كيف تهاجر الي كيبك بدون محامي (نسخة 2009)

[sam nabil]

يا جماعة فى ال evaluation بيسأل عن المؤهلات وما تعادلها فى كيبك و دى نعرفها ازاى ؟

وشكرا

[حسام المصرى]

الى الاخ العزيز Torontotruk بصراحة انا من اول ما تابعت المنتدى وده كان من زمان اوى كنت مخنوق منك ههههههه متزعلش بس خلاص كنت متغاظ منك ايه رائيك كده حلو هههه ياحبيب قلبى ما تزعلش منى بس انا كنت زعلان منك علشان كنت كل شوية تدخل المواضيع وتثبطنا وتطلع حاجاة واحشة اوى عن كندا وكانت الحاجات دى بتجيب لنا احباط والله بس دلوقتى سبحان الله وجدت انك بالموضوع ده بالذات والله راجل محترم وخدوم جداااااااااا ومتفهمنيش غلط فانت دائما محترم والله لاحسن تقول انى اكتشفت ده دلوقتى ههههه المهم وده لاحظته من خلال ردودك على الاخوة الاعضاء وبتحاول تساعدهم والله العظيم بصراحة احترمتك جدااا وربنا يبارك لك واوعى تزعل منى انا اخوك برده بس بجد باريت كلنا نبعد عن الاحباط والتشاؤم حتى ولو كانت حقيقة برده اهو مش هيكون اكتر من ال.... اللى احنا عايشين فيه ... وتسلم وربنا يجزيك كل خير انت واخى الكريم قناوى وكل الاحبة هنا ...

تم تعديل 4 أبريل 2009 بواسطة حسام المصرى

[bermawy]

متلخبط شوبه فى حكايه الشيك

انا مقيم بالسعوديه وعندى الحساب البنكى اللى بينزل عليه مرتبى بس طبعا بالريال السعودى

اروح البنك اقولهم ايه بالضبط

ايه هى الصيغه بتاعه الشيك او المسمى اللى اطلبه من موظف البنك

وهل القيمه فعلا 390 دولار كندى

شكرااا

انا مقيم في السعودية بردة وعملت الشيك بمنتهي السهولة من البنك البريطاني واي بنك تاني هايعملهولك بس بشرط يكون عندك حساب

روح البنك وخد استمارة bank draft

واملاها بالحرف باسم المستفيد بالحرف والقيمة اكتب جنبها CAD يعني دولار كندي

وقول للموظف بالدولار الكندي ويتصرف فيه بنك كندي

موظفين الصرافين عادي

وانت واقف هايديك الشيك عادي جدا

بالنسبة للقيمة انا ماعرفش اي حاجة عن كيبيك انا متخصص شيكات بس :rolleyes:

ربنا يبارك فى حضرتك يا استاذزناتى

انا وظيفتى مش فى للسته فعشان كده حولت كيبك , بس بصراحه شايف مجهود حضرتك فى الفيدرال وربنا يجازى حضرتك كل خير انت وعمنا كلنا هنا الدكتور الفاضل قناوى وان شاء الله نباركلكم على الفيزا

سؤالى ,, الراجل اللى هطلع الشيك باسمه

اكتب ايه ,, وزير الماليه الكندى

ولا الراجل له اسم اكتبه فى الشيك ؟؟

وانا المرسل اكتب اسمى ورا الشيك زى ما اتقال قبل كده ؟؟

ياجماعة موضوع الشيك دة سهل جدا بس بالنسبة لي عايشين في مصر

انت بتروح بنك اسمه نوفا سكوتيا nova scotia البنك دة كندي عنوانه شارع احمد نسيم امام حديقة الحيوان او مديرية امن الجيزة الشارع الي جنب سفارة السعودية مشي فيه شوية هتلاقي كشك على يمينك اسئله على البنك هيقولك العمارة اللي جاية على ايدك اليمين وبس ينفع تاخد الفلوس بالمصري والبنك يغيرهملك لدولار كندي الشيك بتبعته باسم le ministre des finances du quebec

هيقولولك استنى شوية عشان تاخد الكعب بتاع الشيك عشان تثبت ان هو بتاعك وتقدمه يوم المقابلة او هتقولك تعالى خده بكرة

وشكرا ومتنسونيش بالدعاء

[sam nabil]

يا جماعة افيدونا واحد زيي مؤهلاتة بكالريوس زراعة و بعد كام شهر ان شاء اللة هاحصل على ليسانس حقوق

اية هى فرصى للهجرة لكيبك واية كمان ظروف العمل هناك للمؤهلات دى . وشكرا ؟

[supersuper]

ماذا لو قدمت كيبيك وانا اصلا مقدم فيديرال ومنتظر طلب التحديث؟

مش حابب انتظر علشان بتقولوا انه في ليستة وظائف هيعملوها للكيبيك :rolleyes:

[supersuper]

دبلوم واعزب لازم الفرنسي اعلى درجة :rolleyes:

[hajeer]

السلام عليكم

يا شباب عندي استفسار بسيط ارجو من لدية الاجابة ان لا يبخل علينا .

السؤال هو بموضوع الهجرة الى الكيبك .

بعد تعبئه النموذجين لصاحب العلاقة وللزوجة , الاوراق المرفقه بالملف من شهادات , واوراق خبرة ...يجب ان تكون صورة طبق الاصل او صور من مكينة التصوير ابيض واسود.

السؤال الثاني .تعبئه النموذج او الفورم بالكمبيوتر او بالقلم و الصور الشخصية هل يجب عمل سكان بالماسحة الضوئية على الفوررم او ارفاق الصور على النموذج.

السؤال الثالث الرسوم لصاحب العلاقة وزوجتة وطفلين هل هي كالتالي (390 )للزوج, (150 )للزوجة ولكل طفل 150+150

ارجو من لدية الاجابة ان لا يبخل علي وله جزيل الشكر

[عبير يونس]

المداخلة دي كانت في موضوع

http://www.egyptiantalks.org/invb/?showtopic=78869&st=45

شوية احترام لمصر و ابنائها...هل هذا كثير؟؟

و رأيت ان مكانها هنا أفضل

اللهم آمين

و جزاك الله كل خير على النصيحة

و ربنا يقدم اللي فيه الخير

معلش سؤال لحضرتك

من الصورة الرمزية تصورت ان حضرتك مقيم في كندا

هوة حضرتك مقدم هجرة لكندا؟

لو كنت مقدم يا ريت أعرف أكثر عن الاجراءات ع الخاص لو أمكن

و لك جزيل الشكر

اختي الفاضله انا مقدم علي الهجره من زمن.

لو فكرتي يبقي لازم تقرأي المواضيع الاتيه

بنك معلومات من خبرات مهاجرين سابقين

كيف تهاجر لكيبك

كيف تهاجر فيدرال2009

ولو عندك اسئله سريعه

اسئله سريعه

هذا كبدايه . لان القوانين اتغيرت عن ايامي واصبح هناك لسته بالوظائف المطلوبه غير ان الاجرائات بتخلص في خلال 6 شهور لسنه .

cic.gc.ca

كل ده موجود جنبك في باب كندا وفي مواضيع كتير جدا مهمه

لكن الاهم هو قرار الهجره لانه مش سهل وله ضريبته قد يدفعها بعض الناس

والله الموفق

والله مش عارفة اشكر حضرتك ازاي

موضوع الهجرة ده في بالي بقى له سنة تقريبا

مش لأننا مش واخدين قرار

لأننا مش لاقيين طريق

لأن زوجي هوة اللي ما شاء الله شهادات و خبرة

بس ما لوش في موضوع اللغات ده

هوة مش ميح يعني

هو مستواه متوسط في الانجليزي و الفرنساوي

بس هو مبيمارسش اللغة و مش متجرأ عليها

و انا شهادتي في مجال و خبرتي في مجال تاني

و خبرتي كلها فري لانسر

يعني مفيش عقود و أوراق خبرة و الكلام ده

بس اللغات ما شاء الله

ممكن أجيب المطلوب بسهولة في اللغتين

بس الانجليزي أقوى طبعا

بس انا بأقوي نفسي في الفرنساوي

عشان يبقوا الاتنين ممتازين ان شاء الله

هي دي المشكلة

لو انا صاحبة الطلب

حيبقى في مشكلة الخبرة لأنهم مش حيعترفوا بخبرة مترجم حر و مدرس حر و شغل في مدارس من الباطن

كل ده مش حا ينفع

و لأن كمان خبرتي دي في اللغات مش نفس تخصصي في البكالوريوس اللي هوة المحاسبة

يعني لو قدمت كمحاسبة مفيش خبرة

و اذا قدمت كمدرسة انجليزي أو مترجمة مفيش شهادة

جوزي ما شاء الله بكالويوس كيمياء حيوية و دبلوم تربوي و دبلومة في فسيولوجي النبات و خبرة في التدريس 23 سنة ما شاء الله

و أوراقه تمام

بس في اللغات صعب يحصل المستوى المطلوب في الايلتس و أكيد مش حيجيب الفرنساوي اللي يدخلنا كيبيك

و كمان سنه 48 سنة و انا داخلة في ال 37 السنة دي يعني مش بعيد اوي عن 35

انا بأفكر في كيبيك اوي

و معنديش مشكلة حياتي تبقى كلها فرنساوي

لأني حبقى بايلينجول

و ساعتها ممكن اشتغل في الترجمة هناك

انا كل اللي املكه لغات

و شهادة المحاسبة اللي من 14 سنة ما عملتش فيها حاجة

ناس قالولي اضرب شهادات خبرة في المحاسبة

بس انا بصراحة مقدرش اعمل كده

و مقدرش ابتدي حياة جديدة بالغش

حتى لو حتعدي عليهم و ما كشفوهاش برضه مش حقدر

كمان ان حياتي اللغات

يعني يا حأدرس في معاهد يا حاترجم

هوة ده اللي اعرف اعمله

بس ادخل كيبك ازاي؟؟؟

المعجزة اللي مستنياها تدخلني اني الاقي عقد عمل و ادخل بتصريح عمل و اقدم الهجرة من هناك

بس زي ما قلت محتاجة معجزة

[Nassarlink]

يا عم نصار واحدة واحدة عليا ابعت لى اللينك بتاع الفيدرال باالغة الانجليزية لانى مش فاهم حاجة من اللينك لما فتحتة انا لسة فى المستوى الاول للفرنساوى

اصلى انا سايب الفرنساوى من ثانوية عامة انت فكرتنى بية خبط لزق يا عم واحدة واحدة ابعت لى لو سمحت اللينك الفيدرال الخاص بمتابعة الملف

ثانيا هو انت من المنوفية ؟ انت بخيل عالواحد بالاجابة ولا انت كسلان فى الرد يا عم انا بعت لك 6 اسئلة عاوز ردهم تفصيلى اوى وافتكر حديث الرسول (ص ):-

إن لله عبادا اختصهم بقضاء حوائج الناس حببهم فى الخير وحبب الخير اليهم إنهم الامنون من عذاب الله يوم

القيامة

شكرا

وليد نور

الاخ الفاضل وليد نور

اول خطوه لكيبيك انك تحسب درجاتك

علشان تكون عارف من الاول درجاتك كام

من خلال الرابط ده

http://www2.publicationsduquebec.gouv.qc.ca/dynamicSearch/telecharge.php?type=7&file=GPI_3_1_Annexe_2.pdf

وده رابط لو وظيفتك من من الليسته دي ممكن تحصل علي درجات خاصه بالمؤل بنتاعك بشرط انك تكون بتمارس المهنه بتاعت المؤهل آخر خمس سنين

http://www.immigration-quebec.gouv.qc.ca/publications/en/diverses/list-training.pdf

علشان كده احنا محتاجين منك التفاصيل لحالتك علشان نحسب درجاتك بالضبط

تم تعديل 7 يونيو 2009 بواسطة Nassarlink

[Nassarlink]

ثاني حاجه ده الابلكيشن الاساسي الي المفروض انك تقوم بتعبئته

http://www.immigration-quebec.gouv.qc.ca/publications/fr/dcs/demande-certificat-selection-dyn.pdf

وده الاقرار المالي الي المفروض بتمضي عليه حسب عدد افراد الاسره

http://www.immigration-quebec.gouv.qc.ca/p.../fr/dcs/D21.pdf

[السيد منير]

السلام عليكم

يا شباب عندي استفسار بسيط ارجو من لدية الاجابة ان لا يبخل علينا .

السؤال هو بموضوع الهجرة الى الكيبك .

بعد تعبئه النموذجين لصاحب العلاقة وللزوجة , الاوراق المرفقه بالملف من شهادات , واوراق خبرة ...يجب ان تكون صورة طبق الاصل او صور من مكينة التصوير ابيض واسود.

السؤال الثاني .تعبئه النموذج او الفورم بالكمبيوتر او بالقلم و الصور الشخصية هل يجب عمل سكان بالماسحة الضوئية على الفوررم او ارفاق الصور على النموذج.

السؤال الثالث الرسوم لصاحب العلاقة وزوجتة وطفلين هل هي كالتالي (390 )للزوج, (150 )للزوجة ولكل طفل 150+150

ارجو من لدية الاجابة ان لا يبخل علي وله جزيل الشكر

ممكن تبعتى صور للورق بالعربى عادى من مكنة التصوير المهم فى الترجمة ان المترجم يكتب ان الترجمة من صورة مطابقة للاصل ويختم بالختم بتاعه فى الترجمة الفرنساوى طبعا

الكمبيوتر احسن واضح والخط طبعا مقروء كويس والصور عادى ابعتى الصور وخلاص مش شرط سكان على الابليكشن

تمام كدة المجموع= 390+150+150+150=840 دولار كندى بشيك واحد

[وليد نور]

يا اخ نصار انا متواصل معاك هنا واتمنى نبدا مع بعض خطوة خطوة وترد على اسئلتى دى

سلام عليكم

اولا احب اشكر بجد والله كل الى بيقدم خدماتة عن الهجرة لكندا فى الموقع الخرافة والجماعة الى عملوا الموقع دة حقيقى ربنا يوفقهم ويوفق كل الى بيحاول

يساعدعلى اد ما يقدر يا جماعة انا كنت مقدم فيدرال وجالى الفايل نمبر وعرفت انى لازم احصل على شهادة الايلوت وللاسف انا عايش فى الخليج فى المدينة

حاليا وظروف شغلى تخلينى حتى ما اقدرش اروح اخد كورسات فى المعهد البريطانى الى فروعة فى جدة والرياض والدمام بس المهم انا دلوقت قررت انى احول الى

كيبيك علما بانى كنت واخد ثانوية عامة لغة تانية هى الفرنساوى فانا دلوقتى متزوج وعمرى 32 عام لى بنتين عمرهم سنة وسنتين انا لى خبرة اكثر من خمس

سنين ارجوكم قولولى بالترتيب اعمل اية بمعنى

1- عاوز الابليكشن بتاع الكيبيك وشرح لكل بند فى الابليكش

2- اية الاوراق المطلوبة بالفعل بجانب الابليكشن علما بانى اعيش هنا فى الخليج يعنى لو فى اى ورق هيتم عن طريق السفارة المصرية

3- انا هبعت الابليكشن بتاعى وانا هنا فى الخليج يعنى اكيد فى عنوان للى عايشين فى الخليج عن العنوان الى عايشين فى مصر

4- اية المصاريف الى هدفعها وازاى اقدر ادفعها ( حوالة ولا شيك ولا اية بالظبط )

5 -اية رايكم اقدم باسمى وزوجتى مرافق معايا والاولاد ولا اقدم باسم زوجتى وانا مرافق معاها

6- اية الى اقدر اشترية من اسطوانات لتعلم اللغة الفرنسية باتقان تقدر تخلينى اقدار اعدى الانترفيو

7- هل التقدم باللغة الفرنسية بيحتاج مستوى ضخم ولا متوسط ولا اية بالظبط علما بانى اعمل محاسب من 5 سنين فى الخليج

ارجوكم انا هتبع كل الخطوات الى انتوا هتقولهالى وارجوكم لو كنت هطول عليكم بس ارجوكم عاوز شرح تفصيلى لكل خطوة

وجزاكم الله الف خير

اخوكم

وليد نور

[وليد نور]

سلام عليكوا الاخ نصار انا لبيت دعوتك ومتشكر لرسالتك ويا ريت نبدا معا بعض خطوة خطوة

سلام عليكم

اولا احب اشكر بجد والله كل الى بيقدم خدماتة عن الهجرة لكندا فى الموقع الخرافة والجماعة الى عملوا الموقع دة حقيقى ربنا يوفقهم ويوفق كل الى بيحاول يساعدعلى اد

ما يقدر يا جماعة انا كنت مقدم فيدرال وجالى الفايل نمبر وعرفت انى لازم احصل على شهادة الايلوت وللاسف انا عايش فى الخليج فى المدينة حاليا وظروف شغلى

تخلينى حتى ما اقدرش اروح اخد كورسات فى المعهد البريطانى الى فروعة فى جدة والرياض والدمام بس المهم انا دلوقت قررت انى احول الى كيبيك علما بانى كنت واخد

ثانوية عامة لغة تانية هى الفرنساوى فانا دلوقتى متزوج وعمرى 32 عام لى بنتين عمرهم سنة وسنتين انا لى خبرة اكثر من خمس سنين ارجوكم قولولى بالترتيب اعمل

اية بمعنى

1- عاوز الابليكشن بتاع الكيبيك وشرح لكل بند فى الابليكش

2- اية الاوراق المطلوبة بالفعل بجانب الابليكشن علما بانى اعيش هنا فى الخليج يعنى لو فى اى ورق هيتم عن طريق السفارة المصرية

3- انا هبعت الابليكشن بتاعى وانا هنا فى الخليج يعنى اكيد فى عنوان للى عايشين فى الخليج عن العنوان الى عايشين فى مصر

4- اية المصاريف الى هدفعها وازاى اقدر ادفعها ( حوالة ولا شيك ولا اية بالظبط )

5 -اية رايكم اقدم باسمى وزوجتى مرافق معايا والاولاد ولا اقدم باسم زوجتى وانا مرافق معاها

6- اية الى اقدر اشترية من اسطوانات لتعلم اللغة الفرنسية باتقان تقدر تخلينى اقدار اعدى الانترفيو

7- هل التقدم باللغة الفرنسية بيحتاج مستوى ضخم ولا متوسط ولا اية بالظبط علما بانى اعمل محاسب من 5 سنين فى الخليج

ارجوكم انا هتبع كل الخطوات الى انتوا هتقولهالى وارجوكم لو كنت هطول عليكم بس ارجوكم عاوز شرح تفصيلى لكل خطوة

وجزاكم الله الف خير

اخوكم

وليد نور

[وليد نور]

الاخ نصار والاخوة المحترمين مساء الخير

انا هقولك وضعى كلة كما يلى :-

انا عمرى 32 مصرى طبعا حاصل على بكارليوس تجارة جامعة القاهرة انا شغال من خمس سنين هنا فى السعودية محاسب لى بنتان عمرهم سنة وسنتين زوجتى معهد تعاون 4 سنين الى بيعطى بكارليوس تجارة

جامعة عين شمس انا عايش فى الخليج من خمس سنين دة كل وضعى اتمنى اكون وصلت لك كل حاجة

وليد نور

[وليد نور]

الاخ نصار سامحنى انا اسف على كلمة كسلان والله انا قلتها بحسن نية بجد انا اسف ويا رب يوفقك فى هجرتك ويوفقنا جميعا يا رب

ومش هنسى وقوفك بجانب الوحد ربنا بجد يكرمك ويكرم الجميع الى عمرهم ما بيتاخروا على حد بمعلومة

[Nassarlink]

يا اخ وليد مفيش داعي للاعتذار كلنا اخوان

ده احنا ولاد كار واحد

المهم دلوقتي انشاء الله المفروض انك تقدم بإسمك انت لان المؤهل بتاعك بكالوريوس تجاره ومن جامعه حكوميه

مفيش شك فيها وسنوات الخبره تجاوزت الاربع سنين في مجال المحاسبه

يبقي درجاتك كالتالي

المقدم الرئيسي

المؤهل 11

الخبره 9

السن 18

اللغه الفرنسيه 7 من 16

اللغه الانجليزيه 3 من 6

ثانيا الزوجه

المؤهل 3

العمر 3

اللغه الفرنسيه 2 من 6

الاطفال 8

الاندماج 5

الاقرار المالي 1

المجموع يساوي 70

والمطلوب منك 68

يبقي توكل علي الله وقدم

بس بشرط ان اللغه الفرنسيه عندك متكونش 7 من 16 بس

ده تقييم مبدئي

[Nassarlink]

الاخ وليد

مقولتلناش زوجتك عندها سنوات خبره ولا لاء

لو عندها حد ادني 6 شهور بتحصل كمان علي درجه واحده

اما بالنسبه للخمس درجات الاضافي بتوع التخصص دول بيتوقفوا علي رؤيه الممتحن بناء علي ان خبرتك في مجال المحاسبه في آخر خمس سنين في حالة انك حاصل علي المؤهل من مده اكثر من خمس سنين

المهم انت من غير الست درجات دول 1+5 درجاتك الحمد لله تجاوزة الحد الادني المطلوب

المهم انك تشد حيلك في اللغه الفرنسيه انت وزوجتك علشان ربنا يوفقكم

المطلوب منك الحد الادني للقبول المستوي السادس

لكن اعمل حسابك ان الدورات في المراكز والمذاكره مع نفسك لاتجبرها علي اعطاءك الدرجه

لكن بناء علي رؤيتها لمستواك الفعلي

لكن الشهاده الوحيده الي بتجبرها علي اعطاءك درجات هي شهادة الديلف

علشان كده ننصحك انك تحضر نفسك لامتحان DELF A2 كحد ادني

تم تعديل 7 يونيو 2009 بواسطة Nassarlink

[Nassarlink]

استاذ سيد

لو ليك تعليق علي كلامي بخصوص الدرجات او اللغه ياريت متحرمناش من خبرتك الكبيره

اخوك الصغير نصار

[Nassarlink]

اما بالنسبه للمستندات

اعتقد انك قدمت قبل كده فيدرال

يعني عارف كل المسندات المطلوبه

مترجمه الي اللغه الفرنسيه لو هي بالعربي

اما لو كانت موجوده باللغه الانجليزيه يبقي مفيش مشكله

وهي

شهادات الميلاد الكل افراد الاسره

شهادة التخرج للزوج والزوجه

شهادة التقديرات للمواد

وثيقة الزواج

صور جواز السفر ويكون صالح علي الاقل 3 سنين

شهاده الثانويه العامه للزوج والزوجه

شهادة الجيش

كارنيه نقلبة التجاريين لو موجود

واهم حاجه من وجهة نظري

شهادة الخبره للزوج وللزوجه

وتكون واضحه في مضمونها

مبين فيها الوظيفه يعني محاسب

والمهام الوظيفيه يعني يقوم بعمل ميزان المراجعه و حساب الارباح والخسائر

او اي اجراء آخر ولكن بإيجاز

والتواريخ متكونش متضاربه في حالة تعدد شهادات الخبره

والعنوان للشركه وتلفوناتها واختامها وتوقيعاتها واضحه بما لا يدع مجال للشك

وخصوصا انك هتجيب شهادات خبره من السعوديه يعني مش متأمن عليك

متحطش نفسك في موضع شك

وللحديث بقيه

[Nassarlink]

الاخ وليد نور

بعد ما تجهز اوراقك

وتقوم بتعبئه الابلكيشن

هتقوم بسداد مبلغ 390 دولار كندي ليك و150 دولار كندي للزوجه 150 دولار كندي لكل طفل من الاطفال

في بالبنك بحواله بإسم

Ministre des finances du Quebec

بعدها ترسلهم بالبريد علي السفاره في سوريا

Bureau d'immigration du Québec à Damas

a/s de l'Ambassade du Canada

38, Autostrade Mezzeh,

C.P. 3394

Damas SYRIE

نسيت اقولك الصور الفوتوغرافيه زي بتاعت جواز السفر لكل فرد 6 صور

تم تعديل 8 يونيو 2009 بواسطة Nassarlink