن تسألي خبراء العقار في المنتدى حيفيدوكي

[عاشق]

أنا عاوزة حد ينصحني لأني فعلا محتارة ، أتفقت مبدئياً على شراء شقة بالتقسيط لمدة 4 سنوات في مدينتي -مجموعة طلعت مصطفى - مساحة الشقة 69م وسعرها الإجمالي 315000 جنيه بدون التشطيب الداخلي ، أنا المفروض حدفع دفعة الحجز يوم السبت مبلغ 33200 جنيه ، فهل السعر ده مناسب وهل الشراء في مدينتي مضمون في الوقت الحالي . أنا مستنية رد من حضراتكم في أسرع وقت ممكن عشان أخذ القرار وشكرا

الاخت عفاف

من الممكن ان تجدي النصيحة ولكن يجب اولا طرح الموضوع اكثر تفصيلا

ما هو الهدف من شراء الشقة (هل هو استثمار ام حاجة فعلية للسكن والاقامة)

ما هو سبب اختيار مدينتى هل هو لقرب المنطقة من العمل بالاضافة الى انه سكن راقي للاسرة

في حالة ان القرار استثمار

الفترة الحالية الجميع مترقب السوق لانه لاتوجد فرص حقيقة بالسوق الان

حجم العرض كبير جدا وحجم الطلب ضعيف يكاد يكون راكد

والجميع منتظر ومترقب

لذا نصيحة في هذه الحالة الانتظار حتى يكون للسوق مؤشرات ايجابية ووضوح الصورة اكثر

اما في حالة اذا كان الشراء بغرض السكن والاقامة الفعلية

فأعتقد ان طالما الهدف هو الحاجة الفعلية فلامانع ان يتم الشراء

لان في النهاية انتي الي كسبانه لانها بالنسبة لكي خدمة ضرورية وليس مجرد استثمار

هذا رأي المتواضع

وتقبلي تحياتي :lol:

وعلى فكرة

انا ارشح لكي المهندس اشرف

له نصائح ممتازة في هذا المجال

وهو عنده موضوع اسمة نشرة اخبار العقارات في نفس الموقع

يا ريت تستشريه وتطلعي على هذا الموضوع اكيد هتستفيدي

[عفاف سالم]

متشكرة جدا على الردود اللي وصلتني ، بالنسبة لغرضي من شراء الشقة هو اني اعيش فيها لكن مش عارفة بعد أد أيه لأني حالياً مقيمة في السعودية انا عاوزة أشتري الشقة في حالة رجوعنا لمصر اعيش فيها ، وأخترت مدينتي بسبب مستواها من حيث النظافة والهدوء .

من حيث السعر هي غالية شوية بس مش عارفة هل ممكن الاقي حاجة ثانية ارخص وبنفس المواصفات اللي انا عاوزاها . خايفة اني أصرف نظر عن الشراء دلوقتي وبعدين الأسعار تغلى اكثر .

وعندي شيء كمان قلقني هل من الممكن ان المشروع يتعثر وما يكملوش البنا ، أو ان أسعار العقارات ترخص بشكل كبير وأكون دفعت فلوس أكثر من اللي تستاهله الشقة . ؟؟

[دكتور مصري]

متشكرة جدا على الردود اللي وصلتني ، بالنسبة لغرضي من شراء الشقة هو اني اعيش فيها لكن مش عارفة بعد أد أيه لأني حالياً مقيمة في السعودية انا عاوزة أشتري الشقة في حالة رجوعنا لمصر اعيش فيها ، وأخترت مدينتي بسبب مستواها من حيث النظافة والهدوء .

من حيث السعر هي غالية شوية بس مش عارفة هل ممكن الاقي حاجة ثانية ارخص وبنفس المواصفات اللي انا عاوزاها . خايفة اني أصرف نظر عن الشراء دلوقتي وبعدين الأسعار تغلى اكثر .

وعندي شيء كمان قلقني هل من الممكن ان المشروع يتعثر وما يكملوش البنا ، أو ان أسعار العقارات ترخص بشكل كبير وأكون دفعت فلوس أكثر من اللي تستاهله الشقة . ؟؟

ممكن بالمبلغ اللى معاكي ده تشتري شقة في العبور في حي الفيلات و ده حي راقي جدا و تستلميها فورا و مساحتها لن تقل عن 150-180 كتر

لان مدينتى في مشاكل فيها و اسعارها مبالغ فيها

و ممكن تشتري في التجمع برضه شقه كويسه بالسعر ده

[عفاف سالم]

الأخ الدكتور المصري

أنا فلوسي مش جاهزة فهل ممكن أدفع بالتقسيط وأستلم فوري في منطقة العبور ؟ اذا كان ممكن فده يبقى شيء ممتاز وعلى المساحة اللي بتقول عليها 150م دي لقطة بس يا ترى منطقة العبور كويسة وفيها خدمات نوادي ومولات وحدائق .

أنا عاوزة شقة أعيش فيها وأنبسط مش مجرد عيشة والسلام

ايه رأيكم في الرحاب بسمع انها منطقة حلوة لكن أسعارها غالية عن مدينتي ، تنصحوني اني اتمهل في موضوع الشرا واستنا وأشوف في مناطق ثانية زي العبور والتجمع الخامس، او أخذ في مدينتي وخلاص عجبني الأعلان قوي وحسيت انه هو ده المكان اللي نفسي اعيش فيه بقية عمري

[عفاف سالم]

أنا عايشة في السعودية فأزاي أقدر اوصل لحد عاوز يبيع شقته في مدينتي وكمان عرفت انه في 7% بتندفع اذا حصل تنازل او فسخ للعقد وده طبعا حيتحمله المشتري اللي هو انا وبكده انا حدفع فلوس زيادة عن ما اشتريها من الشركة مباشرة .

[بندق أفندى]

من عشر سنوات كان سوق العقار أشبه باليوم تقريبا .. كان قدامى الرحاب وساعتها كان نظامهم فى التقسيط قبل ما تستلم تكون دافع 85% من القيمة .. المهم قلت مش واخد عندهم وقعدت ألف شوية .. اشتريت شقة فى جولف العبور .. قالو عاوز مقدم قلت مفيش .. قالو عاوزين دفعة نص سنوية .. قلت ما تتعبوش نفسكم هو القسط اللى عندى عاجب عاجب .. مش عاجب مش هأشترى .. قالو طيب ادفع قسط واحد مقدم (هههههههههه) قلت ماشى

بقت أحسن من الرحاب حاليا ..

المهم

الأزمة الاقتصادية العالمية سوف تنشىء نوع من الاسكان كان قد تآكل بسبب الاهتمام فقط بالسكن الفاخر .. وهو الاسكان المتوسط .. بمواصفات جيدة ..

اقتراحى هو التريث لأنه مدينتى أو غيرها لن يزيد سعرها اذا لم تنخفض .. خصوصا انه لا هتستلمى بكرة ولا نازلة تعيشى بكرة ..

الاقتراح الآخر شوفى حضرتك مشروع جديد زى سما القاهرة أو ستيلا دى مصر الجديدة .. لأنه السعر اللى بتقولى عليه يجيب عندهم فيلا صغيرة

وتحياتى

[Ahmedelsayed]

لو بتدورى على سعر كويس يبقى اكيد مش مدينتى

لكن لو بتدورى على حياة كويسة ونضيفة (Life style) يبقى طبعا مدينتى

الناس كانت بتقول نفس الكلام على الرحاب وانه غالى ومين المجنون اللى يشترى هناك وهى لسه متبنتش

ولغاية دلوقتى بتثبت نجاحها

فمبالنا ان مدينتى افخم واكبر واكثر تنظيما من الرحاب

لو عايزة مدينتى يبقى ممكن فعلا تجيب مساحة اكبر بسعر اقل وده بانك تشترى من الناس اللى كانوا حاجزين زمان ايام مكان السعر ارخص

خلى بالك طبعا ان وقت الاستلام السعر حتلاقيه حاجة تانية

والناس اللى بتقول المشروع واقف او مش شغال عدوا بس قدامها وحتتفاجوا بعمارات طالعة وفيلل ابتدت تتسلم قبل ميعادها بسنة ونص

[eTiger]

أنا أرى أن مدينتي ستكون من أفضل المدن في مصر إن لم تكن الأفضل على الإطلاق. وهي تتميز بخصوصيتها ومستواها العالي.

أنظروا لمدينة الرحاب بما تتميز به من نظافة ونظام وجمال وهدوء وخصوصية. أنا شايف أن مدينتي ستكون أميز منها بكثير وهي فرصة الآن لأن سعرها أقل من سعر شقق الرحاب في الوقت الحالي وذلك لكونها مدينة تحت الإنشاء. وأعتقد أنها ستفوق الرحاب في السعر بمجرد أن يتم تسليم شققها وفيلاتها وذلك سيتم في القريب العاجل إن شاء الله.

وأتفق مع الأستاذ حسن إبراهيم في أن لا تشتري من الشركة مباشرة لأنه يوجد بعض الأشخاص يبيعون بسعر أقل من سعر الشركة الحالي لأنهم اشتروها منذ وقت طويل وبالأسعار المخفضة جدا قبل أن ترفع الشركة الأسعار بهذا الشكل الرهيب. بهذا سوف توفري الكثير حتى بعد أن تدفعي ال 7% عموله الشركة على التنازل.

أما بالنسبة لكونك لا تستطيعين العثور على بائعين فأقترح أن تأخذي أجازة قصير وتنزلي لمدينة الرحاب وهناك ستجدي الكثير من مكاتب التسويق العقاري وستعثري على عروض ممتازة إن شاء الله.

يوجد أيضا موقع جيد به عروض وطلبات لشقق مدينتي والرحاب : www.rehaby.net

أدخلي وشوفي الأسعار وممكن تتصلي بيهم وتربطي كلام لغاية لما تنزلي.

ربنا يوفقك.

تم تعديل 26 مارس 2009 بواسطة eTiger

[دكتور مصري]

الأخ الدكتور المصري

أنا فلوسي مش جاهزة فهل ممكن أدفع بالتقسيط وأستلم فوري في منطقة العبور ؟ اذا كان ممكن فده يبقى شيء ممتاز وعلى المساحة اللي بتقول عليها 150م دي لقطة بس يا ترى منطقة العبور كويسة وفيها خدمات نوادي ومولات وحدائق .

أنا عاوزة شقة أعيش فيها وأنبسط مش مجرد عيشة والسلام

ايه رأيكم في الرحاب بسمع انها منطقة حلوة لكن أسعارها غالية عن مدينتي ، تنصحوني اني اتمهل في موضوع الشرا واستنا وأشوف في مناطق ثانية زي العبور والتجمع الخامس، او أخذ في مدينتي وخلاص عجبني الأعلان قوي وحسيت انه هو ده المكان اللي نفسي اعيش فيه بقية عمري

العبور بها مولات فاخرة و افتتح بها منذ فترة كارفور

و بها نادي راقي جدا و افخم مدارس مصر بالعبور و بالقرب منها

و هي اقرب مدينة متكاملة الخدمات في مصر الى القاهرة

هناك شقق تسليم فورى يمكنك الحصول عليها بهذا السعر

طبعا انا عقاري بس ممكن ارشدك لبعض الشركات المحترمة التى تعمل في العبور

في شركة اسمها ابراج للاستثمار العقاري و مقرها في ميدان السادات

و بتنزل اعلاناتها في اهرام الجمعة وممكن تتواصلي معاهم و ان شاء الله تحصلي على ما تريدي

اما مدينتى فهو مشروع مبالغ جدا في اسعاره و حتى رقم 4500 هو رقم مرتفع جدا و لذلك تعاني المدينة من كساد و بوار كامل حاليا و فيه ناس كثير عارضه شققها باقل من المدفوع

لا تدفعي اختى الفاضلة اكثر من الفين جنيه في متر المباني في مصر اكثر من كده مغالي فيه جدا و خسارة كبيرة

[Ahmedelsayed]

لا تدفعي اختى الفاضلة اكثر من الفين جنيه في متر المباني في مصر اكثر من كده مغالي فيه جدا و خسارة كبيرة

:unsure:

فين الفين ده يا دكتور دلوقتى

الاسعار حتى فى لاركود اللى احنا فيه ده مازلت اعلى من كده بكتير

مش عارف الناس تتجوز ازاى

[عطر الجنة]

لو بتدورى على سعر كويس يبقى اكيد مش مدينتى

لكن لو بتدورى على حياة كويسة ونضيفة (Life style) يبقى طبعا مدينتى

الناس كانت بتقول نفس الكلام على الرحاب وانه غالى ومين المجنون اللى يشترى هناك وهى لسه متبنتش

ولغاية دلوقتى بتثبت نجاحها

فمبالنا ان مدينتى افخم واكبر واكثر تنظيما من الرحاب

لو عايزة مدينتى يبقى ممكن فعلا تجيب مساحة اكبر بسعر اقل وده بانك تشترى من الناس اللى كانوا حاجزين زمان ايام مكان السعر ارخص

خلى بالك طبعا ان وقت الاستلام السعر حتلاقيه حاجة تانية

والناس اللى بتقول المشروع واقف او مش شغال عدوا بس قدامها وحتتفاجوا بعمارات طالعة وفيلل ابتدت تتسلم قبل ميعادها بسنة ونص

الاخت الفاضلة

اول شئ هل انتى متزوجة و عندك اطفال

لان مساحة 69 متر دى سواء كانت مساحة صافية فهى صغيرة جدا على اسرة ولو كان سيقططع منها نسبة منافع فحتصير المساحة اصغر

وبكده مش حتكون الشقة مريحة فى الاقامة لان الغرف حتكون صغيرة و مش حتكون حلوة فى الفرش

المساحات الواسعة بتظهر الاثاث بصورة جميلة و بتريح الاعصاب

ممكن تاخدى بالمبلغ ده شقة حوالى 160 متر فى المنطقة السابعة فى الشروق امام مدينتى مباشرة و تستمتعى بالمساحة الحلوة و فى نفس الوقت بمولات و نوادى مدينتى و بقية المميزات

كمان فى فى المنطقة الثامنة هناك

و ممكن فى كمباوندات اكتر من رائعة لو بتحبى الخصوصية زى حياة رزيدنس و غيرها كتير

و لو عاوزة اى مساعدة هناك انا حاضرة

شكرا

[دكتور مصري]

[]

الاخ الفاضل استاذ احمد

في مناطق كثير سعر المتر فيها 2000 و اقل

و منها العبور و الشروق و حتى اكتوبر و النزهة الجديدة

و ده سعر نصف تشطيب و فيه تسليم فورى

و ممكن حضرتك تدخل على موقع عقار سيتي و به الكثير من العروض الحقيقية و كذلك اهرام الجمعة و اسواق العقار المختلفة

سعر المتر الشقق في العبور و الشروق مثلا يتراوح بين 1400-1800

ودي حقيقه من زواقع خبرة و دراية بهذ1ه المنطقة

تحياتي

[eTiger]

ممكن تاخدى بالمبلغ ده شقة حوالى 160 متر فى المنطقة السابعة فى الشروق امام مدينتى مباشرة و تستمتعى بالمساحة الحلوة و فى نفس الوقت بمولات و نوادى مدينتى و بقية المميزات كمان فى فى المنطقة الثامنة هناك

ماعتقدش إن النوادي والحدائق والمتنزهات في مدينتي مفتوحة لسكان الشروق أو أي أفراد من خارج المدينة.

ماتنسوش يا جماعة كمان ان أسعار شقق مدينتي تشمل اشتراك النادي ودي ميزة كبيرة جدا

تم تعديل 26 مارس 2009 بواسطة eTiger

[عطر الجنة]

ممكن تاخدى بالمبلغ ده شقة حوالى 160 متر فى المنطقة السابعة فى الشروق امام مدينتى مباشرة و تستمتعى بالمساحة الحلوة و فى نفس الوقت بمولات و نوادى مدينتى و بقية المميزات كمان فى فى المنطقة الثامنة هناك

ماعتقدش إن النوادي والحدائق والمتنزهات في مدينتي مفتوحة لسكان الشروق أو أي أفراد من خارج المدينة.

ماتنسوش يا جماعة كمان ان أسعار شقق مدينتي تشمل اشتراك النادي ودي ميزة كبيرة جدا

مش مشكلة النادى

فى نادى هليوبليس فى الشروق و نادى جرين هيلز

و غيرهم لا اذكره الان

[بركة]

السلام عليكم اختي الفاضلة

شوفي يا ستي انت شكلك كده والله أعلم لا روحتي ولا اتفرجتي على الطبيعة خالص

وكل اللي حصل انك دخلت مقر الشركة بتاعة مدينتي في السعودية وخلاص وانبهرت بالشياكة والذي منه

احنا حصل لنا نفس الكلام ده السنة اللي فاتت بس لله الحمد رجعنا في اخر لحظة عن الدفع

خلي بالك مدام انت بتتكلمي في شقة مساحتها 69 يبقى انت ببتكلمي على مساحة تنفع لمصيف

مش لمعيشة خللي بالك وإوعي تسيبي أحلامك بالمكان والنادي والحاجات دي يعملوا على العيوب بتاعة مدينتي

غطاء مؤقت سيزول مع 1- البعد الفظيع للمدينة عن القاهرة ( بالمقارنة بالتجمع طبعا)

2- الفلوس اللي لسة حضرتك هتشطبي بيها ومش في حساباتك الان

3- المساحة اللي لو حبيتي تغيريها باكبر فهناك لستة طويلة من الشروط وفروق السعر ده لو بتغيري مع الشركة نفسها

4- بالمقدم ده مع شوية صبر لما أحوال الدنيا تبان ممكن تكسبي في مكان رائع شقة أكبر

5- لما تيجي تفرشي بصراحة !!!!!!!!!!!!!!!!! مشكلةالمساحة

ولا تحكمي على شقة السعودية بشقة العمر في مصر

ولو حبيتي الاستفادة من تجربتي اسألي وأنا تحت أمرك

[Mokh]

يا اختي أنا مهندس معماري و اقيم في القاهرة و أنصحك بعدم المضي في هذه الفكرة للأسباب الاتية:

1- المساحة صغيرة جداً جداً ... خاصة أنك لا تعرفين ظروفك بعد سنوات عند الاستلام..

2- مدينتي معتمدة أصلاً في التسويق على نموذج الرحاب... وهذه مغالطة أقرب للنصب في رأيي...

أولاً مدينتي أكبر بكتير و ارتفاع العمارات فيها أعلى من الرحاب بكتييير ... و فيها وحدات بمساحات صغيرة على عكس الرحاب وده معناه شقق أكتر في الدور.......... كل ده مالهوش غير معنى واحد:

إن مدينتي -لما تعمر- و تسكن بكامل طاقتها هتكون ( زحمة و الكثافة السكانية فيها أعلى من الرحاب بمرااااااحل) ودة معناه انها عمرها ما هتكون زي الرحاب في طبيعة الحياة فيها. -ملاحظة: سكان الرحاب اليوم يشكون من ازدحامها مؤخراً-

3- عندك في مدينتي مشاكل كثيرة مثل عدم تملك حصة من الأرض ... وقد يقول قائل إن ده الوضع في الرحاب و الدنيا ماشية كويس.... لكن أنا لي رأي ثاني بصراحة...

أولاً الرحاب مشيت بعلاقات هشام طلعت مصطفى -وأي واحد تاني لو كان بنى كشك على أرض مش بتاعته كان اتهد تاني يوم- و النهاردة هشام زي ما كلنا عارفين مشرف في الليمان -الله اعلم ليه-

يبقى ممكن الدنيا تمشي كويس في مدينتي فعلاً لـــــكــــــن ممكن برضه بين يوم والتاني تتغير موازين القوى و أصحاب السلطة و المنتفعين و تلاقوا المشاكل ظهرت بعديين....

وثانياً وهو الأهم: أي عمارة في أي حتة بتتكلف زي مثيلتها تقريبا.... الفرق بين سعر متر الشقة في كفر الناموس (300جنيه/المتر) و في الزمالك على النيل (؟؟؟؟؟ج/م) هو سعر الأرض مش المباني....

طيب لما يكون أصلا لا هو دفع في الأرض و لا هيبيع لي الأرض يبقى مغليها قوي كده ليه؟؟؟

سيقول قائل علشان الخدمات... و أنا باقول لأ يا حبيبي... دي برضه نصبة ثانية.... انت فاكر ان انت هتدفع ثمن شقتك -المبالغ فيه عشر مرات- و خلاص؟؟؟؟ لا يا روحي دا انت بتدفع كل سنة ألوفات مقابل الصيانة والخدمات و الذي منه.... يعني مش ببلاش واسألوا سكان الرحاب...

4- حتى التشطيب في مدينتي لما تستلمي الشقة -بعد عمر طويل- لا يتم إلا من خلال شركة طلعت مصطفى و بأسعارهم .... إحتكار يعني....

5- بدراسة سوق العقارات أتوقع أن سعر مدينتي لن يرتفع - إن لم ينخفض- وهذا ليس من قبيل انخفاض الاسعار - الرخص يعني- و انما من قبيل تصحيح السوق لنفسه و هذا معروف في علم الاقتصاد... بمعنى أن أي زيادة وهمية في سعر أي منتج -أياً كان- تكون مبالغ فيها و سببها الأساسي هو مجرد حشد الدعاية للطلب الذي يفوق العرض - ( وأحياناً يكون الطلب وهمي كما أتوقع في حالة مدينتي)- فإن السوق بعد فترة يقوم بتصحيح السعر و يعود للحدود ( الطبيعية)...

الخلاصة:

أنا شايف فعلاً إن الفلوس دي ممكن تجيبلك حاجة أحسن و في مكان أقرب للقاهرة أو معروف شكله النهائي و ليس كمدينتي صورة خيالية لم يتم تصميمها بالكامل بعد فضلاً عن أن تتحقق الصورة الخيالية لها في ظل النتغيرات الاقتصادية العالمية...

و أكرر... مدينتي لن تكون أبداً مثل الرحاب لأن الظروف التي ظهرت فيها الرحاب مختلفة و عوامل أخرى كثيييرة مختلفة.... احتمال ضعيف تكون أحسن و الغالب شبه المؤكد أنها ستكون أسوأ.... لكن مستحيل تكون مثلها... ولا ننسى أن معظم سكان الرحاب اشتروا وحداتهم بسعر معقول لذلك هم سعداء.... أما لو كانوا دفعوا الأرقام دي كانوا حسوا أنهم انضحك عليهم....

[hanzalah]

أسعار الرحاب الحالية (سداد على 8 سنوات)

ملحوظة

دفعة تعاقد بعد 3 شهور

دفعات سنوية هي 8 دفعات، وتبدأ بعد عام من الحجز

دفعة الاستلام يحين موعدها بعد 3 سنوات ونصف من الحجز

يوجد 24 دفعات شهرية بعد الاستلام

المساحة حجز تعاقد سنوي شهري استلام شهري اجمالي

98 54720 50640 31450 2695 50255 2300 656455

99 55240 51160 31770 2720 50620 2325 662820

130 71250 67170 41715 3445 66570 3055 860070

131 71770 67690 42040 3470 67015 3075 866435

162 87790 83710 51985 4195 82950 3805 1063690

180 97085 93005 57760 4615 92370 4225 1178220

223 119305 115225 71555 5620 114700 5230 1451830

224 119820 115740 71875 5640 115555 5250 1458195

225 120340 116260 72195 5670 115435 5280 1464555

تم تعديل 26 مارس 2009 بواسطة hanzalah

[ahmos1]

عندى سؤال لجميع من شارك فى هذا الموضوع ومنهم من بدا كخبير

حد عندة شقة فى الرحاب منكم او زار البدايات فى مدينتى

انا ساكن فى الرحاب من سنين و اخدت فى مدينتى و عندى كل الثقة بانة و الحمد للله قرار صح