عاجل أوتوبيس كام بيقف جنب سفارة كندا

[nona alawaal]

بداية أنا من الناس اللى مالهمش لازمة فى المنتدى ولا بيزودوا دخل المنتدى من الإعلانات زى رواد باب كندا, ولكن عنوان الموضوع شدنى ودخلت أقرأ أشوف إيه حكاية الأتوبيس ده.

وبصراحة الكلام عن نشاط باب كندا وأهميته أكتر من أى باب تانى وإن باب كندا ورواده هما اللى هما والباقى مالهمش لازمة كلام مستفز جداً لأى عضو من اللى مالهمش فى موضوع الهجرة, أنا بجد حزين لوجود هذه الأفكار عند البعض, وأنا.....اللهم إنى صائم

اهلا وسهلا استاذ محمد عبد العزيز

منور منتدى الهجرة لكندا

لم نقصد ابدا ان نقلل من شأن اى عضو مشارك فى اى منتدى اخر او اى باب اخر

و احنا مش شيفين نفسنا زيادة عن أحد ابدا

لكن كثير منا بيشارك فى هذا المنتدى (محاورات المصريين ) من اجل منتدى الهجرة لكندى

و ذى ما حضرتك او غيرك ملكش فى الهجرة فيه غيرك ملهوش الا فى الهجرة و لا يدخل النت الا للهجرة

لازم كلنا نحترم بعض ... اعتقد

الموضوع ده اللى عملته الادارة و العنوان اللى شدك ده اللى وضعته الادارة ( الا بالحق هو انت شفت العنوان فين ... هو العنوان مرفوع فى الشريط ... اصل على حد ما فهمت ان حضرتك مش من رواد باب كندا )

احنا هنا ضيوف على الادارة و حق الضيف على المضيف اكرامه ... حتى لو الضيف غلط نستحمله و نوجهه باللين لا بالشدة ( مع ان الغلط كان مترتب على غلط قائم بالفعل من المضيف)

اسفة بشدة لما يحدث

و كل عام و الجميع بخير

[gadolly]

ممكن ننزل م الاتوبيس الفخ دة اللى عملة سكوربيون؟

أرجوكم كفاية

ولنغلق باب الكلام فية

هههه

اسكوروبين اسمي علي مسمي و ركبنا الاتوبيس و نزل منه هو

[محمد عبدالعزيز]

يا دكتور حسام أنا مفيش حاجة تخصنى فى الموضوع أصلاً إلا الكلام بسخرية واستهزاء عن باقى الأعضاء اللى مش بيشاركوا فى باب كندا, وأعتقد على الأقل يعنى من حقى أعبر عن استيائى من الكلام والأسلوب, ولا بلمع فى الإدارة ولا حد من الإدارة طلب منى أشارك, هى دى كل الحكاية... وأنا نازل المحطة دى عشان أستعد للفطار.

[gadolly]

بداية أنا من الناس اللى مالهمش لازمة فى المنتدى ولا بيزودوا دخل المنتدى من الإعلانات زى رواد باب كندا, ولكن عنوان الموضوع شدنى ودخلت أقرأ أشوف إيه حكاية الأتوبيس ده.

وبصراحة الكلام عن نشاط باب كندا وأهميته أكتر من أى باب تانى وإن باب كندا ورواده هما اللى هما والباقى مالهمش لازمة كلام مستفز جداً لأى عضو من اللى مالهمش فى موضوع الهجرة, أنا بجد حزين لوجود هذه الأفكار عند البعض, وأنا.....اللهم إنى صائم

اهلا وسهلا استاذ محمد عبد العزيز

منور منتدى الهجرة لكندا

لم نقصد ابدا ان نقلل من شأن اى عضو مشارك فى اى منتدى اخر او اى باب اخر

و احنا مش شيفين نفسنا زيادة عن أحد ابدا

لكن كثير منا بيشارك فى هذا المنتدى (محاورات المصريين ) من اجل منتدى الهجرة لكندى

و ذى ما حضرتك او غيرك ملكش فى الهجرة فيه غيرك ملهوش الا فى الهجرة و لا يدخل النت الا للهجرة

لازم كلنا نحترم بعض ... اعتقد

الموضوع ده اللى عملته الادارة و العنوان اللى شدك ده اللى وضعته الادارة ( الا بالحق هو انت شفت العنوان فين ... هو العنوان مرفوع فى الشريط ... اصل على حد ما فهمت ان حضرتك مش من رواد باب كندا )

احنا هنا ضيوف على الادارة و حق الضيف على المضيف اكرامه ... حتى لو الضيف غلط نستحمله و نوجهه باللين لا بالشدة ( مع ان الغلط كان مترتب على غلط قائم بالفعل من المضيف)

اسفة بشدة لما يحدث

و كل عام و الجميع بخير

الموضوع ده اللى عملته الادارة و العنوان اللى شدك ده اللى وضعته الادارة ( الا بالحق هو انت شفت العنوان فين ... هو العنوان مرفوع فى الشريط ... اصل على حد ما فهمت ان حضرتك مش من رواد باب كندا )

بقيت بخاف من ذكاءك يا نونا, استرها علينا يا رب

[حسام يوسف]

دى أخر كلمة لية فى الاتوبيس

ياريت يا جماعة نتكلم فى باقى مواضيع كندا

كنداااااااااااااا

كنداااااااااااااا

أوة

أوة

السلام عليكم

[gadolly]

يا دكتور حسام أنا مفيش حاجة تخصنى فى الموضوع أصلاً إلا الكلام بسخرية واستهزاء عن باقى الأعضاء اللى مش بيشاركوا فى باب كندا, وأعتقد على الأقل يعنى من حقى أعبر عن استيائى من الكلام والأسلوب, ولا بلمع فى الإدارة ولا حد من الإدارة طلب منى أشارك, هى دى كل الحكاية... وأنا نازل المحطة دى عشان أستعد للفطار.

والله ممكن تبقي فرصة سعيدة انك دخلت هنا و تلاقي نفسك في كندا بعد كام سنة و تبقي معرفة خير ان شاء الله, الحق المحطة يا باشا , الساعة عندنا لسة 12 الظهر, بلاش نضيعك معانا

[محمد عبدالعزيز]

أنا كنت نازل المحطة دى لقيت مدام نونا بتنادى

أيوه يا مدام نونا

فى حاجة اسمها المشاركات الجديدة كل مابدخل المحاورات بفتحها عشان أشوف إيه الجديد, أنا آسف والله مش هعمل كده تانى.

وبجد أنا نازل قبل ماحد تانى يشكك فى إن فى حاجة اسمها المشاركات الجديدة

ده تعديل للمشاركة بعد ماقرأت تعليق تانى ينطوى على تشكيك فى طريقة دخولى للموضوع وإن الإدارة هى اللى باعتانى عشان أكتب.

أنا وضحت أنا شفت الموضوع إزاى عن طريق المشاركات الجديدة, وأعتقد ده يكفى للرد على التشكيك ويكفى أيضاً للدلالة على مستوى ذكاء البعض.

معلش أنا آسف إنى أفسدت عليكم الأتوبيس بتاعكم وإن شاء الله مش راكبه تانى حتى لو استمريتم فى سبى والتشكيك فى إنى مزقوق من الإدارة.

تم تعديل 27 سبتمبر 2008 بواسطة محمد عبدالعزيز

[ايهاب سالم]

أنا مع الاداره في ملاحظتها إن بعض رواد منتدى كندا لا يبذلون الجهد الكافي للبحث عما يطلبون من معلومات قبل وضع أسئلتهم و أتفق معها أيضا أن هناك موضوعات كتير هايفه و إن الباب أصبح هرجله

لكن برضه أنا أتفق مع وجهة نظر الكثيرين بأن هناك الكثير من الموضوعات الهايفه الأخرى بتتمخطر في شريط المواضيع

و رغم أنني لا اتفق مع ما طرحه الفاضل / جادوللي في مشاركته التي أثارت حفيظة الفاضل عصام شوقي .. إلا أنني أعتقد أن تعليقه التالي جانبه فيه التوفيق

وأكثر الأوصاف تأدبا لهذا الكلام .. انه كلام فارغ

و إذا كنتم تؤكدون مرارا و تكرارا أنكم أعضاء مثلكم مثل الجميع

و إذا كان الفاضل / عصام شوقي من حقه كعضو أن يصف كلام عضو مثله بهذا الوصف فأنا أعتقد أنه من حقي كعضو أن أصف مشاركات الأفاضل سكوربيون و محمد و سخريتهم في هذا الموضوع من زملائهم الأعضاء بأنها

قلة ذوق

هكذا بنفس البنط و اللون ...

معلش إحنا أعضاء بنتكلم مع بعض

تم تعديل 27 سبتمبر 2008 بواسطة ايهاب سالم

[حسام يوسف]

انا مكنتش عايز اتكلم تانى

لكن مافيش فايدة

بصوا

كنادوة اة

انما محدش يا جماعة يزعل أخويا محمد عبدالعزيز

وأهى طلعت منك أوت يا مدام نونا

وصدقنى يا باشمهندس محمد

واللة احنا لا بنسخر من حد ولا حاجة

دة احنا شوية غلابة عايزين يطفشوا

حقك علية انا

صوما مقبولا

وافطارا شهيا

هنا راديو كندا

[wagdi]

طب أنا عندي اقتراح...

ممكن نخلي باب شئون الهجرة ده منفصل عن باقي المنتدى... يعني الموضوعات فيه ما تظهرش... إلى عايزها لازم يروح للباب نفسه... يعني لما الواحد يدخل المنتدى على المشاركات الجديدة متظهرش موضوعات كندا... إلى بقى مش عايز من المنتدى ده أصلاً غير كندا ممكن يبقى يعمل bookmark لباب كندا يفتح عليه ويشوف مين سأل إيه ومين رد إيه...

لأن بصراحة شديدة الموضوع فعلاً بقى خايب أوي... وحتى الموضوعات تلاقيها أربع خمس صفحات معظمها بالتوفيق ومشكور ومبروك وربنا يسهل...

وعلى ما أظن إن موضوع هادي كان الغرض منه إنه يكون بنك معلومات نختزن فيه خبرات ونصائح ومعلومات تفيد إلى خلاص جاي على كندا... لكن إلى بيحصل هو إن واحد تلاقيه داخل طاسس مؤهلاته ويقولك ها بقى فرصتى كام... ولا واحد يطش عشرين موضوع عن كندا وجمال كندا وعظيمة يا كندا وحندخل كندا الإسلام وكندا إن شاء الله وكندا بإذن الله وهو أصلاً لسة فااااضله سنة و يقدم على الهجرة...يعني لسه قدامه خمس سنين بالميت وياعالم...

الأخوة إلى بيقولوا طب ما باقي المواضيع تافهة أقولكوا ليه... قبل كل حاجة لو فيه موضوع بيتكلم عن برص أو عن ماتش فده بيبقى موضوع واحد... مش خمستاشر موضوع كل يوم بيتكلموا عن الأبراص... ناهيك على إن في هذا المنتدى كم من المواضيع الرائعة إلى إبتدت بسؤال خفيف أو قفشة وأنتهي بمعلومات دسمة وإستفادة حقيقية...

أما بالنسبة لنوعية المواضيع فأولاًَ الناس الحلوة إلى كانت بتكتب مابقتش بتكتب لأن ببساطة ماحدش حيوجع دماغه ويكتب موضوع أو مشاركة علشان بعد ساعتين تدفن تحت عشرين موضوع كندي... أنا من الناس-وأنا لا أدعي إني كثير المواضيع أو المشاركات، بس على الأقل كنت بأدخل كل يوم أشوف المشاركات الجديدة الاقي تنويعة من مواضيع سياسية وإقتصادية وإجتماعية وفنيه... وناس كاتبة شعر...وناس كاتبة كوميدي... وناس كاتبة على روحها...ولما كنت بلاقى إني عايز اقول حاجة أو أقدر اضيف حاجة كنت بشارك... دلوقتى بقيت أسمع إن فيه حريقة في مصر أفتح ألقي مواضيع عن كندا...طب الدويقة...برضه كندا... طب فساد طب رخاء طب أي حاجة... برضه كندا... أقولك... ما بقتش أدخل أصلاً وبقيت أروح منتديات تانية... لأني لو عايز كندا فالمواقع الرسمية للحكومة الكندية فيها تقريباً كل حاجة ممكن الواحد يسأل فيها ولو سؤال زانقك ممكن تبعت ميل وبيردوا عليك... والموضوع ما بياخدش دقايق بحث على النت...ولو عايز تجربة حياتية مثلاً ففيه على فكرة منتديات إنجليزي وفرنساوي على النت فيها كلام ومعلومات وخبرات عن كندا أكتر وأحسن وأدق مليون مرة من كل إلى أتكتب هنا... بس أنا مش عايز كندا... أنا عايز مصر... المصريين... طب ما هو موضوع كل ما تريد معرفته عن كندا بتاع هادي الله يمسه بالخير كان من اكثر لمواضيع زيارة ومشاركة وكان على طول موجود وعمره ما اندفن... بس كان موضوع واحد... أو اتنين أو تلاتة... لأن المصريين المفروض حياتهم وبالتالي حوارتهم مش بس كندا...

وبالنسبة للأخوة إلي بيقولوا اصل الناس مش عارفة ومش قادرة وبتتنشق على معلومة وإلى أخر هذا الكلام...

طب يعني أنا بس مش قادر أفهم... فيه في الدنيا بني أدم عاقل حيبني مستقبله على منتدى...دي تبقى مصيبة...

يعني أنا مش متأكد عن حاجة في الإجراءات مثلاً... بدل ما أتح الموقع الرسمي للجهة أو أكلم السفارة وأخد المعلومة من المصدر الموثوق لأ أفتح موضوع واي واحد حيفتي بأي حاجة حاروح أعملها...

طب القرار مصيري... طب ماهو الجواز برضه قرار مصيري... ليه بقى كل واحد مايحطش قبل ما يتجوز موصفاته وموصفات عروسته وصورهم وتفاصيل حياتهم وعلاقتهم ويفتح موضوع ويقول ما نسبة نجاحي... ولا يفتح موضوع ويقول معلش ياخوانا أنا عندي 17 سنة وناوي إن شاء االه لما أتم 25 أتجوز فهل حد عنده معلومات عن أسعار فساتين الزفاف...

معلش أنا طولت عليكم...

إختصار الكلام انا باقترح زي ما قلتلكم يبقى باب الهجرة ده كله contained كدة على جنب... وكده كله يبقى مبسوط... إلى عايز المنتدى كما كان حيستريح...وإلى مش عايز من المنتدى غير كندا برضه حيستريح...

أو أحسن من كل ده وأنضف إن واحد ابن حلال يفتح منتدى خاص بالهجرة لكندا زي ما عصام قال... منتدى متخصص زي منتديات المطبخ مثلاً.. يبقى إلى داخل عارف هوة داخل على إيه...

وكل سنة وأنتم طيبين..

تم تعديل 27 سبتمبر 2008 بواسطة wagdi

[hamdy farag]

بعد غدا سيكون آخر يوم في رمضان و سيبدأ العمل من جديد....وكنت اود ان أركم متفقين علي شئ و لكن...استودعكم الله.

[nona alawaal]

لو الادارة اتشطرت علينا وقفلت مواضيعنا هانقدم طلب هجرة لمنتدى محاورات الكنديين ماهي كلها هجرة برده

ونفتح توبيك اسمه القادمون من مصر

بس المحاورات حتبقي بالفرنساوي, و اهه فرصة تحسن اللغة يا حمودي

انتم هتحسنوا لغة و احنا هنعمل ايه

مكنش العشم يا استاذ احمد جاد جادولى

[gadolly]

لو الادارة اتشطرت علينا وقفلت مواضيعنا هانقدم طلب هجرة لمنتدى محاورات الكنديين ماهي كلها هجرة برده

ونفتح توبيك اسمه القادمون من مصر

بس المحاورات حتبقي بالفرنساوي, و اهه فرصة تحسن اللغة يا حمودي

انتم هتحسنوا لغة و احنا هنعمل ايه

مكنش العشم يا استاذ احمد جاد جادولى

ليه بس يا نونا, نشوفلك منتدي للانجلوفون, بس مكن تحصل مشكلة بارده و بتوع الفرانكو يقولوا عايزين حكم ذاتي

[nona alawaal]

لو الادارة اتشطرت علينا وقفلت مواضيعنا هانقدم طلب هجرة لمنتدى محاورات الكنديين ماهي كلها هجرة برده

ونفتح توبيك اسمه القادمون من مصر

بس المحاورات حتبقي بالفرنساوي, و اهه فرصة تحسن اللغة يا حمودي

انتم هتحسنوا لغة و احنا هنعمل ايه

مكنش العشم يا استاذ احمد جاد جادولى

ليه بس يا نونا, نشوفلك منتدي للانجلوفون, بس مكن تحصل مشكلة بارده و بتوع الفرانكو يقولوا عايزين حكم ذاتي

استاذ جادولى يوجد بالفعل منتدى انجليزى للهجرة

و بعض اعضاء هذا المنتدى( محاورات المصريين ) اعضاء هناك و بنفس الاسم

لحظات و اجيب لك لينكوا

بس ده انجلش

[gadolly]

انا قلت الموضوع ده عشان بتوع الاتوبيس الملغم اللي ركبناه كلنا و الكمسري اتخانق معانا و رحنا في الرجلين

اولا انا مع الادارة ان المواضيع زادت عن الحد و بقت المواضيع المهمة بتدفن, و ان كنت بارده مش عارف ليه المواضيع دي كلها اتحططت في اسبوع واحد لدرجة اني حاسس انها مجموعة جديدة من المشتركين فجأة دخلوا المنتدي و عملوا اللخبطة دي, فبقولهم ياريت نحاول نقرأ الاول قبل ما نسأل

ثانيا: ارجو من الجميع و انا اولهم عدم فتح اي توبك جديد لمدة اسبوعين حتي يتسني للادارة و بمساعدة الاعضاء تنقية التوبكز و اظهار التوبكز المهمة علي السطح مرة اخري, لعلمكم انا تقريبا مليش غير 2 او 3 توبكز و انتم عارفيني اني اكتر واحد بضايق لما الاقي توبك جديد اتفتح الا للشديد اوي

ثالثا: اتمني اي يثبت هذا التوبك و يكون مرجع لنا جميعا لاي اقتراح بلغي توبك او ضمه الي اخر, و يا ليت العنوان يبقي زي ما هو عشان نفتكر الاتوبيس الفخ اللي عمل المشكلة كلها

رابعا: يجب للكل الاعتذار للكل, و انا اول واحد اعتذر للجميع لاي خطأ او كلمة فهمت خطأ, و اتوقع الاعتذار من الجميع لي و اقبل جميع الاعتذارات مع عدا اعتذار واحد فقط, للاسف لن اقبله!

خامسا: بارده عايزين نصيبنا في الاعلانات :D :D :D :P bv:-

[gadolly]

لو الادارة اتشطرت علينا وقفلت مواضيعنا هانقدم طلب هجرة لمنتدى محاورات الكنديين ماهي كلها هجرة برده

ونفتح توبيك اسمه القادمون من مصر

بس المحاورات حتبقي بالفرنساوي, و اهه فرصة تحسن اللغة يا حمودي

انتم هتحسنوا لغة و احنا هنعمل ايه

مكنش العشم يا استاذ احمد جاد جادولى

ليه بس يا نونا, نشوفلك منتدي للانجلوفون, بس مكن تحصل مشكلة بارده و بتوع الفرانكو يقولوا عايزين حكم ذاتي

استاذ جادولى يوجد بالفعل منتدى انجليزى للهجرة

و بعض اعضاء هذا المنتدى( محاورات المصريين ) اعضاء هناك و بنفس الاسم

لحظات و اجيب لك لينكوا

بس ده انجلش

انا عضو في منتديات كتيرة بالانجليزي و الفرنسي, بس المشكلة ان المنتدي ده الوحيد اللي في المصريين كلهم و الحبايب كلها

و بتوع كيبك ملهمش غير ايميجر دوت كوم و هو بالفرنساوي و مفهوش غير واحد مصري بس معايا

[nona alawaal]

http://www.canadavisa.com/canada-immigrati...board/index.php

منتدى الهجرة الانجليزى يا استاذ جادولى

كلامك صح يا استاذ احمد اللى يميز هذا المنتدى ان اللى فيه مصريين و عرب و الدم المصرى ... اللى انتم فى الغربة مفتقدينه

تم تعديل 27 سبتمبر 2008 بواسطة nona alawaal

[nona alawaal]

ايه حكاية الاتوبيسات معاكم

انت فعلا قلب ابيض و كبير يا استاذ احمد جاد جادولى

taheya::: :roseop: :redrose

تم تعديل 27 سبتمبر 2008 بواسطة nona alawaal

[hamoudi]

من فضلكم ياحماعه انا راي ان تتم الغربله على محورين

المحور الاول تتخذف الرسائل الى مالهاش لازمه زي منور ياباشا شرفتنا انت فين مش معنى كده ان احنا نصادر حق الاعضاء فى مجاملة بعض ولكن مثلا

لو فى رساله بالشكل ده يتم خذفهل بعد اسبوع او بمجرد دخول اشهض الموحهه له على المنتدى

دي اولا ثانيا انا شايف انه يتم تقسيم الموضايع بعد غربلتها الى الثمانى مراحل الخاصة بالهجره

1 ) اسيباب الهجرة والدوافع واتخاذ القرار

2) كيبك والا فيدرالي

3) مليء الاستماره وارسالها

4)الانتظار وقايمه بالويتنج حتى يقوم الاعضاء بابلاغ بعضهم

5( المقابله وجو والمقابله وتجربة كل عضو الشخصيه فى المقابله والمحاذير وكيفيى اظهار نقاط قوة الملف

6) انتظار الفيدرالي

7)الكشف الطبي

8) اللاندنج وتجربة كل شخص فيه

ثالثا يتم فتح موضوع عن الحياة فى كندا عموما ومزاياها والمحاذير والسلبيات والايجابيات واقتراحات الاعضاء ذوي الخبره للقادمين الجدد بكيفية تلاي السلبيات

رابعا مواضيع متنوعه (ولكن هادفه)و

خامسا عملية التنقية والغربله ليست بالسهله واليسيره فمثلا ماهو مهم عن البعض غير مهم عند البعض الاخر وماهو غير مهم عند البعض مهم عن الاخرين لو رجعنا موضوع للاتوبيس مثلاد

فربما يوجد شهص باع الى وراه والى قدامه لممرد تحقيق حلمه واستف من جاره 500 جنيه وجاره التانى 1000 وعمال يحط قرش على قرش علشان الهحرة فبالتالي يهمه انه يحاول ضغطط النفقات قطبيعي انه يدور على اتوبيس يروح بيه المقابله لانه حط فلوس الشارع كله واقاربه فى البنك علشان الضمان المالي ويسال ( ده على سبيل المثال)وبالتالي لابد ان نقوم بمساعدته اىا كان تقييمنا للموقف

فبرده الغربله لازم تتم على اسس ومعايير دقيقه وللعلم موضوع الغربله ده مش سهل ممكن ياخد شهور

ولكن نتاجه ثمره طيبه لمريدي الهجرة وربما يكون سبب لوجود جاليه مصريه محترمه فى كندا

[حسام يوسف]

أنا معاك يا دكتور جادولى فى الموضوع الجديد

أهو على الأقل اتوبيسنا

ومعاك فى أول 3 نقاطومش معاك فى الرابعة

والخامسة دى هزار فسيبنا منها

ممكن يا جماعة نختار واحد مننا يبقى مسؤول قدام الادارة عن النظام فى باب كندا

ويبقى مسؤول قدامنا عن حرية رواد باب كندا

ومنع حد من التجاوز فى حقهم

ممكن؟