لعب عيال .......طيب ايه الحل

[Howayda Ismail]

تغاضيت عن الموضوع اول مرة

الا انه يتكرر لتانى مرة انهاردة فده شئ بايخ جدا وقلة ذوق وكمان قلة ادب

الموضوع باختصار احد اعضاء المنتدى الافاضل دخل على بروفايلى على الفيس بوك

وعمل ( نكز ) وظهر اسمه واضح عندى

كنت حتجاهل الموضوع لكن ولادى ردوا النكز وطبعا الموضوع ده ضايقنى وضايق زوجى

واولادى وسالنى مين ده وعمل كده ليه عرفته انه بنى آدم سطحى تجاهلت قراءة

مواضيعه من مدة لانها تحرق الدم وتجاهلت طلب صداقته على الفيس

الا ان لاقيت الموضوع اتكرر تانى انهاردة من نفس الشخص

على فكرة بقى راى ولادى وزوجى فى مواضيعك = صفر

انا بقى راى الف صفر

كان سهل ارسل للادارة لكن احنا هنا كلنا اسرة واحدة وعيب يصدر من حد فيها كده

ايه اسبابه معرفش وايه غرضه برضه معرفش

غير انه انسان تافه

طبعا مش حاقول اسمه لانه عارف نفسه بس حبيت احرجه هنا

يمكن يختشى على دمه ويبطل لعب العيال ده

[Dreamwithme]

متزعليش نفسك خالص ولا تحرقي دمك خالص

وطنشي الموضوع خالص لأن الشخص اللي يعمل كده أيا كان ما يستهلش يتزعل منه أساسا

[عبير يونس]

ما تزعليش نفسك يا هند

بس حتى لو اشتكتيلنا منقدرش نعمل له حاجة

احنا ادارة هنا فقط وملناش حكم ع اللي بيحصل ع الفيس بوك

حضرتك ببساطة اعملي له حظر في البلوك ليست في حسابك

الموضوع مش مستاهل ده كله

احنا فعلا أسرة واحدة

و تلاقيكي بس فاهمة غلط

بس انا مفهمتش يعني ايه ( نكز) اللي هي poke يعني؟؟؟

[Howayda Ismail]

متزعليش نفسك خالص ولا تحرقي دمك خالص

وطنشي الموضوع خالص لأن الشخص اللي يعمل كده أيا كان ما يستهلش يتزعل منه أساسا

هربت من حرق دمى فى مواضيعه البايخة الاقه يحرق دمى على الفيس

كل مافى الموضوع ممكن يتوقف الاكونت بسبب تكرار النكز ده

غير ماواولادى وزوجى سالونى هو عمل كده ليه لما عرفوا انه من المحاورات

[Howayda Ismail]

ما تزعليش نفسك يا هند

بس حتى لو اشتكتيلنا منقدرش نعمل له حاجة

احنا ادارة هنا فقط وملناش حكم ع اللي بيحصل ع الفيس بوك

حضرتك ببساطة اعملي له حظر في البلوك ليست في حسابك

الموضوع مش مستاهل ده كله

احنا فعلا أسرة واحدة

و تلاقيكي بس فاهمة غلط

بس انا مفهمتش يعني ايه ( نكز) اللي هي poke يعني؟؟؟

انا عارفة ياعبير ان الادارة هنا ملهاش دعوة بالموضوع

هو مشترك معانا فى قهوة المغتربين وتقريبا صفحة المحاورات على الفيس

انا حرة اقبل صداقة ناس وارفض غيرهم ده مايزعلش حد

بتظهر فى صفحتى كلمة نكز وجنبها اسمه و جنبها لو كنت عاوزة ارد النكز له

ودى اول مرة تحصل معايا

ورغم ان مواضيعه وردوده هنا تحرق الدم كنت بارفض اقيمه سالب

وقررت من مدة طويلة مادخلش مواضيع باسمه نهائى

حتى ردوده فى مواضيع الغير كنت باتخطاها

[لماضة مصرية جدا]

السلام عليكم و رحمة الله و بركاته

طب ليه بس الزعل ده كله

الموضوع و لا ياخد من اعصابك ابدا ابدا

ببساطة اعملي بلوك علي الشخص ده

و بالنسبة للمحاورات....وراكي رجالة اصلا...و ع فكرة يا طنط انا بفضل المواجهة المباشرة و اني اخد اجراء وش كده

يعني لو حد انتي حسيتي لو مجرد تلميح انه ممكن يكون بيضايقك...ارسلي تقرير للادارة

و لا تحرقي في دمك اصلا

و برضه فيه خاصية في المنتدي انك تمنعي مشاركات معينة انها تكون ظاهرة قدامك بالاضافة انك ممكن تعملي بلوك برضه علي اشخاص مش عايزة تستقلبي منهم رسايل

التكنولوجيا حقيقي علي اد ما بتحاول تقرب الناس و مخلية كل الحتت مفتحة علي بعض

بس برضه فيها وسايل كتير تقدر تضمني بيها خصوصيتك

و لا تزعلي نفسك

من حق كل حد فينا حياة خاصة و دايرة خاصة من حقك انك تدخلي فيها اللي تحبيه و تطلعي برضه اللي تحبيه...و بمنتهي البساطة يعني لانها مش مستاهلة

روقي يا طنط...و لا يكون عندك فكر....طب تحبي نفيرسله الاكونت بتاعه...(وش اي هاكر شرير)

[ViralMind]

السلام عليكم..

يعنى ايه نكز؟ يعنى poke؟ الحساب عمره ما يتوقف بسبب الpoke.. مين اللى قال كده؟ :blink:

بصراحة انا شايف الموضوع بسيط و مش مستاهل.. صلوا على رسول الله.

اعملى له بلوك و خلاص.. هتلاقى فى صفحة البروفيل بتاعه report و تعملى حظر و تبلغى عنه فى الفيسبوك انه بيضايقك.. و كان الله بالسر عليم.

و عموما المشكلة مش فى المنتدى او الفيسبوك..

المشكلة اننا متعملناش اننا نحترم خصوصية الاخر و نقدسها.

برضه انصح حضرتك تغيرى ال privacy settings بحيث ان مش اى حد يعمل لك poke او يشوف البروفيل.

تم تعديل 3 سبتمبر 2011 بواسطة ViralMind

[ozoozo]

معلش سؤال ؟

لغايه دلوقتي مش فاهم ايه النكز ده؟

قصد حضرتك links?

[se_ Elsyed]

ده أنا طلعت في البلا لا وما أعرفش حاجه في الفيس يوء اللي مش بأحبه اصلاً

يعني إيه نكز يا رجالة عشان الواحد شكله ما يبقاش وحش في المجتمعات الراقية ؟

[ozoozo]

ده أنا طلعت في البلا لا وما أعرفش حاجه في الفيس يوء اللي مش بأحبه اصلاً

يعني إيه نكز يا رجالة عشان الواحد شكله ما يبقاش وحش في المجتمعات الراقية ؟

والله انا طول الليل بفكر فيها مع اني فيس بوكي مخضرم

لعتقد نكز بعني زي تذكير زي الشيخ ماينخز العيال بالعصايه في الكتاب -بعني يبدبه بطرف العصايه في جسمه- هذا والله اعلم

[لونا]

يبدو إن الفيس عند هند عربي

و إن نكز دي هي ترجمة poke

لما فتحت دلوقت جوجل ترجمة لقيتها ( وكزة أو لكزة )

هي المعنى الأقرب طبطبة .. بس مش عارفة بالفصحى تبقى إيه

المهم يا هند

أهم حاجة إنك ما تضايقيش نفسك

و الموضوع ده أكيد حيخلي الشخص ده يعرف إنه غير مرغوب فيه

و إعملي له بلوك على الفيس بوك.. زي ما الزملاء قالوا

ما تزعليش باة

تم تعديل 3 سبتمبر 2011 بواسطة لونا

[mekkawy]

عذراً مدام هند لا زال هناك من يفهم التواصل بشكل خاطئ

المهم كل عام و حضراتكم بخير

حضرتك هنا في المنتدى تعملي تقرير بحجب العضو و تعملي بلوك

في القهوة ليها مشرفين بردو ..حضرتك تبلغي الأدمن بتاعة القهوة و تعرفيها باللي حاصل و يا إما تطرد العضو المخالف ده و حضرتك كمان تعمليله بلوك و بكدة إن شاء الله يختفي من صفحات معاملات حضرتك تماماً لأن ده سلوك مشين لا نرضاه لأخواتنا و أمهاتنا

كل عام و حضرتك بخير :)

[Howayda Ismail]

انا شاكرة جدا لكم ياجماعة

عندكم حق الموضوع مش مستاهل بس عشان هو بنى آدم مستفز ده اللى سبب ضيقى بالشكل ده

انا فعلا عملت له بلوك وبعت شكوى لادارة الفيس

كنت فاكرة ان تكرار النكز ده يوقف الاكونت وانا عملاه اصلا عشان اتابع اولادى واصحابهم

وممكن يكرر الموضوع ده لو عملت اكونت جديد لانه مشترك مع اصدقاء لى من المنتدى

ومش عاملة خصوصية لسهولة دخول بنتى عندى لانى ضايفة زوجى وولادى الصبيان بس

لكن زى ماوضح استاذ ViralMind

وبنتى فهمتنى انه مش بيوقف الحساب لكنه حاجة عبيطة كده زى عيل اهبل كل شوية

يرن الجرس على الجيران عشان يضايقهم

وقالت لى امتى يتوقف اكونت حد على الفيس وكنت ممكن استعمله معاه لكن كفاية عليه كده

[Howayda Ismail]

معلش سؤال ؟

لغايه دلوقتي مش فاهم ايه النكز ده؟

قصد حضرتك links?

النكز ده معناه شخص معترض عليك او على كتباتك فى الفيس

لكن اصلا هو ماله بصفحتى وباللى فيها طالما مافيهاش حاجة تخصه

من الاخر ده شخص بارد

[ViralMind]

معلش سؤال ؟

لغايه دلوقتي مش فاهم ايه النكز ده؟

قصد حضرتك links?

النكز ده معناه شخص معترض عليك او على كتباتك فى الفيس

لكن اصلا هو ماله بصفحتى وباللى فيها طالما مافيهاش حاجة تخصه

من الاخر ده شخص بارد

السلام عليكم..

فى الحقيقة النكز معناه اعجاب.. او لفت نظر..

بس انا عايز حضرتك متديش الموضوع اكبر من حجمه, لان الحياة فيها حاجات حلوة كتير تانية تستاهل اننا نفكر فيها, بدل ما نضايق نفسنا و نستهلك طاقتنا فى الشحن الزايد عن اللزوم.

[Howayda Ismail]

السلام عليكم..

فى الحقيقة النكز معناه اعجاب.. او لفت نظر..

بس انا عايز حضرتك متديش الموضوع اكبر من حجمه, لان الحياة فيها حاجات حلوة كتير تانية تستاهل اننا نفكر فيها, بدل ما نضايق نفسنا و نستهلك طاقتنا فى الشحن الزايد عن اللزوم.

شكرا للتوضيح

وفى كلتا الحالتين مرفوض التصرف اللى حصل

وحضرتك عندك حق والحمد لله انه منحنى حاجات كتير اوى بتغلبنى على مشاعر سلبية

ممكن تصيبنى و الموضوع خلص بمجرد انى اتكلمت فيه هنا