دستة عيال .. وليخسأ الحاقدون!

[عصام]

من قال بالتواكل ..ليس هذا من خلق المسلمين و ليس ما يدعو اليه القرأن

أخى أبو عمر

ليس هذا ما قلته .. ومن ثم فإننى لم أجد ردا أو تقسيرا لطرحى فى مداخلتك السابقة ..!!

ربما أفتح موضوعا مستقلا لمناقشة ما جاء بمداخلتى الآخيرة قريبا

[سهل جدا]

السلام عليكم

أنا مش عارف فيه ناس زعلانة من النقاش ليه

وفي ناس كمان زعلانة من إيرادنا للآيات القرآنية والأحاديث النبوية

ولما ما يعرفش يرد عليها يتهمنا إما بعدم الفهم أو بالتناقض

وملاحظ كمان لاتهامات ليس لها أي حقيقة

زي ما قال الأستاذ زوهيري وهو بيشتكي لمدام لولا:

المشكله يا لولا هانم ان الرد لما يكون بصيغة ربنا عايز كده أو ربنا قال كده يبقى من المفترض ان يصمت الطرف المستمع و ينتهي الحوار

ومين اللي قال إن الطرف الآخر يستمع بس ، ما احنا عمالين نقرأ كلامكم و ونرد عليه وبتردوا علينا ,

وبعدين يا سيدي لو احنا فاهمين الآيات غلط ، ما تكسب فينا ثواب وتفهمهلنا صح كما تدعي..

الحجة بالحجة والبيان بالبيان

عشان نرتقي بفكرنا

وبعدين في اتهام باطل صدر من بعض الأخوة في الطرف الآخر كذلك

وهو إن احنا ما عندناش غير كلمة (ربنا هو اللي بيرزقك) وإن احنا بننكر الأسباب

ودا كلام غير صحيح

فقد ذكرت أنا والأخ الفاضل فيرس وأبو عمر وغيرنا أمثلة كثيرة من الواقع مما يؤكد على كلامنا

وقد ذكرت في موضوعي كذلك إحصائيات وتجارب بعض الدول وقصص من الواقع كنماذج ... وكثير وكثير

بس يظهر إن بعض الناس لما ما يلاقيش رد مقنع

يتهم المخالف له في الرأي بأي اتهامات وخلاص

يعني مثلا من ضمن الحجج العقلية اللي قولتها وما لاقيتش رد من أي واحد

(( إن كثرة العيال ربما تكون سببا في أن يجتهد الأب في العمل وتكون هذه فاتحة الخير عليه وعلى الأسرة كلها))

وهذا أمر مشاهد وموجود في الواقع بكثرة، ليس استثناءات ولا شيء

وذكرت إنه في بعض الكسالى كانوا بيكتفوا بالوظيفة فقط، لكن لما خلفوا أولاد كثير ، لاقوا إنهم لازم يشتغلوا ويجدوا من باب الأخذ بالأسباب

وبالفعل ربنا فتح عليهم ، وما كانتش خلفة العيال (سواء دستة ولا أقل) عائق

وأعرف نماذج كثير من هذا النوع ..

المهم يا جماعة

الموضوع الرئيسي كان بيناقش القضية على مستوى الأمة والدولة

وليس على المستوى الفردي الشخصي

أقصد هل يصح أن تخاطب الحكومة عموم الشعب بأنهم لازم يحددوا النسل عشان هو السبب في كل المشكلات الاقتصادية والاجتماعية (على حد قولهم) ؟؟

تحياتي للجميع :)

تم تعديل 5 فبراير 2009 بواسطة سهل جدا

[MZohairy]

أقصد هل يصح أن تخاطب الحكومة عموم الشعب بأنهم لازم يحددوا النسل عشان هو السبب في كل المشكلات الاقتصادية والاجتماعية (على حد قولهم) ؟؟

</div>

طبعا يصح حتى تتوزع موارد الدوله المحدوده على عدد اقل فيعظم نصيب الفرد

أما موضوع كل الاسباب فهذا غير صحيح بالطبع

هو فقط جزء لا بأس به من الاسباب بجانب السرقه و المحسوبيه و الرشوه و حاجات كتير

وقانا الله واياكم منها

[سهل جدا]

ما شاء الله عليك يا مزهوري بيه

صاروخ في الرد

طبعا يصح حتى تتوزع موارد الدوله المحدوده على عدد اقل فيعظم نصيب الفرد

طبعا يصح !!!!! :)

موارد الدولة محدودة؟؟؟ !!!!!

المساحة ديه كلها وعايشين على 4 في المية منها وتقول محدودة

وأراضي زراعية خصبة لم نحسن استغلالها

وبنطل على بحرين أساسيين

وبحيرات .. المنزلة -البرلس - إدكو - مريوط ....

وقناة السويس

وبترول وغاز وفوسفات و................

وثروة بشرية قبل كل شيء

يا راجل قول كلام يدخل الجمجمة :wub:

تم تعديل 5 فبراير 2009 بواسطة سهل جدا

[tarek hassan]

الفاضلة : لولا

لك أسئلة وردت في مشاركتك وهي :

لماذا هناك بنات فاتهم قطار الزواج لأن اهاليهم عجزوا عن المشاركه فى اى جهاز ، او لأن مشاركه البنت براتبها فى المنزل امر لا يمكن الإستغناء عنه..

لماذا الشباب يعانى لأقصى درجه فى مصر الأن ؟؟

لماذا اصبحت الأحلام مقتوله فى نفوس الملايين ؟؟

لماذا كل هؤلاء العاطين عن العمل رغم البحث والشهادات

أسئلة دسمة جدا وتحتاج لموضوعات مستقلة

فهل هذه المشكلات فعلا تتصل بموضوع زيادة النسل أو هي مرتبطه به

فمثلا مشكلة العنوسة

ما هي علاقتها بزيادة النسل ؟

فهل كلما زاد النسل زادت العنوسة وكلما قل النسل قلت العنوسة ؟

هل تقصدين ذلك فعلا ؟

وهل الحل فعلا تحديد النسل للحد من العنوسة ؟

أو هناك حلول أخرى للعنوسة مثل تيسير سبل الزواج أو التعدد أو غيرها من الحلول

وهل مشكلة البطالة سببها أيضا زيادة النسل ؟

بحيث إذا زاد النسل قلت فرص العمل

طيب البطالة موحودة في معظم أنحاء العالم ليه احنا بس اللي خلينا سببها زيادة النسل ؟

هل يمكن أن نفهم العلاقة بين ما ذكرتيها من مشكلات في سياق هذا الموضوع وبين زيادة النسل ؟ وكيف يمكن الربط بين هذا وذاك ؟

تحياتي وشكرا

تم تعديل 5 فبراير 2009 بواسطة tarek hassan

[MZohairy]

طبعا يصح حتى تتوزع موارد الدوله المحدوده على عدد اقل فيعظم نصيب الفرد

طبعا يصح !!!!! :)

موارد الدولة محدودة؟؟؟ !!!!!

المساحة ديه كلها وعايشين على 4 في المية منها وتقول محدودة

وأراضي زراعية خصبة لم نحسن استغلالها

وبنطل على بحرين أساسيين

وبحيرات .. المنزلة -البرلس - إدكو - مريوط ....

وقناة السويس

وبترول وغاز وفوسفات و................

وثروة بشرية قبل كل شيء

يا راجل قول كلام يدخل الجمجمة :wub:

حاضر يا سيدي

حنقول كلام يدخل الجمجمه

مصر يا سيدي اغنى بلد في العالم

و مع ذلك

كلما نقص عدد سكانها سيزداد نصيب الفرد من ثرواتها المهوله

يعني لو نصيب الفرد من الشعب المصري حاليا مليون جنيه شهريا

بنقص عدد السكان ممكن يبقى نصيب الفرد 5 مليون شهريا

ايه رأيك؟

مش خمسه مليون أحلى من مليون؟

تحياتي

[الباشمهندس ياسر]

مرة الشركة بعتتنا ليبيا فى جوب صغير كده

المهم عشان مطولش عليكم لقيت جملة كده بيكتبوها

افتكرتها و انا عمالى اقرأ الموضوع

الجملة بتقول

الى الامام

و الفاتح ابدا

ــــــــــــــــــــــــــــــــــــــــــــــ

الفاتح : اسم الانقلاب بتاعهم

وجه الشبه بين الجملة و بين اللى بيحصل هنا

انى حسيت ان عندنا ناس عايشه الوهم

[سهل جدا]

مرة الشركة بعتتنا ليبيا فى جوب صغير كده

المهم عشان مطولش عليكم لقيت جملة كده بيكتبوها

افتكرتها و انا عمالى اقرأ الموضوع

الجملة بتقول

الى الامام

و الفاتح ابدا

ــــــــــــــــــــــــــــــــــــــــــــــ

الفاتح : اسم الانقلاب بتاعهم

وجه الشبه بين الجملة و بين اللى بيحصل هنا

انى حسيت ان عندنا ناس عايشه الوهم

لا أدري صراحة

هل تقصد أن كلامك هذا للتعليق أعلاه ؟!

[tarek hassan]

مرة الشركة بعتتنا ليبيا فى جوب صغير كده

المهم عشان مطولش عليكم لقيت جملة كده بيكتبوها

افتكرتها و انا عمالى اقرأ الموضوع

الجملة بتقول

الى الامام

و الفاتح ابدا

ــــــــــــــــــــــــــــــــــــــــــــــ

الفاتح : اسم الانقلاب بتاعهم

وجه الشبه بين الجملة و بين اللى بيحصل هنا

انى حسيت ان عندنا ناس عايشه الوهم

لا أدري صراحة

هل تقصد أن كلامك هذا للتعليق أعلاه ؟!

طالما الباشمهندس عرفنا المشبه والمشبه به ياريت يعرفنا برضه وجه الشبه ونكون شاكرين ومهللين

وكذلك يخبرنا عن أحساسيه عنا بصفتنا ناس عايشين في الوحل قصدي الوهم

[الحياة حلوة]

انا دايما اقرا الموضوعات اللى فيها نقاش جامد ده ومحاولش ارد وكمان ماليش ردود فى المنتدى وتكاد تكون معدومة

بس بجد استفزنى الموضوع ده جدااااااااااااااااااااااااااااااااااااااااااا

انا معنديش القدرة على النقاش ولا كتابه كلام كتير لانى بملللللللل بسرعة وحتى لما يكون فيه موضوع طويل بقفله ومحاولش اقراه وبقول اهو فى الاخر كلام

يا اخ سهل كوووووووووووولكم نسيتوا حاجة مهمة جداااااااا

وهى فيييييييييين صحة الام لما تجيب اتنااااااااااااااااااااااااااااشر عيل حرام كده ارحموا بقوا نفسكم واتكلموا كلام معقول

ولا هما الرجالة مش بيفكروا غير انه يبقى عنده عزوة وخلاص ولا يشوف تعب ولا اى حاجة غير حاجة تقوله يا بابا وتشيل اسمه مع احترامى مش كل الرجالة كده بس اكيد فيه ناس بتخاف ربنا وكمان بتخاف على زوجاتهم

انا مش بعرف اتكلم فى السياسة لكن هقول ايه

عاوز تغيظ الحكومة هتلاقى نفسك بتغيظ نفسك وجبت اتناشر عيل وزوجتك صحتها راحت وانت كمان

اه اه صح نسيت ده انت صاحب الموضوع بتاع مواقع الزواج الظاهر انك بتدور على تعدد الازواج عشان تعرف تجيب اتناشر عيل بس بلاش صحتها هى او هما يا سيدى (زوجاتك) يعنى دور على صحتك انت

يا اخى حرام كده ده احنا بقينا 80 مليون عاوز ايه تانى

مش ممكنننننننننن

سلااااااااااااااام

تم تعديل 6 فبراير 2009 بواسطة الحياة حلوة

[الباشمهندس ياسر]

طالما الباشمهندس عرفنا المشبه والمشبه به ياريت يعرفنا برضه وجه الشبه ونكون شاكرين ومهللين

وكذلك يخبرنا عن أحساسيه عنا بصفتنا ناس عايشين في الوحل قصدي الوهم

يا طارق انى اناى بك ان تتحدث بمثل هذه الطريقة عن نفسك

و الى ان تهدأ نفسك وتستطيع ان تخط ما يتناسب مع المستوى اللائق لشخصك الكريم فلنؤجل حديثنا

[MZohairy]

الباشمهندس ياسر و طارق من ارقى المحاورين

فصلوا بينا على النبي و محدش يزعل من حد

[monmedo]

عزيزي كاتب المقال تحية طيبة وبعد

اري انك تنظر للعدد وكانة مادة للفخر فعدد المسلمين سيصبح اكبر عدد ...

او عدد العرب سيصبح اكثر بكثير من اسرائيل ولكن دعني اتسائل فعدد اسرائيل اليوم 5 مليون ومع ذلك هم اقوي من مليار عربي ومسلم اتعلم لماذا لانة اعملو عقلهم وعلمو ان سبب قوتهم هو عقلهم ونظامهم لا عددهم

فانت تري في الغابة (مع الفارق في التشبية بالطبع )ان عدد الخرافاكثر كثيرا من الذئاب لكن الذئاب هي من يلتهم الخراف

فارجو سيدي ان تعيد نظرك في موضع العدد لان كثرة اطفالك عن طاقتك سيضعك امام احتمال من الاثنين

اما ان تخرج شباب معوذ حاقد على من حولة ويبداء في ائذاء الناس قناعة منة انهم المسؤلين عما وصل له

اوتخرج اطفال شوارع ولا اظن تن ذلك يخفي عليك

فهل ستباهي العالم باطفال الشوارع ام بالمعقدين نفسيا

[الباشمهندس ياسر]

الباشمهندس ياسر و طارق من ارقى المحاورين

فصلوا بينا على النبي و محدش يزعل من حد

صلى الله على محمد و اله وصحبه وسلم تسليما كثيرا

و لا مجال بيينا لكى ازعل منه انما انا زعلان عليه والله

[سهل جدا]

عزيزي كاتب المقال تحية طيبة وبعد

اري انك تنظر للعدد وكانة مادة للفخر فعدد المسلمين سيصبح اكبر عدد ...

او عدد العرب سيصبح اكثر بكثير من اسرائيل ولكن دعني اتسائل فعدد اسرائيل اليوم 5 مليون ومع ذلك هم اقوي من مليار عربي ومسلم اتعلم لماذا لانة اعملو عقلهم وعلمو ان سبب قوتهم هو عقلهم ونظامهم لا عددهم

فانت تري في الغابة (مع الفارق في التشبية بالطبع )ان عدد الخرافاكثر كثيرا من الذئاب لكن الذئاب هي من يلتهم الخراف

فارجو سيدي ان تعيد نظرك في موضع العدد لان كثرة اطفالك عن طاقتك سيضعك امام احتمال من الاثنين

اما ان تخرج شباب معوذ حاقد على من حولة ويبداء في ائذاء الناس قناعة منة انهم المسؤلين عما وصل له

اوتخرج اطفال شوارع ولا اظن تن ذلك يخفي عليك

فهل ستباهي العالم باطفال الشوارع ام بالمعقدين نفسيا

الأخ الكريم مون ميدو

أنا ذكرت أكثر من مرة في الموضوع

إن الاهتمام بالكم لا يعني إهمال الكيف

وقولت أيضا , إن مليون جيدين , أفضل من 100 ألف جيدين

[سهل جدا]

حاضر يا سيدي

حنقول كلام يدخل الجمجمه

مصر يا سيدي اغنى بلد في العالم

و مع ذلك

كلما نقص عدد سكانها سيزداد نصيب الفرد من ثرواتها المهوله

يعني لو نصيب الفرد من الشعب المصري حاليا مليون جنيه شهريا

بنقص عدد السكان ممكن يبقى نصيب الفرد 5 مليون شهريا

ايه رأيك؟

مش خمسه مليون أحلى من مليون؟

عارف يا أبو لؤي

لو واحد من الناس اللي عندهم ورشة في حواري مصر سمعك بتقول الكلام ده ، احتمال يشد في شعره بسببك

عارف ليه

لأنه هو طبعا راجل بسيط, فهايحسبها وهايقول لنفسه:

يعني أنا دلوقتي عندي خمس صبيان بيشتغلوا معايا

الواد بلية , والواد بلية التاني , والواد بلية التالت ..... (ما هم تقريبا ما بيسموش الصبي غير بلية)

وكل واحد من العيال ديه بينتج لي في اليوم 50 حتة (أي منتج مش هاتفرق) , بكسب فيهم 100 جنيه , هو بياخذ نصهم والنص التاني في جيبي ..

ولما يبقى عندي خمس صبيان يعني بصرف في اليوم 250 جنيه مرتبات , وفي نفس الوقت بكسب في اليوم 250 جنيه

طيب لو أنا بقى مشيت واحد من البليات اللي عندي, صحيح هاوفر 50 جنيه , بس في نفس الوقت خسرت 50 جنيه

يعني الأفندي اللي بيقوللي قلل العمال اللي عندك عشان توفر يبقى كده عاوز يضرني .. هات العصايا يا ولد

خلصت الحدوتة

يا أستاذ زوهيري الثروة البشرية واضح من اسمها إنها ثروة

يعني لو استغلت صح هاتكون سبب في زيادة الإنتاج

ملحوظة: آسف على التأخر في الرد ، لأني كنت قرأته من يومين ونسيت أرد عليه ..

[MZohairy]

ارحمنا يا ارحم الراحمين

يا سهل بطل الأمثله احادية الجانب دي في عرضك

خلاص العيال كلهم بقوا يجيبوا ايرادات يوميه؟؟؟؟

مفيش موظفين عندهم 6 عيال في اولى و تانيه و تالته و رابعه و خامسه و تانيه اعدادي و مبيشتغلوش؟

يا أخي حسستني ان العائلات المصريه ترتع في ثراء فاحش

ارحمني انا عديت الاربعين و عندي عيال عايز اربيها

[سهران]

قرأت الموضوع للتو و أبشركم.... فقد خسأ بالفعل الحاقدون ..... فالحال أصبح لا يسر عدو و لا حبيب ..... كثافة الفصول في بعض مدارس الحكومة بالجيزة و في العشوائيات خلف شارع فيصل تعدت المية و عشرين تلميذ في الفصل الواحد و من لسان المدرسين بيقفوا على التخت علشان الولاد بس يسمعوهم .....يا سادة في المجتمع طبقات ظروفها تدمي القلوب فلا تعاونوهم على الأنتحار .... في جلسة مع صديق يعمل أخصائي أجتماعي بمدرسة حكومية يحكي عن أطفال مرايلهم مرقعة و صوابعهم خارجة من الجزمة المقطوعة في عز الشتا و طبعا بيكونوا محل سخرية أقرانهم من الأطفال الميسورين نسبيا فأي ألم يحتملون و عن أي مجتمع تتحدثون .... الدستة دي ترف لا يملكه ماديا أكثر من 10 ألى 20% معالكثير من التفاؤل و البديل الجاهز أطفال شوارع مشوهين نفسيا و خلقيا يضروا المجتمع و لا يفيدوه .... أذهبوا الى العشوائيات و أنظروا الى من تظنون أن المصطفى صلى الله عليه و سلم سيباهي بهم الأمم يوم القيامة ... أفاقون و بلطجية و عاطلون و قليلي الأدب و الزوق و الرباية و هم معذورون فلم يجدوا من يرعاهم أفمثل هؤلاء يباهي بهم ؟؟؟ ..... نسب التسرب من المدارس تزداد لعدم القدرة على تحمل مصروفات الدراسة و البعض لا يملك أهله تمن تذكرة الأتوبيس يوميا فآثروا السلامة و خرجوه من المدرسة... أطفال الشوارع يغتصبوا و يقتلوا و تباع أعضائهم كما ترون ......فقر و جهل و تخلف و مرض و أمية ......لو الأربعتاشر راس كل نفر منهم هاياكل نص كيلو لحمة في الأسبوع بطوله ..... يبقى رب الأسرة هايجيب 28 كيلو لحمة بحوالي 1260 جنيه بس لحمة بالشهر ( الكيلو ب 45 جنيه حاليا ) ........ و الشعار مرفوع دستة و ليخسأ الحاقدون ..... أردأ أنواع التعليم و أسوأ أماكن للأقامة .... أسر بالعشوائيات تعيش كل أسرة في غرفة واحدة و دورة مياه مشتركة لعدة أسر .... أطفال تتسول بالشوارع و تقيم فيه و ينجبوا أطفال مشاريع مجرمين و قنابل موقوتة للمجتمع تنفيذا للشعار المطلق على وجه العموم دستة و ليخسأ الحاقدون ........

دمتم بكل ود و دام ( خسآن ) الحاقدين .

تم تعديل 12 فبراير 2009 بواسطة سهران

[عصام]

الفكرة أخى العزيز

باختصار ...

المتحاورون مختلفون فى مفهوم التباهى ..

فالبعض يعتقد أن التباهى بالعدد

والبعض يعتقد أن التباهى بالقيمة

[سهران]

الفكرة أخى العزيز

باختصار ...

المتحاورون مختلفون فى مفهوم التباهى ..

فالبعض يعتقد أن التباهى بالعدد

والبعض يعتقد أن التباهى بالقيمة

أشكرك أستاذ عصام على الأيضاح .. أستاذنا الفاضل الذي تثري مداخلاته القيمة دائما موضوعات النقاش .

لكن هل وصل بنا الحال يا أستاذ عصام أن نتباهي بكثرة معظمهم من الأفاقين و قليلي الرباية ؟؟؟!!! ................ هم يعذرون في ذلك لأنهم ما لقيوش حد يربيهم و يشعرهم بآدميتهم ....... حضرتك تخيل لو تم أخذ عينة من أي منطقة عشوائية الآن ممن ينجبون الدستة ليخسأ من يخسأ و شوف نسبة من هم أقرب للبشر الأسوياء علما و خلقا و دينا و ستفجعك النتائج فلماذا يجادل البعض في مسلمات هي أبسط قواعد المنطق .... أذا لماذا نطلق شعارا على عمومه و أي تباهي بكم معظمه عبأ على الأنسانية كلها مش بس على الأسلام ؟؟؟.... مش أحسن نقلل أعداد مشاريع المجرمين و البلطجية بدل ما نتباهى بعددهم :) .....

تم تعديل 13 فبراير 2009 بواسطة سهران