كندا وحشة !

[mohamed omar]

استاذ صامويل

احنا بالخليج عاملينه الجنه وما عاداه بلاد لا خير فيها

هل كندا بهذا الجمال

يا راجل جنة ايه .. صلي ع النبي

ما أنا عايش فيه بقالي عشر سنين .. فين الجنه دي

الخليج = فلوس

بس ..

مفيش حاجه تاني

ايه كانت ناس محترمة و كومل...

[mohamed omar]

الامثله كثيره لو اشتغلت ب15 دولار على الساعه مثلا يعنى اربعين ساعه فى الاسبوع يكون دحلك 2400 دولار والزوجه نفس الدخل او اقل يعنى عندك دخل اكثر من اربعين الف دولار ما هى الاعمال النى يمكن ان تعملها ما يتناسب مع قدراتك مثلا شركه

DELL COMPUTER عندها دائما حاجه لموظفين فى OUTBOND AND INBOND CALL CENTER عمل مكتبى لكن فيه استعمال للتلفون بصوره دائمه ويحتاج الى لغه قويه ومهاره فى فن الاتصال مع الناس

ممكن ان تعمل بنفس المجال مع البنوك او شركات التامين انت والزوجه الكل هنا يعمل الدخل الاحادى لا يكفى لتصريف امور البيت لانه لو واحد خسر شغله الثانى بيشبله فهمت ليه الدخل الاحادى صعب غلى البيت

انا اعمل بمجال المواصلات لو انا مبتدا بالعمل يكون دخلى حوالى اربعين الف دولار والزوجه تعمل وابنى يعمل وملتحق بالجامعه كله يعمل لا يوجد مجال للكسل لان الكسل يعنى الديون وخسران كل شىء

فاضل كم سنه وان شاءالله تقاعد

ِANOTHER DAY ANOTHER DOLLAR THIS IS HOW WE LIVE IN CANADA

واللهي انت راجل محترم يا استاذ/صمويل...انا زميل مهنة برده و اكون سعيد لو اتعرفنا..

[Tolbas]

السلام عليكم

مع احترامي لكل الاعضاء الافاضل,الموضوع ده لازم يتحذف لانه حرام عليكو الناس الي تعبت و شقيت سنين عشان تهاجر و سهرت الليالي تذاكر انجليزى و تعمل معدلات و تلف علي الوزارات توثق اوراق و تعمل مقابلات و تقنع اهاليها عشان تحقق حلمها في الهجرة و في الاخر تقولو كندا طلعت كدبه كبيرة؟؟

الاخت او الاخ صاحب الموضوع ده مقلش هو كان رايح ليه و مؤهله ايه و لم قلولو شهادتك حبر علي ورق كان حاطط في دماغه هيشتغل ايه,و ايه الخطوات الي عملها عشان يواجه الصعوبات الي شفها,و لم نزل نزل في اي ولايه و يا تري هو فينو دلوقت ؟؟

اظن كل دي اسئله كانت هتفهما طبيعه موقفك استاذي الفاضل .

و لو فرضنا و دا في شك, انك كنت بتكمل دراستك في كندا فالطبيعي انك هتشتغل شغل بالساعة عشان انت اساسا طالب و لازم تذاكر و شغلك ده بس عشان تحصل مصاريف دراستك و معيشتك

انا الحمد لله شفت ناس كتير مشاء الله مبسوطين في كندا و ناجحين هناك,و انا بصراحة بعد ما قريت الموضوع دا زاد اصراري علي السفر و اني اشوف المشاكل و اواجها و اتغلب عليها,هو دا الطموح و هي دي ابسط رسالة ممكن نقدمها في حياتنا, و هي الوصول للحياه الكريمة و احترام النفس البشرية,لان الهجرة مش فلوس زي مالناس فكرة,الهجرة يعني حياه جديدة,و لو يا سيدي فلوس برده هتبقي احسن من مصر و مع الاسف بقول كدة عشان دا الواقع المرير,انا 23 سنه و شفت كتير, امال بعد كدة ايه الي هيحصل

في مقوله لامير المؤمنين علي ابن ابي طالب رضي الله (الفقر في الوطن غربة والغنى في الغربة وطن)

اظن بعد هذا الكلام كل واحد يفهم ايه الصح

[يمين][/يمين]

[Tolbas]

و علي فكرة يا سيدي انا مبرمج قواعد بيانات اوركل زي حضرتك,بس اكيد انت استاذي بحكم الخبرة,و عاوز اعرف اخبار شغل اوركل ديفيلوبرز ايه عندكو؟؟

[jessika]

اية الكلام دة بعد حرقت الدم دى وتجهيزنا فى الورق تقلولنا كندا كذبة كبيرة ؟ مش ناقصين احباط ياريتك ترد علينا يا استاذ شامى شايفة حضرتك بتقرى الموضوع وربنا يستر

[شاب مصري]

اية الكلام دة بعد حرقت الدم دى وتجهيزنا فى الورق تقلولنا كندا كذبة كبيرة ؟ مش ناقصين احباط ياريتك ترد علينا يا استاذ شامى شايفة حضرتك بتقرى الموضوع وربنا يستر

كل واحد بيحكي عن تجربته الشخصية

الدنيا كدا

<_<

والدكتور الشامي بنفسه نبهنا للنقطة دي اكتر من مرة

يعني صاحب الموضوع لقا الدنيا صعبة لما سافر وبيقولنا حصل كذا كذا بأمانة وبدون كذب ودا المطلوب منه

د.الشامي حالفه التوفيق وحكالنا بكل أمانة تجربته

انا متفهم ان اللي لسا مسافرش كندا ولم يطلع على الوضع على ارض الواقع (بايجابياته وسلبياته) بيكون عاوز يسمع الجانب الجذاب واي كلمة مقلقة بتزعج لانها تجربة جديدة بالنسبة للي عاوز يهاجر

انا شخصيا مش مؤن بالهجرة للكندا للأطباء وشايف ان الموضوع صعب جدا للحصول على عمل وامريكا افضل لينا بكتير

مع ان ليا قرايب ومعارف في كندا ومنهم ناس قدام بس انا هحاول اطلع على امريكا بعد ما اخلص ان شاء الله

مع اني مليش حد في امريكا خالص

ولو موضوع التأشيرة كعبلني هحاول على استراليا او اي دولة تانية

مع كامل احترامي لكندا البلد الجميلة :o

الموقع ده انا قريته فيه من مدة بس مش عارف مدى مصداقيته

http://www.notcanada.com/

وفي الرابط التالي هتلاقي قصة طبيب مصري شاب هاجر كندا بس يأس منها وراح أمريكا وربنا سهله الحال :

http://www.dvd4arab.com/showthread.php?t=885003

http://www.dvd4arab.com/showpost.php?p=104...amp;postcount=1

ربنا يوفقك cld:

تم تعديل 10 نوفمبر 2008 بواسطة شاب مصري

[jgeorge]

اوافق معكم فى كل ما قولتوه الا موضوع الاولاد فهذا موضوع خطير جدا جدا و فيه لعب بالنار

كتير من بنات المصرييت اتجوزوا من هناك برازيلى ايطالى كندى امريكانى و انجليزى

و كلهم بيقولوا انهم اسلموا، و لما اسألهم طب اطهروا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هذا هو ما سيجلبه عليك الباسبور الكندى او اى باسبور غربى

يبقى الواحد لازم يفكر فى مستقبل اولاده الاول و النتيجة النهائية

[jgeorge]

يا ريت تتفرجوا على فيلم Towelhead

هذه قصة واقعية و تحدث كل يوم و الاهل ياما مش عارفين ياما بيضحكوا على نفسهم يا اما مافيش بايدهم حاجة يعملوها

[se_ Elsyed]

غريب جداً رأي الزملاء الذين يطالبون بحذف الموضوع !!!!!

أومال عايزين كل من يدخل باب الهجرة إلى كندا يُسبح بحمدها ويقول إنها 100/100 ؟

بالعكس ده مثل تلك الموضوعات توضح الكثير والكثير للمقبلين على الهجرة ..

[ELSHAMY]

الأخوة القلقانين

هذا موضوع قديم......لو لاحظتم تاريخ كتابة المداخلة الاولى منذ أكثر من سنه....

ظاهرة بيان الوجه الجيد و القبيح لكل شىء ظاهرة صحية....و كما قال أخونا س س...هناك التجارب الايجابية...و كذلك السلبية....

الأمر متروك لصاحب الشأن وحده...كلنا أدرى بامكانياته و شهاداته و قدرته على التحمل...و هذا يجب أن يكون فى الحسبان قبل السفر...ان حالفك التوفيق فخيرا...و ان لم يحصل فلا تلومن الا نفسك و ليس بالضرورة ان تهد المعبد على الجميع...

تفاءلوا بالخير تجدوه....توكلوا على الله بعد أخذ جميع الاسباب....

صلاة الاستخارة أمر ضرورى جدا قبل الشروع حتى فى التفكير....

الله يوفق الجميع لما فيه الخير ...و يرضينا بقضائه...

[ايهاب سالم]

صحيح

كندا كذبه كبيره

كل الناس بتشتغل في محطات بنزين

وكل الاولاد بيطلعوا منحرفين

خلاص ?

كده فيه ناس كتير استريحت نفسيا

نورتونا

خدوا الباب في ايديكم لو سمحتم

[شاب مصري]

صحيح

كندا كذبه كبيره

كل الناس بتشتغل في محطات بنزين

وكل الاولاد بيطلعوا منحرفين

خلاص ?

كده فيه ناس كتير استريحت نفسيا

نورتونا

خدوا الباب في ايديكم لو سمحتم

اسلوبك راقي جدا ومهذب ماشاء الله <_<

تم تعديل 10 نوفمبر 2008 بواسطة شاب مصري

[nona alawaal]

كندا وحشة

اوك

بس مصر صدقنى اوحش

اللى بيتعمل فى كندا على مرئى و مسمع الكل

بيتعمل العن منه فى مصر فى الخفاء و الدراء

اكبر نسبة تحرش جنسى فى مصر و اكبر نسبة اغتصاب فى مصر

ده لدرجة الامريكان بيخافوا منا

و انتم عارفين البلاد العربية و ما بيها

ده غير التعزيب و القهر اللى فى مصر الحبيبة و سجونها و اقسمها

و ياريت سيرش صغير كده على اليوتيوب و نعرض هنا كمان

تحياتى للجميع

تم تعديل 10 نوفمبر 2008 بواسطة nona alawaal

[hamdy farag]

صحيح

كندا كذبه كبيره

كل الناس بتشتغل في محطات بنزين

وكل الاولاد بيطلعوا منحرفين

خلاص ?

كده فيه ناس كتير استريحت نفسيا

نورتونا

خدوا الباب في ايديكم لو سمحتم

تسلم هاالديات...تكرم استاذ ايهاب بس كلامك ماهو مظبوط لأول مرة اعارضك.سامحني لكن خاب املي فيك. :wub: wst::

[supersuper]

الموضوع عادي جدا

صح ممكن يقلق البعض بس خدوها بكل اريحية

انا قبل ما اشتغل في دبي كنت مفكر انه دبي هي الدنيا وهي حلمي وهي البلد اللي راح استقر فيها مدى الحياة

وصلت دبي وكلها سنة حتى بدأت افهم البلد ومشاكل الناس في البلد

الآن لي في دبي 4 سنوات ونصف وانا مش مرتاح نهائياً ولكن في نفس الوقت في ناس عايشين احلى عيشة ومش ناقصهم حاجة

في ناس خارج دبي لما بيعرفوا اني مش مرتاح وبفكر ارجع بلدي بيستغربوا يعني معقول انت في دبي ومش مرتاح؟؟

وبنفس الوقت لو في حد طلب مني نصيحة انه يطلع يشتغل في دبي او لأ بقله نعم يطلع ويجرب حظه يعني مش شرط يكون وضعه زي وضعي وممكن يرتاح في البلد وينبسط

بالنهاية هي حظوظ وارزاق وكل واحد اموره بتختلف عن التاني

الآن لو شفت حد بيقول عن كندا مش كويسة بكون متفهم لشعوره مع اني شايف ان كندا هي حلمي وانها احلى بلد في العالم وراح اعمل المستحيل عشان ادخلها واستقر فيها

ومهما سمعت برضو مش راح اخاف ولازم اروح واجرب وضعي هناك واقل ما فيها اني لو ما كنت مرتاح بقعد 3 سنين وباخد الجنسية وبرجع بشتغل في الخليج وبكل سهولة بلاقي شغل وبراتب عالي عشان الجنسية فقط

كندا بلد جميل فيها نظام فيها نظافة فيها حقوق انسان وهاي الامور معدومة عنا في بلادنا العربية

واكيد الواحد بحب يعيش هو واولاده في بلد حلو ومنظم مش احسن من العقد النفسية اللي بتصيب الواحد بسبب المعيشة عنا

ولا تقولوا ان الجنسية الكندية مش مهمة

لا هي مهمة ونص وبتفتح ابواب كتيرة للواحد وبتسهل عليه امور كتير

[moheltohamy]

صحيح

كندا كذبه كبيره

كل الناس بتشتغل في محطات بنزين

وكل الاولاد بيطلعوا منحرفين

خلاص ?

كده فيه ناس كتير استريحت نفسيا

نورتونا

خدوا الباب في ايديكم لو سمحتم

يا عم الحاااااااج :wub:

بقى احنا عمّالين بنقول ونعيد في واحد صاحبنا ، وفتحناله توبيك مخصوص عشان العادة دي... تلقط انتا العدوة منّه؟!

فاهمني طبعاً wst::

[moheltohamy]

كندا وحشة

اوك

بس مصر صدقنى اوحش

اللى بيتعمل فى كندا على مرئى و مسمع الكل

بيتعمل العن منه فى مصر فى الخفاء و الدراء

اكبر نسبة تحرش جنسى فى مصر و اكبر نسبة اغتصاب فى مصر

ده لدرجة الامريكان بيخافوا منا

و انتم عارفين البلاد العربية و ما بيها

ده غير التعزيب و القهر اللى فى مصر الحبيبة و سجونها و اقسمها

و ياريت سيرش صغير كده على اليوتيوب و نعرض هنا كمان

تحياتى للجميع

يسلم فومّك يا ماما نونا...

ومعنديش كلام أقوله بعد كلامك دوت :wub:

[qenawy]

واحد عاد وزاد معايا عن عيوب الهجرة وهو طبعا معاه باسبور فرنسا

قلت له تبدل الباسبورات

قال لي لا

مش عارف ايه هدف الموضوع ل كان للتنبيه لبعض السلبيات فانا شخصيا عارف انه مهما كثرت سلبيات الغرب افضل من سلبيات مصر للاسف التي اتمني ان ياتي يوم وتكون مثل كندا

ونظرا لان الوقت الذي سيحدث فيه هذا لن يكون في حياتي ولا حياة اولادي

لذا فلننقذ اولادنا وناخذ خطوة

[hamdy farag]

,انا 23 سنه و شفت كتير, امال بعد كدة ايه الي هيحصل

في مقوله لامير المؤمنين علي ابن ابي طالب رضي الله (الفقر في الوطن غربة والغنى في الغربة وطن)

اظن بعد هذا الكلام كل واحد يفهم ايه الصح

23 سنة...ربنا يعطيك الصحة. :wub:

[ناوية ع الهجرة]

اخي الكريم اعانك الله على ما انت فيه ولكن لي رأي انا لم أقدم لى الهجرة بعد وما زلت ابحث الموضوع ولكن انا اعيش في الكويت والغربة هي الغربة في كل مكان نعم نعمل بشهادتنا وفي بلد مسلمة لكننا بالرغم من ذلك نعاني الم الغربة الذي تتحدث عنه ولا نشعر برمضان مثلما شعرنا به في صغرنا في مصر والعيد وفرحته ولمة الأهل والأقارب و و و................

لكن عندما اذهب للأجازة كل عام اجد ان العالم الجميل الذي كنا نعيشه زمان في مصر لم يعد له وجود

الناس مثل التور في الساقية ( عفوا)

لا يشعروا بلذة الحياة في مصر من كثرة الهموم والضغوط والرواتب والتعليم والغلاء والعلاقات الاجتماعية لم تعد مثل زمان كل الناس مشغولة في حالها وفي الدروس الخصوصية وغيرها

واذا قلت لهم انك تعاني من الغربة وجدت من يعرض عليك أن يذهب مكانك

هناك من اقدم على الذهاب الى مصر وعدم العودة لكن تجده قد عاد بعد فترة يشتكي من انه في مصر قد يحصل على مبلغ معقول يكفيه لحية معقولة لكنه لا يرى أولاده طوال اليوم

نحن نحاول الهجرة من أجل ابنائنا لمستقبل أفضل لحياة هادئة مستقرة

ولكل شئ ثمن :wub:

وكما قال اخي الشامي لابد من صلاة الاستخارة قبل أي خطوة والله لن يضيعنا