((((( بعض ))))) المهندسين و الدكاترة

[حسام يوسف]

الاخت جالاكسي

بهدوء اعصابك و ادبك و حكمتك و كلامك الموزون المنمق

كتبتي ما يريد الكل سماعه و وصلتي المعلومة احسن من اي حد فينا

شكرا لك و للاخت جويريه و لجميع من شارك في الموضوع (انا مش عايز اقول توبيك لان احسن وصف ليه انه اكتوبيك)

و يارب كلمة اكتوبيك دي ما توجعش بطن دكتور حسام

والله يا دكتور انت لخصت فأوجزت

اكتوبيك فعلا

وأنا بقترح نقل الموضوع لباب ابتسامات

لأنى مش شايف مشكلة من أعضاء المنتدى

أطباء او صيادلة أو مهندسين

المشكلة فى قريبة أخت جويرية

الله يسامحها بقى

[Alrefaey]

كنت ناوى اكتب تعقيب بس لما قرأت تعقيب دكتورة جلاكسى وجدته يعبر احسن تعبير عما كنت سوف اقوله تحياتى لكى ول د حسام ولكل الاعضاء المحترمين

[جويرية]

انا اسال ماهو الهدف من مناقشة هذا الموضوع وماذا سيعود علينا من ماقشته انى ارى انه نوع من العبث واضاعة الوقت للاسباب الاتيه:

الهدف مش موضوع الألقاب ، اللي اشار للموضوع ده الدكتور حسام و أنا ادرجته في الموضوع و ان كان انا شخصيا ميهمنيش في شئ

الهدف من الموضوع ان بعض المهندسين و الأطباء متكبرين و ده برده ماكنش يعنيني في شئ ، لغاية ما في واحدة قريبتي لازم اتعامل معاها ، فانا بصراحة مستاءة من طريقتها في التعامل ، فبس ده اللي خلاني اكتب الموضوع

اولا: كونك تفتحى موضوع كهذا وتجين فى نفسك غضض من اصرار الاطباء على الاحتفاظ بالقابهم فانما هو من من ضغينه ونوع من العقده.

أولا الحمد لله لا احمل في نفسي اي بغض أو حقد علي احد ، بالعكس الناس اللي أساءوا اليا مش بكرههم

و ثانيا انا دخلت أدبي عشان لا كنت عايزة ادخل طب و لا هندسة ، برغم الحمد لله كنت متفوقة دايما و كنت دايما باتنافس علي المراكز الأولي في الترتيب

ثالثا : االقاب ايه اللي تشغلني بعد اصابتي بالغضروف لما اقدر أمشي الأول ابقي ادور علي ألقاب

[جويرية]

الاخت جالاكسي

بهدوء اعصابك و ادبك و حكمتك و كلامك الموزون المنمق

كتبتي ما يريد الكل سماعه و وصلتي المعلومة احسن من اي حد فينا

شكرا لك و للاخت جويريه و لجميع من شارك في الموضوع (انا مش عايز اقول توبيك لان احسن وصف ليه انه اكتوبيك)

و يارب كلمة اكتوبيك دي ما توجعش بطن دكتور حسام

ايه ده يا دكتور عمر مش انت قلت أنا متواضع و خلاص بتوقع بأسم عمورة :blink:

[حسام يوسف]

الاخت جالاكسي

بهدوء اعصابك و ادبك و حكمتك و كلامك الموزون المنمق

كتبتي ما يريد الكل سماعه و وصلتي المعلومة احسن من اي حد فينا

شكرا لك و للاخت جويريه و لجميع من شارك في الموضوع (انا مش عايز اقول توبيك لان احسن وصف ليه انه اكتوبيك)

و يارب كلمة اكتوبيك دي ما توجعش بطن دكتور حسام

ايه ده يا دكتور عمر مش انت قلت أنا متواضع و خلاص بتوقع بأسم عمورة :lol:

يعنى يا أخت جويرية طلعتى انتى براءة

وانا السبب فى الموضوع

اوك

انا اسف

يا أخت جويرية

احنا مش هنسأل يوم القيامة ع الوقت اللى عشناة

وضيعناة فى اية

اية رأيك نقفل بقى الموضوع

ونستغل وقتنا فى حاجات مفيدة؟

وقعتى فى حملة شيلوا ألغامكم؟

ادى فرصة عمل خير

وسعى فى درء الضرر عن المسلمين أهى جاتلك لحد عندك

اية رأيك ؟

[قائد المدفعيه الهولنديه]

يعني معقول مهندسة عندها 22 سنة لسة خريجة يتقالها يا باشمهندسة و الأداري اللي ليه 30 سنة بيشتغل في الشغل ده يتقاله يا أستاذ

اول مره اعرف ان كلمه استاذ بقت شتيمه او مقدارها قليل ده الكبير فى الجامعه بيقولوا عليه استاذ دكتور ... بصراحه رد غريب

[قائد المدفعيه الهولنديه]

صحيح و المهندسين كمان يزعلوا يقولوا حتي سواق الميكروباص بقي بيقلولوه يا باشمهندس

بالعكس دى حاجه تبسط جدا كل المهندسين لان كلمه مهندس اصبحت اسلوب تعظيم لانك مش بتقولها لحد الا لما تكون عايز تكرمه زى السواق مثلا بتقوله على جنب يا بشمهندس و انت فى وشك ابتسامه و هو كمان بيكون مبسوط مش علشان الكلمه ...علشان الاسلوب

[جويرية]

ها يا جماعة :lol: :lol:

انتهيتوا على إيه ؟

أعمل إيه فى أى حد ما يقوليش يا باشمهندس ؟ .. أضربه ؟ .. ما اردش عليه ؟ .. أبص له من فوق لتحت ومن تحت لفوق ؟ أعيط ؟ .. أصرخ ؟ أموِّت نفسى ؟ .. أروح على قبر والدى واقول له يا خسارة فلوسك اللى دفعتها فى تعليمى ؟ .. ولاَّ أفضل عادى زى ما انا ؟ ..

طيب أعمل إيه فى اللى يقول لى ياباشمهندس ... آخده بالحضن ؟ .. أعزمه على حاجة ساقعة ؟ أقول له : تُشكر يا أمير يابن الأصول ؟ أروح أوزن نفسى أشوف زدت قد إيه ؟ ولاَّ أضربه بالنار علشان جويرية ترتاح ؟

:lol: :lol:

أقول لكم ؟؟؟

أحسن حاجة أقفل الجهاز وأقعد افكر فى المصيبة السودة دى :lol:

أستاذنا الفاضل ابو محمد

انا عرفت ان حضرتك مهندس بالصدفة في اثناء قراءتي لأحدي المشاركات لحضرتك و كمان قريت ان احد زملائك كان وزير سابق ، و حضرتك مش بتشير تماما لوظيفتك أو لدرجتك العلمية

ودي كانت الأجيال اللي سبقتنا في منتهي التواضع و أحترام الأخرين

[جويرية]

العمليه مرتبطه بالمناخ الاجتماعي .............. زمان ايام الصحابه الناس كانوا بيقولوا يا عمر ..... يا ابا بكر

ده كان عادي ساعتها

بس دلوقتي الموضوع مختلف

مقدرش اقول لواحد كبير _ حتي لو كان اقل مني تعليميا _ باسمه

عادات و تقاليد يعني

واذا لم تختلف العادات و التقاليد مع الدين ...... فالافضل ان اتبعها حتي لا احدث اضطراب في النظام الاجتماعي

دي مش دعوة أن احنا ننزع الألقاب عن الناس

بالعكس انا طول الموضوع بخاطب الأخوة المشاركين بألقابهم

هو بس كلام عن الجائز و الغير جائز في الألقاب ، و الكلام ده اللي مفروض يتولي تطبيقه المسئولين عن تنظيم العلاقات الأجتماعية بين الناس

[جويرية]

الالقاب ليست دكتور ولا مهندس فقط

استاذ لقب المفروض انه للمدرس ولكن لكل واحد انت لاتعرف الكثير عن مهنته وتقدم له الاحترام بكلمة استاذ

معلم واسطى (طبعا غير كلمة باش التى تضاف على الكثير من المهن لتزيد الحترمها)

با أستاذة /جورية افضل

ولا اقولك يا جورية هانم

ولا احسن اقولك انسة جوريةو لا مدام جورية

ولا يا جورية

بذمتك انه احسن

هنا في المنتدي مش مهم الألقاب ، أحنا مجرد معرفات لأفكار بتتحاور

[جويرية]

ها يا جماعة :lol: :lol:

انتهيتوا على إيه ؟

أعمل إيه فى أى حد ما يقوليش يا باشمهندس ؟ .. أضربه ؟ .. ما اردش عليه ؟ .. أبص له من فوق لتحت ومن تحت لفوق ؟ أعيط ؟ .. أصرخ ؟ أموِّت نفسى ؟ .. أروح على قبر والدى واقول له يا خسارة فلوسك اللى دفعتها فى تعليمى ؟ .. ولاَّ أفضل عادى زى ما انا ؟ ..

طيب أعمل إيه فى اللى يقول لى ياباشمهندس ... آخده بالحضن ؟ .. أعزمه على حاجة ساقعة ؟ أقول له : تُشكر يا أمير يابن الأصول ؟ أروح أوزن نفسى أشوف زدت قد إيه ؟ ولاَّ أضربه بالنار علشان جويرية ترتاح ؟

:lol: :lol:

أقول لكم ؟؟؟

أحسن حاجة أقفل الجهاز وأقعد افكر فى المصيبة السودة دى :lol:

الفاضل أبومحمد

هدى نفسك بس

احنا مفتقدين الأخت جويرية من فترة

وهية من حقها تعبر عن رأيها

بس اية حكاية ان دكتور يعنى كاهن اليهود دى؟

والله العظيم بطنى وجعتنى م الضوحك

حرام عليكى يا أخت جويرية

الامضاء (دكتور)حسام

ايه ده يعني أنقل الموضوع لقسم دعوة للأبتسام

عموما حضرتك ممكن تتأكد من صحة المعلومة دي

[جويرية]

قانونا فأن عضو نقابة المهندسين ( و ليس خريج كلية الهندسة) يسبق أسمه لقب مهندس

و هناك ألقاب أخرى مثل طبيب .صيدلي.محامي.محاسب

و كلها تعني أن صاحب اللقب منضم لنقابة تمنح هذا اللقب لأعضائها و يحذر على الغير قانونا أنتحال هذه الصفة

الهدف هو تنظيم المهن المختلفة قانونا ضمانا أن يقوم المهني المناسب للعمل المناسب

فلا يصح مثلا أن يصمم أو ينفذ أي شخص بناء عقار مثلا فهذا تخصص المهندس

و لا يمكن أن يقوم شخص ما بالكشف على المرضى أو وصف الدواء ألا أذا كان طبيبا

و لا يتصور أن يتقدم خريج تجارة للدفاع عن متهم في قضية

يعني موضوع الألقاب هو تنظيم للمهن و ليس للوجاهة الأجتماعية أو الفخر

و مهنيا أو في مجال العمل لا يصح ألا المناداة و تأكيد الألقاب و ألا فأن الأمور ستنقلب رأسا على عقب

أما مثلا ما بين الأصدقاء أو الأهل ....فلا يصح أن يتمسك صاحب اللقب بذلك..... يبقى محدث ...ههههه

يعني أنت مهندس في موقعك أو مصنعك طبيب في عيادتك أو مستشفاك صيدلي في مستشفاك محامي في النيابة أو المحكمة

و لكن هل ترى أنه يجب أن تنادي الزوجة زوجها الطبيب بهذا اللقب

أو بين الأخوة و الأصدقاء و الأهل .....لو حدث فأنا أفسرها بتفسيرات لا أحب أن أذكرها

طيب ما هيا النقابات حتدي افضل الألقاب لخريجيها عشان رئيس النقابة برده مهندس او دكتور

يعني واحد زي عمر خالد قريب خد الدكتوراة و رغم النجاح المدوي اللي حققه كان بيتكتب جنب أسمه كلمة أستاذ ،

انا بدعو صراحة إلي ألغاء أي ألقاب تدل علي المهنة

عشان مش هما المهندسين و الدكاترة بس بيشتغلوا و بقية المهن عاطلين من غير شغل

لا أكيد انك موش فاهمه معنى قانون تنظيم المهن و منها مثلا قانون نقابة المهندسين

كل أللي في دماغك هو الوجاهه او عقد الفاشلين

مهندس ببساطة هو لقب مهني بحت يعطى "قانونا" و ضعي تحت قانونا مائة خط لعضو نقابة المهندسين

و هو مثلا الشخص الوحيد القادر على وضع تصميم هندسي لمشروع ما تحت تخصصه

و هو الوحيد ألذي يوقع على مسئوليته بسلامة التصميمات و تنفيذها

و القانون يشترط وجوده بل و يعاقبه جنائيا عن أي مسئولية او ضرر ينتج بسبب أهماله

يعني بإختصار تكليف و مسئولية .....مين يقدر عليها ؟؟؟ الا اللي فاهمها

يبقى أيه دخل العاطلين أو الفاشلين بوجود ألقاب مهنية

يعني لو لغينا الألقاب زي ما أنت عاوزه

العاطلين عن العمل هيشتغلوا أطباء و مهندسين ...!!!!!!!

..................

في المواقع ينادي المهندس على الأسطى بلقبه قبل الأسم و على المعلم بلقبه قبل الأسم ...و الجميع ينادي على المهندس بلقبه

و لولا ذلك النظام لفسد العمل

مش بقصد أسم الوظيفة مهندس او محامي او محاسب

اللي اقصده اللقب اللي الناس بتخاطب بيه الشخص صاحب الوظيفة

و بالنسبة لموضوع الوجاهة أو عقد الفاشلين

فانا قريت تعليق لأحدي الأخوات هيا طبيبة كانت بتقول ( احنا الأطباء مرتباتنا قليلة و كل اللي خدته من الوظيفة العربية و كلمة دكتورة )

عن نفسي و الله لا يهمني لقب و لا يهمني الشغل أصلا

كل قصدي من الموضوع

أن من حق كل الخريجين يبقي عندهم لقب مناسب لدرجتهم العلمية أسوة بالأطباء و المهندسين

أو الأفضل ألغاء الألقاب

يعني لو عندنا واحد زي بيل جيتس مثلا هنا حنقولوه أيه نقولوه يا أستاذ

[جويرية]

مداخلة الاقتباس محذوفة

و عليكم السلام و رحمة الله و بركاته

كل عام و أنتم بخير

بالنسبة للرجل مفروض هوه مش يدي كنية لنفسه ، يعني مش يقول أنا ابو فلان لكن المتحدث معه هوه اللي يقولوه يا ابو فلان ، اما بالنسبة للمرأة فالأفضل ان هيا تقول ام فلان أفضل من أسمها

الكلام ده عام لكن مينطبقش حرفيا علي معرفات المنتديات

أما عن المعرفات اللي فيها الدرجة العلمية ، أظن مش كل اللي بيكتب حرف الميم او الدال بيميز نفسه عن الناس ، فيه ناس اتعودت ان هيا تكتب اسمها بالشكل ده

بشكر حضرتك عشان أخيرا لقيت حد متفق معايا في رأيي

[جويرية]

يعني معقول مهندسة عندها 22 سنة لسة خريجة يتقالها يا باشمهندسة و الأداري اللي ليه 30 سنة بيشتغل في الشغل ده يتقاله يا أستاذ

اول مره اعرف ان كلمه استاذ بقت شتيمه او مقدارها قليل ده الكبير فى الجامعه بيقولوا عليه استاذ دكتور ... بصراحه رد غريب

كلمة أستاذ لفظ يدل علي الأحترام لكن لا يدل علي الدرجة العلمية

[Digital]

(1) اديني ترجمة بشمهندس في اي لغة تانية !!!!! يعني اديني مقابل الكلمة دي في اي لغة زي الانجليزي مثلا او الفرنساوي او الالماني او الايطالي

Chief Engineers

Ingénieur en chef

Direttore di macchina

Ingeniero Jefe

وبالعربى " كبير مهندسين "

وزمان كانوا يطلقون على الدكتور ، خاصة لو كان كبير السن والمقام " باش حكيم "

وبعدين ياجماعة فى ناس ماعندهمش اى درجات علمية ، وبيزعلوا لو نادهم الآخرين باسمائهم مجردة

تلاقى ابو فلان وام فلان ، الحاج فلان والحاجة ام فلان ، وعمك فلان حتى لو لم يكن عم ، وخالك فلان ( فى الشرق ) وهو ليس بخال بل مجرد احترام وتوقير.

يبدو ان حضرتك مفهمتش انا عاوز اقول ايه

ان الموضوع ده مش شاغل بال الناس في الغرب زينا

بدليل ان محدش فيهم بينادي التاني ببشمهندس

لكن بينادوا بعضهم بلقب دكتور اظن في اغلب الاحيان

و الحكاية كلها عادات و تعود مش اكتر

اللي كنت بحاول اوضحه برضه ان الموضوع ده عندهم مش mandatory أوي زينا

بالعكس هما شايفين ان التكريم العلمي اهم شيء

و لذلك تلاقيهم فخورين جدا جدا بتكريم الجامعات و المنظمات الحكومية و المدنية ليهم

يعني من الاخر بيفخروا بانجازاتهم في الحياة العملية

لكن يمكن احنا شوية عندنا حتة ياعم خلص و حتبقي دكتور 7 سنين تفوت و لا حد يموت

طيب و ماذا بعد؟

ايه طموحك بعد كده

بل في بعض الاحيان الطالب بيجتهد عشان يدخل كلية طب

و بعديها تلاقيه فشل فيها و بقي يعيد و يشيل مواد

لانه ريح خلاص

ماهو حتي لو قعد في الكلية 10 سنين حيتخرج و الناس تقوله (يا دكتور)

اتمني تكون فهمتني

و برضه انا لا احبذ للناس اللي تعبت و سهرت ترك القابها و احترام الناس واجب لانه من يحترم الناس يحترم نفسه

لو واحد معرفوش بقوله يا دكتور فلان او بشمهندس فلان حتي لو قريبي والله

والله العظيم ابن خالي دكتور صيدلي بقوله دكتور محمود (قدام الناس)

وهوا بيقولي يا بشمهندس احمد (برضه قدام الناس)

امي ابويا اخويا بينادوني بشمهندس قدام الناس

اتفرج علينا جوا البيت :)

فيه بعض الناس بتقولي يا استاذ لاني مش كلية هندسة او حاسبات و رغم اني عملي في صميم هندسة البرمجيات و معايا شهادات تقنية عالمية الحمد لله و دبلومة برمجة من جامعة محترمة (جامعة حكومية مصرية للمشككين )

و خبرة في شركات كبيرة

لا بمسك في خناق حد و لا بقوله لا انا بشمهندس لسبب بسيط انا مش مهندس انا مبرمج and that's it

متاخدش الدنيا عاي صدرك كده يا عم و روق

كلنا حنندفن تحت التراب

المهندس و الدكتور و الشحات

في يوم يرفع الله فيه نسبه و يحط فيه انساب الناس و سوف يقول تعالي في حديث قدسي "اليوم ارفع نسبي"

اللي هما الاتقياء و الصالحين

اللي ممكن يكون الفكهاني الغلبان اللي جنب بيتكم بيروح يصلي الوقت بوقته

اللي ممكن يكون الفراش الغلبان الل بيقدملك القهوة و انت بتستعجله و هوا بيصلي و انت قاعد بتخلص شغلك و الادان و الصلاة و لا علي بالك اصلا

مالكم كيف تحكمون

الموضوع مش مستاهل و الله يا جماعة

فكروا في اخرتكم شوية و القابكم اللي ربنا حيناديكم بيها و انتم حفاة عراة

شوف ربنا حيناديك صديق و لا كذاب حيناديك مؤمن و لا فاسق حيناديك منافق و لا صادق

و كل سنة و انت طيبين

[ايهاب سالم]

بصراحه أنا شايف إن الجنازه حاره و الموضوع ....................

انا مش شايف أي أهميه لموضوع الألقاب

الإنسان بعلمه و عمله و أخلاقه مش لقبه

إمضاء

بمنتهى التواضع

باشمهندس / إيهاب سالم

من خريجي كليات القمه ..

تقدير إمتياز

تم تعديل 27 سبتمبر 2008 بواسطة ايهاب سالم

[قائد المدفعيه الهولنديه]

بصراحه أنا شايف إن الجنازه حاره و الموضوع .........

إمضاء

باشمهندس / إيهاب سالم

بشمهندس اعتقد ان حضرتك تقصد ان الموضوع مش مستاهل كل الجدال ده لكن اعتقد ايضا انك اسأت التعبير فى اختيارك للمثل

تقبل تحياتى..

[قائد المدفعيه الهولنديه]

كلمة أستاذ لفظ يدل علي الأحترام لكن لا يدل علي الدرجة العلمية

بما ان اللفظ يدل على الاحترام يبقى كده وصلنا .... عموما الاخوه السوريين بينادو بعض بغض النظر عن المهنه بكلمه استاذ فى الاول استغربت لكن بعد كده لقيت كلامهم منتهى الاحترام و التقدير و على فكره المكانه العلميه اللى حضرتك تقصديها فى الشغل ليس اكثر لكن مش فى الحياه بوجه عام , لان اللى بيحترمك بره شغلك يبقى اكيد بيحترمك لشخصك و ليس منصبك او درجتك العلميه حتى لو لم تربطتك بيه سابق معرفه بمجرد انه يقول لو سمحت يا استاذ يبقى اكيد كده ده اسلوب احترام و تقدير.... و شكرا

[عمرعمرعمر]

بصراحه أنا شايف إن الجنازه حاره و الموضوع ....................

إمضاء

بمنتهى التواضع

باشمهندس / إيهاب سالم

من خريجي كليات القمه ..

تقدير إمتياز

و الله العظيم شربات

تم تعديل 28 سبتمبر 2008 بواسطة عمرعمرعمر

[جويرية]

اختي جالاكسي

يعني عندك مثلا مثال واحد موظف عندنا .............شغلته انه يمضينا في الدفاتر..............كان بيدرس في الجامعه المفتوحه..............ربنا اكرمه ونجح واخد بكارليوس تجاره.............من يومها محدش عارف يكلمه وهارينا شطب علي اسامينا ومقالب عند المدير وبقي باشا من يوم ما اخد المؤهل العالي..............مع انه قبل كدا كان تعامله غير كدا تماما ......كنا نقوله يا عم كذا.............دلوقتي لو ما قولتيش يا استاذ كذا يبقي يوم مش فايت ........وكان متفهم ظروف الجميع..........انا اتفاجأت بيه وبطريقه تعامله بطريقه اقل ما يقال عنها انهاagressiveجدا جدا لما رجعت من الاجازة معنا ومع كل زمايلنا.....وعمل بسبب كدا مشاكل كتير.............وبقي متغير حتي علي زمايله لان كلهم مؤهلات متوسطه وهو مؤهل عالي...... مع انهم قبل المؤهل العالي كانوا سمن علي عسل وتمام.

كمان مشكلة المؤهلات المتوسطة مشكلة تانية

هما برده بيدرسوا 12 سنة تعليم أو 14 سنة

ومع ذلك نوع الوظايف اللي بتبقي ليهم اقل من مؤهلهم و يعني الوظايف اللي بيشتغلوها ممكن يشتغلها واحد يا دوب معاه أبتدائية

وكمان فيه تمييز للمؤهلات الجامعية عنهم و ده بيخلق عداء دائم بينهم و بين اصحاب المؤهلات العليا

يعني يا جويريه العبره في الشخص مش في المركز..........والفكره دي مش موجوده في مهندس ودكتور .......لأ موجوده في كتير جدا بس لو دورتي هتلاقي ناس كتير كدا........ولحد دلوقتي والله لما بسلم علي جيرانا حتي وانا خارجه ويقولوا اهلا يا دكتورة بحط وشي في الارض من الكسوف لانهم زي والدي ووالدتي وانا مش كبيره عليهم..............

لأ بس ممكن شخص يكون كويس بس الظروف اللي حواليه تخلق منه أنسان متكبر

طيب أنتي بتقوللي انك بتحرجي من لما جيرانك يقولولك يا دكتورة ، يبقي ده أعتراف أن اللقب ده فيه مدح زيادة ، وده بيأكد أن الألقاب مفروض ميبقاش فيها مدح أو تزكية للي بيعطي اللقب

[

مين قال ان اللقب فيه تزكيه او مدح زايد .............ليه يا جويريه بتفسري الكلام وبتحمليه اكتر من معناه :blink: .......احنا قلنا كتير وانتي مقتنعه بوجهه نظرك فقط وحتي مش بتحاولي تقتنعي بوجهه نظرنا وبتفسريها لصالحك برضه :lol: ..........اللقب يا جويريه مسوليه قبل مدح ولو مدح مش عيب طالما الواحد الحمد لله يستاهله........وبعدين الموضوع قتل بحثا من الكل والحمدلله يعني اي كلام زياده مضيعه وقت بصراحه مش اكتر ونقاش غير بناء مش هيوصل لحاجه ..... :lol:

عن نفسي في عملي انا بأعتز بلقبي جدا وبأجتهد افضل دايما قده بعملي وشخصيتي ومجهودي زي ما قلت ......لكن اللقب عندي مش لقب طربي يعني مش بيطربني ومعرفش اعيش من غير ما اسمعه :happy: ............مش عقده نفسيه يعني :lol: ........

دا مسئوليه مش بيعرفها الا اللي بيشتغل شغلي.............عشان كدا بشوف اني استحقه في مجال عملي جدا :old: ..............والحمدلله الناس بتناديني بيه في شغلي لان دا المفروض ودا تخصصي وانا مسئوله فيه ...............زي ما انا برضه بنادي الناس باحترم تخصصهم ومسئوليتهم عن هذا التخصص اللي انا معرفش فيه ولا افهم فيه شيئ.............

كدا اعتقد ان كلامي واضح.............لقبي انا قده الحمدلله واستحقه في عملي وبشغلي ومجهودي وشخصيتي في عملي والحمدلله..............الي جانب ان اللي مش في مؤهلي ما يقدرش علي مسئوليه عملي وبالتالي لا يستحق لقبي في عملي.............

وبرضه في شغلي مش بسمح لحد انه يشيل التكليف معايا في الكلام .......لاننا في مجال شغل مش اجتماعيات ولاني مش بشيل التكليف مع حد في تعاملات العمل .......لان برضه الغير بيفهم بطريقه خطا امور نزع الكلفه وهي المفروض لا تتم الا بين الناس في التعامل الودي الاجتماعي فقط لا غير لمنع الخلط واللبس...ولو حد شال التكليف برد برسميه يفهم اني مش بشيل التكليف وان العلقات لا تتعدي مجال الرسميات والعمل

لكن في علاقاتي الاجتماعيه مش معقول صديقتي او جارتي تقولي يا دكتورة لانه الامور ابسط والتعامل ودي مش رسمي................

كمان والدي ووالدتي عمري ما اكبر عليهم لو قالوا لي يا بت هقول نعم وحاضر لاني بنتهم مش في شغلي ودكتورة وبتاع....... ............وجيراني برضه انا متربيه وسطهم يعني زي اهلي ودي العلاقات اجتماعيه هما في منزله الوالدين برضه سنا مقاما.

احراجي بيكون لانهم سنهم اكبر ومقامهم عالي وبتكسف من كلامهم لانهم مربيني....اهلي يعني....ومحدش كبير علي اهله ......لكن كبيره والحمدلله في شغلي بتخصصي وبالتالي استاهل لقبي.............انا عماله اعيد وازيد يا جويريه ويارب الفكره توصل ...... :lol: .

واعتقد يا جويريه ان الفكره بقت واضحه جدا وقتلت والحمد لله بحثا في التوبيك بس الكلام عمال يتحور وخلاص..............اللي عايز يتكبر بيتكبر علي اقرب الناس ليه زي

قريبتك مثلا ............... wst::

وايه المشكله ان اقول لموظف بقاله تلاتين سنه يا استاذ .............هو لفظه استاذ تقليل من الشأن مثلا.........الدكتور الجامعي بيقولولوا يا استاذ .......دا احترام لمركزه وسنه لانه استاذ في مجاله...................

خلي مثلا المهندس في سواقته دا زي ما بتقولي علي السائق مثلا يرسم رسم هندسي او يبرمج لنا برنامج كدا...........ولو غلط هيقولك انا اصلي مش مهندس يعني ولا دكتور.................التخصص دا يا جويريه مفيهوش مكابره .................حاملي المؤهلات المتوسطه اللي بيقفوا في صيدليات خليهم مثلا يركبوا دوا او يقوم بمراقبه جوده لمنتج دوائي او يمسك خط انتاج في شركه او بحث علمي او غيره من التخصصات التقيله لكل مجال .... يعني مش مجرد صرف دوا.........

والانسا ن الطبيعي اللي عارف ان اللقب دا مسئوليه عليه قبل المدح والكلام الللي انت بتقوليه دا والاطراء وكدا............هو الللي بيكون اللقب ويستاهله وبيعمل بيه ومش بيفرق معاه لان من غيره او بيه هو محترم ومالي مركزه في تخصصه سواء مهندس او دكتور......دي الخلاصه وكل واحد ورأيه واسلوبه .......تحياتي جويريه

أكيد اللقب فيه مدح لأن كدة بنادي الشخص بدرجته العلمية في حين الطرف الأخر مش بيلقب بدرجته العلمية

وغير كدة ان متفقة معاكي في كل كلامك

بدليل اني كاتبة عنوان الموضوع بعض المهندسين و الدكاترة و حاطة كلمة بعض بين عشر اقواس